|
اقتباس:
حياك الله اختي الغاليه منتظره ووالله اني انظر لك انك دائما قويه احس موضوعك سهل وبيدك تنهي كل شي وبالراحه ولاكنك متامله من الله ان كل شي بيتغير لحال يرضي ربي ويرضيك صدقيني الشعور الي تحسيه اغلبنا يحسه وخصوصا اذا سمعت انه بالرغم من انه ظالمني الا انه يصل لما يريد ولاكن ارجع اقول لنفسي يمكن العيب مني انا وعلشان كذا ربي ابتلاني ويمكن ربي يحبني ويكفر عني ويمكن اختبار لي من الله عزوجل محد يعلم الا الله عزوجل سبحانه واسال الله ان يجعلنا منا المرحومين في الدنيا والاخره يارب العاليمن حتى انا رمضان العام كنت معلقه واولادي عندي ورمضان هالسنه ورقتي عندي واولادي بعيدين وحده شافتني قالت وش فيك شكلك ما ارتحتي يعد الطلاق قلت بالعكس تقول وجهك مرررررررررررررررررررررره متغير وريتها صور لي العام مع اولادي قالت هذي متى لمى عرفت انها بعد طلاقي واولادي عندي ماصدقت قالت مره وجهك كان مليان ووبعد ماراحوا تغيييير مع اني والله عايشه طبيعيه لكن القلب والعقل مشغول الله لايشغلنا الا بطاعته طولت عليك بس كلامك مثل البلسم الهي يفرجها علينا بحوله وقوته يارب |
زهره نجد
حياك الله اختي الغاليه والله لايحرمك من اولادك عمرك كله يارب اكيد انتي ام وحاسه في الموضوع واطالب فيهم هذا شي اكيد بس اناكنت متامله انهم راح يعيشوا بيننا بكل تفاهم مره هنا ومره هناك وانا اعرفه لو اخذتهم بسوي حركات بدون تفكير في الاولاد ماراح يعطيني اوراقه علشان الدراسه وممكن يسحبهم من المدرسه وبعدين مين يجلس وراهم بالمدرسه ولدي الكبير يحب ابوه مره وانا ما ابغاه يكرهه واذا اخذتهم راح يسفلهم ولايسال ولا يصرف مجربته قبل كذا لاكن اذا دخل المحكمه فالموضوع ماراح يصير فيه اي تفاهم كلها مشاكل الله يسعد ايامك ومشكوره على الرد وصدقيني ابد ماراح ازعل منك انتي اخت وعزيزه وعارفه ان كلماتك من قلب صادق ومشاعر ام |
يا حبيبتى ربنا يفرج همك وغمك ويسعدك ويرد عيالك لحضنك عن قريب يارب. على فكره انا افتكرتك امبارح بالليل وقعدت ادعى لك كثير أنا ما اعرفكيش فى الحقيقة لكن كنت امبارح حاسه انك مهمومه وكنتى على بالى . المهم انا نصيحتى لكى انك تطلبى حضانتهم عن طريق المحكمة وما تخافيش من ان ابوهم يعمل حركات مجنونه لأن اى حركه هيعملها وتتكشف هيتمنع يشوف عياله الا تحت رقابه وهيبقى وقع نفسه فى شر اعماله وممكا تطلبى من المحامى انه يطلب من القاضى أخ\ تعهد عليه بعدم التعرض لكى ولا للأولاد فالقضاه عارفين بكل المشاكل دى وياما مر عليهم . أنا وجهة نظرى ان ده الحل السليم الوحيد للمشكله وماحدش بيحس بالنار الا اللى ماسكها. توكلى على الله ووالله انى حاسه ان الفرج جاى قريب وقريب جدا كمان. ده أنا دعيالك يابنتى يبقى لازم تتطمنى.
|
ياحبيبتي يام السوسه
الله يعينك ويقويك ويصبرك وهذا اهم شي بحالتك هذي تحتاجين الصبر ثم الصبر شوفي يالغاليه كلامك كله صح يمكن اذا طالبتي باعيالك تاخذين سنين طويله وانتي تراكضين وراء المحاكم من غير فايدة نفس جارتنا خذت 11 سنه تطالب بعيالها ومن جلسه لجلسه ومن قاضي لقاضي اليومك هذي وهم عند ابووووهم ماطلعت شي بس تعبت نفسيتها زيادة وتعبت اهلها معاها ومكسبت شي المسكينه ويمكن مثل ماقلتي اهل زوجك يكبرون الموضوع براس اعيااااااااااااالك ويصيرون قلبهم مو عليك يصير معاهم عشان كذا امامك يالغاليه باب واحد تلجائين له وانتي مطمنه ومرتاحه ان مافيها اضرار منه وهو باب الدعاااااااااااااااااااااااااااء استغلي هالشهر وهالايام الفضيله بالدعااااااااااااء ان الله يردهم لك ويحنن قلبهم عليك ويحنن قلب ابوهم ويردهم لك اتحري ساعات الاستجااااااااااااااااااااابه ووقت الفطور بالذات لاتنسين ان للصائم دعوة لاترد اكثر من الدعاء لهم الحي لاتنسين الالحاح بالدعاء لان الله يحب العبد الحوح لاتنسين صلاة اخر الليل سهااااااااااام الليل لاتخطى ابدا ينزل ارحم الراحمين يقول هل من داع فااستجيب له مالك يالغاليه الا هذا البااااااااااااااااااااااب وان شاء الله ربي مايخيب دعوة طالبه واهم شي خليك موكلها امرك لله ماتدرين وش ينتظرك بكرة من خير الفرج قريب بس يبغى صبر كثير مننا خلي قلبك ابيض لاتخلين مجال للشيطان يزينلك الحقد والكرة على زوجك واهله ادعي دايم ان ربي يملاء قلبك الايمان والطاعه والرضا والحب ويشيل منه الحقد والغل وتذكري ان الله مع الصابرين ياحبيبتي خليك مع الله عشان الله يكون معاك بكل وقت وبكل ساعه الله يردلك عيالك ردا جميلا ويخليهم لك ويصلحهم ويحنن قلب ابوهم عليهم ويربط على قلبك بالصبر والايمان والاحتساااااااااااااااااااااااب انا عارفه اننا مهما كتبنا ومهما سطرنا لك ماراح نحس بالي تحسينه من حرقت قلبك عليهم بس مابيدينا يالغاليه غير تصبيرك ان شاء الله بهالكلام والدعاااء لك بظهر الغيب ان الله يردهم لك قريب ويفرحك فيهم هذي الحياااااااااااااااة والله مافيها احد مرتاح الله بس يعيننا عليهاااااااااااااااااا |
الله يرد لك عيالك عاجلا وليس آجلا,ويحفظهم من كل مكروه,أنا كل ماشفت توقيعك أوجعني قلبي و الله زاد الوجع بقلبي لمى قريت موضوعك,وان شاءالله ندعيلك وندعي لكل مظلوم في ظهر الغيب,أنا أم وأفهم كل الي تمرين فيه,اذا دخلتك للمحاكم بتنقلب عليك بالسوء انتي وأولادك ابعدي عنها ,انتي سعوديه وعارفه كيف الوضع عندنا,أرقابنا معلقه بيدالله سبحانه ثم بيد ولي الأمر,اذا انتي شاكه ان موضوع المحكمه بيعطيه فرصه انه يحرق قلبك بأولادك وبيحرمهم من التعليم مثل ماقلتي وأمور أخرى لا تفكرين فيه حاليا والجأي لله وحده ,أهم حاجه ودي أسألك فيها هل طليقك أب جيد لأولاده يسأل عنهم يناظرهم ويشوف الي قاصرهم ؟ولا معتمد على أمه وخواته؟؟كيف أم طليقك مع العيال تراعيهم وعادتهم عيالها ولا ماتشوف فيهم غير انك أمهم؟؟؟حبيبتي مانتب مجبوره تجاوبين اذا فيها تقليب للمواجع عليك الله يحفظك
|
اقتباس:
الله يسعد ايامك ويارب ولاتنحرمي عمرك كله لا من عزيز ولاغالي شرفني مرورك وردك ويكفيني صدق دعوتك الله يحفظك كم كل سوءيارب |
اقتباس:
هلا والله با احلى بنوته الهي يارب يفرح قلوبنا فيك في هذا الشهر الفضيل بحوله وقوته ياكريم ووصيتك مشكوره عليها وصدقيني هي احلى شي كسبته بطلاقي كثره دعائي لهم واخذوهم على اساس مشتاقين لهم وراح تكون الامور بيننا بالتفاهم يجلسوا هنا والا هناك ماعندهم مشكله وانا ماعندي مانع يدرسوا هناك والاجازات عندي ويكونوا دائم على اتصال بي بس نقضوا العهد وهذي صفات المنافقين حسبنا الله ونعم الوكيل وهالعينات ماعمري شفت منهم الا حالتين والله لاعاد يوريني منهم شاكره لك مرورك يالغاليه وردك وياغاليتي كذا الدنيا مافيها احد مرتاح الا لمى تعيشي لحظات الطاعه الله يثبتنا ويرحمنا برحمته |
اقتباس:
حياك الله وبارك الله فيك في الدارين والله الحياه علمتنا نتحمل ونصبر ومشكوره ياقلبي على دعواتك لي ولمنتظره ولكل ام فقدت اطفالها كل الي نقوله حسبنا الله ونعم الوكيل شرفني مرورك يالغاليه |
الله يصبرك اختي الحبيبه ويفرج همنا ويردهماليكي ردا جميلا
اختي اعلم كم هو قاسي ما تعانين لكن شوفي الاجمل ان تشوفيه عباد لله طائعين ومتفوقين بحياتهم اصبري حتى تنالي دائما ادعي لهم بحفظ الله والتوفيق والطاعه كما وصيتك اخيه الله يجبرنا نحن مشارف آخر الزمان ناقضي العهد واصحاب النفاق كثيرين لا ارى الطيبين الا بالنت!! لذا لا تنصدمي وادعي الله ان يجبر بخاطرك ادعيه كلما احسستي بالقهر |
اقتباس:
في قسم نسائي دوامهم من 8 الى 2 الظهر ماعدا الخميس والجمعه..زمان أول كانت المماطله الحين اي شئ يجي عن طريق حقوق الأنسان ينفذونه من دون جدال..(يخافون من البهذله بالجرايد).. |
| الساعة الآن 07:11 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©