|
لو كانت أمها تتوقع تسوي فيها كذا
مستحيل تكون الإجابة نعم و إذا كانت الإجابة لا فهذه أمك تعرف وش معنى أمك معناها خط أحمر و أستغرب من اللي يقولون حامل يعني الحامل تسوي أي شيئ !!!!!!!! |
شوف وانا ااخوك .. امهاتنا وحريمنا وخواتنا وبناتنا اان شاء الله كلهم حملوا وولدوا ما ادري وش هالصرعه الجديده اللي تبيح للحامل قلة الأدب وقلة العقل كثير مواضيع في المنتديات صارت على هذا المنوال زوجتك اذا هي حامل تقبل منها اي شي ليه هي مجنونه يعني؟ مرفوع عنها القلم؟ لو اجي على الحامل واقول لها امشي عاريه في الشارع بتمشي؟ لو اقول لها زوجك بيطلقك ما بتزعل؟ اشفيكم كل كلمه والثانيه حامل حامل خلها خلها اذا تزوجت وتوها عروس قلتم توها عروس اتركوها تزوجت اجل بتحمل ... برضو خلوها حامل لا احد يجي يقول لها غلط حملت اجل بتولد .. خلوها نفاس محد يكلمها بعد النفاس صارت ام لمولود .. لا احد يكلمها هذي ام ماتدرون وش الضغط اللي يجي عليها؟؟؟؟؟؟؟؟؟ شويه جتها الدوره .. لا لا خلاص دوره لا احد يكلمها بالله خلوها ماتدرون عن نفسيتها فجأه تحمل .. هاه خلاص لا احد يكلمها وش هالحرمه المرفوع عنها القلم ابد الدهر كرهتوا الناس في الزواج وربي ... وخرعتوهم من الحمل والخلفه يا اخي امك مثل ماقالوا خط احمر لا تقبل التجاوز عنه ولا بأي حال من الاحوال والمفروض اذا بيتك يسمح تمام .. يكون لها غرفه .. وتصير بينك انت واخوك مو يجي اخوك ويقول لك كنه متعدي على حريتك الشخصيه ويقول معليه امي تتحملها شوي اذا لها بيت مستقل بعد افضل وافضل علشان ما يجي مثل هالزوجه وتقعد تتأفف منها .. ماكنها هي اللي خطبتها ووافقت عليها وجابتها وسكنتها بيت وعطتها زوج وبتجيب منه عيال سند لظهرها مع الايام.... !!!!!!!!!!!!!!!!!! ليش هالجحود في اغلب الحريم فيه بعض الأمهات امنا بالله شريات .. لكن تجي الام طيبه ولا تغلط وتتجينن عليها حرمة الولد.. ؟ لكن الله فوق .. يمهل ولا يهمل وبعدين لا احد يجي يقول يمكن لانها مطلقه ومو عارف ايه لو انها معقده ما وافقت تتزوج.........لكن ماتزوجت الا وقلبها اخضر يرحب بالزواج .. يعني مستعده.. يعني ناويه تفتح بيت .. يعني تتحمل وكيف تسمح لها تتكلم على امك تقول تتكلم كثير؟ والله عيب عليك انت قبل لا يكون عيب عليها .. المفروض تعطيها نظره من حقت الرجال اللي تخليها لحمها يتصافق فوقها .. انا امي وامي انا .. قول لها اذا غلطت امي عليك تكلمي وانا اشوف وش السالفه .. واتأكد .. اما انك زهقانه وماتتحملين الهرجه الكثيره .. فمالك الا خشمك لو هو اعوج.. لا تقعدين تتشكين ياخي مايمنع .. تقول لها مره من المرات .. ان عاد سمعت منك شكوى على امي .. لا تلومين الا نفسك ما يمنع تجي مره تقول .. ياليييييييييييييتني ماتزوجت !!!!!!!! قول لها انا عانيت من الاولى بهذا الموضوع لا تجين اصفك جنبها ........الحرمه ماتحب زوجها يقارنها بطليقته .تحبيني تحبين امي وتعزينها زي امك مايمنع تجي مره من المرات تقول لها افيديني بحل من عندك.. ولا تزعلين اذا شفتيني اتأفف من ابوك وامك وبعدين ليه تبسطها فوق طاقتك؟. قسم بالله يطلع عليك هالشي مو من مصلحتك الزوجه اذا ما عاشت مع زوجها على السراء والضراء الله لا يقيمها زوجه وش اللي فوق طاقتك؟ معلييييييييييييييييييييش انا اسف جد بس عصبني الموضوع الزبده لا تعطيها وجه وقول لها كلمة شكوى ثانيه والله وربي ذا خلقك وعظمك مايحصل لك طيب والحريم على قفى من يشيل |
ممكن تقول لها انك تتفهم انزعاجها وعدم احساسها بالراحة بسبب وجودهم
لكن لا تخليها تغلط على أمك بالكلام و تزيد مو مرتاحه فهمتها وخلها تفضفض براحتها لكن تجيب طاري أمك وتتكلم عليها في غيابها ما ترضاها ولا ربي يرضاها فهذه غيبة خصوصا إذا ما غلطوا عليها ولا ظلموها وقتها لازم تتدخل بعدين هي امك ولازم تدافع عنها إذا أحد بدأ يغلط عليها وانك تزعل أكثر ان الكلام هذا جاي من زوجتك حبيبتك وقولها أنك مقدر وضعها لكن اطلب منها بحب تقدر وضعك وتتحمل هذا الوضع المؤقت وخلها تفهم انها أمك وهي تعبت عليك مثل ما هي الحين تعبانه بولدكم في بطنها ودامك عادل بينهم ومو مآكل حق وحده فيهم ظلما على حساب الثانية الحمد لله وممكن تبدأ انت معاها وما تعطيها مجال تآخذها بحنية والله يعينك على حملك وانتي أكيد تعبانه وربي يهون عليك ومن هذا الكلام إن شاء الله تبطل تزن على راسك وعادي روح معاها المطبخ وسوي نفسك جوعان عشان تآكل معاك في ناس ينحرجون من هذه الناحية فتفهم الأمر حتى لو كان سخيف في نظرك |
الاخ ولا الاخت بدون مجاملة انت كده :22::22::22:
|
اخي الفاضل
طبعا انا لا اريد ان اخبرك عن مكانة الام وقدرها وغلاوتها لان هذا امر مفروغ منه ومن الامور التي لا نقاش فيها، ويجب ان تكون الام اغلى الناس، ولكن بالمقابل يا اخي اجعل زوجتك تشعر وتصدق بالمجاملة انها اغلى انسان على سطح الارض، انا امراة واعاني من هذه المشكلة، الزوجة لا تحب ان تشعر انها في اخر الاولويات عند الزوج ومكانها ياتي بعد انتهاء قائمة الاهل، انا لا اقول لك ان تفضلها على امك، ابدا اعوذ بالله من غضب الوالدين، فلا يخفى على احد ان الام تتعب وتتعب دون مقابل بينما المصالح متبادلة بين الزوجين وشتان بين الاثنتين،ولكن حسسها انها رقم 1 في حياتك حتى ولو كان كذبا، وفي نفس الوقت لاتنسى ان تلزمها حدودا لا تتعداها ولا تسمح لها ابدا ان تغلط في حق اهلك او والدتك او ان تقسي قلبك عليهم، لانك اذا تركت لها الحبل فسوف لن تستطيع ايقافها وكبح جماحها بعد ذلك، نهاية اخي اياك وغضب الوالدة لانه كما تدين تدان ولا تقسى على زوجتك لانك ان قسيت عليها ستخسر بسبب ذلك ابناءك في المستقبل فالاولاد لا يحبون ابدا من يظلم امهم او يعذبها، تاجر التجارة الرابحة بالام والاولاد، يعني عليك بالموازنة ومسك العصا من المنتصف، وفقك الله . |
بدون مجامله يسلم فمك والله
نصيييييحه يالغامدي اسمع كلامه!! |
اقتباس:
صح لسانك .. قلت كل اللي كان يقرقع في قلبي .. الله يسعد أيامك يارب .. وياليت صاحب الموضوع يطبق ردك .. ت ح ي ا ت ي .. |
اللي فهمته ان امك تعبانه
وطيبه وجلستها مؤقته زوجتك مالها حق تشتكي منها لو تشكيها اصلا في محله كان ع الاقل اختارت الوقت المناسب وكلمتها انها بتروح طالما فيه احد يخدمك هذي مخي ماترجمها للحين!!!!!!!!!!!!!!!!!!!!!!!!!!!!!!!!!!!!!!!!!! |
كلام الاعضاء سليم ميه في الميه من ناحية الوالده الله يحفطها لك وبالنسبه لزوجتك لاتقسى عليها فهمها بالتي هيه احسن طالما انها تضحك في وجه امك معناها انها ماتبغاها تزعل لكنها تفضفضلك عن اللي يضايقها فقط للفضفضه وانت قولها انا اعتير شكواكي مجرد فضفضه لاغير لكن اياكي والتعامل مع امي بطريقه سيئه يعني خلك لها صديق يسمعها وفي نفس الوقت خلك رجل بار بامك ولاتخسر احد ولاتتهور وتهد بيتك مره ثانيه حاول تحافظ عليه وحاول تقولها انتي ماتقصري وبنت اصول واهلي يحبوكي هذا الكلام يخليها تستحي من نفسها ومايمنع تزعل منها شويتين يمكن تراجع نفسها بس انتبه تقسى لان المراه من ضلع اعوج لو حاولت تقومه بالقوه انكسر افضل التفاهم لكن بشرط انها ماتبين لامك شي ابد ولا تزعلها بشي ومشاعرها اللي بينك وبينها مقدور عليها
|
| الساعة الآن 09:19 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©