|
رد : اهلي يضغطون علي ويبون قرار الموافقه او الرفض باجر ( مستجدات الرد 9 )
آمممم .. شفت على برنامج ان الفصام يورث
ممكن معلومه خطآ .. |
رد : اهلي يضغطون علي ويبون قرار الموافقه او الرفض باجر ( مستجدات الرد 9 )
سويت بحث على جوجل .. المرض ما يورث لك الاستعداد للاصابه به هي التي تورث
الوضع مو آمن |
رد : اهلي يضغطون علي ويبون قرار الموافقه او الرفض باجر ( مستجدات الرد 9 )
يانس افهمو ا فيه امراض نفسيه وامراض عقليه الفصام مرض عقلي الفصام اخطر من الامراض النفسيه اللي تتكلمون عنها وهي تقول عند ه فصام خفيف ياحبيبتي انت وش لك بهذا الهم انت صغيره فكري وضحي لاهلك طبيعة مرضه اسالي. وش فيه بالضبط اذا كان فصام انصحك لا توافقين عليه الله ينور دربك
|
رد : اهلي يضغطون علي ويبون قرار الموافقه او الرفض باجر ( مستجدات الرد 9 )
السلام عليكم ورحمة الله وبركاته
شكرا لجميع اخواني واخواتي اللي تفاعلوا مع موضوعي وعطوني نصايحهم اخوي الحصان وحيدا جزاك الله خير على افادت بموضوع انواع الحالات النفسيه وعلاجها .. سرت كلمت ابوي عن الموضوع مره ثانيه قال الولد مافيه حاله نفسيه الولد فيه انفصام ... قرات عن الانفصام والصراحه شفته شي كبير (اشياء كثيره ذكروها عن الولد تطابق المصابين بالانفصام) وانا مااقدر اعيش مع شخص بهذا المرض ... كلمت ابوي قلت له ماقدر اتزوجه وعطه الرد لانا مانبى نتاخر على الناس بردنا قال ليش مستعجله خلنا نسئل اذا بعده يشرب حبوب ولا .... بس في حالات الانفصام عادي يرجع له المرض ( انتكاس) بس اهلي مب داخل في راسهم هذا الموضوع ( كل شي مقدر ومكتوب عادي جدا تتزوجين واحد طبيعي ويستوي له حادث وييله اعاقه) ... ابوي حليله بعده يسئل عن الولد ومادرا اني برفضه بس انا اباهم يقتنعون بانفسهم .. دعواتكم ينتهي الموضوع بدون زعل امي وابوي :23: |
رد : اهلي يضغطون علي ويبون قرار الموافقه او الرفض باجر ( مستجدات الرد 9 )
شوفي حبيبتي انت اللي بتعيشن معه يعني اهلك لازم يعرفون طبيعة مرضه واذا كان رفضك بيزعلهم شوي وبيرضون بس
اقنعيهم باسلوب علمي وخليهم يقرون عن طبيعة مرضه وانت توك صغيره الله يكتب لك الخير * |
رد : اهلي يضغطون علي ويبون قرار الموافقه او الرفض باجر ( مستجدات الرد 9 )
شكرا اختي ليالي الماضي
انا حاولت مع اهلي ... قلت بكلم اخوي الكبير لانه اهلي يسمعون كلامه بشكل كبير .. قلت لحرمة اخوي تكلمه عن الموضوع اني معتمده عليه بشكل كبير مب لازم يقول لهم ارفضوه او وافقوا عليه بس يقول شو رايه بالموضوع عشان اذا انا رفضته مايزعلون او يلموني في المستقبل بس تفاجأت من ردت فعله قال انا مالي شغل اهلي يبون الولد واذا قلت اي شي وتم قرارهم على اساسه يمكن في المستقبل يلموني بس خبري اختي انا معاها في حالة رفضت او وافقت بس الحين لا .. فاليوم بعد صلاة المغرب توكل على الله وكلمت امي قلت لها قولي لابوي ارفضه قالت على كيفج بس عقب لا تقولين يماه ماتزوجت ومن ها الكلام قلت لها الولد مريض وانا قريت في الانترنت عن المرض احتمال في انتكاسات وانا مارفضته بدون سبب قالت اخوج (مب اكبر واحد وهذا مايعرف بموضوع مرض الولد لان ابوي طلب مني مااخبر حد ) اليوم كلمني وقال شاف الولد وسلم عليه وكان يمدحهه ويقول شكله ريال محترم قلت لها اخوي مايعرف بموضوع مرضه والولد يشرب حبوب يعني اكيد مابيظهر على تصرفاته واذا يعرف بموضوع المرض ماعتقد بيوقف بصفكم قالت الا يدري بس اناا مالي راي في هذا البيت واصلا رايي مابعطيه للعصاه قلت لها انا عاصيه قالت ايوا :( ... رديت وكلمت ابوي قلت له ارفضه ولا تتاخر على الناس, حليلة انصدم تم يقول شو قلتي عقب قال يابنتي استني شوي خليني اسئل قلت له ليش تسأل وانا قرات عن المرض والمرض مب هين عادي يقولون الولد خلاص مايشرب حبوب ويرد له خاصه وهو يدخن والتبغ يزيد من المرض قال من وين يبتي هذا المعلومات قلت له من النت قال النت كله كذب في كذب ولا تسمعين لاي حد ... خليني اسئل عقب يستوي خير :( انا تعبت من الموضوع امي تعتبرني عاصيه لاني برفض الريال وابوي بعده يحاول وانا اوردي عطيته ردي الحين كيف اقنعهم برفضي بدون زعل ؟ |
رد : اهلي يضغطون علي ويبون قرار الموافقه او الرفض باجر ( مستجدات الرد 9 )
اقتباس:
وأنا الحين برد عليكي بمثابة أختي إلي هي بنفس حالتك :) بغض النظر عن رأيك بالمتقدم لك لأني ما أقدر أساعدك بقرارك.. بس نصيحتي لك لا تخلي خوفك من تقدمك بالعمر يخليك تتخذي قرار مستعجل أو خاطئ ويكون هروبك من هاجس العنوسة "أكره هذا اللقب والمسمى" يكون سبب في أنك تدخلي في حياة كلها عناء وشقاء بسبب عدم إتخاذك لقرارك من منطلق العقلانية.. لازم ترفعي ثقتك بنفسك وتحاولي تهتمي بنفسك وتعيشي حياتك بالطول والعرض "بما حلله الله" ولا تتصوري أن أي إمرأة متزوجة سعيدة وأن الزواج هو السعادة .. والأهم من هذا كله أنك ما ترفعي معايير ومواصفات الزوج لسقف عالي (يكون وسيم وجسمه حلو وطويل وغني وطيب وحنون وإلخ) لأن هذا الزوج غير موجود أبداً وإذا بتنتظريه راح يطول إنتظارك.. وأهلك أنا حاس فيهم ومقدر شعورهم وكل ضغطهم عليك عشان يفرحوا بعيالك ويتطمنوا عليكي... فلا تلوميهم أو تزعلي منهم وأنتي حاولي تكوني سعيدة وإذا هم شافوا السعادة بعينك ما راح يضغطوا عليكِ بالمستقبل. الله يرزقك الزوج الصالح والذرية الصالحة.. والله يسعدك دنيا وآخرة |
رد : اهلي يضغطون علي ويبون قرار الموافقه او الرفض باجر ( مستجدات الرد 9 )
مافيه زواج بالقوه اذا اصريتي مارح يغصبونك والشرع يلزم موافقتك واذا على ابوك بيزعل شوي وبيرضى خلا ص يعني مافيه الاذالرجال انت توك صغيره يعني ليش احكموا انك مارح تتزوجين اذا رفضتيه فهمي ابوك بهدوء وقنعيه وكثر الدق يفك اللحام والله ان قلبي معك تدرين ليش اعرف وحده زوجها مصاب بنفس المرض بس ماجاه الا بعد ماتزوجته بسنين الان في مصحه مايطلع منه الا فتره بسيطه ويرجع مره ثانيه الله يشرح صدرك وينور دربك
|
رد : اهلي يضغطون علي ويبون قرار الموافقه او الرفض باجر ( مستجدات الرد 9 )
اقتباس:
أختي ..في نظري للفتاه حق في أخذ وقت كافي لها للرد على الخاطب .. في حدود الشهرين على الأقل .. حتى تكون صوره معرفيه عن الخاطب وتبني قرارها على اساس معرفي .. ما يشاع حول خاطبك يحتاج منكِ وقت كافي للرد عليه .. وإن كان أهلك وبالذات والدتك حفظها الله يستعجلوكِ في هذا الأمر .. فوضحي لهم إن لم يعطوكِ وقتا كافي فسيكون ردك الرفض ,, وانظر ما هو رده فعلهم .. لعل الله يهديهم للصواب في أمركِ .. وفقكِ الله لما يحبه ويرضاه ورزقكِ بمن يرضاه لكِ.. موفقه إن شاء الله |
رد : اهلي يضغطون علي ويبون قرار الموافقه او الرفض باجر ( مستجدات الرد 9 )
يمنع فتح موضوعين بنفس الحتوى
يغلق |
| الساعة الآن 12:17 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©