[FONT=Arial][b]مرحبا اخت سوسو....
يمكن الرد متأخر و انتي خلاص اخترتي اللي بتسوية

بس حبيت اطمنج باعتباري مريت بنفس المرحله حتى العمر نفسه انا 24 وهو 23 تقريبا نفس الحالة و حسيتج كنت تتكلمين عني وعن خطيبي
و الصراحة كنت افكر نفس تفكيرج عن كلام الناس و الفشله اني بكبر قبله يمكن ما بكون مسؤول الخ......... بس بعد ما كلمته حسيت اني انا اللي اصغر عنه وهو مب بباله فارق السن هوسنه بس و لمن بنكبر بنكبر انا وياه و هو انسان يحب المزاح والسوالف بس وقت الجد جد انسان اعتمد عليه........ سبحان الله يالي واحد قبله رفضته بسبت فارق السن بس لمن جاء خطيبي يخطبني ما قدرت اتكلم يقولون لمن يكون نصبج خلاص ما بتقدري اتقولي شي....و الحمد لله انا مرتاحة معاه وبعد انا جامعيه و هو عنده اعداديه و انا اشتغل ومعاشي اكثر عنه بس الحمدلله انا وياه متفقين على كل شي و بدا ما اخليه يحس اني احسن عنه و اي شي ثاني هاي حياتنا وانا وياه انعيشها بحلوها ومرها و انساعد بعض البعض........فالا اتخلي فارق السن او القارق التعليمي يكون السبب اتعرفي عليه هو شوفي تفكيره شو يخطط لحياتكم ودينه واذا يحبج او لا حتى لو انج كعقوده اذا حسيتي انه في عيب في دينه او اخلاقه و ما بتقدري اتغيريه اتركيه والله يعوضج بالأحسن منه........انا زوجي الصراحه ما كان ملتزم بصلاته بس الحمدلله ربي ساعدني على اني انصحه و افهمه باهميت الصلاه و اشجعه و اتصل مرات فيه بس عسب اقومه على الصلاه والحمدلله التزم بصلاته لانه هو عارف اهميه الصلاه بس ما لقى اللي يشجعه ويذكره باهميه الصلاه.......ففكري بعقلج و استخيري ربج و الله يوفقج

اختي العزيزة الموضوع ما محتاج لكل هالحيرة حتى تخسرين صحتك بسببه

اولا ... عليك بالاستخارة .. هذه النقطه سهله لو لا؟؟؟؟ :d
ثانيا .. الكبر كبر العقل و مثل ما قالوا بعض الاخوان ليس كل من كان كبيرا كانت لديه الخبرة و الرزانه التي لا غنى عنها في الزوج الصالح لانه الخبرة و كبر العقل مهم جدا في حياتكم يعني لا تحصرين الموضوع بالعمر .. اذا كنت قد تكلمت معه هل احسست منه انه عقله عقل مراهقين ... لو عقل رجال ؟ :22:

هل يعرف هو كم عمرك؟

كم مضى على خطوبتك و كيف لم تسألي عن عمرة قبل الموافقه ؟
ما راي اهلك .. و هل كانوا يعرفون كم عمره قبل الخطوبه ام انه كذب عليكم في هذه النقطه ؟؟

و الله يا حبيبتي انا ما اشوف انه الموضوع يستاهل اذا كانت كل المشكله هي فرق العمر فقط .. انا عندي 2 من خالاتي ازواجهم اصغر منهم .. يعني خالتي الكبيره زوجها اصغر منها 5 سنوات بس ما باين عليه باين اكبر 10 سنوات
و الثانيه متزوجه من ابن خالتها صارلهم 18 سنه و هو اصغر منها 3 سنوات .. زو عدهم 3 اولاد .. عقبالك.. و حياتهم ماشيه طبيعي و الحمد لله........
مافي حياة زوجيه بدون مشاكل .. صحيح السبب مو واحد .. دائما سبب شكل و مشكله شكل بس هذا مو معناه انه مافي عشرة او محبه بين الزوجين..
انت لا تخلين العقده بالمنشار .. الفرق سنه واحده فقط و يمكن اذا حسبتيه بالايام و الاشهر راح يكون اقل من سنه... :d

وفقك الله و اسعدك و رزقك بالخير ان شاء الله :14:

مو مشكلة ترى العمر مو مهم كثر ما يكون حب وتفاهم :) اذا اهوا زين ويحبج وتحبينه ماكو أي مشاكل ... هالايام العمر ماعاد يهم

اختي اذا كان هو عنده علم انك اكبر منه وعادي عنده انا اقول لك الــــــــــــــــــــــــــــــــــــــــــــــــ ف مبروك وماحس ان فيه فرق كبير بينكم سنه مو كثير

انا اعرف زوجين في فرق بينهم اكثر من سنه ولحد الحين عايشين مبسوطين واولادهم في الجامعه بس لازم قناعه الله يوفقك


تفاحه

باعتقادي سنه وحده واهو انسان كويس عادي جدا


اهم شي انكم متفاهمين


الله يوفقك ويستخيرلك الزين

اثنين من زملائي الخاصين تزوجو بنات أكبر منهم
الأول أكبر منه بسنتين .. والثاني بثلاث سنوات

كليهما يعيشان أحسن وأحلى عيشة .. مر على زواجهما 3 سنوات
المهم أن يعرف الزوج سن زوجته .. وتكون هي راضية ..

والمشكلة هذي دائما يخاف منها الرجال أكثر من النساء ..
لأن الزوج يخاف أن ترى الزوجة نفسها عليه .. بأني أكبر منك .. وهكدا

وفي نظري أن فارق العمر أسهل من فارق التعليم ، بالنسبة للزوجة !

يابنت الحلال عريسي قدك وانا عمري 26 وعادي:) خذي الامور ببساطة:)