|
دا زواج ولا استنزف أمواال
|
والله ياأخي الكريم من البدايه كل شيء غلط يوم الملكة وبعدهاااا ليلة الدخلة مافي شاب يصبر وينتظر على زوجة لشهر كامل وبعد كل هذا يعاتبونك على رفع يدك عليهااا . انت ماقصرت انتظرت مافيه الكفاية وهذا لأنك مقدر الشيء ووضعهااا وغير كذا حاسس فيهااا لدرجة انك وديتها للطبيبة لو أن هذا الشيء عادي كل بنت تمر فية لكن مدرسة ماتسمع من صديقاتهااا من خواتهااا عن الزواج ايش الكلام الفاضي والله شيء يدوخ ويقهر مافي احد يصدق هذا الكلام .. الله يصبرك ويعينك على مابلاك يارب لكن مو لهذي الدرجة انت رجال وهذا شيء طبيعي ومن حقك لكن الظاهر أنهاااا تفكر أن الزواج مافيها واجبات ومسؤليات وحقوق وتنازلات وتضحيات على كل الطرفين وهذي مصيبة .. وللأسف زوجتك تشتغل لكن ماهي فاهمة شيء بالحياة لو ماتزوجت كان اريح وافضل لها وكانت عاشت ببيت ابوهاااا وريحت راسهااا وراسك وعاشت حرة طليقة ولما تتقدم بالسن راح تعرف انها افقدت حياتها على اعتقدات وأوهام كانت معششه بخيالهاااا للأسف .. اتمناااا لك الحياة السعيدة مع أنسانه تقدر وتقدس الحياة الزوجية وتكون انسانة متواضعة بإذن الله تعالى وتخاف الله قبل كل شيء تقبلووو مروري بصدراً رحب |
اقتباس:
الرد لحاله يكفي قاعده تضبط لنفسها عارفه انها بتتطلق بالعربي تبي الطلاق هذي ماتبي حياة زوجيه الحمد لله الحمد لله الذي عافانا مما ابتلاها به الله يعينك وربي ابتليت بلوه و حتى الضرب انا زوجي ضربني و صارت مشكله و الحمد لله ابوي تفاهم معاه و نصحنا انا و زوجي و الحمد لله توفقنا بحياتنا يضربني لو غلطت أو لو ضريته ماعليه والله استحي ازعل لو ضربني بسبب تقصيري << طبعا الضرب الغير مبرح والله انا اشوف انك تطلقها و تتزوج بنت حلال احسن لك ماتعطيك حق المعاشره ولا تبي تجيب لك عيال ولا تحفظ اسرار بيتك و اهلها مشجعينها بالله على شنو متمسك فيها ؟؟؟!!! لو انها تعطيك حقك في المعاشره لكن رافضه تجيب عيال كان شربنا عليها مويه و بلعناها بالغصب لكن هذي لا خيرها ولا كفاية شرها اعوذ بالله و سالفة الـ 4000 هذي ما لها داعي يمثلون عليك انها عوايدهم و هي لا عوايد ولا شي لو انها داخله على حسن نية ماكان الزمتك هي و امها بها لأن بنت الحلال الي تصبر على الزوج هي الي تقنع بما لديها و ترضى بالقليل و لكن هذي فاتحه فمها هي و اهلها يبون المقسوم ما اقول الا اللـــــــــــــــه يعينك |
اقتباس:
انا محروقه من التخلف الي عند بعض القبائل..شوفي نسبة العنوسه عندنا كيف كله بسبب المهورالغاليه والطلبات الي مالها داعي..والشروط الي تهد الحيل.. واساسا صاحب الموضوع لو ماانهد حيله ماكان جاب سيرة المهر والذهب والخ... |
ياجماعه لا تتخاصمون انا احترم رد كل واحد فيكم واي رد مهما كان هذي وجهات نظر وانا احترمها وارجوا عدم التفاعل بشكل خاطي مع اي مشكله او راي .
لا تخافون علي انا اعرف مصلحتي زين زين زين بس انا عندي اخبار انشالله طيبه وهي بترجع ابشركم بس ابي مشورتكم في كيف اتعامل مع هذا النوع طبعا انا اعرف ولكن ادري انكم مابتبخلون علينا وعلى كل من يطلب المشوره الصحيحه وانا بعد اعقب وارد على بعض المشاكل الزوجيه في نفس قسم المتزوجيين وانشالله كلنا بنستفيد . س \ هي متاكده اني احبها وانا ويعلم الله انه حتى لو مااحبها اسمهاعشره اللي بيني وبينها والزواج مهما كان مودة ورحمة ومع ذلك تعاملي دائما فوق الممتاز بس احس انتعاملي يظرني مع هالشخصيه (يعني) فلازم اتوقع اني لابد ان اغير في بعض التصرفات مثلا : اولا - هي ترجع الساعه 2 الظهر اطلب منها تسوي الغداء والا اشتري والا هي تشتري ، لاني كنت دائما اشتري احس ماتقدر . ثانيا - اي مكان تطلب اوديها بدون اي تراجع ، احس لازم اغير . ثالثا - والمهم يوم تكون تبي حقها الشرعي ماارفض ابد ، احس لازم اغير ..... وكيف اغير ..... اطلب المشوره من اصحاب الخبره مع هالنوع من الشخصيه المتسلطه والمدارة من الخارج . رابعا - يوم نروح للتسوق من السوبر دائما اخذها معاي وتشتري كل اللي بخاطرها ( العربيه فله ) . احس لازم اغير ومااصير اخذها صح . خامسا - كيف اقنعها انها لازم تحافظ على اسرار الحياة الزوجيه مهما كان سواء كانت صغيرة او كبيرة . سادسا - كيف اقدر اقنعها تخفف من المكالمات اهلها وامها بشكل يومي ايضا اختها وصديقاتها المعلمات . سابع - كيف اقنعها اني محتاج للاطفال ؟ وهي حريصه وماتبي تحمل بسبب خوفها من الانفصال . ثامنا - كيف اخليها تحترمني وتخاف مني. انا كنت كتاب مفتوح كل اللي بقلبي اقولها ويعلم الله مو غشامه بس اول مره اتزوج وماعمري مريت بموقف زي كذا . احس الافضل اني مااعلمها باي شي او صرفها . وسامحوني على طلباتي . |
اخوي
عشان تريح راسك ... خذها نصيحة سوى اللي تبيه انت ويريحك انت وتشوف انه في مصلحة حياتك الزوجية وفي صالحك وفي صالحها .. لانك انت الرجل ويجب ان تقود سفينة الحياة الزوجية بنجاح والمسأله ليست معقدة .... الشي او الامر الذي تشوف فيه شبهه مثلاً .. مشوار ماله داعي ... لا توديها ... طلاباتها اللي ما تشوفها ضرورية لا تجيبها.. او جبها بعد طناش طويل. المكالمات خلها تدفع فاتورة الهاتف صدقني رح تخف مكالماتها. الحمل وتوابعه ... اذا انت تبيه وتبي تكمل حياتك معها ... لا تستاذنها ... متى ما شفت فرصه للحمل سو سواتك... لا تجلس لزوجتك على كيفها صدقني رح تمل وتفل على قولة اخوانا اهل لبنان وفقك الله تحياتي |
ماشفت تعليق البنات والبليغ والاخوان والاخوات الثانيين .
|
أخي سعودي2011
أنت غلطااااااااااان من رأسك لساسك واسمحي على هالقسوة شف وأنا أخوك مافيه أمل ترجع لك الحرمة بالاسلوب اللي أنت تبيه مادام انك كل يوم رايح لبيتهم تحاولها كل الأعضاء اللي هنا يقولون لك طنشها أتركها عند أهلها وفي نفس الوقت لاتبين للهم وش ناوي تسوي لأن هذا يحرقهم مايدرون وش تفكر فيه يعني لاتهدد بالطلاق ولا بالزواج خلك مثل مايقولون الشيبان صقر ترفع نفسك عن التوافه إذا خاست عند أهلها فترة وأنت مطنش صدقني هي بتتصل أو أبوها بيكلمك بيقول تعال خذ حرمتك هذيك الساعة أنت المتحكم وليسوا هم أما إذا أصروا على الطلاق طنشهم وخلهم يلاحقونك وصدقني وأنا اخوك أثقل أثقل أثقل طنششششششششششش |
الله يسهل أموركم يارب
|
سعودي انا رأيي انها ما ترجع لك
مرح ترجع الا عندها سالفه وناويه لك هالاشكال ما وراهم الا الغثا ووجع الرأس وخاصه انها تبي تأخر الحمل معناتها تبي تلعب فييك الين تبرد قلبها وتطنشك بالنهايه كثر من الاستغفار - داوم على الاذكار - والدعاء في سهام الليل - تصدق بنية الشفاء اهم شي لا تحاول ولا تفكر انك ترجعها والله يكون في عونك من هالحرمه واهلها |
لو لا قدر الله ورجعت زوجتك بجاوب على اسئلتك من رأأي الشخصي
اولا - هي ترجع الساعه 2 الظهر اطلب منها تسوي الغداء والا اشتري والا هي تشتري ، لاني كنت دائما اشتري احس ماتقدر . تسوي الغداء ما فيها شي .. اذا كان كل شي محضر من قبل ما يبقى الا الطبخ يعني مو شي صعب ثانيا - اي مكان تطلب اوديها بدون اي تراجع ، احس لازم اغير . اكيد لازم تغير مو اي طلب تطلبه ينفذ يعني وضح لها انك فعلا تغيرت بسبب تصرفاتها وهذا نتيجة تعاملها رابعا - يوم نروح للتسوق من السوبر دائما اخذها معاي وتشتري كل اللي بخاطرها ( العربيه فله ) . احس لازم اغير ومااصير اخذها صح . اللي تبي تكتبه في ورقه وانت تجيبه وبين كل عشر روحات للسوبر ماركت خلها تروح مره يعني مو منع تام خامسا - كيف اقنعها انها لازم تحافظ على اسرار الحياة الزوجيه مهما كان سواء كانت صغيرة او كبيرة . بترك اهل الخبره يجاوبون سادسا - كيف اقدر اقنعها تخفف من المكالمات اهلها وامها بشكل يومي ايضا اختها وصديقاتها المعلمات . وضح لها ان هذا الشي ما تبيه ولا تحبه بحززم - قول لها اهلك اوك كلمي امك سلمي عليها وخلاص والمعلمات كل يوم تشوفينهم بكره كلميهم اذا شفتيهمسابع - كيف اقنعها اني محتاج للاطفال ؟ وهي حريصه وماتبي تحمل بسبب خوفها من الانفصال . عشان كذا انا قلت لاترجع لان معنى كلامها ناويه بمشاكل وتبغاك تصبر الين تهد حيلك - الله يكون في عونك -ثامنا - كيف اخليها تحترمني وتخاف مني. انا كنت كتاب مفتوح كل اللي بقلبي اقولها ويعلم الله مو غشامه بس اول مره اتزوج وماعمري مريت بموقف زي كذا . احس الافضل اني مااعلمها باي شي او صرفها . مو كل شي بقلبك تقول لها واذا طلبت منك تقول لها قول شي ما يهمك وعلمها انك ماتبغى تقول لها مو تصرفها طيب أنت ما سألت أمك أهلك أصدقاء لك او مستشار أسري أحس لازم تسأل أحد من حولك غير المنتدى لازم تقول مشكلتك من اولها لاخرها لمستشار اسري ويقول لك الحلول لان هنا كلن يقول بناء على رأيه وممكن أحد يكون رأيه صح و أحد رأيه غلط لكن المستشار الاسري متعود على مشاكل الناس ويعرف يحكمها لو تروح له أحسسسن و أضمن لحياتك والله يكوووووووووووووووووووووووووووووووون في عونك اذا رجعت |
من فين الاقيهم المستشاريين ؟؟
|
اقتباس:
تحيه طيبة .. ولو انك اخي الكريم طلبت عدم مشاركتي في موضوعك والله يعلم نيتي بقسوتي عليك في كلامي أنه من اجلك وحتى يعلم اي شاب ابعاد اي فعل ماهو" تفسيره لدى المرأه "خصوصا المرأه حديثه الزواج فأنا لا اعرف زوجك و لست في صفها .. ولكن من اجلك واجل كل من اراد ان يستفيد ..فأنا لم اتلفظ عليك ولم اتعدى عليك .. ورفضت مشاركتي في موضوعك فأحترمت رغبتك .. وعندما قرأت انك تريد مستشارين ..لن ابخل عليك فأنت تبقى اخ كريم لي في المنتدى و اخي في الإسلام اذا كنت في الرياض لديك الدكتور محمد التويجري في عياده سيماي مخرج 7 والدكتور طارق الحبيب في مركز مطمئة على الدائري الشمالي والدكتور المحرج وهو جيد أيضاً و اصلح الكثير من الأسر و دعوا له بالجنه وبوالديه بحكمته ولكن لأسف لا اعرف مقره ولكن ابحث عنه في الأنترنت لعلك تجده والدكتور السبيعي في عياده ميدي كير ولديك مشروع ابن باز الخيري تتصل على الهاتف المجاني و يرد عليك بالهاتف احد المستشارين .. واذا كنت في جده ..لديك الدكتور ميسره طاهر في عيادته بيت المشوره .. جميعهم اهل حكمه ورويه و انتفع الكثير من الأسر على مشورتهم .. ولا ازكي على الله أحداً ... وفقك الله وكتب لك ولزوجتك حياه سعيده ورزقكما الذريه الصالحه الباره وفقكم لكل خير .. |
للحياة الوان
ماقصرتي حبيبتي كفيتي ووفيتي سعودي اذا تبي اي شي او عندك اي سؤال لاتتردد انا حاضره |
انا بصراحه ودي مااستشير اخصائي ولا شي الشورة شورتي ابي اتزوج وحده فاهمه وخلاص .
|
ياسعودي السنوات الاولى من الزواج تكثر المشاكل لعدم التكيف ولاختلاف الشخصيات
لا تزعل لكثرة المكالمات هي بتخف لحالها واللي اعرفه المعلمات ماعندهم وقت للمكالمات الطويلة لا تجيب أكل من برا...اول مايتزوج الواحد يطير بزوجته وبعدين يطلع عيوبها لا تاخذها معك لسوبرماركت انت جيب الطلبات والضروري فقط لا تجيب طاري النسوان انت واختك قدامها حتى لو كانت كهله ويمكن تكون غارت يوم شافت اختك معك في السيارة وقالت تتكلم معاه عن النسوان هي لما قالت انك سكار خمار علشان لا تتزوج غيرها اذا ماحترمتك ...انت ازعل واترك لها البيت ولا ترجع الا وقت النوم بس هالحين طنشها لا تسأل فيها حتى هي توسط ناس من اهلها عشان ترجع وبعدها يصير خير وترى مو كل من زعل مع زوجته راح تزوج ....الله يوفقكم ويصلح حالكم ويسعدكم مع بعض |
سعووودي بيني وبينك مشكلتك حلها سهل وما يسوى تطق مشوار عشان مستشار أسري والحل بيدك
يعني مو شي فيه حيره انت تزوج وهي خلها كذا معلقه اذا طفشت تخلع روحها واذا الوضع عاجبها خلها كذا وانت وسع صدرك وسافر انت و زوجتك ومثل ما قلت لك بالرد اللي قبل اذا جيت تخطب اهم شي تكون واثق من نفسك وتسأل عن البنت و أهلها أسئله دقيقه واذا تبي أنسخ لك ردي السابق قولي ولا يهمك والله يوفقك ويسعدك يااااااااااااااااارب عقبال ماتبشرنا بزواجك يااارب |
طالبه الخير
زوجته بصراحه تعدّت المألوف من المشاكل عذرا لتطفلي :) |
اقتباس:
يتركها معلقة...؟! هذا يا أخي كان قبل الإسلام من فعل أهل الجاهلية وعندما جاء الإسلام نهى عن هذا الفعل المشين فكيف تحث أخاك عليِه قال تعالى : { وَلَن تَسْتَطِيعُوۤاْ أَن تَعْدِلُواْ بَيْنَ ٱلنِّسَآءِ وَلَوْ حَرَصْتُمْ فَلاَ تَمِيلُواْ كُلَّ ٱلْمَيْلِ فَتَذَرُوهَا كَٱلْمُعَلَّقَةِ وَإِن تُصْلِحُواْ وَتَتَّقُواْ فَإِنَّ ٱللَّهَ كَانَ غَفُوراً رَّحِيماً } الزواج إمساك بمعروف أو تسريح بإحسان |
سيدة المواقف هي من أجبرت على هالفعل
يا انها تتنازل عن المؤخر او تخلع نفسها وتنتهي المشكله مثل ما قال بنت مكه دا زواج ولا استنزاف فلوووس |
ما راح اضيف شي جديد
يس حبيت اوضح ان بعض القبايل في السعوديه اذا بنتهم انضربت ترجع ب 5000 واذا كان مبرح يزيد الله يصلح حالكم |
بصراحه زوجتك واضح انها عنيده وانت طيب بس عصبي وبصراحه مافي مره الا وضربها زوجها بس ماتعمل عمايل زوجتك انا ما اشجع على الضرب الضرب مو اسلوب بس يحصل بين الازواج
وبعدين اش فيها لوكلمت امها وخواتها انتو الاثنين اجلسو واتفاهمو وربي يحل المشكله |
انا ضربتها الضرب المذكور بالقران من غير احمرار والا اسوداااد كم خبطه في اللحم والله على مااقول شهيد وبالنسبه للديه فيه مره رحت ولمحت لي امها وانا استغبيت وطنشت السالفه لانها مو داخله مزاجي وغير كذا تتعود تحسب اني بنك الراجحي .
اختى ورده والله والله ماعمري منعتها بس الرجال في اول سنه يبي يتقرب منها على الاقل يفهمها بصراحه ماني قادر لانها تعتبر كلامها الصح وكلامي الغلط مهما ساااااااااااااار .( اذا الزواج كذا وبالشكل هذا انا ممكن اعمل دليت على فكرة الزواج ). |
اقتباس:
أستوقفتني عبارتك "مافي مرة إلا وضربها زوجها" هل الضرب بنظرك أمر هين. .؟! أرجو عدم التعميم فليست كل النساء يرضين بالإهانة والضرب وليس كل الرجال أشباه رجال يستخدمون لغة العنف للتفاهم مع زوجاتهم :: الضرب هو أول طريق لإنهيار العلاقة الزوجية وإنهيار الإحترام وهو قمة الذل والمهانة وكسر لذلك الشعور بالآمان الذي تشعر به المرأة في ظل زوجها كيف تريدون من مرأة معززة ببيت أبيها ولم تضرب يوماً أن تتقبل الضرب في بيت زوجها..؟! :: :: |
طيب سؤال اذا زوجك عطاكي كف حتي لو منتي غلطانه بس كذا كان امعصب من اي شي هل اتروحي تزعلي وتخربي بيتك واتشردي عيالك
|
الله يهدي الامور بينكم بصراحه احس فيها متمرده كثير ....اصبروحكم عقلك وحاول تكون حكيم في تصرفاتك لتعود عليك بالمنفعه ولا تغضب الحياه ماتستاهل ..
|
اقتباس:
كف وماني غلطانة ...!! ليه أنتِ بنظرك الزوجة ملطشة للزوج وكل ماعصب فرغ فيها شحنات غضبه..؟! :: الرسول عليه الصلاة والسلام نهى عن الضرب في الوجه فكيف تريدين منا تقبله..؟! روى الإمام مسلم عن النبي صلى الله عليه وسلم أنه قال: (إِذَا قَاتَلَ أَحَدُكُمْ أَخَاهُ فَلْيَجْتَنِبْ الْوَجْهَ فَإِنَّ اللَّهَ خَلَقَ آدَمَ عَلَى صُورَتِهِ). :: أختي لا أريد أن أفترض على زوجي تصرفات يندى لها الجبين لأن ما تفترضينه مصيبة عظمى إذا الزوج وبدون مبرر عظيم يعطي زوجته كف لمجرد أنه منفعل ومعصب والأكثر مرارة أن لاتكون غلطانة على قولتك :: |
أخي سعودي 2011
الحل في سطر. شخصيتك فيها خطأ حاول تُصلحها ... إذا صلُحت صلح سائر العمل الذي تريد ... لا تطلب ولا تُطالب من الغير التغيير أبدأ من نفسك أولا. الموضوع كله مُتعلق بشخصيتك . بالتوفيق ... |
ياسيدت الموقف كلامك صحيح ميه بالميه بس هذاك ايام الرسول صلى الله عليه وسلم وارجال هالوقت الله يعينا عليهم يضربون بوحشيه والله اني اسمع سمعات اتشيب الراس واشوف اثار ضرب على هالحريم الي بمجتمعي عجيبه بس الحمدلله الذي عافانا موكل الرجال بس اكثرهم والحمد لله ان زوجي مايضربني
|
اقتباس:
أنا مو متعاطفه مع الزوجين هومستعجل وعصبي وهي شايفة حالها وهو السبب لأن الفرس من خيالها |
طالبة الخير؟ كيف حكمتي عليه اني مستعجل وعصبي ؟؟؟؟ ابي اعرف لوسمحتي !!
صابر على كل شي: - طلبت فلوس بعد الملكه بعشرة ايام وهذا فوق طاقتي واتحملته ومااستعجلت ولا عصبت. - مكالماتها في البيت كثيرة ( اهلها - اخواتها- صديقاتها - زميلاتها في العمل) . -كل الازواج امبسطوا من شهر العسل وانا مالقيت الا البصل واتحملت ولا عصبت. - ترفض الذهاب للطبيبة وترديد حرماني من الاطفال واتحملت قلت يمكن انها خايفه من المشاكل وانها تبي زوج مثالي ولا استعجلت ولا عصبت . وقلت يمكن هيه تفهمها من نفسها لو ماخلفت انا ابي انسانه تخلف وهذا شي بلمح لها مع الوقت. - حصل خلاف بسيط بعد اسبوعين من الجدال والتطنيش واخيرا الهجر وكبرت السالفه وخرجت من بيتي من دون اذني ولاقدرت واتحملت ورحت الها كم مره ابي ارجعها وفي الاخير تقول تبي ترجع بس بشروط وكمان متحمل ولا راح استعجل ولاراح اعصب حستنى كمان واشوف الشروط. كيف كيف كيف مستعجل وعصب؟؟؟ كيف هي شايفه نفسها طالبة الخير ؟؟ ايش تقصديين ؟؟ هي عنيده جدا جدا وتحس نفسها صح وتحس ان زوجها ماله كلمه عليها ؟؟؟ |
ياسعودي أنا قلت مستعجل وعصبي لأنك مستعجل على رجعتها للبيت خلها في بيت أهلها حتى يطيح اللي في راسها
وهي بترسلك أحد من طرفها...لا ترسل امك واختك ولا أحد من جماعتك وإذا ارسلت لك خذها من الباب بدون شروط وبدون ماتدخل(صارت لوحده عندنا نفس مشكلتك وخلاها في بيت أهلها أربعة شهور بعد ماطردوا أبوه يوم جا يتوسط وسمعت انه يخطب ارسلت خالها وخرجت من بيت أهلها غصب عنهم) وهي شايفه حالها مدللة في بيت أهلها وفي بيت زوجها قالت :يا أرض انهدي ماعليك قدي |
| الساعة الآن 06:11 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©