|
اخي من وجهة نظري المتواضعه لا تستعجل بالطلاق .. الافضل انك يؤجل الزواج كم شهر لحد ما تطمئن من ناحيتها .. واذا تزوجت بإذن الله تقدر تطلب منها انها ما تحتك كثيرا بخالاتها وانها تلبس العبايه اللي انت تشوفها مناسبه لها .. وان شاء الله انها راح تطيعك .. وتأكد انك تقدر تؤثر عليها و التزامك الديني راح ينعكس عليها .. |
أخي تأنى و حاول أن توصل فكرتك إليها بوضوح و هدوء
و بالنسبة لمكالمات البنات فكثير يؤجلن مكالماتهن لليل بعد الإنتهاء من عمل المنزل و بالنسبه للاحتشام فأخبرها أن عليها أن تكون محتشمة و الحجاب عبادة و ليس عادة أسأل الله لك التوفيق |
البنت صغيرة ومازالت بيدك ولازم أنت اللي تحميها وتحذرها وتصونها بدون شك سلبي
لازم توعيها وتصبر عليها وتكون لها كل شي حتى لا تبحث عن غيرك إذا تقدر على هذا استمر وتزوجها وإذا بتضعف مع أقل موقف وتحس أن الشك مسيطر عليك انصحك تطلقها ولا تظلمها فيه غيرك يقدر يعلمها ويصبر عليها .. آسفة يمكن كلامي قاسي شوي |
أفضل انك تستخير قبل القرار ونصيحه لو كانت درجه التدين عندك عاليه للتوضيح تصلي وتصوم وتعتمر وتحج وتقوم بالنوافل من الألف الى الياء سواء من صيام وصلاه وغيره ان تصرف النظر وتبحث عن فتاه تدينها مثلك لتريح بالك وكي تتفق معك فلا يحدث مالايحمد عقباه..
خطيبتك متدينه لكن ليست بدرجتك فستتعب معها بعد الزواج..وللتوضيح للقراء يقصد به ان الدين درجات فهنالك من يكتفي بالفروض الأساسيه وهنالك من يستزيد طلبا للأجر.. |
اخي العزيز اقدر فيك اهتمامك وحبك لخطيبتك ... لكن لي بعض التعليقات في موضوعك وان شاء الله اصيب ..
اول شي اي عروس وعروسه في بداية زواجهم لازم يدخلهم شوي شك لانكم ماتعرفون بعض .. وهذا الكلام بشهادة زوجي وبتفكيري انا .... يعني اول ماتزوجت زوجي كنت دايما اشك يمكن يكلم ... يمكن يعرف احد واحنا ملكتنا ماكانت طويله شهر بس لكن بعد الزواج كنت افتش جواله بدون مايدري اشوف رسايله احيان اتجرا واساله من هالرقم ؟؟؟ مع انه هو كان اذكى مني ولاعمره حسسني بهالشي لكنه كان بعد يدقق ويشوف من وراي ... والحمدلله اللحين وصلنا لمرحله اننا نثق في بعض ثقه عمياء احس لواحد جا قاللي عنه شي استحاله اصدق ... بالنسبه للكالمات والجوال ... اخوي والله انا متزوجه وبحكم دوام زوجي انه شفتات تعودت على السهر وصرت اكلم صديقاتي كثير بليل وكثير منهم مومتزوجات وبنات ونعم الاخلاق وسوالفنا عاديه مافيها اي شي مريب لكن مجرد مااشوف مكالمة من زواجي استحاله اخليه على الانتظار لازم ارد وهذا موخوف منه لكن احترام له ولاني ابديه عن الكل ... فخطيبتك يمكن فرحانه بالجوال تكلم صديقاتها ... بس الغريب انها تسهر لهالوقت وعندها مدرسه بكرا ... بس انت غلطان لانك كنت لازم تكون حازم من البدايه وتوضح لها ان هذا التصرف غلط وان هالشي انت ماترضاه حتى لو اهلها راضيين ... لانك زوجك وهذا من حقك عليها ... بالنسبه للاسواق لازم تعودها من الملكه انها تستاذن منك لكل مكان بتروحه وتقدر تمنعها لكن لاتنسى انها تجهز يعني لازم تروح كثير .. لكن بعد لاتنتقدها لان اخوها ماينزل معها ممكن انت تفضي نفسك وتروح معهم غصبا عنها لانها مسؤوله منك ... تدري اخوي انا اعرف بنات من اهلي ازواجهم يمنعونهم من اسواق معينه حتى لوراحوها مع اهلهم وعادي تعودوا على الموضوع مع انهم قبل الزواج كانوا يروحون... يعني باختصار روحة هالاماكن موعيب ولاحرام بس هي زوجتك ولماتجي بيتك اوقبل ماتجي ممكن تملي عليها شروطك وتبين وجهة نظرك وانا اقول من الملكه احسن وشوف ردة فعلها ... بالنسبه للعبايه غريبه انك ماتعرف طريقة لبسها للعبايه كل هالفترة وغريبه اهلك مايعرفون وله انت قصدك انها تلبس كذا من ورى ابوها واخوانها...اذا اهلها يدرون عن لبسها وانت موراضي بكل سهوله امنعها وقولها انا ماارضى زوجتي تلبس كذا وانا اغار عليكي ...بس اذا لبسها من ورى اهلها هنا لازم يكون موقفك حازم اكثر ولازم ترفض وبقوة ...وترى اللبس اخوي مايعطي طابع عن البنت الا ان كانت زايده في الميك اب وضحك بصوت عالي وكذا ... هنا لازم تحترم نفسها قبل لاتحترمك وانت لازم توضح لها انك شفتها ذاك اليوم وان تصرفها ماعجبك لاتسكت ابد ... يعني اليوم بالكثير لازم ترفع سماعه عليها وتقولها كل اللي بخاطرك وتوضح لها الشي اللي ترضاه واللي ماترضاه وقولها انك فكرت بالطلاق اذا هي بتعاندك او تقوي راسها لانك تتكلم عن امور تحكمها شريعتك وعاداتك وتقاليدك واسمحلي ادخل العادات والتقاليد لان الاسلام ماحرم مكالمات بليل ولا الروحه للسوق بدون محرم بس لازم تحترم عاداتك لانها من نفس مجتمعك وهذا الاردى يعني هي عارفه عاداتك مولسه بتتعود عليها ... صدقني بعد ماتكلمها وتوضح لها اللي في خاطرك وتقولها انك شفتها وانك فكرت بالطلاق يمكن تزعل شوي في البدايه بس خليها لين ترد عليك وان شاء الله بتتفقون ... والله اخوي بكرا يمكن تضحك على تفكيرك وشكوك وتعرف ان الشيطان داخل بينكم ... انت يحق لك تتعرض على تصرفاتها لكن تعوذ بالله من الشك (( ان بعض الظن اثم))... اتمنى كلامي افادك واتمنى ماطولت عليك.. |
اخي الكريم
انت الان كل الي يدور في بالك مجرد شكوك وخوف وما في اي دليل على ما تقوله وبالنسبة للبسها مش كل بنت شكلها كشخة انة لها علاقات استغفر الله يمكن هي تربت على كده في احد مأثر عليها بلسها وماشاء الله الصديقات والتلفاز ما يقصرون يعني لا تحكم من لبساها وفصاحتها مع البائع انها خلاص معها علاقات وبالنسبة للمكالمات برضه يمكن تكلم صحباتها او قرايبنها يعني غلط نحكم على طول انها لها علاقات اخرى اخي انا لا ادافع عنها لكن كل ما تكلمت به ليس دليل قاطع على ان البنت خلاص مو كويسة ولها ولها انت حاول معها بهدوء وشوف هل هي مستعدة تغيير من نفسها يعني قول احب لما تخرجي يكون لبسك ساتر وتزيد محبتي لك وانتي تسوي الشيء الي اطلبه منك وكذا يعني شو مدى تقبلها كيف بيكون وانتو لسا على البر يعني ممكن تاجل شوية الزواج على بال ما تختبر محبتها لك وهل هي مستعدة للتغير لاجلك وان شاء الله يتم الامر على خير موفق اخي بأذن الله |
السلام عليكم ..
لو صارحتها .. و قالت اللي تظنه حقيقة بتتركها وتتحطم ومن حقك .. ولو قالت العكس بتظل تشك فيها لأنك منتب شايف الا حقيقة وحدة بس ان لها علاقات .. ورأيي بعد ما قريت موضوعك ان التزامك ما شاء الله والفرق الشاسع بين التزامك والتزامها هو اللي خالق لك هالشك .. بالاضافة الى مراهقتها وصغر سنها .. فالمشكلة يا أخي فيك انك غير متقبل لهذا الاختلاف .. ولا تقول بغيرها بعد الزواج لأنه مو شرط تتغير وبعدين تقلب حياتكم جحيم .. ولا يعني هذا الاختلاف انها على علاقات مع شباب ولكنه مجرد اختلاف وحياة أولها شك ما راح ينتهي الشك فيها بالزواج .. رأيي تستخير وتاخذ وحدة متوافقة في التزامها الديني معك والله يقدم لك اللي في الخير |
شوف حبيبي فهد غالبا وقت الملكه الشك والوساوس تدخل الانسان
انا كنت متملك حدود سته شهور كانت ايام حلوه رغم انها اكثرها مشاكل بس استفدت منها بعد الزواج باني عارف اشياء كثيرة عن الزوجة وعرفت كيف اعلمها الصح والغلط كنت مثلك اشك بكل شي واسئلة كثيرة (الحق يقال انها كانت متحمله) بس الحين ولله الحمد واثق في زوجتي مثل ماني واثق بنفسي انصحك بصلاة الليل والدعاء وكثرة الاستغفار ولاتنسى تستخير وتدعو الله بالتوفيق واتمنى لك حياة سعيدة الله يوفقك ويسعدك ويسهل امورك |
شوف اخوي مو قاعده اللى سوته خطيبتك
يعني لو هي راعيه علاقات راح تسوي نفسها انها طيبه وماراح تبين على فكره لان اللى دايم راعيات علاقات يبينون عكس ذلك لكن خطيبتك باين انها لسا مراهقه ولا عندها هالحركات يعني بريئه شوف انا بنت وافهم بحركات البنات اللى لها علاقات قدام الناس تسوي نفسها احسن الناس يااخي توكل على الله ولاتخلى ابليس يخرب عليك والله يوفقك |
ياجماعة كل كلامكو صحيح 100%
لكن قصة مكالمات اخر الليل بدها شوية تركيز مابقول انو هادا دليل انو الها علاقات لالالالا ابدا لكن معاه حق يشك شوي ومعاه حق يتحقق من الموضوع ليتبين الحقيقة ولا اقول انو اكيد البنت الها علاقات ابدا والله لكن خليه يتاكد لترتاح نفسيته مستغربة انو كلكو بتقولو انو مافي داعي يدايق من هالمكالمات معاه حق يدايق لكن طبعا يتمهل ويتبين الحقيقة ويستخير ويبعد فكرة الطلاق |
| الساعة الآن 02:15 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©