بسم الله....اختي لمياء.....تعاطي المدمن الخمر يجعله في حاله لا يتذكرها عند الصباح.....عندي لكي حل بسيييط جدا وفعال في نفس الوقت.......حاولي انك تصوريه وتصوري بلاويه لما يكون مطينها...اجمعي اوسخ اللقطات له وهو سكران....وخبريه بأنه يفعل كذا وكذا وهو سكران بطريقة استنفاريه.....مع الأخذ بعين الاعتبار بأنه لا يحب اولاده ان يروه في هذه الحاله....واذا انكر... وريه المقاطع والمشاهد...والجوالات بكاميرا لها فوائد كثير هذه وحده منها.......صدقيني بيكون له رد فعل ممتاز......ولا تخلي اولاده يشوفوه كدا...واوهميه بأنهم شافوه......واذا ما فادت الطريقه دي الله يعينك تبدئي بتهديده بأنك ستخبري الشرطه عنه وما شابه ذلك ...مع تبيهه ان اهلك يعرفوا عنه وان نسخه من هذا الشريط او المقطع عند اهلك......وقولي لأهلك عن دا كله...وصدقيني ما بيفيد صورته الحسنه عند اهلك وهوا ما يحترم نفسه وعياله وزوجته ويسوي كدا...




وبالله التوفيق

لا حول ولا قوة الا بالله العلي العظيم

كان الله بعونك وفرج همك

اصبري
 

السلام عليكم ورحمه الله وبركاته
اختي الفاضله
اصبلاي فانا الصبر مفتاح الفرج
لكن اذا دعاك للحرام فلاتقربيه
والله ولي التوفيق


السهم اليماني

اخواني واخواتي الافاضل

شكرا لكم من كل قلبي على مشاعركم وردكم على مشكلتي ودعائكم لي بان الله يفرج همي

واليكم ما حدث لي في ليله من الليالي وكالمعتاد جاني وهو سكران مايدري بنفسه وافتعلي مشكله من الفاضي ونصحته ان الخمره هي اللي بتفرق بيني وبينه وقلتله كيف راح يكون شعورك لما توقف بين يدي الله ويقولك اني انعمت عليك بالصحه والمال والزوجه الصالحه والابناء وتقابلني بالمعصيه طبعا حسيت انه خاف من هالموقف وتاثر بكلامي ولكن الكبر بالمعصيه والشيطان وقف معه وقالي ان حر بنفسي وربي اللي بيحاسبني وقامت قيامته علي وما خلى كلمه مو طيبه الا وقالها وانتهت الليله بان رمى علي الطلاق وكان الفجر وكل اللي سويته اني دخلت غرفتي وقفلت علي الباب ومن بكره صحى من النوم ولا كانه مسوي شي وانا لبست العبايه في بيتي وقلت له اني محرمه عليك واني اليوم ابروح لبيت اهلي وارسل لي ورقه طلاقي الرجال انجن وقالي اني سكران ولا كنت احس بنفسي وانتي الي نرفزتيني (حط الموضوع على راسي) ومفروض انك تكونين عاقله وتمشين الليله على خير وانا هنا وصلت حدي واتفجرت عليه وقلت له ليش تحط نفسك بها الموقف وانت رجال محترم واني خلاص محرمه علك وقالي ان طلاق السكران لا يقع وقلت له اسال مشايخ وانا ماراح ارجعلك الا اذا تركت الخمر ولازم الشيخ هو اللي يرجعني طبعا كل هذا وانا علي العبايه وثلاث ايام وهو يكلمني وانا متغطيه عنه والرجال حفى بين المشايخ واتفشل من عمره وهو يحكي القصه على الشيوخ لحد ما رجعني له احد المشايخ ومن يومها الان القصه لها اكثر من شهر ونص والرجال ترك الخمر والوضع كله تمام

عسى الله ان يثبته على ترك المسكر

ملاحظه من وقت القصه صار يوم الاربعاء يروح ينام بالمزرعه مع اخواته وانا اتوقع انه يشرب هناك ولكن مايبغاني اعرف


ارجو النصح منكم اعضاء المنتدى الاعزاء