|
رد : وصلنا إلى الطلاق !!!!؟
الله يعينك وييسر امرك
بس نصيحه لا تخطب حتى تنهي وضعك مع زوجتك بالطلاق وتنتهي من كل شئ اما اذا ما زالات على ذمتك فتريث قليلا ولا ترجع لها حتى تتأكد انه رأيها هي وليس رأي اهلها وانها تريدك انا اشوف ان اهلها شارينك بس لازم تتأكد من مشاعرها هي والا الله يكتب لكل منكم الخير ثم بعد ان تنتهي من امر الطلاق تمام اقدم على الخطبه والزواج ولا تخطب وهي ما زالات على ذمتك |
رد : وصلنا إلى الطلاق(المستجدات بالرد 16) !!!!؟
لا تستعجل بخطبة أخرى وأنت لسى ما أنهيت موضوع الخطبة الأولى لأسباب كثيرة وأهمها أنك ما تحسس خطيبتك الأولى وأهلها أنك تركتها عشان كنت ناوي على وحدة ثانية من البداية وكمان إذا أنهيت موضوع الخطبة الأولى خذ وقتك بالبحث عن الفتاة المناسبة لك وأتأكد من مشاعرك وأستعدادك بالإرتباط بواحدة أخرى عشان لا تظلم الأولى أو الثانية ..فلا تخلط أوراقك بعضها ببعض والله يكون بعونك ويرزقك الزوجة الصالحة إلي تسعدك وتسعدها |
رد : وصلنا إلى الطلاق(المستجدات بالرد 16) !!!!؟
حبيبي اللي قالت لك اياه البنت دلع بنات ...
صدقني كل البنات يسووون كذا ... مسوين ثقل ... اذا الرجال صرح بمشاعر الحب خلاص يخلونه منكشف قدامهم و يلعبون بمشاعره .... انصحك لاتكلم خطيبتك حتي لو اهلها كلموك لا تكلمها الا اذا هي دقت عليك و خلك ثقيل و بين لها انك تغيرت ... لاتسألها تبيني او لا ... اذا شفت انها مصرة و رجعت تتكلم بنفس الموضوع حق الطلاق .. قل لها هذا شئ راجع لك .. قرري و تأكدي من قرارك ثم كلميني مرة ثانية ... اذا قالت لك بنفس المكالمة ابغي الطلاق فالبنت فعلا تبي تتطلق .. اذا ما قالت شئ فاعرف انها خايفة من الطلاق و تتدلع عليك ... نصيحة لوجه الله اذا تزوجت بنت ثانية .. خل مكالماتك معاها بسيطة .. مرة كل اسبوعين مثلا و لاتصرح بمشاعرك ابدا ... و الا راح ترجع لنفس مشكلتك ... والله يوفقك |
رد : وصلنا إلى الطلاق(المستجدات بالرد 16) !!!!؟
اعتقد من حقك تسترجع كل الهدايا والمهر مادام ماخلت عليها ولا انا غلطاااااااااااااان
|
رد : وصلنا إلى الطلاق(المستجدات بالرد 16) !!!!؟
معليش تصرفها قلة ادب واهلها جاروها لو انا مكانك على طول طلاق
|
رد : وصلنا إلى الطلاق(المستجدات بالرد 16) !!!!؟
ايه اذا هي طلبت الطلاق فمن حقه المهر كامل ... بس انتبه لاتطفشك هي عشان تطلق .... خلك بارد ... اذا قالت ابي الطلاق قل لها اطلبيه بنفسك ... قل لها بكيفك حبيبتي اللي تبينه انا حاضر و خلك مودب جدا مهما استفزتك ...
|
رد : وصلنا إلى الطلاق(المستجدات بالرد 16) !!!!؟
كل عام والجميع بألف صحة وعافية ..
تأخرت عليكم بأخباري .. البنت يوم قلت بأطلقها وفي نفس الوقت يوم سمعت إني خطبت .. إعتدلت 180 درجه .. اتصلت علي وقالت تكفى تعال زورني قبل تطلقني أبييك ضرووري .. المهم زرتها إلا وتعتذر مني تقوول والله العظيم أحبك و لا أبي إلا أنت لكن الشيطان لعب علينا و الله كلامي إليي قلته لك قبل مو من قلبي بس كان وقت غضب ولا عاد يتكرر وأنا كنت جاهله في أمور الزوااج .. ووو إلخ ... كلام كثيير ويوم صرت بخرج من البيت هي جت وضمتني ضمه قويه ..وباستني .. وطلبتني أحدد موعد زواجي .. وش رايكم يابنات ويا رجال ؟؟؟ في السالفه ؟؟ * معلومه اللي خطبتها الثانيه ما حصل نصيب معاها .. |
رد : وصلنا إلى الطلاق(المستجدات بالرد 16) !!!!؟
اقتباس:
احساس ولهان ... مبروك وانا اخوك .. شفت قايل لك دلع بنات او تلاقي بعض البنات الله يهديهم يحبون يخربون البيوت ,,, تلاقي وحده قالت لها زوجك هذا فيه وفيه وفيه و هي اصلا ما تعرفك .. انت الان نصيحة خلك ثقيل ولاترد الامور مثل اول علي طول ،، خلك ثقيل عشان هي تحس بان اللي سوته شئ صعب و ما يتسوي ،، والا لو رديت تضحك معاها علي طول راح تستهل اي خطأ عليك في المستقبل ... الان فرصتك تضع ضوابط لعلاقتكم وتأسس من جديد للعلاقة علي اساس الاحترام اولا و الحب و الرحمة والطاعة ثانيا ... ونصيحة لاتسمح للاخطأ اللي بينكم انها تتكرر .. قايل لك هي شكلها قالت هالكلام بدون ما تحسب له حساب لكن يوم شافت فداحة الوضع وكيف انك رحت تشوف غيرها و اهلها وعوها بالغلط اللي هي سووته رجعت تعتذر ولابأس بهالشئ لكن الاهم ان تتعلم هي منه ... والله يوفقكم و يهديكم لبعض .. نواف |
رد : وصلنا إلى الطلاق(المستجدات بالرد 16) !!!!؟
...
طيب ..احنا قلنا لا تخطب ...اللحين اذا رجعت لخطيبتك الكل بيصدق كلام اهل البنت انكم سمن ع عسل ... المهم اللحين ... كيف شعورك ؟؟ تحبها؟؟ هذا هو الفاصل في الموضوع ... والله يوفقك... |
رد : وصلنا إلى الطلاق(المستجدات بالرد 16) !!!!؟
الحمدلله يا اخوي...
الحين انت محتاج وقفه جاده معها.. دام ما صار نصيب مع اللي خطبتها و ما زالت زوجتك على ذمتك و عاقد عليها... إذا تضع النقاط على الحروف معها... كل شي مقصره معاه فيك تناقشها فيه... و تتكلم بكل جديه و في نفس الوقت عطف بسيط... و الله يوفقكم مع بعض... تحديد موعد الزواج انصحك ما تحدد الحين معها.. و قول لها يصير خير و ان شاء الله أشوف الوقت المناسب لنا احنا الإثنين... خلها فترة غموض و ترقب لها... هي محتاجة قرصة إذن على حركاتها اللي طافت... الحين انتظر المبادرات منها و لا تصدها ابدا... خلها تنشغل فيك شوي... اسأل الله لكما التوفيق.. |
| الساعة الآن 02:06 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©