|
رد: طرد زوجي لي من منزلي للضغط علي للسكن عند
اخت براءه كلامج صحيح
يترك المشكلة الأساسيه ويقعد يوم كامل مشكلتنا ليش مارديتي ؟؟ سويت هذي الطريقه اللي تفضلتي فيها ورديت ب ثقل وللأسف ماغيرت شي بالعكس صار سبب جديد لزعل انتي نكديه وشايفه نفسج |
رد: طرد زوجي لي من منزلي للضغط علي للسكن عند
لا تشدي على طول شدي وأرخي شويه او اذا شد انت ارخي
وخليك فراشه سجادتك وأدعي بكل خير لا تدعي بالشر وأدعي الله بتسخيره لك ولا يقدمك لشر ولا يواخرك عن خير |
رد: طرد زوجي لي من منزلي للضغط علي للسكن عند
ياربي تعبانه نفسيا
ماأصدق اشكثر يحب أولاده وزوجته و تاركهم يطبخون بالحر وأهوا نايم في شقتنا ومتهني ماراعا ظروف عياله يوم واحد بس !!!! شنو هالعنااااد اللي يهد جبال يارب رحمتك ..... الطلاق مافي اسهل منه بس الاطفال المساكين ضحيه دايما ((((((((((( فضفضه ))))))))))) |
رد: طرد زوجي لي من منزلي للضغط علي للسكن عند
اقتباس:
طنشي هم كذا انا زوجي يقولي ما تشوفين ظلك واخرتها وصلني لداء العظمة !! واني بستقل بنفسي وبستقوي عليه !!! وكلام يسم البدن واذا هدى قال كنت معصب وانت السبب تنرفزيني لين اخر شيء ا سرت اطننش مسباته وقوله ارجع لمشكلتنا لا تغير الموضوع ! |
رد: طرد زوجي لي من منزلي للضغط علي للسكن عند
على فكرة يمكن زوجك يتصل ويراسل
عشان يتأكد انكم طبين وبخير فيريح ضميره شوي لان بقرارة نفسه يمكن حاس انه غلطان ! انا زوجي اعرفه من هذا الاسلوب اذا كثف اتصالات اعرف انه محزنه حالي حتى لو هو يبغى كذا فهمتي ؟؟ تتوقعين زوجك كذا ؟ |
رد: طرد زوجي لي من منزلي للضغط علي للسكن عند
ماشاء الله عليج براءه
فاهمتهم اهوا يتصل للإطمئنان ويريح ضميره المثقل بس وبعدين ؟؟؟؟؟؟ خلي الضمير يتعذب ليما يصحا استغفر الله |
رد: طرد زوجي لي من منزلي للضغط علي للسكن عند
بس هالاتصالات بعد ما وضحتي موقفك
ردي شوفي وش يبي. |
رد: طرد زوجي لي من منزلي للضغط علي للسكن عند
اقتباس:
اجل خلي ردودك مقتضبة .. انا الاسلوب اللي اذا قلته زوجي يعرف اني وصلت نهايتي هذا بعدها يمكن انفجر واقوله مقولتي المشهورة ربي ما خلقني عشان اضغط على نفسي واعيش دا العذاب ..طلقنيnhg وروح اتجوز وحده ثانية وانا ربي يرزقني باللي يحترمنيnhg مثلا كيف حالكم ؟ ماشي الحال ! كيف وضعكم ؟ زي منتا عارف ايشبك كذا تتكلمين ؟ مافيني شيء طيب وبعدين ؟ ولا شيء تبغى مني حاجة لاني مشغولة ! مشغولة بايش ؟ بس كذا مشغولة الخ واذا طلبني نخرج اكون على الصااااامت ونهاييا ما ارضاه يمسكني او حتى يمسك يدي ! hgh لين يناقشني مزبوط ونوصل لحل للوضع لان هذا النوع من الراجل يبغى يزعل وماا يبغاك تزعلين ! وما يحبون الجو المشحون يبغاك راضية ومبتسمه حتى لو هو يعنني زعلان منك كأنه يببغاك مقتنة اننك قاعدة تاخذين عقاب عشان تتأدبين!!! و اذا رضى و لا اعتذر يبغاك تبرمجين نفسك سريع وترضين وتقلبين نفسك ارقوز لعيونه ! ولا طلعتي انتي صاحبة القلب الاسود والنكدية واللي ماا تحترمين زوجك! قلتلك الاسلوب اللي اتبعه وشفته ناجح مع زوجي يمكن يفيدك واستخيري قبل اي خطوة وربي يحننه عليكم |
رد: طرد زوجي لي من منزلي للضغط علي للسكن عند
انا والله مستغربة من اهلك عزيزتي
ما شرشحوه على الوضع و كلموه بشكل واااضح و صريح بلا لعب العيال هذا. |
رد: طرد زوجي لي من منزلي للضغط علي للسكن عند
اتوقع يمشي مع زوجك اسلوب المراوغه والتسليك ..يعني تطيرينه بالسماء ب أبشر وسم وعلى امرك واذا علق على شي مايحبه قولي خلاص كنسلناه ..وانتي من جنبها وسوي اللي براسك بدهاء،،جيبي كل شي لصالحك وبيني روحك المطيعه اللي ماتحب تخالف زوجها بالكلام فقط..حتى الدول ماشيه على التسليك والسياسه 😅😅😅
|
رد: طرد زوجي لي من منزلي للضغط علي للسكن عند
أحيي فيج مرونتج ورغبتج الصادقة بإصلاح الأمور ..
ربي يهدي زوجج ويريح بالج وغن شاء الله ترجع العلاقات بأفضل مما كانت .. مثل ماقالت زهرة الجاردينيا .. أعرفي كيف تتعاملين مع زوجج بطريقة ماتبخصج حقج .. |
رد: طرد زوجي لي من منزلي للضغط علي للسكن عند
على فكرة روح ..
بذكر لج موقف صديقتي .. قبل اسبوعين تقريبا أو يمكن أقل .. عشان تعرفين إن فيه ناس مروا بنفس موقفج : صديقتي هاذي أول زواجها سكنت ببيت أهل زوجها .. بغرفتين وحمام بداخل البيت نفسه، يعني تدخل من بابهم وتمر بصالتهم وتستخدم درجهم وباب غرفتها يطل على الصالة اللي بثاني دور .. كانت جدا مستاءة لأنها تبي بعض الخصوصية .. تقول لو ترجع من السوق يعرفون إنها راحت السوق .. لو زوجها يشتري من مطعم لازم يحسب حسابهم لأن عيب يشوفونه داخل بالكيس ومايعزمهم .. وأهلها ينحرجون يزورونها .. وغيره الكثير من فقدان الخصوصية .. بعد كم سنة ربي وفقهم وطلعوا بشقة وهي تساعدت مع زوجها بالايجار والمصاريف .. انضغطوا ماديا لكنها ارتاحت نفسيا لآخر درجة .. وبعد سنوات من الاستقلال والراحة زوجها فجأة قرر يرجع بيت أهله .. جلس معاها وشرح لها ظروفه وإن الضغط المادي مسبب له أزمة وإنه خلاص قرر ومافيه رجعه.. وبما أن ملحقهم خلاص أخوه قعد فيه .. واساسا صغير مايكفيهم ولا فيه مطبخ .. راح يبني ملحق فوق السطح .. يعني ثالث دور .. هي زعلت كثير وقالت حاولت معاه ومافيه فايدة هو مقرر وخالص ومافي أذنه ماي ولا بيتراجع أبدا .. بنى القسم اللي لهم واختار الأرضيات والحمامات والمطبخ وهي ما اختارت معاه .. كلما سألها قالت كيفك حط اللي تبيه .. وانتقلوا في وقت قياسي وألحين المسكينة نفسيتها متعبة من التغيير الجذري بحياتها .. وتقول أرضية المطبخ ماتناسب خزاين المطبخ .. وأرضية الغرف رمادية مب حلوة .. قلت لها لو إنج مطيبة الخاطر ورضيتي بما كتبه الله لج .. ورحتي مع زوجج برضا وأخترتي اللي تحبينه كان أفضل من الزعل اللي زعلتيه . وبعدين صاحبتي وجودها في بيت أهل زوجه افيه ايجابيات .. ليش الواحد يركز على السلبيات وينسى الايجابيات ؟ أولا ماديا راح يرتاحون .. وهي من زمان ودها تسافر وعشان المادة مايقدرون .. لو ابن لها مرض أو أثناء اجازة المدرسة تقدر تخليه بالبيت وتروح العمل وهي مطمئنة عليه بيكون عند جدته وأهله .. ترجع من شغلها تلاقى غداها هي وزوجها وعيالها جاهز مايحتاج ترجع من العمل تعبانة وتدخل المطبخ تطبخ .. والكثير من الايجابيات .. يكفي إن زوجها بيكون مرتاح نفسيا .. واحنا كلنا نعرف كيف نفسية الرجل تاثر على حياته الزوجية بشكل عام .. آخر يومين شوي تحسنت نفسية صديقتي وتقبلت واقعها وتاقلمت مع وضعها الجديد .. وإن شاء الله يطلع لهم بيت حكومي قريب .. |
رد: طرد زوجي لي من منزلي للضغط علي للسكن عند
براءه جربت طريقة الاقتضاب بالردود
بس مااستقدت غير ان يمسكها على سنتين جدام ويروح عند أهله ويقول هذي بس تزعل ونفسيه زين فكر اشوي ليش صرت نفسيه اكيد من شدة الظلم اللي وقع !!! |
رد: طرد زوجي لي من منزلي للضغط علي للسكن عند
زهرة الكاردينيا
اعترف اُسلوب المراوغه عمري ماجربته وماعندي دهاء نهائيا ولا كيد وااااااضحه وصريحه ماأعرف اسلوب السياسه والمراوغه اللي عندها طرق تعطيني. بس من داخلي أكره هالتعامل ماعرف ألف وأدور تصدقين وانا اكتب تذكرت مره زوجي قالي مع السوالف اذا كان عندك حاجه عند الكلب قوله ياسيدي اكره هالقناعه ماأحب فا إي نعم المراوغه ماجربتها ماأعرف 😭 |
رد: طرد زوجي لي من منزلي للضغط علي للسكن عند
مسز داني اهلي داااايما يتدخلوووون بس ماكو فايده ومو ساكتين الا انهم خايفين يتدخلون ويخربوووون الزواج بس الحين احس في تغيير فيهم
وانا بديت اخاف بصراحه ان يجبروني على الطلاق عن طريق الضغط لأَنِّي شفتهم مجتمعين ذاك اليوم بالديوانيه في غير يوم جمعتهم ووصلني كلام ان مو عاجبهم الوضع وممكن راح يتصرفون وكلمت اخوي اجس النبض قالي ليش ماتتطلقين وتاخذين أحسن منه !!!!!!!! سكت ماعرفت شنو أرد ؟؟؟؟ وقالي اذا رفض نسوي خلع 😳😳😳😳😳 |
رد: طرد زوجي لي من منزلي للضغط علي للسكن عند
مريم حبيبتي مشكوره على كلامج اللي انتي كاتبته
وايد ريحيني وأحس نفسي مقهورة من نفسي ليش ست شهور ماعرفت ازعل نفس الحريم أسكر جوالي وماأخليه يشوفني ولايطلع معااااي كنت لا عادي يدق أرد يسولف ويضحك ويقول احلا كلمات الحب والرومانسيه ويوميا عياله يروحون سوبر ماركت معاه وألعاب ويكلمنا مكالمة فيديو على طووول صج طول هالست أشهر انا عمري ماأتصلت!! اهوا اللي كان يتصل يعني اقصا زعل عندي اني كنت ماأتصل بس استقبل مكالماته كل يوم دوام وترك يمر دوامي بس عشان يطرش لي يا قهوه من ستار بوكس او آيس كريم او اي شي احبه كل يوم وترك يوصله ليما دوامي ولما نطلع يعشينا بأغلا المطاعم ( يحب اي مكان جديد اول من يدخله زوجته وعياله ) ويشتري لي كل اللي ابيه ولما افتح موضوع الرده اهوا اللي يلف ويدورور ويقول لي لما تقبلين بشروطي !!!! ست شهور بينت له ان مهما تفعل ماراح اقبل بشروطك بس أمس لما وافقت بس عشان ابي هالاطفال يرتاحون يقولي ماأضمن ... تعبت نفسيا وأرهقت صعب صعب |
رد: طرد زوجي لي من منزلي للضغط علي للسكن عند
خواتي أحب ابين ملاحظه ان زوجي يقولي وقت الغضب ان الكل يدري اني طاردج من البيت لانج عنيده وقويه ولازم اكسرج
"لازم أكسرج" طول هالست شهور اهوا يردد هالعباره لما يعصب وانا مصدقه ان أهله يدرون ان طاردنا من البيت عشان يربيني ويأدبني الملاحظة الثانيه اللي أحب اذكرها من خلال تعاملي بالحياه اي شخصية رجل مشااااابهه لـ زوجي يشوفني قويه جدا وينزعجون من هذا الشئ ليش لان هذا النوع من الشخصيات يعتبر الوضوح خلق الرجال مو النساء ( وزوجي منهم ) وان المرأه لازم ماتكون واضحه وصريحه بطلب حقوقها لازم تلف وتدور وتطبق المثل الخليجي "أتمسكن ليما أتمكن " خواتي انا فعلا شخصيتي قويه ، بس مو قوة رجل يعني انا ناعمة وهاديه ... بس واضحه وقويه عند طلب حقوقي (((((((( فضفضه )))))))))) |
رد: طرد زوجي لي من منزلي للضغط علي للسكن عند
أيه صح هاذي غلطتج ..
كان المفروض تبينين له زعلج .. مايصير يطردج وإنتي عادي عندج ماعطته حقه وتضحكين معاه وتطلعين معاه .. المهم اللي راح راح .. آخر موقف بينكم فرصة لأنج تبينين له إنج تعبتي من هالوضع وإنج ماترضين لنفسج أكثر .. كلميه ووضحيله إنه لا يتصل فيج مرة ثانية وإذا يبي شي يخص اليهال يرسل لج مسج .. |
رد: طرد زوجي لي من منزلي للضغط علي للسكن عند
الزوج مايحب الزوجة القوية ..
بس الصراحة أحيانا الزوج بتصرفاته هو اللي يخلي المرة تصير قوية .. وإلا بينهضم حقها .. أنا أأيد قوة الزوجة .. لكن بنفس الوقت ماتبين له إنها أقوى منه وإن اللي تبيه يصير غصبا عنه .. لازم يكون عندج ذكاء ومكر .. شنسوي .. هم يجبرونا نصير جذي .. وإلا إحنا ودنا بالطيبة والوضوح والقلب الأبيض .. |
رد: طرد زوجي لي من منزلي للضغط علي للسكن عند
انا ثابته على موقفي وماراح ارد على الاتصالات ليما يعدل الوضع هذا
|
رد: طرد زوجي لي من منزلي للضغط علي للسكن عند
من حقك تزعلين
ازعلي عليه انه راميك وعيالك عند اهلك وبيني ان هذا من حقي ومن شروطي وحرام تخلفه تناقشي معه وان ماجاب نتيجه خلاص سكري كل وسيلة تواصل معه وخليه يحس بفقدك وادعي ربك بكل سجود انه يسخره لك ويوافق على شرطك وان شاف الجد منك بيحرص يحلها باذن الله |
رد: طرد زوجي لي من منزلي للضغط علي للسكن عند
مشكوره اختي عذاري على الرد
هذا اللي بديت اسويه من امس |
رد: طرد زوجي لي من منزلي للضغط علي للسكن عند
استمري خليه يفقدك لان اول موخسران حرمة تجيها وقت مايبغاها وبعدين يطرها
الله يصلحه يارب |
رد: طرد زوجي لي من منزلي للضغط علي للسكن عند
أبلغي اهلك بقرارك
و قولي انك لا تريدين الطلاق فقط الاحترام منه و الموقف الثابت هل غيرتي رأيك انه احتمال تروحين بيت اهله؟ |
رد: طرد زوجي لي من منزلي للضغط علي للسكن عند
اي بلغتهم ب قراري بس ماادري احس سكوتهم الهدوء ماقبل العاصفه
|
رد: طرد زوجي لي من منزلي للضغط علي للسكن عند
لا لا يا اختي، لا تقطعي الاتصال، لو تقطعي أنت الاتصال ويقطع هو الاتصال ممكن يوقع اللي هو أسوأ، ادعي الله أن يسخر لك زوجك ويحن عليك ويرجع إلى الوفاء بوعده
|
رد: طرد زوجي لي من منزلي للضغط علي للسكن عند
نفس ماتوقعت اليوم كلمنى اخوي وقالي اذا ماتعدل هذا الوضع راح نجبره يطلق
ماعندي رغبه الامور تكبر بديت احس اني مضغوطه نفسيا |
رد: طرد زوجي لي من منزلي للضغط علي للسكن عند
وشنو الحل اخ Nabil
احس انه قاعد يلف حبل حوالين زواجنا استغفر الله |
رد: طرد زوجي لي من منزلي للضغط علي للسكن عند
قولي لزوجج عن كلام اخوج
|
رد: طرد زوجي لي من منزلي للضغط علي للسكن عند
زين ابيها
مشكوره اي انا ناويه ابلغه ان شاء الله بس نفسيتي بدت تتعب الحين 😞 ارجو منكم دعوه صالحه لا اله الا انت سبحانك أني كنت من الظالمين |
رد: طرد زوجي لي من منزلي للضغط علي للسكن عند
احس الرجال يعرفون للرجال
قولي لزوجك الموضوع طلع من يدي تفاهم مع اخواني ! ومستحيل اخوانك يجبرونه يطلق اذا شافوه فعلا متمسك فيك ومتأدب . حيكون درس قاسي لزوجك وتشوفين ثمرته باذن الله الله يريح بالك و يلم شملكم على خير وتكون اخر المشاكل وكلي امرك لله و ريحي بالك دام عنك اخوان ينشد فيهم الظهر |
رد: طرد زوجي لي من منزلي للضغط علي للسكن عند
قولي لاخوك قرار الطلاق بالخلع يخصني وحدي ولااسمح لك ولااحللك تقول لزوجي على لساني هذا الكلام
انا ماابي الخلع ولاالطلاق ابي تنحل الامور بسبام وارسلي رساله لزوجك انا ابيك وشاريه حياتي معي لكن ابي الاستقلال بحياتي وهذا من حقي الي حفظه لي ربي واهلك على عيني وراسي لكن كلن له حياته المستقله خلاص انت رجال ابو عائله مسؤول عنها واهلك بر فيهم وهم بمكانهم |
رد: طرد زوجي لي من منزلي للضغط علي للسكن عند
يا خواتي وأخواني انا وضحت ان سبب عدم ردي على اتصالاته منذ الامس
اني يوم السبت بلغته أني وافقت على شرطه وهو السكن في منزل أهله ارغب بالتضحيه من اجل أبنائي بس هم مو مااقتنع اني صااااادقه ويماطل بعودتي للبيت يرغب ب مزيد من الاذلال والانكسار ليش معظم الرجال اذا غضب يستخدم ابنائه وسيلة ابتزاز !!!! وورقه لضغط على الزوجه |
رد: طرد زوجي لي من منزلي للضغط علي للسكن عند
عذاري
الأمور اذا تدخلوا فيها الكبار صعب اني أقول ماأحلل الخلع او الطلاق احس صعبه أقول لهم جذي والله استحي |
رد: طرد زوجي لي من منزلي للضغط علي للسكن عند
براءه
الله يسمع منج يارب |
رد: طرد زوجي لي من منزلي للضغط علي للسكن عند
أغلب الظن أن هذا الزوج الله يهدينا ويهديه يريد الطلاق بصفة غير مباشرة أو يمهد له أ رجوا ان يخيب ظني وربي يوفقك واياه لما يحبه ويرضاه |
رد: طرد زوجي لي من منزلي للضغط علي للسكن عند
( الغريب الجزائري )
ليش يمهد لـ طلاق يطلق بكل سهوله ولايحتاج مقدمات ولا تمهيدات ؟؟؟؟ وانا بفترة من الفترات زعلنا طالبته بالطلاق بس مارضا والله احترت |
رد: طرد زوجي لي من منزلي للضغط علي للسكن عند
لا حبيبي روح زوجج لو يبي يطلق وقاعد يماطل چان طلق من زمان
نعم قولي حق اهلج ان هالشيء يخصج بروحج وان ما تبينهم يقررون عنج موضوع الطلاق هذا قرار مصيري يخصج ويخص عيالج بروحج انتي تقررينه لا تخلين عيالج ضحايا حق قرارات غيرج |
رد: طرد زوجي لي من منزلي للضغط علي للسكن عند
زين أبيها
والله كلام الاخ غريب اثار قلقي معقوله يمهد لطلاق وانا غاااافله ؟! من داخلي أقول لأ بس اعتقد الرجال يفهمون بعض |
رد: طرد زوجي لي من منزلي للضغط علي للسكن عند
اليوم ماوقف اتصالات
معقوله يبي الطلاق ؟ |
| الساعة الآن 12:57 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©