منتدى عالم الأسرة والمجتمع - زوجتي لاتهتم فيني ( حلت بالرد 361 )

منتدى عالم الأسرة والمجتمع (http://www.66n.com/forums/index.php)

- المتزوجين (http://www.66n.com/forums/forumdisplay.php?f=6)

- - زوجتي لاتهتم فيني ( حلت بالرد 361 ) (http://www.66n.com/forums/showthread.php?t=254016)

رد : زوجتي لاتهتم فيني ( مستجدات بالرد 267)

اخيرا انفكت عقدتها واعترفت انها غلطانه

لا واخوها ما نفعها وزوجها اللي مو عاجبها هو اللي دافع عنها
سبحان الله حريم اخر زمن

الله يصلح حالكم اخوي
لين معها شوي حتى تشوف اخرتها
وان شاء الله كله خير

رد : زوجتي لاتهتم فيني ( مستجدات بالرد 267)

وبس بعد عذاب اربع سنوات تسامحه بالسهوله هذي اقل شي معرفه اسباب تصرفها
ماعليش لزم زوجتك تاخذ درس فتره المفروض تركتها تروح مع اهلها دامها عطله
وتعيش الخوف من الطلاق وتراجع نفسها صح

وجهة نظري لاحد يجي ويقول شي

رد : زوجتي لاتهتم فيني ( مستجدات بالرد 267)

فعﻻ معاك اختي ريفان الحل مو بالسهولة ذي
مادري في شي ناقص

رد : زوجتي لاتهتم فيني ( مستجدات بالرد 267)

دامها عطله ليتك خليتها تروح مع ابوها

رد : زوجتي لاتهتم فيني ( مستجدات بالرد 267)

اقتباس:

المشاركة الأصلية كتبت بواسطة الـــوحيد (المشاركة 3113767)

السلام عليكم ورحمة الله وبركاته

مثل ماقلت لكم وصل ابوها واخوها وبعد ماقمت بضيافتهم جلسنا وطلب عمي انها تجي وتجلس وفعلا جت المهم فتح
الموضوع وقالي انا جيت اسمع منك فـ تكلمت وقلت كل شي وطلعت كل اللي بقلبي
حتى موضوع الطلاق واسبابه قلته وهو ماكان داري اصلا حتى بالطلاق عياله ماقالوا له
المهم بعد ماتكلمت وهو ساكت يسمع بعد ماخلصت سألها صحيح اللي قاله زوجك هي سكتت قال لها الحين تقومين
تجمعين اغراضك وتروحين معي انتي اصلا ماتستاهلين تكونين على ذمته لكن انا غشيت ولد عمي يقصدني لاني
ابوي وابوه عيال عم وانا لازم اصلح غلطي وانا بنفسي ازوجه اللي تستاهله وانا متكفل بكل شي
وانتي تروحين معي تخدميني الين الله ياخذ امانته وانسي موضوع المدرسه قومي بسرعه اخلصي
هي طبعا عارفه ابوها بصراحه صعب المهم صارت تدق اخوها يعني تكلم
المهم تكلم اخوها وسكته على طول ماخلاه يتكلم فـ تكلمت انا وقلت ياعمي انا ابي فلانه وهي ام عيالي
قال اجل خذها الحين بعيد عني وتكلموا وانا جالس انتظر وش يصير يااما تتسنع وتصير مره على قولته
والا اخذتها معي ورحنا انا وياها للغرفه وجلسنا نتكلم ولاول مره تعترف باخطائها قلت مو مهم الحين من
الغلطان المهم نصلح امورنا ونعيش مثل باقي الناس بحب وتفاهم لان خلافنا يأثر حتى على عيالنا كل
يوم ويشوفون ابوهم نايم بالمجلس ومايكلم امهم الخ
وكلام كثير ماخليت شي
المهم طولنا بالكلام وهي قالت خلاص انا فعلا غلطانه وانا وانا
المهم ان شاءالله انتهى الموضوع
مدري حسيت انها فهمت وساعات اقول انه خوف من ابوها

جملتك اللي بالأحمر في الوقت اللي كان متاح أمامك الفرصة للتخلي عنها هو اللي خلاها تلين لك ... وممكن الخوف من أبوها ساعد لكن تمسكك فيها هو العامل الأكبر برأيي .

زوجتك حساسه وعاطفية وتذكر هذا الكلام في نقاشاتكم الجاية أخي الكريم حتى يكون نقاشهم مثمر أكثر .

ولو أنك تصرفت كما ينصح البعض من الأخوات وتركتها تذهب مع أبوها لربما ما كانت رجعت . واستمرت بعنادها

الله يهدي سركم ويديم الاتفاق بينكم :)

رد : زوجتي لاتهتم فيني ( مستجدات بالرد 267)

1) لله دَرُّ والدها من رجل عاقل حكيم.
2) أنت محظوظ بهذا الرجل –ما شاء الله لا قوة إلا بالله- فاجعله على رأسك.
3) أخوها يبدو في صفها؛ بسبب ما يقال له من كلام عنك؛ لهذا تجنب الاصطدام به قدر الإمكان.
4) إخفاؤهم للأمر عن الوالد لمعرفتهم بحقيقة ردة فعله، وأنهم يفعلون شيئاً خاطئاً.
5) اعترافها بالخطأ شيء إيجابي لصالح حياتكما وحياة الأبناء.
6) لعلك تطيب خاطرها بكلام جميل حتى تشعر بالأمان.
7) لعلك تخرج في نزهة عائلية يوم الجمعة ليلة السبت.
8) كن حريصاً في كل كلمة تقولها لها.
9) ابدأ بمراقبة التصرفات الحاصلة منها وقم بتقييم الوضوع.
10) الزم الدعاء بأن يصلحها الله سبحانه.

رد : زوجتي لاتهتم فيني ( مستجدات بالرد 267)

بما انه اجازة اطلب منها بأسلوب حلو انها تترك
الجوال هذي الفترة وتكونوا مع بعض
وتقضوا اوقات حلوة بين التنزه والصيام وو
الغرض من ذلك تشوف تصرفاتها من غير تأثير الناس
ولما ترجعله اذا شفتها تغيرت انصحها وذكرهاانه فيه من الانس اشد وسوسة
من الجن

الله يصلح حالكم

رد : زوجتي لاتهتم فيني ( مستجدات بالرد 267)

نهاية غير مقنعه بسبب خوفها من والدها , والله أعلم .

همسه .. إستعد لمشاكل جديده وزواج جديد بعد رحيل والدها عن الدنيا
مد الله في عمره على طاعته .

رد : زوجتي لاتهتم فيني ( مستجدات بالرد 267)

الله يسعدك ويصلح حالك وحال زوجتك ويردكم اليه ردا جميلا ...

احبابي اغتنموا عشر ذي الحجه بما يرضي الله جل في علاه سبحانه

رد : زوجتي لاتهتم فيني ( مستجدات بالرد 267)

ماهي مبرارتها واش قالت
اش اللي خلاها تتغير الاربع سنوات الأخيرة
نفسي افهم هاللغز