بصراحة انا اكره زواج الاقارب....مو عشان الاقارب عقارب على مايقولون
لكن مااحس ان في هذه الزيجات راحة
وبعدين الحين فيه بنات كثير اهم متطلباتهن زوج صالح
خل الوالدة تدور لك على بنت الحلال الي اهلها يطبقون قول الرسول (من اتاكم ترضون دينه وخلقه زوجوه فأن لم تفعلوا
تكن فتنه وفساد في الارض)
والله يوفقك لما فيه الخير

هلا اخوووووووي

اعقلهااااااااا وتوكل عشااااااااان نبارك لك وصدقني ماااااافي احسن من زواج الاقاااااااارب وخذهااااااا من تجربه والله جمييييييييع الي حولي مااخذين من الاقارب وعايشين ومارتاحيييييييييين وحياااااااتهم عسل وبركه بعد

وانت تقول في صغار وكبار للبنات خالك انت عااااااااادي اخطب الي تناسبك وحتى لو كانت الصغيره فهالامور مافي كسر خواطر بالعكس كل الاباء يدورون لبناتهم الستر <<


انت استخير والخيره فيما يختاره الله

والله يووفقك دنيا واخره يارب


تحيتي

اختك الهم

اخوي انا بقولك انت تقدر تاخذ غير بنات خالك وانا اشوف هذا الكلام احسن

تدري ليه لانه احنا عندنا في عايلتنا يصير كذا وااايد بس في الاخير حته لو الرجال تزوج قريبته وهي عنده مثل اخته

اكيد راح يعزها بس عمرها ماراح يحبها وانت شكلك رافض هاي الفكرة فالاتظلم حالك وتظلم بنت خالك
وثاني شي

بخصوص السؤال الثاني انا طبعا طبعا ضد زواج الاقارب وبشده لانه انا عندي اهلي كله يتزوجون مع بعض كل شخص يصير لي اكثر من حاجه ( ولد خالتي وفي نفس الوقت زوج عمتي ) هاي مثال بس

وثاني شي احنا كان هذا الزواج عادي ومنتشر وايد بس من تقريبن عشر سنين عمي رزقه الله ببنت وبعد فترة خمس شهور توفت ومحد عارف السبب وبعدين رزقه الله بولد وكان مريض يوم راحوا الخارج يتعالجون قالوا لهم زوجتمك تقربلك قال اي يوم سوااا تحاليل اكتشفوا انه مرض وراثي في العايله ويسبب مو ت الاطفال بعد خمس شهور من ولادتهم
وبعدين عرفنا شنو سبب موت بنت عمي
وهذي مش الحاله الوحيده الي في العايله في تقريبن حالتين او ثلاث بعد والي راح ضحيتها سته اطفال

انا اشوف ليش نعذب حالنا ونعذب هاي الاطفال المساكين وليش مايصير في فحص قبل الزواج مع انه موجود بس للاسف محد يطبقه ولا حد يقدر يكتشف هاي الاشياء الا بعد مايجيون الاطفال الي صدق يتعذبون في المستشفى

للعلم انا ولد عمي الحمد لله لازال عايش بسبب اكتشاف علاج في الخارج بس هذا العلاج مش اكيد يعني ولد عمي واطفال ثانين قاعدين يسون عليهم تجربه هذا الدواء

انا حبيت اقولك هذي القصه لانه حته لو اقتنعت بس اخوي لاتتهاون ابدا بالفحص قبل الزواج وبالذات للامراض الوراثيه
لانه فيه الاخير راح تندم لما تشوف عيالك شقد راح يتعذبون

وانت استخير وشوف والله يوفقك ان شاء الله

اخوي اوعى تورط نفسك و انت ما مرتاح
انا اعرف واحد اهله جبرو على الزواج من بنت خالته و هوه ما كان مرتاح نفسيا
بس اهله جبرو ا
تصدق انه ليلة العرس ظل يتقيأ
و من بعد اسبوع ترك البيت و قال لو تنطبق الدنيا علا الارض ما ارغب فيها و اصلا مو مرتاح
مع ان البنت جميله و شريفه و ما فيها اي عيب بس المسأله انو هو ما كان مرتاح
و طلقها من بعد مشاكل كثيره دامت لمده سنتين و طول هلمده بقه معاها اسبوع واحد بس وهو كثيرر طيب و حنون و ما كان احد متوقع انه يسوي كذا بس نفسيته ما كانت متقبله الموضوع
فلا تورط نفسك اذا ما مرتاح نصيحه لوجه الله

مرحبا اخوي
انا مثلك ياخوى ماني شايف لى بنات اقاربي
شعور ان وحده تكون زوجه لى مو من شي مثل ماقلت اعتبرهم مثل خواتي
واذا راتبك 3000 ريال ياخي توكل على الله ترى كثير من البنات يبون الستر والله
لا تنتظر ابد انت كلم امك وقلها انتى تشوفي لى بنت الحلال والباقي على ربك
واصلح نفسك انت تصبح لك امورك وادع ربك وتزين امورك وشف البنت لى تكون زوجتك
وربنا يوفقنا وياك

اخوي بنات خالك عمرهم مايصيرون اخوات ابدا لان الاخوة ليست احساس


انما نسب او رضاع وهن بنات خالك شئت ام ابيت لكن اللي بقوله لك وباختصار


خلك انسان واقعي اذا انت ترى انهن كفؤ لك كزوجات لا تررد ابدا والقريبة


بصراحة غالبا ماتكون متعاونة في امور الزواج مثل ماقالت امك توكل على


الله وفكر وفكر وفكر زين قبل لا تتخذ القرار

انصحك اخي ماتقدم على شي الي عن اقتناع تام واستخارة والله يوفقك

8
8
8
نعم سبحان الله ..

عندما تعرف الأب وصفاته ..

وتعرف الأم وصفاتها وطريقة تعاملهم مع أبنائهم .. تعرف صفات الأبناء والبنات ..

وعندما تكون أختك أو أمك مقربة للبنت التي تكون بنت خالك أو بنت عمك ..سوف تلاحظ صفاتها الداخلية وحسن أخلاقها أو سوءها وأسرارها وعلاقاتها اذا وجدت ..


تحياتي

عزيزي فهد مانبغى نخرج عن الموضوع ولكن من وجهة نظري كلامك مو صحيح مية في المية ... لانه ممكن الاهل يكونوا محترمين ولكن الاولاد لا ....... فالهداية من عند ربنا ... فلاتحكم على الناس من خارجهم ... :25:
والا ايش رايكم ؟؟