منتدى عالم الأسرة والمجتمع - زوجتي تنقص من قدر نفسها ما الحل ؟

منتدى عالم الأسرة والمجتمع (http://www.66n.com/forums/index.php)

- المتزوجين (http://www.66n.com/forums/forumdisplay.php?f=6)

- - زوجتي تنقص من قدر نفسها ما الحل ؟ (http://www.66n.com/forums/showthread.php?t=182665)

انا اعرف البيئة الي نشأت فيها مزبوط والي ما زالت بعض اثارها مستمرة الى اليوم ..

ويوم قلتلك انها جامعية بمعنى انها متفتحة ومو ساذجة ..

وان قاريه في كل شيء وعارفة كل شي بس التطبيق (دائمممممممممممممممما ) صعب ..

والوعي تبعه رعي والحزم يتبعه عزم وهذي الي تفتقده جلالتها:25:

شاكر ومقدر مرورك

شاكر ومقدر مرورك ..

اقتباس:

المشاركة الأصلية كتبت بواسطة أميرات (المشاركة 2106979)

اخوي الثقه بالنفس ما لها اي علاقه بالجامعي او الجاهل ..

انما هي نتاج تربيه .. هل سألتها كيف كانت طفولتها و كيف كان ابويها يعاملونها ؟؟

جميل جدا ان تكون زوجتك بيننا و يسعدنا و يشرفنا ان نتناقش معها ..

اعتقد ان مشكلة زوجتك الاساسية تكمن في قوة الجانب النـظري لديها وفي المقابل لا تملك الادوات اللازمه لتجسيد وتحويل الكثير من الجانب النظري لديها الى واقع عملي بصورة ترضيها .

فهي لا تشعر بأنها اقل من الباقين بقدر شعورها بأنها كان من المفترض ان تحقق في الجانب العملي اكثر بكثير مما حققت قياسا بما تملكه من تقدم وفكر في الجانب النظري .

حلو الآن الاخ زحمه وزوجته معنا

يا سلام رح نطلع بإذن الله بنتيجه مرضيه

مدام زحمه الشيطان ما لقى مدخل يدخل عليكم الا انو يوسوس لك انو زوجك رح يتزوج عليكي

الاحباط كلنا عنا احباط انما انا عامله احباط للاحباط نفسه

من جهة ترتيب الناس اكثر منك فانا ما اعتقد

لان كل شخص في الوجود عنده نقص بشيء ما ولو اننا لا نراه

يعني الناس تحاول اخفاءه عنا بجهد كبير

واللي انا ناجحه فيه يمكن غيري مش ناجح واللي غيري ناجح فيه انا مش ناجحه

انا نصيحه مني اكثري من الاستغفار رح

تحسي براحه نفسيه كبيره

ثم ايضا مش كل كلمه يقولها الزوج نفسرها مليون تفسير

خليها تمر وتطير

واي مشكل خليه ابن وقته فقط وانسوه فورا

نحن مسلمين والمسامح كريم فما بالكم بالمسامحه بين الزواج

كلنا عنا احباط وياما اعمال نبدا نقوم فيها وما نكملها يعني مش انتي فقط

حتى الرجال ايضا نفس الشي

كلنا نتظاهر من الخارج اننا اقوياء انما من الداخل حدث ولا حرج

انا نصيحه مني تربعي عنا هنا في المنتدى واستفيدي من خبرة الاعضاء وايضا ضعي بصمتك هنا انتي وزوجك

لنستفيد منكم اايضا

ثم لازم يكون المزح بين الازواج بصدق وكلام جميل

اقول لك مثل صغير صار معي امس بيني وبين زوجي كان المفروض يصير معي احباط ودموع

دخلت السياره قبله وانا امس احسست بنفسي ووجهي غير شكل ومنور

المهم اراد ان يدخل السياره وشاف وجهي وكأنه يراه لاول مره ,

واندهش وقال : اللهم صلي على النبي ( انا فرحت طرت من الفرح ),

قال : اللهم صلي على النبي شايفه ما اجمل اضوية السياره من الداخل , يخليكي تشوفي اللي قدامك حلو .

الاخ يتغزل بضو السياره اللي وقت تفتحي الباب يضوي
هههه

اكيد قمة الاحباط انما ولا على بالي اخذت اولادي على الملعب لمتابعة احدى المباريات

اقتباس:

المشاركة الأصلية كتبت بواسطة green222 (المشاركة 2106538)

اضحكتني

ما تخاف كل القصه انه عندها عقده نفسيه انو ممكن تتزوج عليها زوجه ثانيه

هذا عامل لها رعب انما انا اقول لها الشاطره بمعاملتها تغني زوجها عن مليون زوجه

وبالنسبه للعلاقة وقت كنت مسافر

هذا عادي كل زوج يشتاق لزوجته ثم الوازع الديني وحسن خلق الزوجه هم من اكبر اسباب عدم انحراف الزوج

سبحان الله

انا فسرت كل اللي كتبته انه رعب من انك لا سمح الله تتزوج مره تانيه

انا لا الومها المجتمع من حوالينا مسبب عقد نفسيه لكل الزوجات

اكيد بتسمع انزو فلان تزوج على زوجته ويا حرام المسكينه مش مقصره معه

وطبعا المسلسلات والجيران

لازم الثقه بالنفس

والله امس زوجي هناك من سأله ما تفكر تتزوج على زوجتك او بعد ما تموت

قال: لا خلاص اكتفيت

هي وقت تقول لك هالكلام قول لها ما رح الاقي زيك يا جميل يا مربرب انت يا مالي عيني

الله يهنيكم يا رب

قصص الزواجات كثير لكن إلى الآن ما وصلت لحد العقدة

أنه إذا بغى يتزوج ما راح يستشيرني

مرات ودي أقول له تزوج ثانيه تخدمه أحسن

بعدين أنقهر إنها يمكن تطلع أحسن مني وبيحبها وينساني

على إني أقوله يمكن تخدمك أكثر مني لكن ما بتحبك أكثر

اقتباس:

المشاركة الأصلية كتبت بواسطة نقطة في بحــــر (المشاركة 2106567)

بسيطه

خلها تقرا الموضوع

يمكن تتغير

تمت قراءة الموضوع

اقتباس:

المشاركة الأصلية كتبت بواسطة هناااوي (المشاركة 2106612)

طيب حاول تتغزل فيها وترفع من معنوياتها وتخليه تثق بنفسها وتصورها ملاك وفي موقع بعلم النفس آقرى فيه عشان تدعم ثقتها وبيزيد قدرك عندها ..

قدره عندي كبير والحمد لله

والمشكلة مو محصوره بالغزل والشكل تتمتد لأمور أعمق

المشاركة الأصلية بواسطة daimound22

اقتباس:

انت كماان الله يهديك شكللك صريح لدرجة انك تجرحهااا
والا فية احد يقول لزوجتة لو ما اخااف من الله كان اسوي واسوي
لاحول ولاقوة الابالله
هي لاارااديا راح تفتررض انك عندك نية لكنك خايف من ربك
لكن متى ماارااح الخوف من الله رحنااا فيهااااا
وشي طبيعي ماراح تنسااها للك طوووول عمرك

أنا أقوله كذا ... زين أحد صار في صفي

اقتباس:

المهم زووجتك عندها نقص في شخصيتهاا اتوقع امها لها دخل كبير
في هذا المووضوع والله اعلم يااما انها امهااا خوافة وشكاكة لدرجة المرض

لا أمي الحمد لله ما عندها هذه الوساوس الله يحفظها

اقتباس:

والبنت طلعتلها واكبررر خوفها الرجال والزواج من ثاانية

والزواج من ثانية مو هاجسي الأكبر حاليا

اقتباس:

او انهااا كانت ماتحن عليهااا ابدا وتكسر مجااديفها دااائما

لا والله ما كانت كذا الله يجزاها خير على تعبها معاي

اقتباس:

وهذا الي خلا زووجتك كذااا مكسورة ومو واثقة من نفسهاااا
لكن اذا عندها نت خليها تتطور نفسها وخليها تحب نفسها اهم شي

مو دايما أقدر أحب نفسي

اقتباس:

وماتشووف عيوبهااا وتنظر لنفسها ايجاابيا وانت حاول وعزز ثقتها بنفسها
طلعهااا السمااا بالمدح
وقولها انك راح تزعل منها لو سمعت شي سلبي عن نفسهااا او انك راح تتنطشها
الين تسكت طبعا اتفق معهااا على هذا الشي
عشان تحس بنفسها قد اية مطفشتك

يعني يطنشي
لكن مو حل يبقى صراع نفسي الداخلي مستمر

اقتباس:

يعني سااعدها بالحلول
اتمنى اني اكون افدتك والله يصح حالكم يارب

اقتباس:

المشاركة الأصلية كتبت بواسطة أم داليا (المشاركة 2106647)

أوصيك بالمدح
ثم المدح
ثم المدح
على كل شي

ببدأ أحس انه نصاب
إذا في كل شيءيمدحني

شكرا لك

اقتباس:

المشاركة الأصلية كتبت بواسطة أميرات (المشاركة 2106659)

واضح ان زوجتك ما عندها ثقه في نفسها و هذا نتيجة التربيه ..

لازم تشوف لها حل او هذا الامر راح ينعكس على تربيتها لابناءكم ..

اذا ممكن تسجلها في دورات عن البرمجه اللغويه العصبيه خاصه عن تطوير الذات او تشتري لها كتب عن

زرع الثقه وتطوير الذات .. المكتبات مليانه من هذه النوعيه من الكتب ..

لا تهمل الموضوع يا اخي .. لانه راح يؤثر على ابناءكم ..

فعلا ما عندي ثقة بنفسي وأنا أحس بهذا الشيء

ولا أبغى عيالي يطلعون نفس الشيء

والمشكلة إني أدري فمصيبتي أعظم

قريت في كتب أتحمس وقتها لكن التطبيق على أرض الواقع ما أقدر أسوي يجيني إحباط شديد

لأني مستحيل عايشه كذا وأحس إني فاشلة في كل شيء

حتى كأم

أقرأ وأعرف

ولا أقدر أطبق كل شيء فيأثر هذا فيني

وأدري انه بيأثر على شخصية الأطفال إذا ارتكبت اسلوب تربوي خاطئ

الله يعين

اقتباس:

المشاركة الأصلية كتبت بواسطة مدام زحمة (المشاركة 2107106)

ها أنا أكتب بمعرف جديد كما طلبت يا زوجي العزيز لاستكمال النقاش اللي دار بيننا بعدما تفاجت باقتحامك لهذا المنتدى مع سبق الاصرار والترصد رغبة منك بأن أقرأ ما ستكتبه عني

جزاك الله خيرا على مشاعرك الطيبة

واياك ان شاء الله

صحيح ليس لدي هدف ولا أدري ماذا أفعل وأشعر أني لا أتقن فعل أي شيء
وبما أني لا أضيف على الحياة شيئا فأنا زائدة فيها
حاولت أن تساعدني مشكورا بأمور أعرفها الكلام النظري أعرفة لكن ينقصني التطبيق العملي
لا أدري كيف أطبق أبدأ أحيانا لكني سرعان ما ينتابني الاحباط وأتوقف

يا عزيزتي حاولت احط لك اهداف ولكن كل مرة تكسرين مجاديفي ثم تبدين وتطفين .. قلتلك اشتغلي بالاسهم تخافين من الخسارة قلتلك سوي برامج مفيدة وانشريها في النت قلتي مالي خلق قلتلك سوي اشياء ابداعية ولا فكري بمشروع ونسوي تمويل وتخافين من الخسارة بس .. قلتي بتسوين اشياء في البيت قلتلك معاك تسوين شوي وتبردين بسرعة ... انا اعرف اني لازم اكون معاك بس يكون دوري مساعد لك بهمتك وعزيمتك نبدأ وانا اكمل معك واساندك س مو من البداية تطفين قبل لا نبدأ لمجرد الخوف من الفشل مستقبلا والفشل والنجاح بيد الله بس احنا نسعى نسوي شي .. واتوقع خوفك من الفشل نتاج التربية الي لا يوجد في قاموسها معنى الفشل ولا غفران للتقصير ولا تجاوز عن عدم القدرة فهذا ولد عندك احساس بأما انك تخترعين قنبلة نووية او ما تسوين شيء... حتى التدرج في الاشياء مو مقتنعة فيه اقولك سوي مثلا عروض بوربوينت وانشريها في النت يستفيد منها الناس تقولين فيه ناس كثير سووا كذا اقولك فكرك غير فكرهم تقولي لا ما ابي بي اسوي شيء ما احد سواه واقولك صعود الجبل يبدا بخطوات بسيطة وصولا للقمة برضه مو مقتنعة تبين تسوين شيء عظيم وخايفة من الشل وتحسين انك مو واثقة على انجازه صح ولا لا ؟؟؟

الحمد لله على هذه النعمة اللي ربي عطاك اياها
لكن هذا لا يعني أن أهمل وأن أقلل في كل شيء ولا أدقق بحكم إنك لا تدقق على العكس
المفروض إني أزيد لأن شخص مثل كذا يستحق الاهتمام والتقدير
لأن لو كان عندي زوج - نشبة - ويدقق على كل شيء يستاهل أو لا هذا بيسبب مشاكل ولا أحد بيرتاح
يمكن أسوي اللي يبغاه من غير نفس ومغصوبة

دامني ساكت يا بنت الحلال اسكتي التقصير من الجميع انتي مثلا ما ترتبين كل الاشياء وانا وبنتي نحوس البيت فمتعادلين ... انكسر شيء خرب شيء ما سويتي شيء ومالو اهم شيء اننا بخير والي ما يتسوى اليوم يتسوى بكره ... ما رحتي ماجيتي ما كلمتي وماله الحياة اسهل من اننا نزعل على اشياء تافهة مالها داعي ما همتني ولا انتبهت لها او ما ركزت عليها ليش تحرثين عليها ؟؟؟

لأني أحس كلما أروح مكان ألقى تنظيم بيتهم أفضل وتنظيفهم أدق وفي كل شيء أحسن
أشوف زوجات لهم نشاطات وعندهم أشياء يسوونها ومنشغلين فيها غير البيت والزوج والعيال
حتى إني ما أشتغل ولا أساعدك في الدخل

انا ما اعارض اي نشاط تقومين فيه ولكن انتي تقللين من دورك الكبير في البيت انا اقعد ساعة مع بنتي شوي واذبحها وانتي 24 ساعة قاعده معها ... تغسلين المواعين وتطبخين الوجبات وتنظفين البيت يوميا لو انا مكانك جاني انهيار فظيع من الروتين ... قاعدة تربين بنتنا وتهتمين ببيتنا وتهتمين فيني وتتزينين وتكوين ملابسي وتنظفين ملابسنا وتغسلين بنتي اذا وسخت .... هذا شيء مو سهل انا لو مكانك انفجرت السبع فجرات ..فدورك عظيك وقدرك كبير لا تقللين منه في داخلي ...

مع احترامي تقهرني من كلمة تبرمجيني كأن ودك بالشيء وتحط علي

يا طويلة العمر انا ما افكر بالشيء هذا ب لما تربطين تقصير يمكن ما انتبهت عليه او ما ركزت فيه لاني احسه تافه وما يستاهل الذكر لما ترينه تكبرين السالفة في داخلي عقلي الباطن يتبرمج انك انسانه حوسة دلخة رفلا ما تعرف ترتب وما تعرف تهتم وتضبط الاشياء فأقعد افكر بالموضوع لاشعوريا .. فليش تربطين التقصير بالذكر ..فيه تقصير ضبطيه من عندك ولا تطرينه لي ... كوني ايجابية في تعاملك مع الاشياء مو آلة للحلطمة والندب على "حظ زوجك" العاثر الي طيحك فيه ...:d

ما أذكر إني قلت إن شاء الله تنحرقون يمكن في موقف سابق لكن هالمرة ما أذكر
أذكر إني قلت لو تتزوج أربعة ما علي منك
لكن معشر الرجال إلا من رحم ربي يقهرون يتزوجون فسقه ولا تغيير ولا إذا صار عمر الوحده 40 راح تزوج عليها وحده كبر بنته أم 18 وع 20 وبكر بعد
طيب المطلقات كثير وبنات الثلاثين كثير وبالعكس بيكونون في قمة أنوثتهم في هذا العمر
تقول لي عادي ومن حق الرجال
طيب شرع الله محد يعترض عليه والزوج اللي يتزوج لأسباب معينة ومن بينها ان زوجة وحده ما تشعبه ممكن وهذا حقه
لكن اللي تكبر زوجته وبيتزوج وحده صغيره تجدد شبابه ولا عشان صارت عنده فلوس ولا يكسر الروتين صراحة الله يعينهم على نفسهم

لا قلتي يا عيوني وبطيتي كبدي وقعدتي على جهازك حتى مطنشتني كأني مو موجود واكلمك وتردين من اذنك على ما اعتقد مو من فمك ...:25:

ووجهة نظري انا ما اصادر على احد حقه في الزواج من ثانيات صغيرات ولا كبيرات يبي يتزوج عشرينيه يتزوج يبي يتزوج ثمانينية يتزوج انتي اشحارق رزك ... الي يتزوج يتزوج .. يمكن عنده قدرة جنسية جبارة وماعنده مشكلة يتزوج آلة جنس انثوية .. شيء راجع له .. حتى لو مو بأسباب صحية مثلا لزوجته يبقى لوفاء شعور ذاتي من الزوج نفسه .. بالاضافة الى ان طبيعة الزواجات في مجتمعنا ينبني الحب فيها على العشرة فقط ويمكن ما يتكون حب يكون فقط كائنين حيين من جنسين مختلفين يسوون جنس ويملون الكرة الارضية بزران لابينهم فكر ول تكافؤ فتزوج ثانيه بعدين شيء مو مستغرب كرهته هي بعدين شيء صاير وياكثر البيوت الي اعرف وتعرفين لو القتل حلال في الاسلام كان قتلوا الازواج بعض بس زين انه مو حلال ..

طيب حرام عليك أذكر ذاك الوقت كنت أتوحم وانت بعيد عني تجي تكلمي من هناك تقول لي لولا مخافة الله ثم حبك كان عملت أشياء
الله لا يبلانا لكني ما أفكر أقول لولا مخافة الله وحبك كان ماخنت وسويت وكلمت

الشيطان شاطر والوازع الديني اقوى رادع دائما حتى لو كان الواحد ما يحب زوجته أو العكس لكني ما أقعد أفكر وأقول لولا ولولا ولا راح أنساها بعد

يا عيوني الحين مو الرسول صلى الله عليه وسلم قال بما معنى الحديث اذا رأى احدكممن امرأة ما يعجبه فليأت اهله او كما قال عليه الصلاة والسلام .. انا بشر .. احمل في داخلي مع القيم والايمان غريزة فطرية تخليني اشتهي واميل والقي النظرة الاولى وافكر واشتهي وووو الخ ... فيوم قلتل قلتلك لولا مخافة الله هذا الجانب الايماني ثم حبك ججانبي الاخلاقي والولاء حبك كان سربت .. يمكن اتزوج مصياف مسيار عرفي اي نيله واقنع نفسي انها على شرع الله ورسوله وامشي حالي .. ولا اتزوج رسمي .. ويوم قلتلها لك ابين لك حبي وشوقي بس انتي زعلتي وحلطمتي وقفلتي الجوال ولي 3 سنوات احاول اقنع فيك بوجهة النظر مو مقتنعة ...قلنا وقتها مرحلة وحام ..الحين ليش ما تقتنعين .؟؟؟؟

لأنه تصادف انك تمزح في شيء وأنا ضايق صدري منه أحس إني مقصره فيه فيجي مزحك على اللي في نفسي فأحسك تدق ومرات تراي أدري انه مو نقد مبطن لكن كأنه يزيد على الألم النفسي اللي فيني فأتضايق

انتي سالفتك سالفة الي على راسه بطحه يحسحس عليها .. فبدال ما تتضايقين دامني ما قلت شيء سويه الي تحسين انه خطأ وسويه صح وحلي المووع بدال ما تشيرين الي فيه وتذكرين نفسك بالسوء والتقصير قدامي حلي السفة وصل الله وسلم على نبينا محمد ...

اي نسيت تقول إنك قلت لي إنك ربربتي
قلت لك يعني سمنت
تقول اي
قلت يعني أنا دبية
قلت لا مو دبية الحمد لله لكن الخف رحمة

ربربتي يعن امتليتي بس ما قلت انك دبية والخف رحمة مو معنى هذا انك ما تعجبيني تعرفين شلون تعجبيني انتي والخف رحمة يعني لو خفيتي حلوة لو بيتي زي ما اني حلوة حتى لو سمنتي بتبقي في عيوني حلوة لا تخلين احساسك بالنقص يبرمجني انك مو حلوة ... لا تقولين المفروض ما تتبرمج وانا اقولك كثرة الدق تفك الحديد وهو احديد فكيف بزوجك المسكين وهو كتلة لحم وشحم وشوية عظام ؟؟؟

انت يمكن ما لك علاقة بالموضوع لكن أنا أحس نفسي فاشلة في كل شيء ولا أقدر أسوي شيء وأدري إن العقل الباطني يتبرمج والاحساس يتحول لحقيقة بس ما ني قادرة أغير الفكره لو حاولت أفكر إني العكس أحس إني أضحك على نفسي

دامك تقولين عن نفسك فاشلة بتفشلين .. وش يضرك لو برمجتي نفسك انك بتنجحين بإذن الله ؟؟ ليش تحكمين على كل نشاط قبل ان تبدأي به بالفشل ؟؟؟ ليش تقللين من قدر نفسك ومواهبك ؟؟؟ عندك العلم والمعرفة والنور ليش تقللين ن قدرك ؟؟ ليشودك تسوين مليون الف شيء في وقت واحد واذا قلتلك ركزي على واحد قلتي ممكن اسويهم كلهم شف الحريم شلون يسوون ؟ يا عيوني صاحب البالين كذا وبدال ما يضيع جهدك العلمي والعملي في الف نشاط ما تنجزين منهم شيء ركزي في واحد وخلصيه ثم انتقلي لانجاز الثاني ؟؟؟؟ يعني اما تصيرين مدام كوري ولا ما تصيرين ؟؟؟ لله يهديك بس

انا احبها وربي يشهد بس هي الله يهديها لا تفتح المواضيع كذا وتسيء الظن كذا :(
شكلك متزوج مسيار

الله يعينك علي

[color="red"][right][size="3"]

تصدقين شكلي بديت اتبرمج بجد اشوف طاري العرس موجود حتى هنا ...

:17:

.....................