|
رد : عيوب زوجي كثيرة
معليش كل مشاكلك منبثقة من قلة خوف
زوجك من الله .... ان كان نظافه وان كان اخلاق وان كان مصروف بما يرضي الله معليش يا اختي وبعطيك هي كاش الانسان هذا في وجهه تنصحينه وتقرين عليه فتاوى بن باز ... مو كلمتين تقولينها وكأنك مستحيه ولا مسويه شي غلط ولا تذكرين بالصلاة على استحياء ولا خايفه منه... وآذا استمر وتركها قصداً فأقولك هذي مو حياة تعيشين مع واحد يترك الصلاة عمداً هذا كيف يربي وكيف يعلم وكيف يتولى على اطفالك بكره وهو ماعرف يدبر نفسه ولا تقعدين تعشمين نفسك وتقولين بكره يصلي وتلاقين نفسك مخلفه كوم اطفال وسنه ورا سنه والحال واقف وانت تعطين اعذار وما يتبهذل غيرك انت وعيالك مثل حال كثير من الأخوات وصلو للمنتدى بعد ماخلفت اربع او خمس لا تقدر عليهم لوحدها ولا تقدر تعيش مع زوجها اللي زادت مشاكله اعطيه فرصة نعم وحذري نعم وانصحي ووجهي نعم وعند كل فرض تذكرينه بالله وبقدرة الله بأسلوب طيب من أول ما يأذن المؤذن.. امدحيه وان كل شي فيه طيب ونعم الله عليه عظيمه وانك سعيده انك زوجته وذكريه وقولي يافلان ماقعد الا الصلاة وامورك كلها طيبه تبارك الله وهكذا .... مازال محله سر .. اللهجة لا بد تتغير ويعرف خطورة هذا الوضع على زواجه وانك مستحيل تعيشين مع انسان تارك للصلاة والقرار بيده ... يا يعدل نفسه ولا الله يعوض عليك يا أختي ويسامح اللي زوجك ولا سأل عنه وعن صلاته.. لا حول ولا قوة الا بالله |
رد : عيوب زوجي كثيرة
اقتباس:
لن يقبل رجل أن تفرض زوجة اقتطاع مبلغ (اجباري) من راتبة لكن عليها أن تبي له بان لها احتياجات متعلق بالنساء تخجل بإن تطلب منه احضارها وتطلب بتأمين مبلغ شهري لها مثل 1000 ريال ومبلغ 300 أو 500 لطفل وهكذا بما أن راتبة يصل الى 13 الف احببت اوضح هذه النقطة ... لان بعض الازواج أن لم يدفع أو يعطي زوجتة مصروف شهري من طيب نفس وكرم فلن ياتي بالقوة |
رد : عيوب زوجي كثيرة
زوجك فيه الأمل ان شاء الله
تفائلت بأشياء كثير أولها انه يأمر الصغار بالصلاة و هذي بذرة خير ثانيها ان بدايته معك كان كريم معناته يقدر يغير طبيعته الحريصة ثالثها إنك قلتي إذا عاملتيه برسمية يتعدل شوي و هذي كلها مؤشرات تدل على خير بإذن الله شخصية زوجك ما نقدر نطلق عليها صفة البخل فيه حرص نعم لكن ما وصل لدرجة البخل فيه نماذج شخصيات بخيلة لو تعاشرينها تحمدين الله ألف و تعتبرين زوجك مو منهم موقفه مع الجوال قادر يقولك ما عندي مشي حالك دبري نفسك لو كان فعلا بخيل بس هو حريص و يبغاله سياسة في التعامل فيها صبر مبدئيا أظهري له حرصك على ماله و بيته أكثر منه و هاذي تجي بالمواقف المتكررة و المتتالية منك الصلاة أمرها عظيم و وحدك لن تستطيعين بدون الدعاء أدعي له كثير عشان ولدك لما يكبر يشوف قدوة صالحة ترى الطفل يتعلق بروحه المسجد مثل والده انتي ما شاء الله عليك مبين انك عاقلة و هادية و فيك حكمة و إحترام و طالعة من بيت محترم و طيب عشان كذا استغربتي وضعه و حياتهم الله يحفظ والدينك و يبارك فيهم نصيحتي لك استمري بالدعاء و اللين معاه لأنه ارتاح في لينك و شوي شوي بيتاثر بحول الله و قوته أسأل الله أن يصلح حالك و يبارك في ذريتك |
رد : عيوب زوجي كثيرة
اقتباس:
نفس كلآم أم خالد كنت بقولك اياه امس بس كنت مستعجله لآ تفكري بطريقة اليائسه و تحطي عيوبه تحت المجهر ترا تكبر << لا يا شيخه :26: انتي تحبيه ؟! خلآص استثمري فيه طوريه العلآقه بين إثنين فيها أخذ و عطاء انتي تقدري عليه في أشياء و لآ تفكري بعقلية المغلوب على أمرها انتي ماوصلتي لهالمرحله الحمدلله و الله يقدرك و يكتب لك اللي فيه الخير و يسعدك |
رد : عيوب زوجي كثيرة
اصبري وطولي بالك وطبقي كلام ام خالد
|
رد : عيوب زوجي كثيرة
الله يعينك
دوري نقاط ضعف زوجك وادخليله منها .. انتي قلتي انك ادا طنشتيه يدور رضاك حتى لو بطريقه غير مباشره معناته هدي نقطة ضعفه ادا الحل ان شالله اهتمي بنفسك ودلعي نفسك طول اليوم وسوي واجباته الاساسيه وطنشيه خليه يلاحظ تغيرك اجلسي مع نفسك وسويلك جو شموع وخدي كتب واقري فيها حاولي تلبسي وتتزيني عشان نفسك دايما حسسيه انك وحده تانيه ولاتعطيه اكبر من حجمه مع الاكثار من الدعاء والاستفغار والصلاة حسسيه انك غاامضه وعندك اسرار الرجل دايما يحب يجري ورا المراءه الغامضه اللي فيها اسرار تكلمي معاه بدلع وانوثه مو شرط عشان تجدبينه لا عشان نفسك وانوثتك ابرزيها اكثر زوجك يسوي كدا معاك لانك تجرين ورا رضاه ونسيتي نفسك تبغين تصلحينه اهتمي بنفسك لنفسك مو لنفسك عشانه واتمنى تقري كمان نصايح الدكتوره ناعمه الهاشمي بهدا الموضوع واتمنى اكون افدتك بشيء دعواتي لك بتسخير زوجك لك وصلاح احوالكم |
رد : عيوب زوجي كثيرة
اقتباس:
والله يااخوي مدري وش اقول بس الأخت قالت انها تكلمت معه مليون مره ووضحت له احتياجاتها ومع ذلك يطنش ؟! واذا اعطاها مصروف شهر راح يتركها الشهر الجاي وماتعرف كم هو محرج للبنت تطلب من اهلها فلوس وزوجها مقصر ,, يكفي نظره اهلها لزوجها !! فالاقتطاع الآلي من البنك هو الحل من وجهة نظري . اعرف رجلا مثل زوج الاخت كل فتره تفتح زوجته نقاش المصروف ويعطيها اياه ذاك الشهر والشهر الجاي يطنش وترجع تفتح النقاش يقول لها الشهر الجاي والشهر الجاي فعلا يعطيها ثم يطنش .... وبعدين ؟؟؟ :( عشان كذا اقترحت عليها مثل الاخت يقتطع لها زوجها مصروفها بشكل آلي عشان ماينسى زوجها او يتناسى :d ربي يسهل امرها ويهدي زوجها .. |
رد : عيوب زوجي كثيرة
لجميع اللي ردو ألف شكر والله يجزاكم الجنه ،،
واعتذر عن التأخير بالرد بسبب بعض الظروف بالنسبة للمصروف ف انا حاولت اطلب بكذا طريقه لكن ما زالت ردة فعله بهالموضوع وحده واي مبلغ اطلبه لازم يحقق معاي اول وبعدين يعطيني لكن اقل من اللي اطلب بالنسبة لاطباعه كمان جربت اكثر من طريقه ما نفع ولا تغير انا من بداية زواجي لاحظت اسلوبه مع اهله نفس اسلوبه معاي اللحين يحب كلمة " لا " حتى لو بأمر عادي ،، طبعا هو يعتبر ولي امرهم بحكم ان والدهم متوفي الله يرحمه ف احسه متشدد معاهم وما يحب يناقش ويماطلهم بطلباتهم وحتى بمواعيد والدته حتى انها بالنهاية تضطر تلجأ لعيال اخوانها يدبرون امورها ،، غير اسلوبه مع اخوه المراهق جدا سيء ودايم يجرحه بالكلام ويضغط عليه كثير وكنت احاول انصحه بالبداية انو هالاسلوب ما ينفع كان يقتنع بكلامي ويقول بغير معاملتي معاه وللأسف ماتغير اما معاملته معاي بداية الزواج طيبه نوعا ما ويلبي طلباتي وكنت اخاف من معاملته مع اهله يطبقها معاي وفعلا حصل هالشي ،، يعني هالشي طبع فيه وادري الطبع صعب يتغير بوقت قصير بس انا مليييت من حياتي معاه ما احس اني زوجته وشريكة حياته ، ابي طريقة اغير اطباعه غير اللي جربته معاه |
رد : عيوب زوجي كثيرة
اقتباس:
بخصوص الصلاه الله يهديه ف يصليها ع مزاجه وممكن تمر ايام ما يصلي فيها ولا يقضيها ما عدا صلاة الجمعة يصليها جماعه اما علاقتي بخواته فهي ممتازه الحمدلله وفعلا انا اعزمهم لو كان عندي عزيمه واعمل حسابهم فيها لكن استحي اطلب منهم مساعده يعني هم عارفين عندي عزيمه لو يبون راح يساعدون من غير ما اطلب عشان كذا مابي احرجهم واحرج نفسي اما المصروف ف اتمنى من جد ما اوصل لهالمرحله والله يغنيني من فضله قريب واشيل نفسي بدون منّة من احد ؛( والاقتطاع الشهري مستحححيل يرضى ولو قلت لأهلي راح يمشون لي مصروف من غير ما يكلمونه وانا مابي هالشي |
رد : عيوب زوجي كثيرة
اقتباس:
|
| الساعة الآن 02:42 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©