|
رد: خيوط الألم تنبعث منها أمل ( مساحتي الخاصة
ومر الوقت وصارت الساعه ثمان مساءً ،،
في المطبخ أساعد منى بتجهيز العشا للكل : آآخ يا منى والله لو تشوفين شكله كيف كان يخوف عمري بحياتي ماراح أنساه ربي يحفظه ويطول بعمره.. منى: اللهم آميين.. حبيبي جدي هو عمود البيت من بعده كلنا نضيع ي شين اليوم من غيره الله لايعيده مسحت دمعه خانتني: جدي بالنسبة لي حياة ووطن من بعده أكون جسد بليا روح مشرد من غير وطن. ضغطت ع يدي تواسيني، إلتفت لها مبتسمه: خلينا نخلص. دخل علينا وأيده ع راْسه : بنات مسكّن بسررعه إلتفتنا له متروعات منى تركت اللي بيدها ووقفت قباله: حبيبي وش فيك يضغط بإيده : راسي بينفجر من الوجع منى: طبيعي بعد اللي صار اليوم والإرهاق دقيقه هندي مسكن بشنطتي قوي بجيبه لك << طلعت >> جلس ع الكرسي ومرجع راْسه لورا ومغمض عيونه ويدلك بإيده ويون من الوجع وجعني ونينه وماحسيت الا بإيدي تتخلل شعره أسوي له مساج شوي شوي وفك عقدة حواجبه وخف ونينه وإرتخى جسمه<< كنت أحرك أناملي بمهاره عاليه اعرف مكان الألم وخلصته منه واعرف انه مساجي هو علاجه وبدقايق قدرت أريحه : كيفك اللحين؟ وهو مازال مغمض وواضح عليه الراحه والمتعه: أفضل بكثير بعدت يدي لأنه خلاص ارتاح: الحمدلله بسرعه مسك يدي : إنت فيك سحر سحبت يدي منه وببرود:إنتبه ع نفسك من سحري لايقلب ضدك مبتسم: خير إن شاءالله منى: سم ي قلبي حطيت قدّامه فنجان قهوه تركش وكوب مويه رفع حاجبه: ماطلبت . انا : أدري بس قلت أكثر شي تحتاجه الآن هي القهوه مو مسكن! أخذ المسكن من يد منى وبلعه: لا بأخذ المسكن مالي مزاج للقهوه اشربيها انت بما انك فكرتي من كيفك ، تبون شي من برا ماحبيت تصرفه لكن مابينت له إنزعاجي، خذت القهوه وشربتها ورجعت أكمل شغلي من دون أرد ع سؤاله.. ومنى تتدراك الوضع: لا حبيبي سلامتك بس وين طالع باقي شوي ويجهز العشا فيصل : فيه العافيه بروح المستشفى لجدي أتطمن عليه إلتفت له ناسيه اللي صار من شوي : بس انت قلت إنه ممنوع من الزيارات فيصل: إيه .. بس أنا بروح للدكتور أسأل عنه وأتطمن عليه وبحاول معهم يدخلوني برجاء: خذني معك تكفى والله ان الشوق له ذابحني وقلبي ماراح يهدأ الا لما أتطمن عليه بنفسي ببرود: صبري لبكره حالك من حالهم.. سلام انقهرت وضربت الأرض برجولي مثل الأطفال لما تعترض ع حاجه 😁: ي برودك ي شيخ منى تضحك: ههههههههه والله انت اللي تضحكين هو قال من البدايه بحاااااول يعني يمكن مايدخل وروحتك معه ع الفاضي بألم: كون انه أكون قريبه منه وعيوني ماشافته ترتاح نفسي وتهدأ سكتت عني وكملنا شغلنا بصمت ولما خلصت طلعت لجدتي اعطيها علاجها وظني لاحظت عليّ ضيقتي: وش فيك يمه إبتسمت : مافيني شي ي الغاليه الجده : تفكرين فيه ؟ : من قصدك ؟ الجده : حبيب قلوبنا الغالي جدك ابتسمت لها وضغطت ع أيدها : الله يرده لنا سالم ومعافى الجده : لاتحاتينه ربك بيحفظه لنا انا وانت مانستغنى عنه وربك رحيم بعباده بست راسها وايديها: الله كريم لطيفه: عطيتي جدتي علاجها وبعدين عشاكم طول شكلك بتلحقينها بجدي من إهمالك بهدوء: لا خلص العشا بس نجهزه الآن<< قمت عنهم>> وحنا نجهز دخلت علينا وسن : اووف جيت أساعد ي شين جلسة الحريم منى: هذا من العجوز اللي داخلك مدري وش حادك ع جلستهم المفروض لحقتينا من قبل وسن : قلت أتركم لحالكم تأخذون راحتكم بحب : افاا انت مش غريبة عشان ناخذ راحتنا وش ذَا الكلام ياما جلسنا مع بعض ونسولف عادي براحتنا وش الجديد منزله رأسها حسيت انه منى تعرف بالموضوع : وش فيه وسن ليش قلت الكلام ذَا وسن بإحراج: صرت استحي منك بسبب أمي واللي تسويه معك و... قاطعتها: افاا والله ماهقيتها منك أبداً وش تنحرجين منه والخرابيط ذي وش دخلك بينا أساساً قالوا لك انا ناقصة عقل آخذك بذنب أمك وبعدين أمك أنا عاذرتها ولو مالها عذر لكن الله أعلم بسبب تصرفاتها إنت مالك دخل فيها ولا فيني كذا ولا كذا حنا خوات وغلآتك من غلاة منى ونوره عمر مع بعض جا اليوم تتغيرين لسبب غبي إياك تحطين بينا حواجز وتضيعين صداقتنا بسبب أمور تافهه انا كنت أظن انك أكبر من كذا دمعت عيونها: ي قلبك الكبير لاتكونين طيبه كذا بطيبتك هاذي راح تضيعك هي سبب إحراجي منك وهي السبب بجبروت أمي عليك وهي السبب بالحواجز اللي بينا اللحين<< طلعت وتركتني مصدومه منى: معليش إتركيها ع راحتها انا : الله يعين بعد العشا الكل إستأذن وراح بيته وجدتي حست بتعب ودخلت تنام وانا رتبت البيت وخلصت سويت لي قهوه وطلعت برا جلست ع كرسي المرجيحه وسرحت بوسن وماحسيت بوجود فيصل الا لما صرخ : ياهووو نقزت : بِسْم الله ، متى جيت انت فيصل : لا انت منتهيه صار لي حول عشر دقايق أكلمك ولا انت هنا<< جلس معي ع المرجيحه>> وش سرحانه فيه بهدوء: في وسن ؟ بإهتمام : وش فيها وسن ؟ إلتفت له محتاجه لنصيحه: أنا كنت ملاحظه تغير علاقتها معي بس مادققت كثير قلت يمكن مشغوله بشيء مدري بس يعني ماصارت تجلس معنا ولاتاخذ وتعطي كلّه جالسه مع الأمهات رغم كرهها لمجالس الكبار فيصل : وش السبب طيب بأسف: أنا وأمها ؟ عقد حواجبه : مافهمت انا : تقول منحرجه مني بسبب تصرفات أمها معي مع انه قلت له ووضحت انه هي مالها دخل بتصرفات أمها وانه انا وهي شيء وامها شيء حاولت أفهمها وأأكد لها الشيء هذا لكن قالت لي شي صدمني بدا يعصب : وش قالت لك بنت أمها استغربت نرفزته: قالت لاتكونين طيبه كذا طيبتك هي السبب بإحراجي منك وبالحواجز وبجبروت أمي عليك أخذ الكوب اللي بيدي وشرب منه: في هاذي صدقت طيبتك وقلبك الكبير هو يقوي غريمك عليك : وش تقول انت لطيفه ووسن مو غريم لي ولا بعمرهم راح يكونون .. أصلاً اللي يصير شيء عادي ووسن مالها دخل أنا ماعطيت إعتبار لكلام أمها او تصرفاتها ماأنتظر انه تصرفات تزعل وتحز بالخاطر لكن انا مازلت أظن وعندي يقين انه هناك سبب لتصرفاتها ويمكن تكون طبيعه فيها لكن المهم الآن هي وسن ماأبيها تتحسس من اللي يصير ولاتاخذ موقف كبير وتكون بينا رسميه الشيء هذا يزعجني أكثر من تصرفات أمها فاهمني إبتسم : فاهمك ي ام قلب كبير ووسن إتركيها ع راحتها ماردها تفهم اللي قلتيه وسن بنت حساسه حيييل وماترضى بالغلط كيف لو كانت أمها الغلطانه اتركيها وقت وبترجع مثل ماهي حساسه عقلها كبير وبتفهم بزعل : بس مايهون عليّ تكون في حالة صراع بسببي وبسبب أمها فيصل : ومن قال بسببك الصراع هذا كله بسبب أمها مالك دخل فيه تنهدت : آآه .. انا فكرت أتكلم مع لطيفه وافهم منها ليش هي كذا رد بسرعه : لا لا لا تكلمينها اتركيها هي وتصرفاتها لاتهتمين ووسن مثل ماقلت لك وقت وبترجع استغربت تسرعه ورفضه حسيت يعرف : ليش انت تعرف بالسبب ابعد عيونه عني ويشرب من القهوه : عليك قهوه أطلقها مقهى مايسويها فهمت انه يغير السالفة : بالعافيه .. بس مارديت ع سؤالي فيصل : انا ابي افهم ليش تحبين وجع الرأس مااعرف ولا ابي اعرف سوالف لطيفه كثيره اتركيها عنك عرفت انه يكذب ويعرف بكل شي تركته ع راحته مصيري بعرف يغير الموضوع : ايه متى تسأليني عن جدي نسيته ونقزت وكان راح يحترق : هوب هوب ع حيلك بتحرقينا إبتسمت له وبدلع عفوي : سوووري قلبي داخ : فداك أحرقيني كلي لو تبين إستحيت وجلس يضحك عليّ: هههههههههه .. المهم أبشّرك جدي طيب وبخير ويسلم عليك انت بالذات سلام كثيير ومشتاق لك حيل وطلب مني أجيبك له بكره لو ادخلك بالغصب دمعت عيوني فرح وشوق : ي روح روحي والله انا اللي ميته من الشوق كان ودي اشوفه اليوم لكن انت أناني بنبرة حنان : والله ماكنت واثق انهم راح يسمحون لي ولا كنت ادري بالوضع اللي هو فيه ماأتمنى تشوفينه تعبان ويضيق صدرك عليه : طيب كيف اسمحوا لك الدكتور تعاطف معي وخصوصاً جدي أزعجهم بالسؤال عني هههههه دخلوني عليه ولا عندي لك بشاره ثانيه بفرح : بشرر بكره الكل راح يقدر يزوره راح ينقلونه لجناح عادي وأسبوع او اقل جدي راح يكون هنا نقزت من المرجيحه ووقفت قباله : إحللللف مبتسم : والله صرت أناقز وأطامر من فرحتي عمري 25 لكن تصرفي يقول 5 سنوات اللي لما حصلت ع لعبه حصلت عليها بعد حنه وبكا جلست أضحك من قلب وكأنه الضخمه رجعت لي بعد هجره طويله هههههههههه ومن ضحكي فيصل جلس يضحك معي ويراقبني : والله انك طفله أركدي ي بنت لاتجلس جدتي ومازلت أناقز من الفرحه : والله لو تفتح قلبي وتشوف الفرحه اللي طغتها صدقني إنها تكفي العالم وتزيد << قربت منه تحت تخدير الفرحه وطبعت بخده بوسه قويه من دون مااحس بنفسي >> التصرف هذا جمد فيصل بمكانه: أنا مستحيل أصبر كذا لازم أخبر جدتي بتستانس هي الوحيدة اللي راح تحس بفرحتي وركضت لداخل مااعتبرت ولا اهتميت لنومتها صحيتها وخبرتها بالخبر وصارت تبكي وضميتها وبكيت فرح معها وسجدت لربي تشكره وكان فيصل واقف مبتسم حتى إني لمحت يمسح طرف عيونه وانا مازلت بنشاطي وقلت لهم يطلبون مني اللي يبونه وجلسوا يضحكون عليّ ومسكت بيد فيصل وجلست ارقصه وارقص معه وهو حاول يفك نفسه مني هههههه ي الخبله اتركيني لا اليوم نبي نفرح ونرقص جدي حبيبي بخير وبشوفه الجده تجاريني وصارت تغني وتصفق وفيصل أستسلم لخبالي وجلس يرقص معي ههههههههه لحظتها نسينا كل شي هو من وانا مين وعشنا لحظه الفرح وتركناها تستوطن قلوبنا من غير اي عناد او تكبر منّا .. لنتوقف هنا مع ترقب شعاع الأمل من خيوط الألم ، وإلى ذاك الحين زينوا ليلتكم بركعة وتر وأذكروني بدعوه صادقه ..ddg الحمدلله ع كل حال .. ومضه : ماأجمل أن تغرس في اليأس .. أمـــــلاً.. ddg |
رد: خيوط الألم تنبعث منها أمل ( مساحتي الخاصة
متابعة ربي يسعدك
|
رد: خيوط الألم تنبعث منها أمل ( مساحتي الخاصة
في اليوم التالي صحيت بقمة نشاطي وحماسي اليوم راح أشوفه وأروي عيوني من ظمأ سكنها اليوم بس راح يهدأ قلبي ويسكن لو وزع النشاط اللي فيني ع دوله لأكمل شعبها من مهامها..
من صحيت من بعد الفطور مباشر وانا مكاني مايتغير هو المطبخ انفخ فيه ماأطلع الا للصلاه او أتطمن ع جدتي ووقت علاجها فديت حسها كانت تجي تدخل تبي تجلس معي لكن أعرفها يدها تحكها الا تساعدني لذالك طردتها تجلس لوحدها 😁 وأنا منهمكه بالشغل وحالتي حاله الله لايرويكم كنت حفففففله 😂 مندمجه حيل ونقزت من ، فيصل شهق : هااااأ انا متروعه: بِسْم الله << وإبتسمت له >> جيت فيصل: فيه إحتمال كبير أني بهج وش ذه ؟! ضحكت: هههههههه حلويات وفطائر وبيتي فور وكذا يعني قرب للطاوله يتفرج ع الصواني ويهمس بس سمعته: محل حلويات مش مطبخنا<< رفع راْسه : خير عازمه الجيران مديت له نوع من الفطاير : ذوق وقل لي وش رأيك تو مبتكرتها وهو يذوق : والله لذيذه بس مارديتي ع سؤالي ليش كل هذا بفرح : هذا كله لجدي بأخذه معي اليوم فتح عينه ع وسعها وغص باللقمه: كح .. كح.. كح بخوف مديت له الماي وامسح ع ظهره: بِسْم الله عليك بعد ماهدأ: إنت بتقضين ع جدي ناويه يعمّر بالمستشفى حضرتك كل هذا مممنوع منه لا اليوم أكيد المستشفى بيسوي حظر تجول والسبب انت وجدك هذا إبتسمت: من قال انه لجدي او بتركه يأكل منه رفع حاجب: تو تقولينه انه لجدي انا : هههههههه ايه صح بس مو انه بياكل منه جزء منه بحطه بالثلاجه الخيريه دفعة بلا عن جدي وعنا وجزء منه بأخذه معي لضيوف وزوار جدي مصدوم: عاد كل هذا لا انتي صابك شي في عقلك هذا يكفي ديره كامله بسبع لياليها بفرح: لا ماشفت شي هذا شي بسيط وعهداً عليّ اليوم اللي بيطلع فيه بطبخ ذبيحته جلس يضحك عليّ : ههههههههههههههه لا انتي عقلك ولى من أمس أطلع اريح أبرك لي لاتجنيني مثل أمس وغمز وانا فتحت فمي من الصدمة وخجل 🙈 وجلس يضحك علي لأَنِّي أنفضحت واضح إني اتذكر كل شي سويته طلع وهو مازال يتضحك انقهرت من نفسي هو جريء وانا زودتها وش بيقول عني اللحين ،، إلتفت ع الشغالة : حميده حط هذا كله في الثلاجة وهذا سوي تغليف وحطي هناك حميده : إوك مدام طلعت لجدتي وأول ماشافتني ضحكت: هههههههه وش مسويه بنفسك ي أمي عسى فيصل شافك بالوضع هذا : وش فيه وناظرت المرايا شهقت من شكلي جدتي تمسح علي: وش مافيك كلك طحين وكاكاو لا شعرك ولا خَدَّك سلم من جنونك أخذت منديل انظفني : هأ .. باقي كثير ولا الجده : قومي تروشي أفضل لك : ع رأيك بتروس وارجع لك ي أجمل جده بالعالم وطبعت بوسه قويه ع خدها وصارت تضحك علي وتدعي لي << وهل يلام العشق في جنونه .. أنا مجنونك ي من خضع لك القلب "أمي " دخلت غرفتي وطلعت لي ملابس ودخلت حمامي لكن : آآآآآآاه توتر وأخذ المنشفه وستر نص جسمه وبعصبيه: قصري حسك عساك البلا ووجع عطيته ظهري وبعصبيه مماثلة: وش تسوي هنا هذا حمامي الخاص ولا لك عين تعصب وتدعي بعد بعصبيه: مثل ماأنام شايفه وش أسوي مثلاً أتفسح لفيت له بعصبيه: ليش في حمامي عندك حمام بغرفتي << إنتبهت مازال عريان رجعت صديت وانا كلي خجل وتوتر وضع لا أحسد عليه أبداً >> معصب : حمامي عطلات وجئت آخذ حمام هنا ومتوقعا انك راح تجين وتدرعمين عليّ كذا انقهرت يتهمني بالغلط وهو الغلطان : وانا كيف اعرف انك بالداخل ع الأقل قفلت على نفسك يطلع من البانيو وتقدم مني ودفني: أقول طسي عني وخري عن طريقي كان لازم اكتب لك لافته يعني طييييري زين << طلع >> أنقققققهرت من حركته وناديته بعصبيه : ووووقف إلتفت وخذت ملابسه ورميته بوجهه ورقعت الباب في وجهه . وصار يصارخ ويضرب الباب ويهدد 😎 وانا ماأهتميت جلست أنظف الحمام والبانيو من قهري حسيته كومة قذاره hhر وبعده تروشت وروقت نفسي الا اليوم ممنوع للمزاج المعكر والدموع والقهر والعصبيه تجهزت ع سنقة عشره واللي يشوفني يقول اليوم مقابلة الحب وانا بحبيبي مجنونه 😍 جيت بطلع لكن تذكرت فيصل وتهديده وخفت تراجعت وتذكرت جدتي لحالها وتنتظرني اليوم كلش ماجلست معها عدل حطيت أذني ع الباب والحمدلله مافيه صوت شكله فطس طلعت بشويش وقربت من غرفته وكانت هاديه ابتسمت فرح فطس وغرقان بعد ههههه طلعت من الجناح بسرعه ونزلت وانا ادندن انا لحبيبي وحبي إلي ي عصفوره بيضا لابقى تسأل........... حروف كلها طارت من الصدمة متربع بوسط الصاله وجالس يتقهوى مع جدتي ابتسم سخريه لاحظ ع توتري : أنا لحبيبي و حبيبي إلي يا عصفورة بيضا لا بقى تسألي لا يعتب حدا و لا يزعل حدا أنا لحبيبي و حبيبي إلي ي هلا وغلا والله فهمت انه وقت الإنتقام آن ولا مفر منه غيرت وجهتي للمطبخ ابعد عنه واستجمع قوتي مابيه يهزمني ورجعت بصحن من الفطائر والحلا وجلست جنب جدتي << آماني 😁>> وهو كان يسار جدتي صار يتحرك كثير وجدتي إنزعجت منه : وش فيك كأنك مقروص أهجد أروشتني معك ماتركتني أتقهوى فيصل : إن شاءالله مرت بس ثانيه ورجع يتحرك وضحك ويكتم، إستغربت وش فيه إنها الرجال حتى ماكان في يده جوال !!! جدتي عصبت : والله إن تهبد هالعصا ع ظهرك ي مهبول أهجد أهجدت عليك ملائكته يضحك : ههههههههههه والله ودي بس البلا مو فيني البلا في اللي ع يمينك إلتفت لي جدتي : هديل وش فيها إستغربت وش قصده عقدت حواجبي: أنا .. وش دخلني فيصل : إييه .. ي جده قولي تبطل حركاتها وأنا أهجد ولا هاا ترا أتهور واللي فيها فيها << وغمز لنا >> وبكل براءه: والله ماسويت شي شكله إنهبل بسبب النوم قوم نام أحسن لك فيصل : لا سوي نفسك بريئة ماودي أفضحك بالعكس مبسوط من حركاتك بس دام فيها تهبد بالعصا إثنينا نأكلها تستاهلين حبكت حركاتك عند جدتي كنّا فوق مع بعض << وغمز >> وقال من جلست وهي تدغدغ فيني وتتلمسني شهقت : هاااااااا وجدتي ردة فعلها ماتختلف عني كيف تجرأ وكذب هالكذبه القويه دمعت عيوني خجل من جدتي وقهر منه : والله يكذب جدتي لاتصدقينه فيصل ببراءه: ليش أكذب ها .. أنا كنت هاجد وساكت وجالس مع الزين نتقهوى وماعدت حركتي الا بعد ماجلستي ولا غلط ي جدتي الجده : ايه فيصل : يعني كلامي صدق مو عيب ي هديل تشتاقين لي بس فيه حدود للشوق رسلي لي نصعد جناحنا عيب كذا قدام جدتي مازلت ع وضعي : فيصل لاتكذب والله ماقربته ي جدتي فصييييل قل الصدق وقف ومسك ايدي : جده إسمحي لنا حرمتي إستحت منك وانا تولعت بعد حركاتها مافيها صبر جدتي غطست بملابسها من الحيا وانا سحبت يدي منه وطلعت ابكي من الإحراج وهو صار يتضحك عليّ بصوت عالي ، طلعت الحوش ابعد عنهم وعن الجو المحرج قهرني حسبي الله عليه وصل انه يتهمني قدام جدتي انا متعوده ع كلامه لكن بينا مو بين احد السخيييييف << يد تضغط ع متوني، إلتفت وكانت جدتي صديت عنها مستحيه >> جلست جنبي ع الأرض العشبيه: وراك قمتي عنا وجيتي هنيا اعدل صوتي من اثر البكا وانا صاده عنها : بس كيذا حركت راسي ورفعته ومسحت دموعي : بسبب شين الحلايا أدري ي بنيتي لاتحطين في بالك أساساً ماصدقته ولدي تربى ع ايدي اعرفه لما يكذب ولما يقول الصدق وانا ماأتوه عنك أعرفك مثل خطوط كفي وأساساً بعد ماطلعتي اعترف لي وقال انه انتقم منك حقه ورده له عقدت حواجبي وغورقت عيوني حقود ونزلت راسي وردت ارفعته لي وقالت : لاتنزلين رأسك ع شي انتي مالك يد فيه دايم خليه مرفوع تهزمين فيه خصمك << مسحت دموعي >> والدموع هاذي ضعفك لاتهمرينها دايم وتفرحين غريمك اااه ادري ببلوتك ي بنتي ولدي فيصل طبعه شين لكن طولي بالك عليه، ضميتها : اليوم زيارتنا للغالي ماله داعي نبكي ونزعل بعدتني وابتسمت اليوم نبي بس نشوف جمال هالعيون وهي فرحانه ، إبتسمت لها وضميتها بقوه ، مسحت ع شعري وظهري : يايمه تحملي فيصل الولد صدق طبعه شين لكن والله قلبه طيب وحنون مشكلته مايعرف يطّلع مشاعره لأحد ولا يحب يُبين اهتمامه ولا يحب حد يهتم فيه بزياده يعتبر الشي هذا ضعف فيصل اذا حس انه بدا يفقد قوته يفقد نفسه يبعد عشان يردها وإذا حس بقرب شخص له واهتم فيه يقوم يجرحه عشان يبعده .. طبع شين ولا ادري وش هو له لكن والله ويشهد علي ربيته ع ايدي وكبرته انا أمه قبل أكون جدته الرجال ذهبه ومافيه مثله اثنين ورا طبعه الشين قلبه الكبير تحمليه واكسبيه حاولي تغيرينه تحملي جرأته الماصخه اللي ماحد سلم منها ،، كنت أسمع لها بإنصات واهتمام لكن كل اللي قالته عن شخص انا عمري حياتي ماشفته هذا جبار لايقهر : إن شاءالله الجده : قومي ندخل بردت انا مدري كيف تجلسين بملابسك ذي وتتحملين البرد هذا بدلع : يكفيني حظنك يدفيني ي ام الدفا والحنان كله الجده وهي ماشيه ضمتني : ي عمري انتي والله الحظن كله لك تعالي << ضمتني >> دخلنا وحصلنا فيصل مغذي << نوم الظلام عباده>> جدتي : يمه هديل دخلي غرفتي جيبي غطا وغطيه : إن شاءالله .. ورجعت " غطيته وماحس مدري متى دخل في النومه بالسرعه ذي وبعد صلاة العشا دخل علينا يصارخ: وينكم خلصوني ي ناس تأخرنا ع جدي طلعت ومعي الشغالة حامله الأكياس : حطي هذا ف سيارة فيصل فيصل : وانت نصره يعني ناخذ مل هذا اعدل عباتي : أكيد ماتعبت فيه عشان يظل هنا بدون نفس : جدتي وينها بس جيت بروح أناديهم الا طلعت لنا وفيصل اول ماشافاها صفر : وااااااو ي حركات المزه صايره قمر اليوم اول موعد مع الحبيب ؟ ابتسمت : ماشاءالله ي هنا جدي اليوم القمر طالع قبل يومه يضحك : ههههههههه الا قولي الله يستر عليه لاتجيب الجلطه ضربته بعصاتها: أخص واستح يلا قدامي من اول الليل وانت تصارخ أخرتوني اللحين جالس تقرق ع شكلي امش اشوف قدامي وطلعنا وحنا نضحك وطول الطريق نسولف ع القا جدتي بجدي وانا قلبي ينبض فرح كلها كم ساعه واشوفه ولما وصلنا انتبهت لمحل الورد والهدايا : أنتم أسبقوني عندي شغله وألحقكم الجده : ع وين ؟ : قريب ي قلبي دقايق وجايتكم فيصل : طيب الدور الثاني غرفه 872 اوك .. مشوا وانا دخلت المحل كنت محتاره كل الباقات تقول انا الأجمل وكل ورده تقول معنى أكبر أحترت وش أخذ يكفي ويقول كل الكلام اللي بقلبي لأعظم إنسان كانت في عيوني تراقبني وأزعجتني حيل أخذت الباقه وطلعت << راح أعدي الحوار هنا للآتي>> وبعد مافتح الأصنصير كان فيصل واقف وشاف المنظر اللي اي رجال قدّامه ماراح يتحمله نظرته عمري ماراح أنساها غضب وكره كان صدره ينزل ويرقى وعيونه كلها شرار مسك فيه وعطاه بوقس: ي الحيوااااااان إنتصرعت وخفت عليه قلبي طاح بالأرض: فيصل مسك بياقة ثوبه وسحبه برا الأصنصير وعطاه بوقس ثاني ووراه بوقس ذبحه بوقسات، رد عليه : وش تبي انت وش دخلك بأهلي أنصدمت وش يخربط ذه فيصل والشياطين تتراقص قدامه ومبتسم سخريه : لا وش تقرب لك يعني بكل وقاحة وجرأه: زوجتي شهقت وفيصل يتضحك سخريه : ههههههه بالله طيب قولي كيف أهلك وأهلي بنفس الوقت لا قولي كيف زوجتك وهي زوجتي أنصدم ماعندي رد وطيحه بالأرض وجلس يضرب فيه << كان شكله يخوف جسمي كله انتفض من المنظر جلست ابكي من الخوف : فيصل اتركه يولي فيصل الله يخليك اتركه لايموت ع يدك تدخلوا أهل الخير وفرقوهم وفيصل مازال معصب : وربي لا أدفنك بمكانك ي الحيوان الشاب يجمع أنفاسه المتقطعه، ومن اللي واقفين: ي رجال اذكر الله خذ اهلك وتوكل ع الله الممرضات خذو الشاب لمصاب وأبعدوه وفيصل مسك يدي كاد يفتتها من المسكه ويمشي فيني بهروله خفت أقول آه من الألم ويكمل عليّ أساساً هو مايشوف قدّامه غير الشياطين خذني لأبعد مكان اخر رواق المستشفى وحذفني ع الكراسي وتألمت : آآآه كان يتنفس بصعوبه من العصبيه رايح جاي ويضرب كف بكف وماحس الا انه أَعْطى الجدار بوقس بكل ماعطاه ربي من قوه وصرخ : اااااااااه << مدري هي صرخة الم ولا غضب خفت عليه وقربت منه ومسكت ايده اللي تنزف : تعورت سحب يده مني وصرخ بوجهي: مالك دخل << آآه طيب تعال يشوفها الدكتور قرب مني وانا ابعد من نظرات الغضب الين اصتطدمت بالجدار وحط ايده السليمه ع الجدار وقرب وجهه لوجهي : شغلك ي الحيوانه بالبيت واللحين ذلفي ع وجهي لاأكفر فيك لو ماجدي ينتظرك كان خذتك للبيت علمتك شغلك مازلت بمكاني خايفه صرخ بوجهي : ذذذذذلفي حضنت نفسي انتفضت سحبت نفسي منه ومشيت بسرعه لغرفة جدي حتى الباقه مدري وينها وكنت ابكي بصمت قبل ادخل وهديت نفسي لاأنفضح قدّامهم فتحت الباب وإلتفت لي تلاقت عيوني بعيون رسمها تجاعيد السنين واللي تحكي ع صبر ومشقة وحب وحكايات اخرى شفته مبتسم ولهان وتبخر الخوف اللي داخلي بعيونه ونظرته لقيت الآمان قربت منه وبسته ع جبينه ولو مالحيا من اللي موجود كان ضميته : الحمدلله ع السلامه ي الغالي الجد يناظر في عيوني ويضغط ع ايدي : الله يسلمك ي بعد قلب غاليك وينك ابطيتي عني هذا وانا أقول اول من يفتح الباب هذا انت ابتسمت : ماأبطي عنك دقيقه ي الغالي بس حبيبات اشتري لك ورد وماحصلت الجد : مافيه اجمل منك تغنيني ع الورد رفعت ايده وبستها.. زيد : ع اذنكم جدي اسمح لي بطلع عشان البنات يأخذون راحتهم وبشوف فيصل وينه انتفض قلبي من اسمه وحس جدي علي وضغط ع يدي طلع زيد ومعه ابري فهد وعمي بؤ راشد وولده راشد وبقينا حنا الحريم وخذتنا السوالف مع جدي وكنت بس ساكته واضم ايده وهو كل شوي يناظر فيني ويضغط علي لما ينتبه إني سرحانه وارد ابتسم له ، كان فكري كله عنده وبالكلام اللي قاله وبإيده المجروحه.. جدي بهمس : وش فيك ي بنتي حالك ماعجبني ابتسمت له : مافيني شي حبيبي فرحانه بشوفتك الجد : لا واضح .. ساكته وكلامك قليل وعيونك فيها اثر دموع وين كنت وفيصل لما طلع يشوفك مارجع صاير بينكم شي اتدارك الوضع : لا ي عمري لاتحط ببالك من شوقي بس ولما كنت خايفه كيف بشوفك وباجأي وضع بكيت لاتحاتيني وفيصل عنده مكالمه شوي وبتشوفه هنا واضح ع جدي انه ماصدقني لكن تركني ع راحتي ، قمت وحطيت راسي ع صدره أدور ع السكون والأمان وضمني حفيداته صاروا يعلقون من الغيره وجدي ماعطاهم مجال ههههههه ومر الوقت وانتهت الزياره والكل مشى دخل علينا زيد : جدتي مشينا الجده : وين فيصل زيد: جاه شغل ضروري وطلب مني أوصلكم سلمت ع جدي ووصيته ع نفسه طلعنا وزيد سند جدتي عليه وركبنا السياره ،، ماعنده شغل لكن يتهرب انا قلبي ياكلني من الخوف عليه وهو مااهتم يرابي وش صارت ع ايده أسأل زيد لا أستحي وجدتي بعد بتعرف وبتحاتي أسكت أفضل وصلنا البيت وساعد جدتي ودخلها البيت وانا كنت وراهم ولما دخلها الغرفه وطلع كنت منتظرته ماطاوعني قلبي الا أسأل عنه جا بيطلع لكن وقفته وبخجل : زييد من دون مايلتفت لي : لبيه بصوت واطي : لبيت حاج بغيت أسألك عن فيصل زيد بكل احترام : فيصل طيب لاتحاتينه جاه شغل ضروري وراجع مش مطول ادري انه يكذب : طيب كيف ايده شافها الدكتور انصدم: اا ايه طيب الله يعطيك العافيه الله يعافيك تأمريني ع حاجه سلامتك طلع وسكر الباب دخلت أتطمن ع جدتي وطلعت غرفتي بدلت ملابسي ونزلت انتظره إتصلت عليه اكثر من مره ومارد رسلت له يطمني لانه أحاتيه ومارد وماحسيت الا عيوني غفت قبل الفجر بنص ساعه : هي انت قومي وش منومك هنا فتحت عيوني بشويش وانتبهت ع شكله المبهذل زراير ثوبه مفتحه وشماغه ع متونه وقطرات دم ع ثوبه نقزت : جيت وأخيراً كنت انتظرك وماحسيت ع نفسي يوم غفيت<< أناظر فيه >> حالك مبهذل بإستهزاء: ومن متى هالإهتمام بينا << شافني مارديت>> أقول اصعدي خلي الليله تعدي بسلام عقدت حواجبي : تعدي !! ليش وش اللي صار بهالليله وبعدين ليش تكلمني كذا انا وش سويت مشى وانا وقفت بطريقه: تعال هنا لاتتهرب كلمني وقل لي وش سويت كلامك بالمستشفى وهنا وراه مقصد طلع اللي دخلك وفهمني مسكني من متوني ورفعني ع اطرافي : وبكل وقاحه تسألين بألم : آآآآه .. فكني .. ايه وش سويت ليش تعاملني كذا شد أكثر لدرجه حسيت أصابعه دخلتي داخل : صدق انك وصخه وتسألين بعد طايحه غراميات في الأصنصير من دون خجل قدرت ابعد عنه وبغضب: إحترم نفسك كل شي ولا انك تتهمني بشرفي : لا جد طبقي مسلسلاتك عليّ بكره وأسف عليه : إنت أكيد مريض محتاج تتعالج مافيه تفسير غير كذا عطاني كف من قوته تسمع صداه حطيت ايدي ع خدي ومنعت دموعي لاتنزل ويحس بضعفي قرب مني والنار تطلع من عيونه: لما تتركينا بنص الطريق لشغلك المهم وتروحين تقابلين حيوانك ناسيه زوجك واهله فوق ينتظرونك وطايحه غراميات << ناظر في عيوني >> لا لا لاتفهمين غلط مو غيره ولا أهتمام ولا شي من ذه أبداً لا ي ماما بس مو فيصل اللي ينخدع ويتقرب من أملاكه انت ملك من أملاكي الخاصه وإذا مليت منك رميتك وقتها حر باللي يملكك من بعدي ههأ ع الأقل أحترمتي الناس اللي ضفوك في بيتهم بعد ماتيتمتي وماتوا اهلك وعمك اللي ماصدق ورماك بطريقي حمدي ربك ماتشردتي من بعدهم ولو انه موتهم رحمه لهم لايشوفون زبالتهم احترمي هالجد اللي انغش فيك وغشني معه رسمت اجمل إبتسامه وبكل اعتزاز وفخر عكس داخلي تماماً نزلت ايدي من ع خدي اللي تعلم اصابعه فيها : للأسف ي فيصل كنت وصرت !! فسرت الأمور ع كيفك ومن منظور اللي تبيه .. أنا ي أستاذ ي شيخ فيصل ي محترم ي اللي أملاكه مااحد يتعرض لها أنا قبل أكون لك وبنت هالبيت اللي ضفوها أهله لما ماتوا اَهلها وأحسنوا عليها كنت بنت عايله ناس محترمه بنت ناس أصل وفصل ربوها زين ع الحلال والحرام ربوها ع خوف وحب ربها واللي ورثته منهم بعد ماماتوا ومو انا اللي أبيع هذا كله عشان علاقة محرمه.. أنا أستأذنت منكم رايحه أشتري بوكيه ورد ولو كنت بوعيك بعيد ع مرضك كانت انتبهت باللي كان في ايدي .. الشخص هذا ماأعرفه ولا أتشرف بمعرفته كان بالمحل وظل يزعجني ويراقبني ولحقني للأصنصير ولما تجرأ عليّ بوقاحته ضربته وعصب علي ومسك ايدي وقرب مني مدري وش كان راح يسوي لو ماستر ربي وانفتح الأصنصير. وطلعت قدامي وأول ماشفت فرحت قلت ربي أرسلك لي تطمنت رغم إني كنت ميته خوف من الحيوان ومن اللي بيسويه لكن للأسف ماكنت ادري انك حيوان أكثر منه .. تركته مصدوم مكانه وانا مشيت أجر بكبريائي المجروحه الى هنا وبس ي فيصل كلامك اليوم صفعه أقوى من صفعتك اللي علمت ع وجهي دخلت غرفتي وطاحت كل حصوني المصطنعه ورميت نفسي ع السرير امنع شهقاتي لاتفضحني .. ومضه : ليس كل صفعه تترك أثرها ع خدك هناك صفعات تترك تشوهات بالقلب!! |
رد: خيوط الألم تنبعث منها أمل ( مساحتي الخاصة
متااااابعة... ابداع ما شاءالله
|
رد: خيوط الألم تنبعث منها أمل ( مساحتي الخاصة
متابعة....
|
رد: خيوط الألم تنبعث منها أمل ( مساحتي الخاصة
تعالوا نطلع من المألوف والمتعود عليه أبي أدخل في جعبتكم وأقرأ خيالكم واللي توصلتوه من رأيكم 😆
عطوني رأيكم بكل شي من الشخصيات والأسلوب وحتى السرد .. اليوم ماراح أكتب شي بترك صفحتي ملك لأناملكم ودي أقرأ لكم وش رأيكم ☺ يلا أتحفوني وأبهروني وأمتعوني وأصدموني ههههه 💙 |
رد: خيوط الألم تنبعث منها أمل ( مساحتي الخاصة
القصة من وحي الخيال هذا اللي استنتجته:d
|
رد: خيوط الألم تنبعث منها أمل ( مساحتي الخاصة
^^^^^^
مي تو بس صراحة اسلوبك ذكي جدا تبارك الله |
رد: خيوط الألم تنبعث منها أمل ( مساحتي الخاصة
ماشاء الله تمتلكين حس روائي عاااالي 👌
|
رد: خيوط الألم تنبعث منها أمل ( مساحتي الخاصة
اقتباس:
ولا من ابطال الكواليس ☺ أحترم جداً رأيك لكن ممكن أعرف سبب الإستنباط ؟! شاكره تواجد وتفاعلك معي ddg |
رد: خيوط الألم تنبعث منها أمل ( مساحتي الخاصة
اقتباس:
سؤالي نفس اللي طرحته لضيفي إستنكار ،، سبب إستنباطك ؟!! شاكره تواجدك الدائم هنا وتفاعلك معي ddg |
رد: خيوط الألم تنبعث منها أمل ( مساحتي الخاصة
اقتباس:
كوني دائماً بالقرب هنا لأسعد بك 💙 |
رد: خيوط الألم تنبعث منها أمل ( مساحتي الخاصة
مازلت أنتظر رأيكم !!
وأريد رأيكم بشخصية كلٌ من هديل وعلاقتها الكبيرة بجدها كيف ترونها ؟ طيبتها وضعفها !! التساهل بمعاملة فيصل !! رأيكم بشخصية فيصل وهل له العذر بتلك التصرفات والمعامله المشينة ؟! ابي تفاصيل رأيكم لا أريد أن أكتفي بقول خيال ام واقع ☺ أريد أن أصل ماتتضمنه جعبتكم وهل هو مقارب ام لا 🌷 شاكره لكم جميعاً وأطمع بالكثير منكم .. 💙 |
رد: خيوط الألم تنبعث منها أمل ( مساحتي الخاصة
حبذا لو تفصفصون جميع الشخصيات وليس فقط هديل وفيصل 😁
|
رد: خيوط الألم تنبعث منها أمل ( مساحتي الخاصة
. هلا هديل 😉 بالنسبه لي كنت اشوف هديل قويه من داخل ممكن الواقع نشوف ضعيفه وقد تكون منكسرة الخاطر اما انا لاني قرات اتوقع المقطع الثالث وانا في حالة ضعف وربي ومرهقه من التفكير بس من اقرا لك والله ياهديل اني تعلمت الصبر لاني مثل ماقلت قراتها وانا تعبانه ولايعلم بحالي الا الله واقرا والدموع تنزل من خلصت من الومضه الي يكون شي كبير بالنسبه لي ومثل مانقول الزبده الا نفضت نفسي من التعب ومسحت دموعي وقلت ياطيوف هذا درس تعلميه من الحياة وربي ياهديل كان ذاك اليوم ربي ارسلك لي كيف الله اعلم بالرغم من دخولي القليل للمنتدى.
|
رد: خيوط الألم تنبعث منها أمل ( مساحتي الخاصة
. بالنسبه للجد والجده حبيتهم مره ومانلومهم بحب هديل الي شايلتهم بعيونها هم يحبونها ويرحمونها. وماودي تنتهي القصه بوفاة واحد منهم 😰 وعموما هديل تنحب مررره اخلاق وطيبة قلب وتعامل راقي. متربيه صحيح. ووممكن باخلاقها وتعاملها ماتبي تخسر احد.اقدر اقول اني حبببيت هديل ♥ اما فيصل بالبدايه كان يقهرر مره وتعامله مع هديل كان جاف وقاسي. بعدين بدا يلين شاف هديل مثل ماهم شافوها عاد ننتظر اخرتها يافيصل😉 اما اخته لطيفه مافي قلبها رحمه مهما كان يام وسن ليه هالكره.😡حبيت منى لانها تحب هديل وممكن سبب تغير فيصل منى. ونتتظرك ياوعد الذات هذا شي مبدئي.وتراي ماعاد فيني صبر ابي اعرف شصار مع فيصل وهديل😇
|
رد: خيوط الألم تنبعث منها أمل ( مساحتي الخاصة
هديل اعجبتني طباخة. و سنعه و شايلة البيت
اما ليش قلت خيالية لان زوجته من كم شهر و عايشين زي الاخوان الاجداد هم زينة البيت فيصل من شرير الى طيب فجأة من غير سبب واضح :d او موقف هذا اللي اتذكرهfgfg |
رد: خيوط الألم تنبعث منها أمل ( مساحتي الخاصة
اقتباس:
عزيزتي ماتدرين وش كثر أثرت فيني حروفك لقد أملئتي خافقي سعادة الكون بأكمله .. امنيتي الوحيدة من كتابتي هنا هو ان اترك أثر لو شي بسيط ، عزيزتي طيوف الأمل وماأجمل لقبك حينما يضم الأمل في حروفه ، عزيزتي الحياه جميله مهما كانت الصعاب مقيده به تجملي إنت بالصبر واليقين والتوكل وحسن الظن به وسترى عينيك الجميله جمال تلك الحياه وبشاشتها لكن كل ماأغضضت بصرك عنها سترين البشاعه فقط ،، أنا أمشي ع قناعه ماوضعني ربي بتلك الإختبار الا انه اعطاني القوه معه لأجتازه وهكذا أسير حياتي مهما طال ظرفي ولو أخذ سنين عندي يقين بشعاع الأمل يشرق به حياتي حينها سأخر ساجده باكيه شاكره وحامده من السعاده تلك ولأجل هذا الشعور سأظل أنتظره طيلة حياتي وسأعيش يومي بيومه كأختبار ودرس إفاده .. عزيزتي كوني سعيدة دائماً قاهره للظروف مهما كانت صعبه وأبتسمي للحياه ddg |
رد: خيوط الألم تنبعث منها أمل ( مساحتي الخاصة
اقتباس:
هههههههه إستنكار انت ذكر ام أنثى عجبني إعجابك كونها طباخه 😂 نجي للأهم قلت خياليه لإستنكارك كونهم عايشين شهور وماصار حقوق الزوجيه لو كنت مركزه بالقراءة كان عرفت انه فيصل لم يتواجد بالمملكه الا ماتعده بالأصابع قضى طيلة ست شهور الأولى من زواجهم خارجها وان تواجد لم يتواجد معها بالمنزل دائماً يضغط نفسه فقط لكي لا يتواجد سهره مع اصادقائه في إستراحه او ماشابه او إنهماك بالشغل حتى وقت متأخر ، وهديل لاتتواجد معه لوحدهم الا مايتاجاوز بالدقائق البسيطه واكثرها تصادم وَمِمَّا شجع ان لايحصل ذالك هو رفض وتكبر فيصل منه لكن لاحظ انه بعد ست شهور انقلبت حياتهم رأساً ع عقب ومع الأيام راح تفهم قصدي تماماً .. فيصل من شرير الى طيب وسبب ذالك لايأتي عبث 😏 الأيام راح تكشف لنا لكن نقول الآن وجوده الحالي !! أعجبني تبادل الأحداث معك أتمنى دائماً ذالك منك أكتبي لي عن مايدور في مخيلتك اذا اردتي ذالك ☺ |
رد: خيوط الألم تنبعث منها أمل ( مساحتي الخاصة
كان بودّي أقرأ للكثير منكم ع ماتحتويه جعبتكم من قصتي قبل البدء بكتابه جزء جديد لكن لم أستطيع الإنتظار أكثر من حماس يختلج قلبي fffsg
شاكره لمن كتب ونفذ طلبي 🌷 ومازلت أطمع بالكثير لتكرموني 💙 قراءه ممتعه gryr |
رد: خيوط الألم تنبعث منها أمل ( مساحتي الخاصة
[☺مرحبا بهديل. طيب ماقراتي مشاركتي بتحليل جزء بسيط من القصه
|
رد: خيوط الألم تنبعث منها أمل ( مساحتي الخاصة
. نصيحتك على راسي والله وراح اطبق بإذن الله الي قلتي عنه ر👍🏼
|
رد: خيوط الألم تنبعث منها أمل ( مساحتي الخاصة
فتحت عيوني بثقل ويألموني من بكا أمس وخدي الشمال ثقيل ، مديت يدي للساعه: أُوف كل ذَا نوم وماحسيت😔 ي عمري ع جدتي أكيد اللحين تحاتيني << قمت من ع سريري خذت شور سريع وصليت فروض فاتتني ثم بدلت ولبست وضبطت نفسي ماكنت ناويه أحط ميك أب لكن مضطره بسبب أثر الكف وثقلته عساس ماننفضح عند جدتي كان لازم أخفي الجريمه ناظرت نفسي بالمرايا نظره اخيره وأعجبت بنفسي أرضتني كثير 😆
ثم نزلت وانا عند الدرج اسمع سوالف وضحك جايه من الصاله عقد حواجبي من يكون عندنا ذَا الوقت معقوله أبوي وعمي هنا عشان جدتي يوه فشله وانا فوق مكبرة الفراش دخلت المطبخ : حميده من في هنا عند ماما كبير حميده مبسوطة : هذا في بابا عود يجي مع مستر فيصل شعور لايوصف : جدي رجع حميده : ايوه يجي هذا صباح جلست اطامر وأدور فيها : هههههههههه الحمدلله يارب << وقفت >> من فيه بعد غير مستر فيصل حميده فرحانه لي : مافيه بس هذا طلعت من المطبخ وانا طايره من الفرحه : يبببه الكل التفت لي وجدي فتح لي يدينه وركضت له مثل الطفل يوم حصل امانه في حضن ابوه لما ضيعه بمكان : الحمدلله ع سلامتك ي نبضي تو مانور البيت جدي يبوس فيني وفي شعري 😢: الله يسلمك ي ضي عين ابوك ياآني مشتاق لك ولهان بعدت عنه : والله مو كثري ي بعد كل غالي .. بس كيف طلعت وامس قالوا تجلس أقلها اسبوع مسك ايدي : والله ي ابوك عيونك أمس كلش ماطمنتني وقلبي صار يهوجس فيك وجفت عيني من النوم أزعجت الدكتور الا يتصل ع فيصل يجيني << هنا ناظرت فيصل اللي واضح عليه خجلان لما انتبه لي نزل راْسه >> سمحوا له يدخل علي مع انه انتهت الزياره لكن الله يجزاه خير الدكتور قدر حالتي وسألت عنك << جدي ناظر فيه ورد ناظرني>> وأسود الوجه قال لي وش سوا فيك << فتحت فمي مصدومه بكل وقاحه وجرأه قال لجدي بعد ، ناظرته مقهورة لكن ماله وجه يطالعني منزل راْسه >> قليل الخاتمة مافكر بخواته عرضه وشرفه يوم يتعدا ع بنات الناس والله لو اعرفه من يكون لاأشرب من دمه << فهمت انه ماقال له كل السالفه،، حطيت يدي ع خدي وناظرت فيصل اللي بادلني النظره>> ولايهمك ي الغالي غيرك قام بالواجب وزياده << رديت ناظرت جدي >> خله يولي عنك ربك يحاسبه إنت لاتتعب صحتك تراك غالي وبعدين فيصل ماترك فيه عظم صاحي ماقصر لا فيه ولا في غيره << ناظرته وكان يحاول يعتذر لي وانه ندمان >> الجد بفخر : إلا أكيد قال لي سبع جده الله يسلم إيده إبتسمت سخريه : من ناحية الله يسلمه فالله يسلمه .. المهم ي حدي ماكان له داعي تطلع وانت ماخلصت علاجك عشاني انا والله ماكنت اشتكي من حاجه يمكن وقتها كان توتر وخوف لاأكثر الجد : والله انك غاليه وأغلى ماعندي بس الصدق مو هذا السبب بس ي ابوك المستشفيات ماأطيقها ولا أطيق ريحتها تتعبني زيادة وتفكيري كله عندك وعند جدتك لكن لما أكون قريب منكم أرتاح أكثر الجده : الله يطول بعمرك ويخليك تاج ع روسنا انا : بس هناك أفضل لصحتك فيصل : لاتحاتين الدكتور قال ماعليه خطر وجوده اسبوع للكشف الروتيني لا أكثر ولو فيه خطر لو شي بسيط ماسمح له .. لكن إن شاءالله راح نلتزم بالمواعيد والأكل ولا لا ي جدي الجد : إن شاءالله الجده : الا ي بنيتي وراك اليوم مانزلتي ع الغداء وقبله الفطور ولا العصر انا : والله نمت وماحسيت بالوقت تفاجأت لما شفت وقت المغرب صليت ونزلت المهم انت خذتي كل علاجك الجده : ايه عطاني اياهم فيصل جعل عيني ماتبكيه الجد : فيصل قم ريح لك ساعه هذا جلستك من الصباح فيصل : لا ي الغالي بنتظر الصلاه وأنام ماابي اقطع نومتي واصدع وخصوصاً عندي شغل مهم بكره غير عشاك ع سلامتك الجده : عساك ع القوه انا : انا بطبخ العشا لأَنِّي عهدت فيصل : قدني وصيت المطبخ مايحتاج بغيض: بس انا قائله اذا طلع جدي بالسلامه انا بطبخها الجده : هو انت تعرفين تطبخين ذبيحه كامله انا : ماجربت لوحدي كانت أمي معي لكن مو صعبه عليّ الجد : لا ي ابوك يكفيك تعب الإستقبال لاتتعبين نفسك بالطبخ طيب ع عهدي ع الأقل الذبيحة تكون من فلوسي فيصل يعترض : بس جدي قاطعه: لك ماطلبتي.. فيصل خذ منها قيمة الخرفان ع حلوفها فيصل : أبشر ي الغالي وبعد العشاء فيصل صعد غرفته ينام وانتشر خبر سلامة جدي وزارونا يتحمدون له ع السلامه لكن مااحد فيهم طول عشان عشا بكره ومنى قررت تنام عندنا عشان تساعدني .. جالسين نفصفص ونشرب شاي وجدي نايم جنبنا وجدتي تزين في ملابسها لبكره : إلا صدق اللي قاله جدي انا : ايه حسبي الله عليه واللي يعرفه جدي شي بسيط منى : كذابه .. وشو اللي مانعرفه تلفت وكملت: تخيلي الحيوان ربك ستر وأرسل عمك بالوقت المناسب ولا كان الله اعلم وش بيسوي فيني بعد ماعطيته كف منى مصدومه شهقت : هااااا كف ايه اجل وش ع بالك اتركه يقرب مني ويلمسني وكأني من محارمه القذر بخوف : يمّه قلبي والله لو انا بمكانك أموت ماأتحرك هههههههههه لايغرك ترا انا خواافه وميته بس سبحانه اللي عطاني قوه وصفقته لكن بعد الكف اعترف إني جمدت بمكاني وكل القوه تبخرت هههههههه منى : ههههههههه خبله والله خلاص توبه صعده بالأصنصير وفيه رجال لحالنا مافيه الله يسلم السلالم منى. يمه تعب حسبي الله عليهم أقول ريقي نشف من الفصفص عطيني الحلا مع القهوه منى : متى امداك تسوين كل هذا ماسويت شي هذا من بقايا أمس وديت بعضهم ووزعت بعضهم وهذا كم صحن حلا واحد وفطائر واحد : لاإله الا الله غير الوليمه اللي في المستشفى هههههههه كأنك عمك .. ايه تدرين انا أحب الحلويات وإذا فرحت ولا زعلت تحصليني بالمطبخ وتمسك معي كل شي عاد فطائر صواني اي شي الجده : أمي ي هديل هذي ملابسي لغرفتي وانا بصحي جدك ننام في غرفتنا وأنتم بعد ناموا وراكم يوم طويل منى تناظر الساعه : اولله بدري توها 12 الجده : بدري من عمرك بكره عشا جدك مو يوم عادي ورآنا شغل كثير خذت ملابس جدتي ورتبتهم في الكبت ورجعت ساعدتها ع جدي وعطيتهم علاجهم وطلعت لكن وقفني صوت جدي وهو يقول : والله هالبنت كاسرة خاطري ومضيقه صدري الجده : ورآها ولا للحين تفكر بكلام فيصل الجد : اي والله اسود الوجه سود وجهي هذا وانا موصيه عليها يوم كنت طايح هذا سوات يسويها يقوم يتهمها ويضربها شافها ضعيفه وانا بعيد عنها استقوى عليها الجده : اذكر الله توك كنت نايم وش ذكرك بالسالفه ماكنت نايم اتنويم وسمعتها تسولف لمنى عن الخسيس وولدك الحيوان وقف ضدها وضربها ظلم البنيه موجعه قلبي ليتها بس تشكي تتكلم ولا فصيل يوم عصبت عليه يقول لي انا السبب في ظليمة البنت الجده : ماعليك منه هو كذا اذا عَصّب قال اي كلام ولا هو يبيها الجد : لا والله ي ام فهيد فصيل مايباها قالها لي أمس وانه خذاها وصابر عليها بسببي انا ي ام فهيد بسبب أنانيتي ظلمته وظلمت بنيتي كنت أظن عناد في البدايه بس راح يتقبلها حنا غلطنا من البدايه يوم ماكان يجلس في البيت كله مسافر المفروض نفهم حياة البنت معه كيف أنا ارتكبت غلط بحق بنت صديقي الغالي وين بودّي وجهي عنه الجده : أذكر الله ي الغالي توك طالع من المستشفى وفصيل انا بكلمه وأأدبه لاتحاتي انت الجد : اليوم يوم شفت نظراتها له يوم قلت عرفت ماحبيت اكسرها فوق ماهي مكسوره وخبيت عنها إني ادري بكل شي الجده : زين ماسويت بنتي اعرفها عزيزة نفس الجد: الله يهديه ويعرف قيمتها قبل يخسرها الجده : آميين انت نام وراك يوم طويل وصحتك ماتحمل نام وأنسى وربك بيفرجها علينا مسحت دموعي وتركت باب الرئيسي للجناح عساس أسمعهم اذا صار عليهم شي او يبون شي ورجعت لمنى منى تناظر فيني : وش فيك اعدل صوتي : ولا شي المهم وين تندمين ؟ منى : كيف وين انام أكيد في غرفتنا انا والبنات اللي هنا ولا أستوليتوا عليها هديل : مالت .. خلاص بجيب لك بيجاما من عندي وأبدل وانزل لك صعدت الجناح كان هادي ماعدا صوت القران بدلت ومسحت المكياج وتركت شعري مفتوح يغطي وجهي وخذت لمنى بيجاما ولبست شبشب البطه<< أحبهههم 😍 منى تصفر : كياته ي ماما ضحكت : هههههه خجلتيني حطت يدها ع قلبها : ياااابوي حمر الخدود أضيع انا كذا ههههههههه رجال مو بنت .. قومي بس هذا بيجامتك منى تناظر باللي في يدي : وهذا وش له الغرفه فيه اغطيه ومخاد لا هذا لي انا بنام هنا ليش وغرفتك بصراحة انا خايفه ع جدي أخاف مثل ذاك اليوم تجيه الحاله وحنا نيام فوق وماندري عنه ، أكون قريبه منهم أفضل كذا برتاح لا مايصير كذا يعني بتقنعيني لو كنت قريبه بتوقفين القدر لا مو كذا بس الأيام هاذي الين يرتاح قلبي خلاص اجل حتى انا بنام معك هنا أفضل من انه انام لوحدي ع راحتك قومي بدلي وجيبي لك غطا ووساده بعد ماراحت منى حطيت ع إذاعة قران وتطمنت ع أبواب البيت كلها مقفله ودخلت ع جداني تطمنت وطلعت وكانت منى طالعه من غرفتها : ونلومهم ليش يحبونك أكثر منا ومايرتاحون الا معك ابتسمت لها ودخلنا الصاله طفئت الأنوار : ماابي صوت نامي بسرعه ورآنا شغل مثل ماقاله جدتي تصبحين ع خير مالت عليك .. وانت من أهله ضحكت عليها ونمنا ........ نتوقف هنا ☺ الحمدلله ع كل حال .. ومضه : ونضحك ونتخيلُ ونحلمُ ولا ندري متى سيبدأ الإنطفاء ..! |
رد: خيوط الألم تنبعث منها أمل ( مساحتي الخاصة
اقتباس:
لطيفه نراها كريهه لكن عندما نفهم السبب ممكن سيكون لها عذراً لكن هديل راح تتغلبها الطيبه كالعاده وتعذرها ولا تأخذ موقف !! منى جسدت شخصية الوفاء وجماله وصفاء روح النفس رغم قوة العلاقه بينها وبين فيصل وهديل ماتعرفها بعمر معرفتها بعمها ورغم معرفة حكاية الزواج والمطبات اللي فيها الا انها حقانيه وماظلمت اي حد فيهم ولا تغيرت نظرتها بقدوتها رغم جبروته ع الضعيفه لأنه لها رؤية ثانيه هنا أنا أسميها لوجودها في حياتي حمامة سلام ghgjgf منى سبب تغير فيصل ع هديل ممكن ليش لا هي من ابصرته من عماه لكن ي ترا هي اللي بتغيره جذرياً وتكون السبب البطولي في حياتهم !!! فيصل وتغيراته ي ترا بيستمر صدق ويعطي لحياتهم مسمى آخر ولا مثل ماقلت من قبل الهدوء ماقبل العاصفة ايام ويرجع وجهه الثاني !!! تفصيلك جداً ممتاز لكن سنرى هل سيتغير مع الأيام بأحداث جميله ام تعيسه 😁 |
رد: خيوط الألم تنبعث منها أمل ( مساحتي الخاصة
أذن الفجر وجلستني منى ع الصلاه قمت ع طول ودخلت ع جداني أتطمن عليهم وحصلتهم ع سجاداتهم يتعبدون طلعت من عندهم أصلي وبعد الصلاه رجعت لهم أشوف اذا محتاجين شي وطلعت منى: هدوله عمي فيصل يقول كل وحده تنام في غرفتها لأشوف وحده هنا نايمه
هديل بعدم إهتمام : انت دخلي غرفتك وانا بنام كم ساعه وأصحى أزين فطور جداني منى : بس عمي كذا بيعصب هو وصاني أقول لك واحرص هديل تتغطى : ماعليك منه .. تمسين ع خير منى : أُوف اثنينكم أعند من الثاني الله يعيني عليكم << راحت غرفتها ونص ساعه دخل عليّ >> ماخبرتك منى تنامين في غرفتك مارديت عليه .. تعوذ من إبليس وبهدوء: هديل نامي في غرفتك يلا قدامي أشوف وانا متغطيه: اذا بتنتظرني تراك مطول فيصل معصب : هو عناد يعني ، قلت لك نامي في غرفتك ولاتطلعيني من طوري جلست بخوف لايسمعون وتضايقون زيادة : أولاً قصر صوتك ماله داعي تعليه انا هنا لايسمعونك جدّاني يكفي اللي قلته لهم وضيقت صدورهم علينا مصدوم : كييف ؟ ايه انا عرفت انك قلت لجدي كل شي مع الأسف ي فيصل << خنقتني العبره >> أنا بس ابي أفهم انت ليش تحب تعذبني وتهيني يااخي مو بأول زواجنا قلنا كل واحد حر بنفسه وماحد له دخل بالثاني اتركني انام مكان ماابي إن شاءالله بالشارع وش دخلك يتنهد : آآآه .. يابنت والله نومتك هنا مو عدله وش تبين جداني يقولون انت اللي إفهم عليّ الله يخليك << نزلت راسي >> ماأقدر أبعد عنهم وأنام فوق أصلاً ماراح يجيني النوم كذا.. فيصل : فهميني طيب وش السبب القوي اللي يستدعي نومتك هنا غير الفضايح رفعت راسي له : فضايح ؟! اي فضايح؟ لما تتركين زوجك نايم لوحده ونازله هنا وش بيفسرونها ها ؟ هم مايدرون ع علاقتنا غير اللي مثلنا عَلَيهِم.. لا إنت جد مافيك أمل تفهمني وبعدين انت معتقد انه جدي وجدتي للحين مصدقين التمثيليه وخصوصاً بعد اللي قلته لهم أمس هم للحين مايدرون انه عايشين مع بعض مثل الأخوان بس الأكيد ومتأكدين انه انا وانت زواجنا فاشل لا تهتم بصورتك اللي خايف عليها تتشوه بعيونهم وهي متشوهه من أساسه << حطيت راسي وغطيت وجهي>> نوم بعيد عن هنا مافيييه وإذا للحين تبي تنقذ مابقى من صورتك المكان هنا يطرد فيه الخيل حياك نام معي << سمعته يصعد مسرع وتنفست براحه شوي الا اسمع خطواته نازل وصفق الباب تروعت وناظرت من النافذه ورجعت مكاني احاول ماأهتم حاولت أنام لكن ماااش رتبت مكاني وسويت لي قهوه .. وجهزت الفطور ولما صارت تسع ونص جلسوا جداني فطرتهم وبعده دخلت المطبخ اشوف وش اجهز للعشا وإذا ناقص اغراض وبعد صلاة الظهر جلست منى وجهزنا الغدا مع بعض حسيت فيها تبي تتكلم معي : فيك شي منمن منى بخجل : مدري وش أقول بس انت تهميني كثير وعمي بعد قاطعتها : سمعتينا منى مبتسمه : حاولت ماأسمع بس صوتكم كان عالي خخخ ابعد عنها الإحراج : عادي حبيبتي هذا عمك وتعرفينه منى : شكلك بعد ماطلع مانمتِ : مو عشانه بس النوم طار يمكن من تفكيري بعشا الليله منى : لمتى تكذبون ع أنفسكم نكذب بأيش وش قصدك مافهمت منى : ولا شي << سمعت عمها جا وطلعت له وانا خذت الأكل معي للصاله >> الجد : حياك بِسْم الله تو مابدينا فيصل وملامحه مكتمه: بالعافيه ماأشتهي انا جاي أبدل وطالع << صعد فوق ومنى لحقته >> عشر دقايق ونزل وهو مايشوف قدامه ومنى جلست ع الغدا ساكته وبعد ماتغدينا جلسنا مع جداني ودخلت علينا وسن : السلام عليكم الجميع : وعليكم السلام ورحمة الله وبركاته وسن: عسى ماتأخرت عليكم انا : تو طالعه من الكلمه وهي تفصخ عبايتها: اي والله قلت انزل عندكم أساعد منى: فديتك ماكان له داعي انا وهديل والخدم نكفي كان نزلتي بيتكم تريحين لك شوي ع تعب الليله وسن : لا تعب ولا شي الا تعالي نوير ليش ماجات الكليه اليوم منى : تقول ماتبي تكون نعسانه في عشا جدي وسحبت عليهم انا : تغديتي تبين أحط لك وسن : لا تسلمين حبيبتي أكلت في الكليه وجلسنا سوالف ونتقهوى لبعد صلاة العصر ودخلنا المطبخ ومعنا نوره كنّا مندمجين بالشغل والسوالف دخل علينا فيصل ومعه طلباتنا منى : حيّ هالطلّه فيصل : الله يحيك عطيني ماي وسن مدت له كاس : من وين جاي من الشركه فيصل : لا رحت أشتري خرفان وخذتهم للمطبخ بعدين كلمتني منى لطلباتكم ورحت الهايبر والباقي وكلت زيد عليهم بدخل ارتاح شوي قبل الليل نوره بهيام : والله أدوخ ع شكلك كذا رافع حاجب : وانا هلكان جعلك التعب اللي يكسر عظامك شهقت : هأاا بِسْم الله عليّ وبعدين اقصد كشختك والعمامه الإماراتية بغرور : طبيعي لكن اللي مش طبيعي لو سمعك عاصمك تتغزلين وتدوخين ع حد غيرهوش مصيرك منى ووسن يضحكون عليها : هههههههه بدلع : عاصمي مافيه حد مثله عجزت كل الأمهات ولانجبت مثله جعلني فدا سيرته بس حذف عليها علبه : أستحي ي بنت اللي قدامك عمك مو جدار وسن : شكلك انغرت منه عمي بغرور : يخسي مابقى الا هو يهز شموخ الفيصل منى : اي والله يخسي ثم يخسي نوره : مالت عليكم بس فيصل : وعليك معنا .. المهم اذا ناقصكم شي كلموا زيد ولا السواق لاتزعجوني ابي انام ولا اصحى الا للصلاه آآآآه الكل نقز مرتاع وبسرعة البرق فيصل صار قدامي ومسك ايدي : وش فيك عيوني مدمعه: حرقت ايدي عَصّب : إنت ليش مهمله نفسك كذا كأنك بزر ها كيف ماأنتبهتي للزيت سحبت يدي منه بعصبيه << انا كنت منتبهه بس عقلي خاني وسرح فيه ومعاملته مع بنات اخوه وبنت اخته ومعاملته معي مثل الزفت >> نوره جابت لي المرهم للحروق وحطته ع يدي فيصل بإستهزاء : إتركيها لاتداوينها شوي وتحترق ثاني وثالث هي كذا ماتنتبه ع نفسها تحب تكون تحت أنظار الكل ، انا ابي افهم شي واحد عندك كل هالخدم والبنات موجودات ليش كل الشغل عليك << إلتفت للبنات خايفين من عصبيته >> وأنتم تاركينها تقوم بكل شي وجالسين تسولفون وتتقهون .. بهدوء: فيصل ترا ماصار شي والبنات ماقصرن خلصن شغلهن وانا اللي قلت بمسك القلي رالخدم يرتبون البيت ومازال بعصبيته: اوووووف الى هنا وخلاص وقفي كل الشغل ماعاد ابي اشوفك تشتغلين لا اليوم ولا بكره وعشا الليله ماراح يطير << طلع من المطبخ معصب >> بألم : آآآه وش فيه هذا وسن خذت من يدي : إتركيه انا بكلم عنك ماعارضت لانه جد أتألم والحرق مع النار يزيد منى طلعت ورا عمها ونوره خذت باقي الشغل .. وبعد مارجعت منى سألوها البنات وش فيها ماردت أستغربت هي طلعت بشكل ورجعت لنا بشكل ثاني تركتها ع راحتها رغم إنشغال بالي فيها ، وبعد صلاة العشا الكل طلع يجهز نفسه وانا صعدت فوق ركبت الجمر ودخلت أخذ لي حمام سريع ولما طلعت تذكرت الجمر وطلعت من الغرفه بالروب متأكده عدم وجود فيصل خذت الجمر وحطيته بالمبخره التفت الا اتصادم فيه ومسكني من خصري نتفادى الطيحه ويبدي الجمر وأبعدت نفسي << كان شكله 😍 معرس ماشاءالله >> انتبهت ع نظراته اللي بتاكلني وتذكرت لبسي كان الروب فوق الركبه ولعت واختبصت جيت بمشي لكن مسكني من يدي وأخذ الجمر والعود اللي بيدي وتبخر فيه ورجعه لي ثم لمس خدي وبهمس : آسسف بلعت ريقي هذا بيجنني كل ساعه بشخصيه صرت اخاف من هدوءك قرب من أذني وهمس فيها : أنا ماأستاهلك ي ليت بيدي أريحك مني << باس أذني ، وأنتفضت من الحركه .. ابتعد عني وطلع برا الجناح وانا مازلت بمكاني مصدومه من اللي سواه واللي قاله ماقد مره تجرأ وتصرف معي كذا .. طولت بصدمتي وتذكرت العشا والضيوف وانصرعت ركضت غرفتي وجلست اجهز نفسي بسرعه وتفكيري مشلول 😑 متوتره مووت وكل شوي يخرب ع الميك أب وأعيده والحمدلله طلعت بنتيجه أرضتني 😤 نزلت وكانت العائله كلها مجتمعه وبعد السلام وأخذ الأخبار بدينا بإستقبال الضيوف كانت ليله ولا أروع انا والبنات نرقص ياخذون إستراحه خخخ الا انا مواصله وصامله من فرحتي بسلامة جدي ❤ ولما جا وقت العشا إتصلت ع فيصل يجيني عند حوش المطبخ عشر دقايق وجا .. فيصل : هلا ا.. وماكمل كلامه جلس يناظرني من فوق لتحت نظراته ذي ذكرتني باللي صار فوق وتقشعرت مديت له يدي : خذ هذا علاج جدي عطه قبل يأكل فيصل مبلم: بِسْم الله ماشاءالله وش الزين كله بخجل : شكراً فيصل : لا أنا بصراحة أخاف عليك من عيونهم ههههه لاتبالغ بس وانا عند ربي صادق أكلم نفسي وش قصته اول مره يشوفني كذا ماأنام طول عمري بكشختي وكان يرمي عليّ كلام يوم البدن ويفكر فيني تفكير شين وش اللي بدل حالك فجأة ليش محيرني معك يفرقع أصابعه: الزيين وش سرحان فيه ها .. خذ علاج جدي لاتتأخر عليه هديييل << إلتفت للي يناديني وفيصل ناظر وراي ثم صد إستغربت منها وكيف ماصدت لما شافت فيصل واقف معي : اووه فيصل هنا سوري ماكنت أدري إنه هديل معها أحد جيت اخبرك انه الجده تبيك تنحنح وهو مازال معطينا ظهره : هديل انا راجع للمجلس سلام أسماء : طيب مافيه كيف حالك ي أسماء سلام ع الأقل إنصدمت من جرأتها كيف كذا ناظرت فيصل لكن سفه كلامها ومشى إلتفت لأسماء اللي هي مشت بعد !! دخلت اشوف جدتي وش بغت : هلا يمه وش بغيتي مناديتني الجده : أنا .. لا ي أمي ماناديتك مش انت أرسلت ِ لي أسماء تناديني الجده : لا ي بنيتي مارسلت لك أحد .. روحي تعشي يمه ناظرت في أسماء مستغربه تصرفها !! وبعد جهد الليل ومتعته راحوا الضيوف والأهل وجدي مع جدتي دخلوا ينامون وانا صعدت فوق مع فيصل هو دخل غرفته وانا لغرفتي بدلت ملابسي ومسحت الميك أب ورطبت وجهي وخذت الغطا والوسادة وانزل تحت لكن تفاجأت فيه : خير وش فيه فيصل : الخير بوجهك.. جيت أتناوب معك هنا انا : نعم .. بس هذا مو مناوبات فيصل : اللي اسمها المهم انا معك بإبتسامه سخريه : ههه عشان صورتك يعني لا ماله دخل صورتي أنا هنا لنفس السبب اللي انت هنا عشانه هههههه إيه وش هو السبب وقف قبالي : خوفك مرتبكه : أي خوف ؟! جدي وتعبت ومن انك تكونين بعيده عنه ووو آهاا وهذا كيف فهمته فجأه ولا كالعاده حد غششك مسك ايدي وجلسني وجلس جنبي: خلينا نتكلم بصراحة جدي لو صار عليه شي مكتوب ووجودك جنبه سواء بعيد او قريب مايأخر ولا يقدم من المكتوب شي اللي كاتبه ربك بيصير << سكت وهله وكمل >> هديل الكابوس اللي يجيك مو معناته علامه لشي راح يصير عقدت حواجبي : وش جاب طاري الكابوس بإهتمام : يوم اللي صار كنت حلمانه بذا الكابوس وقلت انه راح يصير شي !! ولما منى كانت تنام معك هنا تقول طول نومتك تبكين بمنامك وتنادين ع أهلك وتقومين منه متروعه وتدخلين ع جداني وتطلعين ليلك كله كذا ي قلبي أهلك يومهم مكتوب من وهم في بُطُون أمهاتهم كابوسك هذا لازم تنهينه ولا بينهيك لا يتملكك وتخسرين نفسك مفاهيمك ومخاوفك كلها اطرديهامن عقلك عصبت طاريهم والكابوس وجدي كلها تسبب لي ردة فعل مو طبيعية: وش دخلك وبعدين وش المعامله ذي جديده مانيست إتهامك لي ولا كوني مشرده واكرمتني بالسكن ومايحتاج اذكرك باللي صار لاتفكر إني أخذ وأعطي معك يعني سامحتك لا انا اتعامل معك كذا عشان ابين وأثبت لجداني انه حنا بخير وماله داعي يحاتونا ويتضايقون بطل تصرفاتك اللي مالها داعي بطل إهتمامك المزيف اللي لما نكون لحالنا مثل بس قدامهم وهذا يكفي << وقفت وأبعدت عنه وأخترت لي زاوية بعيده عنه ونمت فيها لكن مثل كل ليله زارتني الكوابيس كالعاده وصرت ابكي وأنادي فيهم وارجع أهداأ وأصحى تلفت اذا كان انتبه علي او لا حصلته نايم دخلت عليهم تطمنت ورجعت مكاني ابكي بصمت معطيه ظهري لفيصل شوي الا اسمع صوت القران إلتفت وكان هو مشغل التلفزيون ع الإذاعه صديت عنه واعض ع شفاتي أكتم شهقاتي ومع القراءه هديت وماحسيت الا بعيوني غفت .. الحمدلله ع كل حال .. ومضه : تدرك كم أنت عاجزٌ حينما يسلبك الموت الأعز لديك فتقف وحدك في مواجهته لكنه يكون قد فرّ ..! 💔 |
رد: خيوط الألم تنبعث منها أمل ( مساحتي الخاصة
كنت نايمه ومرتاحة لكن شي ازعج راحتي ابعدها ع وجهي وترجع فتحت عيوني معصبه عليها
هههههههههههه سوري بس نومتك ثقيله ماحصلت غير ذَا ألطريقه تصحيك ماسك منديل مبرومه بيده : خيييير وش تبي مصحيني يعني حتى النوم مستكثرها عليّ مد كوب قهوه وقربه من أنفي واااه ي الأدمان كل العصبيه تبخرت من ريحتها وضحك: هههههه صباح الخير كم الساعه اوك مش لازم تردين. الساعه ثمان ونص نقزت من مكاني: تأخرت ع جداني يالله اجهز الفطور قبل مايفوت وقت العلاج مسكني وجلسني : ياواش ياواش أنا جهزت كل شي والفطور إشتهيت فطايري وجبت معي وانا راجع أدري وش كثر تحبينه عقدت حواجبي: قهوه وفطايري ومزاج عالي الله يستر من تاليها فيصل : ماتعبتي اعترفي إني تغيرت خير إن شاءالله << ضربت ع جبيني جداني نسيتهم فيصل سحب ايدي وباسها وانفجعت فتحت عيوني ع وسعها : جداني صاحين وينتظرونا ع الطاوله سحبت ايدي خجل : لانت مو صاحي قربت منه وبهمس : تتعاطى ؟! انفجر : ههههههههههههههه خبله وربي بغيض: انا ولا انت كل يوم شكل جد بدخل إشهار ع يدك مبتسم : مافيها شي لو بندلل ام الدلال ولا عندك مانع وانا قايمه : لادلل دلل آخرتها بنشوفها معك وإحساسي يقول مش بعيده أبد مسك يدي ومشى فيني : اتركي بعدين لبعدين اللحين غسيل وجهك وتعالي جداني فطسوا وهم ينتظرونا اوك .. دقيقتين وجيتهم حبيت رأسهم وايدهم: صباحهم خير وبركه الجدان : صباحك خير يمه الجد : مبسوطة دوم ي عمري بشوفتكم ي قلب هدوله الجد : ههههههه راحت عليك ي فصيل مو الفطايري فيصل : ههههه شفت عاد هذا وانا جلست أدور بالشارع يالله حصلت مكانه الجد : لعيون هدوله كل شي يهون يناظرني بنظره غريبه: أنا أشهد لو تطلب الأمر أدور العالم كله لعيونها صديت : وش السالفه جدي الجد : أتصل عليّ وسألني عن مكان الفطاير اللي تحبينها لانه دايم لما تشتهينا انا والسواق نجيبها لك وفيصل أشتهاهم لك ولنا ناظرته مستغرب وانتبه لي وناظرني وابتسم صديت عنه فيصل : كيف صحتك ي الغالي الجد : الحمدلله نشكر الله ع العافيه فيصل : الحمدلله .. يعني أسافر وانا متطمن رفعت نظري له ومن دون ماأحس: بتساافر؟!! ايه عندي مؤتمر بعد بكره وضروري وجودي كنت بعتذر او أرسل زيد مكاني لكن زيد عنده أجتماع مع الشركاء دبي ولا يقدر يسافر مكاني قلت اذا جدي بخير سافرت لأنه مافيني أأجله اكثر من كذا ولا كان المفروض اسافر بعد رجوعي من السفره الأخيرة بعده بأسبوع شبعت : الحمدلله الجده : وين ماأكلتي شيء ابتسمت: لا شبعت الحمدلله عن أذنكم .. الجد : وش فيك فطايرك اللي تحبينها مااكلتي منها حتى قطعه والله شبعت << طلعت فوق وانا صاعده أسمعهم يقولون له ليش تسافر وزوجتك وماتقدر تخلي حد يروح مكانك صميت أذني عنهم ودخلت جناحي ليش تضايقت من سيرة سفره مو اول مره يسافر ويتركنا هو أساساً وجده بالشهر هذا أطول فتره أنوجد فيها من تزوجنا كل مسافر ليش تضايقت وأحس ودي ابكي يمكن ي هديل طيحة جدي خوفتك ووجود فيصل مهم في حياتكم ليش يبي يسافر بالوقت هذا اكثر وقت محتاجينه جداني وقطع عليها افكارها فيصل : وش فيك متكوره ع نفسك فيك شي رفعت راسي : لا ولا شيء جلس جنبي : الا فيك وضعك متغير عن قبل شوي بعصبيه : وانت وش دخلك فيني بهدوء عكسي: ليش معصبه عليّ وش قلت أنا عطيته ظهري: اوووووه لفني له بقوه وصر ع أسنانه : لا إنت أكيد إنهبلتي لما أكلمك ماتعطيني ظهرك كم مره أقول لاتمشين وانا أتكلم لاتعطين ظهرك وانا أتكلم حطيت ايدي ع خصري وبمسخره: بأمارة إِيش إن شاءالله سو نفسي: بأمارة إني زوجك ي محترمه ضربت جبيني: اوووه صح نسييت سوري تتمسخرين حضرتك وش رايك يعني انت خسرت الحق في هذا من يوم قلت زواجنا ع ورق وقررت تتزوج ي بابا وإذا كنت ناسي أذكرك وأذكرك بأهم شي قبل ليله دخلتك تطلقني واظن هاليوم قريب مو بعيد العروس جاهزه صح وش تقصدين؟!! بسخريه: أسماء .. << أقلد صوتها>> كيف حالك ي فيصل ؟! وناظرته بإحتقار ، صدق عرفت تختار بس ماقلت لنا متى الزواج قبل السفر ولا بعده واضح عليه العصبيه بس متماسك بالغصب : لا إنتي فاصله ع الأخير اروح الشركه أبرك لي << مشى وتركني وجلست اصارخ عساس يسمعني>> طلاقي قبل زواجك ي فيصل فااااااهم دخل غرفته دقيقتين طلع من الجناح وهو بس يستغفر خذت خداديه وحذفتها وراه ، جلست آكل في نفسي من القهر وأعاتب نفسي ليش معصبه منه سافر ولا بالطقاق تزوج ولا عساه ماتزوج هو وش يهمني فيه << خذت لي ملابس ودخلت أخذ لي شاور نص ساعه يروق لي مزاج وجد طلعت منه غير شكل زربكت عمري وتشيكت ونزلت لجداني بنفسيه عاليه ولو كنت اكذب ع نفسي !! وبعد الظهر جهزت الغدا فيصل اتصل ع جدتي وتعذر لإجتماع وطلب منهم يتغدون من دونه وانا طول وقت الغدا فكري ساعه معهم وساعه بمكان ثاني وبعد الغدا نفس الحال مره أكون معهم ومره ارجع لحالتي إذن العصر وصلينا وتجمعنا ع القهوه والضيافه كانوا يسولفون واسمعهم بصمت تركتهم ودخلت المطبخ وفي وسط اندماجي بشغلي دخل ع جدي : وش تسوي حبيبة جدها ابتسمت له : حلا لقهوة المغرب ، آمرني حبيبي بغيت شي جلس ع الكرسي : ايه ابي أتكلم معك في موضوع اتركي كل اللي بيدك وتعالي اجلسي قبالي غسلت ايدي وجلست وبإهتمام : آمر حبيبي وش فيه مسك ايدي وضمهم بين كفوفه : ي قلب جدك أنا نويت أسير عند ولدي فهد قاطعته: اوك تبيني اروح معكم عادي ابتسم : خليني اكمل كلامي ياأبوك أنا مو مسير ساعه ولا ساعتين انا بسير عليهم شهر سحبت يدي منه مصدومه: شهههر ليش؟ وأنا ؟ الجد مبتسم : انت معك زوجك بحزن : بس فيصل مسافر ولانسيت وش قال الصباح الجد : لا مانسيت بس انت ماتعرفين باقي كلام فيصل لأنك صعدتي غرفتك فيصل قال انه بياخذك معه سفرته ذي احتمال تطول اكثر وقفت مصدومه قاطعته : إيييييييش الجد: هو طلبني وانا مافيني ارفض له هذا زوجك ومن حقه عليك تكونين معه وين مايكون ولأنه عارف ومتأكد برفضك والسبب انا وجدتك طلبني أتكلم معك واخبرك بنفسي معصبه : لا مستحييييل أروح مكان وأترككم ماأقدر ابعد عنكم ي جدي والله اموووت بِسْم الله عليك وش ذَا الكلام وبعدين ي بنيتي انتي ليش من تزوجتي ودافنه عمرك معنا نسيتي انك عروس اللي بمكانك يعيشون حياتهم مع زوجهم وشريك حياتهم الأيام هاذي ماتتعوض سافري يابوك وعيشي حياتكم عطر انفسكم فرصه تعوضون اللي فات منكم وإذا عليّ انا وجدتك ولدنا أحق فينا منك وهو من زمان يطلبني أسير عنده بس كنت ارفض عشانك مافيني اتركك وأروح عنده أعرفك ماتاخذين راحتك عند احد الا هنا لكن خلاص فيصل رجع وبياخدك معه وطلب حقه مني وانا ماأكذب عليك إني أنبسطت يوم طالب فيك وبحقه خنقتني العبره: بس ي جدي أنا ..... قاطعني : لا بس ولا شيء إنتهى الموضوع اذا تحبيني ويهمك راحتي طمنيني عليك قبل تغمض عيوني بقهر : وسفري وبعدي عنك يريحك قام عني: شوفتك سعيده هي راحتي<< طلع من قبل لا أرد عليه >> طلعت جناحي وجلست أدور ع جوالي عفست الجناح كله هو قدامي لكن من عصبيتي ماأشوفه وأخيراً حصلته اتصلت عليه مره ومرتين وثلاث وصلتني رساله منه( أكلمك شوي أنا في إجتماع) رسلت له( مايهمني إجتماعك ترد عليّ اللحين ولا أجيك مكان ماأنت فيه تعرفني مجنونه وأسويها ) دقايق الا رن رديت بعصبيه: هاذي خطتك هذا اللي كنت تخبيه ورا طيبته واهتمامك المزيف وش ناوي عليه بعد تكلم بهدوء: اي خطه ذي ؟ عكس هدوءه: مو قلت إستهبالك قل لي وش سالفة السفر من وين طلعت لي فيها ضحك : هههههههه كلمك جدي وصلت لذروة العصبيه وصرت ارجف : كلمني من شوي أسمع << صرت أتنفس بصعوبه الحاله ذي صارت معي من بعد ماماتوا أهلي >> سفر م ــ مـ عك إننساه كح .. كح .. ها اللحين هاا تكلم جدي وتقول له كح كح هاا انك ماراح تأخذني كح كح بنبرة خوف : هديل وش فيك هديييل طاح الجوال من ايدي وأحس النفس عندي منتهي طلعت غرفته بخطوات ثقيله << لانه غرفته فيها بلكونه>> فتحتها وطلعت وصرت أخذ نفس وأطلعه احاول اضبط النفس معي لكن شي ضاغط علي طحت ع رجولي وضميتهم وصرت انتفض وأبكي فجأه ماأشوف الا السوااااد .. مدري كم خذت وانا مغمى علي صحيت ع يد تضرب فيني بخفه فتحت عيوني بصعوبه شفته ورجعت عيوني تدمع بإنكسار خذني ولمني وانا في حضنه أبكي بخوف : لو صار لك شي ماكنت راح أسامح نفسي مارديت وضمني أكثر : وش الداعي لهذا كله بس عشان قلت تسافرين معي بعدت عنه وبإنكسار : انت وش تبي مني خلك واضح لو مره وش نبي مني بالضبط بنبرة حزن : أبيك تكونين معي وين ماكنت عصبت : من متى الكلام هذا مو انت بإختيارك سيرت حياتنا انت بنفسك أبعدتني عنك وش صار اللحين تبي تقربني بلسانك هذا اقنعتني انه زواجنا زواج مو طبيعي. وفهمتني الغايه منه هو اهتمامي ووجودي لجداني ليش جاي اليوم بعد ماتكيفت وتعايشت مع الوضع هذا وتعلقت فيهم تبي تبعدني عنهم حرام عليك والله القلب هذا مايتحمل افهم علي لو مره انا ماأقدر أعيش بعيد عنهم والله اموت تبي تسافر سافر تبي تتزوج تزوج والله مابمنعك ولا راح أتكلم بس اتركني هنا ماابي ابتعد عنهم << مسكت ايده >> تكفى طلبتك اتركني أعيش معهم اعتقني من حياتك ذي عَصّب وابتعد عني : سفر وبتسافرين معي والكلام منتهي يعني من الأفضل تجهزين شنطتك لانه السفر بكره الفجر مصدومه: ليش بكره كنت تقول بعد يومين وش يفرق معك << جا بيطلع والتفت لي >> قبل ماتطلعين من الغرفه رتبي اللي دمرتيه قلبتي الجناح كله إعصار تسونامي صرخت : حيوااااااااان اناني مغرور أكرررررهك والله أكررررررهك ناظرني شوي وطلع كملت ع اللي بقى وكسرته وطلعت غرفتي ورميت نفسي ع السرير ابكي ومر الوقت وانا حابسه نفسي بغرفتي مبتعده ع الكل هاذي اول مره في حياتي ماأنزل لجداني وأتطمن عليهم ويمكر الوقت ويجي وقت العشا والعلاج ومازلت بمكاني ماتحركت جالسه مع دمعتي انطق الباب علي ومارديت عليه ، هديل انا منى أدخل مارديت عليها شوي ودخلت علي وشافت الغرفه حوسه وظلام شغلت الأنوار قربت مني وجلست قبالي كنت ضامه نفسي ومنزله راسي وشعري تاركته مفتوح ومغطيني ، مسحت ع راسي وضحكت : هههههه والله حكم ناس تتمنى السفر ومو حاصل لها وناس حاصل لها وماتبيه رفعت راسي وناظرت شمالي : عليك بالعافيه سافري معه بدالي منى : ياليييت بس عمي إختارك انت خخخ مااحد سبب لي التعاسة في حياتي غير عمك أُوف أُوف بس لانه طلب منك تسافرين معه صار يسبب لك تعاسه عصبت وانفجرت عليها : لانخدع ع نفسنا ممكن اعذر جدي وطلبه مني بس انت لا لأنك عارفه عمك وعارفه بكل شي هو هنا مش متحملني ليش يبي ياخذني معه ؟! يذلف وين مايبي بس يتركني هنا مع جدي وجدتي اعرف بعلاقتكم ومثل مااعرف بكل شي انا متأكده انه مافيه شي يدوم ع حاله لكن انتي رافضه تتقدمين خطوه وحابسه نفسك بقوقعتك ومتكيفه ع وضعك هذا علاقتكم من البدايه مبنيه ع الغلط جا الوقت اللي تصححونها ويمكن عمي شاف السفر فرصه تعطون للعلاقة مسمى أخر ليش انت رافضه الشي هذا عطوا انفسكم فرصه عصبت عليها : اي علاقة وأي فرصه عمك هذا ناوي يتزوج ونتطلق أصحي ي ماما من أوهامك ذي مصدومه : متى عرفتي اقصد عمي قال لك أنصدمت اكثر منها وضحكت سخريه : ههأ الواضح انه مخبرك بخطته لا لا لاخطه ولا شي أنا أقصد قاطعتها : لا قصدك ولا شي يتزوج الله يهنيه مايهمني هو اللي يهمني هو جدّاني وبس طيب وين شنطتك أساعدك فيها مابي مساعده ولا غيره لانه سفر ماراح أسافر وكلامي هذا وصليه للي أرسل لك لا بتسافرين بطلي عناد وإذا عذرك جدي. وجدتي هم يتمنون سعادتك لاتحرمينهم منها ماسكه نفسي لا أبكي : اتركيني لوحدي لو سمحت اوك .. بس بعد شوي راجعه بيتنا وبأخذ معي جدي وجدتي ياريت تنزلين لهم قبل يمشون لأنهم يحاتونك << طلعت وانا رميت نفسي ع المخده وبكيت وصار آخر الليل والبيت صار هادي نزلت تحت وكان مظلم دخلت غرفتهم وماحصلتهم اول مره يمر يومي من دونهم جلست ع سريرهم ودموعي من عرفت بخبر السفر وماجفت ضميت وسادة جدي ونمت عليها .. الحمدلله ع كل حال .. ومضه : ليس مؤلماً أن آتيك منكسراً المؤلم ان تزيد إنكساري وترحل .. ! مقتبس( أدب جملون) |
رد: خيوط الألم تنبعث منها أمل ( مساحتي الخاصة
بعطيك رايي الحين في هديل
ماحبيت حركتها و هي تكسر في الاغراض .. مهما كان الانفعال تبقى هذي الحركة غير لائقة و تصرف طفولي وبعد ماحبيتها ووهي تقول حيوان ومن هالالفاظ الخادشة للانوثة .😁 حبيتها تقعد بحياها و اذا عصبت ما تتمادى بالالفاظ بعدين ماصار ردة فعل قوية بعد اللي هواشه و سبه لها وبعد ماسمعت كلام الجدان انه ماخذها كذا وندمهم لتزويجها اياه.. يعني هو معترف لهم متاخر انه مايبيها .. وبعدين رجع فيصل عادي تقبلي انتقادي💟 |
رد: خيوط الألم تنبعث منها أمل ( مساحتي الخاصة
انتي قلتي اصدموني انا حبيت قصتك واستمتعت بقراءتها لكن ينقصها القليل من الحبكة 😁
|
رد: خيوط الألم تنبعث منها أمل ( مساحتي الخاصة
اقتباس:
ماخذت ردة فعل مثل كذا بالسابق الا خذت لكن ردة فعلها كان صفعه لجبروته ورد لكبريائها المخدوش!! لما عرفت بعلم جدانها بإعتراف فيصل كالعاده فكرت بغيرها قبل نفسها وقررت الإستسلام له لراحة جدانها !! << انا لو طلب هنا رأيي بقول غباء !! فيصل ليه بعد ماعترف لجدانه برفضه لها وواجههم بغاية الزواج ليش رجع عادي ليش طلع الفعل العكسي غير المتوقع منه والمتناقض << هذا بنعرفه :d أتقبل الإنتقاد برحابة صدر وانا من طرق له حياك ربي 🌷 |
رد: خيوط الألم تنبعث منها أمل ( مساحتي الخاصة
اقتباس:
أصدميني ع راحتك طالما في حدود الأدب 😎 |
رد: خيوط الألم تنبعث منها أمل ( مساحتي الخاصة
متااااااابعة
ننتظر القادم بشغق |
رد: خيوط الألم تنبعث منها أمل ( مساحتي الخاصة
شكرا على رحابة صدرك 😁
حمستينا يوم قلتي بتعرفون كل شي بعدين 😀 |
رد: خيوط الألم تنبعث منها أمل ( مساحتي الخاصة
جلست وعيوني تألمني ناظرت الساعه وقمت دخلت الحمام أكرمكم الله ولما طلعت كان فيصل متمدد ع السرير صديت عنه خذت سجادة جدتي وبعد ماخلصت صلاتي قام وقف وقال: أنتظرك ف السياره ولا محتاجه من يشيلك
صديت عنه وطلعت بكل هدوء ولحقني: لك فقط خمس دقايق إلتفت له : ماجهزت شنطتي وتجهيزها الآن يأخذ وقت إبتسم : لو عليك ماجهزت أبد واعرف وش تفكرين فيه كنت ناويه تجهزينها بالوقت الضائع وتطير علينا الطياره لكن للأسف أنا سبقتك وجهزتها عنك رفعت حاجب: متى ؟! هههههههه لما طلعت من غرفتك أقلقتيني وتبعتك الين دخلتي غرفتهم ونمت وقتها خطرت في بالي انه هذا وقته اجهزها لك للدرجه هاذي مستعجل ع عذابي << تركته مصدوم وصعدت اجهز نفسي >> خذت شور ع السريع ولبست ملابسي وعباتي ونزلت له ماحصلته شيكت ع البيت قبل اطلع وتطمنت وبعده طلعت له وكان ينتظرني في السياره ركبت بهدوء وطول الطريق كنّا ساكتين ومانتكلم مع بعض فقط من صوت فرقعة أصابعي<< الحركه هاذي تدل انه ي متوتره او ودي بحاجه ومو عارفه كيف أطلبها ، وسبب الفرقعة هو انه ودي اشوفهم قبل اسافر بس مو عارفه كيف اطلب منه خنقتني العبره من صمتي وانا خايفه اسافر قبل ماأشوفهم يكفي أمس حبست نفسي بالغرفه من دون ماأجلس معهم ولا أتطمن عليهم وطول الطريق وانا بأفكاري وعتابي ع نفسي وعنادها ولما وقفت السياره وصلت حدي من الضيق وصلنا ولا طلبت اخر فرصه ضيعتها علي >> فيصل : نزلي نسلم ع أهلي قبل نسافر رفعت راسي انتبهت للمكان اييه هذا بيتهم من فرحتي نزلت بسرعه ، ضحك عليّ : ههههه ادري انك بتموتين ع ماتشوفينهم وإذا هذا شعورك ابي افهم ليش تكابرين وقفت عند الباب ومارديت عليه : هوب هوب الباب مايفتح كذا بعدي افتحه لك << بعدت كم خطوه وبعده دخلت قبله وكان البيت هادي ومطفي بعض الأنوار ضاق صدري وبطفوله: نايمين مايبون يشوفوني صوت جا من وراي: لا ي ابوك ان العين جفاها النوم ينتظر زولك نبض قلبي من حسه والتفت له وكان فاتح لي يدينه وماقدرت امنع نفسي وأكابر مثل ماقال فيصل ركضت له ورميت نفسي وضميييييييييييته باأقوى ماعندي مارحمت ضعفه ولا كبر سنه تعلقت برقبته مثل الطفله اذا تعلقت برقبة ابوها: ليش رحت وتركتني ههههههه من اللي بيروح ويترك الثاني أنا ولا أنت بعدت عنه وانا ابكي : والله مابعدت ولا ببعد عنك انا مكاني معك انت وبس سحبني من حضن جدي ومسك ايدي وضمه لصدره: لا لا التذاكر وحجزناها والطياره تنتظرنا وش فيك جدي اشوف بتغير كلامك ههههههههههه << سحبني منه وضمني من ع جنب>> إتركني مع بنتي دقايق بس انت لاحق عليها الوقت كله بتكون معك ولَك لوحدك ابتسم له : متى انتظر الوقت ع احر من الجمر لكن الله كريم جدي خذني وجلسنا بعيد شوي عن فيصل ونزل نقابي عني وعيوني وانفي محمرين😆 لمس وجهي بإيده اللي كلها تجاعيد صبر السنين فيها كل حنان العالم : وش هذا ي بنتي من البارح تبكين ؟ خانتني دمعه وقهرتها بإبتسامه: هو البعد عنك بسيط ي الغالي << خذت كفوفه وضميتهم وبستها>> باسني من عيوني : وانا ماأرجي من الله غير هالعيون ع كثر مابكت تضحك بيوم تضحك سعاده وراحة بال دموعي هزمتني مثل كل مره حاولت امنعها ولا أضيق صدر الغالي لكن انا ضعيفه وكل مانزلت دمعه مسحتها بقفا ايدي بسرعه وانا راسمه البسمه ع شفاتي.. بنبره جديه وحزم : بنتي ماودك بالسفر ؟ فيصل بسرعه : جددي ما.... قاطعه بحزم : اسمع منها بنتي قولي ماودك بالسفر الرد ع طرف لساني ماادري وش منعها ماتطلع ، الجد : تكلمي وريحيني أنا من أمس مانمت ي بنتي بس أفكر فيك وإذا اللي سويته معك صح ولا انا ي بنتي ودي بسعادتك يمكن بمطلبي هذا ماادري وش أسوي وافكر بعمياني انت غاليه عندي أغلى من روحي كلنا عارفين بحقيقة العلاقه انا وانت وفيصل ندري بعلاقتكم المزيفه هاذي ومانبي نكذب ع بعض وأنا أكثر واحد أعرفكم أنا يمكن كنت أناني وكنت أفكر براحتي ورغبتي اللي كنت ابيك تكونين عندي وتحت عيني تحت اي ثمن كان المهم اشوف الغالي بعيونك وأشم ريحته فيك أناني لما غصبتكم ع بعض وانا كنت ادري برفضكم للزواج واعرف بأسبابكم وأستغليت عاطفتكم لصالحي لكن انا تعلمت من الغلط ولا ابي أكرره تالي يمكن لما غصبتك مره ثانيه أنعمت عيني ع رغبتك بس والله السبب ماكان اناني كنت ابي سعادتك وإذا تشوفين انه سعادتك مو بالسفره ذي نكنسلها حتى لو كانت لي نظره ثانيه فيها والله ماأرجي من هالدنيا غير سعادتكم أنتم الأثنين وبالأخص انتي ي بنيتي مابي يوم يسأني عنك جدك وأقول خنت الأمانة وماكنت قدها تكلمي وقولي اذا ماودك ومالك خاطر بالسفره هاذي عطيني يدك وسرينا لبيتنا وفيصل يسافر لشغله ويرجع لنا يلاقينا مثل كل سفره نحتريه ولا تخافين من احد طول ماأنا معك ها ودك ولا نرجع ؟! ضبطت أعصابي ودموعي ورسمت ع وجهي أحلى إبتسامه وشديت يد جدي : أنا اللي يمنعني من السفره هاذي ي جدي هو خوفي ومحتاتي عليكم بس ماودي ابعد وتفكيري كله معكم وخصوصاً انت لأنك تو طالع من المستشفى ومحتاج مراعاة ولا أتطمن عليك الا لما أكون قريبه منك وحولك ولأنه ماأقدر أبعد عنك دقيقه انت لي الكون كله وأي شي ثاني في بالك وتظن هو السبب إننساه وأبعده من بالك لأنه خطأ أكيد << ناظرت فيصل>> أكيد ودي أكون مع زوجي ع طول بس هذا << أشرت ع قلبي >> هذا هنا كيف اسافر من غيره . أبتسم لي : لا سافري وأنا بحافظ لك عليه بس ها لاتبطين عليه حتى هو مايقدر يعيش من دونك ابتسمت وضميته دمعت عيني: أبطي عن العالم كله وعن حضنك ماأبطي<< مسحت دمعتي لايشوفها وبعدت وبست راْسه وكفوفه>> ضم وجهي بكفوفه وبكل مكان باسني : الله لايبعدك عن عيني بفجيعه ويريح بالك ويسعدك فيصل : أُوف طيحت قلبي ي جدي والله فكرت تسويها وتأخذها معك وبعدين انت وإياها وش ابي فيها من غير قلبها الجد ضحك وانا معقده حواجبي وش يقصد ذه : ههههههههههههههههههههه انا : جدتي وينها نايمه ؟ لا تجيك اللحين تقول بتجيب لك أغراض يلزموك بالسفر فيصل : وشو بعد قلبها وخذتوه تعطونها قلب أصطناعي مثلاً الجد مبتسم: لو تبطل غيره ي ابوك حنا بخير الجده دخلت علينا وقمت لها سلمت عليها وضميتها وبعدني عنها فيصل وسلم عليها ، ومدت لي : هذا القران ي بنتي لاتهجرينه كل يوم اقري منه يحفظك ويحفظ لك زوجك والسجاده ذي بتذكركم بالصلاه لاتنسونها ببلاد الغرب وهذا شالي حطيه ع متونك اذا بردتي أعرفك ماخذتي لك ملابس ثقيله تدفيك وانا مو عندك أراعيك << خنقتني العبره هنيا >> إلتفت لفيصل " وانت ترا بنتي ترتفع حرارتها بسرعه ماعندها مناعه خذ هالفكس أدهنها فيه وسو لها كمادات بارده ودفيها لو عندت معك اغصبها مو تأخذها معك وتهملها . ابتسم لها : إن شاءالله هديل بعيوني لاتحاتونها . الجده بحزم : إنتبه لاتزعلها الزعل يمرضها لأنه بنيتي تكتم داخلها وماتتكلم ، وايه نسيت لاتأكلها شي حار معدتها ماتتحمله وبعد وش نسيت ياربي ... خذتها وضميتها : الله لايحرمني منك ومن وصاياك ي الغاليه زعلان: نسيتي توصينها عليّ . الجد : هديل مو محتاجه وصايه هماها دايره بالها عليك في وجودك وفي غيابك طول مده الشهور اللي فاتت . سكت ومارد وناظر فيني .. الجده : يمه عسى مانسيتي شي خذتي كل أغراضك انا : إيه .. الجده : ايه يمه تدفي زين بنيتي منى تقول الديره اللي بتروحين لها بارده تحملي ع عمرك يمّه .. إن شاءالله لاتحاتيني انت بس اهتمي بنفسك وبجدي ولا تنسون علاجاتكم خذوها بوقتها << جلست من بينهم وضميتهم وأبوس في يدينهم >> رفعت عيوني لفيصل ابيه يطلعني من هنا ولا بنهار وفهم عليّ : أمي وأبوي وينهم نسلم عليهم قبل نمشي (( سحبني من عندهم )) ودخلوا أمي وأبوي وسلمنا عليهم ووصونا ع حالنا وعطيت أمي ورقه وفيها مواعيد علاج جداني .. فيصل مسك ايدي : يلا أستودعناكم الله .. الجميع : حافظكم الله انتبهوا ع أعماركم فلت ايده وضميتهم مره ثانيه وجدتي بكت وسحبني بالقوه عنهم وطلعنا عنهم ماقدرت أخطي خطوه تركني وهله وقال : كذا بنتأخر ع الطياره احاول اتمالك نفسي لكن لمحة ذكي الدمعه كسرتني الى أشلاء << دمعة جدي >> : مو قادره والله امشي وابعد عنهم مسكني من خصرني وشدني: الله يهديك بنروح الجهاد حنا ان الجهاد ارحم من البعد عنهم . ابتسم لي ومشى فيني للسياره ومشينا وأنهرت ع راحتي بالسيارة وصلنا المطار وهديت وخلصنا امورنا وركبنا الطياره وطارت فينا .. وكان الصمت ثالثنا وانا أناظر في الغيوم فكري سرح صوبهم ورديت ابكي بصمت شد ع ايدي : مو كفايه بكي بالله عليك انتي مخزن دموع ماتخلص دموعك كلش بصوت مبحوح : مو قادره أتمالك نفسي كل تفكيري معهم فكره تاخذني وفكره تردني خااايفه بإهتمام : خايفه من وجودك معي لا .. خايفه أني أفقدهم وماأشوفهم مره ثانيه فتح عيونه ع وسعهم مصدوم : وش ذَا الكلام ؟ ضميت وجهي : ايه ليش لا بلحظه فقدت اهلي كلهم مسح ع ظهري : ذكري الله جداني بيحفظهم الله وماعليهم شر إن شاءالله مسحت دموعي : عقلي وقلبي بقوا معهم ابتسم وشد ع ايدي المبلوله بدموعي: أوعدك وعد الفيصل كم يوم وهم معنا استغربت : جدي وجدتي بيجون لندن !!! ههههه لا طبعاً قصدت عقلك وقلبك ان ماجبتهم لك مااكون الفيصل سحبت يدي منه وناظرت النافذه : لا توعد بشي ماأنت بقده ضحك: ههههههههه عمر الفيصل ماوعد بشي الا وهو متأكد من أستطاعته بتنفيذه مغصتني معدتي من الجوع والزعل وحطيت يدي على بطني وانتبه علي ، نادى ع المضيفه وطلب منها فطور ولما وصل خذت القهوه وقربتها من شفاهي وسحبها مني عصبت : خيييير بحزم : قهوه بمعده فاضيه مافيش خذي هذا كراسون لذيذ خذت الفنجان منه : مو ع كيفك خذ الفنجان مني وشرب منها عارف إني مستحيل أرد اشرب من بعده 😡: سخيييف ليش شربت قهوتي رفع متونه: أولاً من الأساس انا طالبها لي يعني هي قهوتي مو قهوتك ثانياً قلت قبل قهوه ع معده فاضيه مافيه شربي لك العصير زممت شفايفي : ماابي زيين وعليك بالعافيه القهوه << صديت عنه للنافذه>> تركني ومارادد بالكلام معي : ع راحتك بس مااظن راح تتحملين الألم أكثر عدل من وضيعته ولبس نظارات النوم وبعد شوي رجع الم معدتي وريحة الأكل زودته إلتفت له وكان النفس عنده منتظم مديت يدي للأكل وبعدتها ناظرت فيه أتأكد اذا نايم وأبتسمت راحه وجلست أفطر بشراهه ههههه خلصت الصحن وهدت معدتي مسحت فمي وناديت ع المضيفه وعطيتها الصحن ولما بعدت المضيفه : لاحظت إبتسامته وقال : بالعافيه ع قلبك أنصدمت وتوترت: إنت مانمت ؟! كتف ايديه : لا بنام اللحين تمسين ع خير ههههه بغيض : تافه فيصل مبتسم : كل كلمه بحاسبك عليها لذالك انتبهي ع كلامك عطيته ظهري ومارديت عليها الوقت يمشي ومضت ساعات والنوم مجافي عيوني تفكيري كله معهم وفيصل نايم بعمق لدرجة حسدته ع النوم وعدم المبالاه ومافيه شي يشغل باله .. فجأه حسيت بالطياره ترتج خفت وحطيت يدي ع صدر فيصل وشديت ع قميصه .. رفع النظارات وبنعس : وش فيك ؟ بخوف : مدري الطياره يمكن مطب هوائي .. شوي الا تكلم الكابتن معلن عن وصولنا لندن متمني للجميع رحلة سعيده .. فيصل : وصلنا الحمدلله ع سلامتك الله يسلمك تمغط عضلاته ووقف ومد ايده لي : يلا ننزل مديت يدي له وكانت ترجف وصلنا لمكان ولوحدنا والله يستر وش ناوي عليه أصرارك ع سفرتي رغم معرفتي برفضك لي وكرهك وغرورك وجبروتك الله يستر منك ي فيصل ، شد ع يدي مدري هو يطمني من أفكاري ولا توعد وتأكيد ظني !! وبعد الإجراءات طلعنا من المطار وركبنا سياره أجره طلب منه يأخذنا للمكان وانا جلست أناظر في الطرقات وضجتها بالحياه .. وصلنا للمكان أخذ اغراضنا ووقف قبال باب ضغط ع مفاتيح الأرقام : وش ذَا الفندق ابتسم لي : مو فندق ذي شقتي انت لك شقه هنا ايه نص عمري كان في لندن ومااحبيت عيشة الفنادق خذت لي شقة هنا .. حياك صعدنا السلالم وكانت عماره فخمه ونقوشها فن 😍 وقفنا قبال الباب : الباب اللي ورآنا هذا شقة عايلة عربيه محترمه واهلها يعزوني حيل طول ماأتواجد هنا يهتمون فيني رغم تحفظي ومنعي لكن الأم ماتعطيني وجه هههه استقروا هنا بعيد عن بلادهم ام وأب وبنت اكبر بثلاث سنوات وولد بعمر المراهق مدري بالضبط ي 15او 16 والأم والأب في الخمسينات رافعه حواجبي له : لا ماشاءالله تعرفهم عدل خصوصاً البنت حافظ عمرها اكثر من الولد ضحك : ههههههههههههه ليش تغارين في أحلامك فتح الباب : دخلي عسى بس يعجبك تصميمي وقبل الحكم ترا صممته ع انه اعزب بس لاتحاتين ههههههه تتعايش مع أناث اللي قبلك عجبهم فتحت عيوني ع وسعها : هأاا قبلي انت اا.. قطعني : لايروح فكرك بعيد ترا انا مسلم واخاف الله << دخلي لاتورطينا بأفكارك المنتهيه دخلت وأنبهرت من التنسيق والترتيب الجدران كلها نوافذ تطل ع المناظر الخارجيه والشوارع الشقه كلها زجاجية مافيه جدار حجري الا عند باب الرئيسي والأثاث مودرن وأكثر جلسه عجبتني اللي عند النافذه أريكه من الجلد وطاوله صغيره مع ابجوره 😍 كانت الشقه عبارة عن طابقين فقط تحت عبارة عن ساله مفتوحه ومطبخ تحظيري وحمام والحمام عزكم الله حكاااااايه ثانيه 😍 عادي تنامون فيه من جماله هههههه المطبخ كان مكمل من مجاميعه والأهم ركن الكوفيهات 😍 طاولة طعام زجاجيه ناعمة فيصل : هذا هو الطابق الأرضي وش رايك بإنبهار : جمييله الترتيب والتنسيق حكايه حبيييت مسك ايدي متحمس : لسى ماشفته شي تعالي << صعد بي الدرج اللي مافيه درابزين 😰 وبحماس : وهذا الطابق الثاني وش رايك فتحت عيوني : هذا كله بس الطابق !! هههههه ايه وش رايك رايي بأيش هذا كله غرفه وإلتفت وراي وشهقت هأاا حمام مكشوف 😱 هههههههههههههههههههههههه مش مكشوف تعالي << خذني للحمام وعطاني ريموت >> هذا الزر يكتم الزجاج وماأشوفك وانت داخل والزر هذا يرجعه طبيعي وتشوفيني برا واشوفك وانت داخل هأا << رميت الريموت عليه >> ماحبيت الطابق هذا طلعت من الحمام : شقه بالكبر هذا مافيه الا غرفه وحده اللي صمم الشقه ضيع مساحة كبيره هنا كان بنى غرفتين ع الأقل مريح ع السرير : بالعكس هذا اللي ميز الشقه ذي وهذا كان طلبي مناسب جداً لوضعي مستنفره: وضعك عزوبي مناسب بس كذا مايناسب رقص حواجبه : غلط بكل الحالتين يناسب متزوج ولا عزابي مااحد ينام منفصل وهو متزوج الا انا وانت ولا كيف يقدرون ينجبون << شهقت وهو فطس ضحك >> كش بدني : لا مستحييييل هذي غرفتك انا وين انام قرب مني وانا ابعد وشدني له : السرير كبير ويكفينا حنا الأثنين تقشعر جسمي كله وحذفته وطليت ع تحت وشدتني الصوفايه : لا لا نومتي تحت هناك الصوفايه تكفيني ومريحه أكثر بعد وقف وراي وملاصق بظهري ويناظر مكان ماأشر: أهممم.. ع راحتك المهم تكونين مرتاحه بس ماقلت ملابسك وين تبين تحطينها هنا ولا بعد في الصوفايه اللي تحت !! حطيت يدي ع خدي : وي صح !! ببراءه: تبين اترك لك مكان في دولابي مايصير تزاوج بينهم ترا التفت له وحذفته من الخجل : مافيه الا كذا مالت شقه وش كبرها مافيها الا غرفه وحده كاتم ضحكته: لأَنِّي كنت اعزب وبعدين مااشوف فيها عرقله للمتزوج ماعندنا عيال عشان نحتاج غرفتين بسرعه رديت : بِسْم اللي علينا مصدوم : بِسْم الله علينا من آيش : من انه يكون بينا عيال وإذا ليش مايكون يعني لما نكون عائله مثل الناس ومستقرين طبيعياً ممكن لكن بوضعنا هذا اللي كل واحد منا كاره ثاني ومغصوب وبأي فرصه تصلح له يجرح الثاني ومايقصر ليش نجيبهم ونعذبهم معنا ونهايتنا طلاق وتشتيتهم فصخ جاكيته ورماه ع السرير : تبين عشا ولا نرتاح ناظرت جرالي : لا ابي أكلم جدي أتطمن عليهم : لا بكره نكلمهم لما اشتري لك خط دولي صرت أناقز : لا اللحين مافيني صبر لبكره أكلمهم اليوم يعني اليوم نترك فيصل ورده عليّ عطني أكلم ولا ماعطاني نعرف باليوم التالي 😁 تعبت من الكتابه وابي اريح نلتقي ع خير إن شاءالله 🌷 الحمدلله ع كل حال .. ومضه : ستمضي هذه الحياة لن تلتفت لنا لن تبالي بِنَا ستمضي وكأننا ماكنّا وكأننا مجرد هامش في أحدى صفحاتها..!! |
رد: خيوط الألم تنبعث منها أمل ( مساحتي الخاصة
متااااابعهmjk
|
رد: خيوط الألم تنبعث منها أمل ( مساحتي الخاصة
اقتباس:
|
رد: خيوط الألم تنبعث منها أمل ( مساحتي الخاصة
ناظرت جوالي: لا ابي أكلم جدي أتطمن عليهم
فيصل : لا بكره نكلمهم لما اشتري لك خط دولي صرت أناقز : لا اللحين مافيني صبر لبكره أكلمهم اليوم يعني اليوم فيصل يفكر ومشى كم خطوه لدولابه وطلع منها علبه أنيقه فتحها وكانت فيها خاتم فضه جميل جداً وساعه سودا فخمه أخذ البطاقة الصغيره وركبها في جواله سجل رقم جدي وعطاني الجوال : خذي كلميه وسلمي عليه وانا بنزل اشوف وش في المطبخ ينوكل . خذت الجوال وبقمة سعادتي انتظر صوته ووصلني : الوو أنا : ي هلا بريحة هلي وناسي طمني عنك ي الغالي الجد : بعد هالصوت أكيد حالي بخير الحمدلله متى وصلتوا انا : لنا نص ساعه واصلين قلت أكلمك وأطمنك وأطمنك طمني حبيبي خذتوا العلاج مرتاحين وأحوالكم تمام هههههههههه شوي شوي عليّ حنا بخير كلنا بصحه وعافيه والعلاج أخذناه وأكلنا ومرتاحين ومبسوطين ها باقي شي تبين تعرفينه ههههههه الحمدلله لا كذا تطمنت ههههه وين فيصل حولك عطيني أكلمه لا فيصل نزل يشوف لنا أكل تبيه ضروري انت لا بس ابي أتطمن عليكم وأوصيه ع نفسكم والأمانة بُح صوتي: إشتقت لك وانا مير الصبر باللقا قريب ي نور عيوني .. إنت إستانسي وعيشي حياتك وإنبسطي والرجعي لي هديل اللي كلها حياه وسعاده مسحت دمعتي : أحبببك الجد : وأنا بعد أحبك ي بعد روحي انت .. يلا ي بنتي روحي لزوجك ولا يكلف عليك ذَا التيلفون وسلمي على فيصل إن شاءالله وانت بعد سلم ع جدتي ومن يعز عليك وانتبهوا ع صحتكم ماابي ارجع واشوف شي مايسرني أزعل ترا ههههههه إن شاءالله يلا في أمان الله أستودعتك الله ي الغالي سكرت منهم : يالله طلبتك لاتفجعني فيهم واحفظهم لي << جيت بقوم انزل واعطيه الجوال لكن صابني الفضول بالعلبه فتحتها وتأملت الخاتم والساعه الخاتم كان مكتوب فيه << أحبك >> عقدت حواجبي وخذت الساعه ومنقوش عليها << ستبقى أول حب وأخر حب حياتي >> عقدت حواجبي مستغربه فيصل يحب !! من وراي : وش تناظرية ؟! << ناظر يدي وسحب العلبه مني بسرعه >> إرتبكت : ولا شيء .. حصلت شي ينوكل دخل العلبه الدولاب : لا ماحصلت غير خفايف وش رايك نطلع نتعشا برا لا مافيني حدي تعبانه وابي أنام إذا إنت جيعان إطلع تعشا عقد حواجبه : وإتركك لوحدك بسخريه وانا أفضي شنطتي: وش الجديد يعني سحب شنطته يفرغها : لجديد انه مالك حد هنا غيري مضطر اخاف عليك.. عموماً ماله داعي أنا بعد بنام بعدم إهتمام : كيفك ، صح نسيت جدي يسلم عليك وكان يبي يكلمك ع الأمانة لكن كنت بعيد الله يسلمك ويسلمه وش يقصد بالإمانه رافع حاجب ومبتسم: مادريت انك ملقوفه اذا الأمر يخصك مايهمني أعرفه لكن اذا يخص جدي أكيد ولازم أعرفه اهاا لا ارتاحي الأمر يخصني رتبنا ملابسنا وخلصنا خذت لي بيجاما وجيت بنزل : ع وين ؟ الحمام الأرضي أبدل ملابسي طيب ليش هذا حمام تقدرين تبدلين فيه ذه تسميه حمام ذه فضيحه ههههههههه ي الخبله والله لاكتمتي الزجاج مايبين شي ماابي اريح لي اللي تحت مسك ايدي : لا مافيه بدلي هنا << أخذ الريموت وكتم الزجاج >> ليش مصر يعني انا اخاف من أصرارك هههههههههه يعني بكذب عليك مثلاً ابيك ترتاحين وتتطمنين . طلع وانا ظليت مكاني خايفه ومتردده جلست أسوي حركات أتأكد اذا يشوف ولا << هههههههه ارتحت وخلعت ملابسي وبدلتها وطلعت : الشامه اللي بأسفل ظهرك زادتك جمال إنصرعت وجف ريقي وتشنجت مكاني وهو طاح فاطس ضحك ع شكلي : ههههههههههههههههههههههههههههههههه قسم بالله إنك توحفه رميته بأقرب شي قدامي : وققح سخيف يعني شفتني ي قليل الحيا << معصبه حدي >> يحاول يصد اللي أرميه : والله ماشفت أكذب عليك والله ي المجنونه اهدي ظليت أرميه وهو يحاول الين وصلني وضمني من وراي ويضحك : هههههههههه والله ماشفت أكذب عليك يالله أتنفس من العصبيه وارافس: كذذذاب اجل كيف عرفت بالشامه ي الكذذاب وانا عند ربي صادق إني ماشفتك اليوم لكن شفتك من قبل شهقت : هاااااااااأ هههههههههه لايروح بالك بعيد شفتها من يوم حملتك أرتفع قميصك وانتبهت عليها ذبت في ملابسي وأبعدته عني وهو كاتم ضحكته وانا حدي متوتره وخجلانه فتحت الدولاب وخذت بطانية ووساده : ع وين ماخذتهم منقهره منه : وين يعني بنام تحت خذهم مني : لا ماله داعي نامي انتي هنا اريح لك وانا اللي بنام تحت بعناد: لا مااابي انا اللي قلت قبل بنام تحت ي بنت الحلال انت جايه من سفر والصوفايه مش مريحة لك وبعدين أصوات تحت تطلع وبتخافين ناظرت في عيونه بكذب: كذاب عيونه ونظراته جديه : تبين تجربين الليله تفضلي هاا لا خلاص أصلاً حدي تعبانه والصوفايه شكلها مش مريحه << حذفت عليه الوساده والبطانية وهو ابتسم وأخذ بيجامته ونزل >> توسدت ع السرير يااااه وش كثر مريييح قررت انا اللي بنام هنا ع طول خخخخ ينقلع ينام تحت طول عمره متهني لوحده هنا 😜 وانتهى ليلنا وأشرقت شمسنا بيوم جديد وأحداث جديده وخفايا لايعلم بها حد سواه جل جلاله .. هدوله هدوله قومي صلي الفجر ي عمري همممم وشو هممم أقولك صلاه قومي أغطي وجهي بالوسايد مثل الأطفال : تعبانه ابي انام ههههههه سحبني وبعد شعري عن وجهي وانا مغمضه عيوني ماابي تفتحهم لكن الحركه منه صدمتني وفتحتهم << باسني من عيوني >> مرر أصابعه ع خدودي : أنتي طفلتي طفلتي انا وبس فاهمه انتي لي ولوحدي.. مصروعه بمكاني متشنجه من الحركات الجريئة الغريبه ولا الكلام المريب والمخيف جا بيقرب أكثر واستوعبت وانقز من حضنه : اا كم الساعه مبتسم : ست الصباح قومي صلي وجهازي انتظرك تحت لاتتأخرين علي نزل وانا ارتأيت وأفكر بأخر الدقيقتين وقلبي يصعد وينزل حطيت ايدي ع صدري اهديه غمضت عيوني وفتحتها وتذكرت صلاتي ودخلت خذت شور وصليت وجهزت ونزلت .. ماحصلته تحت : وين راح قال انه بينتظرني هنا الصوت من وراي : خذت شور وجهزت نفسي ولا بس انت إلتفت له : وين بنروح أخذ اغراضه : أولا شي لازم نفطر ميت جوع من أمس واكيد انت بعد حطيت ايدي ع بطني : يعني مو حيل مبتسم ع جنب : خير إن شاءالله سمعت بالبنات اللي يستحون من أزواجهم في بداية حياتهم بس ف حالتك أظن عديتي المرحلة ذي تقدمت عنه كم خطوه : عديتها بفضلك طلعنا من الشقه ونفس مادخلناها ماإلتقيت بالجيران تبين نمشي ولا ناخذ اجره اممم نتمشى أفضل اوك .. لندن شوارعها حياه عاااااالم تمشينا وهو ظل يعرفني ع اللي نتصادفه ووصلنا المطعم وطلبت منه نفطر خارجي الجو كان خيالي وبعد ماأفطرنا وكان طول الوقت يسولف لي عن مغماراته ووحكايات لندن 😏 خذنا تاكسي وبعده نزلنا عند برج بج بن وكملناها تفرجه وتمشي انبسطت بالجولة جداً والأجواء رهييييبه خياليه صادفنا فتاة إنجليزيه سلمت عليه بحماس وواضح عليه انه سعيد بشوفته وانا مثل الأطرش بالزفه مع مياعتها معه وهو يناظرني ويبتسم ويرد يندمج معها خذو لهم ربع ساعه بعده سلم عليها وخذ منها موعد يلتقون مره ثانيه .. ماشاءالله شكلكم معرفه قويه << نظرة إستهزاء>> مبتسم : راح تتستغربين كثير باللي راح نتصادف معهم قلت لك اغلب حياتي هنا وعاشرت اَهلها وكونت علاقات كثيره من " غمز " من الجنسيتين بعدم مبالاه: خير إن شاءالله ههههه الهديه اللي شفتيها أمس من أحد المعجبات اللهم زِد وبارك رفع حاجبه وضحك : هههههه يعني إني ماأغار بجديه : وليش أغار الله يسعدك ويهنيك شد ع يدي وعقد حواجبه : نشوف ي ام راس يابس ومر الوقت وجا الليل ولندن في الليل حكاية غزل وحنا نتعشى وكان يراقب في أكلي : انت ليش أكلك أكل عصفور امّم يمكن لأنه ماأشتهي ليش ماعجبك تبين نغير لا لا مو كذا بس << سكت >> وش فيك سكتي كملي أبد أفكر بجداني وش يسون خذوا علاجهم ولا بعد أخاف ينسونه وجدي صحته مو زينه اليومين هاذي خايفه .. << نزلت راسي >> كملي لاتسكتين .. رفعت راسي وأبتسمت : شبعت وين نروح اللحين بأخذك لمكان بتحبينه متحمسة : يلا قم مابي انتظر هههه محروقه بصلتك دائماً كذا ابتسمت له .. خذني امكان يدعى نايتسبردج المباني كانت عباره عن مباني فكتوريه ممتد من زارا الى محطه النايتسبردج جلسنا بمقهى : نجحت من جد حبيته فيصل بغرور : فيصل مايقول شي الا ومتأكد منه اووف لو الله يفكك من هالغرور حنا بخير هههههه مو غرور لكن ثقة عاليه طيب ي الواثق عطني جوالك عقد حواجبه : وش تبين فيه ابي أكلم جدي بس كلمتيه أمس ماله داعي وشو ماله داعي لا انا لازم تكلمه يومياً ولو عندي خط ماأزعجتك وطلبت منك هوب هوب أكلتيني مو قصدي كذا انا وجوالي تحت أمرك أكيد بس انت شايفه الوقت جدي أكيد نايم حرام نزعجهم انا بتصل وإذا مارد بسكر جدي نومته خفيف من اول رنه بيرد عليك حرام نزعجه خليها بكره أوعدك نتصل فيهم بدري فكرت في كلامه معه حق .. تعشينا وطلعنا الشقه وصلنا ودخلنا : تبي قهوه لا بأخذ شور حدي هلكان وبنام سويت لي قهوه وجلست أتأمل لندن من النافذه وماحسيت ع نفسي الا وانا غفيانه ع الصوفايه فجأه حسيت بقطرات ماي ازعجتني فتحت عيوني بنعس : هذا انت حملني : ايه نايمه بمكاني حضرتي طوقت رقبته وريحت راسي ع صدره : نعست ومازلت نعسانه ههههه قلت لك انت طفلتي وانا أبوك لاتنسين كلامي هذا بنعس ومافتحت عيوني مابي النومه تطير : أهممم نزلني ع السرير وعطيته ظهري شلحني الجزم أكرمكم الله وغطاني وباسني من جبيني وطفى الأنوار شديت ع نفسي بالغطا ودخلت بالنووم .. جزء اليوم قصير أدري 😆 يمكن أدخل مره ثانيه واكتب .. ومضه : الأشياء الجميله لاتدوم لكنها تترك جمالاً لايمحى .. 🌷 |
رد: خيوط الألم تنبعث منها أمل ( مساحتي الخاصة
فاتتنيي القصة ما انتبهتلها لساتني في الصفحة التاسعةdvf
|
رد: خيوط الألم تنبعث منها أمل ( مساحتي الخاصة
اقتباس:
عطينا رآيك مثل البقيه لو لحقتينا 😆 |
رد: خيوط الألم تنبعث منها أمل ( مساحتي الخاصة
نفس الحلم نفس الكابوس يتكرر مرات ومرات نفس الهم والألم نفس الوجع والقهر نفس الجرح كل ليله يتجدد النزف بح صوتي وانا انادي من دون رد دم بكل مكان وريحته ممزوجه بريحة النار والدخان أشلاء متناثره بكل مكان ريحة الموت خنقت روحي << ضربات خفيفه ع خدي >>
قمت مثل كل ليله مفزوعه وشفته وحضنته وبكييت وأشد في حضنه أكثر وأبكي بحرقه : ماااتو .. كلهم ماااتو وأتركوني مااحد فيهم بقى كلهم راحو وخلوني يمسح ع شعري ويسمي: بِسْم الله عليك .. أهدي ي قلبي .. الله يرحمهم ويصبرك ويمسح ع قلبك اذكري الله ي غناتي وادعي لهم ومازلت في حضنه واشد أكثر : ماأحد يبيني انا كلهم أتركوني ماما وبابا وخواتي واخوي وجدي اللي أغليه أكثر واحد فيهم راح وتركني حتى جدي سالم تركني وراح بيت ولده وانت بعد ماتبيني قلتها لي بيوم زواجنا انك مغصوب وماتبيني حرام عليكم انا وش الذنب اللي اذنبته لأجل تعاقبوني بالفراق والله ماسويت لكم شي ضمني لصدره أكثر : ماأحد تركك برغبته هذا يومهم إنت مالك يد فيه ، إرضي بقسمته ولاتكفرين. بعدت عنه ومازلت ع حالي ابكي بحرقه ولو الصخر يشوف حالتي بيومها ان يتفتت حطيت ايدي ع صدري : هنا ألم هنا وجع ابي أنسى وأرتاح كل يوم أغمض عيوني فيها يتجدد الوجع والألم كل يوم أشوفهم فيه أحصى ع خوف رهيب كلّ في بالي انهم جايين يأخذون مابقى لي من أحباب.. صرت أكره النوم من الكابوس ودي أحلم فيهم بغير يوم الحادث 😭 << مسكت كفوفه >> تكفى ساعدني أبي ارتاح وأنسى اليوم المرعب هذا خلاص تعبت ماعاد فيني حيييل . سحبني لحضنه: أووش خلاص أهدي ي قلبي أهدي وأذكري الله << وبدأ يقرأ بصوته اللي ترتاح له النفس صوت وقراءه رائعه تخشع له القلوب وتصغي له الأذان سكنت روحي وإرتخيت وانا في حضنه اأبتعد عني شوي : نومتي ؟ بهدوء : لا يمسح ع راسي : إرتحتي ؟ بهدوء: إيه إبتعد عني : أتركك تكملين نومتك باقي ع الفجر ساعتين مسكت ايده امنعه: خليك معي مافيني نوم ناظر عيوني الخايفه : أمم بس ورآنا مشاوير كثيره ولازم ننام ولا بنتعب نزلت راسي وأعقد بالفراش: بس أنا ماابي انام خلك معي تكفى جلس جنبي : زيحي لي مكان أشوف إستغربت: ليش؟! دفني ودخل تحت الغطا وبتهديد مزح : شوفي لو تهدمين الغرفه هاذي كلها ع راسي مانيب متحرك من مكاني بنام هنيا معك وانت بعد بتنامين قربي هديل : بس اا.. قاطعني وسحبني لحضنه وراسي ع صدره وشدني وهمس في أذني : أووووووش مانيب متعدي حدودي طالما انك رافضه نامي وإرتاحي أنا جنبك وماراح أتركك أبد تطمني << حسيت بالأمان وإرتخيت بعد ماكنت مشدوده من الخوف والتوتر ابتسم : ايه خلك طفله مطيعه قرصت خصره: لاقول طفله الكلمه ذي أكرهها ههههه طيب بطلي حركاتك ماظمن نفسي انا ترا مع الحركات ذي جيت ببعد وضحك وشدني أكثر : ههههههه أمزح ي الخبله يلا عاد نامي والله تعبان .. ونمنا براحه ، وبعد ماطلعت شمسي وإرتفعت فتحت عيوني وماحصلته ناظرت الغرفه وماكان فيه خذت الساعه وكانت ثمان الصبح قمت من فراشي ورتبته ودخلت أخذ شور وصليت الفجر ونزلت أدور فيه وماحصلته لكن حصلت ورقة صغيره مع ورد جوري ابيض( صباح الخير ي طفلتي .. ساعه بالكثير وانا عندك لاتحاتين إضطريت أطلع لشغل مهم ، جهزي نفسك لأنه بنطلع لما ارجع ) شميت الورده تجذبني جمالها وتكسرني ذبولها !! دخلت المطبخ اصلح لي قهوه وبعده جلست أتأمل مناظر لندن من ورا نافذتي الين مرّت نص ساعه ومارجع فيصل بعد طلعت فوق أجهز نفسي وخلصت تجهيز ونزلت وانا عند السلم كان مريح ع القنفه ومغمض عيونه وأول ماحطيت رجولي ع السلم إلتفت لي وإبتسم : صباح الخير رديت له الإبتسامه: صباح النور .. خلصت شغلك وقف وجا عند اول سلم : ايه كان ضروري أقابل شخص لأمر مستعجل اهاا مد ايده ومسك ايدي وبإهتمام : نومتي زين . تذكرت حدث أمس وضاق صدري : إييه لاحظ علي : أوعدك إني راح أنهي معاناتك ذي بس لازم تكون عندك عزيمه للنسيان .. دمعت عيوني : وانا ابي أنسى مسح دموعي وابتسم: لا لا اليوم بالذات مابي دمووع اليوم حاااافل جداً وراح اترك في ذاكرتك سعادده وضحك بس ابتسمت له : وعد ! شد ع ايدي وابتسم : وعد الفيصل طلعنا من الشقه وفتح لي باب السياره : تفضلي ركبت وركب بعدي : من سيارته ذي ابتسم لي : سيارتي كانت في الصيانه وخذتها اليوم .، أكيد ماأفطرتي لأنه البيت فاضي إيه .. وإنت ؟ أكيد لا من دونك مايصير إبتسمت له وردها لي : ها وش جاي ع بالك تفطرين ؟ هههههههه والفطور فيه خيارات كلها واحد هههههه ايه فيه ملكي وفيه أميري وفيه مواطن عادي فطست : ههههههههههههه حلوه لاتعيدها ضحك : ههههههههههههه إنت منتهي ع فكره ماشفتي شيء ناظرته وهله وانا ابتسم ثم صديت عنه وكان هو يبادلني النظرات وكأنه نتبادل الكلام اللي امتنعت عنه شفاهنا لاتنطقها وبعد سكوت فتره وقال : وصلنا حياك . نزلنا المطعم كان رايق جداً والأهم المنظر ارتاحت فيه نفسي وبعد الفطور وتبادل الحديث الروتيني طلعنا نتمشى ع رجولنا وكان طول الوقت يناظر الساعه ولا الجوال بعده خذني لمقهى وطلبنا ورجع يناظر ساعته مره ومره جواله وش فيك اذا مشغول عادي نقوم نرجع الشقه إبتسم لي : لا ، بس أنتظر أشخاص متواعدين نلتقي هنا مين ؟! رفع عيونه للمقبلين وابتسم لهم : هذا هم وصلوا !! << وقف لهم وإلتفت !!! فيصل يعرف : هاذي مادلين اللي حكيت لك عنها بنت الجيران إبتسمت لها : أهلا وسهلاً ناظرتني من فوق لتحت نظرات تفحص 😒: أهلا وسهلا فيك حكى عنك كتير بس ننسى يقول إنك آية من الجمال بخجل : تسلمي فيصل : هاذي الصديقه توأم السنين فيك تقولين غثا عمري وغلطتها سمر لكن أضمن لك راح تحبينها بس الله يعينك أحياناً ترفع الضغط ضربته ع صدره : برفع الضغط وغثا سنينك وغلطتك ي الخوان إلك انا الغلطانه اللي مرافقه واحد متلك مغرور وبيحب نفسه كتير ابتسمت لها : تشرفنا يضحك : هههههههههه زعلت ي حبك للزعل ي شيخه .. حياكم تفضلوا مادلين جلست جنبه وانا قباله وسمر جنبي : لك شو عاجبك فيه هيدا شخص مابينحب فيصل : أرد عليك ولا خلاص رحمتك عارفه ردي بيزعلك مني سنه قولي وش تشربون سمر ضحكت : هههههه بنشرب متل اللي بتشربوه ناظرني : تبين أطلب لك فنجان ثاني أكتفيت بهز راسي إييه سمر تناظرني: تصدق ي صديقي ماعم بلومك ع رفضك للزواج وصبرك للسنين نلت أجمل البنات وأنعمهم البنت كيوووته حبيتها أحرجتني مره : عيونك الجميله تسلمي لي بجديه منها : إعرف بس بقول الحقيقه الإستاذ كان مزعجنا كتيير مابده يتزوج بُح صوتنا وحنا بنقول متى تتزوج وتفكنا كان يقول مابتزوج قاعد ع ألبكون وإذا تزوجتي انت بتزوج لأنه هو إحتياط لي حتى يكسب ثواب فيني لو كبرت وظليت عانس بس المغرور خوّن ولا وفى بكلامه معي تزوج قبلي هههههههههههه عاد إنتي ناويه تخمرين وانا بصراحة ماقدرت أكثر من كذا خصوصاً مثل ماإنت شايفه حد يشوف الجمال هذا ومايغير عهده إستحيت وضحكت عليّ : هههههه وانت صادق لازم يخون توترت من كلامهم وخذت الماي وشربت منه وضحكوا عليّ سمر وفيصل غيرت سيرتهم عني وقلت : إنت بعد مقيمه هنا مثل مادلين سمر : أنا ماما لبنانيه لكن بابا تركي الجنسيه انا جيت هون للدراسة قبل لكن عجبتني الحياه كتير وأسست شغلي هون لكن عّم روح تركيا بالإجازات بدك تشرفينا هونيك إبتسمت لها : إن شاءالله .. ابوك تركي وتتكلمين لغة أمك ليش ؟ هههههههه انا بتكلم لبناني مع العرب ولأنه بشتاق للماما كتير لما بحكي لبناني الله يخليها لك ويخليك يارب ، أنا حبيتك كتير مثل فيصل وأكثر وحابه نكون أصدقاء شو رأيك ابتسمت لها : لي الشرف حبيبتي تحمست وصرخت : ي سلااااام .. << باستني ع خدي وتحمرت خدودي من تصرفها المفاجىء طلعت البنت مجنونه حبتين 😂>> فيصل : إنت ع حيلك حبيبتي مش متعوده ع جنونك فتحت عيونها ع وسعها : وأنا عملت لها حاجه كلها بوسه بريئه ههههه ماتقارنها باللي << غمزت له وانا هنا ضعت طلعت البنت من عملته وهو كتم ضحكته لما شاف ردة فعلي خذت الماي وشفطته كله حسيت حلقي جف جفاف مو طبيعي .. هديل : ههههههههه طيب انا بتركون هلأ بس إلي طلب عندك هدوله ممكن آمري حبيبتي أنا ساكنه قريب من شقة فيصل بالشارع اللي بعديه وحابه تشرفيني بكره ناخذ راحتنا أكثر وأتقرب منك بعيد عن هالنحيس مابدي يزعجنا مثل هلأ بغرور سحب ايدي وضمه ع صدره: آسف هديل ماتروح مكان من غيري سمر سحبتني من يدي الثانيه: إنت إطلع منها البنت حرّه مو ملك لإلك رد خذني : إنت اللي إطلعي منها خذت ايدي منه : أكتبي لي عنوانك وإن شاءالله أجيك صفقت بحماس : واااو .. عطيني رقمك أرسل العنوان ماعندي رقم دولي شوووو .. ماطلعت إلا رقم كيف هيك نسيت إن شاءالله يكون معها الليله سمر طلعت ورقة وقلم وكتبت العنوان فيه : هذا هو العنوان وإذا منعك النحيس او رفض يجيبك عندك العنوان تعالي بتكسي إبتسمت لها : إن شاءالله حبيبتي بكره الليل انا عندك لاتحاتين سلمنا ع بعض ومادلين بس صافحتني استغربت تصرفها وطول الجلسه كانت ساكته وبس تتفحصني!! بعد مامشوا فيصل : وش رايك بصديقاتي سمر عسل سبحانه تدخل القلب بسرعه بس مادلين مدري أحس متحفظه فيها شي ماأقدر أحكم عليها كذا يغير السالفه ؟ نكمل سياحتنا إلا إنت ماعندك أصدقاء غير الإناث هههههههههه ومن قال عندي سمر ومادلين وإلين وكارولين وماري امممم بعد من نسيت تركت ايده : وجع كل هالبنات في حياتك ليش مافيه بالدنيا ذكووور ولا مايعجبك غير رفقة البنات كاتم ضحكته: وش أسوي في زيني اللي جمع كل هالبنات حولي وأسس علاقاتي مااالت ولا مالت وع زينك << مشيت عنه >> وهو ظل واقف يضحك بصوت عالي ولحقني ولما قرب مني همس لي : يعني نستبشر خير ع بداية الغيره حذفته؛ لاتحلم صار يضحك بصوت عالي ويتوعد والكل صار يناظر فينا وتلفت وانا تفشلت ي حب الإنجليز للمواقف ذي 😬 قضيناها تفسح وبعد المغرب تعشينا وبعده رحنا السوق حبيت أخذ هديه لزيارتي بكره ومرينا السوبر ماركت قضينا للشقه وبعده خذ لي رقم وإنبسطت عليه لأنه أخيراً بكلم جدي وأول ماركبنا السياره إتصلت عليه من دون ماأقول لفيصل او أعطيه مجال للنقاش بالأمر هذا لأنه متوقعه بيطلع لي اعذار مثل قبل وصلني الصوت اللي رد للجسد روحها : السلام عليكم وعليكم السلام حي هالصوت وراعيه وانا بعد هالصوت حييت ي بعد حيّي كيفك طمني عليك طيب ولله الحمد إنت بشريني عنكم وع سفرتكم مبسوطين ومرتاحين ولا اضم جوالي وكأنه أضمه هو : حنا بخير ومبسوطين الحمدلله ناقصنا وجودكم معنا السفره الجايه معكم إن شاءالله إن شاءالله جدتي جنبك ودي أسمع صوتها ولهت عليه إيه خذيها وصلني صوتها: ي بري حالك ي بعد كل غالي شلونك يمه تبكي: ي جعلني فدا هالصوت وراعيته يمه انا بخير ي جعلك بخير إنت طمنيني عنك وكيف فيصل معك يعاملك زين ولا ناظرته وابتسمت : أنا طيبه وفيصل زين جزاه الجنه مو مقصر معي بشي ويعاملني زين الحمدلله الجده : الحمدلله ، الله يسعدكم ويهنيكم يمه .. سألتك بالله إنتوا بخير مرتاحين علاجاتكم تاخذونها بالوقت آفا عليك بيت ولدي ومانرتاح فيه وعلاجاتنا ناخذها بوقت لاتحاتين ولاتفكرين فينا عليك بنفسك يمه إنبسطي مع زوجك ولاتفكرين كثير إن شاءالله ، الله يحفظكم لي ولا يحرمني منكم يمه عطي جوالك لزوجك جدك يباه . مديت الجوال له وكان وجهه مكتم مدري وش فيه كان قبل وش زينه : هلا والله بالغالي كيف حالك وكيف صحتك ..<< ناظرني >> تطمن هديل بعيوني لاتوصي حريص .. صوتها لا والله ماصار شي يمكن صوتها من التعب لا لا لاتحاتي والله انها بعيوني تطمن .. هاا أكيد لا مو ناسي الأمانة انا وعدتك أجيبها لك ماراح أنسى ها .. << عض ع شفته وضغط ع الدريكسون>> أعتذر ولو فيه أكبر من العذر ي جدي سبقته لك .. بتثبت لك الأيام صدق كلامي ونيتها وانه خوفك هذا ماله داعي وانا عند كلامي ووعدي .. في حفظ الله سلم ع اللي يعز عليك ي الغالي .. مد لي الجوال من دون مايناظرني واستغربت تصرفه سكت لكن ماقدرت أكثر من كذا : وش فيك ؟ يناظر في الطريق وهدوء عكس ملامحه : مافيني شي إلتفت له كلي : إلا فيك ، وضعك غريب نفس وضعه : عادي لا مو عادي قبل شوي غير واللحين غير مارد علي لكن لاحظ شد بقبضة يده وانا ظليت ع عنادي الا اعرف : ليش ساكت تكلم وش فيك متغير جدي فيه شي قال لك شي ولا صح انت متغير من قبل اعطيك جدي تكلم قل وش فيك ضرب بريك قوي إرتعت من قو الصوت والتفت لي بغضب مكبوت : وش تبيني أقول اللي غير حالك لحال ثاني غمض عيونه استغفر ثم نزل من السياره نزلت وراه ومن دون مايلتفت وراه : هديل أنا ماابي أضايقك ولا أخلف بوعدي لجدي << إلتفت لي >> وتكلمت قبل يكمل كلامه : وانا وش سويت حتى خايف تخلف بوعدك عَصّب : أدري إنك رافضه السفره من البدايه وإنك جيتي غصب عنك ولو الخيار لك أبتعدتي للأبد عني وأدري انه ماهمك حد كثر جدي بس كذبي عليّ وع اللي يهمك أمرهم إنك ع الأقل مهتمه بالزواج هذا ليش ماتبين تساعديني ليش كل همك جدي وجدتي وصحتهم ليش كل ماسويت شي قابلتيه بالصد أنا .. قاطعته بعصبيه مماثلة : إنت إيييش ها إنت إيش ايه انت ولا شي أنا جيت هنا غصب عني والسبب انت وأنانيتك مسكتني باليد اللي توجعني ولعبت بعقل جدي وتركته يرسلني معك ويبعد عني ويتركني لك جاي تقول لي أكذب وأمثل ليه وش نستفيد ماأنا كنت أمثل وأكتب ست شهور بحالها وكنا بخير ومرتاحين ومتفقين وش تغير؟ اللي تغير انه انت استكثرت علي راحتي وقلت لا ذي لازم أقهرها مايصير هي ترتاح وانا أعيش بقهر لانه غصبوني عليها آخذها وأبعدها عن اللي تحبهم << دمعت عيوني ومسحتها بسرعه من القهر >> ماأنكر انك تحاول تسعدني حالياً لكن دائماً أفكر وش المقابل وماتتكلم فرحتي من خوفي أنتظر صدمتك مقابل السعاده اللي تعطيني آياها .. أنا أكرهك وأكره دموعي اللي دايم تضعفني قدامك وأكره وجودي معك وأكره خوفي وحاجة الأمان أكرهك فيصل انت ماتركت لك داخلي الا هالشعور للأسف << حسبت نفسي وصلت حدها ببكي خلاص ورجعت السياره وضميت وجهي بين كفوفي وبكيت >> ومضه : " سيبردُ كلّ جرحٍ.. فاطمئنّي 💔" |
رد: خيوط الألم تنبعث منها أمل ( مساحتي الخاصة
هديل الله يبارك لك و يسعد ...
متابعة لك من اول كلمة لاخرها... بس سؤالي أكرره دوم و ما جاوبتيني ، أحس ان جزء من القصة واقعي مخلوط بإبداع فكري فهل كلامي في محله ؟؟!! |
| الساعة الآن 03:31 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©