|
الملاك يونا
الله ييسر امرك ويفك اسرك .. صحيح قرات نهاية الموضوع وشدتني هذه العبارة اقتباس:
لكن بدل من هذا كله اطلبي الخلع وانتهى الموضوع اذا عندك استطاعة على دفع المهر .. الله يوفقك ولا تنسى انها ما تضيق الا تفرج .. |
اخوي امير الحرف ..
صح ماتنفعني .. بس تكسر عين زوجي لانه دايم ينكر ويكابر ولو هددته ممكن يستمر بالمكابره ويقول عيبي بجيبي وانا رجال .. وكذا .. بس اتوقع انه رح ينحرج .. ويتركني بحالي .. انا لو بكيفي سويت خطوات اكبر من كذا .. بس الاغلبيه هنا يبغوني استر عليه والهيئه بصراحه كل شوي تتصل عليه وتتطمن على الاوضاع .. بس هي ماهي قادره تسوي شي .. لانهم مو فاضيين 24 ساعه يراقبونه واشكرك على ردك وبالنسبة للخلع بجد ماعندي امكانيه بس هذا اخر خيار لي ويمكن الشيخ يهونها علي .. لان زوجي متدين مني كثير بس عساه يعترف ولو يجبرونه يحلف عالمصحف .. رح يثبت عليه كل كلامي ويفسخني الشيخ بدون مادفع المهر عساها تتسهل يااارب |
متابعة والله يفرج همك
|
شكرا لك يا وتر ..
انا قررت اشيل اغراضي من الشقه شوي شوي بدون مايحس زوجي ومن ضمنها اوراقي واثباتاتي والجواز .. ثم ارفع قضية خلع ..والله يعين ويسهلها علي .. |
اهلين ملاك يونا ..
أول شي الله يكون في عونك ويجعل لك من كل هم فرجا ومن كل ضيق مخرجا ومن كل بلاء عافيه ويحفظك ويحفظ ولدك ويحفظ اللي في بطنك إن شاءالله من كل شر .. قلوبنا معك ولا نملك لك سوا الدعاء ثاني شي .. أنا فاهمه إنك تبين تبلغين الهيئه عشان يكون معك دليل مادي على سوء أخلاق زوجك وبالتالي يكون سهل عليك ترفعين عليه قضية طلاق في المحكمة ويطلقك منه الشيخ ... لكن أنا خايفه يدري إنك انتي ورى البلاغ وهالنوع ممكن ينتقم منك بعدين أو يأذيك الله يحفظك فياليت تدرسين الموضوع زين قبل الاقدام على اي خطوه ! أما بخصوص انهم يفضحونه، الهيئه ما تفضح .. بس بيكون له ملف في وزارة الداخلية وبعدين يطلعونه وانتي بتستفيدين من الواقعه عشان اجراءات طلاقك منه تتم بسهوله بدون خلع ... أعرف وحده نفس حالتك زوجها جاب لها الأمراض وكل يوم يرجع آثار المكياج والقرف في ثيابه ورافض يطلق وامتنعت عنه فتره عشان صحتها بعد ما استشارت شيخ ولجأت لربي بالدعاء وألحت فيه وسبحان الله انمسك مع وحده وصار له ملف في الداخليه من سكات بدون فضيحه بس اخوانه وابوه وخاله دروا واخوانها هي طبعا وبعدها طلقها من الخزي قدام أهلها وكلن راح لحاله !! أنا أشوف والرأي الأخير لك طبعا .. انك تتوكلين على رب العالمين وتدعين إن ربي يخلصك منه على خير ويكتب لك مافيه صالح لك وترتبين أمورك من ناحية وظيفه تنفعك عشان تكونين مستقله مستقبلا وتزنين على اهلك في موضوع الطلاق يمكن الله يهديهم ويساعدونك ويتفاهمون معه يطلقك بالطيب ويترك لك عيالك تربينهم ويعيش هو حياة الضلال اللي هو فيها ... أما إن كنتي تبين دليل ملموس وهو إن الهيئه تمسكه يبي لك تنتبهين زي ما قلتلك بحيث إنه مايعرف إنك انتي اللي ورا البلاغ وتراقبينه وتتأكدين انه بيروح لأحد من اللي يعرفهم وتتأكدين من العنوان وتبلغينهم .. بس أعتقد صعب عليك تعرفين كل تحركاته!! وليش ما تجربين ترسلين له مسجات من رقم مجهول تذكرينه بعذاب رب العالمين وتخوفينه من اللي قاعد يسويه بأسلوب يهزه شوي ! وتذكرينه إن عنده عيال !! وإن الدنيا دواره والزاني يزنى به ولو بجداره .. وتذكرينه أن لذة ساعه تجيب له مرض ممكن يفتك فيه وتروح صحته ويخسر دنيته وآخرته .... يمكن ربي يفتح على بصيرته وقلبه ويهتدي !!! ما يندرى ؟ احتمال يكون لها وقع في نفسه ولو بعد حين خاصة لو كانت مكتوبه باسلوب كويس ... الله يكون في عونك وطمنينا عليك،،،، |
الملاك يونا
أسأل الله جلّت قدرته أن يفرج همك ويزيح عنك ما أغمك الفاضله بالنسبة للرقم الذي اعطتك اياه المرأة لصاحب الهيئة أرجو أن تنتبهي فـ كثرة اتصالاته تريبني أختي لاتثقي بكل من يكتب في المنتديات واحذري من كثرة الأرقام فرّج الله همك ويسّر أمرك |
طيب ياختي مافكرتي بعيالك لما ينفضح قدام الناس ويعايرونهم بابوهم
حاولي تتطلقين منه بدون فضايح |
طيب ياختي مافكرتي بعيالك لما ينفضح قدام الناس ويعايرونهم بابوهم
حاولي تتطلقين منه بدون فضايح |
السلام عليكم
اختي انا عندي لك خطه ماتخرش الميه تحتاجين للخطه رقم بدون اسم ووحده تثقين فيها وبنت جدعه على قولتهم شوفي ياقلبي تروحي انتي وهو مول مثلا وتكوني متفقه مع البنت انها تحضر وترقمه يعني تعطيه رقمها اللي هو بدون اسم وتعمل علاقه معه عن طريق الجوال وتسجل عليه المكالمات وتحفظ المسجات ولو قدرت تطلبه يصور جسمه ويرسل الصور يكون افضل وياريت لو كان كل هذا من جواله اللي بأسمه الحقيقي علشان ينصاد وبعد كل هذا تتفق تتقابل معه بمكان وتتفقين مع الهيئه قبل وتمسكه ولنفترض خرجوه واكتفوا بتعهد انت وقتها يكفيك اللي صارله وبيكون معك الدليل في المحكمه اللي هو الجوال وضبط الهيئه وبكذا راح تكسبي الخلع والحضانه فانا اشوف انك تخططي مثل هالخطه او حتى تخليها تراسله بدون مقابلة المول ويمكن تستدرجه وتغريه يعني تقله انا بنت بكريه وتستهبل عليه الين ينصاد00 والله يعينك ويفرج همك وهم كل مهموم |
أختي روحي بيت أهلك ولاتطلعي منه وقفلي جوااالك نهائياً حيطلعوووك بالقووّة مستحيييل وقسم بالله لو قادمي كان أكلته أكل (أما شين وقوي عين). . كثري من الإستغفار الإستغفار الإستغفار على قد ماتقدري،،،،،،،،،،،،، |
قلبي معاكي ..
فكرة هيا كويسة ومعقوله .. بس اتأكدي إذا الموضوع بيصفي على تعهد وورقة من الهيئة بس ولابتصير فضيحة له .. تعرفي للأسف برغم كل شي هو أبو أولادك وفضيحته من فضيحتهم والدنيا تدور والناس ماتحرم وتحب تعيب سبحان الله صدقت السيدة عائشة حين قالت الناس يعيبون ولايغيرون .. والله يغير ولايعب وانتي حبيبتي ماستحملتي كل هالسنين عشان بالأخر تنهيها بفضيحة لأولادك وخصوصاً بنتك الي جايه اسأل المولى أن يحميلك اياخ ويحفظها من كل سوء واخر اطقسي على الموضوع وأتاكدي من الإجراءات انا بصراحة مو من السعودية وماأعرف شو وضع الهيئة بالضبط بس كأني قرأت بواحد من الردود انهم يسترو ومايفضحوا وماتطلع سيرة الشب أو البنت لبره. وإذا فيها فضيحة الله يعينك وتابعي بموضوع الخلع الله يزرع الرحمة في قلب القاضي ويرزقك ربي بواحد متفهم |
احلامي بسيطه هلا فيك
انا ابدا ترا مو مع الاخت يونا بعمل فضيحه لأسباب كثيره اهمها سمعة عيالها لكن انا استفزني انه يبي يورط بنات بكريات وانقهرت حرام عليه هذول البنات لو طاح الفاس بالراس ممكن ينذبحون بكل بساطه لكن انا قصدي ان خطتي تساعدها بالخلع والحضانه وممكن تقدمها للشيخ حتى لو بدون تدخل الهيئه يعني بدون فضايح ويتم غلق الموضوع بالمحكمه وانا ضد ان الوحده تجلس تدور على الطرف الاخر في العلاقه وهم البنات لان انا مريت بمشكله مماثله لكن اخف طبعا ورفضت التقصي ورا الحرمه اللي تعرف زوجي لكن الاخت يونا زوجها منتهي وخالص وانا اشوف الخلع هو اقرب واصلح حل |
اقتباس:
الله يكون بعونها |
اقتباس:
اشكرك حبيبتي على الكلام الحلوو وبجد رجعتي الامل بقلبي انا فقدت الامل بالهيئه لاني ماقدر اعلمهم وين يروح ووين يجي بس مازلت استغفر وادعي ربي عسااااه ينمسك نفس البنت اللي تعرفينها... الهيئه قالو يمكن من الله ينمسك بدون جهدك او جهودنا ,, وانا الحين اجهز اموري ببيت اهلي .. وناويه اتحمل اسبوعين او شهر و5 ايام لحد مايستلم راتبه ويخلص العرس ( عرس عائلي بين بنت خالتي وولدهم ) ماحبيت اخرب المناسبه ..بس بشوف حسب الظروف وحالتي النفسيه اذا صبرت ولالا .. وناويه اكلم المحكمه واسأل عن اوضاعي .. وبالنسبة لزوجي يعصب لو اسع اي شي عن الزنا يقول وش قصدك يعني ؟ ويسبني لحد ماسكر الصوت وانا اتوقع لو مسكته الهيئه مايتوب يمكن يجيبها بيتهم على انها اخته ولا يمكن يجي للخدامه لانه يموووووت ولا يتخلى عن النسوان.. ومايحب احد يحرم عليه ويحلل على كيفه لو بغى شي براسه سواه |
اقتباس:
اشكرك على اهتمامك حبيبتي .. الرجال اللي من الهيئه وقف اتصالات .. واخر اتصال له كان يتطمن اذا الاوضاع مشت تمام ولالا وبعدين سكر .. ومن بعدها ماتصل .. بس اللي علمتني عنه تقول وقف معها للنهايه لحد مانمسك الرجال عموماً هو وصى لي ناس من منطقتي من الهيئه ومن بعدها سحب ايده من الموضوع لكن اتوقع انه رح يتصل عشان يتطمن... |
الله يفرج همك أخت / الملاك
وانصحك لا تأخذي بكل ما كتب هنا لانه راح يعمل لك اضطراب فكري !!!! من كثرة الافكااار والحلول والتوجهات وووو .. الله يسهل لك امرك .. |
اقتباس:
اشكرك عالخطه الجهنميه بصراحه انا فكرت فيها بس قريباتي كلهم مايرضونها على انفسهم حتى مكالمه جوال .. حتى اخواتي .. ينحرجون .. عشان كذا انا مبتلشه ...مدري من وين بجيب بنت ترضى .. انا قلت لاجبتها تتفق مع الهيئه انها هي مبتزه من زوجي .. ولما تتقابل معه تكلم الهيئه وبعدها يمسكوه وبالنسبه للصور هو ماعنده جوال كميرا جوال مره قديم .. واشكرك مره ثانيه حبيبتي .. يمكن تجي من الله وينفضح .. |
اقتباس:
هههههههه شكلك مره معصبه عليه.. انا قلت المره هذي لما اطلب طلاقي وانا حامل ماحد من اهلي يقدر يجبرني عالرجوع عشان صحتي ولو عندي دليل عليه لو مكالمه صوتيه رح ينحرج عالاقل ولا يفكر يجي يطلبني ويهدد بالمحكمه وبصراحه انا خدعت امي وقلت لها الدكتوره تقول احتمال فيك مرض خطير لازم تجين بعد شهرين تفحصين وممنوع عليك الجماع .. وحاولت اخوفها شوي .. وقالت تفائلي بالخير وكذا وقالت انا ماجبرتك تتزوجينه وكلام كثير بعدين قلت لها يمكن ابتلاء من الله وبعدين يمكن يتوب على يدي بعد ماتطلق منه .. قالت وليه طلاق؟ بس حسيتها كنها رح تلين شووي |
اقتباس:
اشكرك حبيبتي عالنصيحه وفعلاً الهيئه ماتفضح ..وبامكاني اطلب منهم مجرد ورقه وبدون اجراءات اكبر .. بس هذا اذا مسكوه متلبس .. واذا لقيت شخص يتعاون معي .. وبصراحه ماتوقع اني رح القى |
اقتباس:
اشكرك على نصيحتك ... بس تعرف.. انا مريت بهالاضطراب الفكري وحاولت اغلب الطرق ويمكن طرق اقوى من كذا بس بالنهايه ارجع وافقد الامل ودي ربي ينصرني بسرعه بدون ماتجيني امراض وبدون ما اخسر حضانة عيالي .. الله يعين ويسهل |
اقتباس:
أنا أخ وليس أخت وأنا مو معصب بس وضعك مأساوي والله حراام مو متخيل فيه رجال زي كذا يا أخي حتى لو عندك خراب على نفسك يعني زوجتك المفروض ماتسمع منك إلا كل خير ولاترى إلا الطيب لكن بالوقاحه هذه( معلييه ع الكلمه هذه ولو إنها في زوجك) لكن العذر والسموحه معليه شي يقرف والله اسمعي كلامي وأنا أخوك خليك في بيت أهلك لاترجعي له خليهم ينفعوه بناات الليل والهوى ولو طلبك لبيت الطاعه تكلمي بما سمعتي ورأيتي لا بما أنت شاكه فيه(مهمه النقطه هذه) لكي لايمسك دليل ضدك ويقول تقذفني فهمتي لاترجعي له مو مبسووط ومروووق للأخر وعنده مين يحضنه ويبوسه ويضمه خليهم ينفعوه والله شي يبكي. حاولي أختي تروحي مكه مع أخوك وتسوي عمره وتدعي وتستخيري يما فيه خير لك ولأولاد . . ربي يصلح الحال،،،،،،،،،،،،،،،،، |
اقتباس:
ماشاء الله .. بصراحه اول مره اشوف رجل متعاطف لهالدرجه مع مشكلتي .. شكلك انسان بريء .. وطاهر .. عسى ربي يكثر من امثالك.. انا حالياً بيت اهلي .. بس افكر بمصاريف هذا الشهر عالاقل .. قررت اني اسحب اغراضي من الشقه شوي شوي ولما يرجعني ماسمح له يلمسني عشان صحتي .. يمكن اني اخذ المصروف ثم اخليه يجيبني لاهلي على انها زياره ثم اجلس بدون رجعه .. وانا كلمت المحكمه قبل شوي وقالو اتصلي بعد نص ساعه وان شاء الله رح اسأل الشيخ عن قضيتي ..وحضانة اطفالي وبنفس الوقت وانا بصبر اسبوعين لحد استلام الرواتب ممكن ينمسك من الهيئه او يصير له شي بصالحي .. لانه لو عرف اني رح اطلب طلاقي بيترك كل البنات والخرابيط فبالتالي ماقدر امسك عليه اي دليل .. عشان كذا امثل عليه اني اوكيه معه .. عشان ياخذ رااحته بالمقابلات يمكن لعل وعسى ينمسك .. |
اقتباس:
. بالعكس لامثالي ولاشي بس الحق حق وكلنا سنقف أمام الله وكلامنا هنا محاسبون عليه وأنا ماقلت إلا كلمة الحق نصيحه لك لاترجعي له بلا فلوس تسلفي من أي أحد من أخوانك أو أخوك إلي متفهم وضعك وربي مايضيع أحد ولو رجعتي ماتضمني نفسك إنه مايلمسك بحكم كلامك السابق فنصيحتي لك ابقي في بيت أهلك وربي يعوضك خيير ولاتتناقشي مع أحد من أهلك قصدي المعارضين لفكرة الطلاق حالياً ولو كلموك خليك ساااكته نهائيا لاتردي ولا بحرف,,,,,,,,,,,,,,,,,,,,,,,, |
الله يسهلها عليكي يااااااااااارب وتفرج على أهون سبب
|
انا حالياً بيت اهلي واحاول اسحب اغراضي شوي شوي مثل ماقلت لك ..
وفعلاً انا ماضمن انه يخليني بحالي.. وكلمت المحكمه اليوم الصبح والشيخ قال لي كلام حطمنيييي يقول مو من حقك تخلعين زوجك بدون موافقه .. ومايثبت عليه كلام بدون دليل وان الشيخ مايحلفه .. وحسيته جاف بكلامه .. وبصراحه افقدني الامل الاخير... وانا جالسه ادور محامي زين بالاحساء .. او شيخ مجرب بهالحالات .. لاني خايفه والله يروح مني كل شي لا عيال ولا فلوس ولاشي .. اااه بس مدري ليش الشيوخ يوقفون مع الرجال مهما كان الغلط حقه |
متابعة مشكلتك من البداية
و الله يكون بعونك .. : ( |
اقتباس:
يخلعك في اسواء الاحوال ترجعين له مهره الي دفعه |
روح الطير ..
اذا كنتي مانسيتيني .. ترى انا زوجي الشمالي شرقي .. اخوي فارس .. انا فعلاً قررت استمر وابحث لي عن شيوخ مجربين ومعروفين بالعدل .. حالياً ... رح اصبر اما اسبوع او اسبوعين بس مو اكثر .. رح ارتب فيها اموري.. واجهز اغراضي واستعد لكل شي.. |
|
هلا وغلا اختي سيده
والله حتى انا استغربت المشكله يمكن شيوخنا هنا كل واحد يختلف عن الثاني يقول لازم تتفقين مع الزوج ولا مالك خلع .. ورح ابحث عن المحاميه هيفاء .. بس كأني اذكر يحتاج تسجيل وانا وقتي ضيق .. واتوقع انه يحتاج مبلغ مالي .. الله يسهل ياااارب |
|
مشكوره ياسيده بجد ماعرفت للموقع يطلبون تسجيل ..
لكن بحاول اخذه من السنترال .. ويارب يعطوني اياه .. ولو المشرفين يقدرون يساعدوني برقمها بكون شاكره لكم كثير... وحبيت اسألك اذا كان حقوق الانسان يوقفون مكان المحكمه ولالا؟ اذا كان عندك علم |
اقتباس:
لا يا اختى الشيوخ لا يقفوا مع الرجل الزانى ولكن بشرط وجود بينه ودليل ولكن شك وريبة لا يأخذ بها وخصوصا من النساء لانهن ناقصت عقل ودين كما تعلمى ولانه يمكن ان تتبلى عليه الزوجة فقط لكى يطلق بدون ما ترد المهر |
اقتباس:
ما دخل الجمل .. في شكواها أن زوجها زاني.. أما التأكد فهذا من اختصاص القاضي او الشيخ أم الجزء الثاني من ردك يمكن تتبلى عليه ويمكن مظلومه والوواجب على الشيخ انه يتأكد مو يرجح كفة إنها تتبلى عليه لأنها ناقصة عقل ودين منطق غريب |
اختى الكريمة والله لى ملاحظة اخرى ويجب ان اذكرك بها والله يا اختى اخاف يكون كل ما تحكى عنه هو شك وظن لا اقصد كلام زوجك مع بنات ولكن اقصد الزنى الفعلى لانك من كلامك لم تمسكى عليه اى دليل حقيقى ولكنها كلها ظنون ام انكى تسمعيه يتحدث مع صديقة عن البنات واشياء خاصة بهؤلاء البنات من شكل وجسم طبعا تفهمى قصدى او يتحدث الى صديق ويقارن بينك وبين بنات يعرفهم يا اختى كثير من الرجال يحب ان يظهر امام اصحابه انه راعى نساء والبنات تقع فيه وانه دنجوان عصره وآوانه اعرف احد الرجال كثير الهزار ودائما يقول لزوجة ان البنات تموت عليه وانه يعرف هذه وهذه تتمنى رضاه الخ ولكن كله مزح وهزار الا ان هذه الزوجة صدقت ما قال واخبرت اهله انه على علاقة مع بنات وكأنها رأت بعينها ولكن من كثرة الغيرة نسيت ان كل هذا ظنون نتيجة كلامه ومزحه يا اختى اكيد تعلمى قصة الرجل الذى ذهب الى الرسول الكريم صلى الله عليه وسلم وقال له اقم على الحد يا رسول الله لانى زنيت انظرى الرجل معترف فقال له الرسول عليه الصلاة والسلام ربما قبلت فقال لا بل زنيت قال عليه الصلاة والسلام ربما فاخذت ربما ربما اى ان الرسول ينكر عليه انه فعلا قام بالزنى ويوضح له ان كل هذا ليس بزنى ولا يوجب حد الزنا بأبى وامى يا حبيبى يا رسول الله وفى النهاية على ما اعتقد قال له الرسول هل زنيت مثلما يدخل المكحل فى المكحلة كناية عن الزنى الفعلى والحقيقى فى هذه المرأة انظرى يا اختى الى اى حد كان يصرف رسول الله عليه الصلاة والسلام عنه حد الزنا والا يا اختى يدخل من يقول هذا الكلام فى حد القذف وهذا ليس بالحد الهين وخصوصا اذا كان هذا الكلام سيخرب البيوت ويشتت الابناء يا اختى اذا كنتى لا تطيقى زوجك فان ابناءه يتمنوا التراب الذى يمشى عليه وهو كذلك وانت بكل هذه التصرفات ستحرمى اب من ابناءه واولاد من ابيهم نعم اقول لك معك حق اذا كان زانى وانت تأكدتى ومعك الدليل يا اختى الله عز وجل قال فى كتابه الحكيم ان حد الرجم لا يطبق الا مع اربعة شهود وَالَّذِينَ يَرْمُونَ الْمُحْصَنَاتِ ثُمَّ لَمْ يَأْتُوا بِأَرْبَعَةِ شُهَدَاء فَاجْلِدُوهُمْ ثَمَانِينَ جَلْدَةً وَلَا تَقْبَلُوا لَهُمْ شَهَادَةً أَبَداً وَأُوْلَئِكَ هُمُ الْفَاسِقُونَ{4} إِلَّا الَّذِينَ تَابُوا مِن بَعْدِ ذَلِكَ وَأَصْلَحُوا فَإِنَّ اللَّهَ غَفُورٌ رَّحِيمٌ{5} وَالَّذِينَ يَرْمُونَ أَزْوَاجَهُمْ وَلَمْ يَكُن لَّهُمْ شُهَدَاء إِلَّا أَنفُسُهُمْ فَشَهَادَةُ أَحَدِهِمْ أَرْبَعُ شَهَادَاتٍ بِاللَّهِ إِنَّهُ لَمِنَ الصَّادِقِينَ{6} وَالْخَامِسَةُ أَنَّ لَعْنَتَ اللَّهِ عَلَيْهِ إِن كَانَ مِنَ الْكَاذِبِينَ وَيَدْرَأُ{7} عَنْهَا الْعَذَابَ أَنْ تَشْهَدَ أَرْبَعَ شَهَادَاتٍ بِاللَّهِ إِنَّهُ لَمِنَ الْكَاذِبِينَ{8} وَالْخَامِسَةَ أَنَّ غَضَبَ اللَّهِ عَلَيْهَا إِن كَانَ مِنَ الصَّادِقِينَ{9} سورة النور يا اختى اقرأى كلام الله عز وجل وانظرى انه لا يمكن اقامة الحد الا مع اربعة شهود والا يكون قذف ويجلب الجلد الا فى حالة الزوج او الزوجة فهنا يطبق ما يطلق عليه اللعان اى يقٌسم الرجل انه رأى زوجة تزنى اربعة اقسام والخامسة ان لعنت الله عليه ان كان كاذب ولكى لا يقام عليها حد الرجم تقسم هى اربعة اقسام انه كاذب والخامسة ان غضب الله عليها ان كان من الصادقين والى هنا لم تنتهى القصة لان ما حدث هو كسر للعلاقة الزوجية وشك لا يمكن ان تستقيم معه الحياة مرة اخرى فيحدث تفريق وطلاق لا رجعة فيه ولا يمكن ان يردها او تعود له مرة اخرى لان العلاقة وصلت الى هذا الحد الخلاصة يا اختى انك تستخيرى الله عز وجل وتدعى الله ان يظهر لك الحق ويكشفه اذا كان فعلا يزنى وكما سبق وقلت لك ولا مانع من ان تظرى انت الى حالك ربما ما بك من كثرة ذنوب وتقصير فى جنب الله اسأل الله ان يقدر لك الخير ويهدى زوجك ويصرف عنكم شياطين الانس والجن انه سميع قريب مجيب الدعاء |
معذرة أخوي أبو مريم .. عالمداخلة ..
الشيوخ أيضا لا يقفوا مع المرأة الزانية ( ولكن بشرط وجود بينه ودليل ) ولكن شك وريبة لا يأخذ بها لإنه في القران ( الإثنين متساويين ) .. فهل لإنه الرجل ناقص عقل و دين كذلك ؟؟؟ معذرة .. ناقصة عقل و دين ، لا تعني إنها ( مجنونة و لا تعي شئ ) بل لوجود العاطفة و اللي تتغلب فيها على الرجل و يمكن البحث عن معناه في جوجل .. أما التحدث هكذا عن المرأة بشكل عام .. ففيه إساءة لنا .. و نحن نعلم بإنه هناك العديد من النساء اللي تفوقوا على رجال هذا العصر في العقل و الحكمة و العلم و الدين غيره تحية .. :) |
اقتباس:
|
اشكرك ابو مريم .. انا متأكده انه زنى لان هو لما يسافر برى يحجزون غرفه وكلن مع عشيقته .. ومافي احراج بينهم .. توفير لفلوس الشقه كلهم يزنون نفس الشقه .. بس نسيت اقول لك .. انا مابي يرجمونه مابي حد الزنا يقام عليه .. بس ابيهم يطلقوني منه ... بالعدل يعني اذا هم شاكين بكلامي .. يحلفونه عالمصحف ليش الشيخ يقول مافي حلف ..؟ المفروض انا احلف وزوجي يحلف .. عموماً اشكرك على ردك الحلووو والمنطقي بس فعلاً مجتمعنا ذكوووري ولو اقول لك قصص ثانيه صارت هنا تتأكد فعلاً اغلب القضاه يوقفون مع الرجل .. رغم ان المرأه اضعف وبحاجه لوقفه معها اكثر من الرجل اختي سيدة الموقف اشكرك كثيييير انتي وقفتي معي وبذلتي جهود .. عسى ربي يجعلها بميزان حسناتك.. انا حالياً .. لقيت تجربتين بمحكمتنا .. ووحده منهم طلقها الشيخ بسهوله ودفعت بس نص المهر .. وحلفهم الشيخ عالمصحف .. سألتها عن اسم الشيخ ورح تبحث لي عنه |
صح كلامك يااختي منتي محتاجه شهود ولا شي..لان طلبك الوحيد ورقة الطلاق فقط..ويكفي انك انتي متأكده من كلامك ومن الي بيسويه زوجك وعقابه في الاخره وين بيروح من عقاب الله اذا قدر يفلت من الحكم مايقدر يفلت من ربه.
وهذا شي في نفسك محد يقدر يغصبك على شي ماتبينه او يقنعك بشي انتي منتي مقتنعه فيه.. احمدي الله على سلامتك من الامراض والله لو ابتليتي بها محد يوقف معك الكل بينفر منك خصوصا الايدز وياكثر الزوجات الي انعدوا من ازواجهم روحي المحجر وشوفيهم.. احنا جالسين في بيوتنا ماندري عن الي يصير في الناس .. .وان شاء الله تنفرج معك.. |
اقولها من اعماااااااق قلبي .. الله يصبرك على بلوااااك ويعطيك على قد نيتك ويحققلك مناااااااك امييين يااارب ....
|
| الساعة الآن 04:02 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©