|
اختي منى
الله يرزقك الزوج الصالح يارب.. انا قبل لا انخطب بصراحـه لما كنت اشوف شيء بالسوق ويعجبني دائما افكر بيني وبين نفسي انو لما انخطب واجهز للزواج راح اشتري هالشي وحتى فستان الخطوبة كنت مخططه كيف راح افصله وموديله ووين راح اسويه ووين راح اسوي الحفله وكل التجهيزات ومن هالأمور بس تخطيط في بالي :d ماطبقت شي على ارض الواقع بس بعد الخطوبة ولما جيت اجهز للحفله ماسويت شيء ابدا من الا خططت له حتى الفستان :d كل شي غير تماماً..:25: بس قبل خطوبتي بفترة فصلت لي عباية جديدة وشنطـة وقلت ماراح استخدمهم الا لما انخطب ( وكانت في بوادر خطبة لكن لسه ماصار شيء مجرد كلام) بس تفائلت خير وخبيتهم واستخدمتهم بعد الخطوبة فعلاً.. ما انصحك عزيزتي تجهزي شيء من الحين لان الموضة تتغير بسرعـه والاشياء اذا تخزنت لفترة حتى لو بسيطـة تخرب وتروح زهوتها والاحسن انك تجهزي بعد الخطوبة وبكذا بتكوني عرفتي ذوق زوجك والالوان الا يحبها والاشياء الا يفضلها وتشتري على اساسها.. وكل شيء بوقته حلو :22: ان شاء الله ما ينتهي الشهر الا وانت مخطوبة يارب :14: |
انا اعرف وايد بنات سوووها
وفي وحده مسكينه وصلت الثلاثين وحاطه امل.. ويتقدمون لها شباب بس مايصير نصيب وفي وحده كانت تجهز واحنا بالجامعه ومن خلصت على طول انخطبت ومن شهر بس عرست بس حبيت طريقتج .. وافكر اتبعها ولو اني ما افكر بالزواج حاليا وفي ناس ينتظروووون مني الرد !!! |
شمس الحق*
جزاك الله خير .. jas00m الله كريم .. جزاك الله خير jooolie لا تطمن ما راح أزودها .. بس هي تخيلات براسي ولا أنا بعدني ماسويت شي لكن أتمنى .. والله كريم الفـــــداء أنتِ عاااااااااد حطمتيني بقوة في تفاؤلي .. وشجعتيني أكثر .. الله يسعد ياشيخة ويفرح قلبك اقتباس:
الله يجعل أيامك كلها أفراح بافراح ويدخل السرور لقلبك مثل ما أدخلتيه لقلبي الله يبارك فيك يالغالية مهره أنا ماسويت شي ولاشريت شي .. بس هذي هواجس تدور براسي وأفرح لما أفكر فيها تقدرين تقولين أعوض نفسي بالأحلام :14: عروس بالاسم الله يرزقني ويرزقك .. ويسعد أيامك يالغلا ملَك شادي حياك الله وجزاك الله خير يتيم الله يبارك فيك .. وشاكرة لك سرد القصة والله يرزقني بتفاؤلي مثل مارزقها abo marym حياك الله وجزاك الله خير كروشيه يا أخوان ليش انتوا فاهميني خطأ ؟ من جاب سيرة الملابس الخاصة ؟ ع العموم جزاك الله خير على النصيحة louly-11 الله يرزقني ويرزقك ياقمر :) أكره التعقيد! حتى أنا أكرهه:22: حياك الله وياااااااااااارب قبل ما أشتري أي شي يرزقني ربي الرجل الصالح ويكون هالحلم حقيقة الله كريم:) شموع رومانسية وليش تخلينهم ينتظرون ؟ حبيتي استخيري ووافقي والله مافيه أحسن من الاستقرار الله يوفقك ويرزقك |
أبداً ... ما أخطأتي... لعلكِ محسنة الظن بالله
فحالكِ كحال الشاعر الذي يقول : وإني لأرجو الله حتى كأنما : : : : أرى بجميل الظن ما الله صانع يبقى عليكِ المداومة على الدعاء والتضرع لله سبحانه خاصة في أوقات الإجابة |
الله يرزقك الزوج الصالح قريبا ان شاء الله
|
الله يوفقج أختي ويرزقج الزوج الصالح..**آميييييين**
وأنا أشوف اللي تسوينه - او ناويه تسويه - أبدا مش غلط وحدة من صديقاتي قالتلي عن وحدة كانت كل ما تروح مكان ويعجبها شي تشتريه وتخبيه..ولين ما جا زواجها وما شاءالله عندها زهبة كاملة :23: فأنا أشوف هذا الشي عادي جدا (وتفاءلو بالخير تجدوه) |
الله يرزقك الزوج الصالح عاجلاً غير آجل.. لكن اختي كل شي في وقته حلو.. الموديلات تتغير و الموضه تتغير.. كل لون له وقته.. و ذوقك يتغير.. و حتى جسمك يتغير ( اللبس اللي حلو عليك الحين يمكن ما يكون حلو عليك بعد 4 أشهر مثلاً ) بس إذا تبين نصيحتي و حابه تتفألين بالزواج كل ما صار معاك فلوس شيلي جزء منها في حساب خاص (تجمعين فيه للمستقبل القريب ان شاء الله) لأن الفلوس بتنفعك في كل وقت و بتساعدك كثير في الجهاز ( مثل ما نقول زيادة الخير خيرين) لكن الملابس لا.. عشان ما يجي يوم و تندمين على فلوس ضيعتيها في ملابس لا لبستيها في وقتها ولا ناسبتك بعد زواجك.. |
تفائلوا بالخير تجدوه
هناك احيانا تاتي قطع مميزة في السوق ولامانع ان تحتفظي بها لزواجك لان اغلب زواجاتنا تكون فترة الملكة فيها قصيرة فاحيانا تضطري لشراء شيء لايعجبك..فقط ليكتمل التجهيز.. لذا ارى ان فكرة التجهيز مسبقا تجعلك مرتاحة نفسيا في وقت الملكة والاهم في ذلك كله ان زوجك لا يعلم انك جهزتي فيتفاجىء بما اقتنيتي من اشياء حتى قبل ان تريه.. كلنا نحمل هذه المشاعر فلما نقتلها.. أختك حائزة |
هذا مو مرض نفسي أنت شخصيه متفائله واصلي وابقي على ماانت عليه .... ان شاء الله اسمع خبر زواجك قريب.. الله معك..
|
اقتباس:
|
| الساعة الآن 12:56 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©