رد : صفعني
 

والله يابشرى استحيت من خليفه يقولي شفيه ويهج متغير اقوله لا حبيبي بس نسيت اخلص للبجكارات واوديهن يخلصن امورهن قالي بس جي الحين ادق حق ابويه يطرش دريول المزرعه وانا بوديهن يخلصن .

انا مخلصه لهن بس تعذرتله جي عشان مايحس بالسالفه

رد : صفعني
 

للأسف أنتِ مغيّبة عن الواقع تمامًا

ياخوفي بكرى تصحين وتعرفين إنك ضحية نصب وإحتيال سالم وخاله

لاتستبعدين أي شي وتاخذك الثقة لغير محلها

الضرب في وقت حساس مثل الملكة يخلي قدامك مليون علامة إستفهام وتعجب

انتبهي لنفسك لاتندمين وياحلاة الثوب منه وفيه

تاخذين اماراتي منك وفيك وعارف عاداتكم وتقاليدكم مو رجل جالسة تهتمين فيه وتشترين

على حساب وقتك وجهدك

مافيه شي اسمه حب قبل الزواج سميه اللي تبين حب إعجاب حب تقضية فراغ حب جنسي حب مال

وهذا اللي أشوفه الحين سالم ع قد حاله وطاح ع كنز بيحاول يصبر لين يدخل عليك وويطلع المعدن الحقيقي

صحيح مااجزم انه ممكن يكون كذا لكن تصرفاته معك اللي نقرأها منك تدل على كذا

انتبهي لنفسك حسافة والله شبابك يروح لشخص استغلالي

أقل شي تسوينه تعزين نفسك عنه وماتخلين مسألة الضرب تعدي بسهولة

تحطين حدود لك ماتتعدينها لاتصرفين عليه خليه يعيش مثل كل رجال العالم اللي بيتزوجون هو اللي يتعب ويبذل

وانتِ معززة مكرمة في بيتك تهتمين بنفسك للعرس ولاتعطينه اي مبالغ مالية للمساعدة ع الاقل في البداية

أنا خفت منه عليك والله الدنيا مالها امان واكبر دليل ابوك واخوانك شوفيهم كيف يسألونك تبينه صدق ؟ موافقه عليه ؟

لانهم شايفين الموضوع بدائرة اكبر من اللي انتِ شايفتها

من الأخير .. إنتِ هدفك العيال ومو شي خطأ خلي كل إهتمامك تنجبين عيال لك وانتبهي تصرفين اكثر عليه

الله يكفيك من فيه شر ويوفقك

رد : صفعني
 

رد : صفعني
 

شكلج ماتعرفين الفرق بين الابو والزوج !!يبيلج دورات !!


واذا ماعندج القدره لخوض غمار الحياه الزوجيه .. فجي عن الريال وخل يرد لمرته !!!
شكلكم ماتصلحون لبعض!!


هاذي احد تحليلاتي الواقعيه !!

رد : صفعني
 

محشوم يعني لك الحشيمه .. ممم بالمصري لك الحشيمه يااخويا

رد : صفعني
 

وقت اللي اقرر انا مايصلحلي وقتها بفج

رد : صفعني
 

طلعيلي كلمه وحده شتمت فيها ..

رد : صفعني
 

الغاليه انا ماابيع اللي بينا بسبب طراق .. بتخذ موقف صحيح ان شالله حتى لو صار بينا ياهل وماتفاهمنا يروح في حاله الله يوفقه

رد : صفعني
 

عفوا اختي الكريمة روضه
لم انت هنا بهذا الموضوع في الوقت الراهن؟
ومالذي تنتظرينه؟
هل يساعدك تواجدك هنا؟

رد : صفعني
 

كسرت خاطري ياعم
هفسرهالك انا

يعني لك الكرامه والقدر الكبير اللي مش ممكن يتآلك الكلام اللي زي ده !!!


الله المستعان

رد : صفعني
 

رد : صفعني
 

علشان شخص يقولي الحل الصحيح ...


بعيد عن الشماته والانتقاد الغير موضوعي .. اخ بليغ ماقصر بطرح النقاط بالرغم من انه ضايقتني مبدا المقارنه بين الزوج والاب ..




ويليت تواجدي بيساعدني الا انه تواجدي وضعني موضع المذنبه وبدت الشماته والتحاليل من المزاج تنطرح ..

رد : صفعني
 

دقيت على الوالد .. وتردد اخبره سمعت صوته فديت حسه الحنون . قالي شو في خاطرج ناقصنج شي خليفه ناقصنه شي سكت ماقدرت اخبره بالسالفه ضيعت السالفه وانا احس في شي واقفلي شرات الغصه خنقتني العبره قمت اصيح من عقب ماسكرت تردد اخبره شو سبب الصياح لااحد يسالني
ليش نفسي جي ماادري

انا بطلع الحين بسير المول وبسوي شوبينغ وبدش السينما بمارس هوايتي المفضله ان شالله ااقدر افكر عقبها ..

ربي يحفظكم

رد : صفعني
 

اذن خذي من حديث هذا الرجل الحكيم مايفيدك ولا تبكي مما اوكىء قلبك منه!
الهواية المعنية تفريغ مشاعر بكتابة خاطرة شعر, تأمل عميق, تمارين الاسترخاء , سباحة,رياضة, او حتى رسم! الهوايات التي بها يحدث الصفو

رد : صفعني
 

رد : صفعني
 

اكبر غلط تسوينه انك ما تخبرين الوالد، كوني قوية واعلمي ان الرجل لا يوقفه عند حده الا رجل مثله
وخطأ خطيبك ليس سهل وبسيط، لا تردين عليه ولا ترسلين
خليه في نار ما تنطفي، نوعية خطيبك واضحة بس لو نتكلم بتقولين انتم ما تعرفونه، الله يكتب لك الصالح

رد : صفعني
 

هذا حدس اغلب الاعضاء
وربنا يعطيك على قد نيتك

رد : صفعني
 

بتوكل على الله وبرمس ذياب ... والله يجدم اللي فيه الخير ..كل ماتاخرت موب من مصلحتي

رد : صفعني
 

اميل لهذا الرد

رد : صفعني
 

روضة..

أول شي .. ما يصير كل ما حد قال شي ما يعجبج قبضتيه الباب ;)

ولا تسيئين الظن فديتج وتفكرين ان في حد يبا يتشمت فيج .... ما حد هني يعرفج وما حد مستفيد لا من زواجج ولا من عدم زواجج إذا كان الله مب كاتب لج تستمرين مع سالم.

وعلى كل حال .. من الحين اقول لج اني باقول كلام غالباً ما بيعجبج .. بس تحذري لأن ويهي لوح آند آي وِل نوت كيب ماي بوينت .. آند أي وِل نوت ليف يور سبيس لو شو سويتي :d



تبين الصدق .. أنا أول ما قريت موضوعج الصبح كنت ناوية أحط عليج شوية .. كونج غلطتي في بعض التصرفات وردود الفعل .. ولأني لي تحفظ على رايج في بعض الأمور.

لكن عقب ما فكرت شوي رجعت في كلامي .. وقلت لنفسي أي شي غلط ممكن تكونين سويتيه ما يستحق أبداً أبداً انج تتصفعين وتنرفسين وينشد شعرج عشانه!

ومتى؟ .. في فترة الملجة؟!!!!!!

وليش؟ .. عشان سالم مب قادر يمسك نفسه؟!!!!!!!


أنا ما أحب التعميم .. وما راح أعمم على كل الرجال أنهم يبون حريمهم في فترة الملجة .. وبنقول بعضهم يبا يدخل قبل الأوان .. وبنقول بعضهم يزعل شوي ويحط في خاطره لأن زوجته ترفض تجاريه .... لكن عمرنا ما سمعنا ان حد عصب لدرجة انه يضربها لأنها رفضت انه يدخل عليها في فترة الملجة .. لأنه ببساطة يعرف عدل أنه ـ عرفاً ـ مب من حقه يطالبها بهالشي أساساً.

وإذا سالم هو اللي أوحى لج إن الملائكة بتلعنج إذا رفضتي .. فاسمحي لي هو كان يلعب على وتر الدين رغم انه يعرف عدل حدود هالأمور في فترة الملجة.

وبعدين إذا هو كلش كلش مب قادر يمسك نفسه فببساطة كان يقدر يحجز تذكرة ويرجع لحرمته يتصرف معاها .. على الأقل يجبر خاطرها شوي عقب صدمة زواجه .. وعادي كان ممكن يتحجج بأي حجة إذا كان خايف يعني على زعلج!

فإذا كان هذا هو السبب الوحيد لكل هالعصبية والضرب .. فهذه مصيبة .... وإن كان في سبب ثاني فالمصيبة أعظم.

وبالنسبة لكلامه عنج .. فنعم يا روضة .. الكلام الصدق يطلع وقت الغضب .. وأتمنى يسمح لي كل الإخوة والأخوات السعوديات .. لكن هم هناك لهم نمط محافظ أكثر عنا شوي .. وحياتج وحياتي مثلاً تعتبر متحررة فعلاً وما تعجبهم .. (مرة ثانية أعتذر من الجميع فأنا أقول هذا من باب الإقرار وليس من باب الاستنكار) .. عشان جذي أنا لمحت لج مرة وسألتج شو بتسوين إذا سالم علّق على بعض تفاصيل حياتج وكانت له وجهة نظر غير عن وجهة نظرج.

بتقولين ليش تزوجني وهو عارف كل شي عني .. باقول لج ما اعرف هو شو في راسه .. لكن باخبرج عن وحدة من أهل زوجي .. في فترة الملجة زوجها كان شكاك بشكل مب طبيعي لدرجة أنه كان ناوي ياخذها لطبيبة تكشف عليها عشان يتأكد انها عذراء! .. وعقبها اعتذر لها وبكى جدامها وحب ريولها عشان تسامحه .. وفعلاً كسر خاطرها وطوّفت له السالفة وما خبرت أهلها .. والنتيجة ان الشك استمر لين عقب الزواج وصارت مواقف وايد انتهت بالطلاق.

ووحدة ثانية ضربها زوجها في أول زواجهم ـ مب في فترة الملجة ـ وقالت لاخوها الكبير ولامها ـ ابوها متوفي ـ ويابو الريال ومسحوا فيه البلاط .. والريال اعتذر وحلف بالله انه ما يعيدها ....... التزم بوعده وحلفانه؟ .. لا والله .. كم مرة عادها .. وآخرها امها من كم يوم تقول لي ضاربها الاسبوع اللي طاف وعلامات على جسمها لدرجة ان اختها كانت ناوية تبلغ الشرطة!!


تذكرين يا روضة يوم قلت لج: احنا ما نعرف سالم ولا حتى انتي تعرفينه .. وانج بتعرفينه عدل عقب العشرة والاحتكاك اليومي والمواقف البسيطة .. هذا اللي بيظهر لج حقيقة شخصيته .... وهالموقف اللي صار يوضح جانب مهم من شخصيته ما يصير تتغافلين عنه .... وصدقيني صدقيني .. اللي يضرب مرة فعلاً بيضرب مرات ومرات .... خاصة لو تسترتي عليه وما قلتي لابوج.



النقطة الثانية اللي ابا ارمسج فيها هي يوم رديتي عليّ وعلى العزيزة أبغي حل بخصوص الاستغلال المادي: وقلتي انه عمره ما طلب منج شي والمبادرة دايماً منج.

ليش يطلب يا روضة مادامج تبادرين؟ .. ليش يطلب ما دام قلبج طيب وحنونة وينكسر خاطرج بسرعة وما تتحملين تشوفين حد محتاج أو معتاز؟

وما دام السالفة وصلت للضرب والتطاول من الحين .. فانا باكون صريحة وياج وباقول لج اللي ما رضيت اقوله أيام الملجة عشان ما تحسين اني ابا اخرب فرحتج .. تذكرين يوم قلتي لنا انه قدم لج 230 ألف؟ .. وقتها سألت نفسي: من وين ياب هالمبلغ وروضة تقول انه مسؤولياته كثيرة وهو على قده؟ .. من وين ياب هالمبلغ وهو ماله سنة والا سنتين معرس يعني أكيد دافع اللي وراه وجدامه وما مداه يجمّع حق زواج ثاني؟

عشان جذي باسألج ـ ولا تردين إذا مب حابة .. بس فكري بينج وبين نفسج ـ لما رجع لج قبل رمضان قلتي انج حطيتي له مبلغ محترم في البنك ... كم حطيتي له؟!

وزمان يوم تقدم لج أول مرة .. كنتي تعطينه فلوس والا لا؟




مرة ثانية اكررها .. احنا ما نعرف الريال .. وتحليلاتنا من واقع الكلام اللي انتي تقولينه يا روضة .. عشان جذي فكري عدل في كلامنا وحطي ولو احتمال انه ممكن يكون صح .. وانه سالم مب هو الانسان اللي انتي متخيلته.

عشان جذي قلت لج وقفي المبادرات المادية كلها .. كلها .... ومثل ما هو شاطر يطلب حقه قبل العرس اطلبي منه حقج يصرف عليج من الحين ـ حتى لو مب محتاجة فعلاً ـ وشوفي كيف بيكون رد فعله.

احنا نختبر الرياييل يا روضة قبل ما ناخذهم .. وانتي لازم تختبرين سالم عشان تتأكدين انه يستاهل كل اللي تسوينه عشانه .... انتي صبرتي وايد .. وحرام عقب هذا كله يي واحد يقص عليج عشان كم فلس والا عشان ليلة والا ليلتين.

رد : صفعني
 

ذياب اللي عنده مشكلة نفسية ويشرب؟

ما أنصحج أبداً .. خاصة لو كنتي خبرتي سالم بسالفته .. ممكن يستغل مشكلته ويتطاول عليه وعليج بزيادة.


اسمعي الكلام وكلمي أبوج.

رد : صفعني
 

له له له .. لااااااااااااااا يامهره لاااااااااااا اخخخ بس اخخخ اذا تظنين اني دفعت مهري .. حشى والله مادفعتله فلس
المبلغ اللي حطيتله 15 مازدت عليهن الا ست بعد فتره بسيطه نظرن لظروفه ..


وبعدين ذياب صاحي ومااقبل تقولين عنه عنده نفسيه لاحشى اخوي مافيه شي اللهم يشرب وايد ناس يشربون .. والله المستعان

اششكرج على تحليلج ومبدا اقبض الباب اللي مايعجبني ها الكلام غير صحيح اعرف الناس وتعاملها من ردودها معاي في مواضيع قبل وهالموضوع وعلى اساسه تعاملت

الحمدلله على سﻻامه ولدج وبيض الله ويهج كفيتي وفيتي ..

ومبدا الضرب ورغبته بسمع جوابه منه ان شالله بس عقب ماارمس ذياب

ابويه ماقدرت اخبره اخاف يتلوم او يغير نظرته عن سالم ذياب ان وعد وفى وبيكتم السر .. والله يعينا جميع

رد : صفعني
 

له له اخويا الا الفراق

بادبه بس مابا نتفارق باجر يصير عندنا بيبي وجي ..سالم طيب بس شيطان مايترك بني ادم في حاله

رد : صفعني
 

مرحبا حبيبتي ..
يؤسفني اني ادخل على موضوع هذا عنوانه
............
روضة
أنا من خلال قرائتي لردودك وجدت أنك فتاة مثقفة متعلمة وخلوقة ( لاتستحقين هذا العنوان )
سأختصر ردي بجملة بسيطة
( فقدان الإحترام بين الطرفين خدش كبير في العلاقة )
حطي في بالك غاليتي الموقف هذا سيتكرر
استخيري الله في أمرك وحكمي عقلك في مثل هذه الأمور
الله يوفقك يارب ....

رد : صفعني
 

لاتعولي انه طيب الطيب لا يضرب ولا يطالب بحقه بهالصورة
غيري اسلوبك معاه

رد : صفعني
 

اختي الكريمة
لا تقدمي تنازلات على حساب نفسك
تأكدي و تحققي من الموضوع جيداً
وفقك الله

رد : صفعني
 

دينا
مبتعثه
امين



ماقصرتم اخوانيه ... حلينا الموضوع االحمدلله باللي يسرني ويسره
والانسان يخطئ ويصيب ..
والله غفور الرحيم ..اذا الله يغفر فمابالكم بالعبد من نطفه مخلوق

رمسني بالفون وتكلمنا بكل شي .. خبرته الكلام اللي سمعني اياه من قلبه قالي والله اموت في غرورج ودلعج بس حسي انا رجل وفيني غريزة وحلالي اجوفها جدامي وحارمتني من اني المسها طبيعي اثور وقالي بحبني واهلي فوق راسه
ونكلمنا يعني قلتله اذا تكررت لاتلومني اذا انفصلنا ترى ان سامحتك لانه الله يسامح بس تمد ايدك وتغلط ع اهلي ترى بتحسف اني استمريت معاك

قالي توبه ياروح سالم مابا اعيدها.. قلته انا جي ياسالم ومااوعدك اغير من تصرفاتي انا احبك من زمان وللحين احبك لاتصير انت والزمن عليا
قلتلي ماباكي تدخلين انستقرام قلت ان شالله ولغيته قلتلي ماباج تضحكين مع الفلبينو والبياعه العرب وغيرهم قلتلك ذيسس بور بيبل وي شو بي فريندلي ويذ اس .. وتقبلت هالخصله فيني بالرغم اني للحين ادرب نفسي على تركها تباني اباك ماتباني القلب داعيلك .. تغرفت عليا وانا بهالشخصيه وانا للحين فيها


وقلتله خليفه مالك دخل فيه اذا انا ضايجتك طلع حرتك فيني موب في اهليا

قالي ايش قلت لخليفه . قلتله يوم تزاعلت معاي وجفت خليفه طالع البحر قلتله الظاهر عاجبك منظر الاوادم وهم متسحدين في البحر وخليفه قال سي يو اوول وطنشك .. الولد متعود يسبح مع الخلق ويعيش الجو االي يناسبه وانا اخته احترم وجهة نظره تقوم انت تطنز عليه وتسئ الظن فيه

بس انا تضايقت وايد انك تكلم اخوي بهالاسلوب بجوف الناس مفاصيخ يسبح بينهم مالك شغل ..

وقلتله يتصل في خليفه جدامي ويعتذر على اساس خليفه مايعرف اني طلبت هالشي ..

اتصل سالم واعتذر وفديته خليفه قاله لا ياريال عيب عليك نحن اخوان ونتغشمر بي كوول قاي ..
والحمدلله تصافينا

قلتله بليز مابا اي منغصات في حياتنا اذا حاس انه ماناسب بعض توكل ع الله وخلنا ننفصل ..


واهلي خط احمر

الحمدلله اهم شي تصافينا ...

رد : صفعني
 

السلام عليكم
بما أنكم تصالحتوا خلاص ؛؛؛ حابه أنصحك لوجه الله فقط
لسانك لازم تسوي عليه كنترول وخاصة بزوجته لانه اولا يعتبر غيبة وثانياً كل كلمة تذكري (مايلفظ من قول الا لديه رقيب عتيد)....
زوجك لو انه ذكي ويعرف مصلحته ماكان سمح لك تجبين طارئ زوجته ولا وش كانت تسوي وش تلبس بالعربي خط احمر.
بعدين انتي وش عليك منها تقارنين بينك وبينها!!!؟؟.
وسالفة انا البس مدري من وين وبالسعر الفلاني،،، حبيبتي كل العالم تلبس وشايفة خير؛؛ ماله داعي الفشخرة والكلام الفاضي.
انتبهي الانسان ماهو وش عنده """ آخرتك كفن والأشياء اللي قاعدة تفشخري فيها ماهي داخلة معك بقبرك.
مايورد النار والمهالك الا اللسان. اخطر عضو تدخلين فيه النار.
يمكن الانسانة اللي شايفتها مو شي عندك ربك أحسن منك بمليون مرة.
الله يستر عليها وعليك. تبغين حياتك تنجح لا تجبين طاريها ولا تدخلين بشي يخصها.
تذكري الدنيا دوارة تصفى لك يوم ويوم عليك.
أي كلمة قبل تنطقيها أوصي نفسي قبلك ترضين أنه رب العالمين يسمعها قبل تطلع منك.

رد : صفعني
 

في الاخير اشكركم على نصايحكم واعذروني لو ماعملت فيها كل شخص يحتاج فرصه ثانيه

واهم شي قلتله ابا مصروفي من الشهر الياي ..قالي ان شالله .. مع انه قالي اريو شور روضه وقلتله مااتغشمر
مع اني حسيت بشي غلط وانا اطلب .. بس نصيحه اخت مهره طبقتها .
ونصيحه اخوي البليغ خبرت سالم وقلتله اثنينا الغلط والمره اليايه بخبر ابويا ومابا اسكت وانه لو كانت مكانه الزوج في الاسلام اكبر من الوالد عندي مكانه ابوي اكبر من كل شي ..
وانا اسفه اذا تصرفاتي ازعجتك وخلتك تعتقد اني افضل منك .وتابعت على بعض نصايح الاخوات .



وصار وايد كلام حلو بينا على الاقل انعايد والنفوس موب شايله على بعضها ..

رد : صفعني
 

...


اخوانيه الاداريه التمس منكم السموحه والعذر ..
الحمدلله اللي هدى النفوس ورجع حبيبي واعتذر .. والله يخلينا لبعض للي فيه الخير لنا ..

اشكر كل من ساهم ونصح .. وكل من نوه . وكل من استشعر ..

اطلب من الاداره غلق الموضوع لانتهاء الغرض منه

رد : صفعني
 

الحمد لله الذي بنعمه تتم الصالحات ..
يغلق مع تمنياتي لك بالتوفيق وتيسير الامور ..

حبيبي يلوم نفسه
 

السلام والرحمه


راح اقولها بشكل مختصر سالم يابلي هديه وماوقف اعتذارات طول اليوم ووقالي كل اللي تطلبنه بسويه

طبعن انا طلبت يعيد عندنا في بوظبي قالي تم والله بعيد عند ابوج ومابا اخوز عنه ..
وباقي طلباتي في الطريج

كل هذا بفضل الله اللي ماينسى عبده و فضل دعوة خواتي الطيبات اللي في المنتدى لي ..


وربي يوفق الجميع

رد : حبيبي يلوم نفسه
 

مبروك .. جيد جدا انه اعتذر

رد : حبيبي يلوم نفسه
 

اعتذار شخص اخطا بحقك لك يعتبر من شيم الكبار ..

مباركن عيدك اخويه