رد: زعل زوجي بسبب سهري في بيت اهلي
 

انتي طيبه يا لست كغيري لكن اسمحيلي ماعندك أسلوب

ممكن سؤال؟ زوجك كيف أسلوبه معه؟ من النوع اللي يمزح وينكت وللا جامد وتعامله رسمي؟

نقطة أخيرة.. لازم تتأقلمي مع تطنيش زوجك لك وتتعايشي مع الوضع مو تعلني حالة الطواريء مثل ماقال الأخ الرسمي

خلي بالك وسييييييع وحطي أعصابك في الثلاجة

رد: زعل زوجي بسبب سهري في بيت اهلي
 

قومي استخيري الله يا اختي .... بيختارك الخيرة من امرك...

استعيني بالله...

رد: زعل زوجي بسبب سهري في بيت اهلي
 

أغلب الرجال كذا :d

أجل خلاص كملي الليلة عند أهلك

رد: زعل زوجي بسبب سهري في بيت اهلي
 

لا زوجي في الايام الطبيعية ينكت ويسولف ويضحك..

رد: زعل زوجي بسبب سهري في بيت اهلي
 

احبه انتي اعرف بزوجك اكثر منا ،، لو ارسلتي مسج بكلام حلو طالع من قلبك لاحظي قلت كلام حلو مو كلام كله عتب و دف بالحكي ،، تتوقعين ينفع معاه ولا لا ؟

رد: زعل زوجي بسبب سهري في بيت اهلي
 

ياعزيزتي .. هنا رجل وابدى لك رأييه من منظوره كرجل ! ( الاخ الرسمي ) ..

طنشي ، اتركي له المجال عشان يزعل ويتضايق وبعدها يصالح نفسه وتتصالحوا بعدها ، لاتشغلي فكرك بافعاله وردات افعاله مع اقترابك او محاوله تحسين الامور ... كل الابواب حاليا راح يسكرها بوجهك لان زوجم من النوع اللي يبغي مساااحة ( يزعل ، يهدأ ، يتصالح ، يعيد ترتيب اموره وتفكيره ) ، يحتاجك تكوني على الصامت وتنفذي كل مايطلب منك بدون ( بس) بدون القاء ملاحظة وبدون ضغط ( بالرسائل تارة ، وبالافعال والاقوال تارة اخرى ) ..

كذا مرة يحصل بينكم خلاف و تفعلي ماتفعلي من امور وينشغل بالك ويومك ويزيد تفكيرك وتعلقك بطريقة الحل وبكون الحل بالاسااااس مو منك بل من زوجك ( يبتعد ، ياخذ له مساحته الشخصية ، يعيد البرمجة ، يرجع يهدأ ويتصالح) ..

حاليا انتظري لبكرة وترجعي البيت وكوني على الصامت ، اتركيه كما يحب ، اذا كلمك او طلب امر نفذيه وانتهى بدون ملاحظة ، خليه ينام براحته ولاتنزعجي منه ، بيني له ان انتي بعد لك عالمك الخاص حاليا .. يعني انشغلي بنفسك ، ابدا لا تبيني له انك منشغله بصديقاتك او اهلك ! بل بهواياتك مثلا قراءة قصة مشوقة واندمجي معاها عشان تنسين خلافكم شوي ، مجلة ؟ مثلا مجلة ماجد ( 😂انا من العاشقين لها) ، الرسم ؟ ، التلوين حتى ! ،الخياطة ... اي هواية تقضين فيها وقت الفراغ اللي تتمللين فيه ..

زوجك قاعد يزيد عليه ضغط ( موضوع الانجاب ) وان ما كنتي تحسي فلربما من اهله من يسأل ويستفسر عن السبب وهو ايضا يشوف زملاءه اصدقاءه عندهم ابناءهم او فلان جابوا له طفل وتتم المناقشة امامه وهكذا .. فهو يحط كل هذا فيج ( من غير عمد طبعا) لانك الوحيده اللي راح تتحمليه ، فصار يسوي من الحبة دبه لو شي بسيط ومايتحمل اي فعل منك يضايقه بالاضافة الى تجاربه السابقة معاك ..

رد: زعل زوجي بسبب سهري في بيت اهلي
 

بينفع فيه .. بس ماراح يقول شيء بيكون على الصامت ..

رد: زعل زوجي بسبب سهري في بيت اهلي
 

يعني سبحان الله هو يتأثر بموضوع الانجاب ويطلع حرته فيني!! وأنا طيب من اللي يراعي وضعي ويحتويني واطلع حرتي في مين وأنا اللي أكبر الضغط علي خاصة أنه يقول ترى زيادة وزنك هي اللي مانعة حملك ..

رد: زعل زوجي بسبب سهري في بيت اهلي
 

اجل ياقلبي اكتبي له مسج لا تصفصفين كلام او تنمقين الأسلوب حلاة الحكي يجي عفوي و طالع من القلب
اكتبي مسج انو مشتاقه له لو تكتبين " اشتقت لك " بس هذه لحالها بدون اي شي صدقيني لها اثر معنوي عظيم
عادي خليه على الصامت لا يرد اهم شي الكلمه هذه تأثر فيه ارسلي له
و عقب اتركي جوالك و ااستمتعي مع اهلك عشان حتى نفسيتك تتغير للاحسن

حركاتك تقهر بس انا عارفه شكثر قلبك طيب ارسلي له الحين

رد: زعل زوجي بسبب سهري في بيت اهلي
 

ماتكفي صورة العرض في الواتس تعبر عن مشاعري؟