|
رد : على حافة الطلاق .. فهل اسقط ؟؟
انا شايفتك ما تبغيه من قبل المشكله اللي صارت امام امه
واحد يراعي طموحك و يراعي ولدك و يتعرض لفتن في عمله و انتي عارفه مجال عملكم غير انه ما قد عايرك بسمنتك بس انتي بدأتيه بالمعايره و اجتهدتي و اقتدى بيكي ؟! dvf الرجل يبغى جنس و حطيها حلقه في ودنك عصبيته دي لو انتي السبب فيها المفروض انك ما تحاكميه هو و بس انتي عايرتيه و فشلتيه من جسمه و لما اجتهد برضك قرفانه منه !! طيب عفيه !! وين 😧 |
رد : على حافة الطلاق .. فهل اسقط ؟؟
اولاً يا اختي ليش ماتجيبين خادمه؟؟ تنظف وترتب وتراعي لطفلك اذا كنتي بالدوام !! الجنسيه الفلبينيه اذا كانت كبيره في السن ممتااازه للاطفال ..واذا انتي مره حريصه حطي كميرات بالبيت ، الضغط بالعمل برا البيت وداخل البيت يسوي اكثر من كذا ش فايدة الفلوس اذا ماعزتني وجبت اللي يخدمني!! هذي نقطه النقطه الثانيه يا اختي اذا زوجك عصبي لاتراددينه حتى لو قولتك ( ماراح ارد عليك وانت عارف ليش) لو اكتفيتي بالصمت ولحظة الرضا بينتي الاشياء اللي ضايقتك منه كان حبه حبه يبدا يتدارك اخطائه ..اذا كان لابد من كلامك معه لحظة غضبه فقط ذكريه بقولك بنبره هاديه قول اشهد ان لا اله الا الله..ذكر الله فقط،،وربي الانسان العصبي يبي له صمت ومداراة ،،
ومضه: الانسان اللي يسوي دايت في حال افترضنا انه بينزل وزنه (ع اساس مواضيع سابقه) يصير نار مولعه الريجيم يلعب بالنفسيه لعب |
رد : على حافة الطلاق .. فهل اسقط ؟؟
اقتباس:
اوافق الرأي jyjy قالت مافي نفسي جزاها الله خيرا |
رد : على حافة الطلاق .. فهل اسقط ؟؟
أحس صراخ زوجك وعصبيته ناتجة عن تراكمات بقلبه،
أنا ما أبرر له ضربه لك،هو غلطان، بس ارجعي حاسبي نفسك وانتقدي اسلوبك وتصرفاتك يا أختي ماعندك الا طفل واحد وزوج،مع ذلك مقصرة وزوجك يعاني، أجل لو جبت 4 وش بيكون حالك،؟ النظافة جيبي واحدة مرة أو مرتين باﻷسبوع،تنظف لك بيتك، جيبي غسالة صحون ، جيبي غسالة فل أوتوماتيك، مع التنشيف الكامل، جيبي الكواية اللي تنطبق، أنا مدري كيف تدبرين أمور بيتك بس لازم تشوفين موطن الخلل وتعالجينه، لا تستفزي زوجك ولا تراددينه، دوري مواطن رضاه وراحته وسعادته، أختي اجلسي مع نفسك وصالحيها،ربما أخطاء زوجك ناتجة عن أخطائك،،لا تكبرين القصة وتوصلونها للطلاق،راح تندمين ﻷنه واضح عليك تحبينه، اهدي واتركيه يهدأ و يراجع نفسه، سؤال: كم لك ببيت أهلك؟ |
رد : على حافة الطلاق .. فهل اسقط ؟؟
اقتباس:
يعني معاناتي مافي امل تنحل و تتعدل؟؟ لان مداها بعييييييد انا كل جرح جرحني اياه مستحيل انساه .. خصوصا المرات اللي مد يده علي مستحيل اقدر احبه .. و حتى لما اسأل نفسي ان كنت احبه او لا .. والله ما القى جواب هو انا متعلقة فيه صحيح بحكم العشرة و الاستقرار و تنظيم الامور على اساس الحياة الزوجية كوني ارجع بيت اهلي يعني امور كثيرة راح تختل و تحتاج ترتيب من جديد و اولها مشاعري كمان تعلقي فيه من باب اني خايفة من لقب مطلقة .. و انا بهالفترة جالسة احاول اتقبل وضعي كمطلقة و اني اواجه الناس و اعيش حياتي حياتي معاه خوف و انعدام امان احس علاقتنا اساسها ضعيف جدااااا خطر جداااا اننا نبني عمارة من عشر ادوار على اساس ضعيف |
رد : على حافة الطلاق .. فهل اسقط ؟؟
اقتباس:
جزاك الله خير لتنبيهي .. ابوي اقترح انه يروح له و يحاول يفهم منه السالفة .. لانه صار لنا اللحين اسبوع و لا اتصل و لا بين ابدا و انا والله ما ادري .. بس الوضع هذا يبين لي شقد هو بايع و لا فرقت معاه .. و هو زي ما قال ناادم على زواجه مني .. لذلك انا ما راح اتمسك بشخص بايعني .. |
رد : على حافة الطلاق .. فهل اسقط ؟؟
اقتباس:
لكن مستحيل اترك شغلي عشان رجال الرجال مالهم أمان الشغل يكفيني و يعزني و يحفظ وجهي عن الحاجة للغير كم وحدة صابرة على بلاوي زوجها و تتمنى موته عشان تفتك .. و مو قادرة تتطلق من عنده لانها راح تلاقي عمرها و عيالها عااالة على ابوها الشايب الكبير او زوجة اخووو تأذيها و تسوي مشاكل مع زوجها عشان وجودها فتضطر تتحمل اهون الشرين انا ارجح بقائي بالعمل مع محاولة التوفيق اكثر و للمعلومية انا ذكرت سابقا .. ان الاسبوعين الماضيين تعرضت لضغط كبيييير بالعمل و بطلب مني .. لان عندنا بالبيت صارت ظروووف قاهرة تمنعني من العمل بداية الشهر فطلبت ان مناوباتي تتجمع آخر الشهر .. و قبل ما اقدم هالطلب جلست معاه و شاورته و اخذت رايه و قلت له راح اكون حيييل مرهقة و مشغولة فاحتاج عونك .. قال اوووكي و كنت اخذ مناوبة كل ثالث لكنه ما تحمل يطبق الكلام اللي وافق عليه .. بالرغم اني ارجع البيت و ما انام الا قليييييل جدا باعتراف منه اني ما انام و ارتب ولده و اغراضه و اغسل ملابسه بحكم طفل صغير دايم يوصخ و اطبخ له عشاه و اجهز له غدا اليوم الثاني و كله طبخ صحي و بمعايير محددة لاني انا المسؤولة عن اكله و حساب السعرات الحراربة في نظام الريجيم تبعه و المفروض كمان اني ادرس .. لان شغلي هذا كمان هو دراسة و فيه نجاح و رسوب و انا والله العظيم ما يمديني افتح كتاب و انظف اللي اقدر عليه .. ما يجي الليل الا اتروش و انسدح عشان اموووت و كمان لكن لو طولت فترة .. و انت ما تبادر ابدااا لازم انا اللي ابادر .. ارحم شوي |
رد : على حافة الطلاق .. فهل اسقط ؟؟
اقتباس:
جزاك الله خير |
رد : على حافة الطلاق .. فهل اسقط ؟؟
اقتباس:
و كيف عرفتي انه ما قد عايرني بسمنتي ؟؟ كنتي تعرفي انه قال لي و انا حامل بالشهر الثامن .. صرتي كأنك ناقة او بعير بلهجتنا ؟؟ بالرغم انه عارف ان جسمي قبل الحمل كان ريان .. و بعد الحمل زاد كثير اولا لانه حمل و الحمل بحد ذاته يزيد الوزن و ثانيا لان جاني ضغط الحمل كنتي تعرفي انه ضربني و انا حامل بالشهر الرابع ؟ انا مو في دور اني احاكم احد .. انا في دور اني احفظ الباقي من كرامتي انا فعلا كان في امور كثير مو عاجبتني و تضايقني لكن كنت ساكتة لكن الموقف اللي صار قدام امه و ولدي و حماي .. كان الشعرة اللتي قصمت ظهر ) البعير ( و اللي تقول مافي كرامة بين الرجال و زوجته .. اقول نعم اذا هالرجال عاز زوجته و محترمها و عامل لها قجر .. اما اذا ماسح بها البلاط لا و الف لا |
رد : على حافة الطلاق .. فهل اسقط ؟؟
اقتباس:
انا فعلا كانت عندي خادمة و انا اللي جايبتها و ادفع رواتبها لكن للاسف سافرت و كذبت قالت برجع و ما رجعت احنا اللحين مقدمين و هالوضع مؤقت .. و كنت ناوية اجيب بالساعات تنظف الشغل اللي ما اقدر عليه و تمشي .. لكن ما مداني و صارت هالمشكلة نعم خير ما قلتي .. الصمت من ذهب .. لكن اعتقد و ان احتد النقاش بين الطرفين و لووو الى ابعد من ذلك .. رغم ان اساس المشكلة سخيف ليه الواحد يعطي نفسه الضوء الاخضر بسهووولة انه يسب و يهين حبيبه و ممكن يضربه اي حب هذا ؟؟ اي بطيخ ؟ ما نبي حب .. نبي بس احترام .. والله على قد ما قال انه يحبني .. كذاااااااااب و ما عرف الحب كيف يكون الحب عنده على السرير و بس .. هذا حب حيوانات مو اوادم والله اني اكره العلاقة لهذا السبب .. هو يستمتع و ينبسط .. و انا قلبي مجروووح من اهانة سابقة او جرح .. هو ما اهتم انه يطيب الجرح قبل ما يجيني .. اهم شي هو .. والله مرت علي ايام .. وقتها اصيييح دم بيني و بين نفسي .. لاني فعلا احس اني حيوانة و انه ماخذني عشان هالشي و مضطرة اعطيه و انا ماكلة هوااا لانه حرام علي هذا هو يعتبره حب .. و انا عن نفسي .. كنت احبه لكن كثرة جروحه خلت نفسي تعافه .. اجامله كثير الصراحة |
| الساعة الآن 01:43 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©