|
رد : (مميز) زوجة معدد؟ ...... تفضلي
اقتباس:
|
رد : (مميز) زوجة معدد؟ ...... تفضلي
مهره الله يحفظك..الله يقدرلك الخير وين ماكان ويرضيك فيه ..صراحة اسجل اعجابي بأهل زوجك امك وخواتك اهل مايتكررون ماشاء الله يحفظهم ارفع القبعة احتراما لهم والله يديم المحبة بينكم يارب..همسة مهرة فيه قصيده قد سمعتها تحاكي وضعك تماما لكنها كلماتها مووووجعة جدا لو تحبي تبحثي عنها وتسمعيها..اكتبي في قوقل قصيدة الصورة اللي بجوالي تعذبني..
|
رد : (مميز) زوجة معدد؟ ...... تفضلي
اقتباس:
. . . وضعي مختلف عن صاحبة القصيدة يا سمو. أنا لست طيبة لهذه الدرجة! |
رد : (مميز) زوجة معدد؟ ...... تفضلي
كسرت خاطري أم زوجك
الله يبرد قلوبكم جميعا بما فيه الخير وراحة البال |
رد : (مميز) زوجة معدد؟ ...... تفضلي
|
رد : (مميز) زوجة معدد؟ ...... تفضلي
اقتباس:
اقتباس:
|
رد : (مميز) زوجة معدد؟ ...... تفضلي
هلا مهره : ياختي
[شو اعمل : فيه اقسم بالله شي بيجلط كل ليله حمام ولبس وشاور وعطر ومسك وبودره وميكاب وحركات ودلع وضحك : وبيجي من الشغل مكتئب : وبيجيب كل مشاكل شغله معاه : الزوج بيقعد يتونس مع مرته هدا طول اﻻسبوع مكتئب ومنكد وبس يجي يوم الخميس : بيروح الصالون بيزبط لحيته : وبيحلق شعره : وبينظفلها حاله وبيغسل سيارته [عامل عاشق دونجوان ليش بس يجي عندي بيتذكر كل مشاكله وبس يروح عندها وناسه: ليش ما بيعدل بيننا : ليش هديك للوناسه: والضحك ليش عندي بيتذكر كل مشاكله وهناك بينسى مين قاله يروح يخون ويتزوج ويفتح بيت ثاني ويزيد المصاريف حكيتله هدا الكلام على الفاضي على الفاضي بيحكيلي انت وحده مرتاحه بال : لو عندك مشاكلي كان ما طالبتيني باي شي : ما بيحس : : مو شايغني شو ما تعملي على الفاضي بيرمي بكل مشاكله على الناس عايش دور الضحيه اليوم فكرت بمشكلتي معاه وقررت اعمل مثلك اعمل ثوره عليه زوجي محتاج هزة قررت اكتبله رساله واطلب الطلاق واترك البيت واروح عند اخته << ان شاء الله ما تطلع مسافره بس الله يستر خخخ يختي مخالفين هون بأبوظبي من 9 شهور بدنا انا واولاد تجديد الاقامات وبدي يسجل اولاده بمدارس خاصه << الحكومي ممنوع للمقيمين وبدي انزل الضفه اسجل علي بالهويه ولا بتروح عليه وممنوع يدخل فلسطين وبدي ينقلنا على ابوظبي عفنا حالنا بالباهيه << بتحكيلك تفضلي زورينا خخخ وشايفيني ساكته وكل ما افتح معاه الموضوع ما عنديش فلوس وكيف رحت نقلت الثانيه على بيت جديد بثلاثين الف من وين طلعن الفلوس بالله تخبريني ليش الفلوس بتختفي وقت ما انا اطلبهن هذا الاسبوع راح استمر على الاستخارة بطلعتي من البيت وطلب الطلاق اللي بدو يعمل جمال بدو يوسع بيته مو تخون وتتزوج وتروح تفتح مصاريف جديده وبيتك الاول مقصر فيه وين العدل |
رد : (مميز) زوجة معدد؟ ...... تفضلي
تدرين يا مهرة قاعدة أفكر بحالي .. لو لا قدر الله صار لي اللي صار لك .. ايش ممكن أسوي
أحس إن فيه أشياء بالدنيا " لا تُشترى " يعني في أشياء لو فقدتها لا يمكن يعوضها أو يصلحها شيء " لا تصالحْ! ..ولو منحوك الذهب أترى حين أفقأ عينيك ثم أثبت جوهرتين مكانهما.. هل ترى..؟ هي أشياء لا تشترى..: " مثل الحب .. أو التقدير لكن أنا عن نفسي بفكر بعقلي - ما اقدر غير كذا - .. و بقعد معاه و بشوف نفسي وحياتي بكوّن لي مجتمع صديقات و شلة وغيرها أطلع معهم أغير جو و أعيش حياتي .. أصلًا من الحين أنا أبغى أكون مجتمع غير أهله ودي بجارات .. صديقات .. بس أبغى أستقر في البيت التمليك - بيتنا مؤقت - الله يفرج همك .. و يكفيك ما أهمك و ييسر لك الحياة الطيبة من حيث لا تحتسبي |
رد : (مميز) زوجة معدد؟ ...... تفضلي
اقتباس:
مب مهم .. ما هو عقلاني .. وكل شي يعمله صح! في الآونة الأخيرة صار زوجي يعمل حركة عاد الله أعلم هي صدق وإلا مجرد حركات. هو صار نومه قليل .. لأنه يستيقظ مبكراً وبالنهار يطلع يقضي مشاوير .. وبعد صلاة العشاء يخرج .. وفي الغالب لا ينام قبل الثانية عشر أو بعدها أحياناً .. فصار كل فترة وفترة يعمل نفسه يمازحني ويحط راسه على كتفي وينام! .. أو بمعنى أدق يعمل نفسه نايم (يلعب يعني) مثلاً يحتضنني ثم فجأة يرخي راسه على كتفي ويعمل نفسه يشخر. هذه الحركة تكررت كثيييييييراً خلال الثلاثة شهور الماضية تقريباً .. في الأخير قلت له: مب ملاحظ انك كله نعسان وتبا تنام؟ .. قال: هذا معناه إنج انتي السكن والسكينة والأمان!!!!!!!!!!!! شفتي التبرير! ;) . . . قلبي عليج يا متفائلة! للأسف لست في وضع يسمح لي بإسداء أي نصيحة. فقط استخيري. الله يكتب لج الخير. |
رد : (مميز) زوجة معدد؟ ...... تفضلي
اقتباس:
بارك الله فيج. |
رد : (مميز) زوجة معدد؟ ...... تفضلي
بعث لي: كل عام وانتي بألف خير.
غالباً هو يقصد ذكرى يوم عرسنا. المضحك إنه ليس تاريخ اليوم ;) .. بل بعد ثلاثة أيام! |
رد : (مميز) زوجة معدد؟ ...... تفضلي
فرج الله همك
يمكن حركة مقصودة عشان يشوف تردين عليه وتصححين التاريخ:D تبغين الجد زين انه فاكر |
رد : (مميز) زوجة معدد؟ ...... تفضلي
اقتباس:
عشر سنوات أحفظه ومب راضي يحفظ! ;) على كل حال .. ما رديت. |
رد : (مميز) زوجة معدد؟ ...... تفضلي
فيه فرق المتقدم يعني ينتظر واممم متحمس :d
يعني سابق بالفضل والمتاخر قد فات تحسب له نقطة :25: لو كل البشر انصحهم ممكن بالطلاق الإ انت وضعك مختلف |
رد : (مميز) زوجة معدد؟ ...... تفضلي
الله يوفقك مهره و يكتب لك كل خير
|
رد : (مميز) زوجة معدد؟ ...... تفضلي
ربي يكتب لك الخير ويجبر بخاطرك حبيبتي
|
رد : (مميز) زوجة معدد؟ ...... تفضلي
صباحك ورد وراحة وطمانينة يارب حبيبتي
ربي يلهمك الصواب |
رد : (مميز) زوجة معدد؟ ...... تفضلي
اقتباس:
سابق بالفضل؟!!! .. الله يسعدج بس. بغض النظر عن إنه عمره ما بادر بتذكّر هذا اليوم .. لاحظي: تذكّر وليس احتفال. أقول لج شو صار في ذكرى زواجنا الأخيرة؟! كان في الدوام .. وظللت أنتظر حتى الثانية عشرة على أمل .. فقط أمل أن يتذكر ويرسل شيئاً. لكنه ما كان فاضي! سهر على الواتس حتى ما يقارب الواحدة والنصف بعد منتصف الليل .. يحادث إحداهن. ثاني يوم عاتبته .. عتاب هين لين .. بكل هدوء الدنيا .. عتاب محب كما تسمونه .. قلت له: تمنيتك معاي في هاللحظة .. تمنيت أكون في بالك! تعرفين شو كان رد فعله؟! زعل! وسكر الخط! وعمل لي بلوك في الواتس طول اليوم! الله يسعدج يا بوفارديا .. قلت لكم خلوني ساكتة .. فأنا الآن لا أتذكر إلا السيء فقط. |
رد : (مميز) زوجة معدد؟ ...... تفضلي
على مقياس 1 من 10
كم نسبة هدوء مشاعرك و استقرار الآن و هدوء غضبك من وقت ما انصدمتي بجيتها عند اهله ؟! و هل استقرار مشاعرك الآن مفيد هل اصبحتي واضحه الرؤيا فيما سيصبح مستقبلا بإذن الله هل انتي قادره على النقاش حتى لو كان نقاش عقيم هل تقدرين تحوريه لنقاش ناجح او تنهيه اذا اصر هو ان يكون نقاش عقيم ؟! اذا آخر الحلول مثل ما قلتي الخلع مين بيكون معاك ؟! و هل ستتركين الاولاد في حال الخلع ؟! |
رد : (مميز) زوجة معدد؟ ...... تفضلي
مهرة
انت تخافين من الشماته؟! |
رد : (مميز) زوجة معدد؟ ...... تفضلي
اقتباس:
أنا حريصة على مصلحة أبنائي حتى آخر لحظة .. لكن إن قرر هو أن يجبرني على التنازل عنهم من باب العناد أو المكابرة أو لوي الذراع .. فنعم سأتركهم له. هو أبوهم في النهاية وذنبهم في رقبته. |
رد : (مميز) زوجة معدد؟ ...... تفضلي
اقتباس:
ما فهمت قصدج يا شوك! |
رد : (مميز) زوجة معدد؟ ...... تفضلي
مهره حبيبتي،، انتي لازم تقتنعين بشي وماتهربين منه زوجك يحب الحريم ..بغض النظر عن حبه لك هو مدمن هالشي..وبهالحاله قدامك خيارين :
1-انك تحطين اعصابك بالثلاجه وتعيشين معاه كرجل فقط يحميك ويكون بقرب اولادك وتتجاهلين الاشياء الثانيه وتنشغلين انتي بحياتك بعيداً عنه. 2-ان تشترين راحة بالك وتتركين له الجمل بما حمل وتستعدين لخوض مضمار الحياة كـ أم عازبه،، الله يسهل امرك وييسر لك ويسخر لك ياكريم |
رد : (مميز) زوجة معدد؟ ...... تفضلي
أمي الله يسعدها كلمتني اليوم الصبح .. كانت طالعة واتصلت تسألني إذا محتاجة شي.
وقبل المغرب يتني البيت .. وتمت معاي حوالي ساعة .. نسولف وتلاعب اليهال. صراحة بعد زعلتها مني أمس توقعت إنها تم ماخذة على خاطرها شوي .. بس الحمدلله ما هنت عليها. واحنا يالسين خبرتها عن جلسة الـ PRP اللي كانت عندي من يومين .. قلت لها كمية الدم اللي سحبتها الممرضة ما كانت كافية .. والممرضة ارتبكت تقول الدم ما ينسحب كفاية! .. واضطرت تأخذ كمية أخرى من اليد الثانية! والغريب ان مكان الإبرة ترك أثر واضح وشوي مؤلم في المكانين! .. مع انها نفس الممرضة اللي تسحب لي الدم كل مرة. عاد ماما ما صدقت .. قالت: طبعاً ما بيكون فيج دم .. دمج نقص ما دام بالج مشغول وتفكرين وايد. <----- ظنكم فعلاً فيه علاقة؟ . . . . أخته أرسلت لي اليوم مقطع فيديو عن العفو والغفران ;) .. ملخصه ان اللي ما يسامح تصيبه الأمراض! وبعدها سألتني إن كنت اتصلت بالمحامي اللي طلبت منها رقمه من كم يوم. قلت لها اني غيرت رايي .. أنا كنت ناوية أسأل عن شي يخص اليهال بعدين فكرت وقلت انه ما راح يظلم عياله في شي فماله داعي أكلم المحامي. قالت لي: انتي بعدج مصممة على الطلاق حتى لو قال خلاص؟ قلت: هيه. قالت: خلاص ما راح يسكّنها عندنا. قلت: براحته .. هذه مسألة ما تخصني. قالت: طيب انتي شو اللي بتاخذينه من الطلاق؟ قلت: مب لازم اخذ شي .. بس النصيب وصل لين هني وخلاص. قالت: عيل ليش تهدمين حياتج وعيالج يتلتهون يوم يشوفون ان علاقتكم مب مثل قبل .. انتي تعتقدين ان ما راح يتغير عليهم شي من الطلاق؟ .. اسأليني أنا. قلت: أنا طول الفترة اللي طافت وأنا أتجنب هالشي لأني كنت خايفة على عيالي ولأني كنت أحب اخوج ومقتنعة انه يستحق اني اصبر عليه .. بس هو ضغط عليّ بزيادة هالمرة وأنا خلاص صبري خلص. قالت: ما عليه عطيه فرصة وما يصير الا اللي يرضيج .. بس سالفة الطلاق الله ما يرضاها مادام الريال مب مقصر عليج في شي ولا يمد يده. قلت: انا عمري ما قلت انه مقصر .. وطول عمري أقول جدامه ومن وراه انه ما قصر معاي ولا مع اليهال .. بس السالفة مب فلوس وبس. قالت: ادري الفلوس مب كل شي بس بعد لها دور .. طيب انتي ما تخيلتي حياتج كيف بتكون بعد ما تتطلقين؟ قلت: مب مهم .. بس أنا شايفة كيف حياتي وكيف نفسيتي الحين .. أنا نفسيتي صفر .. المهم عيالي وأنا متأكدة انه ما بيقصر عليهم .. أما أنا فربي موجود وما راح أضيع. قالت: المشكلة انج مخليته كل شي في حياتج ومحور اهتمامج .. انتي لو تشغلين نفسج في أشياء ثانية حياتج راح تتغير. قلت: أنا أتم بروحي ثلاث أسابيع .. عارفة شو يعني أتم بروحي؟ .. وعمري ما اشتكيت لحد من وحدتي. قالت: بس انتي تعرفين انه يكون في الدوام. قلت: الكلام ما منه داعي ولا راح أتوقع حد يفهمني .. إذا هو نفسه مب فاهم! قالت: هو يبالكم الراحة والعيشة الهنية اللي هو انحرم منها .. انتي ما تعرفين كيف كانت حياته كلها دراسة ما عنده طلعات وروحات وتم جذي لين ما اشتغل وكوّن نفسه. قلت: والحين يعوض مع الحريم؟!!!!!!!!! .. خلاص براحته يسوي اللي يباه. قالت: بالعكس انا اشوفه دوم في البيت. قلت: يالس في البيت بالجسم بس. قالت: هذي غلطتج .. انتي من البداية ما واجهتيه. قلت: الله يرضى عليج محد يشوف اللي انا اشوفه. قالت: الله يهديج بعدين بتعرفين قيمة الزوج .. على قولة المثل ضل راجل ولا ضل حيطة .. صدقيني راح تندمين كثر شعر راسج. قلت: انا فعلا كنت غلطانة لاني ما كنت أعرف اسوي مثل الحريم اللي يسوون مشاكل وعوار راس .. ولا كنت احب اطلع من بيتي كل شوي على زعل وهواش .. كنت مفكرة اني احافظ عليه وعلى بيتي قام يجرحني بزيادة .. ما في حرمة عاقلة تخرب بيتها بدون سبب .. على كل حال أنا مستخيرة وربي أكيد بيكتب لي الخير .. وهو الله يسهل عليه بالطريقة اللي تريحه وترضيه. قالت: انتي الحين تخربين بيتج .. فكري عدل وشوفي حل ثاني غير الطلاق. قلت: والله العظيم لو لاقية حل ثاني كان سويته .. بعدين هو أساساً لين الحين ما رد علي. قالت: لأنه مب حاب فكرة الطلاق .. ما عليه انتي اصبري .. الا ما يلقى حل. قلت: صدقيني انا ما طلبت الطلاق عشان يغير تخطيطه أو يدور على حل ثاني .. خليه يسوي اللي يباه مثل ما يحب .. بس خلاص انا الوضع هذا كله ما عاد يناسبني والأفضل اني أكون بعيد. قالت: ما ادري شو أقول لج .. بس فكرة الطلاق احسها مب خير لج .. ومب مرتاحة منها .. احس وراها عواقب انتي مب حاسبة حسابها. قلت: كل شي بعد الاستخارة خير فديتج .. وعشان خاطرج ما راح أشيل في خاطري عليه .. الله يسامحه ويسهل أمره. . . . بعدها سألتها إن كانت هي اللي فتحت معاه الموضوع والا هو اللي قال لها اني طالبة الطلاق .. لأنها قالت خلال الحوار انه مب حاب فكرة الطلاق .. قالت انه ما كلمها لكن الطبيعي انه ما يكون حاب الطلاق!! |
رد : (مميز) زوجة معدد؟ ...... تفضلي
حسيت من كلامها ان هو مرسلها تشوف شو في خاطرك وبيتأكد انك مصره ع الطلاق
اكيد هو مو مستوعب الى الان ان هذي مهره اللي تصرفت كذا |
رد : (مميز) زوجة معدد؟ ...... تفضلي
اقتباس:
هي قالت (خلاص ما بيسكّنها عندنا) .. وهذا قرار لن تتخذه من تلقاء نفسها بأي حال. |
رد : (مميز) زوجة معدد؟ ...... تفضلي
الله يكتب لك الخيرة خليك ع موقفك ماينفع تعيشين في هم وضيق وكدر
وهومريح رأسه ويسوي الي يبيه ولايهمه شئ لابديكون لك موقف قوي حتى يحسب الف حساب لزعلك قبل مايتصرف اي تصرف يجرحك..وبعدين ليه حابسه نفسك في البيت اخرجي غيري جو رفهي عن نفسك خليه يعرف انك عايشة حياتك مو متضايقة ومكتئبة في البيت اوكي ماتبغي تروحي لاهله براحتك بس لاتجلسي للهم التفكيراخرجي سلي عمرك وياليت بعد هالمشكلة تشوفي نفسك وتعيدي حساباتك في طريقة تعاملك معاه وتبحثي عن عمل لان الوظيفة امان وانتي شايفة وضعك الحين كيف في هذه المشكلة والله ييسرلك امرك يارب |
رد : (مميز) زوجة معدد؟ ...... تفضلي
يا مهرة
الله يوفقك اطلعي من افلام الابيض و الاسود يا اسود يا ابيض انتي الله يهديك دلوقتي كله ملون و كله بيضحك و مافيش حاجه اسمها حب فيه الوان الوان ؟! و اذا المفاوضات صارت عن طريق اخته فهذا افضضضضضل حطي شروطك يا مهرة كلنا نقول حطي شروطك ؟! و لا تحسبين حساب للثانيه لانها واضح انها تعرف تسبع نفسها ؟! حطي شروطك و انتي ما رح تظلمينها في شي انتي وين و هي وين و بعدين انتي ام العيال و عشانهم و عشانك و عشان نفسيتك انتي الاولى اما هي الثانيه ما بيتغير عليها شي و لا بتزعل اصلا هي جايه على ضره محد جبرها على تغيير و ربي معاكي |
رد : (مميز) زوجة معدد؟ ...... تفضلي
حبيبتي وخيتي ،،،اني لكي من الناصحين~~~> فهمت من موضوعك ان نزوات زوجك وزواجاته ماقابلتيها بصد ودفاع لنفسك عشان كذا ماهو حاس انه بزواجه وحركاته قاعد يجرحك على باله عاااادي وهو آخذ راحته ع الاخر ..انتي تتنازلين عن حقوقك بسهوله واكبر دليل ردك قبل شوي(لي عنده مبلغ سأتنازل عنه كذلك) !!!!
ليش تتنازلين عن حقك ؟؟ تراه حقك ولا احد يقدر يفتح فمه ويرد؟؟ اذا رضيتي تكملين معاه خليه يحس انك وحده ثانيه قويه تحب نفسها وماترضى احد يسلبها حقوقها،،تعلمي الانانيه بحقوقك ..مدري من لاعب على حريمنا وقايل السكوت عن الحق سناعه !!! يا اما ارجعي بشخصيه قويه او ترا بتعيشين طول عمرك على ذا الحال... اللي موافقتني الراي ترفع يدها :) |
رد : (مميز) زوجة معدد؟ ...... تفضلي
فيس رافع يده :D
|
رد : (مميز) زوجة معدد؟ ...... تفضلي
اقتباس:
كلامك مظبوط وانا ارفع ايدى معاكى لكن مهره بايعه مش بتتنازل عن حقها هى لما بتتنازل عن المبلغ هى بتشترى حريتها وكرامتها ودونها اى مبلغ .. مهره المره دى مجروحه قوى |
رد : (مميز) زوجة معدد؟ ...... تفضلي
اقتباس:
|
رد : (مميز) زوجة معدد؟ ...... تفضلي
حبيبتي مهرة
صيحح اني جديدة في المنتدى بس متابعة من زمان و كنت بمعرف اخر و من زمان و انا معجبة بأفكارك و ردودك و تعليقاتك في الحقيقة لم اطيق تحمل ما يحدث معك هناك اشياء لا افهمها ؟؟؟ لماذا يجب على المرأة دائما أن تضحي بسنوات كثيرة من حياتها و هي تضغط على أعصابها لماذا يجب عليها أن تطيق ما لا يطاق لماذا مطلوب منها أن تقضي عمرا و هي تحاول ان تغير في المستحيل بينما الله سبحانه و تعالى لم يطالبها بكل هذا... لا اظنني سمعت عن قصص زوجية مشابهة ايام الرسول عليه الصلاة و السلام و حض الرسول المراة على الصبر على الأذية من قبل زوجها...أو التغاضي عن ظلم الزوج للفوز بلقب المرأة الخارقة و الفوز بالجنة ...لا اظنني سمعت بذلك (أرجو التصحيح ممن هو أعلم مني في ذلك ) على العكس ..كانت نساء تأتي الى الرسول صلى الله عليه و سلم و تشتكي له من أمور نراها الان تافهة في الحياة الزوجية من انزعاجها من شخير زوجها .. أو أن زوجها لا يسيء معاملتها غير انها لم تحبه ..فيأذن الرسول عليه الصلاة و السلام لهن بطلب الطلاق و يعتبره امر لا تستمر معه الحياة الزوجية لما فيه من اذية لمشاعر المرأة !!!!! لماذا تغيرت الأمور الى هذه الدرجة في ايامنا هذه .. لما هانت علينا أنفسنا .. فاصبح عذابنا و معاناتنا و ألمنا هين على الزوج .. فاستهان بنا .. طبعا في صبر المراة الأجر الكبير و لكنني ارى انها لم تخلق لهذا .. للمرأة أدوار كثيرة و مهمة في الحياة كما الرجل و لكن كل في مجاله و لكي تستطيع ان تنجز يجب ان تكون مستقرة عاطفيا و تعيش على الأقل عيشة سوية ما دفعني لهذا الكلام حبيبتي مهرة ما رأيت من ألمك و سكوتك على جراحك مع انك تتمعي بشخصية جميلة جدا و فكر نير لا تتمتع به كل النساء ..و لو كانت حياتك العاطفية سوية و مستقرة أظن لاختلفت عطائاتك و انجازاتك و ابداعاتك .... لماذا تأخرت في طلبك الانفصال ؟؟!! أسأل الله أن يجعل لك من كل هم فرجا و من كل ضيق مخرجا عاجل غير اجل يا رب ..اللهم امين |
رد : (مميز) زوجة معدد؟ ...... تفضلي
اخت mimi المرأه اذا صبرت على زوجها وعيشتها مب من باب ضعف بالعكس القويه هي اللي تقدر تصبر،وصبرها لهدف انهاتحافظ على بيتها وكيان الاسره وعيالها من التشتت.
اعرف انسانه يتيمة الاب والام اتزوجت ويابت ثلاث عيال اقمار وزوجها كان طاير فيها هي وعيالها يحبهم بشكل يفوق الخيال،قدر الله ومرت في حياته وحده لعبت عليه بأسحار واتزوجها وكانت اجنبيه لاجمال ولا اصل ولا معاني.....فرق بين الهنتين مرت على صاحبتنا ايام رب العالمين بس يعلم فيها..اتحول هذا الزوج الوديع لوحش...اقل كلمه يزعل ويطلع من البيت لكم شهر. كان عندها وااااايد خيارات من ضمنها انه اخوانها يبنولها في بيوتهم قسم وتنفصل عنه وترتاح من الهم والحسره عقب ماكانت هي وعيالها الكل في الكل وعايشه حياه قمه في السعاده الله كتب الها هالمصيبه. سبحان الله ...قررت تصبر عشان العيال وعشان ماتشوف انكسارهم وتحس انهم يقارنون بينهم وبين باجي العيال في المجتمع...عقولتها ان صبرت واتحملت فأنا وحده لكن اعفس حياة ثلاث انفس حرام... مرت سنين على هذي الزيجه.... حالها اللحين عندها ماشاءالله سته،ريلها وصل مرحله انه تندم عقد شعر راسه على هذيج الزيجه بس للاسف مافي مجال للرجوع لوراء لانه الاجنبيه يابت عيال. صاحبتنا الله من عليها بالقرب من الله وفعلا حصلت متنفس عن هذاك الزوج اللي بس كان هو حياتها...فتحت بيتها لدراسة القران اثناء غيابه...ربت عيالها بالطريقه اللي هي تبغيها لان زوجها بوجوده الدائم شغلته بس يدلعهم ويحامي عنهم. ماشاءالله تبارك الله عيالها نصهم اتزوج وصبرها ياب رجعت نظر عين زوجها ورجع مايصبر عنها وعن بيتها والشور الحل والربط لها.. انا ماسردت القصه الا لسبب....سبحان الله كم مره نصبح بحال ونمسي بحال وسبحانه مغير الاحوال. يمكن هالزوج اللعاب او اللي مقصر في العباده والصلاه او عصبي او او او ...من موقف او بوم يتغير حاله للافضل ...وماعلى الله ببعيد. وفي مثل وايد اؤمن فيه....تبات نار تصبح رماد المهم الصبر والدعاء |
رد : (مميز) زوجة معدد؟ ...... تفضلي
اقتباس:
و لكن ما قصدته انا المعاناة و الالم التي تستمر سنين التي تكبل المرأة .... التي تدمر نفسيتها اما ما دون ذلك فأنا معك ان شاءت المرأة لها ان تصبر ولها الاجر باذن الله |
رد : (مميز) زوجة معدد؟ ...... تفضلي
ماأهمش المشاعر والاحاسيس لكن اذا جابت الوحده اولاد لازم تضحي عشانهم
خاصه اذا كان الزوج لايسئ معاملتي من ضرب واهانات وتقصير مادي سأتحمل واتغاضى من اجل صغاري ولايعيشون اليتم وانا حية ارزق وبعد الطلاق ايش استفيد؟؟ سأحرم من استقراري ومملكتي واحرم اطفالي واكون عالة ع غيري الاخوان قبل يتزوجون غير لكن بعد تكوين اسره ستكون عالمه ولن يلتفت الى اخواته الا مجامله وشفقه ان إلتفت!. |
رد : (مميز) زوجة معدد؟ ...... تفضلي
اقتباس:
تنازلنا كثيرا وتحملنا أكثر.. ودسنا على مشاعرنا من أجلهم .. |
رد : (مميز) زوجة معدد؟ ...... تفضلي
الله يفرج همك يامهره ..
طمنينا عليك |
رد : (مميز) زوجة معدد؟ ...... تفضلي
اقتباس:
يمكن بس لأني حالياً ماسكة شغل البيت كله فما عندي فرصة أطلع براحتي. لكن اليوم طلعت مع اليهال .. وقضينا يوم حلو .. تغدينا ولعبنا واشتريت لهم ملابس السفر .... الحمدلله انبسطنا كثير. |
رد : (مميز) زوجة معدد؟ ...... تفضلي
اقتباس:
يا كوفي والله ما عندي شروط. حياة التعدد كلها على بعضها أنا ما أباها .. فأي شروط يمكن أن تعفيني من هكذا حياة؟!! لا حد ينط لي يقول لي اني أباه يطلقها. والله العظيم ما أباه يطلقها .. ووالله العظيم ما راح أفرح ولا أستانس إذا طلقها. |
| الساعة الآن 01:40 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©