|
اقتباس:
وزوجتك غلطانه.. الغلط على عاتقكم اثنينكم اقتباس:
هذا واحد من الأشياء اللي خلوني " انفر " من زوجي السابق... اللي هو طليقي حالياً وواحد من أسباب الطلاق وصرت ماني طايقته.. أي كلمه يقول لي أمي وأختي وجدتي وعمتي باقي يقول لي جارتي ماعندي أغلى منها!! يبااا انت الرجال... لازم تكون عندك كلمتك الخاصة فيك!!! اشدعوه! أوكي ماقلنا شي أمك غالية وغالية وايد عسى ربي يحفظها لك .. بس هذي حياتك مو حياة أمك!!! أنت قررها وحدد مصيرك فيها!!!! اقتباس:
مافكرت في حبها لك ؟؟ وحبك لها؟ يعني عادي بكل سهولة تقدر تبدلها بوحده ثانية! أوكي ماناقصك شي... بس مو كل مرة بتلقى وحده تحبك... ولا تنفرها منك وتكرهها فيك بهالحجي.. اقتباس:
ماعليك منها لا تلتفت لها.. خلك بمشكلتك انت وزوجتك فقط.. انتوا اثنينكم غلطانين.. صلح غلطك ... وخل زوجتك تصحح غلطها.. ولا أمك ولا أمها لهم دخل بالموضوع طلع الكل من مشاكلك! اقتباس:
اقتباس:
الحمدلله إن ماعندي أخو مثل أخوها..! اشفيهم الناس هالايام!!! اقتباس:
لمست شي من زوجتك فيني، وحاسه فيها لأني مريت بنفس الأمر.. مع بعض الاختلاف،، ونفرت من زوجي لأنه كان سلبي بالضبط مثلك.. كون أفضل من جذي أخوي... صدقني انت اللي بعدين بتندم لو زين طليقي هني مشترك .. جان علمك شكثر ندم إنه دخل أهله وأهلي.. بالرغم إنه ماندم على أشياء ثانية بس بعد خير من ولا شي... وألحين هو لحد اليوم الفجر يتصل يبي يردني بس آنه رفضته وباظل أرفضه بسبب أشياء وايده ... وواحد من الأسباب سلبيته وإنه يدخل أهله ويسمع من الكل ويبيعني في حالة وجود أي مشكلة!!.. سؤال .. إنت جم عمرك؟ زوجتك جم عمرها؟ |
المسألة صارت تحدي بين أمك وأمها وأهلك وأهلها, مافكروا فيكم ولافكروا يسعون للصلح , أن حصل الطلاق ماراح يندم إلا أنت وزوجتك , وأخو زوجتك وزوجته يبون يزوجونك موحبا فيك إلا نكااية في عمتك , يعني رراح تكون أن الضحية وأنت ماتدري ولوكان حبا فيك ويبون الخير حاول أخوها يقنع أمه وأخته بالصلح لكن هو ملمع صورته قدامك والله أعلم بالحقيقة , ياعمري على زوجتك هي متحسرة وأنت جالس تفكر تطلقها أو تتزوج بثانية وأخوها يسعى في تخريب بيتها ,,أقول تعوذ من الشيطان وصالح زوجتك , وأمك بتزعل لكن أقنعها وترضى وحسن معاملة زوجتك لها في المستقبل رااح أن شاء الله تخليها تحبها, وأرجع واقول أبتعد عن تأثير اهلك عليك , أصلح نفسك وأستقل برأيك ومن ثم عزز ثقة زوجتك في نفسها وفيك.
الله يصلح حالكم وحالنا معكم . |
أنا خلاص بنجن .. انا وزوجتي وربي اكيد 100 % بنكون ضحايا .. وقريبه النهايه
بشوف نهاية الموضوع وبرد لكم .. والله اني في مصيبه انا وهي .. |
يالله اهلك حاشرينك وامك تقول لاترجعها
صراحه زوج ينشد الظهر فيه ؟!!!!!1 الله يعين زوجتك الحين اشوف انك لو تطلقها افضل لها هي لانك والمشكله صغييييييييييييييره تفلت على امها وتأثرت بكلام امك واهلك حاشرينك بكره لو يصير اكبر وش تسوي يحق لها تكرهك انت انسان ماله امان قرارك بيد غيرك ومالك كلمه حتى بحياتك وزوجتك |
تدري اخوي..
لو واحد صلح نفس الحركه مع امي الله يرحمها لا اعتبره شي منتهي ولا يمكن ارجع له قرار نهائي لو اعتذر سنة كامله |
خواتي دمعة مفارق وذكريات لا تغيب معاهم حق مية بالمية.. والله لو يتفل بوجه أمي ... اووووريه نجوم القايلة اجرجره بالمحاكم بتهمة سب وقذف بعد.. وبعدين اذا يقدر خل يطلع رروحه من هالقضية.. وثانياً ... انت محسس زوجتك بعدم الأمان لأن مصيركم في إيد أمك وأمها وانت بين يدين أمك! وهي بنت لا حول ولا قوة لها! ليش ماتحلون مشاكلكم بينكم... اثنينكم غلطانين على فكرة بس غلطك أكبر!!!!! |
شفت لو انا مكانها وانت مزعلني
وموديني لاهلي وتتفل بووجه امي ووقسسم بالله اكرههك عيشتك |
سبحااااااااان الله..
ألحين هي تسمع كلام أمها وإنت ماتسمع كلام أمك؟؟!!! يا أخي اللي سويته والله مو شي سهل.. إنت قلت لأهلك باللي سويته فأمها؟؟.. واسمح لي إذا أهلك دروا إنك تفلت في وجه أمها وكانت هذي ردت فعلهم..اسمح لي والله حتى أهلك مافيهم خير ولا عقل.. المفروض أهلك يوجهونك للصواب..وبعدين بنات الناس مو لعبة تزوج وتطلق وترد تزوج.. والله ما تدري لو طلقتها و تزوجت غيرها بتلقى منها اللي مايرضيك.. بصراحة باين إنك صغير بسنك الله يهديك وهي بعد مثلك.. نصيحة روح اعتذر من أم زوجتك وزوجتك وأعطيهم فرصة لاتخاذ القرار.. وترى أخو زوجتك مافيه خير..لأن دوره الاصلاح مو زيادة المشكلة.. بعدين أظنه شفقان على أخت زوجته اللي ماتزوجت للحين وشايل همها أكثر من أخته الله لا يبلانا>>>صدق أول مره أعصب فالمنتدى بهالطريقة.. بس والله ماقد مر علي بكثرة مشاكل الحياة مشكلة أحس إن ما فيها شخص واحد عاقل وحكيم..>> مع احترامي لك والله يغفر لي إن كان في كلامي شي مايرضيه.. استغفرك ربي وأتوب إليك.. |
يا ربي
معقوله فيه احد يسوي كذا والله والله والله لو زوجي لا قدر الله سوى كذا لأمي ما افكر ارجع له حتى لو كنت اموت فيه واكيد بكرهه وبكرهه وبكرهه لحد ما يراضي امي ينسى موضوعي انا وياه ويراضي امي ويسوي لها عزيمه كبيره ويوضح سبب العزيمه للمعازيم ويعتذر قدام الكل لأمي ويبوس راسها ويجيب لها هديه ثمينه واذا رضت امي افكر ارجع ولا لا الله لا يحطني بهالموقف |
اقتباس:
بصراحة امورك ممتعه نوعاً ما يقولون شر البلية ما يضحك اقتباس:
انا بصراحه ضحكة كثيراً من موقف اخيها ^^ شوف الزمن اللي احنا عايشين فيه زمن اغبر و محد يقدر يعيش الا اذا كان حنك وانت ايش دراك يمكن كل اللي صار من تحت راس زوجة اخوها زوجتك يتيمة وامها ارملة و الثنتين ذول صدقني مساكين وزوجة اخوها شافت انك خوش رجال وتبي تلصق فيك اختها (( اخي انصحك بالأبتعاد عن اختها)) لقد وقعت في شرك النساء من قبل مع امك و زوجتك وامها ... فلا تقع في شركهن مجدداً ... والناس اللي يدخلون بذي الطريقة لبيت اهل الزوج .. ناس ينخاف منهم لأنهم يعرفون كيف يثيرون الفتن زييين ويمكن مستقبلاً بتوقعك مع امك ... وغرضها الأساسي هو هدم بيت اخت زوجها وانت تعاونها على الموضوع ... زوجتك يتيمة (فأما اليتيم فلا تقهر) ما اقول غير يا رب احرق ذيك الشيطانه اللي تتعرض لبيت البنت وتبي تهده ... مافي رجال يسعى بدنيا انه يخرب بيت اخته بيده .. صدقني ما يسعى لزواج اخوات زوجته الا رجال حرمته لاعبه بعقله زيييييييييييييييييييييييين... لأنها هي اللي تبحث لخواتها الزوج مو الرجال لكن انت ممكن تستغل كل ما يحدث و اخوها بهذي الحركة اعطاك بطاقه رابحه تقلب عليهم لعبتهم كلها.. اهم شي ابتعد عنهم لأنهم وجع راس وان فكرة ان تتزوج للمرة الثانية خلي امك تخطب لك مش هم ليش .. -لأنها اكيد ما بتظلمك وحتدور لوحده بجمال وخفة زوجتك ويمكن احلى -واهم نقطة انو لو امك اشتكت من الثانية حتكون لك حجة قويه انها هي التي اختارت فليس لك ذنب بالأمر وتريح راسك اعتقد لسى تحب زوجتك واهي تحبك بس اهي اغترت شوي يوم شا فتك تراسلها اطمنت انك ما رح تضيع منها الحين اول واهم حاجه تعتذر لأمها واعتبرها حسبت أمك وخلاص عادي وكل كبير يغلط وحنا الصغار نصبر ونتغاظى لو كان حتى بتلفون... لو رفضت مسامحتك تكون رايتك بيضا وسويت اللي عليك ومنت ملزوم برضاها هالقد... ثاني شي واهم شي الورقة الرابحه بيدك في مثل يقول لاجيت رايح كثر الفضايح انا مع هذا المثل من ناحيه اخرى انك بهذه الطريقه تكشف مكنونات الأمور التي قد تسببت في فشلك مسبقاً وتحد من نصرها بشكل عام... فأقلب ورقتك الأخيرة ارسل رساله للبنت و اكتب فيها ( ايش رايك بأخت زوجة فلان) واتبعها برسالة ثانيه (كلهم يقولون خوش بنت و اخوكي يمدحها وبيساعدني بالموضوع ) هنا ستنهار تماماً بل ستجعل بيتهم كالغساله .. هنا مو البنت بس تفوق حتى امها وا صبر اعطيهم مهلة شهر اذا لم تفلح الطريقه فنادي الوالده تشيل العباية وتخطب... |
| الساعة الآن 02:09 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©