بالنسبه لى فانا اعشق الجسم الرياضى و لكن لا احب العضلات الزايده عن اللزوم الوسط حلو فى جميع الامور

ياخي وش تبي بالحديد يعني العضلات الزايده

خلك رياضي اركض اسبح العب كوره العب بلاي شتيشن

اما حديد ماله داعي ينفخ على الفاضي

اما باقي الرياضات مثل المشي والركض والكوره تشد الجسم وتمنع الترهلات وتزيد اللياقه بس الحديد ماله داعي


شفت واحد قبل فتره بالسوق قسم بالله عضلات يده تقول باب سياره

وذا جى يمشي كنه رجال يتحرك برموت كنترول

بعدين الرياضات السابقه تدوم طول العمر مثل المشي والهروله حتى لو عمرك 80

اما الحديد فتره موقته يعني فتره الشباب وبس

انا عن نفسي لا احب الجسم الرياضي العضلات

ولا السمين جسم معتدل

والحمدلله جسم زوجي عاجبني

الوسط حلو

ماهو ضعف العود
ولا شكل تفاحه

اذا صرت الرجل الحديدي0000

يمكن زوجتك خافت انك تكفخها؟؟؟؟؟؟؟؟

جسم الرجل
 

المشكلة ان الجسم الحديدي يترهل بعد فترة اذا صاحبه اهمل نفسه وترك الرياضة
انصحك بالاعتدال وايضا اياك والهرمونات التي يتعاطاها اصحاب الاجسام الحديدية
احد اصدقائي العرب تزوج احد الفتيات الغربيات التي تلعب حديد
مافي داعي اكمل لك وش تسوي بالمسكين كل ليلة ودمت بخير:29:

اقصد ان الحديد مب سهل و يبغى له صبر طويل جداً... اذا كان هدفك هو ارضاء زوجتك فتاكد انك راح توقف عن التمرين ( لان زوجتك راضية من زمان) و ما راح تلقى الدافع اللي يخليك تصبر...

و بعدين فيه نقطة ثانية فكر فيها:

العضوات اللي اجابوا هل ازواجهم يلعبون حديد حاليا (او سابقا) او ان ردودهم مبنية على مشاهدة واحد معضل شافوه في السوق او في حديقة.. الاجابات راح تكون مختلفة باختلاف التجربة:d

كل الرياضيين تخرب اجسامهم بعد التوقف عن الرياضة..شوف لاعبي كرة القدم المعتزلين..شوف مدربي الكاراتية و العاب الدفاع عن النفس...

بصراااحة وبدون تردد لااا يوجد اروع من الجسم الرياضي ذو العضلات المفتولة على الاطلاق ...
فصاحبه يتمتع بقابلية وجاذبية واضحة لدى الاخرين ولكن ايضا لابد ان لا يصل الامر الى درجة المبالغة
فالعضلات المفتولة تعطي مظهرا جذابا للرجل شرط الا تزيد عن المعقول ...


أما من ناحية الرجل السمين فلا أعتقد ان ايا من النساء تحبذ هذه النوعية من الاجسام
وكما ان السمنة تعتبر سلبية في الرجل من وجهة نظر المرأة فالنحافة بالنسبة للرجل ايضا مثلها مثل السمنة
فالأفضل الجسم المعتدل ذو القوام المشدود البعيد عن الترهلات والشحوم الزائدة ...


وبالنسبة لك اخي فلا اعتقد ان آراءنا تفيدك في شيء من ناحية العضلات لان الاذواق مختلفة
وذوق زوجتك لا يميل الى الجسم الرياضي ..

تمنياتي لك بالتوفيق
تحياتي

زوجي كذا مره قال انه بيلعب حديد وانا اللي وقفته
اكره الرجال المعضل لانه مع الوقت احس انه يصير شكله قصير
بسبب عضلاته منتفخ من فوق وممسوح من تحت
مافيه اي تناسب
حماي يلعب حديد ولا ابالغ اذا قلت لكم اني من اول ما تزوجت قبل خمس سنوات الى الان وانا ماقد طالعت فيه 10 ثواني على بعض
لأني عن جد اقرف من شكله
وفي نفس الوقت مو حلو الكرش ابدا
قاعده اقول لزوجي يخفف شوي من كرشه
بس عموما اتقبل زوجي مليان شوي ولا مفتول عضلات

8
8
8
صح :)
اكره شي الدوووب والكرش
وبعد العضلات المرعبه
الاعتدال حلو
وانا عن نفسي الشكل والترتيب والرزه والجسم مهماااااااات عندي كثير
اما بالنسبه للوسامه والملامح فهذي من ربي وكل شي من ربي حلو
لكن الاهتمام يخلي القرد مملوح :)