|
اقتباس:
صادق دراما بانورما .. فعلا اكثر الرجال كذا , وبالمناسبة حتى لو كان انسان مرح لابد تؤثر على نفسيته .. مو شرط تكون اخلاقه زفت , بس يكون ماله خلق اي شئ .. حتى العلاقة الخاصة لا يرغبها كونه متضايق .. كلامي عن تجربه حصلت مع زوجي .. العلاقة الخاصة تتاثر بالحاله النفسيه ... غريب زوجك يرغب بها وهو يمر بضائقه ماليه + ما عنده الغذاء الكافي لامداد جسمه بالطاقه .. الرسول عليه الصلاة والسلام أمر الشاب الذي لا يستطيع الزواج بالصيام , لانه يخفف من حدة الشهوه وفعلا كلام سيدة الموقف صحيح , العلاقة الخاصة تحتاج غذاء ومصداق ذلك حديث رسول الله عليه الصلاة والسلام وهذا الله يسلمه وشلون يرغب بالمعاشره ( وهو جوعان + يمر بظرف قاهر) والله اني احس زوجك ينصب عليك .. |
اقتباس:
ولا لاحملتي يااختي كيف تتغذين عشان الجنين؟؟ انا الا الان مو مستوعبه الوضع..ومتاكده انه زوجك مو حاس فيك ولاهامه شي...كل العرسان عندهم ظروف وديون لكن ماوصلوا للي وصلتوا له رغم ديونهم يوفرون لزوجاتهم افخر انواع الطعام..ومستحيل يعترفون لزوجاتهم انهم مديونين ومستحيل ياخدون ذهب منهم ويبيعون.. ترى الفرفشه والضحك والمزح ماتبرر لزوجك او تشفعله الي يسويه فيك..هو مسؤل عنك وحرام الي قاعد يسويه..يروح طول اليوم يرفه عن نفسه ويجيك اخر الليل ..طيب ياخدك معه لامه تتقهوين عندها او يحطك عند اهلك يسوي اي شي.. يااختي احس زوجك احد حالف عليه ماياكلك.. |
اقتباس:
اما بالنسبة يا اختي الكريمة لتلميحك للكلام الذي ذكرته واستدلالك بحديث الرسول صلى الله عليه وسلم وتوصيته للشاب بالصيام فلا يوجد تشابه بين شاب غير متزوج وبين رجل متزوج من اسبوعين وزوجته شابة صغيرة تجلس امامه بكلمل زينتها كما تقول اقتباس:
ثانيا المقصود بالصوم ليس صوم الفم عن الطعام والشراب انما صوم الجوارح والفكر مثل عدم التفكير في ما يحرك شهوته ولذلك ان وقع الصائم في مثل ذلك او غيره من مكروهات الصوم قال اللهم اني صائم ليذكر نفسه وينتهي ومن اهم الجوارح التي يجب ان يحفظها الصائم في صيامه غض البصر، فهل يجتمع الصوم مع اطلاق البصر ؟ وهل يجتمع الصائم مع زوجته وهي متزينة امامه في غير وقت الصوم . وسبق وكتبت موضوع عن الصوم الخاص لمن لا يقوى على الزواج وما قصد الرسول الكريم به عليه الصلاة والسلام ... اخيرا اختي الكريمة بارك الله فيك ما وضعت حديثي سواء للاخت الفاضلة سيدة الموقف او لكِ الان ولكل من يمر على كلامي الا لشئ واحد فقط وهو ليتجه كلامي للأخت رهف صاحبة الموضوع لكي لا تأخذ الكلام على هواها وتكره زوجها لا قدر الله وتمتنع عنه ، واعيد واكرر الهدف هو لتوجيهه لها ولم اقصد احد بعينه ولم استهزئ بكلام احد او اجرح به ولن اعيد الحوار والمداخلة مرة اخرى في هذه النقطة لانها منتهية اساسا ... ويكفيني وهذا ما دخلت لاجله ان صاحبة الموضوع الاخت رهف فهمت قصدي منذ اول مرة قرأت فيها الرد وهذا الفرق ولم يسعفني الوقت لاشكرها على حسن ظنها بي وشكرها لي ولذلك اقول لها يا اختي رهف واياك ان شاء الله وارجوا منك لو كان هناك شئ لا تستطيعي البوح به هنا فقسم الاستشارات الخاصة تحت امرك ولن نتركك حتى نساعدك ... وفقك الله يا اختي واعتذر للجميع بدون استثناء الاخت الفاضلة سيدة الموقف والاخت الفاضلة أصيلة 3 ولكل من أسأت له دون ان اشعر استودعكم الله . |
رهوفه..شنو الظروف اللي خلته بهالحاله؟؟؟
|
طيب هو متزوجك بالسر؟؟؟
اتمنى تكوني صريحه لان مافي احد هنا يعرف هويتك او يعرفك شخصيا...ليش تخبين؟؟ صراحه من امس افكر فيك وفي حالك..وشايله همك |
حقك أنتي أعظم من حق أمـه وعمته وخالتـه ...
يجب أن يعرف هذا الشيء ... ثم يفكر بإكرام غيرك |
اقتباس:
احس خانك التعبير..حتى الصغار يعرفون ان الام حقها اعظم من جميع البشر |
أختي رهف ..
اضيفيني لقائمة المستغربين والمتعجبين من هذه القصه .. بأضيق الحدود وأحلك الظروف وأسوأ الإحتمالات لايمكن حدوث ماسبق .. زواج وبعد ثلاث اسابيع يتحول إلى مجاعه ......!!! أي زواج هذا .. !! رهف!!.. مالحقيقة الغائبه ؟؟ |
لاحول ولاقوة الابالله
ااااااايش ماكان وضعك الزمي الاستغفار |
قبل اشهر كنت اتكلم واقوول ياجماعة الخير يااعضاء المنتدى الي يجيكم يخطب وراتبه 5000 الاف لاتزوجوه تراه يبي يموت بنتكم جوع وجميع الاعضاء يقولون لا كلامك غير صحيح
يلا يااعضاءنا الكرام عطوا هالبنت حل هذي ماتت جوع وش الحل والا فاضين للكلام المنمق والكلام الفاضي اسمعي طيبتك ماهي نافعتك وصدقيني خمس سنوات وهو متزوج عليك قولي ماقاله الدكتور انا اعرف هالنوعيه والحل بيدك |
اقتباس:
وفي الاخير تطلع اشاعه وحنا نقول ليه الوزراء مو حاسين في الضعوف اتاري اي واحد يوصل لمرحله ما يفكر الا بنفسه ويضن الناس كلها بخير وين انت عن زوجوهم فقراء يغنيهم الله تحياتي |
ههههه وين عايش يا دكتور ؟!!
العالم الحين رواتبهم 2000 و بعد المكرمة صارت 3000 هذولا اجل ما يتزوجون ؟!! الاخت سجلي بالجمعية الخيرية و راح يوصلوا لك الاكل لحد بيتكم .. |
أخت رهف طمنينا عنك وعن وضعك وأسأل ربي العظيم أن يفرج همك , لاحول ولا قوة إلا بالله العلي العظيم
|
أمرك غريب أختي!!
اسأل الله ان يصلح حالك ::: |
اقتباس:
وإضافه لكذا أخوي أنا بنت لكن عندي قناعه الرجال ماتفرق فلوسه مثل أخلاقه الفلوس تدبر أهم شي الأخلاق أنا في بالي هذا الشي الوحده ماتتزوج بنك وأدفع لا تتزوج شخص تكمل باقي حياتها معه علي حب وألفه وموده وإلا الفلوس تروح وتجي وكم واحد تزوج وهو راتبه 2000 ألحين ماشاءالله صاحب أموال ((خذوهم فقراء يغنيهم الله من فضله)) والاخت الفاضله قصتها ماتدخل البال وحتي أبو 2000 بأكلها ماراح يخليها تجوع وخبز وجبن تشبع الحمدالله |
اتعجب لهذا المنتدى يقولون مالايفعلون انا مابي اتكلم كثير والمشاكل الي صايره من ابو الفين وثلاثه ياخذ البنت واذا شاف نفسه متوهق وضع مشكله كبيره حتى يطلق وكأن البنت علبة بسكويت اكل مابداخلها ورماها بورقة طلاق
هذا الواقع والافضل لاابو الفين وثلاثه لايتزوج لانه يسبب على المجتمع عبئ كبير لانهم هم اكثر ناس ينجبون ابناء وبالتالي العطاله امامهم لانه لايستطيع على دفع مصاريفهم سواء دراسيه او غيرها ... لن اطيل لكن من تتزوج من ابو الفين او ثلاثه على قولتكم تاتي لقسم المتزوجات حتى نعالج لها المشكله وبعد اشهر تترقى وتاتينا بقسم المطلقات وبعد اشهر يتقدم لها شايب عمره ب 60 سنه وتاتي لقسم المقبلين لتشاورنا تمنياتي لكم بالتوفيق |
دكتور المنتدى
أحمد ربك على النعمه الي أنت فيها ولا تتشمت في ضروف العالم ،، أبو ألفين وثلاثه ،،،عندهم عيشه أحلى وأسعد من الي عندهم ملاايين ،،، وكلها أرزاق من رب العباد لخلقه ،،، وكل وقناعته وحسن تدبيره ،،، وبصبر وشكر النعمه على مأعطاهم ربي يزيدها لهم ،، أبو ألفين وثلاثه ــ أحسن من الي يشحذث في الشوارع وهو بقوة وصحه وعافيه ،، |
اخ دنيا الوفا
اقتباس:
اخ دكتور المنتدى الخطا مو بالراتب نفسه .. بسوء التخطيط .. مو مشكلة الواحد ينحد مرات على الوظيفة ام راتب 2000 و3000 لكن وش الي يحده يرضى بهالوضع طول العمر ؟ هنا المشكلة ان كثير من الي راتبهم 2000 يكونون بنفس الوقت راضين ماعندهم طموح ولا عندهم مانع يبقون بهالمستوى طول العمر .. ! ويتوقعون بنت ترضى بهالوضع طول العمر ! عشان كذا الناس ترفضهم .. |
[QUOTE=مدن السلام;2713329]اخ دنيا الوفا
أخت وليس أخ :d كيف حكمت ؟ ترى مو عشان فلوسهم قليلة بالضرورة تككون اخلاقهم تمام !! [COLOR="Blue"]وش ددخل الفلوس في الاخلاق ؟؟ أنا حكمت من واقع تجربه ومن أشخاص عايشين معنا بنفس مستوى الراتب وماشاء الله عليهم مرتبين أمورهم تمام وعلى فكره تو متزوج عندنا واحد راتبه 3 الاف ريال ،، ويطورون من زياده دخلهم بأعمال حره COLOR] وانت قلتها بنفسك الخطا مو بالراتب نفسه .. بسوء التخطيط .. |
اقتباس:
وش هالتشائم والنظرة السواداويه لا بو الفين وثلاثه ... مالومك يمكنك طايح بزوجه شفاطة فلوس وتحسب الحريم مثله .. قريبتي متزوجه طالب يدرس ,, وهاللحين دكتور باعلى المناصب , ولا ضرهم شئ والحمد لله يكفي النيه لاعفاف النفس والرزق على الله ... |
[QUOTE=*دنيا الوفا*;2713337]
اقتباس:
انهم قايمين بحقوق زوجاتهم = اخلاقهم تمام :d فكرتي اني ضد التعميم و الترفيع الزايد عن حده ! شخص او شخصين حوالينك او حتى عشرة رااتبهم 2000 و3000 عايشين تمام مايعني ان : - كل الرجال الي رواتبهم 2000 سلوكياتهم وتعاملهم زي هالشخصين ! - كل البنات راح يتقبلون الوضع زي زوجات هالشخصين ! - كل الازواج الي ظروفهم زي هالشخصين بيعيشون تمام لان الشخصيات بكل بساطة تختلف ! ارجع اقول ماحب الفكرة الي يروجونها الناس عن الشخص الي راتبه قليل انه شخص اخلاقه تمام او ناجح !! |
يا جماعة أتمنى أن تلاحظوا أن زوج الأخت أساساً ليس من ذوي الألفين والثلاثة والخمسة.
هي قالت سابقاً أن وضعه المادي ممتاز لدرجة أنه يستطيع فتح أربعة بيوت .. وما يثير تساؤلنا وتحفظنا هو ذلك الظرف المفاجئ الذي قلب حياته وأوصلها لحد الجوع كما تقول رهف. |
طيب شو الي قلب الحال فجأة ......؟؟؟؟؟
ياريت تدخلي الموضوع يا رهف وتجاوبي على هالمليون سؤال الي براسنا ....؟؟ |
إنتوا مو ملاحظين تزيدوا وتعيدوا بالموضوع ورهف أصلا مو موجودة ولاتجيب على تساؤلاتكم
ماأقول غير كل واحد أو وحدة يجي ويختلق قصة ويألف ويخلي خلق الله تنشغل وياه ويتعب من التفكير حسبي الله ونعم الوكيل فيه |
ياااااااااااااااااااااااااااااااادكتور المنتدى ..............
ابغى اسالك كم راتبك ؟؟؟؟؟؟؟؟؟؟؟؟؟؟ وصدقني ترى (كل يرى الناس بعين طبعه ) ممكن انت لو راتبك ابو الفين او ثلاثة ممكن تسوي كذا لو لقيت نفسك مو قد المسؤلية راح تتطلق بنت الناس لكن غيرك رجااااااااااااااااااااااااااااااااااال ابو الفين وثلاثة مادام نوى يفتح بيت بالحلال ولقى اهل البنت شارينه بالرغم من راتبه المتدني الا انه راح يعز البنت ويحافظ عليها ويصونها ومايخلي ينقص عليها شئ وليش مسمي نفسك دكتور المنتدى وهذا تفكيرك ............ صراحة استغربت من هذا التفكير انا زوجي راتبه حول الثلاثة لكن عمري ماحسيت بتقصير ماشاء الله لا قوة الا بالله حتى مطاعم اروح لها وانبسط وعايشة حياتي الرزق من الله ومافي انسان يموت من الجوع في بلدنا الحبيبة لكن فكر في كلامك اللي كتبته هل هذا الكلام ينطق ويكتبه عاقل وصاحبة الموضوع اتوقع انها تاليف والله اعلم ولا عن جد تقدر تسد جوعها بعيش (خبز) وجبنة وانتهى الموضوع تروح عند اهلها تاكل وامكن هو يبغى يختبر تحملها وصبرها عليه والله غريبة وتفكير اغرب لاتزعل مني اخي بس انت لم تتكلم عن منطق ابدا |
خرجتوا عن الموضوع
و رهف !!! لا حس و خبر فهل تؤلف الجزء الأخير من القصة ؟ الله أعلم |
اقتباس:
الله ييسر امرها وامر الجميع .. |
لا تظلمونه
لعلك تدعين لها و لكن ليكن بظهر الغيب فهو أحرى بالإجابة الغريب تعقبك لي و تعليقاتك التي لا تسمن و لا تغني من جوع مع أنك لا تلفتينني مطلقا !! سكت الأولى احتراما لنفسي و للمكان فما رأيت منك إلا تماديا .. |
ممكن يكون غيـــاب رهف هو
مافي رصيد بجوالها لترد على تسأؤلاتنا ... او اشتراك النت مفصول لعدم السيوله ... ** الله يعين الجميع ** |
اقتباس:
انت ِ صح وانا غلطانه .. تندري ونكتي عليها مثل ماتحبي ;) |
أين انت ياصاحبة الموضوع؟؟!!
أتمنى أن تكوني صادقة.. وتذكري أن الله عليك رقيباً.. اقتباس:
-أسألك بالله يادكتور المنتدى هل أنت مؤمن بقوله تعالى: ( إن يكونوا فقراء يغنهم الله من فضله) -أسألك بالله يادكتور المنتدى كم تبلغ ميزانيتك السنوية لتتكلم بهذا المنطق المتعالى.. -الفقراء هم أول من يدخل الجنة.. -وأما أخلاق الناس فهي متفاوتة في الفقر والغنى..ومانراه أن الفقير قد يتمسك بزوجته لفقره أما الغني فيتلاعب ببنات الناس لأنه يملك المال.. -والعطالة التي تتحدث عنها سببها ليست كثرة الشباب بل جشع المسؤولين.. -هل أنت ممن توظف بواسطة أو أنك سعيت كثيراً للحصول على فرص وظيفية..وقُبل من يملك الواسطة ورد صاحب المؤهل العالي؟؟!!! -وسارقي ثروات الشعوب والبلاد هم عالة على المجتمع وهم من سبب العبئ عليه لا الفقراء.. وحسبنا الله ونعم الوكيل.. بصراحة ردودك دائماً عكس التيار وهذا يشعرني حقاً بأنك من طبقة لا تشعر إلا بنفسها ومتطلباتها.. *********** عذراً لخروجي عن الموضوع ولكن رد هذا الأخ دفعني لذلك.. |
هلا اخت ديمي اشكرك على التعليق لكن المنتدى وضع لكي تحلين مشكله صاحب اي موضوع لا انك تعليقين على كلام الاخرين هذا اولا
نحن مششكلتنا اننا نعيش في ظل حياة مزيفه .... لاغني ولا فقير ... لكن لدينا بالمجتمع مشاكل وليست لدينا حلول .... انتي جالسه بالبيت او اي بنت تجلس بالبيت ولا تعرف بالمحيط الخارجي مايدور .... انا ابتكلم لك من انسان راتبه عشر الاف ريال سعودي بالوقت الحالي وليس لديه اي طفل وانسان على قد الحال لديه اهل يصرف عليهم وزوجته دعيني نرتقي قليلا ونتكلم عن الحقيقه بشكل اوسع ربما تكون خارج الموضوع لكن انا اتكلم عن مشكلات قد تحدث 2200 اجار شقه شهريا مكونه من 3 غرف وصاله بالوقت الراهن اقل من كذا مااعتقد لكن هذا المتوسط وهذا ماالتمسه من اكثر الشباب سواء زملاء عمل او غيرهم 300 متوسط قيمة فاتورة الكهرباء 300 متوسط قيمة جوال الزوجه 300 متوسط قيمة جوال الزوج 1000 ريال مصاريف اكل وشرب لهم 1500 ريال مصاريف لااهله 2500ريال قيمة اقساط زواجه لمدة خمس سنوات 1650 ريال قيمة اقساط سياره لمدة خمس سنوات بااقل تقدير 1100 ريال للاشياء الطاريه مستشفى ملابس اعياد وغيرها بعد خمس سنوات يبدأ هاجس التملك شيلي 2300 قيمة الاجار + 1650 صارت ملك السياره + 1000 ريال بحكم ان راتبه زاد خلال خمس سنوات قيمة قسط تملك وهذي حياته غير بطاقات الائتمان الي تبي تصير على ظهره غير وغير تعالي ننزل شوي اذا كان راتبه 8 الاف اذا كـــــــــــــــــــــــــــــــــــــــــــــــــ ــــــــــــــــــــــــــــــــــان راتبه 5 الاف اذا كـــــــــــــــــــــــــــــــــــــــــــــــــ ــــــــــــــــــــــــان راتبه 3 الاف كيف تبي تكون الاوضاع وكيف تبي تكون المعيشه وكيف راح تتصرف المرأه عموما انا لااريد ان اطيل ولكن كنت انصح البنات ولكن اعتقد بأن البنات او جميع النساء لاياخذن النصيحه خلاص اي وحده يجيها رجل يخطبها لاتقول لا حتى لو كان ماعنده راتب ولا عنده دخل ولا شي تتزوجه ان شاء الله وضعهم راح يتغير الى الاحسن ماراح يكون هناك مشاكل ولاراح يكون شي بحياتهم راح تكون ملئيه بالرومانسيات مليئه بالحب اتمنى لك بنت التوفيق والزوج الصالح ... تمنياتي لكم بالتوفيق الآن آمنت بمقولة تعمل خيرا تلقى شرا جزى الله لكل من تكلم علي والله يرزق الناس على قد نياتهم |
أختي الغاليه:::: موضوعك أحدث فيني هزه عظيمه تعرفي لماذا؟ ليس لأنكم عايشين على قد حالكم ولكن لأنكم عظماااااااااااء بمعنى العظمه أنتي عظيمه لأنك تصبرين وهو عظيم لأنه إختارك شريكة حياته بصراحه أنتي نادره في هذا الزمان وأمثالكما قليل ووالله أني معجب بقوتكما على تحمل الصعاب
أما نصيحتي لك حاول بقدر ما تستطيعين ان تتفقي معه على عمل صندوقين الأول لتسديد ديونه والثانيه لمصاريف البيت يعني قسمو المرتب أما النصيحه الأهم فهو أن تقومي معه في الثلث الأخير وتوجهو إلى الكريم صاحب الفضل الله عز وجل ولن يخيب آمالكما وستعيشان بسعاده ماحييتم وفقكم ربي وأعانكم لكل خير أسأل الله أن يرزقكم من واسع رحمته إنه كريم مجيب الدعاء |
اقتباس:
يعني إذا راتبي أقل من ثلاثه ما اتزوج؟؟؟ ياشيخ خااف الله نحن مسلمين أين أنت من قول الرسول صلى الله عليه وسلم(زوجوهم فقراء يغنيهم الله) وقوله تعالى( إن يكونو فقراء يغنهم الله من فضله). اتمنى أن نرتقي بمستوى تفكيرنا المادي قليلاً لكي نرتقي قليلاً. |
خالي سعودي..بعد ماطلع للتقاعد قصوا من راتبه وصار بس 2000 أو 3000 ريال..!
عمره الله يرحمه 45 وعنده 5 عيال ومعاهم زوجته المتقاعدين اللي ما معاهم إلا شهادة الإبتدائية منين ياكلون..!! ظلم كبيييييييييييييييير ولاحول ولاقوة إلا بالله توفي خالي بحادث سيارة..كان عقله مو معاه وقت الحادث من الهم والضيم مسرع في طريق بري الله يرحمه ويغمد روحه الجنة |
اقتباس:
وبالعقل كذا رجال دفع دم قلبه ويالله تزوج سهله ذي يطلق وبسكوت إلا بيطلق بطلعت الروح بتطلع عيونه ماطلق بصراحه ومتوهق يطلق بالعكس بيحاول يرتب الأمور عشانه لو طلق ماراح يقدر يتزوج وعلي قولتهم عزوبية دهر ولا عزوبية شهر إلي جرب الزواج مو سهل يجلس بدون زوجه أخوي والله أتكلم بكل صدق الرجال عندي أهم شي أخلاقه وإذا البنت معها شهاده ممكن تتوظف وتشيل نفسها وقناعتي الفلوس تتدبر أهم شي الرجال الطيب مايتعوض والله هالوقت يااااااكثر الشباب إلي عندهم قدرة ماديه لكن ياقل الشباب الصالح وهذا أهم شي الرجال الصالح وبعدين الرجال الصالح راح يعيش الحرمه علي إلي يقدر عليه وبركة رب العالمين لكن الحقير وراتبه عالي تتفل العافيه ماخذت منه شي وكل فلوسه له أهم شي رجال طيب ويقدر العشره ووفئ ومستعده أصبر معه علي إلي أهي به لكن أكثر مايخوف الوحده تصبر مع زوجها وبعد مايكدها الفقر وربي يغنيه يبيعها برخيص ويدور غيرها واهي صبرت عشان كذا فيه حريم ماتصبر مع زوجها وتضغط عليه وياكثر إلي كذا بعد مايغينه الله يبيع الحرمه ويدور الثانيه ويدلعها والثانيه لو أهي ماصبرت معه في فقره يوم |
نور الايمان..لا ماكنت اعرف ان هذا بيحصل ووالله ان ظروفه كانت ممتازة..حلم وتحقق سألتيني بالله ومن سأل بالله فاليجيب..والله يا اختي اني مادخلت ألعب او اضيع وقت او اكذب واقوم بتأليف قصص او اتفاول على نفسب بالشين..ووالله اني مادخلت الا بعد ماضاقت بي الدنيا ووالله ان ظروفي حقيقه..ارد عليك وانا صايمه بهذا اليوم الذي أسأل الله فيه ان يسخرني لزوجي وان يسخره لي ويفرج همنا ويكشف غمنا ويرزقنا من حيث لانحتسب....ردا على الاخت انا ماانقطعت عنكم لأن ماعندي نت لا والله للآن الشريحه تشتغل ولكن انقطعت لأني دخلت مره وانا متضايقه وقريت تكذيب البعض لي وضاقت فؤني الدنيا كثر ماهي ضايقه ..وقلت الله يسامحهم ..لكن بعد الردود الأخيره والسخريه أسأل الله ان يذيق من كذبني من الظروف ما أذاقني والله الدنيا دوارة .وانا ماطلبت الا مشورة او كلمات تزيد من صبري.. لكن فعلا الشكوى لغير.الله مذله..بعض الردود شككتني بزوجي لكن نفضت الشك عني لأني اعرفه اكثر منكم انسان يقوم الليل بالبقرة ويتوجه لله ويذكرني فيه وبتلدعاء
|
تابع...يذكرني بالدعاء وعادل تماما بيني وبين زوجته..والانسان حتى لووصل لدرجة الغباء بالذات المرأة تعرف ان كان زوجها يحبها او لا..يكرهها او لا..متمسك فيها او لا..وانا ارى انه.مازال على حبه..حتى يوم طلبت طلتقي بلحظة غضب وقال اجلسي 6 شهور عشان الناس ماتتكلم فيك..ماضايقني بشئ ونومه صار في المجلس وانا مثل ماقلت لكم انه اشترى اغراض للمطبخ والاربعاء على كلامه اهله بيجون وفعلا جاء ضيوفه وجهزت العشى ورسمت احلا ابتسامه ولاحسستهم بشئ مع اني تعبانه ومتظايقه
|
اسغه على الأخطاء الإملائيه لكن الكتابه من الجوال متعبه
|
مرحبا بعودتك
لا تلومي الاعضاء لشكهم بقصتك فانتي تكتمتي بشكل مبالغ فيه حول الظرف الذي احال حال زوجك من قمة الغنا لقمة الفقر! وايضا غبتي بنفس الوقت الذي طرح فيه التساؤل حول هذا الظرف لذا فمن الطبيعي ان يساورنا الشك! وهانتي عدتي دون ان تجيبي علا التساؤلاات |
| الساعة الآن 11:17 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©