|
أحب زوجي هلا بك حبيبتي نورتي
والله ياقلبي هداني ساكتة وزي ماقلت لكم برمجت نفسي ع انه مأسافر حتى لو الكلام بينا قليل أعلمه عن تحركاتي وخاضا السفر يعني أقدر اسافر أنا بعد وما أقوله بس أخاف أموت ويكون هو عاضب عني مهما كان هو جنتي وناري أمور زي السفر صعب أخفيها عنه ولو كانت المسافة ?? كيلو |
أعذروني عن الأخطاء الأملائية الجوال يهنق وامتحني
تصبحون ع خير حبايبي غلب علي النوم كل سويعات واضحى ان شاء الله ونكمل اشكر كل من شارك بموضوعي أو تصفحه وتابع اخباري مهما أقول والله لن أوفيكم حقكم أفضالكم علي كثيرة ياوجوه الخير أنا معروف عني القصور وأنتم القلوب الكبيرة وان شاء الله تسامحوني أحبكم الله يخليكم لي يارب في حفظ ربي |
اقتباس:
وتأكدي انه دائماً أحب أرد عليك واعرف أخبارك بس احيانا أكون مشغوله أو ذهني مشوش..فاعذريني نعود لمحور حديثنا الي هو زوجك يعني كلمك قبل اسبوع وبعدها ماصار بينكم كلام...ودق اليوم بيكلمك واعتقد قصده يبلغك بآخر أخباره إلى الآن مو شايفه شي غريب خاصة إن الخواطر مو طيبة مره ..استهدي بالله بس ممكن تعطينه تلميح انك ياليت قلت لي علشان أوصيك على كم دعوة فدعوة المسافر مستجابه.. ومره ثانيه اذا بتروح مشوار طويل كذا بلغني ترى قلبي كان حاس... ومشغول عليك فلا تقلقني وانا ماأدري وش السالفه,,على الأقل استودعك الله>>>كذبه بيضاء:28: اقتباس:
اقتباس:
طيب والهدف .. هو عادة يرسل اي ايميل يجي له ما أدري عن شخصيته.. ربما هو يفكر فيك ولا هو عارف ايش يرسلك.. صابره ممكن تتكلمين إذا ما يضايقك كيف خطبك زوجك الحالي؟ وآسفه إذا تضايقتي لكن انا حابه افهم أكثر هو الي سعى للزواج والا برغبتكم انتم الاثنين.. على أي أساس وافقتي وجيتي والبيت لسى ما جهز..على أي أساس حكمتي على دينه؟ كيف كرمه معاك أيام الخطوبه والزواج؟ أقمتي حفل والا كان كل شئ بسيط؟ ايش كان هدفه من الزواج؟ هل خطب قبلك؟ أما الايميل الثاني عن الاعتذار فالله العالم انه جايه كذا وهو ارسله للجميع يعني مو هو الي كاتبه ولا اعتقد يقصد المعنى حرفياً لكن يوجه مسامحه للجميع. اقتباس:
وانه إن توفى الزوج والزوجة غضبت لأنه لم يبلغها فليس عليه أثم من حقه أن يعرف عنك كل تحركاتك إلا إذا كان من النوع الي يسمح لك بحرية الحركه عند أهلك وارجعي لردي بالأعلى بيني انك خايفه عليه مو زعلانه.. |
الله يبلغك مناكي.. ويجمعك بحبيبك ..
سامحيني والله ما كان قصدي اوجعلك قلبك .. بس يمكن انقهرت عليك.. الله يسعد قلبك .. ويبعتلك الهناء.. |
انا خطيبي يسوي دايما هالشي بحجه انو ماابغاكي تقلقي علي
يقهرني جدا تصرفه وصرت الحين لما اتصل ومايرد اقول اكيد انه مسافر واموت من الرعب الله يهديهم بس انتو طيب كنتو على خلاف قبل مايسافر؟ |
اقتباس:
حبيبتي احنا نتواصل على بيبي مسنجر يعني كل مايبا يكلمني ولا اكلمه نحصل بعض وكلامنا على خفيف زي اخبارك وشلون الاهل ومن ذا الكلام يعني اخر مرة تكلمنا فيها قبل اسبوع وامس قالي جمعة مباركة وباركت له ..سالته صليت .؟ قال قصرت وجمعت وانصدمت بسفره بس سكت بخصوص الايميلات حبيبتي هو يرسل اشياء احيانا بس انا عقدني الطلاق يعني بدل مايرسل شى يطيب الخاطر مرسلي الي طلق زوجته وفرحان والثاني مدري وشفيه هو يا ذكريات الحين يبغى يحتك فيني باي طريقة وانا خايفة من الاحتكاك لا يوصلنا لطريق مسدود مابقى امل الا بطلقة وحدة وبعدين خلاص اخاف يستفزني مرة ثانية ونوصل الي طريق فعلا مسدود قاعدة اهرب من الاحتكاك قلت لا طابت الخواطر نتكلم على روقان ويكون الكلام وجها لوجه هذا اذا يبغى هو يفتح معي ويناقشني واذا مايبغى هذاني ساكتة اليوم تدرين وش قالي !! صار يتكلم عن الظلم ومدري وشو قلت الانسان يكون مظلوم ولا ظالم وقلت اللهم اجعلني مظلومة ولا ظالمة قام قالي انتي ظلمتيني قلت.. لو ظلمتك السموحة منك وابشر بالي يرفع عنك الظلم قلت ما ارضى الظلم حتى لعدوي فما بالك زوجي قالي وش تقصدين بكلامك تبين الطلاق يعني!!!! لاحظي ياذكريات ماعنده حل الا الطلاق قلت له الي متى طيب اذا فكرة الطلاق معششة براسك ترى صعب اشيلها قال ورب المصحف ما ابا اطلقك !!! راسي ياعالم طيب وش تبا؟؟؟؟؟؟؟ الحين وانا قاعدة اكلمك جاتني رسالة منه يقول انه يدخل المنتدى ويشوف ردودي وتستفزه طيب انا وش قلت غير اني ما ابا اكلمه بالوقت الحالي؟ |
اقتباس:
صابرة ارجعي اقرأي ردودك في هذا الموضوع والي قبل كم مره كررتي كلمة الطلاق.. أتمنى في البداية تردين على اسئلتي بردي السابق وبالنسبة لموضوع الطلاق فأنا بهذي الأمور يا أبيض يا أسود ما ينفع أنتي وهو تتكلمون فيه كأنه شيء عادي تتكلمون فيه بكل حوار بينكم انتظر إجاباتك ولي تعليق إن راد الله |
اقتباس:
اقدر لك قهرك علي ربي يخليك لي يارب بالعكس كلامك مافيه اي شى ويسعدك حبيبة قلبي ويسهل امرك يارب |
اقتباس:
الله يسعدك يارب ايوا حبيبتي الجو بيني وبينه مكهرب |
اقتباس:
خطبني عن طريق ناس يعرفونا ويعرفونهم هو الي سعى للزواج والا برغبتكم انتم الاثنين.. طبعا انا كنت ابي اتزوج وهو كذالك كان يبحث بس هو الي سعى اكيد في البداية على أي أساس وافقتي وجيتي والبيت لسى ما جهز..على أي أساس حكمتي على دينه؟[/B] طبعا الناس الي يعرفونهم قالو انهم عائلة متدينة وهذا ما لاحظتها في امه وخواته وكلهم الحمد الله وكنا نتكلم ايام الخطوبة جوال يسال عني واكثر شى على المسنجر وخليته يمر بمطبات بس نجح فيها يعني حاولت ادخل عليه بكذا ايميل حركات ماقدرت هو جهز لي بيت باول الجزواج يعني مو جهاز كامل بس ماعجبني البيت وقلت مابي اسكن فيه وتركناه أقمتي حفل والا كان كل شئ بسيط؟ كان حفل عائلي وكنت حريصة على بس المقربين من اهلي الي يعرفون كنت خايفة لا اطلق ويعرفون الناس بزواجي الثاني ويقلون تطلقت رغم انه مالي ذنب بطلاقي الاول بس الاول كذب علي بشى صعب اسامحه عليه عقمه واصلا ليش الوحدة تتزوج مو عشان تجيب عيال تزوجنا بسرعة البرق وكل شى تم بسرعة بس ماقدرت احبه في البداية تعبت تعبت وكنت ابكي وبعدين قررت الانفصال قلت له الظاهر ماراح نفهم بعض لاني حسيته بعيد عن شخصيتي وافكارنا متباعدة قالي اسويلك تحليل دم اول شى اشوف حامل ولا لا كنت ادعي الله من قلبي اني ماكون حامل وفعلا طلعت النتائج بدون حمل وقلت له لا تزعل مني وربي يعوضك وماحبيت اقوله اني ماقدرت احبه بس كان من الصعب علي اعيش معه وانا ماكنت اتقبله خفت اظلمه وكنت اتهرب من الجماع لدرجة جسلنا شهر مالمسني المهم هو دق على اهلي وقالهم بنتكم تبي طلاق وانا ابغاها بس هي ماتبيني دقت علي امي تلوم وتعتب علي قالت عيب وحرام عليك المهم انا قررت الانفصال قلت احسن من اني اظلمه جلست ابكي واقيم الليل قلت يارب انت تعلم ان قلبي مو بيدي يارب اللف بين قلبي وقلبه او اجعل فراقي عليه بردا وسلاما ..كنت احسه يحبني كثير وتعلق فيني سبحان الله يا ذكريات الفجر دقيت عليه وقلت له تعال عندي انا خايفة لوحدي نزلت دمعته وقدرت ايش معنى دمعة رجل وكبر بعيني قلت وش ابغى من هالدنيا زوج يحبني ويموت فيني ونزلت دمعته عشاني انفتح قلبي له بالتدريج وصررررررررررررت بالاخير اموت فيه كيف كرمه معاك أيام الخطوبه والزواج؟ كان يلبي لي كل طلباتي وماكان نقصر ويطلعني ويفسحني ان شاء الله اقوله روح الربع الخالي يقولي ابشري الحقيقة كنت رغم انه ماكان حب في البداية بس كنت مستمتعة معه بالطلعات ايش كان هدفه من الزواج؟ مدري سالته قال ابغى اجيب اولاد كثير وزوجته الاولى وفت وكفت ويحتاج ...مدري هل خطب قبلك؟ نعم خطب وحدة ويقول تركها عشان انفتاحية وتكشف وجهها على حسب كلامه هو ويقول لمن يرروح لهم البيت تجلسه مع بنات خالته وعلى هذا السبب انفسخت الخطوبة والله اعلم |
| الساعة الآن 02:47 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©