|
رد: اختي اخطأت باللعب ب العاب محرمه مستجد 62
اقتباس:
صعبه نقول لااحد اخواني والله نجتهد معها واحنا استعنا بمستشار كويس مرره وصارت امي تشغل البقره وتاخذها دروس دينيه |
رد: اختي اخطأت باللعب ب العاب محرمه مستجد 62
اقتباس:
ياعمري كانت تعاني ثلاث او اربع اشهر لحالها لكن الحمدلله انه لحقنا عليها ويقويك خالتي الغاليه |
رد: اختي اخطأت باللعب ب العاب محرمه مستجد 62
اقتباس:
قلته لها بس اوقات تخوني الكلمات والحروف باذن الله ارجع اقول لها نفس كلامك تبين الحد ريماس حتى انا خفت بسم الله الرحمن الرحيم ومن اختي علمتني والقران شغال ببيتي |
رد: اختي اخطأت باللعب ب العاب محرمه مستجد 62
ياقلبي عليها الله يحفظها بحفظه ويكفيها شرهم ، أحزنتني حيل الله
يعينكم ويفرج همكم ، من قريت موضوعك جاني رعب في الليل وشلون هالصغيرونه بس ماعليك شده وتعدي بإذن الله . |
رد: اختي اخطأت باللعب ب العاب محرمه مستجد 62
نسال الله ان يحفظ لك ابنك واختك اختي الفاضله
فكره المستشار النفسي والرقيه امران يكملان بعضهما ودورك مع امك مهم جدا في استكمال مايؤسسه المستشار في الجلسات لازاله تلك الترسبات الذهنيه من تفكيرها الباطن عبر المداومه على وجود الرقيه في البيت نسال الله ان يجعل لكم من كل هم فرجا ومن كل ضيق مخرجا |
رد: اختي اخطأت باللعب ب العاب محرمه مستجد 62
اقتباس:
|
رد: اختي اخطأت باللعب ب العاب محرمه مستجد 62
اقتباس:
والله اني اجتهدت معاها وامي تدخلها ريحني وشال عني حمل كبير نستعين بالله ثم بالاستشاري جزاك الله خيرا |
رد: اختي اخطأت باللعب ب العاب محرمه مستجد 62
[QUOTE=ملكة الآحساآآس;3353069]الله يسعدك نيسان
صعبه نقول لااحد اخواني الأفضل أن تخبروهم بما حصل فحتما سيعرفون عاجلًا أم آجلًا .. قصة أختك ذكرتني بالأنميات اليابانية بعضها تعتمد على لعبة استحضار الجن وبمفهومهم " الأرواح " كنت أظن أنها خرافات ومن خزعبلاتهم إلى أن تفاجئت بقصة أختك شفاها الله * الصلاة والقرآن والأذكار والرقية دواء وشفاء بإذن الله فلتحافظ عليها ولا تتركوها عرضة لهم أو للوساويس .. رجاءً طمنينا عليها أول بأول حفظها الله من كل شر وجعلها قرة لأعينكم 😢❤️ |
رد: اختي اخطأت باللعب ب العاب محرمه مستجد 62
صباح الخير
حقكم علي اكتب المستجدات بالرغم اني اتعذب من كتابتها اختي مع الجلسات زاد البكاء عندها وصارت تتحسس انه نكرهها ومانحبها ونحب اخوي الصغير اكثر منها بالاجازه حاولنا نلتم حواليها بس طبعا الوالد سافر يومين بحكم اعماله ورجع طللعنا واتمشينا وغيرنا جو اكلنا برا تسوقنا انبسطنا بليله جاتني وانا عندهم وكنت مستقصده اسهر ابغاها تتكلم قبلها رحت نمت بسريرها وحصلت دفتر ذكريات لها غير الاساسي طبعا كاتبه كلام يبكي اكبر من عمرها عن الالم والندم والخوف جاتني وقالت عندي هم كبيير ساعديني اخذتها ومسكت يدها وهديتها وقلت مستعده اسمعك واساعدك كمان وبينت لها ان الانسان الي يغلط ويتمادى بالغلط هو الغلط والي يبحث عن حل معناته مو راضي عن الغلط قالت حملت لعبه بجهازي الايباد ومن ضمن مراحل اللعبه لازم ندخل احياء اعتقد فهمتوها اللعبه هاي دي واحنا نتكلم بالحي واحد قعد يسولف واعجبني كلامه وقال وش رايك نطلع بحي لحالنا وطلعوا وتمادت العلاقه وسوا لها حساب بالكيك وقال حمليه الله لا يوفقه ويجعله الموت يستاهل كبير مقارنه بعمر اختي طفله ضحك عليها واوهمها بالحب والبنت كانت محتاجة نتيجة اهمال اهلي تقول اذا جيت ابتعد عنه واروح لاامي احصل امي عالانستقرام او الواتس او طالعه واخواتي دراسه او جوال واخواني دراسه او طلعات والكبار متزوجين وكل واحد بمنطقه وانا حملي ثقيل ولدي يحتاجني كثييير غير حياتي الزوجيه الركيكه ودوامي المهم هي كسرت جهازها بشهر صفر بس تقول اشتاق له ولاهتمامه وبنفس الوقت كرهت نفسي اني سويت معاصي انا لما قالت لي اعتبرتها فضفضه ووجهتها بس قلبي تحامل عليها وزعلت وصرت اخاف تسوي شي اذا عمرها 13. وطلع منها كل هالبلاوي الله يهديها وش بتسوي بعدين تغيييرت تماما نحفت وكثيرة السرحان والبكاء وتعتقد انه نكرهها والله العظيم وقفت مشلوله حملي ثقيل ولدي الحين اراجع فيه لتحديد درجة التوحد وايجاد مشكلته تماما واخذ توصياتهم وتقريرهم واختي خايفه عليها وبيتي اهملته تماما وزوجي ايضا عالهامش يجمعنا نفس المكان وشكلي وكل شي وجهوني ايش الطريقة الصح كيف احميها وكيف اوعيها بدون مااكسر لها قلبها او اتعبها |
رد: اختي اخطأت باللعب ب العاب محرمه مستجد 62
رمت علي همها المسكينه
ودي اخذ رقمه وواعطيه الهيئة يصطاد البنات الصغيرات هالمره اختي نجت غيرها وش بتسوي |
رد: اختي اخطأت باللعب ب العاب محرمه مستجد 62
المشكلة في اختك مو في الرجال
يا تبحث عن البديل و شكلها تحتاج لاهتمام و حنان و رعاية او ترجع له لا سمح الله لو فصلتي الموضوع هذا بموضوع جديد حتى تلقي حلول و تفاعل اكثر |
رد: اختي اخطأت باللعب ب العاب محرمه مستجد 89
بوجه كلامي لك عنك انتي بالاوليا ملكة
حاولي تفصلي مهامك عن بعض ولا تخلطي أمورك ببعض . وقت لاختك يكون تفكيرك لها ووقت لولدك ووقت لزوجك وهذا شيء ضرورة حتمية مو خيار تجدي الاسباب عشان ما تسويه . انت مثلا الان عند اختك وكلمتيها وعطيتيها من تفكيرك ووقتك .فلما تروحي بيتك اعطي زوجك حقه من وقتك واهتمامك .. اعرف راح ينشغل بالك باختك حتى وانتي هناك ولهذا اكتب لك انا الان .. عشان تحطي الموضوع ببالك وتحرصي على وقت زوجك وتبعدي التفكير باختك وبولدك بوقته .. واستعيني على ذلك ب 1. ان تكلمي اختك وتعطيها مثلا ربع ساعة لمرتين باليوم . وهذا راح يقلل قلقلك عليها .. 2. حطي ببالك ايمانك بالله وحسن التوكل عليه سبحانه .. ترى ربنا اللي قادر يريحها ويفرج همها مو شطارتك ... بعد المكالمة استودعيها الله واثبتي له سبحانه انك فعلا عندك ثقة فيه .. بخصوص اختك .. اشوف لا تكبري الموضوع .. البنت غلطت وتابت عن غلطتها منها لحالها باذن الله .. وهذا احسبه لها نقطة كبيييرة .. وكبرت البنت بعيوني .. وانتي كمان عززيها .. وما راح تقدري تعززيها وانتي من داخلك اهتزت ثقتك فيها... لو انها لا زالت عالغلط افهمك .. لكني مو فاهمه ليه فقدتي ثقتك فيها في حين نجحت بامتحانها وكسرت شريحتها بيدها .. كونها تشتاق للحنان شيء طبيعي . هذا قلبها يشتاق لكن عقلها غلب قلبها الحمد لله ومثل ما قالت روح الطير البنت عندها مشكلة فراغ روحي عاطفي سبب بكل مشاكلها . لازم تنشغل بنشاط يعززها ويملا روحها ... ضروري تلتحق بدار قرءان . مافي مثل القرءان يملا الروح ومافي مثل صداقة رفيقة تحفيظ او معلمه تملا عاطفتها . وتنافس بالدار يعزز ثقتها بنفسها ويشغل وقتها . اذا استحال هذا الامر شوفي لها نشاط مدرسي.. كشافه . نادي علمي . اذا لا هذا ولا هذا خل اشترك بنادي رياضي تفرغ شحناتها فيه ويرفع معنوياتها . فضفضة واحتواء لحاله ما يكفي حبيبتي دورك انتي تعزيز .. تعزيز . تعزيز .. وتوجيه للتركيز بدينها ودراستها . |
رد: اختي اخطأت باللعب ب العاب محرمه مستجد 89
ملكه صاحب البالين كذاب ,,, فما بالش وانتي بالش في ولدش ونفسش وزوجش غير اختش ؟
كيف ومن وين تستمدين طاقه تساعدش على كبر المسؤليه مرة اخوي طفلها متوحد وحياتها شبه متوقفه فقط لولدها كل امكانياتها وقدراتهالولدها والحمدالله اخوي متفهم ويساعدها كثير ومتعاون فما بالش انتي الي محتاجه حد يوقف معاش ويسندش ويساعدش ويعطيش الحافز ! اختش اوقفي معاها بشكل مؤقت لين ما تجتاز ازمتها شوي بعدها لازم اهتمام الاهل ومداراتهم واهتمامهم لها .. امش وابوش محتاجين صفعه تفوقهم عشان يدارون وينتبهون حق عيالهم |
رد: اختي اخطأت باللعب ب العاب محرمه مستجد 62
اقتباس:
والله انشل تفكيري تماما |
رد: اختي اخطأت باللعب ب العاب محرمه مستجد 89
اقتباس:
يصحى ولدي الساعه اربعه الفجر وهو مانام الا وحده يعني نام اربع ساعات اصحى معاه اهتم فيه اراقبه اسوي له جلسات افطره الفطور ياخذ مني ساعتين الى ثلاث لين يخلص وجبة الافطار اخلص ارتب الحوسه فطور لزوجي مااسوي يركض بالبيت رايح جي وممكن ياذي نفسه بااي شي انا معاه اراقبه لانه مايفهم اي شي محتاحني بكل لحظه حتى لو ضرب بشي ويتالم مايعلمني وين الالم او ليه يبكي تغيير وملابس وغسيل ملابسه نخلص ناخذ قيلوله ساعه ويصحى يراااكض ويخرب ويسحب الاسلاك وانا معاه ركض حتى ماء مايطلبه الغداء مصييبه ياخذ مني اربع ساعات ونصف وممكن خمس انهلك كذا وينفذ صبري اخلص اغسل وانظفه وتبدا المعاناه العب معاه واشاركة عالمة الغريب المخيف مايخلص يومنا الا وحده الفجر وانا هلكانه استنفذت طاقتي وقدراتي وامكانيتي ماعاد طلعت زيارات للمعلوميه لازم يطلع مشوار يوميا ويركض ويطلع كل طاقته وانا ابذل جهدي كله مع دور الحماية من ابوه المتوحش معاه الي يندب حظه على انجابه متى اقدر اطبخ اكلنا وقهوتنا وغسيل ملابسنا لان غسيل ولدي له شامبوا خاص عشان تحسس جسمه كل جهدي لولدي طفل التوحد يذبح ويعور القلب اختي بسوي الي قلتي لي تصدقين انه مواصله من امس لما نام البارح جلست ارتب حوسته وكراكيبه لين الساعه سبعه صباحا لبسنا ورحنا مركزه للاسف وقفوا اختباره لانه يبكي ويبغى ينام وهو صاحي من اربع الفحر |
رد: اختي اخطأت باللعب ب العاب محرمه مستجد 89
اقتباس:
ملكه كذا راح تهلكين على الاقل جيبي خادمه تساعدش تحمل شوي عليش |
رد: اختي اخطأت باللعب ب العاب محرمه مستجد 89
انتظر ردك ملكة بخصوص سؤال كوكي عن الخادمه
اعذريني ما كنت فاهمه وضع ولدك تمام.. ظنيت بانك شاكه انه عنده توحد ولسه تراجعي وتفحصي عشان تتأكدي . بكل الاحوال زوجك مثله مثل كل الرجال .. مو عيب فيهم لكنها طبيعتهم اللي ربنا خلقها فيهم عشان يقدروا يقوموا بدورهم مثل حنية المراة وحجم صبرها ربنا جبلها عليه عشان تقدر تقوم بدورها وحتى ما تخسري زوجك وحتى ما يخسر ولدك ابوه حاولي حبيبتي تلاقي طريقة تقومي بواجب زوجك قدر الامكان والخادمة تساعدك كثير |
رد: اختي اخطأت باللعب ب العاب محرمه مستجد 89
اذن ظهر السبب الحقيقي لكل الموضوع ،،
عزيزتي ، خالة بيتا والاخت كوكي كلامهم ممتاز فاخذي به .. الجزء الاساسي للعناية باختك هم والديك وحتى لو حاولتي التعويض ماراح تتعوض لان اختك تحتاجهم هم ، تحاول لفت نظرهم هم فلابد من الجلوس مع والديك واطلاعهم على ماحصل لحتى والدتك تقلل فترات جلوسها على الهاتف ووالدك يتعلم التواصل اكثر مع اختك والا فتوقعي حصول الاسوء حتى بمداراتك المتواصلة لها ! ابنك ، ان توفر عاملة صحية لها خبرة بالتعامل مع اطفال التوحد فهالشي ممتاز وانصحك فيه لانها حتى بتعلمك و تعلم زوجك .. اما الخدم العاديين ماعتقد لهم القدرة على التعامل مع الطفل وممكن يسبب لك مشكلة |
رد: اختي اخطأت باللعب ب العاب محرمه مستجد 89
اقتباس:
عالعموم كلها اسبوع ويدخل مركز او حضانه حسب التوصيات الي راح يطلعها لنا مركز الابحاث واكيد راح ارتاح كثير |
رد: اختي اخطأت باللعب ب العاب محرمه مستجد 89
اقتباس:
فكرت كثيير اجيب خادمة بس متخوفه منها احيب خادمات بالساعات يسوون تنظيف عميق للبيت والله احاول اجتهد واقدم له بعض الواجبات مو كلها وان يمر ايام مااطبخ وحتى اسابيع لان وقتي لولدي وانا بالمستشفى حصلت اطفال توحديين بس كلهم مع مربياتهم ولا ام شفت الا ثنتين والباقي مربيات يعني الى هالدرجة هالفئة متعبه قلت لزوجي لو لاحظت كلهم مربيات حتى الامهات الي جايين معاهم مربيات لعيالهم احس ظلمت نفسي بس ان شاء الله يقدر زوجي هالشي |
رد: اختي اخطأت باللعب ب العاب محرمه مستجد 89
اقتباس:
كلمتهم وحثثتهم بالاهتمام بها الله يمدني بالصبر ويعييني |
| الساعة الآن 02:58 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©