|
يااخي رمضان باقي عليه يومين..حرام تتمون متزاعلين...وشايلين على بعض
انابقلك على حل اتمنى من كل قلبي انك تاخدفيه ولك الحريه... استغل دخول شهررمضان شهرالرحمه والغفران لصالحك..اتصل على اخوهاوقله انك جايهم في زياره في بيت امها باركلهم بدخول الشهرالكريم...ولاتتكلمون في تفاصيل المشكله ابدا...انسى المشكله وانسى الطرده يااخي انامااقلك تنازل عن كرامتك لا وماراح اقلك رجعهابدون اعتذار زيارتك خلهانص ساعه فقط قلهم اناواحد ابي الاستقرار بنتكم اذاتبي ترجع انااكون سعيد بذلك لكن انالي شروطي اولها الاعتراف انهاقالت اطلع براو الاعتذارمني حتى لوبرساله في الجوال..واذاماتبي تعتذرمعناه انهاماتبي ترجع.. وانت رايح في الطريق ارسلهارساله فيها نفس الكلام على جوالهابعد التهنئه بقدوم رمضان تبيني ولا خلاص وذكرهاان قلبك مو محروق الاعلى هاالبنت.. اعطهم مهله يومين يردون تبي ترجع ولالا.. بس انتبه تحن وترجعها من دون ماتنفذ شرطك..لان هذاالشي بيخليهاتحسبلك حساب كل مانوت تزعل وتروح لاهلها اذاماتبي ارسلهاورقة طلاقهاوريح راسك منهاوبعدهاتزوج وانبسط مع الجديده.في البدايه انت بتتعب بس بعدين تتعود بهذي الطريقه بتكون رجل بكل ماتعنيه الكلمه والحريم يحسبونلك الف حساب..خصوصاالثانيه والاهم بنتك ثم بنتك ثم بنتك لاتقطعهاابدا لاتقول بختفي حتى بنتي مابسال عنها لايااخي هذا الاسلوب موفصالحك انك تقاطع بنتك وتعطيهم فرصه يتكلمون مع الناس انك رميت بنتك وماتسال عنها..وتخليهم ضدك مد حبل التواصل بينك وبين بنتك ولاتنسى نفقتهاكل شهرارسلهامبلغ هذي طفله ولهااحتياجات ماكل وملبس واشياء كثير اثبت للناس انك مو مقصر في شي خصوصاقدام اهلهاالي وقفوامعها وياليت ترسلهارسالة تهنيئه برمضان صدقنبي بتطيرمن الفرحه وتتعذرلك على طول وانتوا ياالرجال هداكم الله وقفواحريمكم عند حدهم احلفوا عليهم مايتعرضون لبعض بغض النظرعن الغلطان اتفق مع الرجال بان توقفواالحريم عندحدهم |
اخوي الاخلاق
باراسل الادارة باذن الله :) بالنسبة لإشتياقك لبنتك .. اصبر يوم واحد .. تلقى البيت عندهم مشحون شوي دحين و البنات كلهم بيشحنوا اخوانهم حتى لو غلطانيين خلي الوضع يهدأ يوم و بعد بكرة ممكن ترسل اخوك يجيب بنتك و تخليها معاك و تاخدها لاهلك يشوفوها زوجتك مصيرها تراجع حالها |
ماشاء الله ..
حلو كان الاجتماع و انت وصلة الي تبيه وخلاص الكرة في ملعبهم انت الان طنشهم حتى لو دقو عليك لا ترد خلي اعصابهم تتوتر شوي عشان تكون قرصة اذن لها وعمرها ماتنساها في شي حبيت اقوله لك اتذكر في احد ردوددك ذكرت انك متأكد انها تحبك وذي نقطة في صالحك اكيد هي اكثر انسانه تعرفك وعارفة في نفسها انها غلطانه عليك حتى لو كانت قدام اهلها تبين شي ثاني بس اهم شي هي عارفه ولو حسة الحين انك ممكن تتخلى عنها على حسب اخوانها ايش حيقولو لها راح تعيد كل حساباتها وتبداء تضرب اسداس في اخماس بس اخشى انها حاطه في بالها انك ماتقدر تتركها عشان اختك تعتقد ان اختك ورقة رابحه عند اهلها بس في طريقة راح تعرف من خلالها ايش يفكرون فيه حسب مافهمة انو امها دائما معها فلو وصلهم انك انت ناوي على شر المرة ذي حيستغلو اختك وزوجها يعني تبداء الاتصالات على زوج اختك وحتى لو كان زوج اختك بعيد عن الموضوع حيوصلون له انهم غيضانيين منك واكيد اختك راح تحس في هل شي بس لو زوج اختك ماوصله شي تأكد انك كل الي سويته حيجيب نتيجة ايجابية مجرد تحليل للوضع :d |
اقتباس:
أخو زوجتي رايح يكون موقفه مو صعب بس بل صعب جداً ....هو قبل وهو يعاني بين ناااار أهله ونار زوجته وأهلها فكيف الآن لو صار انفصال بيني وبين أخته ... وقد ذكرت لكم في أحد ردودي أني لما عزمت على الاجتماع مع أخوانه ....سألته هذا السؤال بشكل جااد جداً ( وكنت في حديث أخوي بيني وبينه على مستوى الصداقة ) : هل أنت قادر على إدارة حياتك أنت و زوجتك لو صار شء بيني وبين أختك ؟قال نعم إن شاء الله >>>>> أنا شخصياً أشك في ذلك . ولو صار شيء لا سمح الله فالغلط راكب الجميع ...أهلي أيضاً يتدخلووون في حياة أختي من جانب المشاكل اللي صارت ...وأختي مستقوية على زوجها بأهلها ...ودايم تغثه ....أهلك ظلموني ..أهلك ظلموا أبوي ...أهلك بأخذ حقي منهم ....ولا وتبيه يقطع علاقته بأخواته ... أنا كانت تحركاتي السابقة في سبيل حل المشكلة الكبيرة بين العائلتين ....ما أحد كان متعاون معي ..تعبت وقتها .. بذلت قصارى جهدي ....كل واحد راكب رأسه من الطرفين .. في الاجتماع البارح ....أخوها اللي كنت أتواصل معاه يتهمني بقصر النظر ...فلذلك لا يأخذ أرائي على محمل الجد ...ربما كان ينظر إلى صغر سني مقارنة بسنه وخبرته في الحياة ... قالها صراحة ...عندك قصر نظر ....وهذا سر عدم تفاعله الكبير مع أطروحاتي سواء لما كنت أتحرك في علاج المشكلة الكبيرة أو في تصليح الوضع مع زوجتي ...وبخصوص مشكلتي وزوجتي كنت أفكر وأخطط لأني أنا أكثر واحد يعرف زوجتي ....وكانت سياستي هي جمع عقوول الناس إلى عقلي فلا أتحرك ولو بخطوة صغيرة إلا واستشير لعلني غفلت عن جانب ..... ولعمري من قصير النظر من يجمع عقوول الناس إلى عقله أم من يرى في نفسه أنه أكبر سناً وأكثر خبرة في شؤون الحياة ؟؟ حل المشكلة الكبيرة بين العئلتين لو حصل ....كان هدأت النفوس المشحونة ...وبهذه يسهل بشكل كبير جدا علاج مشكلتي مع زوجتي ...لأن اللي معقد وضعي مع زوجتي الفتنة بين العائلتين .. ....وإذا بتستمر مواقف أمي وأبوي ضد أهل زوج بنتهم ...وكذلك موقف أختي من أهل زوجها .....فلا أعتقد أن ذلك في صالح أختي .... ومن جانب زوجها معذووووووور . أشعر بأني ألقيت الحجة على الجميع ... |
أخوي الأخلاق
هل ذكرت لهم بالإجتماع بأنك مجروح في صميم قلبك من "الطردة" من منزلها ,, وأنها يجب عليها أن تعتذر وهذه مهانة وليست من أصول اللياقة والإحترام والأدب والأخلاق حتى وإن كنتم في عز خلافاتكم ,, أنا أرى الخطأ الأكبر هو طردها لكَ من منزلها فهي معيبة جداً ,,, أسمعني أخوي ,, يجب أن تتعامل معها بحكمة أكثر وتصبر على هذا البلاء ,, وتتجاهل الأمر تماماً في فترة شهر رمضان ,,, وتذهب لعمل العمرة والدعاء بأن يفرج الله عليكَ هذا الهم الكبير ,, وأن تأخذ بنتك لكي تنام معك يوم أو يومين في الأسبوع وتخرج أنت وهي وتقضون الوقت الجميل ومن ثم ترجعها ,, وأستمر على هذا الحال دون أن تتواصل مع أي أحدٍ من أهلها فمثل هذا الأمر سوف يعوٌدكَ على البقاء بعيداً عنها حتى تأتي هي وتعتذر لك ,, فهي مدينة لك بإعتذار لاجدال ولاشك في ذلك ,, وأستغرب مكابرتها على الإعتذار على الأقل من هذا الأمر ,, على مايبدو أنها ليست مسؤولة في هذه الجوانب التي تحتاج إلى أناس عاقلين ,, وأحب أن أقول لك أن المرآة إذا شعرت بخطئها فهي تعتذر مباشرة وترتمي في حضن زوجها ,,, لكن زوجتك غريبة الأطوار والطباع وهناك من يحشي رأسها بنصائح مضمونها سلبي جداً وليس في صالحكما ,, أسأل الله أن تعود المياه لمجاريها وأن يفرج همك ,, |
الاخ الاخلاق
حاسة بحجم المشكلة وكبرها وانا ايضا اشك في موقف زوج اختك انا اكثر انسانه ضد زواج البدايل ’’نسمية كذا ’’ لانه اجباري بتصير المشاكل عائلية من حكم خبرتي البسيطة من زواج اختي واخوي المستمر الى الان يمكن لهم الان اكثر من 10 سنوات المشاكل هي هي وهم يكبرون ومشاكلهم تزيد اخوي نفس وضعك ضايع بينهم اختي و زوجة اخوي مو راضيين يهدون الوضع وتدخل الكبار ايضا يزيد من المشاكل والي تضررو الاطفال وما ابالغ اذا قلت نفسية اطفالهم في الحضيض ماادري متى راح يستوعبون ويعيشون حياتهم بسلام اتمنى زوجتك تتغير للافضل وانت حاول تدعيلها بالهداية ’’عشان بنتك ’’ وحاول تكلم اختك وقولها تحسن تصرفاتها من زوجها اكيد انت تتمنى انو اخوان زوجتك ينصحون زوجتك كلم اختك وقولها لو خرب بيتها محد راح يتضرر غيرها وخليها تستفيد من اخطاء زوجتك ’’ وذكر ان الذكرى تنفع المؤمنيين ’’ كل التوفيق لك |
اقتباس:
لما قلت أنه يدخل طرف ثالث .... عشان يحكم ....قال الكبير فيهم مستحيل يدخل يشوف بلاوينا ( كانت كلمته بشدة اشوي ) ...مسكت على كلمت بلاوي .... قلت طيب اللي صارت هالأشياء بلاوي ؟؟ طبعاً قام بيصلح في كلمته هو مرتبك اشوي ..عشان إذا يقول انها بلاوي يعني يقر بأن الخطأ راكبنهم . على العموم عدم دخول طرف ثالث هذا منطق يخالف المنطق الإسلامي . |
اخوانها في داخلهم متأكدين اختهم راكبها الخطاء كله بس مستحيل يعترفون ويقولون اختنا غلطانه واذا صارو منصفين بيخلون الخطأ
عليكم كلكم بس تبيهم يقولن اختنا غلطانة 100%شي مستحيل ولاتتوقع انهم يقولون كذا نهائيا وهم مايبغون احد يدخل قول براحتكم حلو الموضوع بينكم بس تأكدو صبري له حد بعدها لاتلوموني على اي تصرف يصدر مني واتوقع الحين جاء وقت التهديد صبرت عليهم بما فيه الكفاية وهم ماحركو ساكن وانت كشفت كل اواقك لهم الي عليك سويته وزيادة |
الآن فقط ..أرسل لي إيميل أخوها اللي كنت أتواصل معه واللي كان حاضر الاجتماع البارح :
في البداية تأسف بشددة إذا قال شيء أزعجني فيه البارح وأعترف يفترض أنه ما ينقد فهمي ووجهة نظري لمواقف أخته....طبعاً هو أكبر مني يمكن ب 15 سنة ....أنا أنحرجت في نفسي والله . بس يقول " أنت ساهمت في هالشيء وأنا كنت مستغرب في طريقة بداية الكلام ومنهجك في الكلام " يقول " كان يعتقد أني طلبت الاجتماع عشان نتكلم ثلاثتنا ...بس أنت كنت لسبب من الأسباب غير جاهز للسماع بس كنت تبي تتكلم ... وأكيد إذا تحط الناس في مثل هالموقف بتتوقع ردة فعل مختلفة " وفي النهاية قال " على العموم أنا بس حبيت أقول لك أني آسف وأتمنى أنك تتفهم موقفي ووضعي ..وأعتقد أنك تعرف أني أحاول أكون عااادل إلى أقصى حد أستطيعه " هذا كل اللي قاله في الإيميل ...طبعاً تواصلنا عن طريق الإيميلات كله بالإنجليزي ...يعني الكلام أعلاه ترجمة للإيميل . ما رأيكم أخواني أخواتي ؟ |
عقب على تعقيباتنا لكي نقول لك رأينا في اللاحق ..
وركز معانا شوي |
| الساعة الآن 10:23 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©