المشاركة الأصلية كتبت بواسطة لاتظلمونه (المشاركة 2598975)

المشاركة الأصلية كتبت بواسطة بنت الحكمي (المشاركة 2598981)

هلا أختي الكريمه لاتظلمونه أنا ياأختي قلت إن هو يتحمل معاها نسبة أخطائها وخيانتها وبالنسبه لشويه الصوره ما أظن يا أختي إن كلامي فيه تشويه لسمعتها أزود عن الحقائق إللي حصلها زوجها بالاب توب عندها
وأنا يشهد الله عليه من سبع سموات إني أقصد الصلح بمشاركتي وما قصدي أشوه سمعتها ولاكن حز في نفسي كيف بنت ترضى لنفسها تكلم وتتعرف على شاب لايحل لها شرعا وهاذا الشاب يجاريها بالمكالمات والرسائل ضارب بتعاليم ديننا الحنيف عرض الحائط ونسي إنه كما تدين تدان وإن القصاص بكره من أهل بيته وفي النهايه لو حصل وتزوجها تبقى حياتهم شك وكلها مشاكل بمشاكل وأي زواج يتم فيه التعارف مسبقا بطريقه ملتويه مصيره الفشل والضياع للأسره والبنت هاذي ماتعرفت على زوجها وبس إلا عرفت قبله كثير وإذا كانت تهتم في نجاح حياتها ومستقبلها كان طوت الماضي بحذافيره وإنتبهت على زوجها وبيتها إذا كان ترسل رساله حب لشخص في ثاني يوم زواجها هاذا وش نسميه توها عروس ومازالت تحتفظ بذكرى ماضيها وتحن له وتحلف
على المصحف كذب يعني خشيت من زوجها وما خشيت ربها إللي خلقها وأنطقها ورفع قدرهامن بين المخلوقات وطيب ليش ماتخلصت من كل الرسائل والصور إللي عندها إذا كان فعلا حياتها تهمها ومن تما أنا حزنت على الطفل إللي في بطنها كيف بتكون حياته إذا تفرقوا الأب والام أختي الغاليه لاتظلمونه أنا أتقبل كلامك على عيني وراسي من فوق وإذا كان كلامي بلحظة إنفعال وغضب أساء أو ضايق أ ي عضو بالمنتدى فأنا أعتذر عنه فأنا والله وبالله وتالله إني لا أقصد سوى الإصلاح ونادرا ما أنصح بالطلاق ولو تتابعي ردودي زين رايحه تلاقين كلامي صح وإللي ما أرضاه لنفسي ما أرضاه لغيري يا أختي الغاليه وجزاك الله خير . أختك أم سلطان

المشاركة الأصلية كتبت بواسطة لاتظلمونه (المشاركة 2598984)

المشاركة الأصلية كتبت بواسطة بنت الحكمي (المشاركة 2598962)

وبعد ذلك إعطيها جوال وشريحه وقول لها إذا جائتك رساله أو مكالمه من أي شخص
ماتعرفينه أو تعرضتي لمضايقه من أي إرسال أو إتصال أعطيني رقمه وأنا أتصرف وسوي لها إختبار إرسل لها رساله غراميه أوكلمها من رقم مجهول وشوف هل هيه سهل إستدراجها أم لا إذا علمتك وأعطتك الرقم وقالت لك هاذا مزعجني فثق بأن زوجتك إبتدت
تفيق وتصحى من إللي كانت فيه وأنت إعطيها الأمان قول لها لو حصل لك مضايقه من أي شخص كان أنتي علميني لاتخافين من ردة فعلي ماراح أضايقك بس أنتي أعطيني إسمه ورقمه وأنا أتصرف معاه
طبعا إذا أرسلت على جوالها أو كلمتها بصوت مختلف وماعرفت نبرة صوتك ولا قالت لك أي شئ لا عن رساله ولا مكالمه بإمكانك أنت تسألها بعد فتره يومين أو ثلاثة أيام قول لها كيف الجوال مافيه أحد قد أزعجك عليه وشوف ردها إن نفت وقالت لا ماعليه أي إزعاج إعرف بأن زوجتك باقي براسها موال وأنت حاول تكرر هاذا الإختبار مرتين بشكل متفاوت إذا شفت ردها هو نفسه فالأفضل لك أن تتخلص منها لأنها مثل هاؤلائي النساء لايوجد
فيهم خير وإبنك إللي في أحشائها ربك أرحم به منك ومنها وكل إنسان ياخذ قسمته ونصيبه في هاذي الحياة أنت حاول قدر المستطاع في إصلاحها لاكن إذا مانفع معها
فإعرف إن العضو المريض إللي بالجسم إذا مافاد معاه العلاج يجب بتره حتى لايتضرر باقي الأعضاء في الجسم من مرضه وعفنه وماعندك غير إنك
تطلقها وتدور لك عن بنت الحلال إللي تعفك وتصونك مع عدم الإساءه لطليقتك فهي مازالت أم لإبنك فاالله الله بسترها وعدم فضح عيوبها قدام الناس لأنه مايجوز تفضحهاأنت إسعى بقدر المستطاع إن تعدلت كان وبها وإن ما تعدلت فتركها أحسن لك
وربنا يرزقك باللي فيها خير وصلاح ومثل ماقلت لك خل الطلاق آخر حل من الحلول ونسأل الله لك التوفيق والسداد ولزوجتك الهداية والصلاح بإذن الله تعالى.


وأخيرا نداء إلى إخواني وأخواتي الأعضاء الكرام إللي منكم يعرف رابط لموضوع شخص هنا في هاذا القسم كان معرفه با أبو بس ما أدري أبو من بصراحه نسيته معرفه بس كان موضعه عن زوجته يقول إنها كانت تخونه خيانه الظاهر مكالمات ومسنجر وبعد ماواجها بخيانتها تابت لوجه الله وتركت الخيانه وتغيرت صارت تصوم النهار وتقوم اليل ومسجله في حلقات تحفيظ القرآن الكريم وكمان صارت مصممه للوحات في المعرض الخيري لحلقة التحفيظ ورفضت عاد تستخدم الجوال ولا اللاب توب وأعطت جوالها زوجها وقالت له لو بغيت أتصل على أي أحد أتصل من جوالك ورفضت إقتناء الجوال نهائيا وسبحان الله تبدل حالها من حال إلى حال فنرجوا من منكم يعرف عنوان الموضوع فيحط رابطه لأخينا هنا يمكن يستفيد من الردود إللي فيه جزا كم الله ألف خير .

المشاركة الأصلية كتبت بواسطة اميرة الرومنسيه (المشاركة 2599023)

ابو لسع الله يهنيهم ويوفقهم

http://www.66n.com/forums/showthread.php?t=220964

ماشاءالله ياام سلطان كفيتي ووفيتي خصوصا في ردي المقتبس من ردك

يبدو لي والله اعلم انها تغيرت يكفي انك انت لاحظت تغيرها اعطها فرصه اخيره اقلها عشان ابنك اللي جاي

الله يكون بعونك ويهدي زوجتك ويصلحها ويكتب لك الخير

المشاركة الأصلية كتبت بواسطة بنت الحكمي (المشاركة 2599050)

أميرة الرومنسيه قولي آمين أسأل الله أن يحرم وجهك عن النار وأسأل الله أن يوفقك دنيا وآخره وأسأل الله أن يرفع قدرك ويعلي مراتبك فوق الأرض ويوم العرض ورحم الله والدينك وجزاهم الله خير الجزاء اللهم آمين وأشكرك شكر جزيلا على وضع رابط موضوع أخونا أبولسع وزوجته وأنا والله دعيت لك من كل قلبي لما شفتك حطيتي الرابط لأنه كان يهمني أن يقراه صاحب الموضوع و يطلع عليه علشان يعرف بأن مازال هناك أمل في إصلاح زوجته وإن زوجته ليست أول إمرأه تخون زوجها ولا آخر وحده ولا يلتفت لأقوال البعض إللي يصورون خيانة المرأه إنها جريمه عظيمه وخيانتها أعظم من خيانة الرجل
هاذا كلام كله لو الواحد إللي يقول ويتبجح لوكانت زوجتي كذا كان فعلت بها كذا وسويت كذا طيب بالله لو هي أمك وإلا أختك وإلا بنتك بتقول كذا كلنا نعرف إن العار نار والشرف غالي لاكن إذا كانت بنت صغيره وغرر بها من بعض ضعاف النفوس في ظل غياب النصح والإنتباه والرعاية والإهتمام من أهلها ولجأت لهاذا الطريق بسبب جهلها وضعف دينها وعدم إهتمام أهلها وصديقات السؤ البنت تحتاج للعاطفه من أهلها إذا لم تجدها في أسرتها بحثت عنها عند صديقاتها وصديقاتها إذا كانوا سيئات ومتأثرين بما يرونه في الأفلام والمسلسلات أ كيد بتكون أخلاقهم سيئه ونواياهم خبيثه والبنت تضيع بهاذا الطريق والحمدالله إن الوضع وقف على إتصالات ورسائل وكم من إنسان وإنسانه ماضيهم أسود ولاكن وجدوا من إنتشلهم من هاذا الماضي ووقف معاهم وأرشدهم لطريق الصواب والآن حياتهم صفحات ناصعة البياض ومن أحسن الناس خلقا وديناوأتمنى من الأخ أن يكون هو السبب في توبة زوجته وصلاحها ويكسب أجرها ويحتويها بحبه وحنانه وعطفه ويتفاهم معاها بهدوء عن ما بداخلها وماتخفيه في نفسها حتى يقدر يساعدها ويخرجها من الظلام إلى النور أقل شئ علشان الطفل إللي في بطنها
ويستعين بالله ويجتهد في إصلاحها ونسأل الله أن يوفقه ويصلحها له .

المشاركة الأصلية كتبت بواسطة 3z00z (المشاركة 2598734)

في هالفتره هي ندمت وتابت وقطعت كل شي لاب توب وجوال وبدت تهتم وتتغير لكن بعد ايش انا مات احساسي تجاهها وكرهتها
.
.
.
وأدور على إنسانه تعزّني وتشرفني وترفع راسي إنسانه أفتخر فيها أحس بالأمان معها أحس اني متزوج ما أفكر بالحرام أنسانه تصونني وتحفظ كرامتي وهذا من أبسط حقوقي