المشاركة الأصلية كتبت بواسطة السيدة موزه (المشاركة 3485664)

اقترح عليك انك تطلعين لك عقار بالتقسيط وتأجرينه ..هذي الطريقه راح تجبرك انك تحسبين معاه وانه يصرف عليك لانه ماعندك سيوله نصف الراتب بيسحبه البنك للعقار يبقى لك النص من الطبيعي بيكون للاشياء الكماليه لك......

المشاركة الأصلية كتبت بواسطة سديم الذكريات14 (المشاركة 3485665)

::PPP::PPP
مع هذا الرد ضمان لك بعد الله
مصاريف البيت مالك شغل فيها خليه هو يشتريها

المشاركة الأصلية كتبت بواسطة المتواضع305 (المشاركة 3485678)

النفقه من الزوج على بيته وزوجته وعياله واجبه ، مافيه روح وتعال ، اغراض البيت من ماكله وكسوة لعياله وجميع مستلزمات بيته وعياله وخادمه وسكن على الرجل ، يبقى شي واحد راتب الزوجه لها عندها مناسبه وعندها مجاملات لصاحباتها كيفها والزوج غير ملزم بالامور يعني ماتقول لزوجها عطني فلوس صاحبتي توها والده او متخرجه ومعرسه الزوج غير ملزم بمجاملات الزوجه بتاتاً اذا كانت موظفه !!!!! واذا كانت غير موظفه يعطيها مصرف شهري مبلغ وقدره على حسب استطاعته ومقدرته هذا هو المعروف والمعهود ...!

المشاركة الأصلية كتبت بواسطة خالد_عبدالله (المشاركة 3485707)

صحيح ان زوجك ملزوم بالصرف عليك وعلى اولادك وعلى البيت ... الخ
لكن بما ان عندك راتب وجبت المشاركه .. على الاقل تشيلين مصاريفك .. وتخلون الباقي مناصفه ..
منها انتي توفرين .. وزوجك يوفر من راتبه ..
ترا لما ما كنتي موظفه كان يصرف عليكم والاكيد انه حارم نفسه من اشيا لو كماليات وده فيها بس ما يقدر ..
الان لقى له متنفس شوي يصرف على نفسه .. مافيها شي ابدا ..
امسكوا العصا بالنص ...
لا تصرفين كل راتبك ولا يصرف كل راتبه ..
خلوا الموضوع بالنص .. ومتى ما واحد منكم احتاج الثاني يغطيه وهكذا ..

اما الزوجه تستلم راتب و زوجها يصرف عليها وهي تكنز راتبها بالكامل .. هذه انانيه ..
الوسطيه لاستمرار الزواج بكل حب وتقدير واحترام ..

على الاقل وفري من راتبك 40 بالميه وهو بالمثل .. لوقت الضيقه ربي لا يضيق عليكم ...
اما اذا انه يصرف راتبه بالكاااامل على اشيا تشوفينها كماليات اهني وجب الحزم ف الموضوع ..
ارفضي اذا طلب منك .. عادي هو زوجك مو واحد غريب عشان تخجلين منه وترفضين له طلب !!
اما اذا فعلا مزنوق .. المسااعده ولك الاجر والثواب عند الله سبحانه وتعالى ..

المشاركة الأصلية كتبت بواسطة أبله دلال (المشاركة 3485724)

المشاركة الأصلية كتبت بواسطة جرحي الدامي (المشاركة 3485726)

انا عني كنت مثلك كذا مو بعدين مسكت العصا بالنص يعني اغراض البيت الاساسية على الزوج لو حبيت شي زيادة اشتريه من عندي لبس العيال قبل كنت اشتريلهم الحين عليه لو حبيت اضيف شي اضيف طبعا مصروفي علي وتوجيبات الناس علي مااطلبه خادمتي تكاليفها وراتبها علي هو يساهم شي بسيط يمكن بالفيزا بس وبالنهاية اقدر اوفر تقريبا نصف الراتب نقول او اقل من النصف بسبب الظروف والمستشفيات واحتياجاتي ..وطبعا انا اوفر علشان بيت العمر يعني هدف مشترك بيني وبين زوجي ولذلك عودي زوجك على انه هو القائم ببيته وعياله ولست انت..انت تشاركي في الاشياء هذي بمزاجك دون التزام دائم منك

المشاركة الأصلية كتبت بواسطة HHL (المشاركة 3485721)

انا معك ومو معك
يعني انا مع اذا اشتهيت حاجه معينه وماتسوى اطلب منه اروح اسويها او اجيبها
لكن مو معك انه يكون دايم وخصوصا اذا كانت الشغله تدخل من اساسيات وواجبات الزوج