|
أعانك الله وأعانها الله ....
تأكد يا نايف أن كثر الكبت يولد الأنفجار .... وأنا والله لا ألومها فأنا عندما تزوجت تأخرت سنتين ... كنت راضيه بقضاء الله وقدره ولكن كنت أنهار عندما أسمع كلمات الناس ... اللتي تكون كطعنه تغرس بين أضلاعك وعندما أخبر زوجي كان يتهاون بمشاعري .... أتعرف لم ؟ لأنكم أنتم الرجال لاتواجهون ثرثرات النساء عن بعضهن البعض والله أنني هجرت الناس من أجل ان اكون سعيده... أبدا بمرحلة العلاج بالفعل هو قضاء وقدر ولله الحمد والمنه ولكن خذ بالاسباب ... حادثها بالهاتف وأعتذر لها وتأكد أن قلب المرأه ضعيف جدا لا أنكر أنها أخطئت بحقك وقللت من شئنك ولكن الحياة الزوجيه ... تعتمد على تنازل أحد الطرفين وإلا فلن تصطحبوا... حفظكم الله ووفقكم لكل مايحبه ويرضاه... |
اخي نايف اعانك الله على مشكلتك
زوجتك تحبك صدقني ...بس من ضغوطات الحياه وعدم الانجاب اختي صار لها نفس الحاله( والى الان لم يرزقها بالاطفال صار لها 3سنوات من تزوجت وان شاء الله يرزقها ويرزق كل محروم) اختي معذبه زوجها وتتهمه (نفس زوجتك ) بعدم الاهتمام لانه مايفكر بالانجاب مع انه تحمل اشياء كثيره علشانها ولاتلومهم اخي نايف لانهم ينظرون لانفسهم انهم ناقصين ....وهذا غير نظرة الناس لهم.....حاول انك تدز لها مسج اذا نفسيتك ماتتحمل انك ترجعها الحين بس على الاقل خلها تدري انها في بالك...اخي نايف ترى الحين المشكله اللي بينكم هي متأثره اكثر منك بس اعذرها يمكن يومك دخلت عليها كان فيه شي مذكرها بهذا الشي ..او شي اثار نفسيتها .......ولما ترجعها حاول انك تضع النقط فوق الحروف وتواسيها وتزيل عنها كل شكوكها واتكل على الله وابدا بالعلاج وترى فيه د/الهاشمي بالامارات يمدحونه لعلاج العقم ......سامحها ....تلاقيها الحين محطمه ومالها غيرك ... |
اخي الكريم... اصلح الله حالك..
ليس بالضروري ان تفكر زوجتك بنفس طريقتك لمعنى الانجاب والاطفال ارجوا ان تقدر ذلك فان كنت تراه امرا لا يسوى فكثيرا من يتزوج فقط لان ينجب فقط حتى لو كان اصل الحب موجودا.... العمل.. اتمنى ان تغير من سياسة تعاملك ليست بالحنيه والرعايه فقط بل بابداء رايك في الموضوع وانه محط اهتمام فربما تشعر زوجتك بتقديرك للموضوع لكنك لم تترجمه بشكل قوي يرضيها ...وافهمها انك تتصبر وليس الجزع يفعل شيء لي ولك الا النكد... وان الامر بيد الله ولا نأخذ سوى بالاسباب والدعاء فادعوا الله معا واشبعها ايمانا ويقينا بقدرة الله مع اخذ العلاج المناسب.... واعتقد ان طلبها للطلاق هي لحظة انفعال فاعلمها بغضبك من ذلك لتعتذر وحتى يصفى قلبك لها من جديد... وهكذا الحياة صبر وامل ... |
بس سامحها لأنة هذا من الضغط النفسي اللى فيها ولأنها تفكر فيك أكثر من تفكيرها في نفسها 000
وهي بهالكلام كان تبي تستنتج أنت وش تفكر فيه؟؟؟ تتزوج بثانية ، تطلقها او تنسى سالفه العيال000 بس بعد مو وراء قلبها هالكلام وهى ما قالت الا لأنها بحاجة للحنان والحب والعطف منك وتذكيرها بحبك لها000 |
اخوي نايف ....
تقول جرحتني ،،، وكم من الجروح في قلبها لاتكن انت والناس والزمن عليها كأني بها تحاول في هذا التصرف اختبار ردة فعلك والاطمئنان بقوه من تمسكك بها وعدم تفريطك مهما كانت الاسباب ،،، فأنا التحق بقافلة عضوات المنتدى التي تخاطب انسانيتك وترجو منك العفو والصفح عن زوجتك واسأل الله ان يرزقكما الذريه الصالحه ياااااااااااااااااااااااااااااااارب |
لا حول ولا قوة الا بالله
|
اخي الفاضل ناااايف انت انسان اصيل ووفي وإنسان بهذه الصفات لا يمكن ان يجفى عشيره بهذه السهولة ..........وانا غلى يقين ان مافعلته زوجتك وما قالته ليس الا تنفيس لما تشعر به في داخله ومن نيران تحرقها بسبب امر الانجاب ولا اخفيك انها في تلك اللحظه التي تلفضت بتلك الكلمات كانت تحت تأثير كلام احدهم فابحث عمن شوش افكارها ............دعواتي لكم بالصلاح والاجتماع في خير
|
باختصار اخي الكريم احب اقولك انك انسان اكثر من رائع وزوجتك اكيد تحبك، لكن لحظه غضبها قالت كلام اكيد الحين بينها وبين نفسها هي ندمانه عليه
بسرعه ارسل مسج تبارك فيه قدوم رمضان وعندي هذا المسج ادري موحلو لكن ابي المياه ترد لمجاريها سلة بخوروعود ورمضان علينا يعود معطر بريحان الجنه و ورود وأجر ماله حدود أتحداك لوحد هنأك برمضان قبلي يا قلبي النصيحه الثانيه ارجوك اثناء الدوام يعني خلال العمل انسى كل مشاكلك وركز على عملك، المستقبل امامك اعلم ان التركيز صعب لكن حاول وادعي دائما بهذا الدعاء اللهم ارحمني برحمه تغنيني بها عمن سواك اللهم ياحي ياقيوم برحمتك استغيث صل ركعتين وادعي الله انه يفرج همك آخر شي لاتطلق الله يجمعكم |
اخواني وخواتي
اليوم شفتها بس ياليتني ماشفتها دق علي ابوها يقول تراك معزوم عندنا لاتتأخر انا مابي اروح بس وش اسوي معتبره مثل ابوي الله يرحمه رحت لمهم ولا مافيه عزيمه ولا شي قالي شف انا عرفت بالموضوع بس اجلسو وتفاهمو ولا تطلع الاونتم خالصين قلت انا ماعندي شي وبنتك حاطها على راسي قال اجلس معها قلت طيب بس تكون انت موجود قال خلاص جلسنا وتكلمنا المشكله ان مافيه شي تقوله انا اتكلم وهي ساكته اسئل وش رايك ماترد علي اخر شي قلت شوفي مادام انك كذا عندك حل من اثنين تبيني ولا لا ترا حياتك وحياتي كلها واقفه على ردك والحين مهما كانت حالتك صعبه وهذا ابوك جالس وشاهد قلت تبيني ولالا قالت لا خلاص ماااااااااااااااااااااااااابيك ولله اني بغيت اطلقها بساعتها لكن سبحان الله ابوها انصدم ونا اكثر وهي اه مسكينه توني بطلع من الباب الا وهي تلحقني مثل المجنونه بحوش بيتهم ياجماعه مثل المجنونه تعرفون وشلون مجنونه صراخ شي ماقدر اوصفه اهلها كلهم بالحوش ابوها امها خواتها اخوانها خالتها ياجماعه شي عجيب هم طلعو على صراخها تقول طلقني مابيك بعدين تلحقني تترجاني ماتركها شلون قسم بالله انها مثل الطفل الي يدور اهله ضايعه منهم فولله انا يوم شفتها لااكذب عليكم ولا ابالغ نزلت دمعتي عليها وعلى شكلها وعلى نفسي وعلى كل شي ليش يصير كذا رفعتها من الارض وهي تصيح جلست انا وياها بالمجلس مامعنا احد ماتكلمنا ولا كلمه يوم هدت قلت شوفي بكره جهزي نفسك العصر باخذك ولا تتكلمين ولا كلمه وبعدها بحل الموضوع وحده وحدها تصدقون من طلعت وهي نايمه بالمجلس طلعت وفكرت بالموضوع زين اخر قرار اخذته (ماراح يفرقنا الا الموت ) بتحمل وبصبر تدرون ليش لني ماراح القى مثلها انا مستحيل انسى الي هي قدمته لي وهذا اقل شي ممكن اسويه لها ونا عارف حالتها وادعولي يا اخواني وخواتي ان الله يفرج همها ويرزقنا الذريه الصالحه |
ولا وش رايكم ؟
|
| الساعة الآن 08:50 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©