|
رد : (مميز) زوجة معدد؟ ...... تفضلي
مهرة احسنتي انا هذا اللي وصلتو للنسوان الحديقة انه شخصية الزوج هو الاساس
عجبني اسم الدلع هههه كل عام وانت بالف خير المهم كم صار عمرك ههه العمر كله بالنسبة لاحساسك انه فيه شي ناقصك هو عدم الاحساس بالامان مع انه الكل حواليك لكن فيه شي انكسر في نفسك واحتمال الزوج ما كان موجود في الحفلة وحسيتي بوجع ولانك نقية وشفافة حسيتي بهذا الاحساس لكن تذكري انه احنا في ابتلاء وما فيه سعادة كاملة مهرة قولي الحمد لله انه احنا بخير قولي الحمد لله انه اولادنا بخير وبصحة قولي الحمد لله انه احنا عايشين ببلاد الخير والكرم قولي الحمد لله على اهم نعمه وهي نعمة الامن والامان اللهم لك الحمد كما ترضى ولك الحمد اذا رضيت ولك الحمد بعد الرضى |
رد : (مميز) زوجة معدد؟ ...... تفضلي
اقتباس:
والله إنني أحمد الله ليل نهار .. وأدرك أنني في نعمة ما بعدها نعمة. أهل زوجي رائعون .. وهم من أحد أكبر النعم التي أنعم الله بها علي .. وفي محنتي وقفوا معي وساندوني بشكل لم أتوقعه حتى .. وأنا أعلم أنني شخص مهم وله قدره عندهم. تصدقين يا مي مي .. أخو زوجي نوى أن يخطب الأسبوع الماضي .. تحدث مع أمي (أم زوجي) في الموضوع وطلب منها أن تذهب لخطبة البنت وأن أذهب أنا معها .. أنا بالذات وليس أي واحدة من أخواته رغم أن فيهن متزوجات. ولكن حركة الاحتفال أشعرتني بأنني كاسرة خاطرهم .. وما كنت أتمنى أن أوضع في مثل هذا الموقف. لكن والله إنني في كل الأحوال لا أقول إلا الحمد لله رب العالمين. |
رد : (مميز) زوجة معدد؟ ...... تفضلي
ومين ميحبش مهرة < نزوة و ح يفوق إنت الأصل وأم الغالين الله يسعدكم
|
رد : (مميز) زوجة معدد؟ ...... تفضلي
اقتباس:
الله يسعدج في الدنيا والآخرة ويخلي لج احبابج يا رب. |
رد : (مميز) زوجة معدد؟ ...... تفضلي
ام سلطان ضروري تقربين عندنا ف دار الزين تستاهلين قهوة مقنده يتفكك منها راسج ،،،،
الله يالدنيا ،، ودج باللي تحبينه و يحبج يدوم لج محبوب ! أحس بريلج يحبج وما تهونين عليه بس بعد عاذر نفسه ،،، ع قولة بعلي المصون نحن الرجال نمل من وجبة وحدة طول العمر :d ع فكرة أحسبه يداريج بس مش من باب الواجب ،،، يداريج يخاف توصلين لحظة انفجار ،،، وع فكرة مثل ما تفتشين فونه وكشفتي البلاوي صدقيني الحرمة الثانية سيم سيم بس سأكته ومأكله تبن،، ويمكن مسوده نهاره وانتي ما تعرفين ،،،، خليها ع الله ،،، ادريبج تحبينه حب البدوي ل بوشه ،، والمحب أناني ودي محبوبه له لحاله ماهي غيره كثر ما هو شئ جميل وحبيتيه يكون لج عالم جميل يعوضج عن كل شئ ،،،، مهره حاولي تتماسكين وتعيشين كأنها حياتج توها بدت ،،، غيري الانكسار اللي في ويهج والكل ملاحظه وأولهم زوجج خلاص خليه يحس انه خسر شئ واللي كان يخافه استوى بس طبعا بدون مواجهه ، خلي روتين الحياة اليديدة تصدمه،،، فهمنا انه مراعنج وما تبين تجحدينه بس قلبج عطيه حقه شوي ،، خليه يصارخ و يتصرف بسسه من الكتمان لا تظلمين بختج،،، تحياتي إوختي الكبيرة :15: |
رد : (مميز) زوجة معدد؟ ...... تفضلي
اقتباس:
الله يسعدج يا أبغي حل في الدنيا والآخرة. |
رد : (مميز) زوجة معدد؟ ...... تفضلي
مهورتنا العمر كله يارب الله يطول عمرنا بطاعته
بالنسبة للحفله حسيتها تقديراً لك ماعتقد تكون شفقه ابداً لان فعلاً اهل زوجك محظوظين فيك وانت بعد محظوظة فيهم الله يهنيكم ببعض وماشاء الله تبارك الله زوجك انسان رائع ياكثر الرجال الي مايعاملو زوجاتهم نص معاملة زوجك لك وهي تكون الوحيده بحياته الزوج يعامل زوجته بحب وحنان وهو معدد اهون مية مره من انه يعاملها بقسوة وجفاء وهي الوحيده بحياته الله يديم علينا نعمه يارب لك الحمد |
رد : (مميز) زوجة معدد؟ ...... تفضلي
ههههههههههه فديتج يا مهره
صدق انا الحريم ما ينقالنا شي عثل عثل :15: . . مهره تحية اجلال وتقدير على موقفج تجاه( لما يوصلج ريلج لمرحلة أنا مب مقصر في شي ) يعجبني اقتناعج بس شو نسوي بالملسون واللي لازم يبربر ولا بيموت :29: قالها مليون مره وصامدون صامدون :27: ما شاء الله تبارك الرحمن ياحظج نفسي أكون بهالروقان الداخلي :25: |
رد : (مميز) زوجة معدد؟ ...... تفضلي
تعرفين عيل خلاص ، قرري كيف سيستم حياتج بكون ! حان وقت القرارات ،،، سيري البحر ،، تهني به يا حظكم عندكم بحر،،
ياختي الرياييل حق أعمارهم ،، كلامي من تجربة فاشلة ف حياتي و تجربه ثانيه ،، صحيح أنها أهون والحمد لله غير عن قبل والله عوضني ،،، بس فعلا أي رجل صالح كان وإلا طالح نفس الطينة ل نفسه و لذاته و راحته إلا ما رحم ربي ، كل ما تفكرين فيه و فأمره حاولي تتخيلين شاشه تلفزيون مشوشة يعني قطعي الإرسال ،،،----> شو رائج فالتخطيط و التفكير السليم ،، أنا لو منج إذا بفكر فيه عقب هالشي كله ،،،، بفكر فيه من ناحية الرحمة انه حالته وصلت للأسوأ وبيدمر وايد أمور بسبة هذا لتصرفات العوجاء،،،، لانه اهم شئ سبب مشاكله مب تقصير منج. أو عيب فيج هذا لأمر في حد ذاته مبعث للراحة النفسية الحين ومستقبلا،،، والقلب الله يعينه فتره وصدقتني بتعدي بس حاول ما تجددين جروحه بالبحث عن علومه لانه. خلاص ماشي فايده ،،، اهم شئ انه ريلج ما شدته وحده في حد ذاتها ،،،لا ريلج هواه لاعببه،،يعني الحمد لله ثقتك ف نفسج لازم ما تزعزع أوختااااااه ،، |
رد : (مميز) زوجة معدد؟ ...... تفضلي
الله يهنيج ويكملج بعقلج يا مهرة
الله يرزقني هدوئج قبل يومين زوجي يا عندي مافي دقيقتين الا الاخت دازتله مسج قلت له لا ترد قالي بأرد مثل ما ارد عليج عندها قلت له دام انت عادل لي هالدرجة اشوفك ما طلبت منها تدزلك صورة عشان تدزلي اياها (( لان هو مرة طلب مني صورة وقام ودزها لها عيني عينك لا وفوق هذا قام يتكلم معاها بالمسجات كلام ما ينقال) واشوفك ما تتكلم معاي عندها بنفس الاسلوب الزبدة اني تنرفزت وعصبت وطبعا كالعادة ما حصلت شي ياختج وايد يداريها وايد وايد بس ربج رحيم لي الحين ما شرفت واسكنت عندهم وهذا اللي مبرد جبدي شوي ادري طلعت عن موضوعكم بس حابة افضفض حبتين ✌️ |
| الساعة الآن 03:22 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©