|
كانك انا الي اتكلم
احس قلتي كل الي يدور بقلبي انا مثلك امر بهالافكار سبحان الله صرنا كثير الي نفكر كذاا؟ |
اقتباس:
اقتباس:
لا والله ماقصدنا نكئبكم ... بالعاكس يكفي وجود شخص بجانبك يحتاجك و تحتاجيه تكبروا سوا و تكونو اهتمامتكم نفس الشي و احلامكم مشتركة .. بس الواحد يحن للماضي احيانا .. زي ماكلنا الان نحن لايام الطفولة مثلا و اللعب بالشارع :)>>>ولا انا الوحيدة اللي كنت العب بالشارع ؟؟ :) هي فقط نصييحة منا .. استمتعوا بكل لحظه من حياتكم الحين قبل الزواج ناامو نااامو نااااااااامو ... اطلعوا .. استمعتوا .. اعملوا اللي تبونه طبعا بحدود الشرع و الاعراف و ان شاء الله ياربي لما يجي النصيب .. استمتعوا بلحظات الملكة و و بالعرس و باول ايام الزواج عيشو كل لحظة بوقتها و لا تستعجلوا او تستبقوا الامور .. ربي يرزقك و بنت مكة و غموض الله يذكرهابالخير و كل العازبات الازواج الصالحين اللي يدلوعنكم العمر كله :) كولرز .. قوي قلبك و سيبي بنوتك عند اهلك يومين و خذو لكم اجازة انتي و ابو الشباب عشان تعيدو امجاد الماضي :) و لا حتى سافري انتي و البنوتة اجازة اسبوع اي مكان .. البعد يرجع الشوق ... الله يحفظكم لبعض يااارب بطول عليك و بذكر لكم قصة ساامحوني ... بس فاضية و ماوراي شي :)...كنت اكلم صاحبتي بنفس موضوعك فا حكت لي على واحد من عندهم سوا شي صراااحة عجبني ياااريت ازواجنا يسوو مثله .. الحكاية ياطويلات العمر .. انه هذا الرجل قارب على الخمسين متزوج و عنده اولاد منهم المتزوج و منهم العازب .. جا لعند زوجته و قالها انا حابب اتزوج من جديد .. بس مو اي وحدة .. حابب اتزوجك انتي .. طبعا الزوجة انصدمت بس قالته له ولا يهمك .. ايش سوى الزوج ياحزركم .. فصل زوجته و خلاها بطابق ثاني من البيت لا يشوفها و لا تشوفه شهر ... و راح و طلب يدها من اخوانها و دفع لهم مهر من جديد .. و اعطاهم فلوس للذهب و لشيله و ثياب جديدة .. و هي طبعا ماقصرت راحت و اشترت جهاز جديد و حنا و تقشير و منكير و بدكير و و و المهم كانها عروس عشرينية .. و سوو عرس من جديد ووزع الزوج بطاقات الدعوة .. طبعا الناس انهبلوا ... و جا يوم العرس و الاولاد زفو امهم و ابوهم و كان عرس جمييل و الناس كانت فرحانه لهم و راحو شهر عسل المهم انه اعاد زواجه معاها من جديد .. و على كلامه قال اخسر على زوجتي اللي اعرفها احسن من ما اروح اجيب وحدة ماعرفها و اخسر فلوسي عليها :) ها يش رايكم |
اقتباس:
فكرة روعة بروح أخبر حسين عشان لمن نصير بالخمسين يسويلي اياها :d |
ما يدوم كان وجه ربي
|
نور الاسلام 10
جميل جدا ما نقلته لنا فيه من الحكمة الكثير أسعدتني مداخلتك بارك الله فيك وتمنايتي لك بمثل دعواتك الطيبة وأكثر ******************************* مس ماربل صحيح الأيام تركض بسرعة الله يرحمنا برحمته ما دري ليش نشتاق للماضي ومو عارفين كيف ننبسط بالحاضر ونحس راحت علينا الله يختم أعمالنا بالصالحات آمين يارب وجميع المسلمين شكرا لمشاركتنا وربي يحفظك ******************************* dant!L ~} آسفة إذا سببت لك يأس وخليتك شوي وتبكين صحيح بعض ذكريات الماضي حلوه مادري هل لأننا نحس إنها ما راح ترجع وعادي لو ودك تفضفضين ويعني تشوفين نسافر بيعد عن الوييع والواااع بسم الله عليها الحين أبغي وما بغي ولا لا لا لا الله يسعد أيامك ويفرح قلبك ويفتح لك أبواب الخير ******************************* الغلا شمر الحمد لله على الصحة والعافية والحمد لله على كل حال ******************************* جوزي عمري صحيح كل وحده بتعرس بيجي يوم وتصير مثلنا لكن بنكون إحنا عدينا المرحلة اللي إحنا فيها الحين وصرنا أكبر هو المفروض إني أحاول الاستمتاع بكل لحظة بس مادري شفيني هالفترة يمكن عشان في عروس كثير صارت وبتصير شكرا على مداخلتك وفقك الله ******************************* زينة ونحول صحيح وخصوصا في أمور العرس وتبعاتها لو حصلت أخطاء ولا الواحد تنازل عن أمور صعب إنها ترجع وحتى لو تعدلت بعد حين ما بتكون فرحتها مثل فرحة التجربة الجديدة يعني مثل ما قلتي - اللي ما يطلع مع العرس ما بيلحقها - الأيام تمر وإحنا مو حاسين ونكبر وأطفالنا يكبرون حتى اللي حولنا يكبرون أنا بعيدة عن أهلي كل ما أزورهم أشوفهم يكبرون وأكيد بالمقابل إحنا نكبر قبل كم سنة ما كان عندنا عيال الحين أمهات سبحان الله وبعدين إن ربي عطانا عمر جدات وختيارات وبيجون يسلمون على راسنا وايدنا وإن شاء الله نتعلم تستمتع بلحظات حياتنا المختلفة والأربعينيات صارت the new thirty ما أدري أحس صعبة الأربعين الواحد يبلغ تمام الرشد يعني مو مثل الثاثين أبدا لكن أكيد لهم وجهة نظر الله يسعد أيامك عزيزتي ويفرح قلبك ويفتح لك أبواب الخير أسعدتني مداخلتك جدا ******************************* gawlp تصدقين عاد كنت أفكر إنه عندي مشكلة لكن تفاجئت بإن كثير منكم تجيهم هالحالة صحيح راحت علينا أشياء ما استمتعنا فيها وأشياء تنازلنا عنها وأشياء ما فكرنا فيها وقت تجهيونا لعرسنا وبداية زواجنا وحلاتها كنا نسويها يوم عرسنا وأخرى أول ما تزوجنا وعلى قولتك شيء يقهر الرجال متى ما ودهم يقدرون يعيشونها من جديد أما إحنا راحت علينا لا وغير كذا ما يبان عليهم الكبر بسرعة أما الحريم اللي ربي يرزقها عيال مع الحمل والولادة والسهر والعيال وشغل البيت تبدأ تفقد حيويتها أسرع من الرجل أسعدتي مداخلتك الله يوفقك ******************************* أم سنو صحيح أرسل له رسائل بعض المرات لكنها قلت كثير عن أول تغير التفكير وصحيح حلوه لكنها مو بطعم أول اللي وقتها الواحد تجربة جديدة ومو شايف خير وبالنسبة للعرس ما أخذت لي إلا كم صورة بس وفكرت إني ألبس فستان عرسي من جديد وأتضبط وأصور مع أبو الشباب تجديد لكنه ما دخل فيني أصلا وقت قرب عرسي قل وزني عن المعتاد وبعد ولادتي زاد وزني علن المعتاد يعني طبيعي ما يدخل لكن على قولتك ودي صراحة أصير عروسة من جديد وأتزوج زوجي ونسوي حركات العرسان لكن معانا بنت والله ينكسر خاطري بس أفكر أخليها عند أهلي أسعدتني مداخلتك جدا الله يخلي لك زوجك وبنتك ويسعدكم دنيا آخرة موفقة ******************************* زوج عتيق أول شعرة بيضاء طلعت لي قبل لا أتزوج وقلت وقتها يا ساتر مهما يحاول الانسان يتظاهر انه لسه في شبابه لكن الواقع والشكل واللي حولك يقول العكس تشوف عيالك يكبرون يعني ا نت تكبر معاهم تطالع روحك بالمرايه تشوف ملامحك تتغير وتصبح أكثر عمقا والسنحة الطفولية تختفي بعد سنين تبدأ تشوف التجاعيد تظهر ما تقدر تخفيها صحيح الشباب شباب القلب لكن أحس ما ني قادرة أستانس صايره أحس نفسي عجوز بس أشوف اللي يتزوجون واللي ما تزوجوا واللي لسه بيختبرون الثانوية العامة أحسها أيام حلوه وراحت كنت أستغرب وقت أمي الله يحفظها تقول بتشتاقين لأيام الدراسة وقت ما كنت أدرس كنت أقول لها لا بشتاق ولا شيء ما عندي صبر متى أفتك والحين فعلا بديت أحس وأفهم كلامها أحس على خبصة ذيك الأيام واختبارات الكلية وجدول الاختبارات اللي مو على كيفينا وإننا نختبر وإحنا مواصلين وحالتنا لله ووقت نتظر النتايج ذكريات حلوه على إن وقتها كان ودنا نخلص ونشعر بالحرية وننطلق من مقاعد الدراسة للحياة يعني الواحد لين يكون صغير وده يكبر يمكن لين 25 بعدين وده الواحد إنه يبقى في عمره ما يكبر كلما أحس إني بديت أقرب من الثلاثين أحس يجيني اكتئاب الأعمار بيد الله لكن بني آدم ما يوقف تفكير ومرات يفكر باشياء مضت ما يستفيد منها شيء غير تكدر خاطره مثل ما تفضلت إن شاء الله يجي يوم وأحس باقتناع وأحاول أنبسط في المرحلة العمرية اللي أنا فيها وأستغل كل لحظاتها عشان ما أتحسر عليها وقت أتعداها الله يديم السعادة عليك وعلى زوجك ويقر عينك بها وبأبنائك ويطيل عمرك بالأعمال الصالحة ويرزقنا وإياكم وجميع المسلمين حسن الخاتمة بارك الله فيك |
فعلا التقدم في السن
وتوالي السنين بسرعه شئ مزعج وخصوصا للمراءه بس هذا سنه الحياه وكل مرحله لها حلاوتها عزيزتي ما تمري به شئ طبيعي كلنا نمر به وتذكري ان غيرك وصل الي الاربعين او الثلاثين ولم يجني من الحياه شئ فقولي الحمد لله ان رزقك زوجا وطفله وليس المهم كم يمضي الوقت سريعا ولكن المهم هو كيف نستفيد من عمرنا موضوعك رائع بارك الله فيك |
زهور البستان
طلع أغلبنا كذا الحمد لله يعني مو بس أنا لحالي الله يرزقنا حسنا الخاتمة والله يسعدك ويرزقك اللي تتمنين شكرا لمشاركتنا ******************************* عزيزتي noora اقتباس:
اقتباس:
الله يسعد أيامك ومادري عزيزتي هل بقدر أقوي قلبي وأخلي بنتي عند أهلي هذا غير إننا بعيدين عن أهالينا واي فرصة ولا إجازة نروح نشوفهم عاد تخيلي نقولهم ما يخالف خلوا بنتنا كم يوم عندكم وإحنا بنروح شهر عسل أحس يفشل إحنا رايحين نزورهم ولا نخلي بنتنا عندهم أما السالفة اللي قلتيها أحسها قوية ما شاء الله عليهم الله يهنيهم وناسة لو الواحد يقدر يسوي كذا بس ماشاء الله وسعوها بطاقات وحركات وحلو سووها وعيالهم كبار يعين الواحد ما يعوره قلبه يخليهم ويروح شهر عسل خلاص كل واحد شايل نفسه أسعدتني جدا مشاركتك لنا من جديد الله يوفقك ويفتح عليك ******************************* & نور دبي& الحمد والشكر لله على نعمه الكثيره ما علمت منها وما لم أعلم الحمد لله أنا أشعر بنعم الله علي تبارك وتعالى لكنها أفكار تراودني وأحاسيس أشعر بها في بعض الأحيان اقتباس:
بارك الله فيك وشكرا لمداخلتك |
مرحبا ........
يا الله ليش انت كئيبين ؟؟؟ليش تطالعون الحياهـ بمنظار اسود ؟؟ اذا وصلتوا عمر 50 ايش راح تسوووون ...... اكرهـ الاستسلام ...اكرهـ كلمة رااااااحت علينا .... ايش اقول انا زواج اللهم لك الحمد يرفع الضغط وقبلها خطبه تجيب الجلطه تجهيزات للزواج:23:والله اني اضحك من الحركات سنه اولى زوااااااج محيتها من حياتي مشاااكل غيرة ام زوج بشكل جنوني حمل وتعب وارهاق .....تعب نفسي زوجات اخوان زوجي اعمارهم بالخمسين يعني انا من اعمار بناتهم ..... شوفوا الهنا اللي انا فيه ............ ومع ذلك ما استسلمت اغير في شكلي كل 4 شهور تقريبا احب ادلع نفسي ما يهمني اذا كان معجب ابو الشباب او لا اهم شي اكون راضيه عن نفسي لاتقولون غرور او ثقه في النفس لا لا لا..... انا مااحب اذا عديت مرحله عمريه اقول ياليتني تمتعت فيها وياليتني لبست وكشخت بالعكس احب اني اكون راضيه عنها ......حتى تصدقون حمواتي الجدات يغارون مني بس ماهمني احد :( الحمدلله ربي انعم علينا بالعافيه والصحه ليش مانمتع انفسنا بما يرضي الله ....... عيشوا حياتكم ....انبسطوا لاتقولون المرحله العمريه ....شفت عروس وغيرانه منها خلي حياتك عمر واحد لايتعدى 23 سنه;) خلي حياتك كانك عروس لاوبعد بشهر العسل:25: تقبلي مروري ....... |
يا حليلك يا كنافة كذابة
و ما شاء الله عليك المسألة يمكن ما هي غيرة كثر إحساس الوحدة انه في أشياء ما تقدر تسوييها من جديد وودها لو ترجع عشن تتلافي الأخطاء وتحسن تخطيطها وبعدين مهما حاولنا نبقى على عمر 23 إحنا في الحقيقة نكبر وتغيرات شكلنا أكبر دليل حتى لو حاولنا نبسط أنفسنا بما يرضي الله صحيح حلو الواحد يغير عشان نفسه لكن هذا ما بيوقف تقدم السن ولا ينفي أهمية اهتمام ابو الشباب لأن لو أبو الشباب ما علق الوحده تطفش من التغيير ولا تلفت انتباه أحد والمقصود زوجها المصون فطرة في الانثى إنها ترغب أحد يبدي إعجابه فيها طيب إحنا نتغطى ونستر أنفسنا إرضاء لله ومن ثم عشان ما يطمع فينا اللي في قلبه مرض والمفروض اللي يطمع وينبسط الزوج يعني تدرين أنا مرات أغير بلبسي وأكون مبسوطة على نفسي لكن لو ما علق أبو الشباب أحس إني ما أثرت فيه ولا فتنته ولا حركت فيه يعني يصيبني نوع من كدر الخاطر وكلنا مرينا بمواقف بايخة يوم العرس وودنا إنها ما كانت ومشاكل بأول سنة زواج وتصادمات مع غيرة أم الزوج بغض النظر عن درجتها وبعض زوجات اخوان زوج مهما تحاولين تصير لطيفه وتسولفين ما يعطونك وجه دايما ولكن اللحظات الحلوه ودنا إنها ترجع بلهفتها وشوقها هذا غير الأشياء اللي صارت ترفع الضغط مثلا يوم الزواج وكان ممكن ما تصير ولا تكون بشكل أفضل لكن قدر الله وما شاء فعل شاكرة لك يا حلوة مشاركتنا الله يسعدك ويوفقك |
اقتباس:
أكيد حبيبتي قصدكم ليس أن نشعر بالاحباط ... فأنتم تتكلمون من الواقع أحياناً أفكر كيف ستكون حياتي بإذن الله وأرسمها بشكل معين لكن أخاف أن يصيبها الفتور وعندما يزداد الخوف أعود فأقول : أنني سأفعل كل مابوسعي للوصول لحياة زوجية مستقرة وأن نجاح هذه الحياة ليست مسئوليتي وحدي بل هناك طرفاً آخر مسئول أيضاً مثلي وحتى لو أصابنا بعض الفتور فسيكون مرحلة وتمر ان شاء الله أما القصة التي ذكرتيها ... ماشاء الله مازال هناك أمل أكيد هذا الأخ فكّر لبعيد واشترى راحة باله يعني كان بيدخل في زواج ثاني ومشاكل وغيرة ووجع راس عموماً الرجل يستطيع - بقدر مايتيسر له - أن يدخل السرور إلى قلب زوجته وبالتالي يريح باله ويعود مافعله بالسرور لنفسه شخصياً وعلى الزوجة ألا تقلل من قيمة أي شيء يفعله زوجها من أجلها وألا تتعامل مع مواقفه الطيبة على أنها أمر مسلم به الله يسعدكم جميعاً بكل الخير |
| الساعة الآن 11:48 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©