رد: مشكلتي مع زوجي واهله. ..
 

الله يعينك
اذا شايفه انكم وصلتوا لطريق مسدود ولايمكن الاصلاح
فكري بما بعد الطلاق
وادرسيه من كل الجوانب
وربي يشرح صدرك للخير

رد: مشكلتي مع زوجي واهله. ..
 

لاحول ولاقوة الا بالله يامجروحه

كلامي جدآ هزني وانا اقراء ردودك ؟
حسبي والله ونعم الوكيل

صراحه انلجم لساني عن الرد ، وماادري ايش اقول
لكن لاتطلبي الرحمة من العباد ،، اطلبيها بهالساعه من رب العباد
انه يكفيگ شره ويرد كيد اهله بنحرهم

الله يعوض صبرك خير ، ويفرج همك عاجل غير آجل

رد: مشكلتي مع زوجي واهله. ..
 

الله يفرج همك عزيزتي ويختار لك الخير وين ما كان ويعينك والصراحة زوجك ماعنده أي إحساس بالمسؤولية تصرفاته معاك ومع بناته مافيها أي رحوله والا كيف يهون عليه يترككم جيعانين او ينزلكم لمنتزه في غربه لحالكم !!! من جد تصرفاته غريبه عموماً هذه حياتك لا تسمحين لأي أحد مهما كان يرسمها لك طالما إنتي ماإنتي مرتاحه وتعبانه بهذا الزواج إشتري راحتك لأن الحياه بنعيشها مره وحده فلا تضيعين عمرك وحياتك مع من لايستحق !!أقل شي تحصلين عليه بالبعد عنه الهدوء والاستقرار والبعد عن الضغط العصبي والنفسي اللي مسببه لك وربي يرزقك بالوظيفه اللي تعزك عن العالمين وييسر لك كل خير

رد: مشكلتي مع زوجي واهله. ..
 

اختي لازم تتابعي مع استشاريه تحل لك المشاكل مع الجذور وتفهمك شخصيه زوجك وكيف تتعاملي معه واي اسلوب ينفع معاه ابحثي فالانستقرام عن استشاريه مريم العبدلله جدا رائعه او مقالات ناعمه الهاشمي وبرضه يوجد دورات مملكه الانوثه جدا رائعه اتمنى اكون افدتك

رد: مشكلتي مع زوجي واهله. ..
 

شكرآ لكل من دعاء لي فعلا بحاجة دعواتكم
الله يجزاكم خير الجزاء..
اختي احاسيس مبعثره ... قرأت الكثير والكثير لناعمه الهاشمي .. استعنت بالكتب حددت شخصيته ونمطه وكيف يمكن التعامل معاه...
ولاكن يبدو لي هو بشخصيه ضعيفه وهناك من يغير افكاره وآرأه بلحظه وثانيه هو مو قادر يعيش حياته سعيد بينما امه ساخطه علي ..
ينقهر لما يشوفني سعيده وامه مقهوره مني و عايشه القهر وكأني انا الظالمه ...
يعتقد انه كذا عقوق بأمه ..
امه من زرع الافكار برأسه .. امه زعلانه مني لازم يغثني مايرتاح يشوفني مرتاحه وامه لا..
امه واخواته خايفين عليه اخذه منهم خايفين يتغير عليهم بسببي خايفين يحبني وهم يتورطون ....
ليه تزوجونه ليه ...!!؟
انا فهمتهم وفاهمه نفسياتهم زيييين عارفه افكارهم ....
لاكن مالقيت لهم حل .. الطيب معاهم ماينفع حاولت اكسب امه وخواته اخليهم يحبوني بس حطو كرامتي بالارض واهانوني ...
ولما قررت ابتعد بكل ادب واتركهم بحالهم ورغبتهم هم و ولدهم بعد ماعجبهم وحطو فيني كل شي و فضحو بي قدام الناس واني انا الي ما ابيهم و انا قليلت الادب الي ارد و اكرهه بناتها ..
والرجال مع اهله وانتي الغلط في الغلط..

رد: مشكلتي مع زوجي واهله. ..
 

أيضا والدي يجبرني على الرد على مكالمته...
وانا لا اريد اتصل علي ولم ارد عليه..
يتصل على امي ويرجع يتصل على اخوي او ابوي يحدث ازعاج بس عشان ارد واكلمه عشان ابوي ويقول ليش ماتردين واقول نعم هذا انا رديت يبدأ بالنقاش ليه البنات تعبنات ولا قلت لي .. ليه انا آخر من يعلم ..
انا مابي اكلمه ..
اكتب والله ودموعي تذرف ..
انا ابي الطلااااااااااااااااااق ..
اهلي يلفون ويدورون ويقولون بكيفك بعدين هم الي يرجعوني له ارجعي ارجعي ارجعي بيتك بناتك اصبري الدنيا ماهي جنه تحملي وبتشوفين العوض...
انا تعبت مابيه اكرهه تعبت ليه يا اهلي ليه..
ولما ارجع لهم مره ثانيه يقولون انتي الي رجعتي له المره الي فاتت..
يارب انك ارحم بي يارب..
لاحول ولا قوة إلا بالله..

رد: مشكلتي مع زوجي واهله. ..
 

ياختي قوي نفسك وشخصيتك لمتى وانتي متردده وماشيه ورا كلام اهلك
ترا اهلك مو هم اللي عايشين معه انتي اللي عايشه والنار ماتحرق الا رجل واطيها
انتي عطيتيه فرص كثير واكثر من مره رجعتي ولقيتي مافيه اي تغييير
هالرجال مو رجال دامه جالس ورا كلام امه واخواته خلهم ينفعونه
وانتي تحكين ذكرتيني بوحده من قريباتي نفس تعامل زوجك بالضبط بس هو من نفسه كذا مافيه احد يحرضه وكانت تصبر عليه وتبي تحافظ على بيتها وهو يزيد بالمشاكل والاهانات اخر شي طلقها وطردها بعد ماصارت في الاربعين من عمرها!!!
زوجك شكله مايبي يطلقك لانه حريص انك تحملين يبي يربطك بالعيال ويبي يجلس يهدد فيك ويقهرك ويحرق اعصابك
وانتي عقلك براسك عاد وتعرفين خلاصك

رد: مشكلتي مع زوجي واهله. ..
 

الله يفرج همك ويفك كربك

رد: مشكلتي مع زوجي واهله. ..
 

اشكرك لردك اختي..
انا قررت وقلت لأهلي ماعاد ابيه لا تجبروني عليه ..
ابوي قال هذا قرارك تبي اتفاهم معاه اسوي لك الي تبين وانا افهمه واتكلم معاه .. وارجعي بيتك ولبناتك و .
انا قلت قبل تفاهمنا ومانفع معاه هو يبقى هو وانا ماعاد اتحمل العيشه معاه..
انا وامي متخاصمين ومانتكلم نهائي .. وانا اصلا مااتكلم مع احد ابد ابد لاني متضايقه حدي وافكر بنفسي وبناتي وحاجتنا ومصروفنا الله يقدرني ولا اترك بناتي بحاجه لشي أبدا. .
يارب ترزقني الوظيفه يارب
انا راضيه كل الرضى عن نفسي والحمدلله ولا ازكي نفسي .. لاكن انا ماقصرت له بشي غير اني صبرت وتحملت لاكن مايستاهل..
هو اتصل علي وانا ماارد .. وراح يتصل باابوي وكلمته عشان ابوي .. وكل المكالمه عتاب وليش ماتردين وانتي الى الأن بذمتي و انتي تبين الطلاق .. وطول المكالمه يسألني. .
قلت الي تبيه سوه وخلاص بناتك اذا تبي تكلمهن اتصل على ابوي وهو يعطيك بناتك تكلمهن .

اللهم اصلح حالي وحال جميع المسلمين..

رد: مشكلتي مع زوجي واهله. ..
 

شكرا لدعواتكم لي. .🌹