|
سامحيني حبيبتي ... رجعت قرات موضوعك و ردودي اللي مالها دخل بشي
مادري ايش صار لي شكلي كنت نايمة و انا اكتب او اتي لخبطت بينك و بين عضوة اخرى مشكلتها قريب منك بس كانت تعرفه قبل ... ابني الله يحفظه طير اللي باقي من عقلي :) غاليتي .. كلام طليقته قد يكون على سبيل الغيظ و الحسد و قد يكون صدق فا لازم تتاكدوا تمااام من اخلاقه و من دينه ثاني شي قلت في ناس من اهلك حذروك .ز بخصوص ايش ؟؟؟ قد تكون فعلا اخلاقه تمام بس فيه صفات مثلا صعب حد يستحملها فا لا تغضي الطرف .. ثالثا .. ذكرتي انه طلق زوجته بعد فترة بسيطة لانه ما حبها .. بالله هذا سبب؟؟؟ يعني ما صبر عليها و لا اعطاها فرصة و لا حتى اعطى نفسه فرصة ان يشوف خيرها من شرها .. لو كان قال سبب الطلاق .. ماحصل نصيب و الله كان احسن \\ لكن يقول ما حبيتها ؟؟؟ طيب و ايش ضمنك انه يحبك بعد الزواج ؟؟ طيب لوو ما حبك راح يطلقك .؟؟ اسمحيلي هذه النقطة استفزتني كثيييير ... اخيرا .. لما ذكرتي المماطلة فكرتك تتكلمي عن اسبوع او اسبوعين .. لكن 5 اشهر ؟؟؟ ليش؟ لو عنده ظروف .. ممكن يربط كلام مع ابوك و يفهمه .. مش يسيب الناس معلقين 5 اشهر كاملة غاليتي .. اسالوا عنه كويس و فصفصي ... لا ترمي نفسك فقط عشان تحملي لقب متزوجة فالمهم هو من تتزوجي لا ان تتزوجي فقط ... ماراح اعلق على مشاعر التوتر و القلق .. لانها طبيعي بتجيك من خلال تصرفاته ... يمكن لو كنتو ملكتو على طول و جلستي معاه و اتفاهمتي معاه راح تطمني .. لان مشاعر القلق تصيب كل فتاة لكن بمجرد انها تقعد مع خطيبها و تسمع منه وعود بحياة مستقرة و سعيدة تطمن لكن في ظل ظروفك هذه ... اكيد بيضل القلق مرافقك .. الله يعينيك حبيبتي ..رأيي انك تفكري مرة و اثنين و صلي استخارة و لا ترمي بكلام طليقته و اهلك عرض الحائط .. و سنك مش كبير لدرجة انك تتنازلي.. الله يكتب لك الخير حيثما كان عزيزتي |
اشكرك نور على تفاعلك معى وكلامك يخوفنى :( فعلا طلقها بفترة بسيطه وقال مارتاح لها والى قلتيه انا خفت منه ,,,,,,,,,,بس انا مخوفنى مماطلته وبس وانا فعلا احسنى معلقه وكل يوم اسئل حالى ليش مارفضه!!!مالقا اجابه قهرنى برودة قهرنى عدم فرحه بى لييييييييييييييييييييييييييه !!!انا مررة خايفه :( اهلى حذرونى من حكايه انو يماطل ومازلت اعيش تحت المماطله:)دعواتك لى ولكل من يقرا بالخيرة والله انى بهم من ذالموضوع مدرى ساعات احسنى غلط وساعات صح مشتته والله الله يكتب الخيرة
|
انا بس حبيت اخبركم انى بعد تفكير واستخارة رفضته واهلى شارو على بسبب برودة وعدم حماسه للزواج برغم والمفترض يكون شفقان انا فرحانه انو قررت بس حاسه بضيق والله لانو كثير تصير بعد ماخش جو واحلم فجاة تنتهى السالفه وبعد تعب وتفكير ماعرف متى تزبط معى!!!الحمدالله على كل حال ولعله ابتلاء او تكفير وادعولى امانه بالعوض
|
عزيزتي والله كأنك تتكلمي عني يوم دخلت على طليقي يوم الشوفة...خرجت أبكي لأني ما ارتحت له اطلاقا مع ذلك مشيت وأصريت على الزواج رغم أبوي الله يرحمه كان معترض ويقول لي انا بستخير لكن مو مرتاح يابنتي.. لكن أنا أصريت أتزوج,, تدرين ليش؟؟خفت أعنس!!!!!!!!!!!!!!وتدرين كم كان عمري ذاك الوقت 19 سنة ههههههههههههه :23: ياليت الزمن يرجع للوراااااااااااااء وما أتزوجت زيجتي المهببة إياها.. من تجربتي الشخصية أنهي الموضوع حالا.. أختي: مالهدف من النظرة الشرعية؟؟؟ طبعا الإرتياح النفسي والقبول... أنت ما ارتحتي معناه انهي الموضوع ولا تتعلقي بسراب الجواب باين من عنوانه.. عدم الأرتياح,,,اعتراض أهلك (وهذا الشي لا تهملينه مهم جدا)؟,,مماطلته وبروده. فكري شوي في الكلام اللي انقال عنه في زواجه السابق وطلاقه ,,مافي دخان من غير نار.,,,,,, .. نصيحتي لا تتهوري وتصري على شي إنت مو مرتاة له وأهلك مو مقتنعين فيه.. اتركيه اليوم أحسن من بكرة الله يكتب لك مافيه الخير. |
امين يارب الله يجزاك خير يا اصغرهم بس من جد شنسوى نمر بضعف الخوف من عدم الزواج نهائى او فوات الفرص وكثر المواضيع الى ماتتم والخوف من تقدم العمر كلها ظغوط للواحد يختار غلط للاسف والله يكتب الخيرة يارب
|
الله يفرج همك ويرزقك الرجل الصالح
ادعيلي ان ربي يستر علي بالدنيا والاخرة ويوفقني بزوجي |
الله يرزقك يالغاليه ونصيبك راح يجيك باذن الله والفرج قادم بس يبغى منا اشويه صبر
لاتخافي راح يجيك باذن الله شيخ الشباب الى يعوضك عن صبر هالسنين وراح تقولين الحمدلله الى اخرني واختارلي الصالح من عبادة اكثررررررررررررررررري من الاستفغار والدعاء وصلاة اخر الليل والله ثم والله سهام الليل لاتخطى ابدا وعن تجربه شخصيه اللهم لك الحمد |
اختي الكريمة المفروض من اول ماشوفتيه وماحسيتي مرتاحة لاله رفضتيه كيف رح تتحملي تعيشي مع شخص كل حياتك وانتي مو مرتاحة لاله رح تكوني تعيسة على طول بلا هالزواج من اصله ان ماكان سعادة انا صارت معي كتير قصص متلك اشوف الشخص وماارتاح لاله وارفض على طول صح بكون مستخيرة من قبل مااشوفه الافضل الاستخارة قبل ..عشان لو مو مناسب لالك من اول ماتشوفيه تعرفي اذا هو الشخص المناسب ولا لاء ولا مرة حسيت ندمانة على رفض شخص حتى اني وصلت لعمر لازم اتزوج(خوفا من العنوسة ) وكنت مطلقة بدون زواج وهلاء متزوجة والحمدلله اول ماشوفته ارتحت لاله على طول وحسيت هو الشخص المناسب ..يعني السن ماكان دافع ولانقطة ضعف تجبرني اقبل بشخص مو مرتاحة لاله ابدا ..وكنت على يقين ان الله سيرزقني المناسب .. والحمدلله على كل شي |
شهدريان,,امين والله يسعدك الله يعوضنا يارب
|
غموض السنين,,الله يسمع منك يارب ودعواتك والله يعوضنا يارب
|
| الساعة الآن 06:40 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©