المشاركة الأصلية كتبت بواسطة Deem.fh (المشاركة 3398804)

السؤال هل انتي راضيه عن نفسك المسمى زوج يعاملك هالمعاملة ؟
كيف كرامتك سمحت لك ترضين تعيشين مع شخص قذفك و وبنفس الوقت يهينك ؟؟
الله منعم عليك و عندك اهل و عزوة ووظيفة وولد و انتي رافسه النعمة و صابرة على الضيم
الله عازك تهينين نفسك ليه ؟؟

لك حقوق كزوجه أهمها الاعفاف لاهو اللي عفك ولاهو اللي احسن معاملته معك !!
ايش اللي زواج على ورق ؟ استغفر الله

وش اللي حادك تعيشين حياة كذا طول العمر مع شخص زي كذا ؟
فكري و اجلسي مع نفسك و عزي نفسك .

المشاركة الأصلية كتبت بواسطة مسك الخير (المشاركة 3399334)

اشكر كل من رد علي واعطاني من وقته الثمين انا ماجيت الا وانا مطبقه معه جميع الحلول واستخرت ع الطلاق لما رجعت قلت اكيد حس بالغلط وبيتاسمح مني ماكنت اتوقع منه هالصدود كله ولا الموقف يستاهل بس كبر الموضوع اخوه حلف ع المصحف عند اهلي ماخلوه يمشي الموضوع كذا بالساهل ولا وفيه وحده ترضى بالاهانه ع نفسها قلت اصبر وصبرت7 شهور ولا تغير شي .. البارح تناقشنا وتهاوشنا بعدها قلت كل مافي قلبي له وهو اذن من طين واذن من عجين ولا كأن اللي معي انسان .. رحت واتصلت ع اخوي يجي ياخذني من عنده ولا راح اعلمه اني بروح اهم شي عندي صحتي ولدي والله العظيم اني تعبانه حيل احس جبت لنفسي الهم والنكد يوم رجعت وجلد الذات ذبحني rfegrrfegr دعواتكم

المشاركة الأصلية كتبت بواسطة خالد_عبدالله (المشاركة 3399370)

من كلامك زوجك مافيه ولا حسنه كله سيئات ومن كلامك كذلك انه ماله امل في التغيير
اتمنى ما تكون رجعتك له شماته بموضوع عجزه اللي صابه
اتركيه وانتبهي لصحتك وتربيتك لابنك وعسى ان يكون هالامر خيره لك

المشاركة الأصلية كتبت بواسطة البليغ (المشاركة 3399421)

إذن قررت الرحيل من حياته، وهذا قرارك

وفقك الله

المشاركة الأصلية كتبت بواسطة مسك الخير (المشاركة 3399629)

الحمدلله ع كل حال طبعا وصل اخوي ورحت معه وحاليا انا عند اهلي وزوجي حرق الجوال من الاتصالات بس مارديت عليه ابي لما اهدى شوي لان نفسيتي تعبانه مررررره وابلغه بقرار الانفصال بس خوفي ياخذ ولدي مني بعدين💔

المشاركة الأصلية كتبت بواسطة Deem.fh (المشاركة 3399638)

مسك الخير بالنسبة لحضانة الطفل بعد الطلاق فأنتي احق بحضانه ولدك

ارتاحي ولا تردين على اتصالاته لحتى ماتوصلين لقرار بنفس مرتاحه و ذهن صافي

اسأل الله ان يفرج همك و يبدل همك فرح و سعادة .. امين