المشاركة الأصلية كتبت بواسطة الغربه مره (المشاركة 2601759)

موهبه شلونك و شلون لندن معاك


1. لو لا قدر الله زوجته الاولى تبي ترجع له وقالت انها راح تتعدل وتصير سنعة

شنو التصرف الصحيح اللي اسويه؟

الي الله كاتبه بيصير و كل واحد ياخذ نصيبه


2. اذا قررت انها تاخذ البنات؟ طبعا زوجي واهله مو عاجبتهم تربية زوجته ولا اهلها عشان جذي ماخذين البنات؟

اختي زوجك وزوجته ( الاولى) اقارب

3. اذا صادف اني شفتها شلون اتصرف؟

همممممممم اذا شفتيها ما اعرف احس انه الكل يطالع فيكم و يشوفو ردات فعلكم
مثل ما قالت شيهانه سلمي عليها
انت وزجك اقارب من اي درجه
شكلها الزوجه الاولى تقرب لك كمان
4. شلون اخلي زوجي يتقرب لي اكثر بهالفترة؟
الصبح علريوق سويه البلاليط بلدهن و البيض وقيمر و عسل و كاهي
اطبخي له المجبوس بانواعه و التشريبه و القبوط و المرقوق
ومربين والربيان و انواع الاكلات الخاصه فيه و اهم شي مجبوس الزبيدي
و الحلويات بنت الشيخ و القرص العقيلي و بيض القطا
و اخيرا القهوه
وشوفيه ما يعود يشوف غيرك ابد،،، جد الرجال اهم شي عندهم بطنهم خاصه مع الاكلات الشعبيه

5. شلون اكسب بناته؟


بناته عاد الصراحه الكويتيات فيهم دلع دلعيهم بزياده وهمه يحبوك اهتمي فيهم همه البنات يهتمو ويعجبهم يشوفو انه في احد مهتم فيهم
اشتري لهم اكسسوارات و كم لبسه من بريطانيا يكشخون فيها
مشطي شعورهم و حنيهم نقشات بايدهم و على رجلهم و اعملي جدول لكم كل يوم بمكان
مع زوجك و البنات لانهم توهم صغار

بس كسروا خاطري البنات محرومات من امهم