|
رد: زوجي ومشاكل مابعد الإنجاب
اريد افهم انتي و واحده من عضوات في هذا منتدى
رزقكم ربي بتؤام بعد فتره طويلة نوعا ما وقلبتو الموضوع هم وخوف ونكد ليش؟؟؟☺😂 عيشي حياتك وارتاحي وخذي اجازة طويله وتفرغي لهم وصوري لحظات جميله والله بكره تشتاقي لهاذي الايام لا تبالغي في خوفك عليهم ولا تحرمي نفسك بحجه اهتم فيهم وصراحه وضعك حلو الاطفال كبرو اربع شهور الحين ينتظم نومهم ومعك شغاله هي تمسك احد وانتي واحد وخلاص واما اهلك انا مستغربه كيف قادره تبعدي عنهم ف هاذي الحاله ماعرف اذا عندك اخوات ولا لا بس عاده الي مثلك تزور اهلها كثير عشان اخواتها يساعدينها هههه ما اتخيل وحده مثلك ومعاها تؤام وتبعد عنهم الا مفروض تكوني شبهه مقيمه عندهم ..الله يحفظك اولادك يارب ويحميهم من كل شر ويوفقك للامانه فرحت لك كثيييييييييير والله ☺☺ |
رد: زوجي ومشاكل مابعد الإنجاب
اقتباس:
لكن ماحبيت أعلق إلا بعد ماشفت ردك ألاحظ كثير ناس تقضي وقتها وجزء كبير من حياتها بإنتظار شيء تفقده في حياتها وكأن هو كل شيء تتمناه في حياتها وراح تلقى السعادة اللي تبحث عنها وتتحقق أحلامها لكن اللي يصير لما تحصله تطلع لها مشكلة من نفس هذا الشيء وتصير هذي المشكلة محور حياتها ومنكدة عليها حياتها وتنسى كيف كان حالها قبل لايجيها هذا الشي اللي كل حياتها تنتظره ! أنا مرات أقول لأنه هذي هي الحياة مستحيل تكمل لأحد ، ومستحيل أحد يحصل على حياة خالية من المكدرات لكن في نفس الوقت أقول الانسان طماع ، إي طماع يبي حياة كاملة ، بدون أي منغص ومكدر .. أصلا مستحيل ربي يعطي أحد كل شيء وغير كذا ربي أعطاك اللي كنت تتمناه من فترة طويلة ونسيت هذي النعمة و انشغلت بمشكلة هي لاشي أمام مشكلتك الماضية. |
رد: زوجي ومشاكل مابعد الإنجاب
اقتباس:
حياك الله أخوي الرسمي ونعم بالله والحمدلله حمداً كثيراً طيباً مباركاً فيه حمد الصابرين وحمد الشاكرين وحمد الراضين إن شاءالله فكرة عاملتين كانت وارده جداً لكن الخوف الوحيد منها إنه يصير بينهم خلافات كثيره وهذا شيء موجود دائماً أثناء وجود أكثر من عامله وانا مو فاضية صراحة للمشاكل بينهم وخصوصاً ان اللي عندي رائعه وما اشتكت ومابي أزعلها وأجيب وحده تقتحهم خصوصيتها وتشاركها غرفتها .. طيب موضوع قطع الإجازه هل تؤيد اني اقطعها وأداوم عشانه ولا أجلس وأكملها لأن فعلا الوضع مايسمح أبداً اقتباس:
الله يبارك فيك ويجزاك خير لا إن شاءالله إني بارّه أمي وخواتي الكبار يجوني بيتي دائماً بس أبوي إن شاءالله بحاول أزوره أكثر والله يعين اقتباس:
الله يبارك فيك ويجزاك خير ههههه ياحلو الأم الدجاجة هي أحلى أم في الدنيا ❤ انا مرات أقول يمكن لو ماكانوا توينز بس كان واحد ماكان سويت كذا بس يمكن لأنهم اثنين الخوف صار دبل والقلق دبل والجهد دبل واللي تجيبهم بسرعه غير لما تكونين سنواااات هدوء فجأه تحسين نفسك دخلتي في عاصفه مدري شلون الله يعيني ويعينك يارب |
رد: زوجي ومشاكل مابعد الإنجاب
مرحباً أختي
أعتقد أن زوجك يرغب بعودتك للعمل .. لإعتقاده أنك ستنشغلين بالعمل ويقل إهتمامك بالأطفال مما يحدث عندك موازنة وبالتالي تعودي لطبيعتك القديمة التي كان يحبها . يعني ملخص الموضوع أن زوجك متضايق من إهتمامك الزائد بالأطفال على حسابه هو .. والعمل مجرد وسيلة لإخراجك من زيادة الإهتمام بالأطفال . أما عن رأيي الشخصي فزوجك والأطفال أهم من الوظيفة .. فلو إستطعتي أن تخصصي وقت كبير لزوجك وتعطيه ما يريد من جميع حقوقه النفسية والجسدية .. فعندها سيحدث توازن بشكل كبير في حياتكم . وبعد فترة إذا كبروا الأطفال إن شاء الله وأطمئنيتي عليهم يمكنك العودة للعمل . والله أعلم |
رد: زوجي ومشاكل مابعد الإنجاب
طبيعي جدا اي ام وخاصة بكرية تنشغل بالامومة وتتلخبط حياتها
انا واخواتي وصديقاتي كلنا مرينا بنفس التجربة وهو كان طفل واحد مو توائم ما شاء الله ، ماكنا نروح زيارات ولا مناسبات الا نادر جدا وزيارة الاهل فقط واربع شهور جدا صغار وبحاجة لامهم والرجل لازم يتفهم ولازم يساعد الام وهي فترة وتعدي بإذن الله بس يبغالها صبر |
رد: زوجي ومشاكل مابعد الإنجاب
اقتباس:
والله يخليهم لكم ويبرون فيكم بس حركاتك نفس حركاتي اشوف يتنفس و لا اتفزفز من نومي اشوفهم 😂 معليش المسؤوليه و فطره من ربي والحرص الزائد كله عادي على قولة امي و اخواتي لانهم الاول لاتهملينهم بس بعد مو تحبسين نفسك انا زوجي تغير بعد بعده وابتعد عني وصار كان فيه كهرباء مني استغربت جدا وكان يستفزني وانا صح واحد لكن ربي يصلحه بكااااي مررره يبي بس اشيله الله يحفظه ويصلحه بس اشوف بردودك عليه شوي قاسيه ترا كل الرجال باول طفل يغارون ومايعجبه التغير خاصه انك كنتي معطيته اهتمام زايد هو فقده ويخاول يسترجعه طمنيه بس طمنيه انك تحتاجين وقت عشان تعرفين لهم مو تقولين انت ماتدري وانت وانت انا عشت نفس الكلام لدرجه كان يقول لي وانا تعبانه لانوم ولا راحه انتي اللي بغيتي هالشي <يقصد الطفل بهالوقت وكنت اقول بنفسي بكره يكبر ونشوف من يبي مين وفعلا ماصار عمره 5شهور ويتفاعل معه تغيررر زوجي معه ومعي الحمدلله وتعلق فيه على استحيا انتي لاتكرهينه فيهم باهتمامك فيهم واهماله سددي وقاربي انتبهي ابوك مايصير تزعلينه خذي خدامتك وعيالك وزوريهم وش بيصير يعني ! خوفك مبالغ فيه .. ربي اذا كاتب شي بيصير لو انه بين يديك فتوكلي على الله واستودعيهم اياه وعيشي وعيشيهم خلي ابوك يفرح فيهم صوريهم معهم خلي زوجك يحس انهم عياله مو ضره انتي انتي تذكري ان لنفسك حق ابوك اوصليه وفرحيه بعيالك ليه موزيتهم .. ربي يفرحك فيهم ويصلح مابينكم |
رد: زوجي ومشاكل مابعد الإنجاب
اقتباس:
|
رد: زوجي ومشاكل مابعد الإنجاب
شكراً لكم جميعاً على الرد والنصح
وشكراً من أعماقي على ردود التبريكات الله يسعد قلوبكم fffsg لازالت المشكلة قائمة وأنا أصلاً أعرف شخصيته وأنه بيحول موضوع الرجعة للدوام عناد فقط .. جلست معه جلسات مطولة وعطيته الأيام اللي فاتت من وقتي كثير وحطيت أطفالي عند أمي ورحنا يوم كامل للبحرين بس ماتغير شيء .. قلتله صعب جداً أرجع للدوام وبتزيد المشاكل لازم تفهم وتقدر الدعوه مو من بيفوز في النهاية !! الآن عشان الدوامات رجعت وأنا ما ألغيت الإجازه زاد في عنجهيته وإختلاق المشاكل حتى أننا دخلنا في مستويات هابطة في الحوار ماكنا كذا قبل :( والأصوات صارت تتصاعد وأكسر أنا النقاش وما أكمله عشان مايصير مثل المره اللي فاتت |
رد: زوجي ومشاكل مابعد الإنجاب
شنو وجهه نظره بعودتك للدوام
|
رد: زوجي ومشاكل مابعد الإنجاب
لم افهم سبب اصراره
رجوعك للدوام يعني انشغالك وبعدك عنه اكثر ان شفتيه مصر اقطعي اجازتك وخليه يشوف الشقا والانشغال لايام فقط وهو بروحو يطلب منك الاستقالة |
| الساعة الآن 08:50 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©