|
حبيبتي رواء .... وكلي امرك الى الله ...وان شاء الله يكتب لك كل خير ... وانصحك يا الغاليه ... ضعفك ما بينفعك الحين .... اذا ناوية تنتظرين لآخر الاسبوع ... هذي فرصة علشان تعيدين حساباتك وتهيئين نفسك صح ....لا تسكتين على التجريح والشتائم ... خلي زوجك يحاسب ألف مرة قبل لا يسئ لك هذي بتكون كبداية جديده لك بإذن الله ... فتذكري الاشياء السلبية اللي كنتي تسوينها واللي خلت زوجك يتمادى في تصرفاته ...مثل : انعدام الثقه ... الضعف ... تجاهل الغلط او السكوت عليه ... حبيبتي اعملي لنفسك قيمه وهكذا بتجبرين الكل يحترمك ... حطي شروطك لكن لا تنسين انه زوجك مو عدوك ... وذكريه بالله وعقاب الله ... واتفقي معاه بشكل جاد على كل شيء ... بعدها اطردي وساوس الشيطان فهو يوسوس لك انك تكرهينه وما تطيقينه ولا تقدرين ترجعين طبيعيه معاه ..... فابعدي الشيطان بذكر الله ... واعيني زوجك على الطاعات والعبادات ...فهذا هو نفسه زوجك اللي تحبينه لكن هذي فترة صعبة وعدت بإذن الله .... وتذكري ان المعاملة الطيبه والكلمة الاطيب تصفي القلوب وتجذبها لبعض .. ان شاء الله اكون افدتك حبيبتي ... واسأل الله القدير من كل قلبي ان يفرج همك وترجعين تعيشون مع بعض حياة ملؤها الذكر والخير والسعادة والتوفيق .... الله يسعدك يا عسل ... |
لمني بشوق
كفت ووفت......... الئ الان ماشفتي افعاله لئرضائك واعتذارك لك لكي تنسي وتغفري له اخطائه اي زوجه اذا زعلت من زوجها مد يده او او......الخ تقعد تبكي وتزعل ولا تكلمه ويمكن تروح لاهلها ولكن اذا جاء واعتذر وطيب خاطرها ووالخ ....! صدقيني بتنسئ.... وانا مجربه صح اتدلع احيانا واثقل واكبرها لاجل مايعيدها وهو يتحمل ويعتذر انسئ واغفر له خطئه... الان مع حقك تفكرين كيف اتقبله ؟؟؟!!!! اذا اعتذر بتنسسسسسسسسييييييييييييييييييييييييييييييين وتقؤلين همس قالت! |
أختي الفاضلة لما ذكر لك زوجك أنه يحبك كن المفترض منك أنك تأكدي هذا الشيء مع تنبيهه أنه الحب بدون إحترام هو عذاب لك وعذاب له وإلا ما وصلت حالكم إلا وصل إليه .... لذلك ضعي شروطك ، واذكري ان حب بلا إحترام وتقدير لك ،، لا قيمة له وهو نتيجة هو ما وصلتم إليه في علاقتكما الزوجية كوني صريحة معه .... وأوضحي مشاعرك له .... ولماذا وصلت إلى هذا المستوى من العلاقة ؟!! حتى يعرف خطأه ويشعر بك الله يكتب لك الخير عزوبي بس رجل |
الله يكون بعوووونك ويكتب لك اي فيه اخير
|
لمني بشوق
الله لا يحرمني منك ولا من نصائحك الغالية كوني بقربي دوماً عوناً لي على نفسي همس ياغالية كلامك منطقي أتعبتك بهمي الله لا يحرمك الأجر عزوبي بس رجل الله يكملك بعقلك وينور عليك علاقتنا تفتقد الإحترام وبشدة والمشكلة أنا الفترة الأخيرة صرت أعامله بنفس اسلوبه فقدت توازني وفقدت احترامي حتى لنفسي أنا أفتكر أول زواجنا بالصدفة أسمعه يكلم واحد من أقاربه ويقول البنت في قمة الأدب والدين والأخلاق وكان يثني علي كثير ويقول مني مصدق إن فيه أحد ممكن يطلقك ويفرط فيك بس اعترف أنا طلعت عن طوري من كثر الإستفزاز لدرجة أكلمه بنفس اسلوبه الجارح فقدت حتى انوثتي وخايفة لو رجعت أفقد مابقي من ديني استغفر الله طيب سؤال أصارحه بأن علاقتنا تفتقد الإحترام من كلا الطرفين؟؟ وأشوف ردة فعله؟ |
زوجة عبدالعزيز
الله يتقبل منك غاليتي ويجزاك خير على دعوتك |
ما شاء الله تبارك الله أخي عزوبي لا زم تتزوج بمثل فكرك يصلح حال الأمة أختي أنا أرى أن لا تقولي له كلانا يفتقد الإحترام في العلاقة و لكن قولي له أن الحياة الزوجية تبنى على الحب و الإحترام فكيف يقول رجل أو إمرأة للآخر أنا أحبك و هو يجرح و يمعن في الأهانه و الإذلال و كيف تقول إمرأة أنها تحب وهي تسيء لزوجها و تهين و تراه بلاقيمه و أنتي لست كذلك فستصله الرساله كامله أنك تتحدثين عنه لأنه سيشعر بكل أذى أذاه لك لإنه طابق أقوالك على أفعاله و من خلال حواره معك ستتضح الصورة لك و سترين ندمه او لا مبالاته أسأل الله أن ييسر أمرك و يشرح صدرك و يفرج همك |
اقتباس:
جزاك الله خير |
عزيزتي كنت ابي اوصلك رسالة ان ابغض الحلال عند الله الطلاق ولاتخلينه اول حل خليه اخر حل وحاولي تدافعين عن مملكتك بكل مااتويتي من قوة ..
|
اختي رواء اذا حضر آخر الاسبوع اجعلي الحوار بين اخوانك وبينه ويوضحون شروطك
الاستقرار - انجاب الذرية -الحقوق الزوجية الكاملة وأذا وافق اذهبي الى بيتك واجعلي ابنك بين والديه ولاتنسين انه يحبك وهذا فضل كبير وانتي حاولي جذبه إليك ولا تنسي الدعاء والاستغفار اعانك الله ونور الله قلبك واسعدك الله وسخركما لبعض |
الحمل من حقك ومو من حقه يمنعك من الذريه
هذي نقطه يجب ان يفهمها وانتي لاتقعدين تبررين اسباب الحمل لانه مو غلط ولا حرام يكون عندك اطفال مثل ماعنده هو اطفال من زواجه الاول اعتقد انه تزوجك لانه كان يظن انك ما تخلفي لانك تزوجتي مرتين وما خلفتي فكان حاط هالشي بباله وتفاجأ بحملك |
الاهم
اكثري الاستغفااااااااااااااااااااار والدعاء. الله يفرج همك. |
من خلال رودوج رواء بينتي انج عاقله وحكيمه ومحترمه حييل ربي يثبتج ع طاعته
امممممم مثل ما قالت همسس حاولي ترجعين له وشوفي آخرتها معاه ويارب يحن عليج وع ولدج ويارب بيوم وليله يسخره لج ويصير احسسسن بوايد من اول زواجكم ويسسر اموركم ويرزقكم الذريه الصالحه والرزق الحلال ويعيشك تحت ضله ويسعدج لا تفقدين الامل وحاولي تضغطين ع نفسج حتى لو كارهه نفسج وما ودج ترجعين له اممممم حاولي رواء تتصرفي بحكمه قبل لا تتصرفي باللي اللي بقلبج حاولي تنسين اللي بقلبج وتردين عليه كانج اول مرة تعرفينه لعله يتغير ان شاء الله يارب نقراء خبر يسعد قلبنا ان شاء الله الله يسعدج مع زوجج وعيالج ويجمعكم ع خير ويرزقكم يارب |
اقتباس:
الطلاق آخر شي فكرت فيه الله يعلم إني اجتهدت معه برسايل غرام ونصح وتثقيف واستقبله أحسن استقبال لا أزعجه بنومه ولا أقصر معه رغم دوامي وتعبي أنا له خادمة وبنت وزوجة ومستحيل أنام أو أدخل غرفة النوم قبله ولو بتقطع من النوم حتى أمومتي حرمني منها الولد مستحيل يدخل غرفتي أقوم من نومي بدون مايحس على موعد رضاعته وأرجع أخاف أجيبه وأخاف أنام عنده رغم إنه بيبي ويحتاجني وأنا حامل أسويله مساج وأحممه ولا أذكر إنه دخل يوم يتوضأ بدون ما أنتظره بالفوط والعطور رولادا أنا حافظت على مملكتي من أول يوم دخلتها واجتهدت كثير مقابل استفزاز واستهتار واعترف إني عجزت وطاقتي استهلكت فقدت حتى أنوثتي وصرت أتعامل معه بشراسة كيف أجدد طاقتي وأرجع له زي أول |
اقتباس:
بإذن الله هذا اللي بيصير الله يتقبل منك غاليتي وأشكر لك متابعتك واهتمامك |
أخوي معدن الرجوله لا أريد إلا دعائك لي بأن يرزقني الله ببنت حلال وبنت أجواد اقتباس:
أختي الكريمة صارحيه ليس على سبيل الإقناع، بل صارحيه بما تعانين منه ، تماماً مثل ما اشتكيت لنا بأنه لا يعيرك أي مشاعر كأنثى ،،،، صارحيه برغباتك العاطفية ، وأن عدم تلبيتها لك يتعبك جداً .... المصارحة هنا هي مكاشفة بما لديك .... حتى يعرف جيداً ويكون وسيلة للتقارب ... مشكلة كثير من الأزواج أنه لما يريدون المصارحة يبدأون بإلقاء اللوم على بعضهم البعض ويصبح المصارحة تفاوض ومحاولة من كل طرف ليغلب الأخر ويخرج منتصراً بدل أن يخبر شريكه برغباته العاطفية وبما يريده وما ينقصه وما يريد من الطرف الأخر .... لذلك أخبريه بما تريديه وما الذي تشتكين منه ، ما يشبه مثل ردك هذا اقتباس:
فكوني واضحة وصريحة معه وأنك تريدي الإحترام والحب وأن يعاملك كأنثى .!!!! الله يجمع بينكما على خير ويصلح زوجك ويحنن قلبه عليك عزوبي بس رجل |
اقتباس:
هو قالي من أيام الملكة مايبي أطفال وأنا كنت مقتنعة بالتأجيل وأخذت مانع وشاء الله أحمل عليه جزاك الله خير سحابة ورد |
همس
الله لايحرمني منك ياغالية اقتباس:
الله يتقبل منك يافيتوو أسعدني تواجدك ومشاعرك الصادقة الله يجزاك خير حبيبتي |
اقتباس:
الله يتقبل منك ويرزقك ويستر عليك |
خلي املك بلله سبحانه ...
وصدقيني اذا دعيتي الله بتفريج همك واكثرتي الاستغفار الله مايخيب من رجااااااااااااااااااااااه.... حبيبتي المكتوب لك راح يصير ..والله يحقق لك مرادك ويرجعكم لبعض...اللهم امييييييييييييييييين. |
ونعم بالله ياهمس
متوكلة على الله هو حسبي ونعم الوكيل ترى كلم وقلتله تجي قال انا ما اجي وإذا تبين الطلاق يجيني اخوك ويطلبه أو نتواجه بالمحكمة والقاضي يفصل بيننا قلتله خير ماقلت لا أظلمك ولا تظلمني متى تبينا نروح المحكمة قال خلي اخوك يكلمني اول واقوله بشروطي يتكلم بكل وقاحة واستعلاء قلت انا سهلت عليك الزواج ولا كلفتك بشي وتنازلت عن بعض حقوقي وياليت هالشي يشفع لي وتسهل امر طلاقي قال لك اللي تبين بس بعد مايجيني اخوك اخوي يقول ادري وش عنده بس مابيني وبينه غير الشرع قلتله كلمه طيب وقوله تبي الطلاق قال ما اكلمه خلاص اول مره اشوف اخوي مقتنع بطلاقي رغم انه كان مع زوجي ضدي الله يكتب اللي فيه الخير لي وله لا إله إلا الله محمداً رسول الله |
قدر الله وما شاء فعل شوفى يا اختى اما يحضر ويعلم بكل طلباتك ويقبل ان يعيش معك بما يرضى الله عز وجل مثله مثل اى زوج ويتحمل مسئولية تجاهك واما يغنى الله كل من سعته لا تنقطى عن استخارة الله عز وجل ولا عن التضرع الله فى اوقات استجابة الدعاء وخصوصا فى الثلث الآخير من الليل اسأل الله ان يقدر لك الخير ويهدى زوجك |
اختي العزيزة ممكن تكون هذي هي طبيعة زوجك والطبيعة ما تتغييييييير خاصة العصبية وهي فعلا تخلي حساناته تضيع بكلمة بساعة غضب.... الله يعينك وما انصحك بطلاق لان مهو سهل ابدا,,,,, انا الحين طالبة طلاق ومترددة مع العلم سبب طلاقي ان زوجي غشني وخدعني وخايفة من كلمة طلاق ....
|
يا ويلي يعني الحين هو قال يبي الطلاق الله يجعل هالامر خير لج يارب
اممممم ان شاء الله ما شروطه تكون خفيفه بس الله يستر لا يحط الولد بينكم ويبي الولد ويكون هذا شره يحرمج منج <<لا قدر الله لا ان شاء الله خير وما يكون بوعيه بالطلاق ورجعين احسسن من قبل معاه بسس :( استخيري قبل لا توافقين ع اي شرط له حتى لو ضليتي ع حالج الله يسستر منه ومن غيره الله يسر لج امورج ويوفقج فيهن ويجعلهن خير لج اخي رواء اصبري ع الاختبار وان شاء الله نهائيها حلوه |
جزاك الله خير اخي الكريم ابو مريم
الله يتقبل منك هلا فيك غاليتي الطفلة الذكية لو كان عصبي بس تهون بس المشكلة اسلوبه استفزازي والطلاق آخر حل فكرت فيه والله يجيب اللي فيه الخير بالنسبة لك اختي أرجو من الله العلي القدير أن يعوضك بمن يحفظ حقوقك ويبعد عنك كل من يستغلك هلا فيك فيتوو مدري وش شروطه الله يستر إذا ع الولد حلال عليه خليه ياخذه لا كبر يعرفني المشكلة لاصارت شروط تعجيزية تجبرني استمر معه على الأذى وطبيعي لن ارضخ بسهولة جزاك الله خير لاهتمامك حبيبتي |
الله يكتب لك الخير ما أقدر اقول أكثر من كذا !!!!!!!!!! عزوبي بس رجل |
افكار سلبية تراودني
مره اقول ارضخ وانتقم منه بحمل جديد ومره اقول ارمي ولده عليه واخذ اجازه واقفل تلفوني تعبت افكار كثيرة تتعبني محتاره من شروطه هو مقتدر ماديا ولا يفكر يستغلني ماديا والولد اصلا مايبيه ولا عنده من يتحمل حضانته وش شروطه اجل؟ تعبت من التفكير |
أنت أرملة ولا متزوجة؟؟؟؟!!!!
اقتباس:
|
هلا فيك ام جمانة
لك حق تتعجبي فأنا للاسف حملت جميع الألقاب وسلسلة ابتلائاتي لم تنتهي الله يثبتني ولا يبتليك غاليتي أدعك مع هذا الرد علك تفهمين بعض حكايتي اقتباس:
|
جربي خلي اخوك يكلمه ويناديه !!؟
وان شاء الله يجيء هو يماطل علئ حسابك او عادي يرؤح اخوك ويشؤف له .... اعوذ بلله غلطان ويكابر بعد. |
اخوي مو مقتنع يكلمه ويقول انا اعرف وش يبي
ارسل قال بجي اخذك تخيلي؟! رديت عليه قلت اعذرني وسامحني والله يبدلك خيرا مني رد باسلوب غير اللي تعودته وقال ((لو الامر بيدي ما ابدلك باحد والله ان يبطي غلاك بقلبي مهما غلطتي بحقي ولكن احترم رغبتك بتحديد مستقبلك والله يحقق امنياتك ويظل الكلام الطيب هو اقصر الطرق للتفاهم)) مافهمت العبارة اللي بالاحمر وش غير اسلوبه بالسرعه ذي؟ وليه مايجي طيب هو يدري بطيبتي وطيبة اخواني ليه مايبغى يجي؟ انا خايفه اغلط وارجع ويصير في اللي دايم يصير فهموني |
رد باسلوب غير اللي تعودته وقال
((لو الامر بيدي ما ابدلك باحد والله ان يبطي غلاك بقلبي مهما غلطتي بحقي ولكن احترم رغبتك بتحديد مستقبلك والله يحقق امنياتك ويظل الكلام الطيب هو اقصر الطرق للتفاهم)) مافهمت العبارة اللي بالاحمر صدقيني هو متعلق فيك ويبيك ترجعين .... مشكلته اذا كلمك بااسلؤب حلو انتي ترفضين انك ترجعين !!!! فيرجع ويعصب ويجرحك واسلؤبه مستفز ..... يعني بلعربي هو يبيك ؟؟؟وهو علئ باله انك تكابرين انك ترجعين له !!!! مع انك وضحتي له ؟؟ الي مكتوب بلخط الاحمر واتوقع قصده !!! اني الان اكلمك باسلؤب حلو وكذلك بلايام الماضيه ...وابظل احاول اكلمك بكلام حلو لاجل اكسر كبريائك وترجعين معي لان هذا املي الوحيد وهو الكلام الحلو معك وبعيد عن المشاكل والنقاش!!!!!!!!!!!!! هذا الي فهمته من هلكلام .... يعني ماوده يجيء ويناقش مع اهلك ويتمشكل وده ترجعين معه كذا لانه اشتاق لك.... واكيد ماارسل الا لانه اشتاق لك . |
اتمنئ انك ترسلين رد له
مثلا تقؤلين قرءت رسالتك واعجبتني كلمه وهي الكلام الطيب ! وردي لك انا زوجه وتريد ان تعيش بكرامتها بحب ورحمه من زوحها عليها وانا عطيتك اكثر من فرصه بعد خطئك علي ! ولا حياة لمن تنادي ! لم اجد منك اي تغيير للافضل سؤئ بلتعااااامل او الرحمه علي .... انا اتمنئ ان تكون حياتي كاي زوجه عايشه مع زوج يحبها ويقدرها ويحترمها !!! اتمنئ لي بيت ارتاح فيه مع زوجي ! انا ماطلبتك المستحيل لاجل تكابر ! انا خائفه جدا ان ارجع والقاك علئ نفس الموالات .....(اذكري بعض افعاله السيئه التي يتصف بها)... فانا طلبت منك ان تأتي ونتفاهم ...ليس لمسح كرامتك بل للتفاهم علئ امور الاختلاف ولكي اضمن اني لن اجد اهانه بحقي بعد اليؤم من ضرب وغيرها !!!فؤلله لو خادمه ببيتك اتوقع تحترمها ولن تمد يدك عليها مهما اخطئت بل تهاوشها وبس ! وانت الان من يكاااابر بلمجيء !مع ان باب اهلي مفتوح لاستقبالك وحل الامور .... انا لااريد غير ضمان اني (لو )رجعت معك اعيش معك احلئ ايام عمري معك.... لكن انت هداك الله . فانا تعبت من تلك الايام من ضرب واهانه وعدم احترام لي كزوجه محبه لك... ارسلي له هلاسلؤب او انتي ارسلي له افضل من انك تقؤلين له بلصؤت وتتهاوشون ويستفزك. واكيد بيرد. رواء هاه وش رايك ؟تردين له بمسج ولا تكابرين ؟جربي ماراح تخسري شيء. |
حبيبتي
قومي وصلي لك كم ركعه وادعي ربك ان الله يهدي زوجك ويحنن قلبه عليك .... يارب تهديه وترجعوا لبعض يااااااااااارب والله توني انتهيت من الصلاه وكنت ادعيلك ان الله يصلح حالك ويهدي زوجك انتي بلاخص وبعض الاخوات هنا والاخوان بهلمنتدئ... والله يكتب لي الاجر....مشكلتي التعاطف وبقؤه لدرجه التفكير دائما عند النوم كيف تنحل هلمشكله ؟وكاني اعرفكم شخصيا او انكم احد من اهلي!؟!هذي مشكلتي التعاطف واحيانا تدمع عيؤني اذا نهايه ماساويه او اهانه زوج لزوجته والله ابكي من الحرقه بقلبي.... وماانساكم من دعائي ليلا.... الاهم الان تراني انتظر ردك الان ....ويمكن ابشؤفه بكره لكن ودي اقرء رئيك او اخر مستجداتك...!متحمسه ومتعاطفه معك وبقؤووووووووووووووووووووه! الله يفرج همك عاجلا غير اجل. |
همس ياحبيبتي انتي
الله يكتب اجرك ويستر عليك ويصلح كل امرك قرات كلامك اليوم الصبح وانا متأكده اني ما اكابر عليه بس على قولك يمكن هو هذا تفكيره الآن كنت غايبة عشان تطعيمة الولد وجتني فكره اكلمه يجي يوديني وكلمت اخوي ووافق وقال حاولي تحلين امرك لأني لو تدخلت مارح اسكت كنت خايفه وترددت قبل لا اتصل المهم كلمته وقال اجيك وطعمنا الولد وطول الطريق وهو يتغزل بالولد ويقول ادعي ربي يهدي امك ومن ذا الكلام انا صابني برود وصرت ارد بتنكيت على كلامه المهم يقول اغليك وماقدر ابعد عنك و و و <<<< (اسمع كلامك اصدقك @ اشوف امورك استعجب) طول الطريق ومارضي يرجعني الا لما ياخذ مني كلمه قال انا اعترف بتقصيري ووعد اعوضك كل اللي راح قلتله التقصير وارد من اي بشر وانا مقصره معك بس تظل الكلمة الحلوة والحنان ستر وغطا لكل عيوبنا وبدأت اعاتب سكتني قال ادري عن كل اللي بقلبك وادري انك شجرة طيبة تثمر كل طيب ومهما قذفوك بالحجار ترمين احلى الثمر << اختك في الله ضاعت علومها من كثر مايمدح بس اعتذاره عجبني رغم اني ما احبه يعتذر يكفي يحس بحاجتي ويحترمني تناقشنا على الامور المهمه وقال يالله الليله امرك تجين البيت قلتله لي طلب قال امري قلت خلينا نعالج امورنا برى بيتنا ورجعة البيت نأجلها شوي الين نرتب بعض الأمور واوعدك بدون تدخل اخواني غصبن عني قلت كذا ولو خذلني ذي المرة من بيتي ع المحكمة بدون تردد هو وعدني الحين وانا وعدته وبشوف يالله نصايحكم احبتي اكيد حاسين بموقفي كسرت كبريائي مع ان الزوجة ماتكابر على زوجها ورضخت للمره الرابعه وان شاء الله ربي يرفعني ويجبرني انا خايفه هل تصرفي بعد كل هالشهور سليم او مجدي؟ ام ان العاطفة قادتني للانجراف وراء كلامه؟ الله لا يخيبني ويهديني ويهديه لخير القول والعمل |
كللللللللللللللللللللللللللللللللللللللللللللللللل لللللللللللللللللللللللللللللللللللللللوش !!!
الف حمد والف شكر فرحت والله فرحت .وزغردت وولدي ضحك ويقلد ههههههههههه... والله العظيم اني كنت ادعيلك بلوتر واخرها امس لزوجك بلهديه وادعي لك ان اترجعين لزوجك !! الف حمدوشكر..حسيت اني سؤيت انجاز بدعائي لك...ونصيحتي لك.... الاهم .... قلت خلينا نعالج امورنا برى بيتنا ورجعة البيت نأجلها شوي الين نرتب بعض الأمور واوعدك بدون تدخل اخواني غصبن عني قلت كذا ولو خذلني ذي المرة من بيتي ع المحكمة بدون تردد هو وعدني الحين وانا وعدته وبشوف فهميني بلهل مقتبس وبس مافهمته ....وابرد عليك . بانتظارك. |
عسسسسسسسسى يارب تكووون هالمرة غير عن كل المرات اللي جربتيها شششششيء يسسسسعد القلب اختي لا تصرفج حلو وحاولي تكونين اقوى قدامه لا تصيرين حلقه ضعيفه قدامه خلج مثل ما انتي تشرطي لج حق بالعكسس الحمدلله تصرفج وايد حلو وان شاء الله الاحلى رجوعكم مع بعض ومثل ما قلتي ان عاد لتصرفاته الاهانه وغيرها لا قدر الله يبي له تصرف ينهي سالفته الزوجه مو لعبه بيده والحمدلله ان كان تصرفج بعقلانيه ياللا يارب سخره لج |
قلت خلينا نعالج امورنا برى بيتنا ورجعة البيت نأجلها شوي الين نرتب بعض الأمور واوعدك بدون تدخل اخواني!!!!!!!!!
فهميني بس بعهلنقطه طبعا اذا ماعندك مانع! ...اما الباقي انا فهمته الان .. بلعكس تصرفك عجبني .... وسؤيتي نفسك ثقيله معه ومارجعتي من ذيك الساعه لكن ودي اعرف وشهي الامور الي بترتبينها!!! ...وهو ماقصر رضاءك بلكلام الحلو والغزل ....ووعدك ؟؟ لكن انتي حطي النقاط علئ الحروف...... قولي له وانتي راجععه !! بصراحه يافلان راجعه معك ويدي علئ قلبي !بيقؤل افا ليش؟؟ قؤلي بصراحه حاسه بان حياتي معك بترجع مثل اول !لكن اتمنئ اذا تضايقت من شيء لاتهينني!!ولا تمد يدك !! ابيك تلومني باسلؤب حلو اتقبله وانت تتقبل اني اكلمك كذا ....؟!!! بصرحه انا رجعت لك لاني شاريه راحتي معك انت بلذات !وابي انا وانت نعيش احلئ ايام عمري معك ومن هلكلام الي يدوخ الرجاااااااااال خخخخخخخخخخ!! وخلي هلكلام بلجوال قبل رجعتك .... فهميه علئ هلامور مثلا النقاش وقت الزعل احترامنا لبعض وغيره من هلامور .......... حياتنا قبل ابيك تنسيني هي بافعالك الان ! مو ارجع والقاك نفس الموووووووووووااااااااااااااااااااااااال ! والله يرجعكم لبعض! لكن ودي تناقشينه بهلامورلكي يكون علئ بينه ! نقاشكم بلسياااااااااره حلو جدا ماشاء الله لكن ودي انتي يكون نقاشك معه جاد شوي وبس... تحياتي لك , وخبرينا متئ ناويه ترجعين له . الله يسعدكم مع بعض. |
:14: :14: :14: :14: :14: :14: :14: :14: :14: << متفائلة لك
إن شاء الله خير و منتي خسرانة شيئ بالعكس فرحت لك و الله :) الله ييسر أمورك و يجمعكم على خير ,, يارب تكفين طمنيني عنك متابعتك دايما بس بعض الأحيان ما أقدر أدخل تعرفين بنتي صغيرة و في يدي الله يصلحها |
اقتباس:
اما عن طريق المكالمات او نخرج مره بالاسبوع مكان هادي نتناقش فيه بعض الامور اللي مضايقتنا ونعيد تأسيس علاقتنا على روابط أقوى لأني ادري لو رجعت البيت بنرجع للروتين ولا القى وقت اتناقش فيه معاه وانا نفسياً مو مهيأ للرجعه بصراحه وقلتلها له انا فقدت الثقه وخايفه ومحتاجه تهيؤ نفسي لاستقبالك من جديد وطبعا وافق |
| الساعة الآن 08:13 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©