|
ننتظر المزيد من الاخبار الجميله والسعيده
|
يا رب خير غياااااابك وتكون اخبارك حلوه
منتظرين |
لا خير الحمد الله ماشي على حسب كلام البليغ ومثل ما قلت كان فيه امل
وان شاء الله يارب تزين الامور |
اشكركم من كل قلبي على وقفتكم معي
|
داخل تقطر علينا بالقطاااره الاخبار ما شي يا عم الله يهنيك ومن تقدم لتقدم ان شاء الله
باي سطر من التطبيق وصلت ههههه خليك مع البليغ بالخطوات ونحن نجلس نشجع الله يهنيك يا رب وانت ايضا رح تتغير حياتك ولن تعيش مع الماضي رحم الله غاليتكم جميعاااااااا |
بالتوفيق اخوي
وطمنا كل فتره عليكم ويارب تزين الامور |
يا نايف:
-موضوعك سهل، وسوف تنجح معها بإذن الله. -أعطني الأخبار أولاً بأول. -لا تنسى الآيات والأذكار التي كتبتها لك مسبقاً. |
خخخخ
طيب بقول لكم بالتفصيل طلعنا من العصر رحنا تمشينا لحد المغرب وصلينا ورحنا السوق واشترينا اغراض ورحنا مطعم وتعشينا وبعدها رجعنا البيت ع الساعه 10 واخترعت لعبه مدري وش تبي بس عاد اسمها لعبه ومن شروط اللعبه ان اللي يلعب ثلاثه والهدف الظاهر اني اونس الصغيره وهي العكس وبعد ما طلعت روحي لعبت معنا جربت مسكت يدها وكاني غلط ومو قصدي حسيتها بغت تهفني بس مسكت نفسها وعدتها>>الله لو تدري انها مقصوده وبعدها نامت البنت وشغلت البلايستيشن وتحديتها على حكم وبما انها ما تحب احد يتحداها لعبت واكيد فزت اول مره وعصبت وحكمت عليها تسوي لي شاي وسوت ورجعت لعبت قيم ثاني وخليتها تفوز وتوقعو حكمها كان من جد عنيف قالت قوم واقعد 20 مره ونفذت والله المستعان وبعدها راحت تنام وانا بعد بغيت اعطيكم الاخبار بس ان عيوني مااعاد قدرت افتحها ونمت فقط هاذا اللي صار اليوم لكن ابي رايكم وش يكون برنامج اليوم مع ان والله ضغط علي لاني ارجع من الدوام ابي اناام فغيرت نظام نومي حتى واللي انامه تقريبا ساعه بعد الغداء وين اوديهم اليوم؟ّ!! |
رائع!
اذهب لليلة للمشي على أقدامكم مع تناول العصيرات أو الايسكريمات. ::: ستضبط أمورك لكن بالتدريج، والصبر. |
الله يسهل امورك ويوفقك ويجمع بينكما على حب وسعادة
اقترح عليك اليوم اذا كان عندك امكانية مكان للشوي في البيت أن تشوي للعشاء وتساعدك وتطلب منها الانتباه للشوي تاره وتارة انت وبعد العشاء رياضة المشي معا ومنها تجاذب الحديث |
الحمد لله رب العالمين خليك خطوه خطوه مع البليغ وطبعا افكار الباقين ولكن
خلونا خطوه خطوه بالتوفيق انت الفعل ونحن الدعاااااااء |
بالتوفيق خطوات موفقة
نسال لك الله التوفيييييييق |
بالتوفيق يا اخي
سبحان الله ما شاء الله تبارك الله الاحظ حماس الجميع ومتابعه ورجاء بتحسن الحال بينك وبين زوجتك دعواتنا الصادقه لكما بالتوفيق |
ربي يوفقكم ويسهل اموركم
|
ليش ماتعطيها ورده صفراء على الطاوله قبل ماتروح لدوامك وتكتب لها كلام حلو
عشان اذا قامت من النوم تشوفها |
اقتباس:
الله يسعدكم يا شيخ :d تونسون بجد :22: الله يوفقكم ويجمع بينكم على خير يا رب قلوبنا معكم وألسنتنا تلهج لكم بالدعاء ... في انتظار الأخبار الحلوة .. |
اخ نايف...الحين لكم سنه متزوجين معقوله ماطلعتوا ولاتمشيتوا ولعبتوا الا بعد ماحطيت مشكلتك هنا واعطوك الاخوان الحلول..
طيب وبعد هذا كله افرض افرض مثلا ماتغيرت لاسمح الله... شوف اخوي ترى بعض الحريم مايجيب راسهم غير الشده والحزم ..يعني انت استمر الان بالاسلوب هذا وجرب يمكن يجيب نتيجه باذن الله بس اذا مانفع عليك بالشده قلها شوفي يابنت الناس انتي زوجتي وهذا حقي الشرعي وانا صبرت لاني مقدرك ومحترمك فارجواك تقدريني انا تعبت ومن حقي اعيش حياه طبيعيه وروح غرفتك وقلها معك ساعه وحده اذا مالحقتيني راح يكون لي تصرف ثاني ومحد يلومني عليه وبنتي ماراح يضرها شي وراسي يشم الهواء....يعني مو معقول لاتبي تعفك ولاتبيك تتزوج عليها ..قايم فيها وبطلباتها مو معقول ماتقول في نفسها حرام هذا زوجي.. ..بين لها انك منت ماخذها بس عشان البنت وضح لها انه بنتك انت احرص الناس عليها..وانت انسان تبي تعف نفسك..وتبي انسانه تبادلها الحب ولانسجام وتنجبون اطفال انا شخصيا بصراحه شفت كثير تزوجوا اخوات زوجاتهم ومخلفين منهم وحياتهم يبدوا انها طبيعيه والدليل انجابهم الاطفال يمكن في البدايه البنت ماتتقبل تاخد زوج اختها لكن في الاخير بتنسى وتتعود وبالعكس تصير تحب زوجها وتغار عليه حتى من اختها المتوفيه... لكن زوجتك هي طبعها العناد واللامبالاه وجاهله ماتعرف تتعامل مع الزوج وانت مسايسها ومخليها على راحتها لسبب انها حزينه على اختها او انها مو متخيله انك زوجها طيب صار لها سنتين معك وعدت المرحله الصعبه واكيد انها استوعبت الوضع ونسيت انك زوج اختها والان المشكله فيك ومنك انت 100 %. اعتذر منك ومن الاخوان لان الكل منسجم وش بتسوي لها اليوم وش راح تكون ردة فعلها وجيت انا عكرت الجو.. |
حبيبتي ليه الغرور اعتقد هو كان ايضااااااا حزين على زوجته ويعيش على الاطلال ولا نلومه
خلينا باللين حاليااااااا وكلو بوقتو حلو يعني وقت يشوفها تبكي تقلب عليه المواجع ويحن ويرق قلبو ويدخل غرفته ويتجدد حزنه حبيبتي ليه الغرور مش حاسه انو اخونا مهضوم ههههههه ما بعرف ليه عندي هالاحساااااس يا رب من تقدر لتقدم |
اقتباس:
|
الله يسمع منكم
اما بالنسبه لليه الغرور اكيد طلعنا وتمشينا بس انه ما كانت متجاوبه ابدا وانا ما اصريت احتراما لرغبتها بس بالفتره الاخيره بديت امل لدرجة اني استشرت ناس كثير قالوا مافيه الا حلين يا طلاق يا الثانيه وشفت هالمنتدى صدفه وسجلت فيه وطرحت مشكلتي مع اني كنت يأأأأس اما من ناحية الحزم والشده لو شديت بتعاند اكثر وهي من النوعيه انسى تعطيك شي غصب او بصيغة امر يا بالاحترام يا انسى ومشكلتها مو مستوعبه اش يعني طلاق لانها اصلن مو عايشه حياه طبيعيه معي فكيف تفهم وشو الطلاق ووش اللي يترتب عليه وتشوفه شي تافه لابعد الحدود لانه في مفهومها ان الناس هم اللي مكبرين سالفة الطلاق ولا هي شي عادي اثنين وانفصلو وطبيعي ومن ناحية البنت خلاص خالتها صايره ام بالنسبه لها وما تقول لها الا ماما يعني صعبه شوي واذا كنت انا نذل ورحت اخذت الثانيه وتركت ذي لمجرد التربيه اظن قويه بحق انسانه ضحت عشان بنت اختها اللي هي بنتي ما اخفيكم اللي اعطوني راي بالطلاق او الثانيه انا فضلت الطلاق وبعدها الثانيه ليش لاني ما ابيها تكون مجرد مربيه يا اني احسن معها يا اتركها تشوف حياتها مع اني متأكد ما كان قدرت اقدم على هالخطوه واطلق ممكن يكون حل في لحظة يأس بس صعب تنفيذه |
اذا مزحه نمررهاااااااااااا بدنا نغير جو لاخوكم حرااااااااااام
والله يمكن لاني فاقده لابني لي يومااان ما شفتو لا من نهار الخميس ما شفتو بس اتصل فيه قلبت عليي المواجع ابني شخصيته احسستها مثل اخوك صاحب الموضوع يحب اللعب والهضامه و الضحك والمزززززززززززززززح قلبت عليي المواجع |
الله يسهل عليك حياتك وتسهل اموووورك
اهم ياأخ نايف اهم شي الحنان والعاطفه العب ع هالحبلين وربك يفرجهامن عنده يمكن ياحست بشخص مهتم فيهاويحن عليهاويراعيهاتلين معاه وتعطيه اللي يبي لو عيونها دمت بتوفيق الله ورعايته |
اقتباس:
طيب لو انتظرتي إلى ما ينتهي من هالأسلوب وكتبتي ردك ؟!! هو قال إنه كان ما يلح عليها وكان مقدر حزنها .. اقتباس:
اقتباس:
ولا صحيح إن سنة تكفيها لتنسى أختها ، أنتِ ما تعرفي طبيعة علاقتها مع أختها ما تعرفي اش كانت تحكي لها عن زوجها ، عن حياتها ... لما تجي وتحطي كلام مثل هذا ويعتبر "تجييش" نوعًا ما على الزوجة وتتوقعين ردة الفعل المعاكسة من الأعضاء ما كان الأفضل تحسبي ردك كويس قبل تنزليه ؟ مو ممكن أنه يؤثر على أخونا وعلى الخطوات اللي اتبعها وجالس يواصلها ؟ الواضح من كلام أخونا أنه ما حاول مُحاولة جادة حازمة مع زوجته الحالية فلا تطلبي الحزم والشدة وتحكمي عليها أنها تحتاجها وأنتِ لا تعرفين طبيعة حياتها ووضعها ،، .. |
-لا تقمنَ على الأخت الكريمة/ ليه الغرور..فهذا رأيها، واستقبلوه بصدر رحب.
-هي عضوة تحب الصراحة، ولا تحب الخطأ، وتحب أن يكون كل شيء صحيحاً، ولديها آراء وإشارات صحيحة، وفي شخصيتها حزم، وجدّية، وواقعية عالية، وفيها عجلة بعض الشيء. -وأنا أرى أن رأيها بشكل عام سليم، وليس عليه أيّ غبار، ولكن لا نطبّقه في حالة الأخ نايف مباشرة في هذه المرحلة، وإنما في حالات أخرى تستلزم هذا لبعض المتزوجات.. -أما في حالة الأخ نايف فهذا الحلُّ ما زال بعيداً عن التطبيق لو أردنا تطبيقه من الأساس؛ لذا فنحن نسير مع زوجته بالحسنى، واللين، ونعطيها الفرصة، ونقدّر لها جميلها وحرصها ورعايتها للبنت، وننتظر ونرى ما يحدث منها، ثم نقيّم، ونرى نجاح الحلول التي تمّ استخدامها، ومن ثَمّ نقرر السير قُدُماً في نفس الطريق، أو ننحرف إلى طريق آخر في الحل. ::: -استمر يا نايف، وإن شاء الله ترى الخير، ولا تيأس. -حرّك عاطفتها بأية طريقة، والعب على أوتارها. |
:* أنه الموت يا أحبه من نتحدث عنه هنا إنها مشاعر إنسانة غيب الموت عنها أختها ورفيقة دربها وأنيسة وحدتها :* أنه الموت الذي أخفى صوتها وضحكاتها كيف بالله عليكم تستكثرون عليها أن تحزن عاماً على من كانت من لحمها ودمها. .؟! كيف تريدون منها أن تتغنج كالزوجات وتضحك وتنام بأحضان رجل وكأن ماحدث مجرد أمر بسيط لايستدعي كل هذا الحزن. .؟! ومن لم يجرب فقد الأحباء ومرارة الموت فأرجوكم لايتصور أن الأمر هين وإن الإنسان بإمكانه أن يعود لحياته الطبيعية بظرف أشهر الرسول علية الصلاة والسلام حين ماتت زوجته خديجة حزن عليها حزناً عظيماً حتى أن العام الذي توفيت به سمي عام الحزن وهذا هو رسول الأمة الصابر الأمين حزن وتألم فكيف بنا نحن البشر الضعفاء..؟! :* الشدة والحزم في هكذا موقف أرآها تقضي على كل بذرة أمل لتغيير هذه الزوجة وتقبلها لزوجها لكن الرفق واللين ومحاولة كسب القلب هي العلاج الناجح ومازلت أقول شاركها مشاعرها دعها تفتح لك قلبها وتثق بك وتشعر معك بالأمان وأنك رجل فعلاً جدير بالإحترام لنحترم أحزان غيرنا لنحترم وفاءهم الجم لمن رحلوا عنهم :* أسأل الله أن يحفظ لي ولكم أحبتنا ويصونهم من كل مكروه ويجبر مصاب هذه الزوجة وهذا الزوج ويعوض عليهم :* وأسأله بقدرته ورحمته التي وسعت كل شيء أن يألف بين قلبيهما ويكتب لهما السعادة :* |
الله يوفقكم ويكتب لكم الخير والسعادة
|
اقتباس:
لنحترم أحزان غيرنا لنحترم وفاءهم الجم لمن رحلوا عنهم ونعم الرد والله الله يجازيكي كل خير |
اقتباس:
أخ نايف ولو تاخذ بعد سنة ثانية مو مشكلة اللي في هالمسكينة من حزن مو شوية يارب رحمتك بها وبنا ,, |
اقتباس:
أقف احترامًا لقلمكِ وفكركِ سيدة الموقف فعلاً أنتِ للموقف سيدة ... |
أخي الفاضل نايف
مع احترامي الكبير لجميع الآراء وأصحابها الكرام آمل أن تسمح لي بهذه المداخله لكي تكون متوازناً مع نفسك وعادلاً معها اقتباس:
اقتباس:
وأنك متزوج منذ سنه وإلى الآن لم تلمس يد زوجتك ! رحمة الله على الأموات , ولكن فترة ثلاث سنوات للحزن طويلة جداً ومبالغ فيها . اقتباس:
اقتباس:
هي لم تضحي ولم يجبرها أحد على الزواج منك , ولا أظن أن أحداً يجرؤ على ذلك , فبأسها شديد ولسانها طويل وعنيدة وشخصيتها متسلطة . هي فعلت ما يناسب هواها لأنها تحب أختها وبنتها ولو لم تكن تحبهما , لما وافقت على الزواج منك , ولما ضحت , ولا توهم نفسك بأمر آخر . أنت أخي الفاضل رجل عاطفي , وأغلب الردود في موضوعك عاطفية , ولذلك يبدو لي أنها ناسبت توجهك لا أريد من كلامي هذا أن تغير ما بدأته , ولا أقصد أن تتوقف عن العمل بنصائح الإخوان هنا ولكني طرحت رأيي ليكون لديك الاستعداد والتوازن النفسي للقادم فيما لو قدر الله لم تفد النصائح بإعادة زوجتك إلى جادة الصواب . |
اقتباس:
|
اسال الله العلي العظيم ان يوفقكم لما في الخييير
وان شاء الله يا اخونا نايف اذا تتبعت نصائح الاخ البليغ ستجد كل ما يثلج صدرك باذن الواحد الاحد |
اقتباس:
صدقتي حبيبتي ثلاث سنين وهو حزين وكل ما راى اختها تبكي عاد الى احزانه اعتقد الموضوع هنا كان له الاثر الكبير لتغير نفسيته التي كان غافل عنها كل شي يبدا صغير ويكبر الا الحزن يبدا كبيرا ويصغر انما هذه العروس شخصيتها قويه واتخيلها تلعب كاراتيه لذلك لازم يتابع تعليمات اخونا البليغ والا يجد نفسه يده مكسوره لا سمح الله او شي ضربه تنزلو الارض :d يا ريت يتعلم شوية كاراتيه ويلعب هو وياها بالحركات اعتقد فيها لمس كتير بحجة اللعب :d جيت اكحلها :26: حطو فرشه على الارض والعبو مع الصغيره كاراتيه ومن تحول للعروس مثلا وانت تلعب تقول للبنوته شوفي شوفي ماما ما توقع واوقعها بنعومه :24: |
ماذا حدث لبعض القلوب نزعت منها الرحمة ؟؟؟؟
ومن نكون لنقرر ان هذه فترة حزن طويلة او قصيرة؟؟؟ طبيعية او مبالغ فيها ؟؟؟؟ وهل الناس سواسية؟؟ من الناس من قتله فراق الأحباب ؟؟ هل نقول ان موته مبالغ فيه؟؟ سبحان الله كيف تفكرون؟؟ |
اقتباس:
اناا عن نفسي افكر ان الشرع واضح بهذه الامور لاعزاء بعد ثلاث الا للزوجه على زوجها وهي العده ومن ثم يجب ان نقف ونرضى بقضاء الله وقدره وان نبحث حاولينا فهناك من يحتاج ان نمد له يد العون مثلا الاولاد وحاجة الرجل لزوجه وايضا الزوجه تحتاج من مد لها يد العون ويشاطرها الحياة كنت صغيره وانا اسمع :ي ي ي ي ي فلانه تزوجت بعد وفااااة زوجها وكأنها فعلت منكر وي ي ي ي الرجل ليه صابر ما تزوج بعد ما ماتت مرتو (باللهجه اللبنانيه ) ولكن وقت كبرت وفهمت الشرع وقرأته اصبحت احااااااارب هذه العادات القاتله من انا لاحلل او احرم انو لازم تفضل الارمله من غير زواج او تجبر تتزوج اخو زوجها اخونا هنا كان الحزن مخيم على البيت ان كان منه او عروسه حزنا على زوجها ونريد ان يخرج نفسه ويخرجها من الاستسلام يا رب اكون فكرتي وصلت لك حبيبتي |
اقتباس:
انت مشكلتك شايفها مع الناس قويه على بالك انه حتى انت بتتعامل معك بنفس اسلوبها مع الناس يعني انت خايف منها ولا ايش بالظبط..صدقني هي تعاملك بهذ الاسلوب لانها شايفه انه ماعندك مشكله وعلى بالها الوضع عادي بالنسبه لك..تسولف معها وتضحك وتمشيها..مشكلتك ماوضحت لها انك مليت خلاص...وكفايه سنه صابر.. انا انصحك نصيحه اذا برنامجك الي معتمده الان معها مانفع ولاجاب نتيجه معها....تتخذ اسلوب الشده..صرخت في وجهك سكتها وقلها مثل ماانا احترمتك احترميني وبلاش الفاظ سيئه لانك ماطلبت شي حرام.. لاتطلقها ولاتتزوج عليها ابدا.ولو انه يحق لك الزواج وبقوه ومحد يلومك عليه..بس هددها بالطلاق وبنتك تاخذها معك..فقط تهديد عشان تفهم وتستوعب هي انك مليت وانك صبرت الا مافيه الكفايه...اما انك تسولف وتضحك وتلعب معها وكل يوم تمشيه وسوق لا بلاه هذي ماهي حياة واحد طفشان ومل من حياته.. الي ظاهرلها انك مبسوط بالوضع وراضي تمام الرضا فكيف تبيها تتعدل و تصير مثل ماتبي انت. واهم شي اهلها ...اذا كانوا واقفين معك فهذا الشي في صالحك لانها حتى لو طلبت الطلاق اهلها ماراح يوافقونها وينصحونها ويردعونها وقتها بتعرف ان مالها في الدنيا هذي غيرك انت..وهي اساسا لو ماهي متقبلتك ماكان تجلس معك وتسولف وتلعب معك.. نصيحه مني شيل من راسك فكرة انها قويه ومحد ياخذ منها شي..قوتها هذي ماتمشي عليك انت كرجل وزوج.. |
ياناس تونا والله تونا على هالكلام
الرجال عنده برنامج لفتره طويله ونتم تستبقون الامور انتظرو يمكن تضبط الامور الله يوفقك اخوي ولاتنسى انت صبرت سنه اصبر زياده شوي وان شالله بعدها الامور تتعدل واهم شي "لا تستعجـــل" انت صبرت سنه وش فيها لو صبرت فتره لانه لو طلبت الحين بتقول يعاملني كذا عشان الفراش وهذا همه ! انت خلك كذا فتره من الزمن خلها تعرف انه هذا طبعك وتتعود عليه وان شالله تتعدل معاك واي محاوله من الان لمدة شهر اعتبرها فشل لك خلها تعتاد عليك ولو فيه فكرة سفر خل المحاوله في سفرتكم هذا رأيي واتمنى لك التوفيق وتابع مع اخونا البليغ |
اقتباس:
اوافقك بهالجملة لأن ما تطلبه ليس قلة ادب او عدم احترام لزوجتك السابقة المرأة المتزوجة إذا جاها زوج صالح يراعي الله فيها ,ترخي جناحها له مو تتعنتر الآن كمل شوي التقرب لها باللين و أخبرنا هنا بالمستجدات , فربما بعدها تحتاج لتغيير التعامل,, و الأعضاء ما بيقصروا بالنصيحة |
اقتباس:
|
اخ البليغ...
اشكرك على احترام رايي.. وتكفيني شهادتك واعتز فيها... شكرا جزيلا... |
| الساعة الآن 04:23 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©