|
صابرة يا حياتي صبحج الله بالنوووور والسرور اشتقـــت لج وايد ودووم أفكر فيج حبوووووووبة اعذريني على إنقطاعي عنج طوول هالفترة وللأسف راح أستمر الأوضاع عندنا في البحرين سيئة وطوال الوقت نكون في الميدان معتصمين لذلك أبدا لا الوقت ولا الظرف يسعيني إني أدش ولكن لفرط تفكيري فيج وإحساسي إنج تعبانة وفيج شي دشيت بسرعة وما تفاجأت لما قريت موضوعج المؤسف كنت حاسة لأن من قبل واااااااااااايد أحاتيج وقلبي وياج رغم أوضاعنا المؤسفة والصعبة والترقب اللي نعيشه بس ما غبتي عن بالي يالغااااااااااالية الإخوان معاج ما قصروا كفوا ووفوا عني وعطوج وايد أشيا وحجي يمكن أحسن من اللي آنا بقووله وهذاني اشوف تحت ام سلطان موجودة ومجهزة لج رد مميز راح يفرحج إن شاء الله ويسعدج وبقول لج شي مهم ما عليج ولا تفتكرين من أي حد يكتب لج رد هجومي اندفاعي كل واحد يا حبيبة يعبر بالثقافة والبيئة اللي هو تربى عليها ما ابيج تعورين راسج بأي شخص يضايقج وبالمقابل كما تعودنا عليج تاخذين النقد البناء والبناء فقط لا غير همسة مهمة : زوجج يحبج ويغليج وما يقدر على فراقج بغض النظر عن كل اللي يسويه وبغض النظر عن تصرفاته وحركاته وأساليبه و بغض النظر عن تعامله وبروده أحيانا وكلامه الغريب إلا إن يحبج ومن قلبه بعد قولبي هالجملة براسج عدل وصدقيني كل مشكلة ولها حل كلام وايد ودي اكتبه لج واقوله ولكن مثل ما تعرفين الوقت ما يسعني والظرف قاهر راح احاول قدر الإمكان أدش واتطمن وراح احاول بعد اجهز لج الرد قريب إن شاء الله ادعي لنا بالنصر القريب العاجل وأسال العلي القدير إن يوفقج وخفف عنج ويهدي بالج وين ما كنتي ووين ما رحتي ويهدي زوجج ويجعلج قرة عين له ويجعله قرة عين لج ويبعد عنكم كل عين حاسدة وحاقدة ويرزقكم الذرية الصالحة عاجلا غير آجلا يا رب العالمين و ثقي تماما الثقة إن في ناس وايد هني يحبونج ويغلونج أكثر مما تتصورين و ثقي بعد إن رب العالمين فوق كل شي وما ينسى أحد وتراني وحدة من هالعالم اللي يحبــج وقسم بالله مادشيت هالمنتدى بسرعة ألحين إلا علشانج وعلشان أتطمن عليج وعلى أحوالج أحبج ياعمري وسامحيني على القصور قلبي ويــــاج ياحلووتنا إي قبل لا أنسى إذا ضاق صدرج تذكري إني آحبـــــــــــــج |
السلام عليكم ورحمته الله وبركاته وبعد أختي العزيزه الغاليه صابره بدنيتي أسأل الله أن تكوني بأفضل حال ويشهد الله عليه إني فرحت لما شفت ردودك الأخيره لأنه بصراحه فقدت الأمل برجعتك للمنتدى وأنا بقول لك بأن مثل ماهناك أناس بالمنتدى تجرح فيك ومنزعجين من وجودك بسبب إنك زوجه ثانيه ترى بعد هناك أناس بالمنتدى تحبك وتحترمك وتأنس لما تشوف معرفك والسبب إنك إنسانه طيبه وحنونه الله كتب لها نصيبها تاخذ معدد واللي تاخذ معدد ماهي بكافره ولاهي بظالمه ولا أرتكبت جريمه من حقها تتزوج ومن حقها تعيش حياتها يا أصحاب العقول الصغيره إللي خايفه على زوجها وكل ماقرأت مشكله لزوجه ثانيه قامت تسن سكينها علشان تشارك بتقطيع هاذي الزوجه الثانيه وأتوقع إن البعض يخيل لهاإن الزوجه هاذي ضرتها وتقوم تصب كل إللي في قلبها من حقد وغل وحسد على هاذي المرأه الضعيفه إللي إسمها زوجه ثانيه ليش هاذي كل هاذي القسوه أنا ماعمري شفت بنت شابه أو مطلقه أو أرمله تهجمت على زوجه ثانيه دائما أكثر اللغط نشوفه من زوجات أوليات ليش هل أنتي بكلامك الجار ح في مواضيع الزوجه الثانيه بالمنتديات بتوقفين أو تمنعين التعدد أرجو من كل وحده تكتب تتقي الله في نفسها ولاتزيد جروح إنسانه بها من الهم ما الله به عليم والدنيا دوراه إذا أنتي واثقه من زوجك أيتها الزوجه الأولى فلا تظنين إن الشماته سهله وإن الرقص على جراح الآخرين بينفعك لأنه إذا طافتك الضره أنتي ماراح تظمني في المستقبل زوج بنتك إنه مايعدد أحيانا ربنا يبتلي الشخص في عياله فلذات كبده إذا كان عندك بنت صغيره عمرها خمس سنوات أو عشر سنين أنظري لها قبل ماتكتبي شئ يجرح الخواطر ترى بتشوفين يوم صعب على نفسك لماتجيك بنتك شاكيه من ضرتها ويمكن إن ضرتها تكون ظالمه من جد وتظلم بنتك وتكيد لها ربنا يسلط عليها بسبب ماكنتي تكتبينه في المنتديات في حق الزوجه الثانيه
وإحتمال إن زوجك يعدد ويتزوج عليك بعد كبر سن وياخذ له بنت في سن بنتك لاتقولين زوجي مايسويها زوجي يحبني ومايتخلى عني ولايشوف غيري لا ياحبيبتي القلوب بين يدي الرحمآن يقلبها كيفما يشاء ربنا يسلط عليك بما أقترفته يدك بما كتبته أصابعك يوما ما لأحد هاؤلائي الزوجات الثانيات فإنتبهي قبل ماتكتبي يارعاك الله أحيانا الاحظ بعض الردود صاحبتها تنفعل وتعصب وتعيش جو نفسي سئ بمجرد ماتشوف إن الموضوع فيه زوجه ثانيه تكتب وترد على صاحبة المشكله بطريقه فضه وغليظه وكأنها بتنتصف وتنتقم في ردها لزوجه الأولى من هاذي الزوجه الثانيه التي تعتبرها في نظرها إنها ظالمه وإنها أخذت الرجل من زوجته وعياله وإنها أرتكبت جريمه بحق الزوجه الأولى بإرتباطها بزوجها ليش كل هالشعور وهاذا الدفاع المستميت وش يدريك إن هاذي الزوجه الثانيه مانزلت مشكلتها إلا والكيل فاض بها وماعاد تحملت وإنها لو يرجع الزمن بها للوراء كان ماوافقت على متزوج ولا أخذته وكانت تفضل تجلس في بيت أبوها ولاتشوف إللي شافته مع هاذا الزوج نحن نريد قليلا من التفيكر والعقلانية قبل بدء الهجوم على غيرنا لأسباب ولغاية في أنفسنا ليش هاذي الحساسيه من الزوجه الثانيه وش سوت علشان تهاجمونها بهاذي الطريقه وزواجها من معدد حقها رضيت الأولى وإلا مارضيت بها هاذي إنسانه إمرأة لها مشاعر وأحاسيس مثلها مثلك ليش هاذا الحقد كله بس علشان إنها رقم 2طيب وأنتي رقم 1 ورقم واحد كلنا نعرف معناه ممتاز وش عاد تبغين أحسن من هاذي المنزله وأنا عارفه لو هي هاذي الإنسانه رقم 3 أو 4 كان تعاطفوا كل الزوجات الأوليات معاها لأن بعض الزوجات يشوفون إن الزوجه الثانيه هي الظالمه لأنها دخلت على غيرها وآخر شئ ترى والله إن الحرمه إذا جعلت كل إهتمامها الرجل وركزت عليه والله إنها راح تمرض وتجيب الهم لنفسها فمايحتاج نكره أخت لنا في الله علشان أخذت معدد هاذا قدرها ونصيبها إللي كتبه لها ربنا من عنده ولو كانت الأقدار بيد كل واحدة منهن كانت ما أرتضت لنفسها رجل معدد ولاكن النصيب يصيب وين ماكان وأخيرا لاتنسون الدنيا دواره يوم لك ويوم عليك ويوم الله يكفيك شره . غاليتي صابر ه لي رجعه بإذن الله بس رجاي لاتفارقينا ترى والله إني أحبك في الله وأي رد يزعجك أو يجرحك و يستفزك طنشيه ولاتردين عليه يا أختي العصبيه والنرفزه مو زينة لك إحقري تعرفين تحقرين علمي نفسك على ضبط أعصابك ولا تنفعلين وقت ماتشوفي شئ يقهرك إستعيذي بالله من الشيطان الرجيم وإستغفري الله حتى نفسك تهدى الله يريح بالك ويسعدك ويوفقك . |
اقتباس:
|
حاسه فيك ياقلبي والله لدعليك من قلبي لان امي زيك الله يكون في عونك حبيبتي استخيري مالك الا الله
|
اقتباس:
وحتى وإن لم يوجد أسباب لزواجه إذا بغى يتزو ج الله يسهل عليه ليش أكون أنانيه وأوقف ضد رغبته خليه يتزو ج أنا لست بأفضل من أم المؤمنين عائشة رضي الله عنها أهم شئ يعطيني حقوقي ويعدل بيننا وبنت الناس ليش أظلمها هي حالها حالي تبغى الستر والعفاف ليش أحط دوبي دوبهاوأجلس شغاله عليها حتى أطفشها هاذا حرام وظلم مايرضاه رب العباد بارك الله فيك . |
السموحة منك بنت الحكمي انا من اول لااسجل وانا من اشد المعجبين بروددك لانك انسانة واعية حكيمة ولاتزعلين مني بس انا دايما احس بالنار الي تحرق الاولى الثانية مافي حد على راسها لكن الاولى الي جابو وحدة على راسها بس الحين انتي فعلا بعد كبرتي في عيني الله يشفيلك اولادك ويخليكم لبعض .
|
اقتباس:
المعدد دايم يكون حكيم ويسعى انه يكونون الثنتين مثل الاخوات لكن زوجك غريب يبغاكم تتضاربون عليه :( ويمكن زوجك يقولها انك تفتحين الجوال ويقولها ارسليلي مثل مايقولك لا تستغربين شي شكله يتلذذ بهالشي بس صراحة اعجبتيني لانك ماراح ترسلين ولاتفتحين جواله يبغى ينبسط على حرقة اعصابكم ونصيحة لاتسافرين اجلسي عنده حتى يتعود عليك وعلى وجودك بحياته على طول . |
اقتباس:
وكل شخص له وجهة نظر وله أسلوب خاص فيه أنا ما أقدر أفرض وجهة نظري على كل الزوجات الأوليات كل واحده لها أسلوبها الخاص في التعبير عن وجهة نظرها وإللي أنا مقتنعه فيه وعاجبني يمكن مايقتنع فيه غيري ولا يعجبه والنساء يختلفون في طريقة إبداء آرائهم ووجهات نظرهم كل وحده لها دور في إبداء رأيها ولاكن أناهنا أنبه أحيانا ننجر وراء عواطفنا ومشاعرنا ونكتب ردود ليس لها أي معنى ولا داعي الأخت هاذي طرحت مشكلتها آملة منى مساعدتها في حل لها ماتنتظر الهجوم عليها بطريقه قاسيه ونحسسها إنهامذنبه وزواجها غلطه الواحد يكتب رده بإحترام وأدب بعيدا عن التجريح حتى وإن أساءت صاحبة المشكله لضرتها هناك رب يحاسب كلن بعمله وقوله حنا لسنا مخولين بمحاسبتها لوظلمتها بأي شئ قالته عنها هنا في المنتدى إن كانت صادقه فعليها صدقها وإن كانت كاذبه عليها كذبها حنا هنا ننصحها ونوجها لطريق الصحيح والسليم ونطلب الأجر والثواب من الله عز وجل صاحب المشكله يأتي إلى هنا علشان نلقى له حلول مو علشان نظهر له عيوبه أو يسمع إهانة بحقه أو نتشمت فيه المريض يذهب للمستشفى يشكي مرضه يريد علاجا له لما يجي لدكتور يفحصه الدكتور مايقول له تستاهل هاذا بسببك من قال لك ذوق هاذي الأكله الفاسده جابت لك تسمم أو من قال لك تلعب بالسكينه قطعت يدك أومن قال لك تطيح تكسر رجلك كل إللي فيك بعمل يدك أنت السبب ويكيل له الشتائم والكلام القاسي لا الدكتور يفحصه ويعطيه علاج وشوية نصائح ويمشي حنا هنا محضر خير يا أخواتي وإخواني الكرام أختي العزيزه سودة لاتعتذري على شئ مايستاهل حنا أخوات وتجمعنا محبة الله ومشكوره على دعواتك الطيبه وأسأل الله أن يجعلك قرة في عين زوجك وأن لايرى سواك ولايعشق سواك ولايحب سواك وأدعوالله أن تكوني نظره الذي يرى به وأذنه التي يسمع بها وقلبه الذي يحب به وعقله الذي يفكر به وتملكي كل جوارحه ومشاعره بمحبتك ومودتك وحفظكما الله لبعض من كل سؤ ورزقكم الله ماتحبه أنفسكم وما تهواه اللهم آمين . |
الحمدالله على السلااااااااااااامه شخبارج صابره وشلونج والله تعبت وانا انزل موضوع اسأل عن اخباركم وادارة المنتدى تلغيه!!!!
المهم انتي بخير والباقي هين بأذن الله صبوره قلبي اخذي نصيحه من بشر عايش نفس حالتج ((زوجة ثانيه))الزوج المعدد ماتنفع الغيره معاه لوكان لج بروحج كنت اقولج ممكن بس معدد واخرته يروح لغيرج شنو فايدة الغيره؟؟ واذا على المسجات والضرب تحت الطاوله ترا عندي وعندج خير انا زوجة ريلي جننتني ترسله مسج بيومي كلام والله حتى المراهقه العاشقه ماتقول نفسه عصبت وهاوشت والي استفاد من هوشتي اهي وانا طلعت نكديه وماانطاق((مقولة زوجي))!!! وصلنا لتسوية الجوال من تدخل باب شقتي تسكره ومسج اباحي .....بيومي مافي بس بعد شنو بعد سنة ونص مناجره وهواش ماعليه صبوره هذي زوجته وتبي تستخدم كيدها علشان ترجعه لها انتي قدري هذي النقطه وخليها ببالج وصدقيني لوكان صج يحبها ماتزوج عليهااااانتي بس هدي وتعوذي من ابليس ولاتكبرين كل شئ ترا مايستاهل تطلقين علشان مسج من زوجته صبوره انشغلي عنه باي شئ دراسه ووظيفه اي شئ يسليج عنه طول موانت فاضي راح يكون شغلج الشاغل الزبده اعقلي وفكرة الطلاق شيليها من بالج وحتى اهو موكل كلمة والثانيه نفترق وطلاق هذي بنت الناس مولعبه عموما الله يجيب الخير لكم ويسخره لج ويسخرج له ,احلفج بالله انج ماتقطعين عن المنتدى ترا والله اخبارج تهمنا ونبي نتطمن عليج واشهدالله ياصابره اني احبج في الله ماعليه صبوره اسمحيلي ومن بعد اذنج ابي اسلم على شيخة البنات ((شخبارج اختي وشلونج الحمدالله انج بخير لان بعد احداث البحرين وانتي منقطعه وخفت عليج بس قوانين المنتدى تمنع التواصل بين الاعضاء بس صبوره الله يجزاها خير تجمع الكل بمواضوعيهااااا عموما الحمدالله على سلامتج)) |
يا أختنا الكريمة
أشكر لك ثقتك. إن فيك صفات خيريّة كثيرة فركّزي عليها لتطويرها. ::: أقدّر غيرتك النسائية الفطرية خصوصاً وأنت زوجة ثانية. حينما تزوجتِ كنت تعتقدين أن الحياة ستكون سهلة مع رجل معدّد. وربما أنك تجاهلتِ -بسبب عاطفتك- هذا الأمر، وقلتِ لنفسك: سأستطيع التكيّف، وستمشي الأمور بسلاسة، أهم شيء أن أتزوّج كباقي البنات، ويكون لي بيتي المستقّل، وأصبح أماً ذات يوم. يا أخية: إن هذا شعور يأتي لغالبيّة النساء والبنات المقبلات على الزواج من معدّد، وعندما يدخلون الواقع تجدهم يصابون بالصدمة من وجود شريك يقتسم الوقت معهم، ومن وجود شريك قديم له أطفال، وربما يستأثر بالنصيب الأكبر من الوقت والرعاية لرجحان كفته بالأولاد ومشاغلهم. أنا هنا لا أذمّ الزواج من متعدّد، ومستحيل أن أفعله فهذا شرع ربّ السماوات والأرض وهو أدرى بعباده وما يصلح لهم. وللتعدد فوائد لا ننكرها جميعاً لكن النساء لن يقتنعوا بها ولو أتيت بأدلة تحملها المجلدّات والكتب وهذه طبيعتهن الفطرية. ::: إن منسوب الغيرة عندك أراه أعلى من منسوب الشك. ومعدّل الغيرة عندك يطفح كثيراً عن مستواه المعقول. غيرتك لن نلومك عليها. نحن نلومك على ما يترتّب على هذه الغيرة من سلوك حركي. بمعنى أننا لا نستطيع غالباً التحكم في مشاعرنا الداخلية وأفكارنا لكن نستطيع التحكم في سلوكنا قبل صدوره. فحاولي لجم الغيرة والشك بلجام الدين والعقل والذكاء والكيد النسائي. ::: أنا أقدّر رغبتك باحتواء زوجك، والقضاء معه سائر الأيام والشهور. وأن يكون لوحدك أنتِ فقط. هذا شعور نسوي طبيعي لا ملامة عليه لمن يفقه في ذلك. لكن ما ينتج عنه نلوم عليه. ما يترتب عليه من نتائج نلوم عليه. ما يترتب عليه من خسائر نلوم عليه. ::: يا أختنا الكريمة/ أنتِ برغم دخولك دوّامة الزواج من معدّد لم تفهمي بعد حجم الجرح الذي يوجد في صدر الأولى، ومحاولتها بكل طريقة إرجاع زوجها لبيتها ولوحدها هي فقط. إن دخول امرأة جديدة على زوجة حالية ليس بالأمر الهيّن كما تعتقدين. صحيح هناك من النساء من لهنّ القدرة على الصبر والمجاملة برغم القهر والغيظ بصدرها، وهناك منهن التي في الوسط، ومنهنّ التي تجابه ذلك بالعنف والرفض وقد يصل الأمر إلى طلب الطلاق. إن وجودك مع هذا الرجل من خلال الفترة السابقة من المفروض أنك قد استفدت الكثير، وتعلمت الكثير من الواقع، وعن الحياة الزوجية، والحكمة في التعامل مع الرجل. ::: حقيقة اكتشفت -ربما أكون مخطئاً- أن زوجك رجل به حزم، وقوة، وذكاء، وسيطرة على الموقف. كذلك يا أختي المسلمة إن الرجل يتيه فخراً وتكبراً حينما يرى أن هناك زوجتان يتصارعان عليه لخدمته وطلب رضاه. هذا شعور يأتي للرجل المعدّد ويخالج أحاسيسه مما يرسم على وجهه البسمة، وتتهلّل أساريره بهجةً أنه رجل ما زال لديه الثقة بنفسه لجذب النساء وهنّ أنتنّ في هذه الحالة. أيضاً أتعجّب أنك لم تفهمي حتى الآن حيل النساء وكيدهن مع أنك امرأة! ربما هذا مرجعه إلى طبيعتك المسالمة، ورفضك للمواجهة مع الآخر، والترفع عن بعض الأمور كما توسوس لك نفسك. ::: نحن هنا لا نريد تكسير مجاديفك، أو أننا نريد إهانتك، وإثارة غيظك. حاشا وكلا! لكننا نريد لفت نظرك إلى جوانب في حياتك ربما لم تبصريها أنتِ بعد. احذري أشد الحذر أنتِ قد تطلّقت مرتين سابقاً. فلا مجال للعب مع هذا الرجل مرة أخرى أو ممارسة الأخطاء. ::: آمل منك ما يلي: 1)الدعاء الخالص المتواصل الممزوج بالإلحاح والدموع أن يذهب الله غيرتك. افهمي هذا الحديث. عن أم سلمة قالت: لما انقضت عدة أم سلمة خطبها أبو بكر فلم تتزوجه. فبعث النبي صلى الله عليه وآله وسلم يخطبها عليه، فقالت : أخبر رسول الله صلى الله عليه وآله وسلم أني امرأة غيرى وأني امرأة مصبية وليس أحد من أوليائي شاهد. فقال الحبيب عليه الصلاة والسلام. قل لها : أما قولك غيرى فسأدعو الله فتذهب غيرتك...إلى نهاية الحديث. الشاهد هنا أن الغيرة المفرطة نستطيع التغلب عليها بالدعاء بحول الله وقوته. 2) اجلسي مع نفسك بهدوء، وخذي ورقة وقلماً. ثم اكتبي أضرار الغيرة الزائدة على الزوج والحياة الزوجية. سترين آثاراً ونتائج مدمرة. احتفظي بهذه الورقة معك واقرئيها كل يوم مرتين لمدة شهر. اكتبي أيضاً هذه العبارة...أنا أفضّل أن أسيطر على غيرتي. اقرئيها كل يوم 14 مرة لمدة 21 يوماً. 3)إذا شعرت بأن غيرتك قد أقبلت إليك واجهيها بالاستعاذة من الشيطان الرجيم+صرف الفكرة عن ذهنك+التفكير بأمر آخر+تذكر عواقب الغيرة المدمرة. 4)تخيلي أنك تطلقت للمرة الثالثة لا قدر الله. هل سيعجبك حالك؟ هل ستصبرين على شماتة زوجته بك؟هل ستصبرين على شماتة البنات في مجتمعك بك. أترك الإجابة لك. 5)التزمي بقراءة سورة البقرة. 6)أشغلي وقتك بالقراءة في قصص الصحابيات والنابهات من النساء على مدار التاريخ. 7)إن كانت لك موهبة فاستخدميها وطوّريها. قد قرأت لك محاولة شعرية سابقة. اكتبي ما تشائين على الورق فهذا سيعطيك نوع من التحدي الداخلي لإنجاز شيء ما. 8)كوني قريبة من الزوج بحسن التبعّل، والأدب، واستخدام الأنوثة، وتجنّبي إثارة غضبه فموقفك خطير وحساس لأنك على شفا حفرة. لو خرجت منه تلك الكلمة فحياتك معه انتهت باختصار، وبعدها ستدخلين في دوامات الحزن والهم والغم ولوم الذات. 9)في حالة سفرك عنه تواصلي معه هاتفياً وبالرسائل حتى تكوني حاضرة بروحك معه ولكي لا يتعّود على غيابك. ثم حاولي أن تخترعي شيئاً جديداً لا تفعله الزوجة الأولى وافعليه أنت له. 10)أنا أؤيد أهلك وأهله في مشورتهم لك بإرسال رسائل لجواله في ليلة الزوجة الأولى من مبدأ الفعل وردة الفعل. 11)أنتِ أخطأتِ في تصريحك له بأنك سوف تفعلين هذا (رقم 10). اعتمدي الصمت وطبّقي الفعل. ولا تجعلي كثرة الكلام عند النساء يغلبك فتقولي له كل شيء. 13)خذي بنصائح بعض العضوات هنا ففيها فوائد عظيمو لأنهن نساء وأقرب لطبيعتك وفهمك. 14)لا بأس بزيارة أخصائية نفسية إن أردتِ هذا. ::: أقول قولي هذا وأستغفر الله لي ولكم. أخوكم في الله/ البليغ "حاتم بن أحمد-الرياض" |
اقتباس:
تراه تعبني كثير ارهقني هذا الانسان يبغى يعيش بغرورو على حساب امراتان مو المفروض ياخوي هي يمنعها مثل مايمنعني من الاتصال او ارسال اي رسالة بيوم الاخرى اليس هذا من حكمة المعدد ان يمسك زمام اموره ويتحكم في حرمتيه ويقودهما البليغ انا ماتزوجته عشاني عنست ولا مالقيت من يتزوجني اقسم بالله انه مقدر ومكتوب الشئ الثاني انا تزوجته لاجل دينه ولاجل لحيته لي كل ماشفت رجل بلحية احس فيه الامان واستشعره لا تقولي ياخوي زوجته واعذرها انا عذرتها بالبداية وكنت ناوية اكون برد وسلام عليها ويكفي اني اسافر واتركه لها بالشهور اقرا ردي الاخت مهرة وماكتبت عن زوجته تراها متفقة معها والحين قامت تمثل ولا هو ذنبي اني تزوجته لانه هو كان بيتزوجني انا ولا غيري بدليل انه خطب وزوجته كانت تعلم عن الوضع وتداريه ياخوي البليغ ارجوك حس فيني هذا يبغاني ارسله وهي ترسله حتى يشعر بعنفوان رجولته يباني كبش فدا عشان احرك غيرة زوجته وتقوم تصلح من نفسها على حسابي |
اقتباس:
قلت له ماني فاضية لخرابيطها,,هنا تاكدت فعلا ان زوجي يبغى يشعللها |
اقتباس:
|
اقتباس:
|
اقتباس:
... وكان من الصعب علي اكبت مشاعري اتجاهكم وقررت الرحيل من المنتدى وقلت لاحب زوجي تبلغكم هذا ..بس مع الي صارلي قلت لازم ادخل واشاوركم واسال الله ان يفرج همكم بالبحرين ويرزقكم السلامة والطمئنينة وانتبهي لنفسك ياشيخة لا تروحي مكان الاعتصامات خلك في بيتك تكفين..اخاف عليك والله الله يالدنيا ماعاد فيها خير شيخة عمري اذا صرتي ان لاين اعطيني خبر اقسم بالله انك في بالي ولا نسيتك ابد احيانا اذكرك تخنقني العبرة مالقيت لك جهد ولا لقيت حيلة انهد حيلي كله انتبهي لنفسك ولا تشغلي بالك فيني اهم شى انك تكوني بخير وتاكدي ان روحي بتوصلك وبتطمنك عني احبك ياحبيبتي اسال الله ان يحفظك اينما كنتي اي نقد او اعتراض على الادارة يرجى كتابته بقسم مراسلة الادارة |
اقتباس:
والله كل ما ذكرتكم تنزل دمعتي واغلب الكلام يطير صدقيني انتي اذكرك كل يوم وبكل وقت وبكل ساعة تخيلي امس قريت لوحة فيها الحكمي وقسم بالله فز قلبي عليك وش اسوي يام سلطان تعبت وتعبوني وكل وحدة تتخيل نفسها كاني ماخذة زوجها ياررربيه تتكلم بحقد وكراهية وهجوووم مايدون انها مممكن تطلق ويلف عليها الحول وتصير هي بعد زوجة ثانية ولا عاشرة ياترى عاقبتهم يام سلطان ولي ماترضى ان زوجها يتزوج عليها تطلق براكتها ولا تصير لا لولى ولا مليون اجل تخضع الامر الواقع وتقوم تحقد وتولول خلاص الي ماهي قادرة تكون لها شريكة بزوجها تطلقه والخلا اما تقعد تحقد وتاخذ اثم الناس ماينفع كذا ام سلطان قلبي وربي وعقلي وروحي وكياني كله معك |
اقتباس:
مسالة التعاطف اانا مو هنا للشفقة ولكن قولو كلمة حق وانتي وغيرك مسؤلون على كل كلمة تكتبونها بدل الهجووم على الزوجة الثانية من باب اولى تهجمين على زوجك ليه تزوج عليك وجاب لك الضرة لانه هو الي دفع فيها مهر مو هي ..وبدل ماتترقمين رقم واحد تطلقي وعيشي حرة اما ثانية ولا عاشرة مالها ذنب الرجل هو الي يقررر وهو الي ينفد متى مايبغى ولا حتى جاب خبر حرمته الاولى يوم يقررر الزواج |
اقتباس:
|
اختي صابرة انا قلت لك ان زوجك مميز لانه صابرررر على بعض تصرفاتك . يعني لو واحد غيره كان والله في بيت اهلك من زمان . الرجال مايحب الي تراقبه وتدقق وتحاسب . زوجك ماشاء الله عليه يحاول يهديك ,يعني اذا طنش في اي مشكلة مو لانه محتقرك لا بالعكس لانه مايبي يقول شي يجرحك ويندم هو عليه بعدين . انت زي ربان السفينة بأمكانك تسيطري على الوضع بس اسمحي لي انت ضعيفة عايشة على الرومانسية والحب وتعتقدي ان الحياة كذا , وتطلعي مشاكل من اشياء تافهه . عشان تعيشي مع زوجك بسلام تجاهلي زوجته تماما , اضحكي على تصرفاتها , لان حركاتها جت بالوقت الضايع , يعني حركاتها ترا ما اثرت بزوجك لانه يدري انها مو حقيقية وانما للاستفزاز فقط لا غير . يعني تتطلقين عشان هي ترسله؟ خلي زوجك اذا دخل يحس انه امير . دلليه ودلعيه خليه يعيش الحياة الي تزوج عشان يعيشها . انت باسلوبك تثبتين له ان زوجته الاولى مافيه منها ! انتبهي تخسريه لاننه زي ماقلت لك انسان مميز ! ولا تزعلي من بعض كلماتي لاني والله ماقلتها لك الامن خوفي عليك وحبي لك وحرصي انك تبقي مع حبيبك الى ان يشاء الله .
|
اقتباس:
|
اقتباس:
بروح اشوف شغلي والهي بمصالحي خليها هي تقعد ترسله انا ماعندي وقت للخربطة عندي بحياتي اقوى مما هي تفكر فيه تخيلي اليوم اول مادخل قال وراك مارسلتي امس؟؟ قلت مانيب فاضية لها وتفكيري افضل من تفكيرها |
اقتباس:
والله ياكويتية كتبت رسالة بترك المنتدى تعبت وتعبت مشاعري اتجاهم والادارة ترفض كل هذا والله انك ببالي ياعمري كيفك وكيف سارة انا قررت اتغير ياكويتية مثل ما اطلب منك انتي بعد تتغيرن لا حب مع معدد منتهي امرهم بوسيلي سارة وانتبهي لنفسك ولا تغارين عليه ولا شي خلاص قلوبنا لازم تموت انا قرات موضوع للمراة القوية هنا وودي اطبقه عجبني |
اقتباس:
ان شاء الله بسوي لي قلتي عليه |
اقتباس:
بس من كلامك هنا عن زوجك ، اكتشفت إنه ( عقله صغير ) .. معليه لا تزعلي .. و مثل ما قالت ( تالينا ) .. و قلت لك من زمان .. زوجك شخص أناني .. لا تحطي زوجته في راسك و لا تحطيه في راسك يمكن مثل ما يتكلم عنها قدامك ، بيتكلم عنك قدامها لا تنزلي من مستواك .. قلت لك من زمان ، زوجك يستفزك و يلعب في أعصابك و يجلس يتفرج مع إنه يعرف كيف ممكن يهديك و كيف يتحكم فيك |
السلام عليكم ورحمته الله وبركاته
هلا فيك ياصابره أخبارك يارب تكوني في أحسن حال إسمعي ياصابره الواثق بنفسه يمشي ملكا وأنت زيدي ثقتك بنفسك وصدقيني بإذن الله ماراح يأثر فيك أي كلام بعدها ومثل ماقلت لك الرد إللي ينرفزك مري عليه مرور الكرام و إعتبريه كلام موجه لغيرك ولاتردين عليه وأذكر في موضوع سابق لك إستخدمتي هاذي الطريقه وصرتي ماتردي على المشاركات اللي تستفزك ونجحت معاك وأنا أشوف أفضل شئ إنك تتجاهليها علشان ماتصير مشاحنات بينك وبين أصحاب هاذي المشاركات وتزيدك عصبيه زياده على إللي فيك وأنت الحين تراك ماشيه بالطريق الصحيح كل ماقل إهتمامك بزوجك من النواحي إللي فيها شكوك تدور حوله راح تخف عنك الغيره والتعلق الزايد فيه وترى زوجك لو رمى عليك كلمات قاسيه ترى هاذا مو معناته إنه مايحبك أو يقدر يتخلى عنك بسهوله لا ياصابره لاتفسري الأمور كذا الرجل لوضاق ذرعا بمحبة غيره وإهتمامه فيه يلقي كلمات قاسيه على من أحبه حتى يخف عليه شويه من غيرته وشكه ومحاسبته زوجك إنسان عاقل ويخاف الله وصدقيني لوكان ناوي على شئ كان سواه من زمان لاكن الرجل ضاقت عليه الأرض بمارحبت أنتي تزني عليه ليش زوجتك ترسل وليش وليش وزوجته هناك بعد أكيد مومخليته في حاله والرجل فاض به الكيل لاعندها لقى راحه ولاعندك لقى راحه الرجل يبي له بيت يرتاح فيه من القرقه والحنه ووجع الرأس يبي له زوجه تريحه وتسعده وتخفف عنه عناء التعب في الدنيا وفي حياته يا أختي أنتي لاتسألي في زوجته وطنشيها خليها ترسل حتى تحرق الجوال مادام إنه مايعبرها ولايرد على رسايلها أنتي ليش حارقه دمك ومن جهة ثانيه كمان حتى لو أرسلت له هي بعد زوجته وأنتي زوجته وهو زوجكم إعتبريها ترسل لنصها إللي عندك وأنتي إذا حبيتي إرسلي زوجك مامنعك لامن إرسال ولا من إتصال مثلك مثلها وأنا عارفه إنك إنسانه طيبه ومن طيبتك أحيانا حتى يومك ترضين فيه يروح يزورهم ويطمئن عليهم وهاذي ميزه طيبه وحلوه فيك وتحسب لك عند الله عز وجل أولا وعند زوجك ثانيا صابره الدنياهاذي ماراح نغادر منها لابمال ولابعيال ولابزو ج أحببناه الدنيا هاذي نغادرها بأعمالنا الصالحه وكفن لونه أبيض يستر أجسامنا اليوم عايشين وبكره الله أعلم وش بيصير لنا والله ياصابره لو نجلس نتأمل الدنيا ومتاعها ونذكر الآخره ونعيمها والله ياصابره إن حب الدنيا ومافيها سيزول من قلبك والله غير تشوفينها حقيره وإن مافيها شئ يستحق إهتمامك وتفنين عمرك علشانه غير ذكر الله وطاعته الإنسان إذا سوى أي عمل وأحتسب أجره على الله ربنا بيرزقه ويبارك فيه ويجزاه حسن الثواب أنتي أتركي زوجته وش ماسوت وش ماقالت لا تعطيها أي إهتمام شيليها من قاموس حياتك وقومي بواجباتك تجاه زوجك علا أ كمل وجه وإحتسبي ذلك عند ر بك وأطلبي منه الأجر والثواب وإدعيه أن يربط على قلبك بالصبر ويثبتك وقت ماتحسي بشئ يضايقك وينكد عليك إتجهي إلى خالقك أسجدي له وقولي يارب أنا داخله على وجهك الكريم إن ترفع مابي من قهر وحزن يارب أنا داخله عليك إن تصبرني يارب أنت أعلم بحالي من غيرك فليس لي سواك ولاملجأ منك إلى إليك يارب أسألك أن ترأف بحالي وترحمني فليس لي معين إلا أنت وحدك يارب إنك سميع الدعاء أقسم بالله خالق السموات والأرض لن يردك خائبه ياصابره من غيره يجلي الهم ويفرج الكربات من غيره يشفي السقيم من غيره يغني الفقير من غيره ينزل الغيث من غيره يرزق العباد بلا حساب من غيره يحي ويميت من غيره فالق الحب والنوى من غيره يرحم عباده إنه الله إنه الرحمن الرحيم الذي إن دعيناه ونحن ميقنين بالإجابه والله لن يردنا إرجعي وإلجئ إليه فليس لديك سواه يخلصك من ما أبتليتي به ياصابره وتأ كدي بأني لن أنساك من دعائي والله وبالله ياصابره إن فيك صفات طيبه وفيك جوهر نقي ولاكن تحتاجي تجاوز بعض الأشياء والترسبات التي تدور في نفسك حتى تظهر تلك الصفات وينجلي ذلك الجوهر ويصفو ليروه كل من يعرفك وكل من حولك جاهدي نفسك وحافظي على بيتك وزوجك والله ياصابره إن أحيانا الإنسان مايعرف قيمة الشئ إلا إذا أفتقده زوجك ياصابر حافظي عليه شوفي صفاته الطيبه وأحسني إليه بالقول والعمل تزوجك يبغى يرتاح معك ويذوق طعم السعاده والحين بسب رسايل جوال تسوين له محضر خليها ترسل الرجل عندك في حضنك أنتي هاذا يومك الرساله ماهي زوجته تبغى تنط عليه من الجوال تراها sms لاراحت ولاجت وأنتي بنفسك قلتي ما أعطاها أي إهتمام بعدين ترى عرض الرسايل بالمجان إنتهى أنا أتصلت على شركة الإتصالات وقلت لهم وقفوه لعيون صابره بدنيتي هههههههههههههه شفتي كيف إني أحبك ومانفسي أشوفك زعلانه وبعدين على طاري السفر شفت لك رد إنك بتسافري علشان عندك شغل إذا كنتي بتسافري علشان أشغالك الله يسهل عليك أما إذا كان هروب من الواقع فأنصحك إن خير وسيله لدفاع الهجوم هروبك ماهو حل لمشكلتك أبد فكري زين في بكلامي بس لي رجاء عندك لو ليه عندك معزه ماتتركي المنتدى ياصابره تراك غاليه عليه وماودي تفاريقينا وصلتني رسالتك أحب زووجي ماقصرت جزاها الله خير ونعم الأخت هيه بصراحه إنصدمت من رسالتك والله إني لما قرأتها حسيت بأني فقدت شئ غالي على نفسي بس اليوم لما شفت معرفك كأني إنولدت من جديد فرجائي لا تبعدين عنا . أتمنى لك حياة سعيده . |
اقتباس:
اقتباس:
اقتباس:
أبيك تفهميني التناقض اللي فوق.. مرة تقولين المفروض يمنعها مثل ما يمنعك.. وبعدين تقولين انه هو اللي يحرضك على الرسايل!!!!!!! هو يمنعك ولا يحرضك؟؟!! إذا كان يحرضك ترسلين له معناته انه هو اللي يحرضها مثل ما يحرضك.. ولا أنا غلطانة!!! هذا شي الشي الثاني المفروض ما تضايقك رسايلها.. أنا حسبالي انه هو طنشك بيومك عشان يرد على رسايلها.. مدام ما رد عليها بكيفها خليها ترسل له.. إلى بكرة وش المشكله.. وانت كنت مثلها ترسلين له وبرضو ما يرد عليك .. أصلا اللي بين الزوجين أكبر من مجرد رساله.. وأنت عارفته.. فكبري عقلك. ولا تحطين سبب طلاقك عليها.. ولا تقولين كنت بصير برد وسلام عليها بس هي اختارت الحرب.. ثقي عمره الزوجات ما يتوافقون إلا إذا عجزووكبروا بالسن.. ومو معنى كلامي انهم إذا ما توافقوا يعني لازم يكيدون لبعض!! لا كل وحدة لها حياتها وخصوصياتها مع زوجها.. وكل وحدة تحط لحياتها حدود تلزم زوجها فيها عشان تستقر حياتها.. مو تحط حدود وقوانين لزوجته .. لا تحط لنفسها وبمملكتها ومالها بالباقي.. يعني من حقكك تمنعين زوجك انه يرد عليها.. ومو من حقكك تمنعينها ترسل له.. من حقك تمنعينه يجيب لك سيرتها.. ومو من حقك تمنعينه يجب لها سيرتك.. وهكذا إلى مالا نهاية.. |
انا رايي خليك مع تاليناااا
|
صابرة
إنت قلت إنه زوجته من النوع اللي ما كانت تغار على زوجها و ما تسأل و لا تبحث و هي بدأت ألحين تهتم و تغار على زوجها .. يعني بدأت تتغير معاه هي ما تغيرت ( علشان تقهرك ) .. ليه ماخذة الموضوع بشكل شخصي ؟ يمكن ما فكرت أصلا غير في زوجها ، ليه تفهمي إنها تبغى تقهرك ؟ زوجك اللي أثار ( غيرتها ) و زوجك اللي يبغاها ( ترسل ) و زوجك اللي عاجبه ( كذا ) .. فالسبب ( زوجك ) و إنت أتحتي له الفرصة يمكن التغيير الجديد في زوجته ، عاجب زوجك .. يمكن هو من زمان يبغاها زي كذا تغار عليه ، و تحقق اللي في باله ؟ الحل : مثل ما قلت لك أول ، لا تفتحي رسايله و لا تمسكي جواله .. و يمكن برضو بيخليها ترسل رسايل علشان إنت تبطلي تمسكي جواله ؟ فيبغى يضرب أكثر من عصفور بحجر واحد .. زوجته تغار عليه ، ماحد يفتح رسايله .. |
حبيبتي
السلام عليكم اسفه لاانقطاعي عنكي وعن المنتدى بسب ظروف اجبرتني ان ابتعد عنكم حبيبتي احزنني ماقرءت والله حزنت واكتب لك الان والله من حبي لك رغم تعبي النفسي والجسدي من الوحم لكن لعيونك ابكتب رئييء بما قرءت انتي انسانه زوجه غيوره محبه لزوجها والزوجه ال2 وسبب المشاكل زوجته الاولى هداها الله اكيد هي حاطتك براسها لانك ضرتها وهذا شيء طبيعي لدى اي زوجه ولكن ان تكون هي سبب طلاقك مرتين !!!!لا هنا stop والان تريدين او تفكرين بلطلالالالاق بسب ايش مسجات !!!! ياصابره يالغاليه ارجوك تحلي بلصبر الشيطان وهي لايعبون بحياتك زوجك للاسف يحب نفسه اكثر منكم بصدق يريد زوجتين عليه لكن نصيحتي لك الاولى ان تتركي زوجته الاولى ترسللللللللللللللللللل لو 1000 رساله بليووم ولكن شرطي ماتشوفين ولا رسااااله ! حتى لو بجنبك لاتشوفين فاهمه ....لتبعدي الشيطان عنك وعن زوجك وان شكيتي وندمتي فااشغلي نفسك استغفري ربك لاتتركي الشيطان يلعب بك وثانياا ان تجعلي زوجته ترسل مثل ماتبي هي تكتب وانتي تفعليييييييييييييييييييين يعني اذا جاء زوجك كوني له كلملكه بلبيت عيشي معه احلى اللحظات تزيني تمشي معه ان فتح موضوع زوجته قولي له ارجوك لو سمحت اسرار زوجتك احتفظ بها الان انت لي وبس وابدعي بلرومانسيه ... لاتناقشيه بئي امر من اموووووووووووور زوجته الاولى ان اتصلت .... ترفعي عن نقاش زوجك عنها اسكتي او اخرجي من الغرفه افضل وبعد انتهائه ادخلي عنده ان جادلك عنها جددي قولك اسرار زوجتك او اي خبر عنها لااريد لان هلامر يعكر صفو حياتنا ياحلو كوني انتي من تفعل وتدلل وستجدي منه وبتكبري بعينه وسيجد الاولى تبحث عنه لتغيضك فقط ! سياتي يوم وسيعرف من تحبه بصدق والحب بلفعل والقول فاانتي افعلي وقولي وهو امامك او قادم لك يعني انتي تعرفين متى بيجيك من عند الاولى الساعه مثلا كذا ارسلي له رسائله زوجيه تكون بقمة االحب والرومانسيه انتي ابذلي جهدك للحفاظ ع بيتك لاتصغري عقلك وتجعلي راسك براس زوجته الا 1 ترفعي عن الرد على زوجك بخصوص زوجته اي امر كان حتى وان كان مستفز زوجك محتاج لتعزيز ثقه بنفسه يريد احساس برجولته وهو يحسها من غيرتكم وقتالكم عليه فاانتي بذكائك عززي ذلك فيه ترفعي عن الشكوى لاامه واهله لاانهم ليسوا اهلك فلن تجدي مثل اهلك وامك احن عليك منهم ترفعي عن رفع صوتك على زوجك مهما وصل الامر اذهبي وقت تعبك النفسي من امامه اجلي الحواااااااااااار لوقت بعد مايهدء وتهدئيييييييين وهذا ماافعله انا ولله الحمد عند اي توتر اطلب النقاش فيما بعد توضي وصلي واذكري ربك بعد اي تعب نفسي لك من جرء استفزازه لك عالجي نفسك عند طبيب نفسي ان احتجتي ذلك وع فكره في مواقع لااطباء نفسانيين واستشيرهم ان احتجتي فهذا ليس بعيب ولا تخبري زوجك ولا انسى انتي متعبه لعدم استقرارك ببيتك كل فتره تسافري حبيبتي لاتسافري بهذه الفتره ارجوك لاتسافري وانتي او هو متعكره حياتكم قللي من سفرك اعتذري لااهلك بئي عذر قولي بسب امورنا الماليه هالشعر اعتذر عن المجيء او بسب مواعيدي بلمشفى هلشهر وماودي ااجل وتعبك النفسي لانك ماحمااااااااااااااااتي !!اعطيك خبر مهم اي زوجه بكر او قد خلفت لن تحمل الا اذا نفسيتها مستقره ع الاقل وانتي متعبه وتطلقتي مرتين ووهذا ماافرح الاولى وتنتظر طلاقك للمره ال3 فلا تجعلي حياتك تنهدم بسب امراءه لااستعجب ان زوجك قاعد يقرء مواضيعم فاانتبهي لااقول ان زوجك عضو لاوالله ولكن انتبهي لاني قرئت باانك شكيتي واطلعتي زوجك ع موضوع احد الاعضاء وحلف لك انه ليس هو هذا اذا ماقريت او فهمت خطا حبيبتي يومك عيشيه بحلاوته بدلعه عيشي حياتك كانك زوجته الوحيده واذا اتصلت يعني وش بيصير تموتين ! عاااااااااااااااااااااااااادي كبري عقلك واطلعي من الغرفه اذا ارسلت ويبي يوريك مسجها قول ماابي اقرء لاني ماابي اتجسس ع غيري انا افعل واصنع الحب مو اقرء واكتب ترفعي عنها وعن عقليتها وانتي بعد لاتكوني مستخفه جدا بشخصية زوجك فهو رجل وزوج يحبببببببببببببببببك انتي افعلي وافعلي لاراااحتك وررااحته وخليها هي ناااااايمه ومعها جواااااالها وهدء الله زوجك من البدايه ولكن انتي الان لك الحل والامر وزوجك شووفيه يوم اتصلت به وقالت ان ولده مسخن مريض لم يااتي لانه عارف انها كاذبه ع قولك طبعا هذا يدل ع احترامه لك وحبه فلا تهدمي حياتك لاجل رسااااااااااااااااااااااااااااااااااااااااااااااال ه ! انتي من جعل قلبك يتعب وهدمتي نصف حياتك وصفوه من البدايه مرتين فلا تجعلي زوجك ينطق ال3 ّ! وتخلين الشيطان وزوجته ينتصرااااااااااااان ......... واتمنى من يجرح بااختنا كونها زوجه 2 اقول انا اقدر مامررتم به وهو الغيره من الزوجه الاولى او ال2 ....وكيد النساء عظيييييييييييم فما بالكم بين النساء ولكن لايجعل ذلك ان نجرح باانسانه كتب الله لها تكون زوجه 2 او حتى 4 الانسان انسسسسسسسسااااااااااااان وليس هو من يختار شريكه بل الله هو من قدر وكتب سبحان الله .... ع فكره انا زوجه اولى لاتظنون اني ال2 او لي ضره لاوالله ولكن الحق حق وان شاء الله لم اخطىء بردي ع احد .... واكرر اسفي بسب بعدي عنكم يالغاليييييييييين . |
اقتباس:
حبيبتي وبعد عمري على راسي والله يالغااااااالية احنا أوضاعنا كانت مأساة ومجزرة حقيقة حصلت لنا مثل ما عرفتوا شهدائنا راحوا , ومفقودين كثر , وجثث لازالت متوارية ولا نعلم مصيرها , وجرحى بعدهم ف المسنشفى , بعد انسحاب القوات اصبح ميدان الشهداء أهدأ نوعا ما , ولكننا نترقب كثيرا غدا , ولا زالت المسيرات قائمة ومستمرة حتى النصر بإذن الله , اللي صار لنا مووو شوووووووي مأسااااااااااااااااااااااة بكل ما للكلمة من معنى ربي ينصرنا عليهم قادر يا كريم وينصر شعب ليبيا المظلووووم أيضا اللهم انصرنا على القوم الظالمين مشكووووورة يا عمري على سؤالج واهتمامج فيني تسلمين ياقلبي هذا من طيب أصلج يابنت الأجواد , عسى ربي يسعدج دوووم ويفرح قلبج , فرحت وايد لما عرفت إن في حد يحاتيتي ويحاتي غيابي تسلمين لي بعد عمــري , اخت وغالية وما تقصرين ربي يحفظج وبن ما كنتي ودعووواتج لنا يالغالية |
اقتباس:
وانا زمان صار بينا تاتش وحاولت اعبر له عن حبي وكنت مسافرة قلت وش رايك برسايلي قال اوقف لها بصمت خلاص من هناك ماعاد رسلت واصلا بطبعي ماني راعية رسايل حبي اكبر من كوني ارسله تخيلي اليوم مالقت شى تسويه ترسله كول مي دووم رصيها مخلص ولمن دق عليها قالت مو انا الاولاد يعني معقولة الولد بسن ثلاث سنوات بيرسل كول مي عرفت نفسيتها وعرفت فعلا ان عقلها صغير خلاص وطنشت وبكره هو عندها والله لو ابغى ادق عليك وارسل ترى مافي شى يمنعني بس تفكيري ارقى من تفكيرها وخلاص بينت لي ضعفها وقلة حيلتها احلاهم انا مسافرة اشوف اشغلالي وابني مستقبلي واثبت وجودي بمجتمعي اما هي بتركها للرسايل |
اقتباس:
مرحبا يالغالية ,,, آنا هني وأوضاعنا مب ذاك الزود ولكن قلبي وتفكيري وياج ,, بس واثقة إن الأخوات ما راح يقصرون وياج أبد , أم سلطان كفت ووفت عني , كأنها تكتب عني وعنها ف مرة وحدة :d لذلك اعتبري كلامها منها ومني << طبعا إذا ما عندها مانع:25: نجي لموضوع تركك للمنتدى :29: بسبب غيابي يمكن طافتني أحداث كثيرة وأشيا وايد ما ادري عنها , بس بقووولج لا تقررين ترك المنتدى والناس اللي تحبينهم وتغلينهم ويحبوونج أكثر ويغلونج أكثر وأكثر وفراقج راح يزعلهم , يضايقهم , وأكيد يحزنهم فما أعتفد إنج راح تضحين بكل هالقلووب الطيبة المحبة الصادقة علشان ولا أي سبب , وبقولج شي مهم يمكن قلته له من قبل وهذاني أكرره عليج , لا يهمج من حجي هذا وذاك , ولا تفكرين بأي رد مزعج ومكدر لج , ولا جنج قرتيته أو شفتيه حتى , ولا تغثين عمرج ترى ما يسوى , وشوفي صبووورة كل من يعترض أو يعارض أو يقولج حجي موب زين , حطي ف بالج إن نظرته للأمور سطحية ومن عين واحدة , فانتي كل ما تهتمين إلى هالأمر كل ما يزيد قهرج وزعلج وهذا بالتالي يؤثر عليج أكثر !! لذلك انظري للجزء الممتليء من الكأس وليس للفارغ , بالضبط شوفي الزهوور اليانعة اللي تظللج , ولا تهتمين بأي شوك يحاول يدش ويغرز فيج , تراج انتي حلاة كل شي , وسكر لكل شي , ما أبيج تتضجرين وتزعلين أبد , ولا تقولين بخلي المنتدى مرة ثانية مهما كانت الأسباب والظرووف , بعمرج سمعتي حد يتخلى عن نبض قلبه ؟؟ ولا عمرج سمعتي حد تخلى عن أهله ؟؟ ما اعتقد , فانتي اشلون يهنا لج قلب تخلينا وترووووحين:29: روحي تروووح معاج يا صبوووورة وأما بالنسبة للإعتصام في الميدان عندنا , فهذا الشي واجب وطني ياصبوورة , إعيال بلدي واخواني في الله راحوا , شهداء للثورة اخواني هذووول ودمهم راح من أجل هذا الوطن , ما يصير نقعد ف البيت وأهلنا بره تموت وتنذبح , ربي الحافظ يا صبورة , وإذا ربي كاتب لي بالحياة فبعيش ولو ظليت طول الوقت ف الميدان , وإذا ربي كاتب لي بالموت راح اموت ولو كنت على فراشي , بالعكس هنيئا لهم بالشهادة مثواهم جنان الخلد لذلك ياقلبي , كلنا شيعة وسنة وعجم , طالعين وموجودين في الميدان بقووة , صبرنا سنين وستكنا سنين حقوقنا راحت , شعب مضطهد مظلوووم , لي متى ؟؟؟ و بإذن الله منصووووووورين والناصر الله انتي بس دعوواتج وإذا علي لا تحاتين رب العالمين مقدر كل شي , إذا أراد شيئا يقول له كن فيكون " كلنا راضين بقسم رب العالمين , رغم إن اللي صار لنا مو شووي وشبابنا اللي راحوا مو شي سهل , ولا ندري شالجاي , ولكن واثقين ومتمسكين بحبل الله المتين , ومن اعتصم بالله وبرسوله وبآل بيته الطاهرين لا يخيب :22: مثل ما قالت أم سلطان واثق الخطووة يمشي ملكا , وانتي ملكتهم وشيختهم وأغلاهم وكل شي , استمدي ثقتج من الأخوات والإخوان و وجودي ما بيكون مهم في ظل وجودهم , اخونا البليغ ما قصر نصايحه درر وكلامه ذهب , انتي تغيرتي ياعمري صرتي أقوووة ومع الأيام بتقوين أكثر , حاسة إن الجاي وياج بيكون أحلى وأحلى , شي مهم جدا ما أنساه حطيه ف بالج كل شي ربي يسويه لج صــــلاح لج , وخيرة لج , و مقدر لج , وما أحد ياخذ غير نصيبه ونصيبه بس مشغوولة فيج وأحاتيج وأفكر فيج , وصدقيني الكل هني يحبج ويغليج مالكة قلووب الكل :d شتبين بعد أكثــــــر << ترى الطمع مو زين:25: كل القلووب تحبج ما خليتي لنا شي :26: أحبـــج يا درة المنتدى و نوره |
عفوا أخت صابرة.. ما جاوبتيني .. أو بمعنى أصح جاوبتي بطريقة غير واضحة..
شلون يمنعكم أنتوا الثنتين.. بعدين تقولين هو قالك ليش ما أرسلتي لي؟؟ هذا كان أستفساري.. المهم ماعلينا.. بس حبيت أبين لك انك متخبطة مرة تهاجمين زوجته وتحطين الغلط عليها.. ومرة تقولين غلطة زوجك هو اللي يستغل ويرضي غرورة والحرمتين يدفعون ثمن غروره.. والواقع أنتي مو طايقتها بسبب غيرتك المفرطة.. وهي مو طايقتك لأنك داخله عليها.. لذلك أنتي تفسرين كل تصرف منها انها تبي تخرب لك بيتك.. وأنها سبب طلاقك مرتين.. وأنها تنافق وتمثل وسامجة .. وانه زوجها ماتزوج عليها إلا بسبب طيبتها الزايده معاه على الرغم انها ما تطلقت ولا طلقة مدة 13 سنه.. وأنت 3 سنوات تطلقتي مرتين. فأنا أقول لك سبب طلاقك يتحملها زوجك مو هي.. وبالنسبة للنقطة هذي اقتباس:
لأنه بعض المرات اتفاجأ بإن الإتصالات قاطعة تليفوني وأحوس وأنسى شلون أرسل كول مي فخزنت الخطوات.. متى ما أنقطع فجأة القى الاسم جاهز عندي بس أظغط عليه وينرسل.. ساعات يكون زوجي توه مسدد فاتورتي .. وبعد يومين يدق وهو بالدوام يضحك يقول : والله يعني تبين تبينين لي انك مقتصده!!! أقول له: ما فهمت شنو تقصد؟ يقول : راسلتلي كول مي.. فأعرف أنه بنتي لاعبة بجوالي وأرسلت لأبوها :25: وهو حسباله اني أنا بوفر له. فعادي تصير عند أحسن العوائل :14:. وبالنسبة لسفرتك أنا برايي مو من مصلحتك أبدا.. انتي مو بس بتتركين لها الرسايل بس.. انتي بتتركين لها زوجها بكبره لها.. وهذا الشي راح يقهرك ويخلي نفسيتك بايخة.. وممكن تغلطين على زوجك وتخسرينه .. أشغالك عادي تقدرين تخلصينها وانتي هنا.. والراي الاول والاخير رايك أنت.. |
اقتباس:
ومبروووك عليك الحمل يالغلا وان شاء الله وجه السعد عليك يابعدهم صدقيني ياروحي اشياء كثيرة تبعتني ومضغوطة من جميع النواحي انا الي زعلني زوجي مو هي والا ترين ماهمتني الله يحفظك يالغلا ويطول بعمرك ويسعدك اينما كنتي وابشري نصايحك على راسي واسفة خليتك تكتبين وانتي تعبانة يالغلا ارتاحي ياعمري اهم شى صحتك وادعيلي ربي يرزقني بحمل فديتك زي شرواكم هو الي مخليني ماقدر على فراقكم |
اقتباس:
بغض النظر عن اي شى انا حبيتك واحنا السنة واخوانا الشيعة كلنا مسلمين وعايشين تحت سقف واحد بس انا خايفة عليك ياعمري انتي بنوتة مكانك البيت تكفين لا تطلعين لا مظاهرات ولا شي يالحبيبة وربي اخاف عليك صدقيني من يوم قلتي المظاهرات وانا خايفة عليك حتى علمت زوجي وقالي شفيك قلت خايفة على شيخة الله يحميك ويرعاك وانا معك ياحبيبتي |
الله يبارك فيك
والله يرزقك عاجلا غير اجل الزمي الاستغفار وربي باذن الله مايخيب املك زوجك ليش انتي زعلانه منه هل لانه عاجبه الاحتكاك اللي بينكم ويشوشك وش ترسلين ! حبيبتي اقولك شيء لاتهدمين حياتك بمشاكل انتي بغنى عنها ... يعني انتي لاحظتي زوجك يعجبه ان يشوفكم حوله ولاجله تتصلون وترسلون او هي ترسل هو يحس برجولته او بثقه انه حصل ع اللي يبيه انتي بمجرد انك تترفعين عن النقاش مع زوجك بخصوص زوجته صدقيني بيستعجب ! بيقول وين غيرتها او وش في هاذي ماسوت مشكله يوم سمعت المسج ؟ّ ترفعي عن النظر لمسجاااتها وترفعي عن النقاش مع زوجك بخصوص زوجته كوني انتي زوجته اللي تريحه وتسعده وتخلي البيت جنه بلراااااحه والهدووووووووووووء وهو بيركض لك ركض ويترك مسجااااتها افعلي كما قلت لك مسبقا وامسكي نفسك عند الغضب كوني حليمه حكيمه لا تكوني وتاخذي حقك بلتهجم عليه وهذا ترى يبعد الزوجه عن زوجها ويتنفر منها احذري ياحلوه انتي طوري من نفسك بنفسك ترفعي عنهم كوني صبوره عند سمااعك مسجاااتها اطلبي منه اذا جاك ان يحط جواله صامت هذا ان كان يسمع لك وانتي ابدعي بيومه معك خليه يطلع وهو مشتاق للرجوع لك بسب هدوء البيت والمشاعر عززي ثقتك لنفسك احترمي زوجك ليحترمك ويخجل من نفسه ويتحاور معك باأدب مهما انفعلتي من اجل انه نرفزك اخرجي واتركيه وكم دمعه تحل الامر ولا عتاب محب وانتهى الاهم قللي من سفرك لاتجعلي سفرك اكثر من استقرارك لان بمجرد عدم استقرارك هو يسبب تعب لك ولزوجك ولنفسيتك من غير المشاااكل اللي تفتعلها الزوجه ال 1 او زوجك فهذا بحد ذاااته يااخر الحمل |
اقتباس:
وكان يهددها بالزواج عليها تاديب لها وجاني العلم وابوه الله يرحمه كان يقوله لا تتزوج عليها دامني عايش واول مامات الله يرحمه نفد الزواج احلاهم وش سر دفاعك عنها هل لمجرد انها زوجة اولى؟؟ احلاهم انصفي وخليك منصفة ترى الدنيا ماتسوى لا اولى ولا ثانية قلت لك المفروض زوجي مايخلي ولا وحدة تدق ولا ترسل بيوم الثانية لكن زوجي عقب مسجاتها قالي رسلي لي بيوم عندها عشان تتادب وتبطل تجسس على جواله وهو نايم وفعلا ارسلت له قبل لا اكتب الموضوع وشافت كلام ماعجبه لاني سويت محادثه معه على بيبي حرقتها وكل المحادثة ايباحية وضلت زعلانة وقال زوجي لو فتحت فمها بعطيها على راسها لانه مو من حقها تجسس وامس طلب مني ارسل له وهو عندها بس رفضت وقلت ماراح اسوي راسي براسها وماطبق اسلوبها مسالة اني اترك لها زوجي واسافر فانا اتركه بارادتي ياحلاهم ولو ما ابغى ماخليها تتنفس معي ولا تتهنى بغيابي ولكن مصلحتي فوق اي اعتبار انا مو كل شي يلبيه لي زوجي من ناحية خصوصيات لي مطالب كثيرة وتعودت على فخامة الحياة ومابي انزل على هالمستوى فابي استمر على نفس المستوى عشان ماتطيح معنوياتي...والحمد الله اي شي ابيه اشتريه لنفسي وامتع نفسي وماني متوكلة على الرجل بكل اموري ..اانا عمري مارسلت له كول مي لاني استحي احلاهم هي تقصد كل حركة تسويها لكن صدقيني ماعاد يهمني انا قرررت اعيش حياتي لنفسي فقط بمتع نفسي وادلعها وربك كريم وزوجي ترينه عاجبه الوضع مستانس حرمتين يطاقون عليه بس صدقيني بغير كل توقعاته انا ابيها هي تطاق عليه وانا اتفرج..واللتزم الصمت حتى قامت تروح دكاترة وتدور حمل فوق الخمس عيال تبي تجيب السادس بس والله لو تجيب له فوق الخمس عشر ماهمتني وهي الي راخ تقل عليه الحمل مو انا انا انا شايلة نفسي عنه وملزومة بنفسي عمر الرجل ماينمسك بالعيال وبدليل انه تزوج ..احلاهم انا ابيك تعرفين شى واحد تراني ماظلمها بس هي الي ظلمت نفسها وتدور حرب وكيد ضرتي ماهي اكبر همي عندي اموور كثيرة بحياتي مشغلتني صدقيني يمكن احتياجي للحب والحنان هو من صغر عاطفتي بس ترين عقلي اكبر مما تتصورين |
اقتباس:
وكان يهددها بالزواج عليها تاديب لها وجاني العلم وابوه الله يرحمه كان يقوله لا تتزوج عليها دامني عايش واول مامات الله يرحمه نفد الزواج احلاهم وش سر دفاعك عنها هل لمجرد انها زوجة اولى؟؟ احلاهم انصفي وخليك منصفة ترى الدنيا ماتسوى لا اولى ولا ثانية قلت لك المفروض زوجي مايخلي ولا وحدة تدق ولا ترسل بيوم الثانية لكن زوجي عقب مسجاتها قالي رسلي لي بيوم عندها عشان تتادب وتبطل تجسس على جواله وهو نايم وفعلا ارسلت له قبل لا اكتب الموضوع وشافت كلام ماعجبه لاني سويت محادثه معه على بيبي حرقتها وكل المحادثة ايباحية وضلت زعلانة وقال زوجي لو فتحت فمها بعطيها على راسها لانه مو من حقها تجسس وامس طلب مني ارسل له وهو عندها بس رفضت وقلت ماراح اسوي راسي براسها وماطبق اسلوبها مسالة اني اترك لها زوجي واسافر فانا اتركه بارادتي ياحلاهم ولو ما ابغى ماخليها تتنفس معي ولا تتهنى بغيابي ولكن مصلحتي فوق اي اعتبار انا مو كل شي يلبيه لي زوجي من ناحية خصوصيات لي مطالب كثيرة وتعودت على فخامة الحياة ومابي انزل على هالمستوى فابي استمر على نفس المستوى عشان ماتطيح معنوياتي...والحمد الله اي شي ابيه اشتريه لنفسي وامتع نفسي وماني متوكلة على الرجل بكل اموري ..اانا عمري مارسلت له كول مي لاني استحي احلاهم هي تقصد كل حركة تسويها لكن صدقيني ماعاد يهمني انا قرررت اعيش حياتي لنفسي فقط بمتع نفسي وادلعها وربك كريم وزوجي ترينه عاجبه الوضع مستانس حرمتين يطاقون عليه بس صدقيني بغير كل توقعاته انا ابيها هي تطاق عليه وانا اتفرج..واللتزم الصمت حتى قامت تروح دكاترة وتدور حمل فوق الخمس عيال تبي تجيب السادس بس والله لو تجيب له فوق الخمس عشر ماهمتني وهي الي راخ تقل عليه الحمل مو انا انا انا شايلة نفسي عنه وملزومة بنفسي عمر الرجل ماينمسك بالعيال وبدليل انه تزوج ..احلاهم انا ابيك تعرفين شى واحد تراني ماظلمها بس هي الي ظلمت نفسها وتدور حرب وكيد ضرتي ماهي اكبر همي عندي اموور كثيرة بحياتي مشغلتني صدقيني يمكن احتياجي للحب والحنان هو من صغر عاطفتي بس ترين عقلي اكبر مما تتصورين |
ياصابره
بجد كوني حكيمه بتعاملك وحياتك واصبري بقولي لاتجادلي زوجك بخصوص فعل زوجته ال1 ولا تتهاوشي بسببها اذا فتح الموضوع قولي لاتعكر مزاجنا وابتسامه حلوه او اي حرككه رومانسيه تكف زوجك عن الكلام كوني ذكيه ريحي نفسيتك ...لاتتعبي بسبب افعالها وافعال زوجك الغير حكيمه ابدا ابدا ...ولكن انتي صدقيني بيدك تجعلي بيتك نار او تجعليييييييييييييه جنه لكم انتم الاثنين سيرة زوجته الاولى رغم مسجاااته لاتجعليها حوار لاببيتك ولا بلسياره ولا بينكم بمجرد ان يرى زوجك منك عدم الاهتمام بلنظر لمسجاااتها وانتي بجااانبه يجعله يخجل من نفسه ومايريك مره اخرى ... انتي فقط تحلي بلصبر ادعي الله ان يصبرك ويحنن قلبك وقلب زوجك لبعض ..وان يبعد كيد زوجته الاولى عنكم .. حبيبتي فكري معي تخيلي معي لو ان يوم من الايام كتبت موضوع هنا ...وحكيييييييييت مثلك اني تطلقت بسب زوجته الاولى ومسجاااتها وتفاخر وفرحة زوجي بلجدال عليه من خلال مسجات ......... وش راح تنصحيني ؟ صدق وش بتقولي لي ...هل بتقولين تطلقي ياهمس وفكي عمرك طيب انا احببببببببه ....ومهما قلت لا فقلبي هو من حكم علي بذلك....\ هل تنصحيني اني اتطلق واهدم حياتي بسب زوجته ال1 ........فكري وش كنتي بتنصحيني ؟ وبعدين اصبري واوزني حياتك بتقليل السفر قدر الامكاااااااااان .... خصصي شهر من بين الشهور لزيارة اهلك لان كل مره تسافرين وكثرة السفر بتجعل حواجز بينكم انتي وزوجك وحتى لو حصل مشاكل لاتسافري وزوجك غاضب او تتهربي منه لراحة نفسيتك لا كل شيء وله حل ...بلصبر بلتفاهم بلحب والحوار والعتاب الحسن وليس السب ورفع الصوت هي الحل ؟ حبيبتي لاتقولي مااحبه لا بل انتي تحبيييييييييينه ...وما كتبتي الا لانك تبين حل وتحبينه ولكن مشكلتك لاتملكين صبر وتغارين على زوجك وانا لاالومك فكل زوجه تغار ع زوجها من اي انسانه حتى لو ممثله نظر بها او مذيعه او حتى بلسوق فما بالك بشريكه ..؟! فهمتي علي ولكن مع ذلك كما قلت مسبقا انتي بيدك وعقلك تجعلي بيتك جنننننننننننننننننه لا ناااااااااااااار ...! اوعديني ان تعملي بنصائحي بلترفع عنها وعن قرائة مسجاتها لان هذه بدايه الحل واعملي ايضا بنصائح الاخوات فماشاء الله قالوا كلام حكييييييييم . لاتخلين كل مره يجيء بها زوجك تسوين مشكله بسبها او بمجرد انه حكى عنها ... كما قلت ترفعي وقولي لاتعكر رومانسيتنا المهم سكتيه بطريقه حلوه رومانسيه لاتشتمين ولا توضحيييييين غيرتك ونفسيتك لها دور مهم بلانجااااب والاستقرار ايضا ... ويوم طلعتوا البر وهو تمشى لحاله وش منعك ماتروحي معه وتدلعي وسوي وحتى لو تقولي ابيات ليه تعكري صفو طلعتكم لاتقولي ياصابره هي السبب اي زوجته ال 1 !! لا انتي غيري من نفسك واسعدي زوجك لتسعدي ومتاكده انك عارفه كيف تخلي بيتك جننننننننننننننننننه ماتحتاجين تعلييييييييم الزوجه تعرف وش يحب زوجها وش يبي كيف يبي كيف اخليه مجنوني . ومابنساك من دعواتي ليلآ بلحمل والاستقرار . اسال الله ان يرزقك الذريه عاجلا غير اجل ويسعدك ويهدي زوجك ويشفي مرضى المسلمييييين . |
اختي صابره
بما انك الان عند اهلك راجعي طبيبه نفسيه تساعدك في التخلص من الشك والغيره المفرطه ثانيا لابد لابد من الاستقرار ليشعر بكامل المسؤليه تجاهك((اللي بعيد عن العين بعيد عن القلب)) وليتعود على ذلك وكمان زوجته الاولى ثالثا انتي اذا كان يومك حاولي ماتبحثي عن اي شئ يثير غضبك بس هدي نفسك وهيايها لاستقبال زوجك بكل حب وصفاء ذهن اجعلي يومك جنه لزوجك ليجد الهدوء والراحه والسعاده اجعلي زوجك يتلهف على يومك وحتى لو ارسلت زوجته وملئت يومك رسائل غراميه كل ماعليك فعله هو ترديد الاستغفار وتطنيش الموضوع ماكان شئ قاعد يصير ولا حتى تحاولي تقريها من وراه ابدا ابدا خلي يومك كله هدوء ورومانسيه وشموع وكلام حلو وحركات احلى و و و و و و ولا تخلي اي شئ مهما كان يسبب في جعل يومك كله نكد وطفش ومهما كان يااختي صابره خليك صابره في مواجهة طبع زوجك ((البرود)) لا ترفعي صوتك او تغلطي بالكلام انتي تحبيه لالالالالالالالالالالازم تحترميه في الهدوء وحالات الغضب:18: ولا تنسي ليس الشديد بالصرعه وانما من يمسك نفسه عند الغضب ولا تجعلي امور صغيره وتافهه تفرق بينكما وقابلي السيئه بالحسنه وقابلي الفعل الشين بالزين وهنا انا اسحب كلمتي اللي هي كانت((ارسلي بيومها)):25: وطنشي تنتعشي مو طنشي خرابيط لا طنشي من صمصوم قلبك وبردي خاطرك ***والزوجه الواعيه هي من تجذب زوجها بحسن تبعلها وليس بالرسائل الغراميه فقط الزبدده وحاولي قد ماتقدري ان تسعدي قلب زوجك في سواليفكم ومشاريركم وفي كل شئ ادخلي البهجه عليه خليه بذكائك وحكمتك وحبك له مايحس بوناسته وسعادته الا معك اخاف يجي يوم وتقولين ياليته موجود ولا انكد عليه ياليته موجود واسعده ومااخلي الابتسامه تفارقه ياليته موجود كان وكان وذلك الوقت لاينفع الندم (الله يطول عمره في طاعته) امامك ان شاء الله فرص كثيره فلا تفوتيها موفقه يااختي الفاضله |
| الساعة الآن 11:01 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©