|
تنبيه
الاخ الفاضل ، نحن هنا لنساهم في حل مشكلة و ليس لخلق مشاكل اكبر يرجى منك اخذ الوقت للاطلاع على محاور المشكلة و التأني قبل الرد بما لا تحمد عقباه |
الصراحه بعض الردود استفزاز خافوا الله ياناس
ماهكذا تورد الابل شوفوا رد الشايب اللي فوق !!!!!! تبغى رأيي المتواضع من واقع تجربه : 1- شكل زوجتك كان نفسها تفطر معاك بس آخذ عليها انها ماقالتلك بأسلوب يرضيك .ومن حقها تفطر معاها ولو مره .. 2- ماشاء الله بيت عمك كثير واياديهم كثيره بالفطور يعني يساعدوا بعض .. اما هي لوحدها وشغالتها فاحتمال تعبت وماقدرت توصلك المعلومه . 3- الله اعلم اهلها ماأخذوها الا من الشديد القوي عاد مادري ايش قلتلها وقهرهم ولا كان خلوها في بيتها واتفاهموا معاك ..!! الحل : سوي اللي عليك واتصل على أخوها واتفاهم معاه برويه بدون عصبيه ( وكلمة تخلل عنكم قويه ) امسك لسانك ياخي عشان ماياخذوا عليك شي .. وشوف ايش عندهم يمكن هي قايلتلهم شي مو فيك .... والله معاك وخبرنا بالجديد |
يا ناس والله لو الرجال داخل حرب
بشوي علي الرجل والامور ما توخذ بهذة العجلة وهو بعد استحقرها واهانها ارجو حل ذات البين وبالنسبة للجمال فكان لك الخيار قبل الزواج ولكن الا تجد بان هناك اثقال عليها كل يوم الفطور بمكان والمراءة بطبيعتها تحب التزيين ارجو حل ذات البين بكل هدوء وبدون مشاحنات مع اهل الزوجة واعانك الله ولا تنسى صلاة الاستخارة |
يا اخوي يا لاند كروزر
بقولك كلمه وحده تخيل ان الرسول صلى الله عليه وسلم بينصحك يعني لا انا ولا واحد من الاعضاء شو تظنه بيقولك؟!! طلق حرمتك؟ ولا خلها ببيت اهلها لين تتخلل؟؟!! يا اخوي نحن في رمضان شهر الخير شهر ترفع فيه الاعمال تخيل عاد ترفع اعمالك ليلة القدر وانت متزاعل ويا حرمتك؟!!! يا اخوي خيرهما الذي يبدأ بالسلام لو كان السيناريو ... انه لما زوجتك قالت لك مو رايحه اليوم ... بكل حنان تقولها شفيج حبيبتي عسى ما شر.... مو كلام يسم البدن!!! ولما قالت لك ما احب بنات عمك .... كان المفروض بهدوء تسألها خير...شو اللي يضايقج بالضبط ولما طلبت منك تفطر وياها ...شو فيها يعني...كلنا نحب انه ازواجنا ياكلون من ايدنا...مو حقها؟؟!! وحتى لما اختارت الوقت غير المناسب...كلمه حلوه منك ((من عيوني يا زوجتي...بس مو اليوم ...اوعدج ما يعدي رمضان الا وانا فاطر وياج)) يعني الكلمه الحلوه صعبه والكلام اللي يسم البدن سهل ما اقولك انها مو غلطانه لا غلطانه بس صدقني الموضوع مو موضوع فطور!! الموضوع انه هذي تراكمات ...وانفجرت فجأه اتصل بزوجتك وعاتبها ...وقولها بمر عليج نتمشى ونسولف وخلها تقول كل اللي في خاطرها وصدقني بتكبر بعينها هذا هو الجنتل ماااااان |
الله يسخركم لبعض ويهديكم طمنا عنك
|
3thooooooob
بارك الله فيك اخي وكثر من امثالك |
اخي لاند كروزر
سو الي تشوفة صح |
الله يعطيك العافية على الردود وماقصرتم كفيتم ووفيتم
انتهى الموضوع |
السلام عليكم
ياخوي الله يبشرك بالخير والله فرحتلك من كل قلبي لما شفت ردك بس عسى الموضوع انحل للأحسن؟؟ عذراً لا تظن سؤالي هذا تطفل!! أبداً بس ودنا تطمنا وبرأيي الشخصي اكيد كل اعضاء المنتدى الي تفاعلوا معك وشاركوك مشكلتك في البداية يتمنوا يطمنوا عليك ويشاركوك النهاية ولا شرايك؟؟؟ |
لا والله مانتهى على خير
|
أفاااااااااااااااااااااااااااااااا؟؟؟!!!!
شدعوا ياخوي!!!؟؟؟؟ شالسالفه؟؟؟؟؟؟؟؟ اذا فيها تطفل اواحراج وماودك ترد ع راحتك بس اذا بترد تكفى ياخوك لا تصير بخييييييييييل وردك بالقطارة رد رد سنع وفهمنا وش السالفة واله من فترة بانتظار ردك!!!!! |
الله يصلح لنا ولك الحال
|
هلا سنفور الظاهر ان الموضوع بدا يرجع ورى
انا غلطت بكلمة خلوها لين تخلل حتى عمي زعل بس من هنا الى بعد العيد ما راح اسوي اي شي راح اسكت يمكن يصير شي بالموضوع هذي اول مشكلة تمر علي بعد الزواج انا معند يوم راحت ولا علمتني وهم منقهرين من كلمة لين تخلل وعسا الله يكتب اللي فية الخير |
اخي الفاضل..انت اخطأت بحقها أولا..وتذكر أليام التي ظلمتها...تذكر أول أيام الفرح كيف عاملتها على شيء هي ليس لها يد فيها
تذكر كيف هي تقول لك "أريدك معي" أنت ترد بان ما بقي غيرها تحرمك من اهلك كيف بعد هذا الكلام وافعالك ستحب هي ان تبقى؟؟؟ انت ذليتها؟؟فماذا ستفعل غير الخروج لكي ترد كرامتها؟؟؟؟ لا تنسى هذا رمضان وهي عروسة انظلمت بسبب العادات ومنك..لا تظلمها اكثر كلامك جدا قاسي عليها..والله حرام ارجو ان تتأسف لها وترجعها للبيت انا حاسة جدا بحالها وحالها يبكي أخي...سامح وخاصة انت المخطأ الأول والأكبر هذه بنت ناس..خاف الله فيها بارك الله فيك ان شاء الله نسمع منك اخبار حلوووة |
اقتباس:
آمين طمنا ما تنسى |
الله يسمعنا الخبار الحلوه
متفائل انا والله خير |
آآآآآآآآآآآآآآآآآآآآآآآآمييييييييييييين
بس ياخوك المسألة دخل فيها شخص مهم وهو عمك الي تقول يسواهم جميعهم عيبه بحقك تسفهه وتسكت وعلى قول القايل ((غيرك معلُم)) يعني مايحتاج اعلمك بسلوم الرجاجيل بهالموقف عمك مد يده وعطاك بنته واثق ومطمئن انك رجل ينشد الظهر فيه اترك عنك الجميع من اكبرهم لاصغرهم بمن فيهم هي وحط حساب لهاللحية الغانمه الي زعلته من غير ماتقصد لوتطيعني وهي نصيحة متواضعة من قلب محب اضغط على نفسك وحط حشمه لهالرجال(عمك) ((ورح له رجال لرجال واظنه رجل طيب شرواك وقله انازعلت منها في كذا وكذا وخاصه رفع صوتها وطلعتها من البيت من دون علمي وهذا مايرضيك مهما كان انازوجها وحقي عليها كبير وفهمه الامر زين بدل مايلعبون فيه قال وقلنا وقله الكلمه الي زعلته ماكنت قاصدها بس استفزوك باتصالهم وكلامهم وهي توها طالعه من البيت من دون اذنك ولا لوانك تقصد ولابتظيمها كن غصبتها على الروحه لأهلك من باب اولى وفكيت نفسك من المشكله كلها)) وصدقني انت كذا بتكسب الجميع واولهم عمك ولا تعتقد انها شينه بحقكك انك تروح لعمك وتصلح الموضوع بالعكس راح تكسبه لصفك طول العمر وهو الي راح يغلط بنته وجميع من يقف معها لانك كنت عند حسن ظنه ولما ترجعها لبيتك حط لها خطوط حمراء ان تجاوزتها بينتهي كل الي بينكم!!؟؟ تكفى حاول ياخوي تطيع شوري والله الذي لااله الاهو اني ابي مصلحتك والي خارج الدائره يرى بوضوح اكثر ممن بداخلها!!!!!!!!!!!!!!! ,,,,,,,,,,,,,,,وسلامتك وسلامت قلبك من كل هم والمسلمين اجمعين,,,,,,,,,,,,, |
مع احترامي الشديد انا لا أأييد الاخ سهر الغرام بالإعتذار بهالشكل
واذا كان يرى انها انذلت بهالموقف مع زوجها فهي ماتستحق زوجها لانه هي بدت برفض الروحه لاهله لا وفي ساعة الصفر عند الخروج لما قالها مشينا وغير كذا هو اعطاها حرية الذهاب او الجلوس ليش ما سكتت وجلست ليش ((اجلس معي)) والمهاترات التافهه الي صارت وردها على رجالها ومجادلتها له وجعلها مشكله المفروض لما شافته عصب اوهاوش تسكت وتخلي الامور تمشي مو تراده ند بند وبنفس القوه حشا رجال؟؟! اي رجال بمكانه مايسح ان مرته تعامله بنديه مهما صار وانا الزوج يحب المرأه المستسلمه خاصه في الهوشات او المجادلات الي تحصل بينهم لانه لايمكن يسمع لها أبداً وهو معصب!!! انا ارى انك تروح بس عشان توضح الصورة لعمك وهو بيرجعها لبيتها ولاتاخذ حلا ولا شي شدعوا بتصير كأنك انت وحدك المخطئ وكأنك تكافئها على تهورها؟؟!! انت ما اخطيت لوحدك وهي مسكينه ساكته ومتحمله!! عشان تعتذر بهالشكل الموضوع يحتاج لجلسة مع عمك توضح وتشرح له الامور وانا اجزم انه بيرجعها معاك لبيتك وبتكسبه لصفك لالأبد.. ,,,,,,,,,,,,,,, ودمت والجميع سالمين,,,,,,,,,,,,,,,,,, |
اخوي لاند كروز اسمع عساك تصير لكزز
انت رجال وانا اخوك وما يصير تحط راسك براس حرمة اسمع وانا اخوك نصيحة مجرب ولا يزعلون الاخوات الحرمة لا شافت الرجال يعاندها ويحط راسه براسها درت انه حليل وينقدر عليه لكن لا شافت أنه ما ينظر اليها على أنها ند له يعني خلني اسأل انت الحين وانت ماشي بالسوق وضربك طفل شايلته امه على وجهك هل حيكون تصرف نفسه لو ضربك رجل؟ هذا اللي انا قصدته والحرمة لا شافت الرجال يعاملها بالنفسية هذي وأنه أكبر منها وأنه يتعامل مع زلاتها تجاهه بأبوية وحنان ما هي بنفسية الند للند راح تلقاها تحترمه غصبن عليها وهنا مربط الفرس تحترمه مثل أبوها وتحبه مثل عشيقها وتطيعه مثل زوجها هذي هي الخلطة السرية والحرمة وانا اخوك مهما كانت ضعيفة وبطبعها تميل للقوي اللي يحسسها أنه أكبر منها وقادر أنه يحميها وليس اللي يحط راسه براسها وانت قلتي وانا قلت. كبر عقلك وانا اخوك ولا تعطيها اكبر من حجمها ما شفت الرسول صلى الله عليه وسلم لما زعلت عائشة وجاء أبو بكر (أبوها) يحكم بينهم وتعدت عائشة على الرسول بالكلام فقام ابوها ليضربها وش فال الرسول؟ احسن خله يأدبها؟ لا والله ولكنه الكبير في اخلاقه وفي تعامله رفع نفسه فوق هالسفاسف وسوالف الحريم وصار يحمي عائشة من أبوها وهو يضحك صلوات ربي وسلامه عليه شوف شلون نظرته للموضوع ان هذي سوالف حريم ما ينزل نفسه لها وهو أكبر من عقلية الحرمة اللي كلمه تزعلها وكلمة ترضيها تعوذ من الشيطان يا الكزز لعلنا نفرح بجيب برادو صغير منك ومنها آآآآآآآآآآآمين وآسف على الاطالة |
اخي لاندكروزر ..
لا شك زوجتك غلطت .. لكن انت بعد الله يهديك زودتها الرجل معروف عنه يمسك اعصابه اكثر من حرمته .. ويتعامل مع الامور بحكمه ورويه اللحين صار اللي صار انا اشوف انك تروح لعمك وتاخذ ما في خاطره .. وتقوله له هي غلطت علي وانا طلعت من طوري وانت عندي عزيز وغالي وانت بالذات ماودي تزعل علي وبالنسبه لزوجتك قوله انك حاط بخاطرك عليها .. وخلها عندكم لمن النفوس تهدى شوي وعلى العيد نشوف شيصير حسسهم انها زودتها وانها غلطت .. لا تتراجع عن موقفك .. وطمنا على اخبارك |
الظاهرر هى متابعه معك لباب الحاره وتاثرا باسلوب ومشاكل بنات الحاره ههههههههه
النساء ناقصات عقل ودين ههههه الا انا |
الله يصلحكم يارب
|
اللي قبلي كفو ووفو
الله ييسر امورك اخوي ويفرج كربتك وتنتهي الامور على خير |
ممتاااااااااااااااااااااااااااز ومميز كلامك يا (abuaziz)
اشكرك على ها لألمعيه بالرد وهالنصيحه الجيدة بس ان شاءالله اخونا لاند كروزر مايخذلنا ويوقف من هالموقف وقفة رجال كرم اخلاقه يفوق غضبه وهو اهلا لذلك باذن الله ,,,,,,,,,,,اللهم وفق الجميع لما تحب وترضى,,,,,,,,,,,, |
اقتباس:
|
ننتظرك أخ لاند كروزر
والله معاك |
اخوي لاند
انت طلبت منا النصح ونحن قدمناه بحرص عليك وعلى حياتك اذا انتهى الموضوع بالنسبه لك مثل ما ذكرت اطلب من المشرفين يغلقون الموضوع |
الله يعطيكم العافية على الردود
ماقصرتم كفيتم ووفيتم اخوي سنفوووور الله يطول عمرك مقصرت |
شدعوا ياخوك ماسوينا شي انت طلبت النصح وحنا نصحناك بالي نحس
ان فيه مصلحتك ويظل رأي الانسان قاصر مهما حاول وسعى للكمال فالكمال لله وحده,,,,,,, اهم شي طمنا وش سويت ولاتتأخر علينا وتخلينا نحاتيك وحاول تنهي هالموضوع للأحسن زي ما نادوا بكذا اكثرية زوار الموضوع اتمنى انك ماتتردد بالطيب وانك تبد بالزينه وخاصه مع عمك احتراماً لسنه ولمكانته بينكم ولانك بهالشكل تدل على حسن ذاتك,,,,,, ,,,,,,,,,,,,,,,,وسلمتوووو,,,,,,,,,,,,,,,,, |
|
مساء الخير
اخوي لاند كروزر انت وينك طالت غيبتك لاحس ولا خبر عسى المانع خيييييييييييييييير؟؟؟؟ شغلت بالنا عليك طمنا شصار معك شسويت بموضوعك ؟؟؟؟؟ |
اقتباس:
ماعقب هذا شي ... |
صحيح كلام الاخ انو المفروض الرجل مايحط راسو براس الحرمة وهي كمان بس والله بعض موقف الحريم ترفع الضغط 180 درجة :19:
|
الله يعطيكم العافية كلامكم درر والله العظيم
واخر الأخبار راح انتظر لي فترة لعل الامور تيسر ولو طالت المدة ماعندي مشكلة لأن الموضوع زاد شوي ولا اقدر انقلة لكم على كلاً راح اصبر شهرين ثلاثة وعلى الله التيسير تقبلوا تحياتي .... لندكرووووووزر |
الله يوفقك يارب
ويسهلك امرك ويفرج همك ويهدي زوجتك يارب |
اقتباس:
|
| الساعة الآن 08:40 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
