|
رد: زوجي والهدية
احترم رايكم بس انا ماني زعلانه عشان الكعب
ولا عشان اللي عمله بذكرى زواجنا لاحظوا قلت اني رجعت طبيعيه دايركت هو بعد يومين شافني مروقه قام نكد وفتح الموضوع بلوم وقلبها ضدي وقال كلام ماينقال وصعب اكتبه من بينه انو انا واهلي طمعانين فيه واني اشفط فلوسه اول باول كلام مريض وبعيد تماما عن الواقع واني زي الخدامه يتجدد عقدي وياشر باصبعه باحتقار من فوق لتحته اقدر بفلوسي اجيب 10 مثلك واجدد عقودهم كل 5 سنوات يقصد ذكرى زواجنا الخامسه وانو بعد كذبي عليه مو كفو تربيه وخساره جاب مني بنت وولد وجلس يمدح زوجات اصحابه اللي يساعدونهم رغم انه هو اللي رافض اتوظف كلام كثير يغث نمت وصحيت مشحووونه عليه وانفجرت فيه بطريق السوق زي ماهو ياذني انا اقدر اغثه بالكلام قال ايش: خلاص ليش زعلانه خلصنا امس ايش اللي خلصنا امس قول مسحت فيك البلاط امس وفي سبات ماراح اقولها لانها بذيئه كلام - انقال قدام بنتي ماعمري شفته الا بهوشات اليوتيوب انا امس نكديه اوكي اعترف.. تعمدت انكد عليه ابيه يذوق من نفس الكاس ولاحظوا لما سميت بدنه اخذني السوق ورجع مد الفيزا وعصب لاني ماصرفت منها كان يبي يكسر عيني بكم الالف ويكمل زعل ماعطيته فرصه وقطعت الطريق اخذت اللي ابي وزياده ولو نقصني شي اهلي ماراح يقصروا عمرهم ما منوا علي بريال واحد مو هذا يتمنن ويتشرط بالهدايا ويحسب كل الناس بيلهفون فلوسه فوق كذا افتعل معي مشكلتين برمضان والغى شغلتين كان واعدني فيها من بينها عمره مكه وتجديد الصاله وكل مشكله هو افتعالها يقول بعدها: ماتستاهلي ويرجع بكلامه وانا اسكت فوق كذا حتى اغراض العيد يقول ماتستاهلي وهو ثاني يوم العيد بيسافر برا مع اصحابه وبيرمني ببيت اهلي انا وعيالي وباذني اسمعه يقول لواحد تعال معي محمول مكفول تخيلوا يصرف على الناس تذاكر وسكن وسفر ومصاريف كثيره لسفره اسبوع برا السعوديه وانا يقول ماتستاهلي اخذك السوق ماتستاهلي مكه ماتستاهلي تجددي شوي ديكور ماتستاهلي نطلع نتسحر اليوم ماتستاهلي ماتستاهلي ذلني بكل شي حتى هديته اللي جابها لي امس راح اخذها وهو معصب كان بيرميها بالشارع وانا مسكته وطلبته يهدأ وقلت خاف الله بالنعمه قال ماتستاهليها ليتني متزوجه واحد فقير وابن حلال بس هذا النصيب |
رد: زوجي والهدية
كنافة أنا ما ألومك في ردود أفعالك
اللي تمري فيه صعب ويبغى له جهاد مستمر وما يحس بالنار إلا واطيها الله ينزل عليك السكينة وراحة البال... |
رد: زوجي والهدية
كنافة
ما فيك تتواصلي مع اخصائي أسري عبر النت ? انتي بحاجة له و طالما رافض هو .دوري على النت اكيد رح تلقي و بخصوص السفر اذا يقبل تروحي مع اهلك بسفرة و ما عنده مانع روحي و انبسطي مع اهلك . الله يهدي سركم |
رد: زوجي والهدية
والله الله يعينك عليه ومالومك لما تدورين الزلة عليه من كثر ماهو مستقعدلك
وتعليقا ع اخر جملة قلتيها وحدة كاتبه متحسفة ع نصيبها وتبغا وسيم و غني قلتلها اهم شي راحة البال مع اي زوج كانت فقير ولا غني |
رد: زوجي والهدية
شطحه بس كنافة زوجك مستحيل يكون جنوبي غربي على الاغلب جنوبي شرقي هم اللي عندهم نقطه الزعل والنكد وعدم الرضا بسهوله والتعلق في الام والشك والظنون السيئه
جربي حظك بالانماط شوفي كيف ممكن تتعاملين معه |
رد: زوجي والهدية
جنوبي غربي شرقي خرابيط
ماعدت اصدق هالسوالف والله بس قبل فترة اعدت الاختبار وطلع فعلا جنوبي شرقي مثل امه جنوبيه شرقيه بامتياز بس هو بطبيعته اذا قربت منه وضمني نكد علي قليل خاتمة سنديان يا قلبي ياما كتبت اني تواصلت مع مستشار وزوجي رافض تماما هالفكرة ربي يسعدكم |
رد: زوجي والهدية
اليوم سويت الفطور زي كل مرة
وبالاصناف اللي يحبها بس حطيت له سفرة لحاله وانا اخذت فطوري بصينية صغيره للصاله ما أكل ولا شيء بس شرب كوب شاي وبعد العشاء ترك البيت وطلع وانا فطرت واكلت بنتي حبيبتي وسويت تنظيف شامل للبيت قبل العيد باقي النص الثاني بكرا ان شاء الله عشان اذا رحت لاهلي يكون كل شي تمام لان زوجي بيرمينا ببيت اهلي ثاني العيد ويروح يهيص برا مع اصحابه |
رد: زوجي والهدية
اقتباس:
|
رد: زوجي والهدية
اقتباس:
هو ياخذ حقه وينكد عليك بعدين يرجع طبيعي أنت تنكدين عليه وتاخذين حقك بس تمصخينهاما تقولين خلاص أخذت حقي وترجعين طبيعية معاه. |
رد: زوجي والهدية
اقتباس:
انا كتبت امس اني اعتذرت له بالسياره واحنا بطريق السوق وهو سبني ودعى علي وطنشت بعدين تسوقت بحسابي (يعني ما اخذت حقي زي ماقلتي) ولما عطيته الفيزا حقته شكرته مارد واليوم سويت الفطور كالمعتاد ما اكل ولا لقمه ما اخذت حقي لا ماديا ولا ادبيا ولا معنويا ترى لي شهر اتلطش مو الحين بس ولأول مرة بحياتي احط له الاكل على سفره لحاله |
رد: زوجي والهدية
اقتباس:
إلا أخذت حقك كامل مكمل من ركبتوا السيارة إلى أن تسوقتي ورديتي الفيزا! المفروض خلاص كذا صرتوا صافين مو تجين تكملينها اليوم وتخلينه ياكل لحاله وشايله صينيتك لحالك ترى هالحركة بالذات قياساً على اللي عندي تخليهم يحقدووووون بزيادة ما يطيقون هالحركة. شوفي وفاء وش صار لها لما حلفت بهالشي ! |
رد: زوجي والهدية
اقتباس:
لانه قال لي مثلي مثل الخدامه بعقد ويجدد العقد متى ما بغى فعاملته وكأني فعلا خدامه احط الاكل وامشي بس ماتكلمت ولا كلمه هو عطاني طراق قوي بذكرى زواجنا وضخم لي زله غير مقصودة فأنا بعطيه ذكرى جميله لعيد الفطر بستمر بصمتي وبلم اغراضي لبيت اهلي زي ماطلب ومتأكدة ماراح يتهنى بسفرته والوضع بينا كذا وهذا هدف من اهدافي الا اذا هو فعلا عمل حركة تبين تقديره لي هاليومين هنا بحاول اطيح الحطب مع اني قلبي ضااااااق والله العظيم حتى اني اليوم مبسوطة انه زعلان بالعادة احاتي واتنكد.. الحين أقول قلعته ترى الشتايم مو شي بسيط خصوصا اذا استمرت لكن الله يصلح الحال دعواتكم |
رد: زوجي والهدية
اقتباس:
شكلك تطبقين نصيحة قالتها لك وحدة من الأعضاء في موضوعك السابق ترى الحياة ماهيب تصفية حسابات وبس |
رد: زوجي والهدية
الله يصبر زوجك عليك يا أخت كنافة
|
رد: زوجي والهدية
شوفي اختي.. كلام زوجك جارح جدا مافيها نقاش..
لكن فيه حلقة مفقودة.. شلون قبل يومين من عيد الزواج بيهديك هدية فخمة.. (والرجال مااااااا يهتمون بهالشغللت والله.. وبعدين بيبهدلك.... افهميني اختي زوجك اذا تذكرك بكل حب ورومانسية و كمان هدية كبيرة يعني تعبير مادي ومعنوي عن حبه وتقديره لك... كيف يرجع يذلك بعدين والله ما بفهم؟؟ انتي متأكدة بتحكي كل شي؟؟ في حد بيدخل بيناتكم؟؟ زوجك في شي غايضه منك كتييير كتير.. الله اعلم انك شايفة حالك شوي ما بعرف.. او هو حاسس بهالشي... شوفي مشاكلكم كتيرة وكبيرة وتااافهة بنفس الوقت. لازم تقعدي معو في جلسة هااادئة.. اسأليه ايش هو الي بيزعجك مني ويخليك تغلط علي وعلى اهلي؟ عن جد لازم تعرفي وهو الوحيد الي بيقولك.. عمدي سؤال،، ماشاء الله اموركم تمام.. ليش ما تجيبي خدامة تجي وتروح تساعدك بشغل البيت.. وانتي اعطي وقت اكثر لزوجك.. خلي الطبخ تعادل.. وركزي اكثر على الوناسة و الاناقة والجلسات الحلوة مع زوجك.. زوجك هذا الي يبي.. |
رد: زوجي والهدية
سبق جبت خدامه
زوجي بصباص وملقوف ومتعود ياخذ ويعطي مع الخدم ولو اقول له خلي التفاهم معي يزعل موضوع كبير صعب ادخل بتفاصيله والموضوع مافيه حلقه مفقوده هو ركبه شيطان بعد اللي صار بتوصيل هديته حكيته بالتفصيل في موضوعي وضخم زله غير مقصوده ولقاها حجه يردد كالعاده: ماتستاهلي انا اتمنى اطلب شي وزوجي يقول: مامعي فلوس.. مااقدر هذا عينه قويه.. يقول ماتستاهلي هالشهر سمعتها منه يجي 4 مرات على اشياء تااااافهه مستقعدلي وانا اذا بشوف نفسي طول الشهر اخدمه اتصل اسأله ابش مشتهي عالفطور وبالليل اشاوره بالسحور عملت مأدبه كبيره لاهله عزم اصحابه 4 مرات سحور فطور وقمت بالواجب يغلط علي وارضى بسرعه بكل مشكله انا اللي اتنازل حتى العلاقه الخاصه صاير اناني فيها جاني مرتين قبل اذان الفجر بدقايق ولما عاتبته قال اعوضك بعدين ماهمه الا نفسه وراعي كلام يدور الزله عشان يقول ماتستاهلي طايح لي بهالجمله اذا زوجته ام عياله ماتستاهل من اللي تستاهل؟ انا ما احط بذمتي.. بس كلمته قويه والاقوى تلطيشه بامكاناتي الماديه عينه قويه بزيااااااااده ولما جاب لي هديه كبر راسه ودايم يردد: انا مافي حرمه لها منه علي كل شي بفلووووووووسي الله ياخذ الفلوس التربيه قبل المال يا جماعه |
رد: زوجي والهدية
اجل قايل لي بنص رمضان بناخذ عمره ونرجع
وانا بكيت من الفرحة وبست راسه وطلبت من امي تمسك الاطفال وتجهزت وحددنا اليوم صار شي تافه مرض ولدي وصرخ علي لاني تاخرت بالدوا بهذلني واني مو ام ومو كفو تربيه قلت له ما اسمح لك تغلط علي قال هذا اللي فالحه فيه المرادد نمنا وصحينا طبيعي بعد الفطور سألته عن رحله العمره قال كنسلت كل شي ماتستاهلي بعد اللي عملتيه!! قلت مين غلطان انا والا انت؟ قال حتى لو اغلط فيك المفروض تسكتي وربي انزل السكينه علي ذاك اليوم وقلت براحتك يمكن خيره رغم اني ماشفت مكه من تزوجته هذا موقف عابر فاض فيني وصار رضاه وزعله واحد |
رد: زوجي والهدية
الحين وش هدفك من الحياة الزوجيه؟
تبين تستمرين ولا تبين تتطلقي؟ تصرفاتك تصرفات واحدة لاتريد تستمر ولاتريد تتطلق طيب ليش قاعدة بالنص! |
رد: زوجي والهدية
زوجك غلطان من راسه لرجله
طيب وبعدين؟ تريدينه ولاتريدين الطلاق؟ مافي شي اسمه يتغير تريدينه مثل ماهو ولا لا؟ اذا كان فيه تغيير فأنت اللي لازم تتغيري لاتغيري من مبادئك وقناعاتك وانما غيري التكنيك والاستراتيجية وردة الفعل الداخلية لديكي |
رد: زوجي والهدية
لماذا نتزوج
انا صراحة حاسه ان اخرتنا طلاق من كثر ماهدد ولمح وقالها صريحه احيانا جاني تبلد وصرت متوقعه بكمل باقي حياتي بدونه بنفس الود ما ابغى اتطلق بس احساسي يقول اخرنا طلاق جربت اللين والخضوع والتنازل مافاد ابد صرت مطنشته هو وزعلاته وطلعاته وسفراته لين يحلها ربي من عنده |
رد: زوجي والهدية
ونعم بالله
الله يعوضك خير عن مامضى ويجعل ايامك سعادة ومليئة براحة البال والله يهدي زوجك |
رد: زوجي والهدية
قلتي كلمة قويه
وهي أن زوجك يذهب لصاحبة الذي يخبره بكل شيء؟؟؟؟ هل أنت متأكدة من هذه المعلومة لأنه ممكن يكون التغييرات المفاجئة جاية من هذه الجلسات |
رد: زوجي والهدية
اقتباس:
هو اعترف لي بهالشي اول سنه زواج يقول احمدي ربك ماطعت فلان وفلان هذا من اعز اصدقاءه ودايم معه بعدها بطل يعلمني بس وقت المشاكل يرتز عنده ومره قلت بمزح ما اطيق فلان ولا احب يزورنا عصب وقال انا الرجال واقرر من يزورني فسكت وماجبت طاريه |
رد: زوجي والهدية
شخصية زوجك يصلح معها وحده بثره عبيطه لكعه
هذي تخليه يلف حول نفسه وهو يحاول يستفزها بس مافيه امل (بختصار تنفع معه الشخصية البااااارده) |
رد: زوجي والهدية
تناقشت معه وجلس يبرر
قال كلام ما اقدر اصدقه مثلا قصه مكة يقول امي قالت لي خلوها بعد العيد واروح معكم قال لي ماحبيت اعلمك ان السبب امي قلت كان دورت اي رد غير ماتستاهلي!! كيف اخذ لسانك على هالكلمة وامس اتهمني اني قلت: لما كنت كذا انت وامك كنتو كذا وانا نطيت وصرخت لا تالف كلام حرام عليك الظلم انا قلت لما انا كذا انت كنت كذا ماجبت طاري امك عيب عليك انت عارف اخلاقي كنت مصدومه قال اجل انا سمعتك غلط ومسكت نفسي لانك تتكلمي بسرعه وقت عصبيتك قلت يعني ركبتني جميله الحين؟!!! قال لا بس حتى تعرفي اني ما ابي اخسرك المهم كلام كثير طلع براسه مغالطات كثيره بس لازالت كلمته "ماتستاهلي" ماكله معي لاني اعرف ايش اعمل وايش اقدم واعرف سعري بسوق الحريم مضبووووط وقلت له ما اسمح لحد يقول لي هالكلمه قال طيب انا اسف حقك علي واستأذن يروح يدخن قبل الاذان زبده الكلام هو فرح اني كلمته ماصدق اعطيه فرصه للنقاش وهذا خلاني اندم بيني وبين نفسي اكيد بينبسط ويفتك من المشكله قبل السفر وانا انغث من تصرفاته وفوق كذا اجلس لحالي لو صابره وساكته افضل بس بنفس الوقت فهمت بعض الهلوسات اللي براسه صبر جميل والله المستعان |
رد: زوجي والهدية
اقتباس:
اكتم اكتم اكتم بعدين انفجر وسهل استفزازي.. وجهي ينعفس بسرعه |
رد: زوجي والهدية
اتوقع لما هو قطع نقاشنا
واعتذر واستأذن فجأه ولا رجع للنقاش.. صلى ونام لانه يبي يقلب الكلام اللي قلته براسه هو بطبعيته بطيء في ردات فعله يحب يحلل كل شي مع نفسه قبل ياخذ موقف وانا ابوقف المقاطعه اللي بينا وبكلمه بكرا عادي بس برسميه شوي لان عمليا ما خرجنا بحلول ولا كملنا نقاش اكثر شي لفت نظري انه يكرر: مشكلتك انك قويه!! ما ادري وين هالقوه وانا اتبكبك وخاطري مكسور والله النسمه تجرحني.. بس مافهمني |
رد: زوجي والهدية
أظهري له ضعفك أمامه قول و فعل
و أكثري من الدعاء و أكثري من العمل على إصلاح تدينه و صلاته |
رد: زوجي والهدية
اقتباس:
كنافة زوجك رجل .. تعرفين وش يعني رجل .. يعني يبي يحس إنه القوي في حياته الزوجيه .. وأنتي أنثى يعني المفروض تكونين ضعيفة قدامه .. الضعف الأنثوي إللي يجذب الرجل ويجيب رأسه .. معاك إن بعض تصرفات وكلام زوجك يقهر بس تراك سبب في أكثرها .. وش فيها لو سكتي ومارديتي .. ولا لو قلتي مايصير إلا اللي يرضيك .. حبيبتي الزوج يبي يحس بقوامته وضعف زوجته أمامه .. تعلمي ماتردي على زوجك وكيف تحولي الأمور لصالحك وبتشوفي العجب .. الله يسخركم لبعض.. |
رد: زوجي والهدية
محب السنه
اذا بتصنع الضعف بعد اللي عمله فهذا يعني ان سياسه الاذلال تنفع معي وانا ما ابغى اوصل له هالمسج لكن فعلا مالي ملجأ الا الدعاء الله يبرد ناري لاني فايره قهر ويهدي النفوس لست كغيري اذا انا فعلا قويه فترى اغبى شي محاوله اذلال القويه واهانتها وسبها ومواجهتها بقوة مضاعفه هذا اسمه صراع الجبابره انا اعرف نفسي اجي باللين وحسن المعامله واسلوب اعطاء الامتيازات يطوعني بيده وياما قلت له هالكلام بس مافاد الضعيفه هي اللي تخضعها القوه وانا والله ماراددته الا هاليومين لما اتفق هو وامه من وراي على مكه وقال بوجهي ماتستاهلي سكت وقلت براحتك رغم ان تصرفه بالحالتين يقهر يعني تنازلي عن كل شتايمه واغلاطه علي مايعتبر ضعف؟ اذا استثنينا اخر يومين استسلامي لكل قرارته المجحفه مايعتبر ضعف؟ ماراددته بشي ابد ولا سألته عن امور كثيره بخاطري لها مده الا هاليومين صبرت صبر ايوب على اشياء ماينصبر عليها وهو بلسانه معترف: ابهد حيلك هد تصرفاته معي فيها كره عظيم وانتقام احس انا وهو عايشين بصراع طبقي مع ذلك غضيت الطرف كثييييير حتى احداث ذكرى زواجنا شوفي رغم بشاعه اللي عمله وقاله يومها صحيت وما كأن صار شي بالله فيه وحده تصحى ثاني يوم مروقه مع ذلك رجع يهزئني على ذات الموال ضغطني بكل مافيني اذا هو عنده مشكله برجولته لا يدورها باهاناتي يروح يصلح رجولته مع نفسه والا يتشاور فيها مع امه اللي شغله معها اسرار واتفاقيات شكرا لست كغيري بس مو كل الرجال رجال فعلا |
رد: زوجي والهدية
عاد الجنوبي الشرقي هذا يحب النكد زي عيونه
|
رد: زوجي والهدية
اقتباس:
ماتعيش معه الا راعيه الحيله هذي توديه البحر وترجعه عطشان لكن الواضحة والتلقائية اللي مثلي ماتنفع يحب راعيه التمثيل والتمسكن اللي تمشيه على كيفها بالكيد والحيله انا سبق جربت بكم موقف يعني بيسوي شي ما ابيه واتبكبك بحزن واقول اهم شي انك مبسوط وانا من داخلي ابي اقطعه تقطيع القاه سايرني وغير رايه بالعربي يحب ينضحك عليه انا احيانا كنت اضبط لي كم مشهد بس الطبع يغلب التطبع ارجع تلقائي لعفويتي ووضوحي يقوم يقلب الدنيا على راسي وانا بعدها ما اشتهي اناظر وجهه |
رد: زوجي والهدية
كنافة ..
تشبهيني لما يغلب الطبع على التطبع و أرجع الشمالية الشرقية الي ما تحب أحد يذلها و لا يغلط عليها و الي تنتقم و ترد اعتبارها و تنفجر في أوقات_مش مناسبة_ انتي يا كنافة حابة تكوني على طبيعتج،و طبيعتج ما تجامل و ما تحب الا الي يحبها و يداريها.. بس الموقف الاقوى و شخصيتج الاقوى راح تكون لما تسكتين.. السكوت يقهر بس هو الافضل،لأن ردودج تصعد الموقف و عقب يصير انتي الغلطانة و فوق هذا كله تتضطرين تعتذرين لشخص تعتقدين انه المفروض هو الي يعتذر لانه هو الغلطان من الاساس و هو الي عكر المزاج و موقفج كان ردة فعل و انفجار.. زوجج لسانه متبري منه نفس الي عندي،المشكلة هذي النوعية تبي الحياة كلها طوع ايدها ومن ضمنها الزوجة.و صعب و مكلف و مؤذي هذا النوعية من الرجال للمراة القوية و الي ما تحب المشاكل. انتي منصدمة منه شلون يجازيج بتصرفات تقهر بينما انتي تسعين انه يكون مبسوط او على الاقل_مستقر_ زوجج مطيح الميانة وياج بشكل كبير الله يهديكم و يهدينا جميع. بس بقولج شيء زوجج مفتاحه الجنس و الغنج الانثوي.العلم بالتعلم تعلمي من الممثلات ال تارسين الشاشة 😊 موفقة إن شاء الله |
رد: زوجي والهدية
اقتباس:
كذا اختلف الوضع تماما يعني انتي كنتي عارفه مفتاح زوجك لا وجربتيه لا ونجح معاكي طيب وين المشكلة؟! زهقتي وحابة تكوني على طبيعتك طيب ليش ماتستخدمي المفتاح هذا في اقناعه او سحبه لطبعك او استمالته نحوك هذي توديه البحر وترجعه عطشان لكن الواضحة والتلقائية اللي مثلي ماتنفع يحب راعيه التمثيل والتمسكن ليش ننتظر......... تجي تضحك عليه وتاخذه لحم وترميه عظم! وقتها بنجي نقول لكي : اشمعنى فلانة قدرت عليه ومبسوطين مع بعض؟! وقتها راح تردين : بس فلانة خبيثة. طيب انتي طيبة ماتعملي مثلها بس بنية طيبة يابنت الأصول يابنت العز يابنت الاجواد ( ابغى اصحي الطيبة والنخوة والشهامة اللي بداخلك) |
رد: زوجي والهدية
اقتباس:
يمكن القول.. كل مايحدث من مشاكل..هي بإرادتك. |
رد: زوجي والهدية
طليقي نفس زوجج
وانتي مثلي باستثناء ان طليقي عنده زوجته وعيال وما كان لي بروحي ولا كان يعدل الحين من خليته عند امه وانا مرتاااااااحة ربي لك الحمد |
رد: زوجي والهدية
لماذا نتزوج
كلامي هذا يوم كان ابن حلال قبل مايفتعل مشاكل ويصد ويهين الحين 24 ساعه مع الجوال والواتس واذا على بنات..... 90٪ يسولف معهم بس ماعندي دليل ولا افكر اتجسس وادور وراه |
رد: زوجي والهدية
اقتباس:
الله وناسه رهيب التعامل مع الي كذا تحسين انه يشبع غرورك يحسسك بأنوثتك:d انا زوجي يحب الوضوح والتلقائيه مايحب اللف والدوران حتى الدلع مايحبه اذا بغيت شي اتكلم معاه مباشره ويوافق غالباً اخواني عكسه لازم ادلع عليهم والف وادور وبعدين اطلب ويعرفو اني اضحك عليهم ويقولوها (هذا كله عشان اعطيك ابشري ) لكن لو اقلهم مباشره يقولو معليش والله مااقدر fgfg |
رد: زوجي والهدية
ابشركم تصالحنا
مع اني ما اضمنه الزعول بس نقول يارب خير بارك الله فيكم جميعا |
رد: زوجي والهدية
اقتباس:
وانتي يا قلبي اول ما يبدا يخطر الزمي الصمت وبعدين آخذي بنصحيتج اللي انتي كتبتها والله يألف بين قلوبكم ويبعد عنكم كل شر وسوء |
| الساعة الآن 03:39 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©