منتدى عالم الأسرة والمجتمع - عقدت القران على فتاة بنفس عمري تماما واحس اني متندم ( محلولة الرد 20)

منتدى عالم الأسرة والمجتمع (http://www.66n.com/forums/index.php)

- المشاكل المحلولة (http://www.66n.com/forums/forumdisplay.php?f=42)

رد : عقدت القران على فتاة بنفس عمري تماما واحس اني متندم

اخويه الف مبروك على خطوبتك والشي الثاني
السموحه لاني ماعرفت عمرك وماعرفت كيف احسبها بالميلادي
الشي الاهم من كل هذا بالعكس البنت اللي بعمرك راح يكون برستيجك بين الناس محفوظ بنت من عمرك احسن من وحده اصغر منك او وحده اكبر منك وبعدين تكبرون مع بعض ولاتكبر قبلك والحلو انك مايحتاي تربيها خل اهلها يربونها طالما خطبتها من بيت ناس فهم ملزومين بتربيتها والا تباهم يخلفون وانت تربي خل تفكيرك اكبر من جي بوايد وطالع الجوانب اللي بتنفعك في حياتك انت عليك تعيش حياتك يوم بيومه موب تضيع عمرك في تربيه زوجه وتأديبها ان شالله انها تستاهلك وتستاهلها
وبالتوفيج ان شالله

رد : عقدت القران على فتاة بنفس عمري تماما واحس اني متندم

اهم شي الصلاح والتوفيقاما بربيها واكون ابوها الخرابيط هاذي خلها على جنب!!

رد : عقدت القران على فتاة بنفس عمري تماما واحس اني متندم

اقتباس:

المشاركة الأصلية كتبت بواسطة هذه سبيلي (المشاركة 2934904)

السلام عليكم
اخواني انا عقدت القران قبل شهرين تقريبا من فتاة بنفس عمري
انا من مواليد 1410 وهي كذلك
وهي ليست بذلك الجمال ولكن اخلاقها ودينها جدا ممتازة
وانا الان اشوف اصدقائي يعقدون القران على فتيات اعمارهن 17 سنة وهم 24 سنة واتندم واقول في نفسي البنت بتكبر معي في نفس الوقت ولا راح اقدر اربيها وادلعها

اتمنى تهونو علي او تعطوني ارائكم

وعليكم السلام ورحمه الله وبركاته
اخي الكريم
مخطوبتك ذات خلق ودين
شنو بعد تبي اكثر منه

الف مبروك فانك فزت بذات النصيب الكبير وحظك احسن من اصحابك بكثير
الي يقولك انه تزوج وحدة صغيرة عشان يربيها يكون يضحك على حاله
بهذا الوقت محد ولله الحمد منتظر تربيه الكل يتربى في بيت اهله والسلام

ومبروك مرة ثانية ولا تتردد توكل على الله واكمل الموضوع
ربي يسر امورك ويتمم لك زواجك على خير

رد : عقدت القران على فتاة بنفس عمري تماما واحس اني متندم

هلا اخوي
برد عليك رد عقلي وان شاء الله يقنعك وترتاح
1- اولاً لفظة انا اربيها مضحكة ,ياخوي البنت مهب بسة ولا تيس عشان تربيها , الواحد الحين يالله يربي عياله البزران لا ولا يقدر عليهم بعد وانت تبي تربي بنت بعز المراهقة , وبنات هالوقت الصغار خصوصاً منهم فيهم من العناد والرعونة الشيء الكثير يعني هي اللي بتربيك مب انت وبتتعب معها كثير
2- على افتراض انك تبي تربي وماتربي بغض النظر عن اقتناعي بالمبدأ يا أخي هالشيء راجع لشخصية البنت , يعني اذا هي لينة العريكة سهلة المعشر راح تقدر عليها لو عمرها 40 واذا هي صعبة المراس وعنيدة و..و.. غالباً هذة هي الصفات اللي تكون في الصغار , صدقني ماراح تقدر عليها ابد, ولا راح تربيها على قولتك
3- خظيبتك سنها ممتاز , البنت اكيد خلصت دراستها وجاهزة لك من مجامعية لو خطبت بنت اصغر راح تصاليها وتصالي مدرستها وواجباتها وامتحاناتها وود وجيب وحط وسو , انت جتك بنت دارسة وخالصة يعني بترتاح من هالشيء
4- البنت صغيرة بتكون مراهقة والتعامل مع المراهق متعب صدقني راح تتعب معها كثير ومع تقلب عواطفها ومشاعرها ومع عدم نضجها وتحملها للمسولية
5- خطيبتك مناسبةة لك حتى مع مرور الزمن , يعني الرجل اللي ياخذ اصغر منه بكثير مثلاً 10 او 9 سنوات يتورط فيها اذا كبر , بيكون هو بدأ يدحدر وخفت فحولته وانت تعرف رجال هالوقت ماعادهم زي اول الحين الواحد من يوم يدخل الثلاثين تضرب فيوزاته , فالافضل الواحد ياخذ وحده بعمره عشان مايحرج معاها بعدين , لانه في الوقت اللي بيكون هو بدأ في التدهور من هالنايحة بتكون البنت في عز شبابها وانوثتها وتطلب الشيء الكثير , وهنا الخوف , تبدأ تطلع المشاكل والمقارنات وممكن توصل للخيانات اعوذ بالله في بعض الحالات والنت عندك مليان قصص امش اوقراء

الزبدة وانا اختك اختيارك سليم 100% وموفق ان شاء الله
ولا تهتم لكلام اصدقائك اللي كل واحد فيهم يهايط ع الثاني وهو متورط باللي عنده هههه
لا تشيل هم والله ييسر لك

رد : عقدت القران على فتاة بنفس عمري تماما واحس اني متندم

اقتباس:

المشاركة الأصلية كتبت بواسطة هذه سبيلي (المشاركة 2935294)

مشكورين يااخوان لو تصدقون ان ردودكم هذه غيرت الكثير من تفكيري
واصبحت لا افكر في مثل هذه الأفكار
اقتنعت بزوجتي ولن افرط فيها

الحمد لله الذي بنعمه تتم الصالحات
يغلق