|
ياليت الرجال يقرأوا الموضوع .. ويحسوا شوي على دمهم
الله يعينج يا أختي ... ويا كل العضوات اللي عاشات مع أهل زوجهم ومب مرتاحين ...و الله أنا حاسة فيكم لأني ف يوم من الأيام كنت في مكانكم الله يعينكم من قلبي |
موبالحالكم معكم كثير
أخرتها اليوم أدعي وقت أذان العصر يااااااااااااااااارب كل وحده تستقل بحياتها وتنبسط |
:21: خوفتووووووووني
الحين أنا شأسوي؟؟؟؟ بأقول لكم عن وضعي (المستقبلي) زوجي (مليكي) الحين يشتغل في مدينه غير مدينتنا و ما يجي غير خميس و جمعه بس هو يقول بعد الزواج بيروح و برجع كل يوم... و أنا الحين أدرس و باقي لي 4 سنين على التخرج (بعد الزواج تصير 3) فاحنا قررنا ان يصير لنا سويت في بيت عمي (غرفه و صالة و حمام) علشان يعني أنا راح أكون مشغولة بدراستي فهناك راح يكون أكلنا موجود غسيلنا راح ينغسل و مكاننا راح تترتب لحد ما أنا أتخرج (لأن بعدها باذن الله بيصير عندنا أطفال و ودنا نكون مستقلين لما نربيهم) بس انتم خوفتوني :( :( :( :24: هو في شي ثاني بعد...زوجي وده يروح أمريكا يكمل دراسه..فاذا راح أنا ما أتصور نفسي اني أضل في بيت أهله..يعني أكيد راح أسكن مع أهلي زي الحين و ان شاء الله اذا تخرجت بأروح له و راح نسكن هناك..فان شاء الله هذا الشي يتم (قولوا ان شاء الله) شي بعد..البيت ما فيه رجال غير زوجي و عمي يعني ما عندي مشكله من ناحية الحجاب بس وش رايكم؟؟ أوافق على هالشي ولا أقنع زوجي نشوف حل ثاني؟؟ أختي الكريمة .. حفاظاً على خصوصية الأعضاء ومواضيعهم .. نود منكِ إرفاق مشكلتك هنا في موضوع مستقل حتى يتمكن الأعضاء كذلك من مساعدتك .. وشكرا لتعوانك . أخوكِ المراقب / النور والحنان |
مشغووولة
اقتباس:
لا ياحبيبتي في حالتك جلسي ببيت عمك ومثل ماتقولين حركت الناس في بيت عمك خفيفه ومافي ناس كثيره عندهم ساكنين وفوق هذا لساتك على البر ماعندك اطفال وتدرسين وزوجك راح يسافر وانتي راح تكملين دراستك وراح اتكونين مره هنا ومره هناك اعتقد سكنك في بيت اهل زوجك اريح لك واريح له عن الاجار وانتو ماراح تسكنون فيه لفتره طويله هذا رأيي ***********************************8 انا سكنت في بيت اهل زوجي اربع سنوات اول سنه كنت مثل الملكه او قولو اول سنتين ....وبعد السنتين صار عندي واحد ووالثاني ببطني مع الدراسه فكنت لااقدر اطبخ مثل اول ولا اقدر اجلس معاهم مثل اول وماشفت الا الكـــــــــــــــــــــــــــــل انقلب علي هههههههههههههههههههههههه اتقولون يبون شغاله مايبون زوجة ابن بس احنا البيت عندهم ماشاء الله عمران وناس طالعه وناس داخله . يلا الحمدلله على كل حال |
امل الحيـاه 000حياك الله غاليتي
فعلا هذا المشكله مع السنوات يستمر الاحساس عندك انك ضيفه ماتقدرين تتحكمين بالبيت ولا تقدرين تمنعين احد من الدخول والخروج الله المستعان بس ======== al ameer مشكوره اختى وحياك الله على المواسات والله يفرج لنا مثل مافرج لك ================ لدودي وبس آآآآآآآآآآمين يالغلا الله يسمع منك 000 =============== مشغووولة حياك ربي مادري وش اقولك بس اتوقع تطلعين بيت الحالك ارحم 100مره =============== Nergis هلا وغلا وانتي تبين العز دايم الله يعين بس الحال من بعضه البيت عمران تعالي شوفي بيتنا بالاجازه ما شاء الله فندق ولا اقدار اتكالم لان لي بالبيت مثال مالهم تصدقين اليوم قلت بكشت فيهم وعطيت الرجال غداهم وقلت هم قلعتهم يخدمون انفسهم ((طبعا الضيوف اخوان زوجي وحريمهم مو ضيوف لهم شهر عندنا )) المهم نزلت والاذان العصر على وشك حصلت العالم جالسين يسوالفون ينتظرون الخدامه ((انا))تعطيهم الاكل صراحه قهروني وقمت حطيت الاكل مو علشانهم علشان ام زوجي |
انا ماااااطفش
بس اتمنى بيت بروحي هم زينين معااااااي بس حلم |
الله يفرج لك...
هو حسب اهل الزوج وحسب احتياجاتك انت..وكل وضع فيه مميزات وفيه عيوب... فلنفرض انك طالبة او موظفة...وعند طفل وين بتحطينه اذا ظروف اهلك ماتسمح..اكيد بتجيبين شغالة..وياعيني على هالصغير اللي طول النهار عند هالشغالة..ماتدرين وش تسوي فيه؟؟؟ ولو انت زي الاخت مشغولة الله يوفقها زوجها مايجي كثير وهي تدرس والبيت وضعه كويس..ليش تطلع لحاله... طيب انت طلعت ببيت تظنين انك تقدرين تلبسين زي اول زواجك ..لا...... ليه؟؟الولاد كبرت..الشغالة تراقب... لو انت ماتحبي شغل البيت والطبخ؟؟؟مايناسبك تجلسي معاهم... اقصد من كلامي انه كل وحده لها رغبات واحتياجات تختلف عن الثانية.. نرجح للحمولة....تقدرين شوي شوي تحطين حدود لهم..مثلا سالوا الطفل وين رحتوا,,وش قال بابا لماما...قولي للي سالت.عادي اذا تحبين تدرين وين رحنا اساليني يقول حمودي انك سألتيه؟؟>>>>صيري قوية وتحملي ترا بتزعل بس شوي وترضى...واذا ماتقدرين قولي بعض الناس ضمن سالفة يسألون الاطفال وين رحتوا وين جيتوا مدري ليه... وبالنسبة للطلعة والدخلة..اطلعي كثير..وخاصة لأهلك ترا عادي ويتعودون...وانت ماتحسي بالضغط طول الوقت.... ويارب ترزق كل من تبي الطلعه ببيت لحالها بيت يبرد كبدها وتلقى الراحه فيه,, ويارب من معجبها جلسة بيت اهل زوجها ان توفقها وتجعل اولادها يبرون فيها... |
اااااااااااااه يا عزيزتي ومين ما يتمنى انه يسكن في بيت لحاله:d ....
مع انه اهل زوجي ما عليهم كلام والله :22: ... بس عن نفسي اتمنى انه تكون لي مملكتي الخاصه فيني .. ومحد يشاركني فيها الا زوجي العزيز :17: ... |
هلا وغلا ب هلا
اسعدني مرورك ام جاسم حياك ربي الله يرزقنا ويرزقك |
انه احس مثل هالاحساس وايد مع ان اهل زوجي طيبين ومو مقصرين معاي بس خاطري يصير لي بيت بروحي اشيل واحط على كيفي واطبخ واسوي الليي ابيه ،المشكله انه ساكنه معاهم غرفه وتكرمون حمام واحد وعندي عيال اثنين ولدي صار 6سنوات يعني ما اقدر اخذ راحتي باللبس وبنتي سنتين والاسره على طول الغرفه كان جناح جمعي بالمستشفى:) يعني ودي بغرفه خاصه لعيالي ،وزوجي عنده اخوان ثلاثه وكلهم مو متزوجين ولازم احاسب شنو البس وطول اليوم اقعد بالعباءه والشيله ،صرت اتجنب اطلع من غرفتي عشان ما البس العباءه واموت من الحر،وما نقدر نطلع بروحنا لان الظروف الماديه ما تسمح ،الله يعينا ويعينج
|
| الساعة الآن 11:03 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©