|
ومايحلف الا بغلاتي
أختي رب كلمة قالت لصاحبها دعني لا يجوزالحلف بغير الله وأنتي تتباهي بذلك استغفري الله |
الحمدلله على سلامتك وربي يقر عينك بالمولود ويشفيه ويعافيه ويكبر وتشوفيه عريس
اهتمي بصحتك ونفسيتك وراحتك وحاولي تنسي هالامور وتتوكلي على الله وتبثي حزنك وهمك الى الله عزوجل اسال الله ان يصلح الامور ويدبرها بتدبيره |
اسمعيني انتي الحين والد والنفسيه مهمه لا تفكرين فيه ركزي على ولدج والحمد الله على السلامه واقعدي ادعي رب وادعي وادعي ترى الدعاء يسوي العجايب وزي ماقلنا لج لا تكلمينه اذا ركضتي وراه بيطنشش خليه اهو الي يركض وراج انا مادريس وش انصج اكثر اخاف اقولج اتبعي معاه اسلوب الكر والفر يعني مره ترسلين ومره تطنشين بس اخاف يفهم غلط انج
تبين تكلمينه بس انتي ماقلتي لنا وش سويتي ارسلتي له الرساله الي قلت لج ولا طنشتيه ولا بعدج تركضين وراه ودقدقين عليه طيب يومج في المستشفى مارسلتيله شي مارسلتي له انا بين الحياء والموت لمى جاتج م زوجج جان حبيتها ع راسها ورحبتي وكذا اذا تبين زوجج عضي عليه باسنانج وايدنج واذا ماتبينه خلاص الله يوفقج بغيره بس بصراحه تصرافات زوجج تحير وتدل انه مو من قلبه الي يسويه اهو في احد يعبي راسه عليج حسبي الله ونعم الوكيل فيهم زكرتني باسرة طليقي حسبي الله حسبي الله حسبي الله ونعم الوكيل جعلها في بناتهم ترجع وحوبتج ماتعادهم |
اقتباس:
الحمد الله على سلامتك وماتشوفي شر ان شاء الله ، ومبروك ماجبتي يتربي بعزك وعز والدينك والله يجعله عبد صالح باراً بأمـه احقريه يابنت الحلال والله لو بحلف قلبه متقطع وماله وجه يجي لك يتحمد لك ويشوف ولدك لانه عارف انه مخطي ولا هو ماسك عليك شى ، بس فيه احد فار براسه تصبري والله يقومك بالسلامه |
ولله يااختي مدري شنو اقولج بس الله يعينج ويااااااااااااااارب يااااااااابر يهدي زووووجك يااارب
|
الف مبروك ماجاك يتربى بعزك ..
والحمدلله ع سلامتك |
الحمد لله على سلامتك فايض حناني
طمنينا عليك |
الله يبارك فيكم وابشركم الطفل طلع من الحضانه وهذا هو باحضاني لكن نفسيتي تعبانه بس ابكي توقعته لاولدت بيجي ويفرح لان قبل من حملت كان يقول متى الايام تركض ويجي النونو هذا النونو جاء بس ابوه ماجاء واليوم الظهر جدتي ام ابوي قالت لامي ان زوجي اتصل بولد عمي وقاله شوف الطفل طلع ولا لا اذا كان طالع علمني كم مبلغه عشان ارسل لهم قاله ولد عمي مدري عنه اذا طلع او لا قال له زوجي اسال ورد لي خبر عاد امي ردت على جدتي وقالت قوليله ماحنا بحاجة فلوسه الناس تبيه يجي ويسوي اوراق ولده حتى الاسم ماسماه وقالت لها امي ماعليه حسوفه حتى عمتها جتها خمس دقايق وهي واقفه هاذي عمه مابقلبها رحمه قالت جدتي خايفات من اخوهم يطردهم قالت امي عذر اقبح من ذنب ليه هو بعبع يخرع عشان يخافن،،انا بس ابي حل ابي اعرف ليه يسوي كذا مره يكلم ويقولي اسف وحقك علي واعتذري من خالي وخالتي ومره يقطع ويقول ماراح نكمل مع بعض توقعته يجي لما اولد ماجاء قلت بيرسل ما ارسل لاتقولون انسيه طنشيه عجزت لاني ماني متخيله هو ليه صار كذا ابي سبب مقنع يخليه مايبيني او ماسك علي شي؟ نفسيتي صفر ومن هالنفسيه ولدت بالثامن من غير اسباب صار هبوط ضغط وولدت لكن ابوي ساكت ويقول ما اتصل فيهم قلت لاتترجاهم كل اللي ابيه تقوله اذا بتطلق طلق بس عطنا سبب واحد مقنع للطلاق بنتنا شفيها واذا ماتبي تطلق اصلح حالك مع زوجتك لكن ابوي رافض حاسه انهم مبسوطين ان ابوي ساكت عشان يطلق ومايكون في مجال بعد الطلاق ابوي يناقشه لانه موضوع وانتهى بالنسبه لنا ولهم ويبدا عماني يصلحون مع عماتي وابوي وترجع المياه لمجاريها مع ابوي وعماتي وعماني لكن انا وعيالي وزوجي بضياع وتشتت هم كذا ضامنين رجعة علاقتهم مع ابوي لانهم اخوان ان طال الزمن او قصر بيرجعون لكن انا وزوجي مستحيل نرجع بعد الطلاق،،عشان كذا اخواني وخواتي ابي حل ابي ما اتطلق وربي مغبونه ومقهوره والله مالي ذنب وهو ماعنده دليل ليه بيطلق دام مافي دليل عطوني حل الوقت يمشي بسرعه ومو بصالحي انا ماني عارفه شالسبب القوي اللي يخليه يرفض يرجع لي اكيد مكذبين اكثر ومتاكده انه يحبني لكن احسه مصدوم ابي احد فاهم وحكيم يعطيني حل وابي ارجع له اذا مو عشاني عشان عيالي تكفون عطوني حل والله اكتب لكم ودموعي عيت تنشف عجزت اتحمل محد فاهم وضعي والله لو فيه غيره بحياتي كان قلت يارب السلامه وخلوه يطلقني ولا ابي سبب عشان انفضح وكان رجعت لغيره وسليت نفسي ونفسيتي ارتاحت والله نحفت 15 كيلو من غير مبالغه مهمومه حيل ،، ابي حل وابي دعوه منكم لي بظهر الغيب اذكروني فيها
|
الله يفرج همك يااارب ويصلح حالك اختي وينور بصيرة زوجك ويرجعكم لبعض يااارب عاجلاً غير آجل
ويكفيكم شياطين الانس والجن ادعي ربك اختي اخر الليل انت صاحبة الحاجة ابكي بين يدي ربي واطلقي كل اللي بنفسك له واشكي حالك ماهو ناصرك الا هو سبحانه بيده امرك من قبل ومن بعد الجئي لربك ماحد غيره بينصرك |
ويييييينكم ابي حل؟ والله اشتاق له مو بكيفي
|
اختي حاسة فيك وبحزنك
الان اتركوه لا احد منكم يكلمه بسالفة الطلاق ابد لانكم لة لحيتوا عليه وقلتوا سنع زوجتك او طلقها اكيد بيطلق ومااستفدتي شي الان احتمال كبي يكون اللي بينكم حسد او عين اقري وردك واستغفري كثير وحده من خواتي كذا هي وزوجها مرة تعقدت امورها ومشاكل كثيرة راحت تقرا عند شيخ وفجاءة زوجها تغير وصار عسل ورجع زي اول انتي اهدي الان وتخيلي انك بالاربعين عند اهلك كالعادة واهتمي بنفسك واكلك وطفلك و خلي سورة البقرة شغاله اربع وعشرين ساعة بالغرفه اللي انتي فيها وذا خلصتي الاربعين استمري على سورة البقرة وروحي لشيخ يقرا عليك وتوكلي على ربك هو مدبر الامور وراح تنحل ويصير كل شي ماضي بس انتبهوا تدقون عليه وتجيبون سيرة الطلاق واستغفي كثير بنيه عودة زوجك لك |
اصبري
انتي الآن في النفاس وهرموناتك تسبب لك الكأبة فلا تزيدي على نفسك ادعي الله ان الأمور تنصلح وأكثري من الاستغفار ما في حل ممكن نقول سويه لكن بيدك ما هو اعظم الدعاء والاستغفار انتي الآن في ابتلاء واتفهم نفسيتك وانك تريدين زوجك ان يستقبل الطفل معك لكن وكلي امرك لله فهو مصرف الامور حاولي تتغذين كويس علشان طفلك وصحتك |
الحمدلله على سلامتكـ
والحمدلله على سلامت المولود وجعله الله من مواليد السعادة و من حفظة كتابة الكريم قريته موضوعك كامل حتى ردود الأعضاء جزاهم الله خير مافيه مشكله ولكن هذا عيب بالرجل . الرجل لمن ياصل لمرحلة من العمر يكون محتاج للجنس الأخر وتختلف نظرة كل رجل عن الأخر للجنس الثاني فبعض الرجال نظرتهم للمرأة هي الأم والأخت والزوجة والحبيبه والصديقة وهي الضلع المكمل للرجل وبعض الرجال نظرتهم للمرأة جنسيه فقط واذا مل منها رماها مثل اللعبه واذا احتاجها جنسياً قالها انتي عمري وحياتي وقلبي من هالكلام اللي للأسف تصدقه الزوجة وهي مجبره على ذلك .. تناسيه مع العلم أنه صعب عليك ولكن ألهي نفسك بمولودكـ الجديد .... اعانك الله على هذا الرجل .. ذو القلب الحجري |
حالي من حالك يـ أختي
خليك قويه وعندك كرامه دام إن زوجك شك فيك لا ترجعي له لين يترجاك ويسلم ع بطن رجولك خليه يعرف إن مو كل من قال كلمه صدق فيها أنا انصحك تخلي أبوك يتصرف في هالأمور وفهميه إن هو مضحوك عليه من أخواته و أمه و خالاته وإنك ماتبغي الطلاق يعني قولي له أبغى ترجع لي كرامتي قبل مارجع له والله مدري وش أقول لك ولكن الله يسهل أمرك وتأكدي أن الله حرم الظلم ع نفسه ولا يرضاه ع عبادهـ الزمي الدعاء و الإستغفار بنية أن الله يفرج همك بالتوفيق / |
يا اختي الله مايرضى انك تسوين كذا وش هالعيشة
كل الناس حبوا وعشقوا لكنهم علقوا رجاهم واملهم بالله وماخيبهم مافي حل من جهتك مافي حل .. ليه ما انتي راضية تقتنعين ان الخطوة التالية مستحيل تجي منك .. خلاص وقفي كل اللي لازم تسوينه سوييتيه .. اتجهي لرب العالمين و علقي قلبك فيه وتاكدي تاكدي جدا .. ان راحتك في مناجاتك لله .. ان تنسين المشكلة وتنسين زوجك .. لان الامور بيد الله يقلبها كيف يشاء .. الخطوة الثانية من زوجك .. يا اختي فكري ان اللي باعك بهالسهولة وش بتصير حياتك معه؟ اقنعي نفسك بنفسك .. و انتي بنفسك تقدرين تسيطرين على مشاعرك و توجهينها بأي شي غير الشوق والحنين .. الله بيده يجعل حياتك نعيم و راحة .. اتركي الناس و وزوجك واتجهي لربك و قولي يارب اكتب لي الخيرة و رضني بها |
دمعت عيني والله من قصتك..عليك
بالاستغفاااااااااااااااااااااااااااااااااااااااااا ااااااااااااااااااااااااار+ ثقي بالله دعيتلك من قلب ..الله يفرجها عليك |
الله يهدي بالك ..
تتوقعي الحل بالكلام معه ..لا يااختي لاتشغلي تفكيرك .. زوجك لازم يصحى ضميره وتتغير افكاره وهذا مو بيدك تسوية .. الصبر مو سهل مرارته علقم لكن باذن الله تفرج .. لاتستعجلي اعطيه فرصه يعيش حياته بعيد عنكم بدون ضغط منكم اتركوه يعني ,, انتي لاخرجتي من بيته بدون اذنه ولاغلطتي لكن هذا اختياره وخليه يتحمل نتيجتها .. نصيحه لاتحاولي تتكلمي فيه كثير اوتتذكري لحظاتك معاه راح يخف عنك الالم والقهر .. |
الحمدلله على سلامتك وسلامة المولود
ربــــــــــــــــــي يفرج همك .. شوفي اختي حنان او فايض حناني .. مااعتقد انه راح نقدر نفيدك او نعطيكي حل لانه مشكلتك حلها موجود بيد الله ثــــــــــــــم بالوالد.. لكن اذا حابه تفضفضي احنا سامعينك لكن ما اعتقد نقدر نحل الموضوع وماشالله الكبار والفاهمين والوالد موجود.. انتي يا اختي بتسألي عن حل لكن الحل موجود برضه عندك .. اصبري والهي نفسك واهتمي بصحتك وبمولودك لاتركزي على زوجك بيكفي الي عمله فيكي .. وراجعي حساباتك وشوفي كيف انه غلط بحقك كثير ... لهدرجه نفسك راخصه عندك .. ارجوكي تركزي على نفسك ولا تخلي كل يومك يمضي على زوجك وشوقك وحنينك ..له موضوعك اكبر من هاي العواطف ..الشغله كبيرة وحلها بس بايدين الوالد والكبار .. وانا اشد من موقف الوالد ماشالله ونعم الاب صراحه .. ولو تلاحظي موقف الوالد .. كيف انه قطع اخوته ورافض يتكلم معهم لاجلك وانتي تراسلي زوجك ولا بدك اياه يحكي معك .. كمان لازم لو كان بده يتكلم معك لاتخليه الا لما يرجعك برفعه راس والاعتذار يكون كبير وله وزنه .. وبموافقه الاهل وانه يتعهد انه مايعيدها لانه هذا شرف مو لعبه .. فهمتي صوني كرامتك واحفظي نفسك عنه وراح لوحدة يرجع لما يقدر قيمتك معاه بجد .. انتي واطفالك .. فهمتيني حبيبتي .. اتمنى تدوسي على مشاعرك تجاهه وتفكري بالاهم .. واتركي الخلق للخالق .. الصبر + والاستغفار + اليقين + والوقت كفيل برجوع المياه لمجاريه ولاتنسي تجمدي مشاعرك وتغطيها بمشاعر الامومة حتى يكون كل تركيزك على اطفالك وتقدري تخلصي فترى نفاسك بدون مشاكل صحيه ولا نفسيه .. اطفالك بحاجتك اكثر من والدهم فلا تهملي نفسك الله يرضى عليكي .. واحمدي ربك على نعمه الاهل .. الحمدلله عندك مين يواسي ويطبطب عليكي .. ويوقفلك سند ويحميكي ... و احفظي كرامتك ولاعاد تترجي خير منه وهو حاقرك .. راح يكون له درس .. في حياته وعمره حتى ما يحط ذانه لاي حد ويسمع بدون ما يتأكد.. اتمنى الصورة تكون وصلتك ... |
اقتباس:
انا مع هاذا الرد وانتي براحتك |
ياحبيبتي لاتشيلن هم وابوك معك نامي وريحي ويمدي على هذاك لاطنشنيه يجيك وادا كانه يقدرك ويحبك وادا العكس انتي الرابحه منه مامنه امان اللي كذا الله يطول عمر ابوك مثل عمر شعيب النبي وكل شيء مكتوب لك من كنتي كبر ابنك الله يوفقك ويعوضك بالاخير منه دامه كدا ماعليه حسوفه ماعرف قدرك خله يجرب غيرك وقوي قلبي واستمدي قوتك من ابوك ولاتضعفيييين لهالاشكال لانهم راح يدوسون عليك وعلى ابوك والله فوقهم وينصركم على من ظلمكم
|
فايض حناني طمنينى عليك
|
أسأل الله ان يفرج همك ويقدر لك الخير حيث كان
|
اي والله طمنينا عنك وش صار عليـك ، عسى امورك زينه
وشلون الصغير عسى حالته احسن |
اول شي خواته كانو معك بالشات يعني وش فرقتي عنهم
بس اللي سبب الاحداث زوجك يبين حبك كثير قدام اهله حسدوك و تحسفوا فيك الخير فاشتغلوا بالخراب و النجاسة لاكن الله على الظالم اكثررررري من قراءة سورة النصر و بتشوفين باذن الله نصر ربي لك و اكثري من حسبي الله و نعم الوكيل عليه توكلت و هو رب العرش العظيم حسبي الله على كل اهل زوج شغلتهم النكد و التفريق |
مشكووريين اللي سالو عني ,, زوجي ارسل لي رساله كاتب فيها الحمدالله على سلامتك ولو ماجيت اشوفك يكفي اني اسال عن صحتك وانتي ماتدرين رديت عليه الله يسلمك وصار يكلمني ويتصل فيني لمدة اسبوع وقالي نبي نفتح صفحه جديده واللي راح راح وابن ادم مسير مو مخير صدقته وقلت طاح الحطب المهم من بعد الاسبوع اللي كان يكلمني فيه جاب امه للرياض عند خواتها واتصل بولد عمي وقاله قل لفلانه تجيب ولدي لبيت خالتي قال ولد عمي طيب يعني زوجي جا لنفس الديره اللي فيها انا وعياله ولا كلف يمر يشوف المولود المهم اتصل فيني ولد عمي قالي جهزي ولدك الكبير باخذه لابوه قلت ايش بتوديه للشرقيه وليه حسيت قلبي طاح قال لا ماني موديه الشرقيه اصلا ابوه ببيت عمتي اللي هي خالة زوجي قلت لا ولدي تعبان عليه حراره ولد عمي دق على زوجي وقاله ولدك تعبان عليه حراره ماقاله امه عيت لا قال ولدك تعبان المهم اتصل فيني زوجي يكلمني قدامهم بنفسيه لاتقولون شلون عرفتي قدامهم لان اصوات عماتي واطفالهم عنده قالي بالحرف الواحد وهو بكامل النفسيه المعفنه الو سلام اخبار عيالي قلت بخير قال ليه ولدك ماتخلينه يجي قلت تعبان قال لا خليه يجي قلت انت تعال وشوف ولدك الصغير والكبير قالي انا برجع الحين للشرقيه قلت طيب برسله لك وارسلت ولده وشغالته لبيت عمتي مع ولد عمي وولدي شاف ابوه انهبل والله رجع لي وهو يبكي يقول ابي بابا المهم قلت بتطمن عليه مشا ولا لا لان طاح الحطب اتصل وارسل مايرد احترقت تلفوني مارد ارسل مايرد وسوست قلت يمكن صارله شي بالطريق لكن الصدمه طلع مافيه شي لاني اشوفه اون لاين بالواتس ومايرد والله حرف واحد ماكتبه لي عمك اصمخ ماكني ادق وارسل من القهر قلت له بمسج انت وش تبي توصله وش تستفيد من كثر ماتقولي افتحي صفحه جديده خلص الكتاب مارد علي رجعت ارسلت انه خلاص تعبت اسامحك وتعبت اركض وراك والحين سو اللي يملاه عليك ضميرك ووقفت اتصالات ماعاد اتصلت ولا ارسلت.. لكن اللي مضايقني عجزت القا تبرير واحد منه يسوي كذا انا عارفه عماتي حشو راسه من جديد ولا ليه قالي نبي نفتح صفحه جديده وبعدها قطع ماعاد يرد.. ويوم قالي اللي راح راح قلت بنتفاهم ليه تطنشني قالي احنا عيال اليوم ومانبي نتناقش بالماضي قلت طيب وكنت مبسوطه انه رجع لي لكن مصدومه وميته قهر ليه رجع يكلمني ويوم جا للرياض وشاف خالاته اللي هم عماتي وشاف ولده ماعاد يرد علي ... انا احس اني بفقد عقلي بيوم من تصرفاته اللي مالها تفسير وانا صح غلطانه رديت عليه وكسرت كلام ابوي اعترف بغلطي بس ابوي كان مسافر وحسيت جا مسجه لي وانا لحالي ماعندي احد ورديت عليه وضعفت ومن رجعته من الرياض اللي شاف ولده فيها حرقته مسجات مره عتب مره شوق مره ليه ابي افهم ليه تسوي كذا انا شسويت لك وهو مطنش كل هذا اعترف اني غلطانه اني اندفعت له وفرحت يوم قال طاح الحطب غلطانه لاني غبيه اصدقه دايم ونسيت اقولكم يقولي شغاله مابيها تدخل بيتي صرت اترجاه بدال لا انا احط شروط هو قام حط شروط وقالي تراني انا ماغلطت عليك حتى يوم سكرته بوجهك ماغلطت لانك ترفعين الضغط بلعتها وسويت نفسي ماسمعت ,,, الحين شلون اصحح خطاي لانه صار وقت مايبيني يلقاني حسيته من حركاته يلعب فيني يعني انتي ع مزاجي وانا والله وقت اشوف اتصاله ولا مسج من حبه ارد عليه انا نقطة ضعفي حبه والله لو ماكنت احبه ماركضت وراه اكثر من كذا وابي اكرهه من بعد تصرفاته عجزت ,,
|
ياليتني مارفعت موضوعك قهرتيني والله قهرتيني
يابنت الناس زوجك يمسح بكرامتك الارض وتقولين احبه والله لو حيوان حس اعذريني على كلامي لاكن مقهوره منك ليت الاعضاء ماتعبو انفسهم وعطوك حلول يابنت الناس تبينه يرجعلك لازم ترجعين اول شي كرامتك احقريه ابوك علميه بكل شي والي يقوله ابوك يتنفذ حتى لو قال خلاص لازم يطلق زوجك خلاك مسخره عند اقاربك حسي شوي يلعن الحب الي يخلي الواحد بلاكرامه |
يااختي كنت بأقرأ مواضيع المنتدى من دون تسجيل دخول
موضوع اجبرني على تسجيل دخولي عزيزتي ... اذا انت بعتي عزتك وكرامتك اجل تستاهلي اللي يبيع كرامتك وشرفك كيف ترضي انه يتكلم على شرفك ويقولك بعدها امزح وتسامحيه ... كيف ترضي انه يتركك بالشهور من غير مايسأل عنك .. وبعدها يرجعك عشن ياخذ عازته ويتركك وترجعي تسامحيه يابنت الناس هذا ماينفع له غيييييير اسلوببببببببببب الطناااااااااااااااااش اولا ادعي ربك وناجيه ووكلي امرك لرب العالمين ثانيا ... تحذفي رقمه من جوالك ولاتفكري تدخلي على اسمه في الواتس اب ثالثا تغيري رقم جوالك وتخلي شريحتك القديمه مع والدك رابعا تبدأي تشغلي نفسك بدراستك ولو انهيتيها سجلي بدورات ... وحاولي تنشري في عيلتك انه نفسك عافته وماتبيه اهتمي بنفسك وعزي كرامتك وادعسي عاللي يتكلم في شرفك اذا مو لنفسك .. لولدك وللي في بطنك الله يهديك ويعطيك خير نفسك |
ياختي إرحمي نفسك
وش بقى ماسويتي ذليتيها ومابقيتي شيء من كرامتك والله ماودي أجرحك بس هذا الواقع عز نفسك تعز قالوا لك الأعضاء من قبل بس أنت الله يهديك |
الا كرامتك والله اهنتي نفسسسسسك كثييير كثييير
خذيها معي واحد واحد 1/ انتي معاك الحق .. مليييييون % 2/تكلمو في شرفك .. 3/ هو صددددددقهم ... 4/ماعطاك حتى فرصه تدافعي عن نفسك .. 5/ ماكلف على نفسه يجي يشووف مولوده الجديد ويشوووفك انتي خمس ايام تتالمي بالمستشفى من الطلق وماجاك ولا حسسك بحبه ووقف جنبك .... 6/الكل وقف ضد ابوووووك اللي داااافع عنك ..... وبالنهايه رحتي تكلمينه وتراسلينه بدون علم ابووك وياليته نفع معاااااه الا سحب علييييييييييك وماعاد رد عليييك .. اقسم بالله قههههر وكله عشااااان ماااااضي ... وكنتي وقتها صغيييييييره محد يلومك .... ماله حق حتى يحاسبك... قووووووووي قلببببك .... ولاتضعفييين .... وش الحب اللي يخليك رخيييييصه عنده يسمع كلامهم فيك انتي عرضه .. شرفه .. شعره من وجهه لو وااحد ثاااااني كان سكتهم كللللهم عشاااااااااانك .... كان دااااافع عنك ... وسمعك .... وحافظ عليك وعلى عياله برااااااااحتك يا اختي بس والله مقهووووووره عليييييييييييك ..... ابيك تتصرفين صح خليييييك مع ابووووووك ... نعم الابو والله .. واااااااقف معااااك ... زاعل اخوانه وخواته عشااانك وعشان كرامتك ترجع لك الله يحفظه ويخليه لكم عندي لك اقترااااااح ..... انا اتوووقع انهم قايلين له شي غيييير الحقيقه .... والا ليش يزعل منك هالزعل كلللله ؟؟؟؟ دام عنده واتس اب ... وعندك انتي كمان اكتبي يا ابو ...( اسم ولدك )... ماتبي ترد عليه ولا تبي تسمعني هاذا شي راااااجع لك ... بس اقراء رسالتي للاخير ... واوعدك تكوووون اخر رساااااااله ارسلها لك ... انا يا ابن الناس حافظه بيتك .. وحافظه عرضك .. وماعمري خنتك وربي يشهد عليه اللي صار بالضبببببط .. انو .......( وقولي القصه كاااااامله باحداثها واذكري كم كان عمرك وقتها ... اذكري اسماء اخواته اللي كانو معاك ... اذكري المكاان سواء في بيتكم او في بيتهم .... اذكري مين اللي كان يكتب (بما انو شات ) انتي والا اخواته ... وكللللل شي صار في هالموقف اذكريه ) بعد كذا قوولي ....... هذا اللي صار بالضبط .. ويشهد الله عليه مازدت ولا نقصت وحسبي الله على من كان السبب في خراب بيتي وتشوييه سمعتي امامك ... اسال الله ان ينتقم منه عاجلا غير اجل ومع السلاااااااامه ... وبسسسسسس .... بررتي موقفك ... علمتيه بالحقيقه .... دعيتي على من ظلمك .... وخلااااااااص يبي يرججع حيااااااه الله .... مايبي برااااااااحته الايام كفيله ترجعه لك وتشووووووفين بس لاتهينين نفسسسسك اكثثثر ... |
وردة الرياض معها حق
ولا تترجينه اكثر من كذا لانه راح يصدق يقول خايفه تتطلق ولاعاد احد يبيها الخاينه ما راح يقول تحبني وتموت فيني بيقول تبي الستر باي وسيله خلاص يا اختي علقي قلبك برب العالمين وتناسيه واهتمي فمولودك وامسحي رقمه عشان ماتضعفين وغيري رقمك بعد ماترسلين خليه يدق لابوك يقول وينها ويبدا يحس با خطاءة بس انتي خليه 5 شهور بس وشوفي وش بيصير الرجال مايحبون اللزقه الغثيثه الله يوفقك ياررب ويسهل عليك امورك |
انا والله ماخنته لكن احاول اخليه يصدقني يوم اني اركض وراه مو خوف من اي شي لاني واثقه من نفسي لكن ابيه يصدقني هو صدق خالاته والدليل يرجع يكلمني ويوم جا للرياض وشاف ولده سحب علي مدري شناوي عليه وان ناقشته قالي اللي راح راح وابن ادم مسير مو مخير قلت طيب ولاجا شاف ولده الصغير سماه من غير لايشوفه انا نفسيتي تعبت صرت معلقه ابي ارتاح صبرت لما فيه الكفايه شوفو كم شهر واحنا حياتنا كانها مد وجزر عجزت افهم تصرفاته طيب دامه مايبيني ليه مايطلق ليه للحين مخليني ع ذمته وطيب لو نفرض يبيني ومايبي يطلق ليه للحين ماجانا وصلح الامور مع اهلي .. وشي ثاني عجزت افهمه يكلمني يومين ويسحب عشر ايام ولكن اخر مره كلمني وقال اللي راح راح وجا هينا عند خالاته وارسلت له ولده مارفضت طلبه ارسلت ولده له وهو جا للرياض من غير لايعلمني وسو طلايع لولده يعني عشا ولا علمني كل هذا ادري من الناس ومع انه ذيك الفتره كان يكلمني ولاقالي انه بيجي ولا اي شي مهمشني بحياته قلت ماعليه هم مكذبين عليه ومصدوم من الكلام لكن اللي يقهر يكلمني ويوم رجع اتصل وارسل طمني عنك ولا رد بحرف واحد؟؟ انا ادري ان عماتي حسبي الله ونعم الوكيل عليهم مطلاعات سوالف جديده والله العظيم اني ماتعرضت لحياة وحده فيهم ولاجهم مني شي اصلا انا بس ساكته متعبه مقوله لسانك حصانك ان صنته صانك.. عجزت افهم زوجي شيبي يوصله مره يرد ويقول نفتح صفحه جديده بعدها بايام يقطع ولايرد علي... يارب صبرني كرهت حياتي قسم لو ما اخاف من ربي كان انتحرت اللي يقهر اقرب الناس يتكلمون ومسوين انهم ماسكين عليك ممسك ومخلين حياتنا انا وزوجي تحت رحمتهم...انا ابي حل اخليه يجي يركض وراي فكرت انشر بين العايله اني قدمت اوراقي على وظيفه >> الوظيفه ابوي يعرف واحد بالبنك وله واسطه قويه يعني صحيح لو بتوظف اقدر اتوظف لان الرجال قال لابوي انا تحت امرك هات الاوراق وابشر بعزك .. واصلا انا مو بحاجة الوظيفه لان ابوي مسويلي استقطاع ان بغيت اتوظف بس تغير جو مو اكثر.. فما ادري انشر بين العايله اني قدمت اوراقي ولا لا .. وتتوقعون لانشرت ووصل له الخبر بيجي لابوي يعتذر منه ولا لا ,, لانه للحين ماقابل ابوي.. وغير كذا مابي اصدم نفسي بطلاقي لاني عجزت استوعب فكره انه يكون مع غيري بيوم من الايام ,, وحسبي الله ونعم الوكيل على اللي خربت بيتي حوبتي ماراح تتعدا اخته اخته زواجها قريب سوت المشاكل وتزوجت حسبي الله ونعم الوكيل يارب اربط على قلبي يارب صبرني حتى اصبر ولا اكون من القانطين
|
يا حبيبتي... لما كل هذا الذل؟ أغلقي هاتفك.. ارميه بحر مثل ما يقولون... ان اراد التواصل... فلديه رقم اخوتك و والدك....
ليس بالطفل الصغير حتى يغير رأيه بين ليلة و ضحاها.. و يغير رأيه من كلام النساء.. اليس بعاقل راشد؟!!!! هاتفك أغلقيه و اعطيه لوالدك.. و خذي جوال آخر.. جديد مع شريحه جديده... |
انتي جربتي كل ما لحقتيه بعد
جربي ابعدي انتي و راح يلحقك تعرفين ليه لانه سميعي و اللي من هالنوع شوتيه يرجعلك الحقيه يبعد ولا تفكرين انها مجازفة اومغامرة بالعكس تصرف مضمون لانه ليه يتعب نفسه ويجيك يراضيك و انتي اصلا موزعلانه بالعكس انتي اللي تراضينه راجعي نفسك و زوجك زي ما اساء الظن فيك لا تحسنين فيه |
يقولك " من راقب الناس ، مات هماً " انتي لا تراقبينه وش يسوي وش مايسوى والله ان يملأ قلبك الهم
اتركيـه وانسيه وخليك بتربيه ولدك ، والحمد الله انتي معززه ومكرمه بين والدينك الله يطول بعمارهم |
اختي فوضي امرك لله
واتركي زوجك وانسيه تماما لاتركضين وراه ربي اللي بيرجعه لك مو انا ولا انتي ولااللي في المنتدى كل ماضاقت عليك وجلستي تفكرين فيه قولي يارحيم يارحيم يارحيم ارحم ضعفي اني مسني الضر وانت ارحم الراحمين وظول وقتك استغفار وصلاة على الرسول بتشوفين شي عجيب وبين الادان والاقامة ادعي وبعدين خلاص انسي الموضوع ترى انا مجربة شعورك وكنت بعمرك وسويت زيك بس ماكان عندي احد ينصحني وماعرفت قيمة دكر الله والدعاء الا اللحين لمن كبرت شوي وحطي في بالك اللب جاي احسن واحسن وماتضيق الا وتنفرج |
شوفي ياحبيبتي انتي بصراحه مو كفو الواحد يرد عليكي ومع هذا برد مع اني واصله حدي منك
انتي ليش ماسحه بكرامتك الارض ترى الرجال نصفك الثاني مو حياتك كلها ليش كل هالذل وليش بكل رد تحلفين لنا انك ماخنتيه وانك مظلومه وانك وانك انا اللي اعرفو انو واثق الخطوه يمشي ملكا بصراحه ماالوم زوجك لما يشك فيكي نحنا بدانا نشك من اسلوبك وخوفك وتبريرك وحلفانك الكثير ليش منتي واثقه من نفسك ليييش؟ ولو على سالفة الشات عادي انتي كنتي صغيرا وبغض النظر عن عمرك هادا شات مو بيت دعاره على قولك مجرد ماتقفلين الصفحه ينتهي كل شي اما على اسلوبك دحين ماحقول لانك صغيرا وماعندك حكمه الحمدلله انا اصغر منك عمري 19 سنه وحتى لو عمري 10 سنوات الغلط غلط انتي موضوعك موضوع شرف قذف عارفه ايش يعني قذف يعني لو تروحين تشتكينو للمحكمه وربي ينجلد هوا وعماتك اللي ماخافو الله في عرضهم وانا لو منك وربي وربي لاخليهم يتشرشحون بالمحاكم لما يعرفون ان الله حق ويحسبون للكلمه الف حساب قبل لايقولونها وعبالهم اعراض بنات الناس لعبه االله يردها في وجههم يااارب وبعدين مين قالك انو عندنا الفانوس السحري عشان نشوف لك حل ؟ وحتى لو عندنا حل ليش اصلا نتعب نفسنا ونفكر لك بحل ونتي وحده ماتسمعين الكلام نصحناكي بما فيه الكفايه رجال وحريم نصايح جاتك من مختلف الاعمار والاجناس والاعراق وكلها على وتيره وحده انك لازم يكون عندك كرامه وتطنشينه وتسويلك شخصيه واعتبار لاكنك مني كفو كل كلمه والثانيه انا احبه لاتقولو لي طنشيه طيب دحين لما رجع وضحك عليكي بكلمتين وقلك نبدا صفحه جديده وصدقتيه ايش استفدتي غير انك حرقتي اعصابك بزياده ورخصتي نفسك واهلك وخليتيكي زي اللعبه بيدو وبعدين مين قالك ان الانسان مسير عشان تصدقيه ولا ليش في جنه ونار لو نحنا مسيرين وليش في حساب وعقاب هادا يضحك على مين ؟ والله بصراحه ماالومه عاللي يسويه فيكي انا لو مكانه اسوي اكتر لانك وحده مرخصه نفسك ومضيعه وقتنا ووقت ابوكي كيف تسمحين لو يهين كرامتك وبكل بساطه كنتي تبغين ترجعين معاه لما قلك بكرا بجيكي بدون ميتحاسب على كلامو طيب فالنفرض رجعتي لو انسان متزعزع زي دا مافكرتي كيف حياتك بتكون معاه؟ انتي لكي 3 سنوات متزوجاه وشوفي ايش سار بينكم مافكرتي بعد 10 ولا 15 سنه كيف بتكون حياتك معاه ؟ وابوكي المسكين ماعملتيلو اي خاطر ؟ وليش خايفه من الطلاق تطلقي دحين احسن ماترجعيلو ويجيكي السكر ولا الضغط وتزيدي عيال ويتزوج عليكي ويبهدلك وتكبري بالسن وبالاخير يطلقك وحاد زي دا مافيه خير لنفسو حتى حسبي الله عليه اذا ربنا كاتب انك تطلقي مافي شي راح يرد الطلاق عنك كلو نصيب وارزاق كبري عقلك ولاتخلي الرجال محور حياتك وبعدين كيف تقولي مصدوم من الكلام اللي جاه يعني انتي بكل بساطه بررتي موقفو وعملتي انو مسكين ومظلوم كيف مصدوم مصدوم من ايش يعني من ايش ليش انتي بجد خنتيه ولا شافك مع غيرو عالفراش عشان ينصدم ولا ينصدم من كلام بدون دليل وبعدين نسي نفسو الوسخ كيف يحاسبك على ماضي لاوجود له من الاساس ومايحاسب نفسو على البنات والجنس وغيرو اصلن هوا عرف نقطو ضغفك لما يبغى معاكي جنس يتصل فيكي ويرجعلك دا قصدو الللي تبغين تعرفينو وتفهمينو افهمي افهمي ولا انتي ماتفهمي كيف الواحد يفهمك رجاء مانسمحلك تستخفي فينا وفي ابوكي وفي الاعضاء اللي متعبين نفسهم ويدخلون عشان يطمنون على موضوعك ويردو عليكي وتعاطفو معاكي ونتي ماتعاطفتي مع نفسك حتى لو منتي كفو لا تضيعين وقتنا كيف اصلا تبغينو يحبك ولا يحترمك ونتي ماحبيتي نفسك ولا حترمتيها ولو كنتي تحبيها ماسمحتي لنفسك بالاهانه والطعن على شرفك الحيوانات ماترضى الذل لنفسها لانها تحب نفسها وبعدين مين قالك ان الحب كل شيئ بالحياه ترى احلى مافي الحب انك كل مرا تحبي بتحسي انك لاول مرا تحبي وان الحب السابق كان مجرد غباء وماكان حب حقيقي يعين لاقدر الله وطلقتي وتزوجتي ساعتها راح تفهمي معنى كلامي |
اقتباس:
|
اقتباس:
|
طيب ليه اتهمتي عماتك بانهن سبب تغيير زوجك من غير دليل
زوجك عنده عقل يفكر به ، ليه ماحطيتي الملامه عليه وحده؟؟؟؟ انسيه واخرجيه من دائرة حياتك فمثل اشكاله اللذين لايحملون من الرجوله ذره لا يستحقون مجرد تفكير يظهر لي انه ناوي يعلقك ناوي يمرمطك علشان لا تعيشين حياتك |
تكفين ياختي طنينى عليك والله شايله همك كثيرررررررررررررررررررررررررررررر
واذا اتصل او كلم لاتردين عليه الله يفرج همك |
| الساعة الآن 12:52 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©