منتدى عالم الأسرة والمجتمع

صفحة 3 من 24

الأخيرة »

عرض 40 مشاركات من هذا الموضوع لكل صفحة

منتدى عالم الأسرة والمجتمع (http://www.66n.com/forums/index.php)

- المتزوجين (http://www.66n.com/forums/forumdisplay.php?f=6)

- - ممكن أكتب شيء (http://www.66n.com/forums/showthread.php?t=237828)

لكل شي حد

11-07-2012 10:46 PM

رد : ممكن أكتب شيء

يا جماعه الخير خلونا في بو خليفه و لجين فقط... زوج و زوجه فقط... بدون تأثيرات أخرى... الكل يتفهم اللي صار للجين... و لكن هي لازم تطلع من اللي هي فيه... لازم تحل مشاكلها مع زوجها... و هو ما قصر وداها لها مرتين... و مع هذا علاقتها معاه ما تغيرت.... لجين خالد ساعدج مرتين و خذاج لأمج و انتي بشو كافئتيه؟ ولا شي... كل اللي صار معاكم من فتره بسيطه من أكلج معاه و شربج معاه و حتى النوم في غرفه وحده كان بأمر من أبوج مب رغبه منج... صح يا لجين؟ خالد صبر سنتين و انتي مازلتي مصره انه مستعيل.... فكري يا لجين... فكري عدل... أبوج مب دايم لج.... و خالد لو انه ما يحبج كان ما حاول يحل مشاكله معاج و لجأ للكل... لازم تتحركين انتي معاه بعد...

روح الطير

11-07-2012 10:48 PM

رد : ممكن أكتب شيء

كلنا حاسين بمعاناتها ، بسبب غياب أمها ..

بس خالد إيش ذنبه ؟
أخدها مرتين لأمها ..

هل تغيرت لجين معاه ؟؟؟
و لا رجعت لنفس حالتها ؟؟؟

.
.

ليش تحاول لجين إنها تهرب من موضوع زواجها و تربطه بموضوع أمها ؟

.
.

الأخ رجل الرجال إيش قال لها ؟؟؟

**********************************

اقتباس:

2- موضوع صمتك وعدم تواصلك مع خالد:

من بديتي معنا وعندك سؤال واحد ليش فرقوني ان امي وليش امي ما تحبني وتزوجتي بولد عمك ودخلتي مع خالتك والدة خالد وخواته وبقية الاسرة وما لقيتي للحين جواب لو تلاحظين أنك بتستمرين مضعه نفسك وزوجك وحياتك حتى تلقين الجواب وهذا خطأ لأن حياتك مو مبنية على وجود الإجابة.

3- ليش ما يعطونك جواب:

نعلم جميعا أن اللي قاعد يصير لمك مو طبيعي ولازم تعلمين كل شي ولكن اللي مو طبيعي أنك توقفين حياتك وحياة زوجك طول عمرك إلين تحصلين جواب.

4- حل المشاكل :

هناك مشاكل لها حلول أيسر من بقائها وهناك مشاكل حلولها أكبر من بقائها أو بحجمها فننتظر حتى نجد حل أيسر من بقائها وهناك مشاكل لا حل لها لحكمة أرادها الله سبحانة فنتعايش معها من باب الرضا بالقضاء والقدر وليس قبولا لوجودها كمشكلة ونسأل الله سبحانه أن يحلها من عنده, وهناك مشاكل يكون البحث عن حل لها يجلب مشاكل أكبر منها.

- النصيحة الآن :
5
1- تعلمين أن والدك خضع بخصوص موضوع والدتك لحكم والده هو وبقية أعمامك ومنهم والد خالد ( حكم جدك صح أو غلط ما في فرق ف حكم جدك واجب)
2- اجتهد والدك لحمايتك من أثر هذا الحكم وعوضك عن الأم وبالغ حتى جعلك لست كبقية البنات من حيث التفاعل مع الناس بخدمتهم واستخدامهم بل حتى الأكل لم يجعلك تأكلين بيدك وهو يشكر ولكن مبالغته ألغت شخصيتك تماما.
3- أنصحك ابنتي أن تنتبهي لحياتك وتعيشيها كما يجب لك من حق على زوجك وتعطيه حقه وتشكريه على صبره ولا تنتظري أن تكون لك الدنيا كما كان والدك فوالدك فعل مكا فعل لهدف معين واجتهد وأخطأ.
4- أكتبي كل الأسئلة التي في خاطرك في ملف واتركيه مفتوحاً بجانب سيرك في حياتك بشكل طبيعي حتى تجدي الإجابات كاملة.
5- لن تقف الحياة تنتظرك حتى تحلي هذا اللغز ولو وقفتي فسيمل من يحبك من كثرة الوقوف معك وأنت بحاجة لزوج وذرية تحملك في كبرك وترفع اسمك.
6- استمتعي بحياتك وزوجك واحملي ولتحصلي على بنت أو ولد تمنحيه م من الأمومة ما لم تحصلي عليه.
7- لو وقفت معك وتعاطفت وبكيت معك وجعلت خالد غلطان لكنت أغشك ولا أفعل الغلط.
8 - لتفهمي كلامي بشكل واضح إذا وقفي سنوات دون أن تعيشي حياتك ولمجدي حل اللغز فتخسرين حياتك وإن عشتي حياتك ووجدتي حل اللغز فحصلتي الثنتين وإن لم تحلي اللغز كسبتي حياتك.
9- خالد ووالدته نموذج طبيعي للأمهات وما فعلته والدتك شي خارج عن المألوف فلا تجعلي والدتك هي الطبيعي وغيرها لا بل العكس عادي كل الناس يحبون امهاتهم وامهاتهم يحبونهم.
أرجوك ابنتي اكتبي كلامي هذا خمس مرات بخط يدك واقرئيه بصوت عالي لوحدك وسترين النتيجة بعد أن تستيقظي من النوم بإذن الله.

.
.

لجين نفذتي نصيحة وحدة من نصايح المستشار ؟؟؟؟؟؟؟؟؟

ما أعتقد أبداً ..

روح الطير

11-07-2012 10:56 PM

رد : ممكن أكتب شيء

^
مرة ثانية ، ترى ما قريت رد مستشار الحب ..

تويي ارجع للخلف و أقرى كلامه و اتفق معاه ..

عيوني تحكيني

11-07-2012 10:59 PM

رد : ممكن أكتب شيء

اولا..ارجوا مايكون فيه اي عصبيه او حده في النقاش..
ثانيا..موضوع امها حله بسيط..مكالمه فقط بدون زياره..بداخلها كلام لامها خلها تقول كل اللي عندها ..
ماتدري بعد هالمكالمه وش راح يصير..

هدوء الرياح

11-07-2012 10:59 PM

رد : ممكن أكتب شيء

عندي سؤال لابو خليفة انت ليش تزوجت لجين وهل كنت تدري عن ظروفها قبل الزواج
عقدة لجين امها اذا شافتها وتواصلت معها راح تنحل عقدتها بنفس الساعة

لكل شي حد

11-07-2012 11:04 PM

رد : ممكن أكتب شيء

أختي هدوء... لجين شافت امها 3 مرات... مرتين مع بو خليفه حسب ما انا فهمت...

ليش مانحل موضوعهم كزوجين لازم يعيشون حياة طبيعيه؟

و ليش لجين ما تطلب من ابوها ان تروح لأمها؟

لجين عمرها 24 سنه... لازم توازن الأمور بطريقه صحيحه.... لأنها راح تخسر وايد بالأسلوب اللي هي تتبعه....

لجين مب كل الناس بيكونون لج شرات ابوج... ابوج دلعج واااايد و غلط وااااااااااااااااااايد بهالدلع الزايد... لأنه لغى شخصيتج و طريقتج السليمه في التفكير... الناس كلهم مب ابوج... ابوج يعاملج بأسلوب معين... اللي حولج مب مجبرين يدارونج و يعاملونج بنفس الأسلوب... العالم الخارجي ما راح يكون نسخه عن ابوج... لازم تفكرين بعقلج...
خلونا في موضوع لجين و خالد.. أمها موضوع متشعب و تدخل فيه امور وايده...

لجين الحزينه

11-07-2012 11:12 PM

رد : ممكن أكتب شيء

اقتباس:

المشاركة الأصلية كتبت بواسطة Beta2 (المشاركة 2828815)

تفرق معك إن طلعتوا مع بعض أو لأ ؟؟ يعني حسيتي بفرق لما صرتوا تطلعوا مع بعض قبل العمره ؟؟

وش هي الأشياء اللي ما تقدري عليها لجين حبيبتي .. ما فهمت ؟؟

يا خاله بيتا هو بعد ما رجعنا من العمره صار يسوي أشياء أنا ما أحبها غصبن عني واذا زعلت ما يرد عشان جذي أنا بسافر عند أبوي ,

كان خالد ما يطلعني من البيت بس يوم صرنا نطلع واايد استانست حتى هو قالي تغيرتي

عيوني تحكيني

11-07-2012 11:20 PM

رد : ممكن أكتب شيء

لجونه..وش رايك نتفق على حاجه..!؟

لجين الحزينه

11-07-2012 11:21 PM

رد : ممكن أكتب شيء

اقتباس:

المشاركة الأصلية كتبت بواسطة بنت الحكمي (المشاركة 2828832)

معليش ياجماعة الخير احد يجاوبني ليش ابو لجين واهلها واعمامها يمنعونها من زيارة ومكالمة امها ياناس ياعالم هاذي امها انتم عندكم امهات وتعرفون ايش معنى أم من حقها تشوفها وتزورها وتكلمها ليش هالظلم والقهر على البنت معليش يا اخ خالد المفروض انك انت من تقف في وجه كل من يحاول ان يمنع لجين عن امها وتساعدها وتخليها تتواصل فيها حتى لو امها رافضة هالشئ امها انسانه ومصيرها ترضى عن لجين فهي بنتها وقطعة منها وعندي احساس كبير ان لجين ماراح ترتاح نفسيتها وتتعدل إلا اذا تواصلت بأمها ماتسمعون البنت تصيح تقول ابغى امي ابا اكلمها واحاكيها بقول لها كلام كثير يا اخوان ويا اخوات البنت عندها اسئلة واشياء تدور في خلدها وعندها صراع داخلي كيف تبغونها تعيش حياتها وتنبسط وهي في داخلها مكسورة وحزينة انتم مثل اللي تتطلبون من لجين شئ احسه فوق طاقتها ابوها واهلها حتى لو هما مريحينها وموفرين لها كل شئ ومايزعلونها لاكنهم حارمينها من امها ليش يحرمونها من امها وش السبب اللي يحرم ام من ضناها وش السبب اللي يحرم بنت من حضن امها إذا ابو لجين واهله حرموا لجين من حنان امها وحضن امها وهي صغيرة فالحين لجين اكبرت وصارت امرأة متزوجة ولها الحرية في زيارة امها ومكالمتها وحتى الأخ خالد المفروض يعينها ويوقف معاها ويحسسها انه سعادتها عنده اهم من سعادته اذا كان يريد لجين تصير احسن وافضل عليه ان يسعى ليحقق لها ماتريده ويقف معاها في وجه كل واحد يحاول يكون حجر عثرة في طريق لجين ويمنعها عن امها
ارجوكم ثم ارجوكم فكروا معاية لجين ناقصها شئ في داخلها صراع تعاني منه ولن ترتاح الا لما تزور امها وتجلس معاها وتفضفض وتقول لها عن اللي بخاطرها لا نحن ولا خالد ولا ابوها ولا اهلها راح نقدر نحل مكان ام لجين افهموني يا اخواني لجين تعاني لجين عندها اشياء تبغى تسأل عنها امها وتبغى تقولها لأمها وليش مانعين لجين عن امها ليش مايخلونها تزورها وإلافيه شئ مايبغون لجين تدري عنه ومخفينه عنها كل هاذي السنين وعلشان كذا مانعينها من زيارة امها وراسمين لها صورة غير عن امها ولجين عندها احساس ومو مصدقة الصورة اللي قالوها ورسموها لها علشان كذا تبغى تبحث ورى الحقيقة بنفسها خلوها تروح لأمها وتزور امها هذا حرام وظلم عظيم انه تنحرم من امها وهي عايشة حتى لو امها مو راضية ومو متقبلتها مع الوقت قلبها راح يلين وتتقبل بنتها وتحبها وتفهمها اتمنى إني ما اكون ضايقت احد بكلامي وان صار وضايقت احد او غلطت فالعذر والسموحة منكم لاكن يشهد الله اني مالي قصد باللي قلته إلا الخير والإصلاح بين لجين وخالد ويعيشون حياتهم من اسعد
الناس ولو لجين عاشت حياتها وانبسطت واخرجت كل الأشياء اللي في داخلها هذا الشئ راح ينعكس على حياتها مع خالد وماراح تنسى وقفته معاها ودفاعه عنها ومساعدتها في الوصول لأمها وراح تحبه وتغليه وتحطه تاج على راسها وانا متأكدة ان لجين معدنها اصيل وطيب وتحمل قلب مرهف بالأحاسيس والمشاعر وراح تجازي خالد بكل اللي يطلبه ويتمناه وتسعده في حياته وربنا يوفقهم ويصلح مابينهم ويصيرون من اسعد الناس يارب .

والله أنا أحبها وعندي أشياء في خاطري أسولف معاها أنا أرسمها وايد بس خالد مب طايع يوديني مره ثانيه

لجين الحزينه

11-07-2012 11:22 PM

رد : ممكن أكتب شيء

اقتباس:

المشاركة الأصلية كتبت بواسطة عيوني تحكيني (المشاركة 2828876)

لجونه..وش رايك نتفق على حاجه..!؟

انزين

انزين

عيوني تحكيني

11-07-2012 11:24 PM

رد : ممكن أكتب شيء

موضوع امك راح ينحل مثل ماوعدك خالد..
اللحين خلينا نتعاون معاج بتغيير مشاعرك للافضل تجاه خالد..
وكل شي يتغير مابيكون بسرعه ..بس بالتدريج..
نبدأ....!؟

اه ياهمي

11-07-2012 11:28 PM

رد : ممكن أكتب شيء

لجون حبيبتي انت سوي اللي هو يبي وهويسوي لك كل شي ..يعني هو قاعد يتغير وانت تتهربين ليه يالجون ..

لجين الحزينه

11-07-2012 11:29 PM

رد : ممكن أكتب شيء

اقتباس:

المشاركة الأصلية كتبت بواسطة عيوني تحكيني (المشاركة 2828879)

حاضر بس والله مب بسرعه

لجين الحزينه

11-07-2012 11:30 PM

رد : ممكن أكتب شيء

اقتباس:

المشاركة الأصلية كتبت بواسطة اه ياهمي (المشاركة 2828881)

لجون حبيبتي انت سوي اللي هو يبي وهويسوي لك كل شي ..يعني هو قاعد يتغير وانت تتهربين ليه يالجون ..

أنا ما أهرب بس أنا ما أحب الي يسويه وبس

عيوني تحكيني

11-07-2012 11:31 PM

رد : ممكن أكتب شيء

طيب ..كلميني عن شعورك اذا خالد مسك يدك..!؟

مستشااااار الحب

11-07-2012 11:31 PM

رد : ممكن أكتب شيء

اقتباس:

المشاركة الأصلية كتبت بواسطة لجين الحزينه (المشاركة 2828882)

حاضر بس والله مب بسرعه

عفوا

موب بسرعه

يعني عقب شهرين
او ست اشهر
او سنه
او سنتين
او 10 سنين

جم فهميني لو سمحتي

لكل شي حد

11-07-2012 11:32 PM

رد : ممكن أكتب شيء

بس يا لجين اللي يسويه هو الشي الطبيعي من اي زوج يحب زوجته... و هذا الشي الطبيعي اللي يصير بين أي زوجين... هذا الحب يا لجين... انتي تحبينه صح... هو يعبر لج عن حبه و ينتظر تعبيرج له...

لجين الحزينه

11-07-2012 11:34 PM

رد : ممكن أكتب شيء

اقتباس:

المشاركة الأصلية كتبت بواسطة مستشااااار الحب (المشاركة 2828886)

عفوا

موب بسرعه

يعني عقب شهرين
او ست اشهر
او سنه
او سنتين
او 10 سنين

جم فهميني لو سمحتي

مادري

مادري

لجين الحزينه

11-07-2012 11:35 PM

رد : ممكن أكتب شيء

اقتباس:

المشاركة الأصلية كتبت بواسطة عيوني تحكيني (المشاركة 2828885)

طيب ..كلميني عن شعورك اذا خالد مسك يدك..!؟

لا مابي أكتب

مستشااااار الحب

11-07-2012 11:36 PM

رد : ممكن أكتب شيء

اقتباس:

المشاركة الأصلية كتبت بواسطة لجين الحزينه (المشاركة 2828889)

مادري

مادري

إذا انتي صاحبت الموضوع ما تدرين .... عيل من اللي يدري

الله يهديه بابا المستشار هو السبب

ابو خليفه يدري ان له شهرين معج بس .... حاولي... الله يسهلج يارب

بَوحٌ سَمآوي !

11-07-2012 11:37 PM

رد : ممكن أكتب شيء

لجين ؛ أنا العصر كتبت نفس كلام بنت الحكمي و بعدين ما ضغطت على الإرسال
نعرف أن تبين أمك و عندك لها كلام كثير .. بس عشان تحصلين على هالشئ .. أبدأي غيري من نفسك
و أوصلي للشئ اللي خالد يبيه .. و ثقي أن خالد قد وعده و رآح ياخذك صوبها ..

شوفيها هو أعطاك الوعد .. بس بعد أنتِي أعطيه كل ما يبي
صدقيني راح تقولي ليش أنا ما طعت خالد من زمان ..

يلا عزيزتي /
نبي نشوفك لجين السعيدة وإن ششاء الله أنا متفائلة بهالشي قريب بس آنتي محتاجة تشدي على نفسك يومين ..

إذا انتي تحبي تطلعي برا .. حتى لو ابو خليفة ما قال لك .. آنت اقترحي عليه ..
فاجئيه بالاشياء اللي يحبها .. عشان هو يعطيك كل ما تحبين بعد
لازم في اخذ وعطاء عزيزتي ..
و عيشي حياتك ترى العمر اللي يروح ما يرد .. فلا تضيعيه كذا و تظلمين نفسك
آنتي تستحقين تسعدين نفسك و زوجك و تعيشو حياة جميلة ..

و أدعي ربي دوم أنه يعينك على أمرك و يسعدك ويحقق لك كل أمنياتك
و احنا ما راح ننساك من دعائنا ..

لجين الحزينه

11-07-2012 11:37 PM

رد : ممكن أكتب شيء

اقتباس:

المشاركة الأصلية كتبت بواسطة لكل شي حد (المشاركة 2828887)

لالا هو وعدني شهرين

مهره	11-07-2012 11:37 PM

رد : ممكن أكتب شيء

لجين انتي شو تبين بالضبط؟

ليش فتحتي هالموضوع؟

هدوء الرياح

11-07-2012 11:40 PM

رد : ممكن أكتب شيء

لجين السعيدة الله يوفقك ويسعدك ويفتح عليك وينور بصرك وبصيرتك ويشرح صدرك امين

عيوني تحكيني

11-07-2012 11:41 PM

رد : ممكن أكتب شيء

لجونه..كيف راح نتساعد اذا ماكتبتي كل اللي في خاطرك..!؟

لكل شي حد

11-07-2012 11:43 PM

رد : ممكن أكتب شيء

هو وعدج شهرين صحيح.... بس لازم شوي مقدمات علشان ما ترجعين لورا... لجين كوني له الزوجه الحبيبه العشيقه و هو بيكون لج كل شي في الدنيا...

انتي لازم تتعودين عليه كزوج علشان يوم توصلون لنهاية الشهرين الأمور تكون تمام و تتقبلين العمليه كلها...

مثل العروس الجديده اللي زوجها يعودها عليه شوي شوي...

خليه يعبر عن رومانسيته معاج... خليه الزوج المحب لزوجته... انسي كل شي و انتي معاه... عيشي اللحظه و بس... هو ما راح يسوي شي انتي ما تبينه... بس استسلمي لرومانسيته شوي... زوجج صابر سنتين يا لجين و ما خذا منج الا القليل جدا طول هالسنتين...

لازم تتعودين عليه علشان توصلون للنهايه الطبيعيه بين اي زوجين...

لجين الحزينه

11-07-2012 11:43 PM

رد : ممكن أكتب شيء

اقتباس:

المشاركة الأصلية كتبت بواسطة مهره (المشاركة 2828894)

لجين انتي شو تبين بالضبط؟

ليش فتحتي هالموضوع؟

أنا أريد تغير بس في أشياء مب قادره أسويها أي أحد يقول أنتي غلطانه حتى خواتي لانهم بس يسمعون خالد بس أنا ماحد يسمعني في خاطري أشياء كثيره حتى أبوي كان يسمعني ويسولف وياي بس لحين صار لا عشان خالد

عيوني تحكيني

11-07-2012 11:46 PM

رد : ممكن أكتب شيء

احنا بنسمعك .احنا مثل خواتك..قولي كل اللي في خاطرك..

لكل شي حد

11-07-2012 11:47 PM

رد : ممكن أكتب شيء

انتي لو تستلمين شوي راح ترتاحين معاه و تعيشين معاه في دنياه... الخجل اللي يصيبج في هاللحظات طبيعي لأنج ما سمحتي لنفسج تتعودين عليه طول هالسنتين... و لكن الحين آن الأوان انج تتعودين على خالد الزوج...

هو وقف معاج وايد... و حط يده بيدج.. و تغير علشانج... كافئيه لو بحضن واحد قبل ما يروح الدوام... شوفي كيف نفسيته بتتغير و بيروح و هو مستانس... إذا حاول يسوي شي ثاني بعد الحضن عاد وقفيه و قولي الحين وقت الدوام فقط... او عطيه ابتسامه... تدلعي عليه... حسي بأنوثتج معاه... خليه يحرك مشاعرج... اللي انا متأكده انها موجوده بس انتي مب راضيه تسمحين له يطلعها...

لجين الحزينه

11-07-2012 11:48 PM

رد : ممكن أكتب شيء

أنا يوم كنت مع بابا المستشار كنت أسمع كلامه حتى خالد لاحظ هالشيء بس بعدين منعني أكلم بابا المستشار عل الخاص

مستشااااار الحب

11-07-2012 11:49 PM

رد : ممكن أكتب شيء

اقتباس:

المشاركة الأصلية كتبت بواسطة لجين الحزينه (المشاركة 2828899)

لا تزعلين مني

لكن الكل تعب من سماع سواليفج من غير تحسن ... حتى ابوج تعب من وضعج.... وابو خليفه تعب

لجين الحزينه

11-07-2012 11:49 PM

رد : ممكن أكتب شيء

اقتباس:

المشاركة الأصلية كتبت بواسطة لكل شي حد (المشاركة 2828901)

لالالا ما أقدر أسوي جذي صعب

لكل شي حد

11-07-2012 11:49 PM

رد : ممكن أكتب شيء

لجين انتي تحبين خالد؟

لجين الحزينه

11-07-2012 11:51 PM

رد : ممكن أكتب شيء

اقتباس:

المشاركة الأصلية كتبت بواسطة مستشااااار الحب (المشاركة 2828903)

لا تزعلين مني

لكن الكل تعب من سماع سواليفج من غير تحسن ... حتى ابوج تعب من وضعج.... وابو خليفه تعب

هاي انت لا تكلمني ولا تجيب طاري أبوي لانه يحبني ويغليني أكثر وحده

مستشااااار الحب

11-07-2012 11:51 PM

رد : ممكن أكتب شيء

اقتباس:

المشاركة الأصلية كتبت بواسطة لجين الحزينه (المشاركة 2828902)

أنا يوم كنت مع بابا المستشار كنت أسمع كلامه حتى خالد لاحظ هالشيء بس بعدين منعني أكلم بابا المستشار عل الخاص

لا تزعلين مني

بس انتي ما كنتي تسمعين كلام بابا المستشار كله

تاخذيني اللي تبين وتتركين الباقي

صح ولا لا

مهره	11-07-2012 11:51 PM

رد : ممكن أكتب شيء

اقتباس:

المشاركة الأصلية كتبت بواسطة لجين الحزينه (المشاركة 2828899)

شوفي شكثر اللي يتابعونج وكلهم مستعدين يسمعونج.

بس اللي أنا اشوفه انج تتهربين من الإجابة على أسئلة مهمة ممكن جوابج عليها يساعدج.

بصراحة أنا شايفة انج ما تبين تحلين مشكلتج .. انتي بس تبين حد يطبطب عليج مثل ما تعودتي طول عمرج!

انتي عاجبج دور الضحية.

عيوني تحكيني

11-07-2012 11:53 PM

رد : ممكن أكتب شيء

بابا المستشار يالجونه..عطاك قواعد واساسيات تمشين عليها في حياتك..
تدرين ..كانت معانا عضوه اسمها فجر الهوى ..سمعت كلام المستشار ونفذته والآن هي مبسوطه في حياتها
وانتهى التواصل بينها وبين بابا المستشار..لانها حفظت كلامه وتمشي عليه في امور حياتها..

لجين الحزينه

11-07-2012 11:54 PM

رد : ممكن أكتب شيء

اقتباس:

المشاركة الأصلية كتبت بواسطة لكل شي حد (المشاركة 2828906)

لجين انتي تحبين خالد؟

هيه أحب خالد

مستشااااار الحب

11-07-2012 11:54 PM

رد : ممكن أكتب شيء

اقتباس:

المشاركة الأصلية كتبت بواسطة لجين الحزينه (المشاركة 2828907)

هاي انت لا تكلمني ولا تجيب طاري أبوي لانه يحبني ويغليني أكثر وحده

اول شي تكلمي بادب <<<< انا ولد ناس ما ينقال لي هاي

وابوج الله يحفظه ويشفيه ما جبت طاريه بالسوء ... وانتي كتبتي قبل انج تكرهين ابوج <<< ليه متناقضه!!

و حب ابوج لج بشو نفعج <<<< اسمج لجين الحزينه .<<<<<< شو فايدة ابوج .

لكل شي حد

11-07-2012 11:54 PM

رد : ممكن أكتب شيء

ليش يا لجين ما تقدرين... طيب يا حبيبتي.. كل هالناس اللي حولج كيف عايشه.. انتي كيف ييتي لهالدنيا؟ كلنا يينا بنفس الطريقه... الزواج الشرعي و العلاقه الزوجيه الصحيحه تنتج ابناء... أعرف بتقولين مابي اكون ام... و احنا نقول طيب لا تكونين ام... كوني الزوجه... كوني الأنثى اللي تحرك خالد... هو بدون ما تكونين الأنثى متحرك الأخ فتخيلي شو بيصير فيه لو صرتي الأنثى...

انزين لا تحضنينه... في البدايه... مب مشكله.... بس يوم هو يبادر بأي شي لا تقاومين... لازم تتعودين... هو ما راح ينط للنهايه على طول... خليه في المقدمات شوي... خليه يعودج عليه... صدقيني لو استسلمتي له بيخليج في عالم ثاني... شو أحلى من حضن زوج يحبج... ما في أحلى من هالشي... حب و بالحلال...

انزين حبيبتي... انتي يوم وافقتي تتزوجين شو كنتي تتوقعين الزواج؟ ما كنتي تعرفين ان في رومانسيات و اشياء أخرى؟

الساعة الآن 12:50 AM.

صفحة 3 من 24

الأخيرة »

عرض 40 مشاركات من هذا الموضوع لكل صفحة