|
أحساسي أنه يبغى يتطمن أنك مش زعلانه
ويخاف كمان تفضحينه ومره أقول يمكنه مشتاقلك ويبغى يشوف بعد المكالمه كيف بيكون الوضع ؟ ومره أقول يمكن يبغى يسألك عن شي بخصوص أغراضك ؟ ومره أقول يمكن يبغى تكون مكالمه وداع عشان تنفصلون وانتم متراضيين ومره أقول يمكن يبغى ترجعون لبعض من جد محتاااااااااره أيش يبغى الأفكار تروح وتجي |
إسمعي يالغاليه
طليقك من النوع اللي يكون سريع إستثاره ولي عوده لك |
السلام عليكم ورحمة الله
يالغاليه هو مازال زوجك يعني مافيها شي لو شفتي اش يبي ولاتستعجلين او تفكرين اش يبي وتبنين امال من جديد حددي له وقت بس نصيحتي خلك عاديه وانتي تكلمينه والله يكتبلك اللي فيه الخير |
ردي عليه ياحبيبتي00000
يارب يارب يكون خير0000000 بروح اصلي العشا وادعيلك 0000000000 ياربي بموت من الفرحه يارب مايخيب ظني00000000 ان شاء الله ندمان000000 |
اقتباس:
أذا كنتي حاسه أن كلامي صح من رأيي لاتكلمينه قوليله أن كل شي بينكم أنتهى وماباقي بينكم شي عشان تتكلمون فيه بعدين كيف قالك أنه يبغى يكلمك هل عن طريق أهله ولا بالرسايل ؟ |
ايوه .. قصده لا تفضحيه ولا تتكلمين عن سواد الوجه الي سواه
عموماً كلمية وإذا قالك لا تفضحيني وخلينا محترمين قولي له .. انت مفضوح أمام الله .. والله وحده يكفي ليش في أحد أكبر وأعظم من الله ؟؟ |
[quote=ابي رضاه;2270901]
ايه ياسافر بايميله ذكرلي الاتي [align=center]عزيزتي السلام عليكم ورحمة الله وبركاته هاليومين جالس افكر باخر مكالمتنا انا ااكتدلك انا كمان ابي نحافظ على الاحترام والتقدير بيننا اذا مو عشانا عشان عائلاتنا شكرا" لكلماتك اللي ذكرتيها ولو اني حزين جدا" ومتفاجئ لوضعنا. ماراح اخليه ياثر على الذكريات الحلوه اللي كانت بيننا دائما" راح احترمك واحترم ماضينا وانا متاكد كذلك انتي. ؟؟؟؟ زوجك متأثر بالافلام الهنديه وبالغرب شو بنحافظ على أحترام عائلتنا وأحترمك ومدري أيه وبعدين يقول بطلقك الي أعرفه الرجال مايطلق حرمته الا اذا كارهها دام يحترمك ويحبك وحريص على أستمرارية علاقة الاهل ببعضهم ليه الطلاق بجدّ رفع لي ظغطي ومو عارفه شو أقول حبيبتي برأي أنك تستخري أول وتوكلي على الله وساوي الي يريحك الله يوفقك قلبي معاك00 |
اقتباس:
على كل حال لا يوجز لها فضحه . و الستر بين الزوجين مطلوب حتى بعد الطلاق. و إفشاء الأسرار فيه من الوعيد ما يكفي. أما الله فهو يعلم كل كبيرة و صغيرة و لكن أليس هو ستار العيوب! |
الله يكون بعونك
ياشين عدم الترتيب واللخبطه في التصرفات عموما يارب يكون راجع نفسه ويكون تاب وترجعون لبعض وفعلا واضح من كلماته ان قصده اســــــــــــــــــــــــــكتي على ماواجهتي واستــــــــــــــــــــــري سواد الوجه نصيحه لا تهاجمينه ابدا مثل كلام باريسا اخر سطرين والله لو تقولينه بتخربين على نفسك اعتقد اذا في باله صلح يمكن حابب يعطيك درس في حياتك ماعاد تنسينه انه لا عاد تشتكين لأحد وصلها لقرب الطلاق ويرجعك؟ ماندري وش في راسه كلميه وخليكي كوووووووووووووول على طووووووووووووووووول والله يعينك سالفه صغيره ع الماشي يقولون فيه رجل حصلت بينه هو وزوجته مشاكل راحوا له الناس سألوه وش بينكم؟ قال افا عليكم كيف اتكلم فيها وهي زوجتي؟ بعد مده طلقها قالوا الله اكبر ليش طلقتها وش حصل بينكم؟ قال افا عليكم كيف اتكلم فيها وهي امرأه اجنبيه عني؟ لو كل الناس مثل هذا الرجل كان فعلا عرفنا وش معنى احترام!!!!!!!!!! |
خلاص قررت عشان اريح ضميري ارسله رساله اذكر فيها انو ايميلك وصلني وخلاص فهمت مضمون المكالمه وبالتوفيق احنا انتهينا |
بصراحة ما لها داعي رسالته هذه لك ....
شوفي هي وحدة من الثنتين : 1- اما ان يكون خايف ان تفضحينه ... 2- او انه يريد ان يعرف ماذا حصل لك ...وما هي ردت فعلك ... |
اقتباس:
|
اقتباس:
فكره حلوه وينه الشهرين هذي كلها توه يفكر يتكلم كان من أول تكلم وريحك من الهم والقلق مو لازم يكون مرتاح بعد أنفصالكم خليه يقعد يوسوس وهذا كله نتيجة أفعاله المهم أنتي مرتاحه وبس هو الي أختار هاطريق لازم يتحمل كل شي يجيه من ورى هالقرار |
لالالالالالالالالالالالالالالالالالالالالالالالالا لالا
اصبري يا متهوره لا تردين عليه كذا اصبري |
ابي رضاه لاتقوليله احنا انتهينا بس قوليله وصلني ايميلك وفهمت مضمونه والله يستر علي وعليك شوفي ردة فعله اذا مارد بعدها يعني كان يبي يقولج لاتفضحينه واذا اصر يكلمج اكيد في شي تحت راسه لازم تسمعينه |
اسمعي نصيحه لوجه الله
لا تردين عليه كذا شكله مختبص الرجال عطيه هالفرصه الاخيره بس مو انتي صبرتي شهرين اصبري وربي بيجملها عليك وعليه ان شاء الله وردي عليه هالمره فقط شوفي وش بيقول اذا كرر نفس كلام الايميل قولي ماكان فيه داعي للمكالمه اجل وانا اعتقد ومتأكده انه لا في راسه كلام ثاني عموما الكوره في ملعبه هو شوفي وش ناوي يقول |
الله يستخير لك اللي فيه الخير ويجبر قلبك
حبيتي شكله زوجك زي زوجي طنشي ولاتردي على رسالته سؤال هل انفصلتوا والا بس كلام , ممكن والله اعلم انه ندمان وحابب يرجعك عشان كدا طنشيه احسن لو يبغى شي يكلم اهلك |
اقتباس:
أنا قصدي أن مضمون الرسالة واضح وهي فهمتها أنه ما يبيها تفضحة وانا هذا كان ردي .. يعني أنا ما قلت لها افضحية .. بالعكس مادام الله ساتر عليه ما يحق لأحد يتكلم لكن انا قصدي بعبارتي انه مفضوح امام الله يعني انت مو مستحي من الله ومستحي من الناس وبعدين الي يصر على المعصية وما يتوب منها إن ما فضحه الله في الدنيا راح يفضحة يوم القيامة على رؤس الأشهاد ... وبئس العاقبة |
انا اقول اصبري ....
خلي الافكار تودية وتجيبة .... خلية على نار .....مثل ما سوى فيج ..... يعني لا تبردين قلبه بردك ..... طنشيه وراح يرسل مرة ثانية ..... |
حبيبتي كلميه شوفي اش يبغى عشان ماتحسي بتانيب الضمير بعدين وتقولي لو انتي صابره شهرين مافرقت على مكالمه الله يرضى عليك كلميه احس فيه خبر حلو
|
انا مع مشكلتي اصدق0000
ياحياتي انتي موخسرانه شي00000 شوفي ايش عنده الله يسعدك ياعمري00000لاترسلينه ولاتطنشه شوفي ايش عنده0000 |
عندي أحساس أن مكالمتك له ماراح تغير شي بس بترفع ضغطك والله العالم
|
والله انا كمان احس
مكالمته بتتعبني خلاص اقفل جوالي او بالاحرى جواله احسن |
الله يربط على قلبك
تراني متابعة من اول مشاركه بس مصدومه ماني قادرة ارد عليك و عارفة ايش اقول علشان اخفف عنك برأيي .. كوني شجاعة وردي على المكالمه بينكم اطفال.. شيلي من راسك انه زوجك واعتبريه ابو ابنائك فقط الآن وكلميه واسكتي لا تعطيه لا زين ولا شين لغاية ما تترتب افكارك لكن اسمعي شنو عنده |
ياناس مايصير هو مهما كان زوجها ومازال زوجها انامش متاكده من صحة هالحديث بس حبيت احطه لعل وعسى ينفع
قال رسول الله صلى الله عليه وسلم " ليس منا من خبب امرأة على زوجها أو عبدا على سيده " ابي رضاه ارسلي الايميل اذا ماارسلتيه ترى بتقعدين توسوسين تبين تعرفين هو اش يبي فريحي بالج وضميرج ورايتج بيضا |
لا لا لا مابينا اطفال
ولله الحمد |
يا بكووورة ما في اطفال .....
ردي على اول صفحة .... من يوم ما كلمك ليش ما دزلك اغراضك ؟؟ او ورقة الطلاق ؟؟؟؟ |
الظاهر رسالتك لاهله رفعت رصيدك عنده
وحس انك بتضيعين من ايدة خاصة اذا اهله عاتبوه انك بنت اصل وهو مايستاهلك ويمكن خايف تفضحينه الله اعلم لكن ياخبر اليوم بفلوس بكره بلاش |
هههههههههه الله يسعد هالوجيه
لكن تلخبطت |
والله نصيحه
لا تقفلين الجوال ومخك وقلبك اعطي الرجال اخر فرصه شوفي وش عنده والا والله بتقعدين طوووووووووووووووووووووووول عمرك ندمانه ياليتني رديت وعرفت وش عنده ؟ ع الاقل حتى لو ماطلع عنده سالفه تكونين مشيتي معاه لآخر الخط لا يجي الصد منك وتخربين على نفسك |
ابي رضاه انتي ليش عنيده 00000
ردي عليه شوفي ايش يبغا0000 والله العظيم قهرتني انتي وياه0000كل شوي واحد يعاند0000 حتى لوتعبتك المكالمة مااعتقد انها اقوى من اللي مريتي فيه000 ردي وريحي نفسك وضميرك0000000 |
عموما" اللي كاتبه الله يصير وراح اردلكم ايش صار لاحقا" |
يارب ترجعون بس مو تروحين وتلطعينا هنا من زود الفرحه
الله يسعدك امزح معاكي الله يطمن بالك وبالنا جميع |
[SIZE="5"]خلاص ياعمري أنتي أدرى واحده فينا بزوجك وطريقة تفكيره سوي ألي يريح ضميرك
واحنا مابيدنا غير الدعاء ياغاليه والله لو اختي ماكنت أهتميت لها أكثر منك واقولها وبصوووووووووت عاااااااالي هو الخسراااااان[/SIZE] |
ماتعرفون ايش حصل لازم اقولكم كان جوالي مقفل((اللي باسمه)) فتحته لقيته متصل من رقم ثاني وبعدها بربع ساعه من رقمه((كيف عرفت لاني حاطه خدمة موجود)) قلت يمكن يبي يقولي شي بشان اغراضي ارسلت له اقول هلايا.... تامرني شي رد علي يقول احب اكلمك الليله ولكني توي طالع من الشغل وتعبان رديت اقوله خلاص بس لوسمحت مايكون عقب 10 وخلاص وبعدين فتحت ايميلي وشفت ايميله ويوم الاحد اذا ماقريتوا ايش صار ارسلي رساله يقول اوعدك طول العمر احترمك واحترم ماضينا طبعا" مارديت |
أعجبني يوم قلتيله المكالمه ماتكون عقب 10:22: واضح عليك ماشاء الله ذكيه ماتحتاجينا :)
|
كويس من صالحنا قبل عشره عشان نعرف متى نلقى ردك<<<<< وحده مرررررره عمليه وتحب التنظيم
|
الظاهر رسالتك لاهله رفعت رصيدك عنده
وحس انك بتضيعين من ايدة خاصة اذا اهله عاتبوه انك بنت اصل وهو مايستاهلك ويمكن خايف تفضحينه الله اعلم لكن ياخبر اليوم بفلوس بكره بلاش |
تم الاتصال..مجرد تصفيت حساب بدانا بالسلام والسوال كيف الحال قلت له توني اشوف ايميلك اذا كانت هالمكالمه بخصوص الاحترام مايحتاج تكمل قال لا عندي اشياء ابي نحكي فيها قلت تفضل قال اهلي واهلك صداقة عمر ومانبيه يياثر على علاقتهم انفصالنا قلت الجرح كبير ومو انا وياك اللي نحكم عليهم الزمن كفيل يداوي الجروح يتبع قال اهلي يحبونك كثير ومره زعلانين على هالموضوع سكت قال كمان ابي منك خدمه قلت تفضل ابيك تعتذرين م اخوك كنت بالبنك لما اتصلت عليه وماله حق كان يسالني ليش تبي حسابها قلت ليش تبي ترسلي فلوس احنا انتهينا قال قانونيا" قلت مو ورقت المحكمه اللي تحكم انفصالنا لا انا لما رجلي يقول خلاص انتهينا خلاص ننتهي قال يعني ماتحتاجين فلوس قلت لا مااحتاج قلت ماتشوف انو في احد ثاني يحتاج اعتذار شخص فتحلك باب وقلب شخص بمقام ابوك وهو ابوك قلت ابوي زعلان كثير وشايل على خاطره ابوي الطيب انت غلطت بحقه وحق بنته ابسط حق علي انك تقولي بالطريق واحنا جاين انك جايبني هنا قال لازم تتفهمين موقفي قلت ابوي زعلان قال حاولت اتصل عليه اكثر من مره ومايرد قلت ولا حيرد الرجال تقابل الرجال بالمجالس حتى وان انتهت علاقتنا هذي الاصول قال انا غلطت وحصل اللي حصل مااقدر اقول شي(((طااااااااااااااااااااااااااااااااح من عيني)) يتبع متلخبط مره يسكت مره يحكي قلت انتا فيك شي قلت شوف اخر مره اقولك ماابيك تندم انتا احد ضاغط عليك متاكد من قرارك قبل اطلع من البيت قلت لي احبك عن جد احبك سكت سكت سكت قال تبين فلوس قلت لا ماابي رجع قال قلت الله يوفقك وانا ماعاد عندي شي يقال بهالموضوع قلت له هذا شريحتك وباسمك افصلها ماعاد ابيها بكره حتجيني شريحه ثانيه قال لا مااني فاصلها تبين احولها باسمك قلت لا شكرا" قال خليها معاك ماراح افصلها قريب سوي مكالماتك عليها قلت لا خلاص مااحتاجها يتبع قالت وش سويت بالمحكمه وباغراضي قال اخذت موعد وحشوف رديت قلت في شي اسمه لجنة اصلاح لو حاولوا يتدخلون تدري وش تقول((احنا انتهينا)) سكت قال ذكرتيلي تبين اغراضك وشهاداتك وكمان الصور قلت ايه قال متاكده تبين الصور ((يقصد الزواج)) قلت ايه ابي صوري وكل اراضي قال حرسلها بعدين لاني انا كمان حنقل من الشقه اذا سمحتي احتاج وقت قلت براحتك((رجعت ندمت لاني احاتاج اشياءي) قال وايميلك حتغيرينه لانو باسمي واسمه وهو الطريق الوحيد اللي يقدر يوصلني عن طريقه ابتسمت قلت انتا وش رايك سكت قلت اضن لازم اغيره خلاص سكت قال انتا طولت عليك انتبهي لنفسك قلت وانت كذلك مع السلامه يتبع فكرت بشهاداتي واغراضي وصوري ارسلتلو رساله قلت اتمنى تتفهم موقفي احتاج اغراضي نهاية هالاسبوع او الاسبوع الجاي بالكثير عندي ترتيباتي جلس فتره مارد انتهى. بعدين ارسل حاضر والله والله وتالله برد برد برد هالموضوع ولا عاد لو اهميه عافه الخاااااااااااااااااااااااااااااااااااااااااطر والمكالمه كانت لصالحي لان كل كلمه منه كانت تكبت جماح حبه بقلبي حسيت اني منتصره بذوقي واخلاقي والحمد لله والله ياجماعه مايستاهلني والله الزمن راح يدرسه ويعلمه منهي ابي رضاه |
حوالي 38 شخص يقرأون موضوعك في هذه اللحظه
ومتعاطفين معك ويواسونك فلماذا لا تسردي لنا كل ما حصل بالمكالمه دفعة واحده , بدون اسلوب التشويق والحلقات تقديرا واحتراما لمن يتابع موضوعك ومتعاطف معك ؟ |
| الساعة الآن 03:29 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©