رد: صار دقيق ويحاسب على كل شيء..
 

وإذا ماطبطب علي ودارى خاطري واشبعني حنان منو اللي بيشبعني!!

ومو أنا اللي أسوي مشاكل هو اللي صار يدور لها دوارة ويستفزني على أبسط شيء عشان أزعل .. وتعالي شوفيه لابغى شيء او أحتاج فلوس يصير شايلني من الارض شيل ..

رد: صار دقيق ويحاسب على كل شيء..
 

ومن قالك إني رحت دوامي .. وكثر الله خيره ماني منتظره يحن علي ويوديني مستشفى أخوي كفى ووفى ووداني ..

قعدة الصفا مايعرفها يامبتعثة ..

رد: صار دقيق ويحاسب على كل شيء..
 

اذا ما يعرفها يتعلمها يا احبه ..
خذي بالاسباب و ادعي ربك ...

رد: صار دقيق ويحاسب على كل شيء..
 

شايفة أسلوب الزعل قد ايش يضايق ويتعب؟!
كنت مستخدمته مع زوجك وتحملك وصبر عليك،
هو تعلم أسلوبك ودورك الآن تصبرين عليه وتغيرين أسلوبك وتغيرينه معك وكل شي بالتدريج..
أكل العنب حبة حبة..

يا أحبه لما يزعل ويعصب لاتحطين راسك براسه وتردين بالمثل تستردين كرامتك في نفس اللحظة،
همك كرامتك بشكل مبالغ فيه،

غيري أسلوبك جربي المشاعر وقت زعله،
أقصد حيلة الحب ولغة المشاعر وليس البكاء والدموع..

ماكان قصدي
حقك علي
ماتهون علي
أهون عليك
حقك تزعل وحقك أرضيك
ارمي نفسك بحضنه
اجلسي جنبه واتلزقي فيه
امزحي نكتي
لاتدققين بكل كلمة
لاتحاسبين ع الكلمة بحذافيرها،

زوجك مريض سكر،،تجاوزي وتغاضي،ولا تراددين،ولا تجادلين،
يا أختي لاتزيدنه النفسية لها دور في مضاعفات السكر.وكله في النهاية يأثر ع علاقتكم وسعادتكم.

مشكلتكم الجنسية لابد تتفاهموا فيها بحيث يشبعك مرة بعلاقة كاملة ومرات بدون علاقة كاملة..الوضوح مرة مهم..

الأعضاء ماقصروا في النصح ،الله يفرج همك ويريح بالك..

رد: صار دقيق ويحاسب على كل شيء..
 

اكتشفت إنه حاضرني على الواتس..

رد: صار دقيق ويحاسب على كل شيء..
 

تحدثي معه و ٱكسري حاجز الشيطان يا احبه !!..

يكفي !

رد: صار دقيق ويحاسب على كل شيء..
 

مستحيل يصير هالشيء،، ليش وش سويت له أنا!!

رد: صار دقيق ويحاسب على كل شيء..
 

ما طلبت منك تعتذرين بس اسأليه سبب تصرفاته !!

رد: صار دقيق ويحاسب على كل شيء..
 

والله ياأختي أنا ماعاد لي كلام معه .. اللي راح يقول عليه اخوي راح أسويه..

رد: صار دقيق ويحاسب على كل شيء..
 

تذكري انها أزمه ورح تعدي يا أحبه حبيبي😬أقصد لست كغيري
وترجعو حبابيب باذن الله

رد: صار دقيق ويحاسب على كل شيء..
 

والله ياأختي لايلدغ المرء من جحر مرتين .. هالمرة غير .. الموضوع صار عند أهلي علم فيه .. مع إن ماكنت أبيه يوصل كذا بس هو السبب .. وهالمرة ياتكون أساس علاقتنا الاحترام المتبادل ولا كلن يروح بحاله .. ولا مافي أنسان طيب وحنون ويحب زوجته ويقولها وهي طالعة للمستشفى مع أخوها نظفي البيت قبل ماتطلعين إلا إذا وصلت معه الحقارة منتهاها ..

رد: صار دقيق ويحاسب على كل شيء..
 

ولعلمك صار بداخلي غصة منه ماراح تروح بسهولة أبد..

رد: صار دقيق ويحاسب على كل شيء..
 

ثقتي بنفسي سلبها مني بتحطيمه لي .. بس يبيني أجري وراه وأطلب وده ورضاه يظن إني ماأقدر أعيش بدونه.. المشكلة اللي حصلت معه قبل فترة واللي سافر فيها لأهله أسبوع كنت أجري وراه واطلب رضاه مثل الهبلة وهو بس يجرح فيني .. ماكنت اسمع كلامكم إني اطنشه .. كنت استعطفه عشان يرضى علي وكان يشوف نفسه ومايفكر فيني .. ألحين لا .. يبي يعتبرني انسانة لها مشاعر واحاسيس ويحترمني ويقدرني ولا يروح يشوف غيري ..

رد: صار دقيق ويحاسب على كل شيء..
 

رد: صار دقيق ويحاسب على كل شيء..
 

رد: صار دقيق ويحاسب على كل شيء..
 

كلامك كله - تصورات و تخيلات -
صنعتيها و بنيتيها بداخلك و صدقتيها ..

لا تقولي حطمني ..
إنت حطمتيه و اهنتيه ..

إنت جالسة تجري وراه ..
مو هو اللي يبغاك تجري وراه ..
فلا ترمي أسباب أغلاطك على زوجك ..

هو عايش حياة طبيعية ، و إنت عايشة في عالم الخيال ..
و تبغي تحاسبيه على العالم الجميل الي بنيتيه و دخلتيه غصب في عالمك ..

.
.

هو يجرح فيك ، بسبب أفعالك معاه .. و الرجال قلبه - تعبى خلاص -
نسيتي كلامك و تجريحك و اهاناتك له ؟

كل اناء بما فيه ينضح ..
وزوجك خلاص تعبى و تعب قلبه .. ارحميه و خفي عليه ..

.
.

ما قلنا لك طنشيه ..

قلنا لك ، لا تخنقيه ، و لا تلحقيه .. و لا تنكدي عليه و لا تكثري زعل ..

.
.

إنت تحسبي لما تزعلي كل شوي ، إنه لما يراضيكي و ما يبغى زعلك ..
يعني يحبك ؟؟؟؟؟؟؟

هو يراضيكي ..
عشان يرتاح من النكد و يخلص و يهرب منك ..
و هما الرجال كذا ..

.
.

لو راح يشوف غيرك .. مثل ما تقولي ..

ما راح تجي هنا و تشتكي و تولولي ؟
مستعدة تتحملي - مسؤؤولية كلامك هذا - ؟

ما تجي و تقولي ضحيت و تحملت و دفعت و سددت عنه ..
و استغنى عني ؟

- لا تجبري زوجك بأفعالك و أقوالك ..
إنك تخليه فعلا .. يبحث عن راحته و سعادته ..

ليش يقصر عمره بالنكد و الزعل ؟

.
.

أكرر

اللي يعمله زوجك حاليا ..

( إنت السبب ) ..
لإنه ما شاف تغيير فعلي و لا تحسن في شي ..

راجعي نفسك ..
و تدخل أهلك حاليا ..

راح يكسر كل شي - باقي حلو - بينكم
و راح تندمي على إنك دخلتي اهلك ..

رد: صار دقيق ويحاسب على كل شيء..
 

مازالت مشكلتك
رسم سيناريو محدد في خيالك
ثم محاسبة زوجك لو طلع عن النص!!

رد: صار دقيق ويحاسب على كل شيء..
 

يا جماعه لا تقسو عليها
من حقها تعتب على زوجها
ومن حقها تروح بيت اهلها يومين
ترخي اعصابها وترتاح من القلق

غلطتها الوحيده انها دخلت اهلها
يا احبه اخوك الله يحفظه ماهو دايم لك
انا واصله حدي من زوجي
بس مقتنعه ان هو اللي بيبقى لي ان شاءالله
مهما صار بينا
ماراح اتنازل عن مسؤولياته تجاهي


انا اقترح عليك اذا روقتي كلميه
بالهداوه وبدون عتب وتشره
واذا رجعتي بيتك اسحبي عليه
ازعلي ببيتك زي ماتبين

رد: صار دقيق ويحاسب على كل شيء..
 

باختصار يا أحبه شهر العسل خلص من زماان ليه تجبري زوجك يعاملك وكأنكم توكم متزوجين تبغي تسافري كل اسبوع
وتبغيه يشتري لك وجبات من المطاعم ولو تعبتي شوي تبغيه يطبطب ويسهر عليك! خلاص اطلعي من عالم الخيال وعيشي مع زوجك في عالم الواقع ...خلي تركيزك كله في مشكلة الإنجاب و خفي عن زوجك شوي ..

رد: صار دقيق ويحاسب على كل شيء..
 

اقري كلام روح الطير 100 مرة
+++ لاااااااا تدخلين أهلك

رد: صار دقيق ويحاسب على كل شيء..
 

أنتو منتو مستوعبين اللي كتبته .. أنا كنت تعبانة وهو ماوداني المستشفى .. وماكلمت أخوي إلا عشان يوديني المستشفى .. حضرته رجع من الدوام يقولي بسافر لأهلي وهو شايفني متمددة واتلوى من الالم وبكل برود يقولي بسافر .. وش تبوني أسوي!! دقيت على أخوي يوديني مستشفى .. وفوق كذا مرسل لي إني أنظف البيت قبل أطلع .. يعني شوفو وصلت الحقارة معه..

رد: صار دقيق ويحاسب على كل شيء..
 

الله يحنن قلبه عليك ويحنن قلبك عليه

اقرأي رد الاخت روح الطير قد يكون قاسي لكنه واقعي
طليقتي نفس الشي نكد وعتاب والزوج مخلوق فقط للطبطبه عليها ومراعاتها تمنيت احد ينصح طليقتي مثل ماروح الطير نصحتك
كانت واثقه اني ماراح اتركها مهما بلغت من العناد والنكد والعصبيه
لكن المفاجأه انها اصبحت من الماضي
حتى لما كانت تتغير وتخف بالنكد والعصبيه والعناد وتتركني براحتي ماكنت اصدق اسلوب سنين يتغير بشهر ونفس الشي شوف غيري اذا موعاجبتك مانت مغصوب علي تبي تطلق طلق حتى لما طلقت قالت فكه والان تبكي دم بدل الدموع وابوها واخوها وقفوا معاها بداية الطلاق بعدها انشغلوا عنها وهي الان تعاني وحدها بصمت يداها اوكتا وفوها نفخ
لاتندمين تعوذي من الشيطان وكلامك اللي فوق نعرف انك ماتقصدينه ولاعاد تطرين تبي غيري تبي تطلقني تراها تقهر الزوج ويحس انك تنظرين له بفوقيه ولاهمك

رد: صار دقيق ويحاسب على كل شيء..
 

واضح انقهر لما استعنتي باخوك
حس انه صغير وانك مو بحاجته
مدري احيانا تفكير الرجال يقهر
يمكن كان يبغاك تتذللي ليه حتى ياخذك الطبيب

بس لا تخلين البديل اهلك.. لا تتعودي على هالشي
بكرا يتعود بكل شي يقول كلمي اخوك مو فاضي

حبيبتي هدي الزم ماعليك صحتك
الحين فهمت ليه المرأه تكبر بسرعه قبل الرجال
من هالمصايب اللي يهببونها
الله يأجرنا

رد: صار دقيق ويحاسب على كل شيء..
 

أنا ياروح اللي أشبعه وأدلله وأعطيه من الكلام الحلو..أنا ياروح اللي أرجع من الدوام علطول على المطبخ عشان ماأقصر عليه بشيء مع إنه كان يقول الطبخ مايهمني وأنا أراعي وضعك كونك موظفة بس طلع كله كلام .. لأنه وقت مايكون زعلان ينتقد هالشيء .. أنا معيشته ملك كل اللي يبيه وكل اللي نفسه فيه يجيه لحد عنده .. وهو مستصعب يوديني مستشفى!!! والله لما يكون تعبان إني أظل عند رأسه لا أكل ولا أشرب..


وش هالمنطق ياروح .. وش أنا السبب لأني كنت أزعل بسرعة ورسخ هالشيء في رأسه !!! طيب تغيرت وباقي هالشيء راسخ في رأسه من الغلطان الان أنا إللي تغيرت ولا هو إللي باقي ماخذه هالفكرة في رأسه عني ومو راضي يغيرها!!

لكن الفلوس فعلا أنا إللي كنت غلطانة فيها كان أول مايحتاج أجري أساعده لانه زوجي وأبي أكون جنبه في الضراء قبل السراء ..

رد: صار دقيق ويحاسب على كل شيء..
 

بصراحه انا اشوف انه مو مصدق انك تعبانه لان الاحداث الماضيه تظهر انك كويسه

عرض يوديك المستشفى رفضتي
طلبتي علاج من الصيدليه وجاب لك
جا وقت النوم بينام قمتي تكوين ملابس الدوام بتداومين
ثم اليوم الثاني تقولين ودني المستشفى وقال عرضت عليك ورفضتي
معليش عيب الكلمه اللي تقوليها عن زوجك وصلت فيه ماوصلت فيه مايجوز
بعد كل هالاحداث انا مكانه مااصدق ام عيالي انها تعبانه بس تدلع وانا بسافر

رد: صار دقيق ويحاسب على كل شيء..
 

حبيبتي نفس اللي عندي
اكرف بالمطبخ
واذا عصب قال الطبخ مايهمني
ولاتحسبيني ميت على طبخك
بس الحين كيفه
صرت اطبخ لي ولبنتي وهو يشارك بالاكل

المرأه عاطفيه وحساسه بطبعها
انا يقهرني الرجل الحساس الزعول
ترى هذا طبع انثوي مو رجولي
المفروض الرجل صدره اوسع واكثر تعقل
انا اتكلم بشكل عام
ما اقصد زوجك تحديدا

واعتقد انك غلطتي بمساعداتك الماديه
هو كل ماشافك زعلانه يحسك كاسره عينه
وانتي كل مازعلتي تذكرتي هالشي
مو حياه والله
وصعبه تقفلي هالباب مره وحده
بيفهمك غلط تماما
لازم تقفليه بالتدريج
ولا تجيبي سيرته خير شر
خلاص ماقصرتي الفتره الماضيه
هو رجال ويتحمل مصاريفه

رد: صار دقيق ويحاسب على كل شيء..
 

أنا قاعدة في بيت أبوي الله يرحمه .. أبوي اللي ووصى زوجي علي وبلسانه قالي هالحكي ..

أما قعدة الصفا فأنتي متخيلة لما تجلسي مع إنسان عنده تصور مسبق من الصح ومن الغلط وأبدا مايبي يكون مرن في الاخذ والعطاء .. ويشهد إني في جلستنا وحنا نتكلم ماعمري دقيته ولا أهنته .. بالعكس هو اللي يسمعني كلام مثل السم..

رد: صار دقيق ويحاسب على كل شيء..
 

أولا أنا ماكنت أدري إنه مسافر الا لما جاء الظهر وقالي إنه مسافر..

ثانيا أنا فعلا تحسنت بالليل بعد ماأخذت مسكن السخونة بس رجعت علي السخونة آخر الليل لحد الصباح .. وطلبت المستشفى بعد ماصحي مع إن كنت أبي أصحيه بس قلت لا أصبر إذا صحي يوديني .. وبعدها يرفض يوديني..

رد: صار دقيق ويحاسب على كل شيء..
 

معقولة تصرفاته مالها اي مبرر ؟ انا احس انك بعد تقطين كلام. ويوم قال نظفي البيت كلمته عادية
اشوف زوجة خالي احيانا تمرض قدامي و الحريم اللي اعرفهم و ازواجهم لاهين عنهم عادي و لا يحقدون و لا شي . سخونة عادية و بتقومين .
انا امس انفلونزا. وحرارة و رجفة و راح العمل و لا سأل عني :dولو قلت له ودني ماراح يتغيب عن العمل عشاني .
ماقدرت اقوم فغيبت الاطفال عن المدرسة
لا تتخيلي قصص روميو وجولييت
من المشاكل اللي مافهمت لها مرة تمدحين وتوصلين السما و مرة النقيض تماما .
ادعي ربك كثير و اطلبيه التوفيق .

رد: صار دقيق ويحاسب على كل شيء..
 

ياعزيزتي أنا متحملة شيء أكبر من اللي قلتيه كله وماتكلمت وصبرت وماجبت طاريه لأحد ولا بجيب طاريه .. وبعظمة لسانه قالي لو واحدة غيرك كان بعد الزواج بأسبوع طلبت الطلاق .. وقفت جنبه ودعمته وأبدا ماكان يهمني شيء غير وجوده.. إيش الافعال اللي ماعاد يتحملها!! وفي المقابل اش الافعال اللي شفتها منه!!

طيب وش الفرق بين الرجل والانثى .. مو احنا بطبيعتنا ربي خلقنا ونحتاج للاهتمام والدلع والكلام الحلو عشان نقدر نعطي الرجل في المقابل !! وربي عطى الرجل القوة والعقل وسعة الصدر!! ولا مفروض الزوجة هي اللي تعطي والرجل فقط مستقبل!!

ياروح اللي بيتزوج بيتزوج لو إنك شايلته على كفوف الراحة!!

رد: صار دقيق ويحاسب على كل شيء..
 

الحريم ماهم سوا .. والامراض ماهي سوا .. وإذا إنك تقدرين تقومين وتشتغلين وأنتي تعبانة فالله يعطيك العافية أنا ماأقدر..

رد: صار دقيق ويحاسب على كل شيء..
 

رجال مو زي الحرمه يجلس جنبك ويهتم فيك
بعدين عادي ما فيها شي لو قال نظفي كلنا نتعب ونظف على شوي شوي ماله داعي الزعل
انا لو منك تعاملي معه بتنطيش
انتي الحين لا تكلمينه ولا دخلين اهلك
استغلي الفرصه بالدعاء وقيام الليل والراحه البال لا تفكرين فيه
اذا كلم وقال خليك جاهزه عادي ارجعي معه
وخليك عادي ورتبي امورك بالبيت حطي جدول لك وجدول اهتمام لنفسك حتى لو هو حالس معك بالبيت حاولي بقدر المستطاع تجنبه
مشكلتك كلها ترا بالنومه برا الغرفه
عادي البسي دافي وراسك غطيه اهم شي انتي جنبه

واذا معصب بس اجلسي طالعي فيه وانتي ساكته لا تردين عليه وتشوفين بعدين ماعاد يعصب عليك شوي شوي يبي لك صبر و امور كثيره

رد: صار دقيق ويحاسب على كل شيء..
 

وانا قلت لك اني اقدر اقوم و اشتغل؟ انا اذا تعبت ماقدر اقوم من يومي صغيرة و تتعطل اشغال كثيرة وفوضى مافيه احد يعاوني. ولازم مضاد وناخذ معاي وقت
بعدين ماقلت لك قومي اشتغلي ،، قلت لك لاتنتظرين الرعاية و السؤال ،، وكثير من الازواج كذا.

رد: صار دقيق ويحاسب على كل شيء..
 

يعني الازواج يبون الزوجات يهتمون فيهم ويدلعونهم وفي المقابل حتى في أسوء الظروف لما تكون الواحدة تعبانة لايهتموا ولا يسألوا .. وش هالحياة الزوجية!!!!

رد: صار دقيق ويحاسب على كل شيء..
 

هذي هي الحياة الزوجية الطبيعية يا عزيزتي .
لما يتعب يجلس بالبيت وينسدح وأنتي تخدمينه وتراعينه ، ولما تتعبين إنتي
المطلوب إنك تقومين بشغل البيت :)

الله يرزقنا الجنة ويجعل تعبنا كفارة لذنوبنا يارب ❤️

رد: صار دقيق ويحاسب على كل شيء..
 

عموما حاليا حاضرني على رقمه بالواتس .. وأفكر بكرة أروح البيت قبل مايجي أجيب ملابس الدوام حقتي لأني ماني جايبه ملابسي حقت الدوام.. وعن نفسي ماراح أكلمه .. بشوف وش ناوي عليه..

وللعلم أخوي ماقلت له عن شيء غير سالفة المستشفى ولا سألني عن شيء أبد ولا تكلمت أنا .. قلت لأمي ولاختي فقط .. وطلبو مني ماأتواصل معه بس إذا اتصل أو ارسل شيء أرد.. ونشوف كيف بيتصرف .. قلت لهم ماراح يتصل ولا يسأل أعرفه .. قالو مو مشكله بنشوف كيف بيتصرف ..

رد: صار دقيق ويحاسب على كل شيء..
 

إذا تبين تعيشين متزوجة تقبلي زوجك كما هو بحسناته وسيئاته،، ولاترسمين له صورة في ذهنك تطالبينه فيها..

راجعي نفسك مو معقول الأعضاء كلهم يفكروا خطأ وإنت الصح..

أنت تضخمين أخطاؤه وتزعلين ولا تلمسين له عذر،يختي برري له شوي لو مرة،،بالمقابل تصغرين أخطائك وتلقين لنفسك أعذار ومبررات.

رد: صار دقيق ويحاسب على كل شيء..
 

اذا الوحدة ماتشتكي خير شر وبالنادر و شافها تعبانه اتوقع يحس
هذا اللي سمعته من جدتي :d انهم مايحبون التشكي
وفعلا الشكوى لله فقط

رد: صار دقيق ويحاسب على كل شيء..
 

الله يهديك مافي داعي تكلمين امك واختك
لاتصّعدين المشكلة
ارجعي بيتك وحطي نقطة وانهي الموضوع.

رد: صار دقيق ويحاسب على كل شيء..
 

متزوجة بس ياأم دان .. فقط حتى أكون متزوجة!! طيب وش استفدت من هذا الزواج: لا أطفال ولا تقدير ولاأمان .. بس زواج عشان يكتب في الحالة الاجتماعية متزوجة..