|
الله يرزقك الصبر ويرد لك زوجك ردآ جميلآ
أختي كنتي متوقعه أنو بجيتك لأهلك وفضحه قدامهم بتنحلّ مشكلتك وخلاص ببيبطل هالعاده ويكون لك حبيبتي مثل ماتردين 0000!!!!!!!!!!عجيب أمرك أختي زوجك على ماقلتي فيه جوانب كثير إيجابيه ويمكن الجانب السلبي في شخصيته هو مشاهدة الأفلام وممارسة العاده السرية وبصراحه زوجك مسكين مبتلى وحرم نفسه من لذة الحلال يعني هالجوانب الايجابيه تخليكي تصبري عليه وتعينيه على العلاج وبأذن لله راح يبطل هالاشياء وماينسى وقفتك معاه وبتكبري بعينه00 أختي الحياة الزوجية صعبة نوعا ما ويوجد بها مدّ وجزر ويبغالها صبر وطولة بال وأنتي من أول مشكله تقولي خلاص ماابغاه وين الصبر وين التنازل والتغافل وين المسانده والأحتواء والدعم شوفي حبيبتي أنتي بأذن لله راح ترجعي لزوجك بالقريب العاجل وبتنحل مشكلتك معاه بس حتبقى مشكلة العاده والافلام 000 بالبدايه يمكن راح يبين لك أنو تغير وتركها بس بعدين راح يبين لك كل شي لأنو هالمشكله ما أنحلت من جذورها يعني لاتبني أحلام ورديه كثير وبعدين تنصدمي حاولي من الان تبحثي عن طرق العلاج وتستعيني بالله وبأذن لله ماراح يخيب ظنك 0000!! أنظري من حولك وشوفي شكاوي البنات وشوفي مصيبة غيرك تهون عليك مصيبتك00 الحمد لله على كل حال الله يوفقك 000 |
اذا فكرتي انك تقولين لأبوك او ابوه عن هالمشكله
فأنا من الآن اقول لك روحي بيتك ولمي اغراضك كلها فلا رجعة لك لبيت زوجك كيف زوجك بيناظر بوجه ابوك لو فرضنا انه وافق يرجعك عقب ما فضحتيه عنده تخيلي زوجك يقول لأمه ان زوجتي تسوي كذا وكذا لو يقول زوجتي ما تغسل الغسيل وتدري امه تثورين ليه تقولها قولي كلمني فهمني اقل شئ استر علي اختي الكريمة أبي رضاه بحدثك باختصار شديد عن موضوعك الذي دخل موسوعة جينيس بالآراء والردود والمشاهدات تتنقلين بين الردود وتتنقلين بين الآمال وتبنين وتهدمين بلا فائدة تنجرفين للردود العاطفية التي تملأ مشكلتك بالأماني وتقول لك سيعود وتنجرفين اقوى للردود التي تملأ مشكلتك بالأشواك وتقول لك لن يعود فقد اكتفى بالافلام الاباحيه والعادة وادمن عليها ولا يريدك اختي الكريمة لاحد يعلم الغيب لا تدعي الردود تبني قصورك وتهدم بيتك من رد واحد فكرتي تفضحين زوجك عند ابوك وابوه وقدامك يا قساوة قلبك مافكرتي بتبعيات هذه الفضيحه حتى لو رجعك ؟ وش وجه ابو زوجك وانتي تقولين يبه ترا زوجي يشوف افلام وسخه ويريح نفسه ؟؟؟ زوجك وش ملامح وجهه وانتي تقولين هالكلام قدام ابوك وهو يحترمه ؟؟ استغفري ربك ياشيخه لو زوجتي تفضحني مثل هالفضيحه بقوم من مجلس ابوها واقول يبه قمنا يومين ويجيكم الرد أودي ابوي للسيارة واقوله بقول لخالي كلمة وبرجع برجع لخالي واقوله ياخال بقول لك كلمه بنتك طالق طالق طالق لاني بصراحه عقب هالفشيله ما اقدر اعيش معاها ولا اقدر اواجهك ولا اقابلك ياشيخه فكري بعقلك حطي نفسك بمكانه قبل تفكرين تسوين شئ يهدم حياتك خليك من الردود الفارغه اللي تضخم المشكله وتوهمك بأشياء كثيره تبنين عليها اشياء كثيره خليك عقلانيه اختي الكريمة لا تستبقي الأمور انتظري الى ما يجي زوجك وبعدين ابني على زيارته الحلول هو اخذ 4 اسابيع يفكر هل يرجعك ولا لا اذا جا وعرض عليك المشكله من وجهة نظره ارضيه ولك ما تبي ولك مني وعد ماعاد اسوي هالشئ اللي يضايقك وبعدين فاتحيه بموضوعك بخصوصية بدون ما يكون احد معاكم بس اتركي الاماني والاحلام والرغبات على جنب ركزي على المشكله والطرق الامثل لحلها بهدوء وكتمان |
الله يرحم والديك بس ..
يا بنت الحلال شيء طبيعي انك تتأثرين بكل رد وتتشوشين لكن مو لهالدرجه !! اركدي الله يهديك وبتزين امورك ياما ناس وصلوا لمواصيل اكبر من كذا .. عندك رد عاشق الجواهر جداً رائع , لكن اللي ابيه منك ان تحطين في بالك ان زوجك يحبك وبيجيك وبتنحل امورك , وحاولي تفكرين في جوانبه الإيجابيه وتتركين جوانبه السلبيه علشان ما تكرهينه .. يعني مثلاً تذكري كلامه الحلو لك وتذكري كل شي حلو سواه لك , وانا اجزم انه بيرجعك وتصير اموركم تمام بس لازم ياخذ وقت يفكر فيه .. الله يوفقك ويريح بالك |
أختي الكريمة إصبري إصبري و بإذن الله راح تحل مشكلتك ، ولكن لاتأخذك العاطفة أو الحساسية من أجل رد ما عكس ما تتمنين ، بل العكس ، لاتعلقي نفسك مثل ما قلت لك من قبل بمخلوق وعلقي نفسك بالله ، وكل الردود هنا هي آراء وقد تكون تجارب حصلت ، ولك الخيار في إختيار ما تظنين أنه خير لك ، ولاتستمعي لأي رد يجرحك أو يؤلمك أكثر أنت ونحن نتكلم هنا ، وزوجك يفكر لوحده ، ومثل ما قلت لك ، إرتاحي قليلاً ولاتستعجلي النتيجة ، و إن شاء الله راح تكون أمورك إلى خير وأحسن مما تتمنين |
اعذريني اختي لكن
انتِ ابدا مو متمسكه في زوجك و مو هامك غير انك تنتقمي منه .. مصرة تفضحيه عند اهلك .. خلاص افضحيه وتحملي اللي يجيكِ اكثر من 200 رد ما اقتنعتِ فيها وخذتِ كم رد من منتدى اخر ونفسيتك وموقفك تغيروا منهم سبحان الله .. محد قال لك انه زوجك بيترك الافلام بين يوم وليله لكن المطلوب منك ان توقفي معاه وتسانديه مو تفضحيه .. يعني اذا فضحتيه المشكله بتنحل؟؟؟!! يا اختي هذا ابتلاء اصبري اصبري اصبري ولكِ الاجر .. ادعي له بالهدايه وما في شيء عن الله بعيد .. وكل واحد نصحك بالصبر والستر على زوجك تأكدي انه يريد مصلحتك .. انا عن نفسي مع اني ما اعرفك شخصيا لكن والله اني ادعي لك و اتمنى من كل قلبي انه مشاكلك تنحل مع زوجك .. فلما ادخل الموضوع متمنيه اني اقرأ مستجدات تسر .. وارى بدالها انك مصره على العناد .. انقهر.. |
لا لا لا مو ناويه ولا اقدر مجرد فضفضه هذا مهما كان حبيبي....والله اني مانويت له الفضيحه وحتى اخواته(((اللي هم اقربلي من نفسي))) مرارا" وتكرارا" يسالوني وش مشاكلكم الخاصه قلت مااقدر اقول ولاني قايله....هذا حياتنا انا وياه احنا نحلها. مااقصد قوله هو انا فبيت اهلي الحين يعني طلعت من بيته اذا له نيه يرجعني...لازم اوقف بموقف جاد وصارم مع هالامرين اللي دمرت بل قتلت علاقتنا((الحب موجود))بس النفسيه مرهقه يعني لازم على انفراد اواجهه واحكيله وافهمه انو مااقدر استمر بهالوضع لانها دمرتني.... وانا برسالتي له ذكرت انو بالاضافه لمشاكلنا عندنا امور خاصه محد يعرف عنها الا انا وياك ولا احد يقدر يحلها الا احنا يعني عليه الامــــــــــــان .... بس وينه ...هو يجي ونحلها كل الاطراف حاليا" ساكته من بعد رسالتي لا حس ولا خبر لا ارسل ولا اتصل((وهذا طبعه)) اهلي ساكتين واهلي كمان ننتظر المهله تنتهي....ونشوف وش بجعبته بعد كل هالتفكير؟؟؟؟؟ هذا والله اعلم |
يا اختى تذكرى قول الله عز وجل {اتْلُ مَا أُوحِيَ إِلَيْكَ مِنَ الْكِتَابِ وَأَقِمِ الصَّلَاةَ إِنَّ الصَّلَاةَ تَنْهَى عَنِ الْفَحْشَاء وَالْمُنكَرِ وَلَذِكْرُ اللَّهِ أَكْبَرُ وَاللَّهُ يَعْلَمُ مَا تَصْنَعُونَ }العنكبوت45 يا اختى طالما هو مصلى اذن تأكدى بأذن الله انه سيتوقف ان عاجلا او آجلا يا اختى كلنا نخطىء ونتوب والله عز وجل يقبل التوبة ويغفر يا اختى لعن الله النت والدش والجوال وكل هذه التكنولوجيا التى شرها اكثر من خيرها او مع الآسف نحن العرب اخذنا السىء منها تركنا المفيد ولا حول ولا وقوة الا بالله يا اختى بأذن الله بعد عودتك له قوى ايمانه اذهبوا الى دروس العلم اكثروا من العمرة وزيارة قبر رسول الله صلى الله عليه وسلم شاهيدوا الى الفضائيات الدينية ذكريه بالله وان الله منتقم يعنى املىء حياته بالطاعات اشغليه عن المعاصى وبأذن الله سيتوقف ولكن الموضوع يحتاج الى الصبر وطولة البال والحنكة فى التعامل معه يا اختى الموضوع بعيد عنك تماما هو لا يشاهد هذه الاشياء لان بيك نقص او تقصير ولكنه الشيطان يا اختى الرجل يحب التغير ومع الآسف يجده مع هذه الاشياء الحرام اذن الموضوع محتاج الى الصبر وطولة البال وبأذن الله لن تجنى الا الخير والسعادة {وَلَنَبْلُوَنَّكُمْ بِشَيْءٍ مِّنَ الْخَوفْ وَالْجُوعِ وَنَقْصٍ مِّنَ الأَمَوَالِ وَالأنفُسِ وَالثَّمَرَاتِ وَبَشِّرِ الصَّابِرِينَ}البقرة155 |
اقتباس:
كثر الله من امثالك وجزاك الله خير الجزاء...والله يابو مريم زوجي فيه الخير الكثير وانا والله بدوري بعد ماتاكدت من الموضوع قلتله انت خنت الله ورسوله قبل تخوني قال والله ادري ونادم وقلتله والله ماتزيدك هالامور الا هم وغم قال والله صدقتي...لكن ادعلي ان الله يحنن قلبه علي ويرده لي ردا كريم ويبعد عنا الشيطان ودساءسه |
يا اختي والله من خلال قرائتي لموضوعك
تفائلت كثيرا كثيرا واشعر ان عودة زوجك قريبه اوصيكي بالاجتهاد بالدعاء له بالهداية وصلاح الحياة الزوجية وراح ادعيلك الليله |
اقتباس:
والحمد لله امورك تسر, لكن وش اثبتلك انه راجع؟؟ لحد الحين ماقال شي...كل ماله ياجل وابوي بدا يتنرفز |
| الساعة الآن 03:23 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©