انا ما اطلعت على الردود لاكن لابد انك تكلمين احد من اهله يتدخل فعلا عمرك يمضي وبعد ماتعجزين ياعالج وياخذ عليك وحده كلام صحيح وسوها ناس كثير وواصلي الاستغفار والكلمه الحوه تنفع وفعلا هو متضايق اكثر منك والله يرزقك ويرزق ناس في بالي الذريه بعد

اختي الكريمة ليس في يدي سوى الدعاء لك
ان يهدي الله زوجك وان يرزقك الدرية الصالحة
عاجلا يا رب

بارك الله فيكم جميييييييييييييييعا

اكرر جميييييعا لآني متعبة ان احصي الاسماء ثم انها بعضها بالانجليزي وصعب كتابتها وانا بهذه الحال

اشكر بشدة الاخ السيف المهند و الاخ لا ارغب التعدد واخت ايضا اعجبني ردها كثيييييييييييييييير وناسبني ..اسمها على ما اظن زينة الحياة

انا حاولت استعين بناس كبار لكي يفهمون زوجي لكنه..يقطع عليهم الساااااااااااااالفة ولا يخليهم يكملوها ويتضايق منهم ولا عاد يحب يزورهم أو يتحدث معهم مرة ثانية... وبالنسبة للطلبات ...رحم الله اخوي كان هو اللي يجيب لي اكثر طلباتي خاصة في الاوقات الصعبة..الله يرحمه ويغفر له ويجعل قبره روضة من رياض الجنة ..كان رحمه الله قلبه يتقطع علينا ..ويحاول يقترح لي الحلول عشان على قولته يشوفني مرتاحة ومبسوطة لآنه رحمه الله عاش معي وحس بالروتين القاتل و الصمت المطبببببببببق في البيت..خاصة ان زوجي لا يحب السفر ولا التغيير ابدا..الحين نفسي نروح مكة ونعتمر...بس متأكدة لو اقوله يمكن تقوم قيامته و يدعي عليي و و و الحمد لله على كل حال

وللعلم استعلمت لزوجي خلطات عسل طبيعية ..مع انه لما تخلص يرفض انه يشتري ثانية يقول انها خساير على فاضي ..

بس انا الحين ابغى اعرف تأثير هالادوية هل تحسن او لا ..

استغفر الله العظيم وأتوب إليه

أختي الكريمة ما دام أن زوجك يعصب فقط من كثرة كلامك في موضوع الانجاب دون تهديد ووعيد وضرب وخلافه فهذا يدعوني أن اقول لك كثرة الدق تفك اللحام ، لكن بأسلوب مهذب مؤدب محترم .

كل يوم كلميه بطريقة مرة بضحك ومرة بزعل ، ومرة بترجي ومرة بتحطم ... الخ


وهذا سيجعل الأمر يسيطر على تفكيره دوما ولعلك تصادفين يوما أن يكون تفكيره منطقيا فيهتم للعلاج .

طبعا لا ننسى الالحاح على الله في الدعاء وعدم اليأس والقنوط مهما كلفك الأمر ، فإن لم يستجب ربك دعائك فسيأجرك

أو يدفع عنك بلاء.

عزيزتي بقولك شي 14سنة مو مدة بسيطة خلينا نفكر بعقل وخلي العواطف على جنب زوجي على عيني وراسي ماراح أقصر بحقوقة بس لو كانت عصبيتة عشان سالفة الإنجاب أنتي بعد مثلة تعانين وتركضين تدورين العلاج أما سالفة أجلسي والعمر يمضي وأنا تحت رحمته متى يتكرم ويعالج وياخذ الموضوع بجد لاحبيبتي الرجال ممكن يكون عمرة 100سنة ويستطيع أن يتزوج وتحمل زوجتة أما المرأة من تشارف 45تبدأ تطرق سن اليأس وبعدين راح الوحدة تقضي عمرها مشاكل ومغثة حتى موضوع مصيري يخص الزوجين بقعد تحت رحمتة والله والله لو كان هو سليم 100%ماصبر كل هذه السنين بس خليك قوية وأجلسي معه جلست تفاهم بجو كله ود وقولي له أنا شاريتك ومابي غيرك لكن موضوع الأنجاب موضوع مهم بالنسبة لي إذا أنت ماتبي عيال أنا أبي والعمر يمضي يازوجي وإذا أنت عندك الموضوع عادي خلني أشوف نفسي أكثر من 14سنة ماعندي أستعدادأصبر بعد تكلمي بجد ولاتلينين وبعد ياجماعة الخير خلو عنا العواطف اللي ننصح فيها ببعض المشاكل وخلو عنكم جعل المرأة الجدار الواطي بكل مشكلة هذا حقها الشرعي طلب الأطفال وماعصت ربها لو أتخذت قرار حازم بهذا الموضوع الله يوفقك ويفرج لك يارب.....

جزاك الله خيرا

مشكلتك مع زوجك
انه حاس انه ماراح يخسرك مهما سواء فيك
وهودينه متوسط فهو لاخايف من سخط الله
وانتي مستحيل تسخطين وتاخذين موقفه منه
اعذريني على ردي القاسي
لاني متابعه لمواضيعك من زماااااااااان واتمنى لك السعاده واحبك في الله ومعجبه بصبرك
لكن كل شي له حدود
الله يساعدك

رجعنا
ياغلا انا متزوجه لي10 سنوات وماعندي اطفال المشكله في زوجي
بأختصار كان في البدايه متحمس للعلاج ويدور في 3 سنوات الاولى
وبعدين اهمل وصرت انا ادور له على الدكاتره اللي لهم انجازات في الانجاب طبعا داخل البلد اوخارجها , وطبعا انا اللي اجبره على المحاولات كلها لاني احبه و ودي استمر معه ويرزقني الله منه اولاد وهو يحبني مررره يمكن اثر من حبي له ,المهم تعبت وانا اللي شايله المسئوليه وغي كذا انه عمله حياه خاصه فيه واشغلته وارتاح على وضعه هذا اصحاب وتمشيات معهم وكل يوم يطلع من الساعه 3 عصر الى الساعه 10 بالليل عشت على هالحاله 3سنوات الاخيره
مليت الحالي بديت اشوف فيه الانسان الاناني اللي ريح نفسه وبس ما عليه فيني . يعني زي حالته المفروض ما ييأس ويحاول لو على شاني ولا يحاول حتى يعوضني بسفره كل ماقلتله ياللا نسافر يقول وهو معصب انا ماحب السفر وما عندي فلوس طبعا هو ماعنده رغم ان راتبه حلو وايجار بيتنا قليل لكن عنده سوء تدبير في النهايه فكرت واستخرت وحسيت نفسي مضيعه عمري معه مرت10 سنوات مكانك سر .قررت اني اذا رحت لاهلي الاجازه الجايه طبعا اهلي ماهم في نفس المدينه ,ماني راجعه معه طبعا هو مايدري لانه لودرى ماوداني لان قدصار بيني وبينه كذا ومارضي وراضاني ,المهم ارسلتله رساله انه خلاص يطلقني واني تعبت وابي اطفال وهذ القرار اتخذته بعد استخاره وبعدها قفلت جوالي ما يحتاج اقولك قد ايش كان الموقف صعب ونفسيتي تعبانه , اللي صار انه حاول يكلمني ما قدر ما خلى احد من أهلي الاكلمه وكلهم يقولون انه هذا قرارها ومن حقها طبعا هو عرف غلطته وصحي من غفلته ,واستخرت الله في كل شي ان الموضوع طلع من ايدي وصار بايد الكبار والخيره كيف ما مشت الامور ,اللي صار انه بعد الرساله بنصف ساعه الا ابوه عندنا وتفاهم مع ابوي ومعي وقالي ارجعي بس سنه وشوفي التغير والله يرزقكم واذا ما الله كتب ماحد بيعارض ,طبعا جيت عمي كان لها مكانه عندي وعند ابوي فرجعت بيتي . التغيرات اللي حصلت انه اهتم يبحث عن علاج وصار موكل يوم يطلع وماديتنا احسن لانه صار يتصرف احسن من اول يعني عامتا تحسنت اموري , شوفي اخت غلا لو الله قدرلي اني ماأرجع كان عادي عندي لاني تعبت من اني ماني قادره آخذ قرار , نصيحتي لك من مجربه اتخذي قرار حتى لونهايته انك تتركيه طبعا مع الاستخاره الدائمه والله يكتبلك الخيره فيه .واقول اللهم اني اسالك كما سالك عبدك زكريا ربي لا تذرني فردا وانت خير الوارثين
الله يرزقك يا غلا ويرزقني وكل محروم من الاطفال ويعوضك ويعوضنا الله وان شاء الله اني افدتك لو بشي اليسير

منتظرة فرج ربها

اعذريني يا قلبي ما فهمت عليك..والله راسي مليان نوم

ممكن تعيدين؟؟؟ فضلا لا امرا ومشكورة مقدما

حبيبتي الأزون

الله يوفقك مع زوجك ويسعدك دنيا واخرى

نفسي والله اني اسوي نفس خطواتك وقد فكرت فيها

بس زوجي ما عنده ذرررررررررررررررررررررررررررررررررة صبر ..وقد قال لي ..روحي عند اهلك واذا ما تبغين ترجعين..في ستين داهية...انا ما ابغى كل يوم مشاكل ..مع ان ايامنا مو كلها مشاكل..وهو اصلا اذا زعل ..لازم يقول هالكلمة انت منكدة علي وما تبيني ارتاح ..لا ليلي ليل ولا نهاري نهار

بعدين انا ما عندي اب

واخواني كلهم اصغر من زوجي بسنوات وبعضهم

يمكن لو اخوي هذا اللي توفي رحمه الله كان اختلف الوضع لآنه طيب معي ولا يرضى علي

واتوقع اخواني ما يرغبون بالطلاق

لآنهم ينظرون لزوجي نظرة احترااااااام يحسبووووووووونه فوق العلالي

انا فكرت اهدد زوجي بالطلاق

بس خايفة يتهور ويسويها لآن كما قلت ما عنده صبر وكما قلت هو قال لي كم مرة

انه غبي انه تزوج وان العزوبية افضل من الزواج

الله يهديه

آآآآآآآآآآآه يا قلبي ..صبرك صبرك..احس ان حبي له ضعف لكني لا اقدر استغني عنه