|
اقتباس:
استخرت ربي و الحمدلله ثقتي بالله عز و جل كبيرة واللي مصبرني على كل شي مريت فيه بحياتي ايماني و ثقتي بالله ... احاول قدر الامكان اتعامل بالعقل و اسكت القلب هالايام , لأنها ايام مصيرية , بتحددلي مستقبلي ... الحمدلله مو خايفة من فكرة عدم وجود زوج آخر , سبحان الله كأن ربي يبينلي اني لو تطلقت منه في غيره و افضل منه ممكن اتزوج منهم , بس انا ما ابي اتخلى عن زوجي ببساطة , مو قادرة اتقبل فكرة الانفصال , لأني عارفة اني بجلس فترة مصدومة منه ومن الدنيا كلها ... آمين يارب ان شاء الله ربي يستجيب دعائكم و يهديني للخير .. |
اقتباس:
لأ , ما حصل هالشي , هو طلب مني اكثر من مرة اني ما استعجله بهالموضوع , و جا وقابل اهلي من اسبوعين و طلب مهلة شهر عشان يحاول يفكر بحل يرضي الكل , مايبي يظلمني ... لكن انا كنت اكلمه و الحديث يجر الحديث و نتناقش و نوصل انه لا حل في مثل حالنا الا الطلاق , نحب بعض بس الافضل نتطلق , عشان ما يخسر عياله ... و باليومين اللي راحت , قالي شكلك انتي ما تبين الطلاق , قلت اي ما ابي اتطلق منك , بالرغم من كل شي شفته منك , بس ما ابي اخسرك , الامور الجيدة فيك تجبرني اتغاضى عن مساؤك , و تغفرلك الجروح اللي جرحتني ياها ... قالي بس انا ابي اطلقك عشانك و صدقيني هذا الحل عشانك , ما ابي اظلمك معاي و اتعبك ... |
اختي مهرة انا فاهمة ظروفك ومشاعرك وانا لما قلت لك انسحبي بهدوء من اجل راحتك لان زوجته رجعت وتحمل مشاكل وهو لا يستطيع السيطرة عليها لانها ام اولادة وهي ماسكته بنقطة ضعف وهي اولادة لذالك الزواج منه لن تجدي معه بالاستقرار ولو كنتي تحبينه
اكثري من الدعاء والاستفغار اعانك الله وفرج الله كربتك وكتب الله الخيرة حيث كانت |
اذا عرف السبب ،، بطل العجب،،
السالفه واضحه ومايبيلها استغراب دام زوجته الاولى راده بشرها ، وغصبن عنه مو حتى بقناعته،فاكيد انها جايبه المشاكل وراها وناويه عليكم باختصار: هي مسويه له سحر دامه تغير من بعد ما اكل من اكلها، والاهم من هذا ان اكيد وضعيتج بتكون صعبه ، خصوصا ان هذي التجربه الثانيه بس صدقيني شي اهون من شي انتي ماراح تستقري بحياتج ولا بتحسي بالامان وماراح يكون سندج فيوم من الايام ، ادري انها صعبه وخصوصا انج تحبيه بس والله صدقيني طلاقج منه ارحم بمليون مره ، من البدايه انتي متلعوزه معاه كيف بعيد!!!! ع العموم مثل ما ربج خلانا نحب، مرادنا ننسى وهذي نعمه من الله بتنسي مع مرور الوقت ، وسوي مثل ماهو قاعد يسوي تذكري فيه الشغلات السلبيه ولي دوم تضايقج وقولي فخاطرج انه مايسوي اني اضحى عشانه، ( مع انه مافيه شي ايجابي):29: تقبلي مروري وربي يسهل عليج ماتعسر |
يا اختي هو سوف يطلقك عاجلا او آجلا دام انه حط في باله الطلاق .. عياله على رأسه القائمه و هم استثماره الحقيقي و لست انت .. تطلقي يا اختي قبل ان تتزوجي به و بعد فتره وجيزه يطلقك فهذا اصعب بكثير من الان .. |
اقتباس:
انتي لما تطلعي معه خذي معك موية مقري فيها وخليها باردة عشان يفهم انك جايبتها للشرب لو عطشتي اشربي شوي قدامه وعطيه يشرب ولو رفض صبيه بكاس العصير او اي شي يعني حاولي قد ماتقدري لاتوقفي عند حد معين ياغالية لابد تتأكدي اذا مسحور عشان كذا قلت لك حاولي يشرب موية مقري فيها |
هو مبيت النيه وناوي يطلقك ومافيه واحد يحب زوجته يقولها ابي افرح اذا تزوجت غيري
يابنتي والله حرام توك صغيره وش تبين بواحد مريض الله لايبلانا وغير ذا انه مرواغ فكري بانه عشره عمر خلي مشاعرك على جمب ولاتقولين يحبني ومايحبني في اشياء اولويه الاستقرار والصدق والتفاهم اهم شي الطلاق انسب شي لحالتك اكيد خليها تجي منك احسن من تجي منه |
أختي
أبعد عن الشر وغني له... هو لو يحبك صحيح حارب الدنيا كلها عشانك والحمد لله إنك توك صغيرة ولك فرص كثيرة للزواج (غيرك يشتكي من قلة تقدم العرسان) نصيحتي :إستخيري ...إستخيري...إستخيري فما خاب من إستخار صدقيني راح تحسين براحة عجيبة وراح تسير الأمور كلها في صالحك مع إني ما أشوف فيه شئ يخليك تستخيرين لأنه أصلا حسم الموضوع وقال لك بيطلقك بس عشان ترتاح نفسيتك وتكونين متوكلة صح على رب العباد وبعدين حتى مرضه مانع لأنه لا سمح الله يكون سبب في حرمانك من الأمومة وماتدرين لو إستمر معك فترة وبعدين طلقك او ... وتكونين ضيعتي شبابك وفرصتك في الأمومة معليش أختي سامحيني إذا قسيت شوي بس والله لمصلحتك وبعيد عن الرومانسية ال... لأنه مهما طالت مصيرها تنتهي أو نقول تقل كثييير مع مشاكل الدنيا اللي راح تواجهينها لو إستمرت علاقتكم وتزوجتوا .. |
معليش ..
شغلة انه مسحور مو داخلة عقلي ابدا ! وبرأيي انه سبب انتي تتوهمينه علشان تعطيه فرصة بينك وبين نفسك هذا رأيي واتمنى اكون مخطئة ولا يكون تصرفه هذا ومراوغته كلها نابعة من ذاته يا اختي المسحور كلمته واحدة ثابته ! مو كل شوي يبكي ويقول مابي اتركك خلاص المسحور مسحووور مافي مجال يجي ويعتذر ويبكي ويقول غصب عني وخليني افكر ومدري وشو كوني صريحة مع نفسك اول شي واقتنعي انه مراوغ |
اقتباس:
فعلا قبل ماتبقي مطلقة بعد كدا ومعاكي طفل !!! هيبقى جوازك بعد كدا اصعب واصعب ايه اسباب تمسكك .. مافيش حاجة منطقية ! العقل بيقول انه مافي فرص لنجاح العلاقة الزوجية معاه خالص !! الموضوع كبير ولازم تقيمي حياتك .. اخلاقه اللي انتي مستحملة بيها كل حاجة دي ممكن بعد كدا مع الضغوط تتغير تماما ربنا يحفظك ويحميكي وتوصلي للقرار اللي فيه الخير ليكي يارب |
| الساعة الآن 04:30 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©